Резьбали бирикмаларга тегишли допусклар ва уларни контроль қилиш - Материаловедение - Рефераты

Резьбали бирикмаларга тегишли допусклар ва уларни контроль қилиш

Загружено в:

20.09.2019

Скачано:

0

Размер:

668.5 KB

Резьбали бирикмаларга тегишли допусклар ва уларни контроль қилиш Режа: 1. Цилиндрик маҳкамлаш резьбасига тегишли допусклар. 2. Резьбали калибрлар билан контроль қилиш. 3. Резбени айрим параметрларини контроль қилиш воситалари.

Машинасозликда турли : цилиндрик, конус, трапециясимон ва б. хил резьбали бирикмалар қўлланилади. Бу резьбалар қатор умумий белгиларга эга, лекин резьбаси энг кўп тарқалгани учбурчак шаклидаги профилга эга бўлган цилиндрик резьбали маҳкамлаш бирикмаларидир; шунинг учун допусклар контроль қилиш методлари ва воситалари ҳам шуларга боғлаб кўриб чиқилади. Цилиндрик резьбанинг профили (15-расм, а)тенг томонли учбурчакдан иборат бўлиб, учидаги бурчак  қ60 о. Резьбанинг ташқи резьба (болт) ва ички резьба (гайка) учун умумий бўлган асосий параметрлари: ташқи диаметр d , ичик диаметр d 1 , ўрта диаметр d 2 , резьба қадами S , профил бурчаги  , резьба ўрамининг (учбурчакнинг) томони ва резьбанинг ўқига ўтказилган перпендикуляр орасидаги бурчак 2  , ўрамнинг назарий баландлиги Н, резьба ўрамининг иш баландлиги h . Ўртача диаметр дейилганда резьба билан ўқдош шундай (фаразий) цилиндрнинг диаметри тушуниладики, бу цилиндр 15-расм, а да ўрамнинг а- б ҳарфлар билан чегараланган, йўғонлиги б-в ҳарфлар билан чегараланган чуқурнинг кенглигига тенг қилиб бўлади. Резьба қадами ёнма-ён иккита 15-расм. Конус калибрлари: а-втулкалар, б-пробкалар, в-скобалар ўрамнинг параллел томонлари орасидаги масофа бўлиб, резьбанинг ўқига параллелдир. Умумий аҳамиятга эга бўлган резьбалар учун 4 та аниқлик класси назарда тутилган (1, 2, 2а ва 3), буларни танлашда резьбанинг вазифаси, яъни иш шароити ва тайёрлаш технологияси ҳисобга олинади. Резьбаларни белгилаш. Йирик қадамли метрик резьба М ҳарфи билан белгиланади, шу билан бирга ташқи диаметрининг катталиги ва аниқлик

класси ҳам кўрсатилади, масалан, М64 класс 2 каби. Майда қадамли резьбаларни белгилашда қадамни ҳам қўшимча равишда кўрсатиш қабул қилинган. Масалан, М64Х2 кл. 2а. Резьбали калибрлар билан контроль қилиш. Резьбали деталларнинг ўзаро алмашинувчанлигини контроль қилишнинг комплекс методлари-резьбали калибрлар билан контроль қилиш орқали амалга оширилади. Гайкаларни текширадиган резьбали пробкалар ва болтларни текширадиган резьбали ҳалқалар туташтирувчи деталларнинг прототипларидир. Булар бўйича қабул қилинган резьбали деталлар ўзаро алмашинувчанликни тўла таъминлайди. Резьбали калибрларнинг турлари ва уларни тайёрлаш допусклари ГОСЬ 1623-61 (диаметри 1 дан 600 мм гача бўлган гайкалар учун) ва ГОСТ 3199-60 (диаметри 1 мм дан кичик бўлган резьбалар учун) да берилган. Гайкаларни (ички резьбаларни) текшириш учун ишчи калибрлар. Гайкаларни контроль қилиш учун резьбали пробкалар ишчи калибрлар ҳисобланади. Бу пробкалар икки хил: ўтувчи ПР ва ўтмайдиган НЕ бўлади. (16-расм, а). ПР пробкасининг гайкага буралиш кириши ўрта диаметрининг белгиланган энг кичик чегаравий ўлчамдан ортиб кетмаганлигини билдиради. Гайка қадами ва резьба профиль бурчагида йўл қўйилган хатоликлар ўрта диаметрини тегишлича орттириш билан йўқотилган, гайкани ташқи диаметри болтнинг ташқи диаметридан кичик эмас. 16-расм. Цилиндр резьба. а-болт ва гайка учун умумий бўлган резьбанинг профили,

б-резьба допусклари майдонларининг жойлашиш схемаси. Контроль натижаларига қадам ва профил бурчаклари хатоси таъсирини камайтириш учун ўтмайдиган калибрлар кам сонда тўла ўрамларга (2 1  2 -3) эга бўлади. (16-расм, а). Ўтмайдиган пробка резьбасининг бундай профили ўрта диаметрини текширишга мослаштирилган бўлиб, қисқартирилган пробка деб аталади. НЕ пробкаси одатда гайкага буралиб кирмаслиги керак, аммо резьба узунлиги нормаль бўлганда деталнинг иккала торецлари бўйича икки марта айлантиришга ёки икки томон бўйича буралишлар йиғиндиси 2 мартага етгунча йўл қўйилади. Гайка калибрлари учун резьбаларнинг барча параметрлари ( d , d 1 , d 2 , S ва   2 ) бўйича допусклар аниқланган. Пробка калибрлари резьбаларнинг турли параметрлари бўйича универсал ўлчаш воситалари билан текширилади. Болтлар (ташқи резьбалар) учун ишчи ва контроль калибрлар. Резьбали ўтувчи ва ўтмайдиган ҳалқалар ҳамда резьба скобалари (18- расм, б, в) болтлар учун ишчи калибрлар бўлади. Ишчи калибрларнинг ўзини текшириш учун 6 хил резьбали пробкалар бор, улар қуйидагича белгиланади: К-ПР, К-НЕ, У-ПР, У-НЕ, К-И ва КИ-НЕ, К-ПР ва К-НЕ пробкалар билан ўтадиган ва ўтмайдиган резьба ҳалқалр текширилади, К-ПР пробка резьбаси тўла профилли эмас. Бу контркалибрлар улар билан текширилаётган ҳалқаларга қисман буралиб киради ва ҳар қандай ҳолда ҳам пробкаларнинг резьбалар улар билан текширилаётган ҳалқаларнниг қарши томонидан буралиб чиқмаслиги керак. У-ПР ва У-НЕ пробкалар бўйича резьбали скобалар резьбанинг берилган ўлчамига ўрнатилади, бу пробкалар резьбаларнинг тўла профилига эга. КИ-НЕ пробкаси билан ўтмайдиган ҳалқаларнинг ва скобаларнинг тўла ейилганлиги аниқланади. Бу пробка тўла резьба профилига эга. Резьбаларни контроль қилишни механизациялаш ва автоматлаштириш. Резьбали деталлар гайка, болт, шпилька ва бошқалар

шаклида, одатда, кўплаб тайёрланади, ша сабабли резьбаларнинг сифатини калибрлар ёрдамида дастлабки контроль қилиш усули катта меҳнат қиладиган ва зерикарли ишдир. Заводларда гайка, болт, шпилька ва винтларни текшириш ишини тезлаштириш учун резьбали калибрларнинг механик равишда айланишларини таъминловчи мосламалар-гайка пробкалари ёки болт ҳалқалари ишлатилади. Бу ҳолда текширилаётган деталлар (гайкалар, болтлар ва б.) қўл билан айланаётган калибрларга яқин келтирилади. 17-расм. Ишчи резьбали калибрлар: а-пробкалар, б-ҳалқалар, в-скобалар Болт ва винтларнинг ташқи резьбаларини контроль қилувчи автомат схемаси 17-расмда кўрсатилган. Резьбали деталлар 1 тирқиш типидаги бункердан ўлчаш позициясига доналаб узатилади ва улар 2 ва 3 планкалар орасида думалатилади, бу планкаларга резьба профиллари берилган. Контроль қилинаётган деталнинг ўрта диаметри ўлчамига қараб планка 2 вертикал йўналишда, планка 3 эса горизонтал йўналишда ҳаракатланади. Планка 3 иккинчи учи билан датчик 4 нинг ўлчаш учи билан контактда туради. Деталларни контроль қилиш олдидан планка 3 ҳолатини ҳамда дҳатчикни созлашлар иккита намуна детали ўлчамларнинг чегара қийматига эга бўлади. Агар текширилаётган деталнинг ўлчами белгиланган ўлчамлардан четлашган бўлса, у ҳолда планка 3 электроконтакт қилувчи датчик 4 га таъсир қилади, бу датчик электрон релега импульс беради, натижада деталь брак яшигига отилиб тушади. Автоматнинг иш унуми

соатига 1500 деталга тенг. Автоматлар яроқли деталларни ҳисобга олувчи автомат счётчиклар билан таъминланган.

Резьбанинг айрим параметрларини контроль қилиш воситалари.

Ташқи резьбани контроль қилиш. Резьбанинг айрим параметрларини ўлччашда резьбаларни махсус ўрта диаметрини ўлчайдиган вставкалари бўлган резьба микрометрлари ишлатилади, бу приставкаларнинг ўлчаш чегаралари 0-25 мм, 25-50 мм ва х.к 25 мм дан ортиб бораверади (350 мм гача); резьбанинг ўрта диаметрини билвосита ўлчаш учун симлар ва роликлар ишлатилади, диаметри 10-30 мм бўлган ташқи резьбаларни контроль қилиш учун саноқ қурилмали резьбали скобалар ишлатилади; қадами 0,4 дан 6 мм гача бўлган резьбаларни контроль қилиш учун одимўлчагичлар ва индикатор асбоблар ишлатилади. Ташқи резьба диаметрини, қадамини ва профиль бурчагини ярмини олиш учун инструментал микроскоплар ишлатилади. Бу микроскоплар уч хил типда: кичик моделли ИТ, мукаммаллаштирилган кичик моделли ММИ ва проекўион ва фотомосламалар билан жиҳозланган катта моделли БМИ ишлаб чиқарилади. Ички резьбани контроль қилиш. Слепка усули ички резьбанинг диаметри, қадами ва профиль бурчаги ярмини ўлчашнинг лаборатория усулидир. Ички резьбада айланасининг 3 1 секторича осон эрийдиган қотишмага резьба профилининг изи олинади ва шундан кейин резьба ва шундан кейин резьба параметрлари микроскопда ўлчанади. Аммо бу усул жуда кўп меҳнат талаб қиладиган мураккаб ва етарлича аниқ бўлмаган усулдир. Қадами 0,25 дан 2мм гача, ўрта диаметри 18 дан 98 мм гача бўлган резьба параметрларини ўлчаш учун махсус резьбали микроскоп ИЗК0-59 ишлатилади, бу микроскоп универсал микроскопларга мослама сифатида тайёрланади. Ўлчамдаги хатоликлар қадам бўйича  0,002 мм дан, профиль бурчаги ярми бўйича  10’дан, ўрта диаметр бўйича  0,003 мм дан ошмайди.

Адабиётлар . 1. Журавлев А.Н «Допусклар ва техник ўлчашлар» Т.»Ўқитувчи», 1971й. 2. Березин Б.П ва б. «Допуск ва техник ўлчашларга доир масалалар тўплами» Т. «Ўқитувчи», 1970 й. 3. Серўй И.С. «Взаимозаменяемость, стандартизация и технические измерение» М, 1981 г. 4. Якучев А.И. «Взаимозаменяемость, стандартизация и технические измерение» М, 1974 г.

Похожие

Резьбали бирикмалар қўйим ва қўнимлари

Шпонкали ва шлицали бирикмаларга қуйим ва қўнимлари тизими

Қуйим ва қўнимлар тизимини тузишнинг ягона принципи

Қуйимларни танлаш

Силлиқ цилиндрсимон туташмаларнинг қўйим ва қўнимлар тизими