Курашда спорт захираларининг кўп йиллик тайёргарлиги - Физическая культура - Рефераты

Курашда спорт захираларининг кўп йиллик тайёргарлиги

Загружено в:

20.09.2019

Скачано:

0

Размер:

183 KB

Курашда спорт захираларининг кўп йиллик тайёргарлиги Режа: 1. Спорт яккакурашлари учун захира тайёрлашни бошкаришнинг уч поғонали тизимини кўллаш хусусиятлари 2. Кўп йиллик тренировка жараёнининг усулий коидалари 3. Ёш курашчилар тайёргарлигининг турли томонларини ташкил этиш ва режалаштириш 4. Курашчининг кўп йиллик техник-тактик ва жисмоний тайёргарлиги 5. Ёш мезонлари ва жисмоний кобилиятлар 6. Кўп йиллик тайёргарлик боскичлари ва тренировка жараёнининг йўналиши

Спорт яккакурашлари учун захира тайёрлашни бошкаришнинг уч поғонали тизимини кўллаш хусусиятлари Спортчилар тайёргарлигини бошкариш тизими самарадорлигини ошириш муаммоси тренировка воситалари ва услубларининг спорт тайёргарлиги кўп йиллик жараёнининг хамма боскичларида белгиланадиган максадларга тўлик мос келишини талаб этади. Ушбу муаммо мамалакатимизда хамда чет элларда ўтказиладиган илмий тадкикотларнинг диккат марказида туради. Уни хал этиш йўлларидан бири спортчи организми билан бирга спортдаги муваффакиятни белгилаб берувчи турли омилларни илмий моделлаштириш хисобланади. Бу холда кўп йиллик тренировкани спортчини янги шуғулланувчи даражасидан юкори малака даражасигача тайёрлашнинг умумий (яхлит) жараёни сифатида кўриб чикиш ва уни маълум бир конуниятларга бўйсунган оптимал йўллар билан амалга ошириш максадга мувофикдир. Ушбу фикрлардан кейин келиб чикиб, А.А. Новиков ва А.О. Акопян (1983) спорт яккакурашларида тайёргарликни бошкаришнинг иерархия хусусиятига эга бўлган тизимини ишлаб чикдилар. У деярли спортчи тайёргарлигининг хамма томонларини сон жихатдан тавсифлаб беради ва учта поғонани ўз ичига олади: биринчиси - мусобака фаолияти (ёки мусобака модели); иккинчиси - спортчи тайёргарлигининг асосий томонлари (ёки спорт махорати модели); учинчиси - спортчи организми тизими (ёки потенциал имкониятлар модели) Бундай иерархияда поғоналарнинг бир-бирига эргашиб боғланиши юкори малакали спортчиларни тайёрлаш учун шубха туғдирмайди. Ўспиринларни тайёрлашга эътиборни каратган холда олдинга куйилган вазифаларнинг хал этилиши кушимча тадкикотлар ўтказишни такозо этади.

Спорт яккакурашлари амалиёти шуни кўрсатдики, мусобакаларда муваффакиятга эришиш учун вактдан олдин йўналтириш натижаларнинг бесабаб оширилишига олиб келади ва спортчининг фаол катнашиш муддатини чеклаб кўяди. Педагогик кузатишлар хам шуни кўрсатадики, максимал натижага эришиш максадида тайёргарлиги тезлаштирилган курашчиларнинг кўпчилиги вактдан олдин ўз чегарасига етганлар, сўнгра эса спорт фаолиятини эрта тугатишга мажбур бўлганлар. М.Я. Набатникова (1982) спортчилар тайёргарлигиниг кўп йиллик жараёнида уч поғонали модел микёсларини таккослаб ва ўспиринларнинг ўзига хос тайёргарлигини эътиборга олиб, поғоналарни куйидги кетма- кетликда жойлаштиради: биринчи - потенциал спорт имкониятлари модели; иккинчи - махорат модели; учинчи - мусобака модели. Ушбу тушунчаларни кўриб чикамиз. Потенциал спорт имкониятлари модели спорт стажи, жисмоний ривожланганлик хусусияти, яъни ўспириннинг биологик ривожланганлигининг ёш даражаси, шунингдек спортчи организмининг функционал тайёргарлиги билан аникланади. Махорат модели учун асосий сифатларнинг ривожланганлик даражаси ва техник-тактик харакатларнинг эгалланганлик даражасини аниклайдиган (ўлчайдиган ёки бахолайдиган) кўрсаткичлар хосдир. Мусобака модели мусобака пайтидаги мусобакалашиш фаолияти хусусиятларини акс эттиради. Шундай килиб, агар спорт тайёргарлиги тизимида олдинга кўйилган максадлардан келиб чикилса, унда даражалар иерархиясида ўзгаришлар кай тарзда содир бўлишини кузатиш мумкин. Улар куйидагилардан иборат: агар спорт билан шуғулланиш олдидан (ўсмирлик чоғида) потенциал имкониятлар модели биринчи поғонада бўлса, юкори малакали спортчиларни тайёрлашда спорт фаолияти модели биринчи поғонада туради.

Табиийки, кўп йиллик тренировка жараёнининг маълум бир боскичида тайёргарлик дастурларида поғоналар ахамиятини кайта йўналтириш содир бўлади. Илмий-услубий адабиётлар тахлили, мусобака беллашувларини ва спорт тайёргарлиги буйича дастурларни кузатиш бизга тайёргарликни бошкаришда поғоналар ахамияти динамикасининг моделини ишлаб чикиш хамда амалда асослаб беришга ёрдам берди (7-расм). Моделлар даражалари: I - мусобака фаолитяи; II - махорат модели; III - потенциал имкониятлар модели. Кўриниб турибдики, эрта ёшда тренировка жараёни спортчи организмини ривожлантиришга каратилиши лозим, шунинг учун тайёргарлик дастурларида жисмоний ривожланганлик хусусиятини аниклайдиган потенциал имкониятлар модели асосий бўлиши зарур. 13-16 ёшда асосий сифатларнинг жадал ривожланиш ва базавий техниканинг юзага келиши содир бўлади. Шунинг учун спортчи тайёргарлигида спорт курашида ўргатиш учун техник-тактик харакатлар, мураккаб хужум харакатлари, тактик тайёргарликнинг турли усуллари, комбинацияли боғланишларга асосий эътиборни каратиш зарур. Бу ёшидаги спортчилар техник-тактик тайёргарлигида келгусида кўпрок ривожлантириш учун алохида хусусиятларни аниклаш лозим. Ушбу даврнинг якунловчи боскичида спортчиларни ўйинчи, кучли ва суръатли спортчи каби тоифаларга ажартиш мумкин. 16 ёшдан бошлаб мусобака моделининг ахамияти ортиб боради, у 18-19 ёш даврида узининг максимал ахамиятига етади. Бунда спортчининг мусобака фаолияти биринчи ўринга чикарилади. Кўп йиллик тренировка жараёнида мусобака фаолиятини шартли равишда тўртта боскичга бўлиш максадга мувофикдир:

10-12 ёш - дастлабки тайёргарлик 13-14 ёш - бошланғич спорт ихтисослашуви 15-17 ёш - танланган спорт турида чукурлаштирилган тренировка 18 ва катта ёш - спорт такомиллашуви. Тренировка боскичларининг давомийлиги шуғулланувчиларнинг ўзига хос хусусиятларига боғлик, шунинг учун боскичлар ўртасида чегара йўк. Уч поғонали тизимдаги моделлар динамикаси хусусияти-ни аниклашда, бизнингча, кайси боскичда тренировка восита-ларидан максадли фойдаланиш учун тегишли тайёргарлик даражасига алохида эътибор каратиш лозимлигини белгилаб олиш жуда мухимдир. Бошкача килиб айтганда, тренировка жараёнини окилона тузиш тренировка максадлари, восита хамда услубларини бирлаштиришдан иборат. Ушбу моделни спортчи тайёргарлигининг диагностик тахлилидан сўнг тренировка жараёнини дастурлашда хам кўллаш мумкин. Бунда тайёргарлик дастурларида мазкур боскичда поғоналар иерархиясининг хусусияти аникловчи максад бўлиб хизмат килади. Кўп йиллик тренировка жараёнининг усулий коидалари Деярли хамма спорт турларида юкори спорт натижалари, одатда, тайёргарлик сифатини ошириш, тренировка усулиятини кейинчалик такомиллаштириш, фан ва техниканинг янги ютукларини амалиётга татбик этиш билан боғлик. Ёш спортчиларнинг кўп йиллик мунтазам тайёргарлиги киши ривожланишининг ёш хусусиятлари, унинг тайёргарлик даражаси, танланган спорт турининг ўзига хос хусусиятларини катъий хисобга олган холдагина муваффакиятли амалга оширилиши мумкин. Кўп йиллик ўкув-тренировка жараёнини тўғри ташкил этиш учун оптимал ёш чегарларига (шу ёш чегараларида спортчилар ўзларининг юкори натижаларига эришадилар) эътибор каратиш лозим. (В.П. Филин, Н.А. Фомин, 1980).

Тиришкоклик билан шуғулланадиган спортчилар 18-19 ёшларида спорт устаси унвонига сазовор бўладилар. 20-22 ёшда кучли курашчилар халкаро тоифадаги спорт устаси меъёрини бажарадилар. Олимпия ўйинлари финалчиларининг ўртача ёши 25-26 ёшни ташкил этади. В.П. Филин ва Н.А. Фомин (1980) фикрича, ёш спортчиларнинг кўп йиллик тренировка жараёни куйидаги услубий коидалар асосида амалга оширилиши лозим: - болалар, ўсмирлар, ўспиринлар ва катта ёшдаги спортчилар тренировкаси вазифалари, воситалари хамда услубларининг изчиллиги; - умумий ва махсус жисмоний тайёргарлик воситалари хажмининг аста- секин ўсиб бориши. Улар ўртасидаги нисбат аста-секин ўзгариб боради (тренировка нагрузкасининг умумий хажмида махсус жисмоний тайёргарлик улуши ортиб боради ва шунга мувофик равишда умумий жисмоний тайёргарлик хажмининг улуши камаяди); - спорт техникасини мунтазам такомиллаштириш. Ўкитишнинг биринчи боскичининг асосий вазифаси окилона спорт техникаси асосларини эгаллаш; спорт такомиллашуви боскичининг вазифаси эса - юкори даражада харакат координациясига эришиш, техниканинг алохида кисмларини сайкаллашдир; - тренировка ва мусобака нагрузкаларини тўғри режалаштириш. Ўсмир спортчиларнинг функционал имкониятларини режа асосида ошириш, кўп йиллик тренировка жараёнида харакат малакалари ва кўникмаларини такомиллаштириш тренировка хамда мусобака нагрузкалари хажми ва шиддатини кетма-кет ошириш билан таъминланади. Тренировка нагрузкалари хажми ва шиддатини ошириш жараёнида изчилликка эришиш, кўп йиллик тренирока давомида уларнинг тўхтовсиз ўсишини амалга ошириш зарур; - кўп йиллик тренировка жараёнида тренировка ва мусобака нагрузкаларини аста-секин ошириб бориш тамойилига катъий амал килиш. Агар нагрузка кўп йиллик тайёргарликнинг хамма боскичларида спортчи

организмининг ёш, алохида ва функционал имкониятларига тўлик мос келса бу холда спортчи тайёргарлиги яхшиланади; - кўп йиллик тренировканинг хамма боскичларида жисмоний сифатларни баравар риовжлантириш хамда энг кулай бўлган ёш даврларида кўпрок алохида сифатларни ривожлантириш. Юкорида келтирилган асосий услубий коидалар ўсмир спортчиларнинг кўп йиллик тайёргарлиги жараёнини оптимал бошкаришни амалга оширишга имкон беради. Оптимал бошкариш спорт тренировкаси объектив конуниятларининг самарали амалга оширилиши учун шароитлар яратилишида намоён бўлади. Тренировкани оптимал бошкариш - ўкув-тренировка жараёнини илмий асосланган холда ташкил этишнинг самарали тизимидир. У спортчи тайёргарлигининг турли томонлари комплексини сифат жихатдан янги, олдиндан дастурлаштирилган холатга изчил ўтказишга каратилган. Спортчи кўп йиллик тренировкасини янада самарали бошкариш учун баъзи мутахассислар уни боскичларга бўладилар. В.П.Филин, Н.А.Фомин (1986) тўртта боскични тавсия этади: дастлабки тайёргарлик, бошланғич спорт ихтисослашуви, танланган спорт турида чукурлаштирилган тренировка ва спорт такомиллашуви. В.Н.Платонов (1986) бешта боскични ажратишни тавсия этади: бошланғич тайёргарлик, махсус базавий тайёргарлик, алохида имкониятларни максимал амалга ошириш ва ютукларни ушлаб туриш. Спорт ривожалнишининг замонавий кимларини хисобга олиб, ватанимиз ва хорижий мутахассис-тренерларнинг иш тажрибаларини умумлаштириб, Т.С.Туманян (1985) кўп йиллик тренировкада тўртта циклни ажратади (бошланғич, рекорд олди, реколрд ва якуний). Улар олтита боскични ўз ичига олади: базавий, махсус тайёргарлик, чукурлаштирилган махсус тайёргарлик, юкори натижаларни намойиш килиш, спорт ютукларини баркарорлаштириш, кураш билан шуғулланишни аста- секин тўхтатиш.

Г.С.Туманян дзюдо мисолида ўзи ишлаб чиккан курашчиларнинг кўп йиллик тренировкаси схемасини таклиф килади (8-расм). ХТСУ ХТСУ спорт СУ разрядлари СУ I _________________ I ____________ ёши Дзюдода фаол машғулотларни аста-секин якунлаш. 8-расм. Дзюдочилар кўп йиллик тренировкасини намунавий схемаси (Г.С.Туманян бўйича). Кўп йиллик тренировканинг турли таснифларини тахлил килиш шуни кўрсатадики, улар ўртасида мухим даражада фарклар йўк, бирок амалиётда С.В.Филин, Н.А.Фомин (1980) таснифи кўпрок кўлланилади. Ёш курашчилар тайёргарлигининг турли томонларини ташкил этиш ва режалаштириш Замонавий спорт кураши спортчидан яхши жисмоний. техник-тактик, функционал ва рухий тайёргарликни талаб килади.

Спорт турлари таснифи бўйича спорт кураши, учинчи гурухга киради (С.В. Фарфель, 1969; Ю.В. Верхошанский, 1985). Унинг учун компенсатор толикиш ва ўзгарувчан иш шиддати шароитларида харакатларнинг юкори вариантлилиги хосдир. Мусобака фаолиятининг ўзига хос хусусиятлари тахлили спорт кураши турлари (юнон-рум, эркин кураш, самбо, дзюдо) ичида таснифларни ишлаб чикиш зарурлиги тўғрисида гувохлик беради. Битта гурухга тааллукли бўлган спорт турларидаги тренировка услубларини кўр- кўрона кўчириб олиш самара бермайди, баъзи холларда эса спорт натижасига салбий таъсир кўрсатади (А.А. Новиков, 1986 ва бошк.). Юнон-рум ва эркин кураш буйича мусобакалар коидалари, умуман олганда, бир хил, факат техник харакатларнинг бахоланишида баъзи фарклар бор. Мусобака уч кун ичида айланма тизим бўйича ўтказилади. Ғолиб энг камида 6-7 та беллашувни 6 мин. давомида ўтказиши лозим (кунига 2-3 та). Бу спортчилардан яхши тезкорлик-куч тайёргарлиги хамда махсус тайёргарликни талаб килади. Бундан ташкари, янги харакатларни эгаллаш, импровизация килиш, харакат фаолияти жараёнида комбинацияларни ўзлаштиришга бўлган кобилият, турли харакат тавсифларини табакалаш хамда уларни бошкариш малакаси талаб килинади (В.Н. Платонов, 1986). Самбо бўйича мусобакаларни ташкил килиш тузилмаси эркин хамда юнон-рум курашига якинрок. Регламент, ғолибни аниклаш шакли бир хил. Бу ўз навбатида, мусобака фаолиятининг ўзига хослиги ва тренировка жараёнини тузиш хусусиятларига бўлган ягона талабларни назарда тутади. Дзюдо бўйича мусобакаларни ўтказиш коидалари ва тизими бошка кураш турларидаги коидалардан кескин фарк килади. Курашчи бир кун ичида танаффуссиз 5 мин. давом этадиган 6-7 та беллашувни ўтказади. Хар бир беллашув хал килувчи хисобланади, чунки мағлубиятга учраган холда курашчи финалга чика олмайди. Спорт курашининг ушбу турида муваффакиятли катнашиш учун спортчи махсус чидамлиликни

ривожлантириши лозим. Бунда тезкор-куч чидамлилиги таркиби катта ахамият касб этади (А.А. Новиков, 1986 ва бошк). Спорт курашида мусобака фаолиятининг тахлили хамма кураш турларига хос бўлган тезкор-куч тайёргарлиги хамда махсус чидамлиликка бўлган катта талабни аниклади. Буни ёш курашчиларнинг кўп йиллик тренировкасини режалаштиришида хисобга олиш лозим. Спорт мусобакалари курашчиларни тайёрлашда ўкув - тренировка жараёнининг таркибий кисми хисобланади. Курашчининг ёши ва тайёргарлигига караб мусобакалар дастури хамда нагрузкалар меъёрлари ишлаб чикилган. Кураш билан шуғулланишнинг бошланғич боскичида мусобакаларда иштирок этиш учун болалар тайёргарлигининг давомийлиги бир йилни ташкил килади. Юнон-рум ва эркин кураш буйича мусобакаларни ўтказиш юзасидан услубий тавсиялар 7-жадвалда келтирилган (В.П. Филин, Н.А. Фомин, 1980). 7- жадвал Юнон-рум ва эркин кураш Мусобакаларга Ёши талаблар 12-13 14-15 16-18 1 2 3 4 Дастлабки тайёргарлик давомийлиги камида 1 йил Назорат меъёрларини топшириш шарти билан камида 4-5 ой камида 2 ой Вазн тоифалари сони (кг) 16 та вазн тоифаси, 32- 35,35-38, 38-41, 41-44, 44- 47, 47-50, 50-53, 53-56, 56-59, 59-62, 62-65, 65-68, 68-71, 71-74, 74-77, 77 дан ошик 11 та вазн тоифаси 42-45. 45-48, 48-52, 52-56, 56-60, 60-65, 66-70, 70-75. 75-81, 81-87, 87 дан ошик.

Спорт разрядларини бериш учун таснифлаш меъёрлари II усмиралр разряди йил ичида янгиларни 10 марта ёки II ўсмирлар разрядидаги курашчилар устидан 5 марта галаба козониш. I ўсмирлар разряди: йил ичида II разряддаги курашчилар устидан 12 марта ёки I ўсмирлар разряддаги курашчилар устидан 6 марта ғалаба козониш. Мусобакалар микёси Мактаб ичида Республика ( у хам кўшилади) мусобакаларигача Хар кандай микёсида 7-жадвал давоми Йилдаги халкаро мусобакалар сони - - 1-2 Йилдаги кураш буйича (турнир) мусобакалар сони Кўпи билан 2 та Кўпи билан 4 та Кўпи билан 6 та Турнир мусобакаларидаги кунлар сони Кўпи билан 1 та Кўпи билан 2 та 3-4 Тоифалаш мусобакалари (очик гилам) сони Бир ойда 1 марта Бир ойда 2 марта Бир ойда 3-4 марта Беллашув давомийлиги 2+2 мин 2+2 мин 3+3 мин. Бир кундаги беллашувлар сони Кўпи билан иккита Кўпи билан иккита Кўпи билан учта

Битта мусобакада беллашувлар сони 2-4 4-6 6-8 Бир йилдаги беллашувларнинг тахминий сони 14-16 20-30 60-90 Турнирлар ва мусобакалар ўртасидаги танаффус Камида 4 ой Камида 2 та Камида 1 ой Тоифалаш мусобакалари ўртасидаги танаффус Камида 1 ой Камида 2 хафта Камида 1 хафта УЖТ ва МЖТ бўйича назорат кузги-бахорги мусобакалар Хамма ёш гурухлари учун иккита мусобака жадвалдан кўриниб турибдики, ўсмир курашчилар учун мусобака нагрузкаси ёш ва спорт билан шуғулланиш стажига караб аста-секин ошиб боради. Ўсмир курашчилар учун мусобакаларнинг оптимал сонини аниклаш кўп йиллик тайёргарликни режалаштиришда мухим таркибий кисм хисобланади. Курашчининг кўп йиллик техник-тактик ва жисмоний тайёргарлиги Курашчининг кўп йиллик тайёргарлиги - юкори малакали спортчиларни тайёрлашга каратилган мураккаб хамда узок давом этадиган педагогик жараёндир. Г.С. Туманян (1982) фикрича, теренер, кўп йиллик тренировка режасини тузаётиб, тренировка ва мусобака нагрузкалари хажми, йўналиши

йилдан йилга кай тарзда ўзгариб боришини, бу ўзгаришлар тарбияланувчиларнинг ахлокий, ирода, жисмоний, техника-тактик ва назарий тайёргарлигига кандай таъсир кўрсатишини хамда у спорт ютукларининг ёш динамикасида халкаро тоифадаги спорт устасигача кандай акс этишини тасаввур кила олиши лозим. Кўп йиллик тренировка жараёнидаги тренировка нагрузкалари йўналиши хамда хажми ўзига хос хусусиятларга эга (9-расм). Бошланғич тайёргарлик боскичида умумий ва ёрдамчи тайёргарлик асосий ўринни эгаллайди (боскичларининг таснифи В.Н. Платонов бўйича келтирилади). Дастлабки базавий тайёргарлик боскичи ёрдамчи тайёргарлик хажмининг ошиши билан тавсифланади (у умумийси билан бирга тренировка ишининг умумий хажмидан 80-90% га ошади). Махсус тайёргарлик, одатда, 15% дан ошмайди. Бошланғич Базавий дастлабки тайёргарлик Базавий махсус тайёргарлик Индивидуал имкониятларни максимал ишга солиш Эришилган ютукларни саклаб колиш расм. Кўп йиллик тренировка жараёнида умумий (А), ёрдамчи (Б) ва махсус (В) тайёргарликнинг тахминий нисбатлари (% да). Ихтисослашган базавий тайёргарлик боскичида махсус тайёргарлик улуши мухим даражада ошади ва умумий тайёргарлик улуши камаяди. Алохида имкониятларни максимал амалга ошириш боскичида махсус

тайёргарлик умумий иш хажмидан 60% гача етиши ва ундан кўп бўлиши мумкин. Ютукларни ушлаб туриш боскичида махсус тайёргарлик улуши катъий юкори бўлади ва умумий тайёргарлик улуши минимумгача камайтирилади (В.Н. Платонов, 1986). Хар хил тайёргарлик турлари нисбатларининг бундай схемаси хамма спорт турлари учун умумий хисобланади, лекин курашда у тренировка тўғрисида умумий тасаввурларни беради. Спорт курашидаги ютуклар кўп жихатдан курашчининг окилона техник- тактик тайёргарлигига боғлик. Мукаммал техника - бу энг юкори натижага эришиш максадида спорт машкларини бажаришнинг самарали усуллари йиғиндисидир. Ўргатиш жараёнида техникани эгаллаш даражаси ўзгариб туради (янги шуғулланувчининг содда техникасидан то халкаро тоифадаги спорт устасининг мукаммал техникасигача). Окилона техника спортчига харакатларни тежамкорлик билан бажариш учун имкон яратади. (В.П. Филин, Н.А. Фомин, 1980). Ёш спортчининг халкаро тоифадаги спорт устаси даражасигача босиб ўтадиган йўлини тўртта боскичга ажратиш мумкин (Г.С. Туманян бўйича, 1985); I боскич - “мактаб” техникасини, яъни ихтисослашган элементлар хамда уларнинг комплексларини шакллантириш; II боскич - базавий техникани шакллантириш (тактик тайёргарлик, усуллар, карши усуллар, химоялар); III боскич - комбинацион техникани (техник-тактик комплексларни) шакллантириш; IV боскич - тренировканинг алохида режалари бўйича алохида техникани такомиллаштириш (10-расм).

Жисмонан ва маънан етук баркамол Халкаро тоифадаги спорт устаси Мусо- бака авлодни тарбиялаш вазифалари матн- лар IV боскич индивидуал техникани такомиллаштириш: индивидуал тренировка режаси асосида мева- лар вакти- да кайд килин- ган жумла- лар III боскич комбинацияли техникани шакллантириш: техник-тактик комплекслар новд а чалар техни- ка, такти- ка сўзлар II боскич базавий техникани шакллантириш: -тактик тайёргарлик; - усуллар; - карши усуллар; - химояланишлар. тана бўғин- лар харф- лар I боскич “мактаб” техникаси, яъни ихтисослашган элементлар ва уларнинг комплексларини шакллантириш илди з расм. Курашчилар кўп йиллик тайёргарлигида техник-тактик тайёргарлик мазмуни ва боскичлари (Г.С.Туманян бўйича). Кўп йиллик техник-тактик тайёргарликнинг хар бир боскичида “ўсиш ўлчамини” аниклаш ва мусобакаларда кайд килинган ТТХ ни бахолаш

тизимидан фойдаланиш лозим. Спорт кураши бўйича махсус илмий-услубий адабиётларни хар томонлама тахлил килиш натижасида профессор И.И. Алихонов, 1986) курашчининг техник-тактик тайёргарлигини кўп йиллик режалаштиришни ишлаб чикди. 9-жадвалнинг тахлили ушни кўрсатадики, кураш техникаси элементлари ва тактик тайёргарлик усуллари, асосан, 10-15 ёшда ўрганилиши лозим (И.И. Алиханов, 1986) Техник-тактик махоратни келгусида такомиллаштириш ўсмирлик хамда ўспиринлик ёшларида амалга оширилади. Тайёргарлик режасидаги машклар шиддати В.П. Андреев ва А.А. Новиков шкаласи билан бахоланади. Шу шкалага мувофик ЮКТ: 1 балл - 10 с ичида 18-19 зарба, 2 балл - 20-21; 3 балл - 22-23; 4 балл - 24-25; 5 балл - 26-27; 6 балл - 28-29; 7 балл - 30-31 ва 8 балл - 32-33 зарбага тенг. Курашчининг кучини ривожлантириш учун иш хажми унинг ёши ва оғирлигига боғлик хамда бир йилда 100 дан 200 тоннагача атрофида бўлиши мумкин. Техник-тактик тайёргарликка вактнинг умумий сарфланиши курашчилар малакаси ортиб бориши билан ўсади, лекин тренировканинг умумий хажмига нисбатан фоизларда камайиб боради. Бундай нисбат куч тайёргарлиги ва тезкорлик чидамлилиги даражасини ошириш заруриятига боғлик. Ёш мезонлари ва жисмоний кобилиятлар Юкори малакали спортчиларни тайёрлаш юкори даражада кўп йиллик тайёргарлик тизими самарадорлигига боғлик. Унга спорт мактабларида ўкув дастурлари асосида амалга ошириладиган болалар, ўсмирлар, ўспиринлар хамда катта ёшдаги курашчиларни ўкитиш, тарбиялаш ва тренировка килдиришнинг окилона ташкил этилган жараёни сифатида таъриф бериш мумкин.

Курашчининг кўп йиллик тайёргарлиги инсон ривожланишининг - ёш хусусиятлари, унинг тайёргарлик даражаси, танланган спорт турининг ўзига хос хусусиятлари, жисмоний сифатларининг ривожланиш хусусиятлари, харакат малакалари ва кўникмаларининг шаклланишини хисобга олган холдагина муваффакиятли амага оширилиши мумкин. Кўп йиллик тренировка жараёнини тўғри тузиш учун курашчилар ўзларининг юкори натижаларига эришаётган ёш чегаралари атрофига боғлик холда йўл тутиши лозим. Масалан, Олимпия ўйинлари финалчиларининг ўртача ёши 24-26 ёшни ташкил килади. Ушбу кўрсаткичларни хисобга олиб, бир катор мутахассислар курашчилар энг юкори натижа кўрсатадиган чегараларни белгилашни тавсия киладилар. Курашчининг кўп йиллик тайёргарлиги жараёнида одатда, учта ёш зоналари ажратилади: биринчи катта муваффакиятлар (19-21 ёш), оптимал имкониятлар (22-26 ёш) ва юкори натижаларни ушлаб туриш (27-30 ёш). Тренернинг ёш зоналарини билиши кўп йиллик тренировка жараёнини яхши тизимлаштиришга имкон беради. Бирок спортчиларнинг ёши кўп йиллик тренировканинг окилона тизимини куришда хисобга олиниши шарт бўлган ягона омил эмас. Курашчининг алохида жисмоний сифатларини тарбиялаш учун энг кулай даврлар, шунингдек техник-тактик харакатларни сифатли ўзлаштириш кобилиятини хисобга олиш зарур. Ўсмирлик чоғида жисмоний сифатларни ривожлантириш учун кулай имкониятлар мавжуд. Бунда окилона ва тизимли педагогик таъсир этиш таъминланиши лозим. Ёш спортчиларнинг жисмоний сифатларини ривожлантирувчи педагогик таъсир ёш ривожланишининг у ёки бу поғонасида энг яккол кўзга ташланадиган жисмоний сифатларнинг тўликрок намоён бўлишига ёрдам беради. 9-жадвалда мактаб ёшидаги болаларда харакат функциялари ривожланишининг сезиш фазалари топографияси келтирилган. Юкори каторда ўғил болалардаги харакат функцияси ривожланишининг сезиш фазалари, пастки каторда эса кизларники келтирилган. Ушбу

маълумотлар тренерга у ёки бу сифатнинг ривожланишида тўхтатилишларни камайтиришга ёрдам беради. жадвал Мактаб ёшидаги болаларда харакат функцияси ривожланишининг сезиш фазалари ( А.А.Гужаловский бўйича) Жисмоний сифатлар Ёш даврлари (ёш) 7-8 8-9 9-10 10-11 11- 12 12- 13 13- 14 14- 15 15- 16 16- 17 1 2 3 4 5 6 7 8 9 10 11 Куч     + +     +  +  +  +    Тезкорлик     + +   + + + + + + + + + + + + Тезкор-куч сифатлари +  +  +  +  +  +  +  +  +  +  Статик чидамлилик + + + +   +  + + + + +  +  + + +  Динамик чидамлилик +     +  +   +  + + + + +  + + Умумий чидамлилик +  +  + +   + + +  + + +  + + +  Эгилувчанлик + + + + +  + +  + + +    + +   Мувозанатлар + +  + +  + + + + + + + + + + + + + + Шартли белгилар:

+ - субкритик ва критик белгилар  - паст сезиш фазаси  - ўртача сезиш фазаси  - юкори сезиш фазаси

Кўп йиллик тайёргарлик боскичлари ва тренировка жараёнининг йўналиши Кўп йиллик тренировка жараёнини маълум бир конуниятларга буйсунадиган яхлит жараён, шахсий ривожланиш йўлига эга, ўзига хос хусусиятлари мавжуд бўлган яхлит тизим сифатида кўриб чикиш мамаксадга мувофикдир. Спортчиларнинг кўп йиллик жараёни тайёргарликнинг устувор йўналишига караб, шартли равишда тўртта боскичга бўлинган: 1. Бошланғич тайёргарлик боскичи. 2. Чукурлаштирилган спорт ихтисослашуви боскичи. 3. Спорт такомиллашуви боскичи. 4. Олий спорт махорати боскичи. Тренировка боскичлари давомийлиги кураш турларининг ўзига хос хусусиятлари, шунингдек шуғулланувчиларнинг спорт тайёргарлиги даражасига боғлик. Боскичлар ўртасида аник чегара йўк. Хар бир боскич ўзининг тайёргарлик вазифалари, услублари ва воситаларига эга. Бошланғич тайёргарлик боскичи Ушбу боскичнинг асосий вазифалари бўлиб хар томонлама жисмоний тайёргарлик, соғликни мустахкамлаш ва ёш курашчиларни чиниктириш, спорт кураши техникаси асослари ва бошка жисмоний машкларни эгаллаш, хар томонлама тайёргарлик асосида функционал тайёргарлик даражасини ошириш хисобланади. Бундан ташкари, мехнатсеварликни ва интизомни тарбиялаш, спорт кураши билан шуғулланишга кизикиш уйғотиш хам шулар

жумласидандир. Асосий тренировка услублари: ўйин, бир текис, ўзгарувчан, айланма, такрорий. Тренировка воситалари: харакатли ва спорт ўйинлари, гимнастика машклари, кросс югуриш, курашчининг махсус машклари, ўз-ўзини эхтиётлаш, ўкув-тренировка беллашувлари. Ушбу боскичда курашчилар тактик тайёргарлик усуллари билан асосий усуллар гурухини ўрганишлари лозим. Бирок курашчининг харакат техникасини баркарорлаштиришга уринмаслик керак. Бу даврда келгусида комбинацияли усулда беллашувни олиб боришни такомиллаштириш учун хар томонлама техник асосни яратиш лозим. Болалар кураш усулларини, одатда, тренер бевосита кўрсатиб ва тушунтириб берганидан сўнг яхши ўзлаштирадилар. Шунинг учун тренер жуда кўп микдорда усулларни эгаллаган бўлиши лозим. Ўтилган техник харакатни яхши мустахкамлаш учун болаларга усулларни кўрсатиб бериш ёки унинг бажарилишини тушунтириб бериш таклиф килинади. Бошланғич тайёргарлик боскичида усулларга ўргатиш пайтида усулларни бутунлигича кўрсатиш услубидан кўпрок фойдаланиш лозим. Янги усулларни тушунтиришда шу нарса мухимки, болалар техника кисмларини тушунишлари ва англаб етишлари зарур. Ушбу давр тезкорлик ва харакат тезлигини тарбиялаш учун жуда кулайдир. Ушбу даврда чакконликни тарбиялашга эътибор бериши лозим, чунки чакконлик мураккаб техник-тактик харакатларни муваффакиятли эгаллаш учун асос яратади. Ўсмир курашчиларнинг гавда ўлчамлари ва оғирлигининг ўсиши кучнинг ўсишидан илгари ривожланади. Кучни тарбиялаш учун зўр бериш ва узок вакт кучланишдан холи бўлган машкларни танлаш зарур. Бу давр эгилувчанликни тарбиялаш учун энг кулайдир, чунки 13 ёшларга келиб эгилувчанлик хамда бўғимлардаги харакатчанлик бирмунча пасаяди.

Эгилувчанликни тарбиялаш учун шерик билан, снарядлар ва снарядларсиз бажариладиган умумий ривожлантирувчи хамда махсус машклар кўлланилади. Ушбу боскичда тренировка жараёнини ташкил килишда тикланиш тадбирларини хам кўзда тутиш лозим. Уларга тренировкадан кейинги сув муолажалари, чиникишлар, сузиш, хаммом ва машғулотларни тоза хавода ўтказиш киради. Чукурлаштирилган спорт ихтисослашуви боскичи Ушбу боскичнинг асосий вазифалари куйидагилардан иборат: курашчининг хар томонлама жисмоний тайёргарлиги, соғлиғни мустахкамлаш, умумий чидамлилик ва тезкор-куч сифатларини тарбиялаш, беллашувни комбинацияли усулда олиб бориш асосларини эгаллаш, махсус чидамлиликни ривожлантириш, мусобака тажрибасига эга бўлиш. Тренировканинг асосий услублари: ўйин, бир текис, ўзгарувчан, такрорий, мусобака, айланма. Тренировка воситалари: спорт ўйинлари, кросс югуриш, курашчининг махсус машклари, акробатика машклари, кичик оғирликлар билан машклар, мусобака хусусиятидаги ўкув-тренировка беллашувлари. Кўпгина мутахассислар томонидан шу нарса исботланганки, чукурлаштирилган спорт ихтисослашуви боскичида курашчининг хар томонлама тренировкаси катта самара беради. Спорт курашида тренировка жараёнини режалаштиришда техник- тактик тайёргарликка кўп вакт ажартиш лозим, чунки курашчи катта хажмда хужум харакатларини ўзлаштириши керак.

Ушбу даврда техник харакатнинг тўғри биодинамикавий тузилмасига ўргатишга харакат килиш зарур. Бирок техник тайёргарликда муваффакиятга эришиш кўп холларда курашчи жисмоний сифатлари ривожланишининг оптимал нисбатларига боғлик. Ушбу даврда тренировка жараёнига харакатли ва спорт ўйинлари, шунингдек спорт курашида мухим ахамиятга эга бўлган жисмоний сифатларни тарбиялашга каратилган курашчининг махсус машкларини киритиш хисобига тезкорликни тарбиялашни давом эттириши керак. Мазкур даврда ўсмир курашчиларнинг тезкор-куч сифатларини ривожлантиришга катта эътибор берилади. Бу боскичда курашчининг эгилувчанлигини тарбиялашни давом эттириш лозим. Харакат амплитудасини оширишга ёрдам берадиган чўзилтириш машклари эгилувчанликни ривожлантиришда асосий бўлиб хисобланади. Мутахассисларнинг фикрича, тренировканинг ушбу даврида чидамлиликни тарбиялашга алохида эътибор каратиш лозим. Умумий чидамлиликни тарбиялаш воситаларига кросс югуриш, спорт ўйинлари, сузиш киради. В.П.Филин ва Н.А.Фомин (1980) фикрича, спрот машкларида чакконликни тарбиялаш, яъни харакат малакалари, кўникмаларини эгаллаш, вазият ўзгарган пайтда харакат фаолиятини самарали кайта куриш кобилиятини такомиллаштиришга катта ўрин ажратилиши зарур. Шунинг учун чакконликни тарбиялаш координацион мураккаб харакатларни эгаллаш хамда тўсатдан ўзгарган вазият талабларига мувофик холда харакат фаолиятини кайта ташкил килиш кобилиятларини такомиллаштиришни кўзда тутади. Ушбу тавсиялар спорт кураши турларига тааллуклидир, бу ерда спортчи фаолияти вариантли - тўкнашувли вазиятларда ўтади.

Курашчи чакконлигини тарбиялашнинг асосий воситалари - бу спорт ўйинлари, акробатика ва гимнастика машкларидир. Тикланиш тадбирлари ўсмирнинг кундалик фаолиятида тренировка машғулотлари ва дам олишнинг оптимал тартибига эришишга каратилган. Массаж, бассейнда сузиш, буғли хаммом (хафтада бир марта), витаминлар ва оксилларга бой овкатланиш тавсия килинади. Спорт такомиллашуви боскичи Ушбу боскичнинг асосий вазифалари куйидагилар: тренировка нагрузкалари хажми ва шиддатини ошириш, курашчининг техник- тактик харакатларини такомиллаштириш, етакчи жисмоний сифатларнинг максимал даражада ривожланишига эришиш, мусобака тайёргарлигини такомиллаштириш, тренировкалар хамда мусобакаларда кийнчиликларни енгиб ўтиш жараёнида ахлокий-ирода сифатларини тарбиялаш. Тренировканинг асосий услублари: такрорий, айланма, ўзгарувчан, ўйин, мусобака. Тренировка воситалари: ўкув-тренировка беллашувлари, кураш- чининг махсус машклари, мусобака хусусиятига эга беллашувлар, акробатика ва гимнастика машклари. Бу боскичга ўсмир курашчилар техник-тактик махорат асосларини эгаллаган холда етиб келадилар, шунинг учун курашчининг асосий фаолияти харакат малакасини такомиллаштиришга каратилган. Ўрганилган кураш усулларини кетма- кет кўп марта такрорлаш зарур. Курашчилар бу усулларни ўкув- тренировка беллашувларида албатта кўллашларига эътибор бериш хамда шунга эришиш лозим. Шу сабабли ушбу боскичда махсус вазифалар (масалан, факат ташлашлардан фойдаланиб курашиш ва х.к.) бўйича

ўкув-тренировка беллашувларини режалаштириш мумкин. Курашчиларга беллашувни олиб бориш тактикаси вариантлари тўғрисида тўлик маълумотлар бериш зарур. Спорт такомиллашуви боскичида жисмоний сифатларни тарбия- лашга катта эътибор бериш лозим. Юкорида айтилганидек, спорт курашида мусобака фаолиятида муваффакиятга эришиш мухим даражада тезкор-куч ва махсус чидамлиликнинг ривожланганлигига боғлик. Спорт такомиллашуви боскичида куйидаги тезкор-куч сифатларини тарбиялаш услубиларидан фойдаланиш максадга мувофикдир: машкни такроран ўзгартириш услуби, динамик кучланишлар услуби, турли вазндаги шериклар билан техник харакатларни такроран бажариш услуби. Ўсмир курашчиларда тезкор-куч сифатларини тарбиялаш учун тузилмаси жихатидан техник-тактик харакатларга якин бўлган жисмоний машклардан фойдаланиш максадга мувофикдир. Тезкорлик ва кучни тарбиялашни тренировканинг биргаликдаги услубини кўллаган холда танланган спорт тури техникасида тако- миллашиш билан уйғунлаштириш лозим (В.М.Дьячков, 1972). Курашчининг умумий ва махсус чидамлилигини тарбиялаш тренировка жараёнининг асосий кисмларидан бири хисобланади. Курашчининг умумий чидамлилигини оширишнинг асосий воситалари бўлиб кросс югуриш, спорт ўйинлари, сузиш хисобланади. Умумий чидамлиликни тарбиялашга каратилган машкларни бажаришда нагрузканинг бешта таркибига эътибор бериш лозим: 1) машк шиддати (харакатланиш тезлиги); 2) машк давомийлиги; 3) дам олиш узоклиги;

4) дам олиш хусусияти, танаффусларни бошка фаолият турлари билан тўлдириш; 5) такрорлашлар сони. Курашчининг махсус чидамлилигини тарбиялаш максадида шерикларни алмаштирган холда ўкув-тренировка беллашувлари, махсус тартибда беллашувни олиб бориш (битта беллашувда 4-5 мартадан спуртлар) ва х.к. Тикланиш тадбирлари: ўкиш, тренировка машғулотлари ва дам олишнинг оптимал тартибига риоя килиш. Шахсий гигиена коидаларига амал килиш, чиникиш. Массаж, бассейнда сузиш, буғли хаммом, тўлаконлили витаминли овкатланиш. Олий спорт махорати боскичи Ушбу боскичнинг асосий вазифаси мослашиш жараёнларининг жуда тез кечишини келтириб чикаришга кодир бўлган тренировка воситалари- дан максимал фойдаланишдан иборат. Тренировка иши хажми ва шидда-тининг умумий йиғиндиси ўлчамлари максимумига етади, катта нагруз-кали машғулотлар кенг микёсда риежалаштирилади, мусобака амалиёти кескин ошади. Тренировканинг бу боскичи тренировка жараёнини тузишнинг ўта алохида хусусиятлари билан тавсифланади. Муайян спорт-чини тайёрлашдаги катта тренерлик тажрибаси шу спортчига хос бўлган хусусиятларни, унинг тайёргарлигининг бўш ва кучли томонларини хар жихатдан ўрганишга, тайёргарликнинг энг самарали услублари хамда во-ситаларини, тренировка нагрузкасини режалаштириш вариантини аник-лашга ёрдам беради. бу, ўз навбатида, тренировка жараёни самарадорлиги ва сифатини ошириш хамда шунинг хисобига спорт натижалари дара- жасини ушлаб туриш имконини беради.

Кўп йиллик тайёргарлик жараёнини самарали бошкариш учун кўп йиллик дастурнинг ишлаб чикилиши мухим ахамиятга эга. Энг янги илмий маълумотларни хисобга олган холда курашчининг кўп йиллик тайёргарлик дастури тузилган (10-жадвал). Дастурнинг кўп йиллик тайёргарлик боскичларини хисобга олган холда тузилган алохида таркиби ўкув-тренировка жараёнининг устувор йўналишини тўғрирок аниклашга, муайян кўрсаткичларни белгилашга (курашчи тайёргарлиги давомида уларга таянилади) имкон беради.

жадвал Курашчиларнинг кўп йиллик тайёргарлиги дастури Тайёргарлик тизими таркиби Бошланғич тайёргарлик гурухлари Ўкув-тренировка такомиллашуви Спорт такомиллашуви гурухлари Олий махорат гурухлари 1 2 3 4 5 Тайёргарлик боскичи Бошланғич тайёргарлик боскичи Чукурлаштирилган спорт ихтисослашуви боскичи Спорт такомиллашуви боскичи Олий спорт махорати боскичи Спортчилар 10-17 ёш, кураш билан шуғулланишга кизикувчилар, матабда яхши ўзлаштирувчи, рач томонидан рухсат олган ўкувчилар. 10-17 ёш, янги шуғулланувчилар, II ўсмирлар, III катта разряди, спорт курашида кейинги тайёргарликка лаёкатлилар, етарли даражада хар томонлама ривожланганлар 16-18 ёш, I катталар , СУ номзодлар, юкори дара-жада техник- тактик ва жисмоний тайёргарликка эга, рухий мустахкам курашчилар. Ўта кобилиятлилар, 19 ёш ва катта. СУ, юкори даражада тех-ник-тактик ва жисмо-ний тайёргарликка эга, катта жисмоний ва рухий нагрузка- ларни кўтара олади- ганлар Тренерлар Дастлабки саралаш, Тренировкани режа- Курашчилар тайёрлаш Курашчилар

бошланғич тайёргарлик ва кураш билан шуғулланиш сабабларини шакллантириш услубларини эгаллаган тренерлар лаштириш тамойиллари ва разрядчилар билан гурухли машғулотларни ўтказиш услубиятини яхши биладиган тренерлар усулияти ва спорт ташкилотчиси малака- сига эга, гурух билан ва алохида ишлаш услубларни эгалаган тренерлар алохида тайёргарлиги усулияти ва юкори малакали спортчилар тайёргарлигини илмий таъминлаш усулиятини яхши биладиган тренерлар 10-жадвал давоми Тайёргарлик максадлари Кураш билан шуғулланиш сабабини шакллантириш ва мустахкамлаш, кураш асосини эгаллаш, жисмоний ривожланишни Хар томонлама ривожланиш ва кураш асосларини чукур эгаллашга ёрдам бериш Спорт натижаларини ке-йинчалик хам ошириш хамда терма жамоаларга кабул килиниш учун шарт- шароитлар яратиш Мумкин кадар юкори натижаларга эришиш ва кўп йиллар давомида халкаро майдонда етакчи спортчи холатини ушлаб

ошириш туриш Спорт тайёргарлиги бўйича асосий вазифалар Саралаш ва сифати жихатдан тўлаконли гурухларни ташкил килиш II ўсмирлар, I ўсмирлар ва II катталар разряди меъёрларини бажариш I спорт разряди, СУН меъёрларини бажариш ва уларни тасдиклаш СУ ва ХТСУ меъёрларини бажариш Ўкув-тренировка жараёни: а) Махсус- рухий тайёргарлик Кураш билан шугулланиш сабабларини шакллантириш Сабаб, жавобгарлик, онглилик ва мус- такиллик даражасини ошириш, мусобака шароитларига рухий мустахкаликни тарбиялаш Ижтимоий-фойдали шахсга хос бўлган си- фатларни шаклланти- риш мусобака шароит- ларига рухий мустах- камликни ошириш, юкори натижаларга эришиш сабабини шакллантириш Юкори натижаларга эришиш сабаблари- ни шакллантириш. Фавкулодда вазият- ларда рухий холатни ўзи бошкариш кобилиятини тарбиялаш б) Техник тайёргарлик Кураш техникаси асос- ларини ўзлаштириш (ушлаб олишлар, Техникани эгаллашни чукурлаштириш, химоя, хужум ва кар- Хужум, химоя ва кар- ши хужум базавий хара-катларини “Яхши кўрган” ху- жум, химоя ва кар- ши хужум харакат-

харакатланиш, курашнинг оддий усуллари, оддий хужум харакатлари) ши хужум харакатларини эгллаш такомиллаштириш “яхши кўрган” хара- катлар тўпламини шакллантириш лари самадорлигини ошириш ва “яхши кўрган” харакатлар, комбинациялар тўп-ламини кенгайтириш 10-жавдал давоми в) Тактик тайёргарлик Спорт кураши тактикаси тўғрисида тушунча хосил килиш Базавий хужум харакатлари, комбина цияларга тактик тай- ёргарликнинг асосий усулларини эгаллаш, беллашувни олиб бориш асосини эгаллаш “Яхши кўрган” хужум харакатлари, комбина- цияларга тактик тайёр- гарлик усуллари эгал- лашни чукурлаштириш, беллашувни олиб бориш тактикаси малакасини мустахкамлаш, мусобакаларда катна- шиш тактикаси асосла- рини мустахкамлаш “Яхши кўрган” хужум харакатлари, комби-нацияларга тактик тайёргарлик тўпламини кенгайтириш, ракиб лар хусусиятига караб, беллашувни олиб бориш тактикасини ўзгартириш, мусоба-

каларда иштирок этиш тактикасини мустах-камлаш г) Жисмоний тайёргарлик УЖТ воситаларидан фойдаланган холда хар томонлама жисмоний ривожланиш асосини яратиш Курашчи махсус машкларидан фойдаланиш йўли билан кейинчалик УЖТ ни ошириш асосида махсус жисмоний тайёргарлик асосини яратиш “Яхши кўрган” хужум, химоя, карши хужум харакатларини амалга оширишда иштирок этадиган мушак гурух- ларини кўпрок ривож- лантириш билан УЖТ ва МЖТ ни индиви- дуаллаштириш Етакчи сифатларни кейинчалик ривож- лантириш ва колок сифатларни етиш- тириб олишга кара- тилган холда УЖТ ва МЖТ ни индивидуал- лаштириш д) Назарий тайёргарлик Курашчи тренировкаси тизими тўғрисида тасаввур хосил килиш Курашчи тайёргарлиги тизими тўғрисида тасаввур хосил килиш Курашчи тайёргарлиги тизими бўйича билим- ларни чукурлаштириш (тренировка воситалари ва услубларини кўллаш масалалари, тренировка самарадорлигини тахлил Тренировканинг янги воситалари ва услуб- лари тўғрисидаги би- лимларни, фан хамда илғор тажриба ютук- ларини эгаллаш

килиш хамда педагогик назорат)

жадвал давоми е) Мусобака фаолияти Гурух ва мактаб мусо- бакаларида катнашиш Мактаб, шахар, вилоят, республика мусобакаларида катнашиш Шахар, республика ва халкаро мусобакаларда катнашиш Республика ва халкаро мусобакаларда катнашиш Тренировка жараёнини ташкил килиш Ўкитиш ва тренировка- нинг ялпи услуби Ўкитиш ва тренировканинг ялпи хамда гурухли услуби Ўкитиш ва такомиллаш- тиришнинг гурухли ва алохида услуби Такомиллаштиришни нг асосан алохида услуби Тикланиш воситалари Душ, хаммом Душ, хаммом, ўз- ўзини массаж килиш, фаол дам олиш Душ, хаммом, массаж, физиотерапия ва рухий- гигиеник воситалар, фаол дам олиш Душ, хаммом, массаж, физиотерапия, рухий-гигиеник, кимёфармакологик воситалар, фаол дам олиш Кутилаётган Кураш билан шуғулла- УЖТ, МЖТ дара- Шахар, вилоят терма Максимал спорт

натижа нишга лаёкатли спорт- чилардан ташкил топ- ган ўкув гурухларини жамлаш, хар томонлама ривожлантириш, кураш асосларининг эгалла- шишини ривожланти- риш. Ўтиш ва назорат меъёрларини бажариш. 50% шуғулланув-чилар ни ўкув-тренировка гурухига ўтказиш жасини ошириш, базавий техникани чукур эгаллаш. Спорт тайёргар- лиги бўйича талабларни бажариш, шуғул- ланувчи ларнинг умумий сонидан 50% ни спорт такомиллашуви гурухига ўтказиш жамоалри таркибидан ўрин олиш, республика кенгашлари терма жа- моалрига кабул кили- ниш, УЖТ, МЖТ дара- жасини оши-риш. Малака меъёрларини бажариш натижаларига эришиш ва уни кейинчалик хам оширишга бўлган интилишнинг мавжудлиги. Мамлакат терма жамоаси таркибидан мустахкам ўрин эгаллаш

Адабиётлар 1. Керимов Ф.А. Кураш тушаман. Тошкент, 1990. 2. Начальный этап в многолетней подготовке борцов. Малаховка, 1991. 3. Основы управления подгтовкой юных спортсменов. Под.ред. М.Я.Набатниковой, -М., 1982. 4. Теория спорта. Под.ред. В.Н.Платонова. Киев, 1987. 5. Филин В.П., Фомин Н.А. Основы юношеского спорта. -М., 1980 6. Филин В.П. Теория и методика юношеского спорта. -М., 1987.

Похожие

Кўп йиллик спорт жараёнини такомиллаштириш тизимида спортчиларни тайёрлашнинг асослари

Кўп йиллик тайёргарлик жараёнида спортчиларни танлаш

Спортчиларни йиллик ва кўп йиллик тайёрлаш жараёнида узоқ вақтли мослашувнинг ташкил топиши

Кўп йиллик тайёрлов тизимида спортчиларни саралаш ва йўналтириш

Курашчининг жисмоний тайёргарлиги