Жисмоний тарбия машғулотларини мультимедиа воситалари орқали ташкил этиш (2-амалий машғулот) - Дошкольное и начальное образование - Рефераты

Жисмоний тарбия машғулотларини мультимедиа воситалари орқали ташкил этиш (2-амалий машғулот)

Загружено в:

20.09.2019

Скачано:

0

Размер:

397.7412109375 KB

Жисмоний тарбия машғулотларини мультимедиа воситалари орқали ташкил этиш (2-амалий машғулот) Мактабгача таълим муассасаларида мультимедиа технологиясининг татбиқ этиш соҳаларидан асосийси таълимдир: яъни видеоэнциклопедия, интерфаол йўналтиргич, тренажерлар, интеллектуал ўйинлар, компьютер ўқитиш тизими ва масофавий таълим йўналишларидир. Мультимедиа тизимини нафақат олий ва ўрта таълим тизимида, бундан ташқари малакали мутахассислар тайёрлаш марказларида, мактабгача таълим муассасаларида ҳам қўллаш мумкин. Мультимедиа – (мульти – кўп, медиа – муҳит) бу замонавий техник ва дастурий воситалардан фойдаланиб, интерфаол дастурий таъминот остида бошқариладиган видео ва аудио эффектларнинг ўзаро боғлиқлиги бўлиб, матн, товуш, графика, фото, видеони бирлаштиради. Бунда маълумот турли ахборот ташувчиларида мавжуд бўлиши мумкин (магнит ва оптик дисклар, аудио ва видео тасмалар). Мультимедианинг аппарат – дастурий воситалари фойдаланувчи ўз иш фаолиятида ахборотнинг матн ва график шаклидан ташқари яна фойдали аудио ва видео файллар шаклларидан фойдаланиш ҳамда ўзларининг анимацияли ролик ва фильмларини яратишлари мумкин. Мультимедиа воситалари – бу фойдаланувчи товуш, видео, графика, матн, анимация ёрдамида мулоқотда бўладиган аппарат ва дастурий воситаларнинг йиғиндиси. График ва товуш редакторлари, картографик ахборот ва матнларга ишлов бера оладиган шахсий амалий дастурлар билан ишлаш мумкин. Масалан, оддий Word редакторида тайёрланган файлни график файлга айлантириш, бир форматдаги график файлларни бошқа форматдаги график файлларга айлантириш, бир неча мультимедиа иловаларини ягона мультимедиа иловаларига жамлаш, мультимедиа иловаларини ўлчамини, ҳажмини, сифатини ва тузилишини мультимедиа дастурлари орқали амалга

ошириш мумкин. Бундай дастурларга Adobe PageMaker, Adobe Photoshop, Adobe Flash, 3D Max каби дастурлар киради. Мактабгача таълим муассасаларида ташкил этиладиган эрталабки бадантарбия машғулотларида чиниқтириш ишларини ёш хусусиятларини инобатга олган, товуш, видеони қўллаган ҳолда амалга оширилса болаларда доимий кўникмалар ҳосил бўлади. Мактабгача таълим муассасаларида ёзги мавсумда эрталабки бадантарбия машғулотларини очиқ ҳавода болаларни ёш хусусиятлари яқин бўлган гуруҳларни жамлаган ҳолда ташкил этилади. Мультимедиа воситаларидан фойдаланиш жараёнида тарбиячи болаларга машқларни ойна тарзида (қарама-қарши) кўрсатган ҳолда бажаради. Бу эса болаларнинг жисмоний тарбия йўриқчиси билан биргаликда жисмоний машқларни бажариши, машқларни тўғри бажаришга қийналаётган

болаларга амалий ёрдам бериш имконини беради. Шу билан бирга, мактабгача таълим муассасаларини замонавий техник воситалар билан таъминланиши тарбиячиларга таълим жараёнида қулайлик яратибгина қолмай, балки болаларни билим олишга бўлган қизиқишларини ҳам оширади. Мактабгача таълим муассасаларида ахборот технологияларидан фойдаланиш турли кўринишда ташкил этилади. Масалан, бажарилиши лозим бўлган ҳаракатлар видеопроектор орқали экранда болаларга намойиш этилади. Кичик гуруҳларда болалар умумривожлантирувчи машқларни тарбиячининг ҳаракатларини кузатган ҳолда қуйидагича бажарадилар: - турган жойида оддий юриш; - тиззаларини баландга кўтариб юриш; - қўлларини юқорига кўтариган ҳолда оёқ учида юриш; - турган жойида қўлларини белга қўйган ҳолда тавонда юриш; - турган жойида қўлларини белига қўйган ҳолда сакраш; - турган жойида қўлларини юқорига кўтариб қарсак чалиб сакраш; - ўнг ва чап томонга қадам ташлаб ҳаракатланиш; - энгашиш, ўтириб туриш каби. Ўрта гуруҳ тарбияланувчилари учун берилган ҳаракат турлари мураккаблаштирилади. Экран орқали намойиш этиладиган мультимедиани кузатган ҳолда болалар қуйидаги ҳаракатларни бажаришади: - бошни айлантириш;

- қўлларни олдинга ва орқага айлантириш; - бел учун ҳаракатлар; - оёқ учун ҳаракатлар; - бир оёқда сакраш;

- икки оёқда турган жойида сакраш каби. Катта ва тайёрлов гуруҳларида мультфильм қаҳрамони ўрнига оддий бола сиймосида тана қиздирувчи машқлардан бошлаб қаторларга бўлиниш турлари, умумривожлантирувчи машқлар ҳамда асосий ҳаракат турларини бажариш жараёни мультимедиа иловалари орқали олиб борилиши мумкин. Масалан: чамбарак орасидан ўтиш, скамейкада қоматни тик тутиб юриш, сакраб қўнғироқчани чалиш, чопиш ва югуриб келиб узунликка сакраш амалга оширилса йўриқчи ва тарбиячи томонидан назорат қилиниб турилади. Мультимедиа тақдимотлари болаларнинг барчасига кўринадиган ва ҳаракатланишига тўсқинлик қилмаслиги лозим. Болалар экранда намойиш этилаётган ҳаракатларни қайтаришади, жисмоний тарбия йўриқчиси болалар томонидан бажарилаётган ҳаракатларнинг аниқлигини назорат қилиб боради.

Адабиётлар рўйхати: 1. Такомиллаштирилган “Болажон” таянч дастури. Т.: 2016. 2. “Мактабгача таълимга қўйиладиган давлат талаблари”. Т.: 2017 3. Нуриддинова М. М. «Мактабгача таълим муассасаларида жисмоний тарбия йўриқчилари учун меъёрий ҳужжатлар мажмуи». Т.: “Мухаррир”, 2013. 4. Р.Ж.Ишмухамедов, М.Юлдашев. Таълим ва тарбияда инновацион педагогик технологиялар. Т.: “Ниҳол” нашриёти, 2013 5. Абдуқодиров А.А., Ишмухамедов Р., Пардаев А. Таълимда инновацион технологиялар. Т.: Истеъдод, 2008.

Похожие

Мактабгача таълим муассасаларига жисмоний тарбия машғулотларини режалаштириш ва ташкил этиш методикаси (5-амалий машғулот)

Жисмоний тарбия машғулотларидаги асосий ҳаракат турлари (4-Амалий машғулот)

Болаларнинг кундалик ҳаётида жисмоний тарбия бўйича ишларни ташкил этиш

МТМда табиат билан таништиришнинг мазмуни (2-Амалий машғулот)

Болаларда хотиранинг ривожланиши (Амалий машғулот)