Курашчининг жисмоний тайёргарлиги - Физическая культура - Рефераты

Курашчининг жисмоний тайёргарлиги

Загружено в:

20.09.2019

Скачано:

0

Размер:

127 KB

Курашчининг жисмоний тайёргарлиги Режа: 1. Куч ва уни ривожлантириш услубияти 2. Тезкорлик ва уни ривожлантириш услубияти 3. Чидамлилик ва уни ривожлантириш услубияти 4. Чакконлик ва уни ривожлантириш услубияти 5. Эгилувчанлик ва уни ривожлантириш услублари 6. Ўсмир ёшдаги курашчининг жисмоний тайёргарлиги

Курашчининг жисмоний тайёргарлиги спорт тренировкасининг мухим таркибий кисмларидан бири хисобланади ва жисмоний сифатлар - куч, чидамлилик, эгилувчанлик, чакконлик ва тезкорликни ривожлантиришга каратилган жараёндир. Жисмоний тайёргарликнинг асосий вазифалари куйидагилардан иборат: Спортчилар соғлиғи даражаси ва улар организми турли тизимиларнинг функционал имкониятларини ошириш. Жисмоний сифатларни спорт курашининг ўзига хос хусусиятига жавоб берадиган бирликда жисмоний сифатларни ривожлантириш. Жисмоний тайёргарлик умумий, ёрдамчи ва махсус тайёргарликка бўлинади. Курашчининг умумий жисмоний тайёргарлиги юкори натижаларга эришиш учун пойдевор, зарур асос хисобланади. У асосан куйидаги вазифаларнинг хал этилишини таъминлайди: Курашчи организмини хар томонлама гармоник ривожлантириш, унинг функционал имкониятларини ошириш, жисмоний сифатларини ривожлантириш. Саломатлик даражасини ошириш. Шиддатли тренировка ва мусобака нагрузкалари даврида фаол дам олишдан тўғри фойдаланиш. Умумий жисмоний тайёргарлик турли воситалар тўплашини ўз ичига олади. Улар орасида снарядларда ва снарядлар билан бажариладиган машклар, шерик билан махсус тренажерлада бажариладиган машклар, бошка спорт турлари: акробатика, енгил атлетика, спорт ўйинлари, сузи ва х.к.дан олинган умумий ривожлантирувчи машклар ажратилади. Ёрадамчи жисмоний тайёргарлик махсус харакат малакаларини ривожлантиришга каратилган катта хажмдаги ишни самарали бажариш учун зарур бўлган махсус асосни яратишга мўлжалланган. У анча тор ва ўзига хос йўналишга эга хамда куйидаги вазифаларни хал этади: Асосан кураш учун кўпрок хос бўлган сифатларни ривожлантириш.

Курашчи харакатларида катта даражада иштирок этувчи мушак гурухларини танлаб ривожлантириш. Ёрдамчи жисмоний тайёргарликнинг илғор воситалари сифатида шундай машклар кўлланиладики, улар ўзининг кинематик ва динамик таркиби хамда асаб-мушак кучланиши хусусиятига кўра курашчининг мусобака фаолиятида бажарадиган асосий харакатларига мосдир. Шундай машклар орасида куйидагиларни ажратиш мумкин: курашнинг турли усулларини ишора оркали бажариш; махсус тренажер мосламаларида бажариладиган машклар; курашчилар манекени билан машклар. Курашчининг махсус жисмоний тайёргарлиги харакатланиш сифатларини курашчиларнинг мусобака фаолияти хусусиятлари томонидан куйиладиган талабларга катъий мувофик холда ривожлантиришга каратилган. Курашчиларнинг махсус жисмоний тайёргарлиги асосан кураш гиламида ўтказилади ва харакат малакалари таркибидаги энг мухим харакат сифатларини ривожлантиришга каратилган. Шунинг учун махсус жисмоний тайёргарликнинг асосий воситалари сифатида мумкин бўлган турли мураккабликларни жалб килган холда мусобака машклари кўлланилади. Бундай мураккаблаштирилган машклар курашчи организмига бўлган таъсирни кучайтиради. Масалан, оғиррок вазн тоифасидаги шеригини ташлаш, шерикларни алмаштирган холда ўкув-тренировка беллашувлари бажарилади ва х.к. Мана шу хамма машклар энергия таъминотининг у ёки бу механизмларини ривожлантириш имконини таъминлайди, курашчининг машкланганлигига комплекс холда таъсир кўрсатади хамда бир вактнинг ўзида унинг жисмоний ва техник-тактик тайёргарлигини оширади. Жисмоний тайёргарликнинг хамма кўрсатилган турлари бир-бири билан узвий боғлик. Тренировка жараёнида бирон бир жисмоний тайёргарлик турларига етарлича бахо бермаслик охир-окибат спорт махоратини ошишига тўскинлик килади. Шунинг учун тренировка жараёнида кўрсатилган жисмоний тайёргарлик турларини оптимал нисбатига риоя килиш жуда

мухимдир. Унинг сон жихатдан ифодаси доимий ўлчам хисобланмайди, балки курашчилар малакаси, уларнинг алохида хусусиятлари, тренировка жараёни даври ва организмнинг шу пайтдаги холатига боғлик холда ўзгариб туради. Куч ва уни ривожлантириш услубияти Жисмоний сифат бўлмиш “куч” деганда курашчининг ракиб каршилигини енгиб ўтиш ёки мушак кучланиши хисобига унга каршилик кўрсатиш кобилияти тушунилади. Кучнинг куйидаги турларини ажартиш кабул килинган: умумий ва махсус, мутлак ва нисбий, тезкор ва портловчан, куч чидамлилиги. Умумий куч - бу курашчининг махсус харакатларига тааллукли бўлмаган холда спортчи томонидан намоён килинадиган куч. Махсус куч мусобака харакатларига мос бўлган махсус харакатларда спортчи томонидан намоён бўлади. Мутлак куч спортчининг жуда катта хусусиятига эга харакатларида намоён бўладиган куч имкониятлари билан тавсифланади. Курашда у куч ёрдамида яккама-якка олишиш учун мухим ахамиятга эга. Нисбий куч, яъни спортчининг 1кг вазнига тўғри келадиган куч курашчининг шахсий оғирлигини енгиб ўтиш имконияти кўрсаткичи хисобланади. Бу усулларнинг тезкорлик билан бажарилишида мухим ахамиятга эга. Тезкор куч мушакларнинг нисбатан кичик ташки каршиликни енгиб ўтиш билан боғлик харакатларни тез бажаришга бўлган кобилиятида акс этади. Портловчан куч киска вакт ичида ўз шиддатига кўра катта кучланишларни намоён килиш кобилиятини тавсифлайди. Куч чидамлилиги - бу спортчининг нисбатан узок вакт давомида мушак кучланишларини намоён килишга бўлган кобилиятидир. Курашчининг куч имкониятларини ривожлантириш учун куйидаги услублар кўлланилади:

такрорий кучланишлар; киска муддатли максимал кучланишлар; тобора ўсиб борадиган оғирликлар, зарбдор, биргаликда таъсир кўрсатиш; вариантилилик; изометрик кучланишлар услублари. Такрорий кучланишлар услуби шундан иборатки, спорчи машкни “сўнги нафасгача” бажаришда максимал оғирликдан 70-80% га тенг бўлган оғирликлар билан машкларни такроран бажаради. Ушбу услуб куч машкини сериялаб бажаришни назарда тутади. Хар бир серия - “сўнги нафасгача”, хаммаси бўлиб 3-4 серия, сериялар ўртасидаги дам олиш оралиғи 3-4 мин. Такрорий кучланишлар услубининг бир тури динамик кучланиш услуби хисобланади. У машкларни максимумдан 20-30% оғирликда чегарадаги тезликда бажариш билан тавсифланади. Бунда катта мушак зўрикиши оғирлик вазни хисобига эмас, балки юкори тезликдаги харакат хисобига эришилади. Киска муддатли максимал кучланиш услуби хозирги пайтда мушакларнинг мутлак кучини ошириш учун энг самарали хисобланади. У чегарадаги ва чегарага якин бўлган оғирликлар билан ишлашни назарда тутади. Мушаклар тренировкасида максимал кучланишлар услуби тренажерларда ва битта ёндашишда битта-иккита харакатлар ёрдамида, катта оғирликдаги штанга билан бажариладиган машкларда (жим, силтаб кутариш, даст кўтариш, ўтириб-туриш) намоён бўлади. Тренировкада хаммаси бўлиб 3-4 та ёндашиш бажарилади. Ёндашишлар ўртасидаги дам олиш оралиғи - 3- 5 мин. Тобора ўсиб борадиган оғирликлар услуби битта тренировка машғулотида сингари кейингиларида хам каршилик кўрсатиш хажмининг аста-секин ўсиб боришини назарда тутади. Тренировка машғулотида биринчи ёндашишда спортчи 10 марта кўтара оладиган (10 МТ) оғирликдан 50% га тенг оғирлик билан бошлаш тавсия этилади. Иккинчи ёндашишда машк 10 МТ дан 75% оғирлик билан бажарилади, учинчи ёндашишда эса - 10 МТ дан 100% оғирлик билан бажарилади. Тренировка давомида хаммаси бўлиб 3 та ёндошиш амалга

оширилади. Ёндашишлар ўртасидаги дам олиш оралиғи 2-4 мин. Хар бир ёндашишда машк чегарадаги тезлик билан аник толикиб колгунга кадар бажарилади. Зарбдор услуб тушадиган оғирликнинг кинематик энергияси ва шахсий гавда оғирлигидан фойдаланиш йўли оркали мушак гурухларини зарбдор рағбатлантиришга асосланган. Машкланаётган мушакларнинг камаяётган оғирлик энергиясини ютиб олиши мушакларнинг фаол холатга кескин ўтишига, иш кучланишининг тез ривожланишига ёрдам беради, мушакда кўшимча кучланиш имкониятини хосил килади. Бу кейинги итарувчи харакат шиддати ва тезкорлигини хамда колок ишдан енгиб ўтиладиган ишга тез ўтишни таъминлайди. Оёклар портловчан кучини ривожлантиришнинг зарбдор услубини кўллаш усули сифатида кетидан баландликка ёки узунликка сакраш билан бажариладиган чикурликка сакраш машкларини айтиш мумкин. Машк 70-80 см баландликдан оёк тиззаларини бироз буккан холда ерга тушиб, кетидан тез ва шиддат билан юкорига отилиб чикиш оркали бажарилади. Сакрашлар сериялаб: 2-3 серияда, хар бир серияда 8-10 тадан сакрашлар бажарилади. Сериялар ўртасидаги дам олиш оралиғи 3-5 мин. Машк хафтада кўпи билан икки марта бажарилади. Биргаликда таъсир кўрсатиш услуби шунга боғликки, курашчининг куч имкониятларини ривожлантириш бевосита ихтисослашган машкларни бажариш пайтида содир бўлади. Бир вактнинг ўзида курашчининг куч кобилиятлари ва техник-тактик харакатлари ривожлантирилади хамда такомиллаштирилади. Курашда биргаликда таъсир кўрсатиш услубдан фойдаланишга мисол тарикасида шундай машкларни келтириш мумкинки, курашчи бу машкларда ўз техник харакатларини оғиррок вазн тоифасидаги ракиб билан такомиллаштиради. Оғирликнинг оптимал ўлчамини аниклаб олиш жуда мухимдир. Хаддан ташкари катта ўлчам харакат малакаси таркибининг бузилишига олиб келади, бу окибатда харакат техникасига салбий таъсир кўрсатади.

Вариантилилик услуби асосан турли вазндаги оғирликлар билан махсус машкларни бажаришни кўзда тутади. Хар хил вазндаги шериклар билан машклар сериялаб бажарилади. Битта серияда аввал оғиррок вазн тоифасидаги ракиб билан 10-12 та ташлаш бажарилади, сўнгра тенг вазндаги ракиб билан 15-16 та ташлаш, шундан кейин ўз вазн тоифасидаги ракиб билан 10-12 та ташлаш бажарилади. Хаммаси бўлиб 3 серия бажарилади. Дам олиш оралиғи - 3-4 мин. Тезкор-куч сифатларини (меъёрдаги, кичик) ривожлантиришда вариантлилик усулуби айникса самаралидир. Усулларни анча оғир ракиб билан такомиллаштириш алохида куч имкониятларини ривожлантиришга, кичик вазн тоифасидаги ракиб билан эса - тезкорлик имкониятларини ривожлантиришга ёрдам беради. Бу окибатда мусобака машкида натижанинг ошишига олиб келади. Мушакларнинг изометрик кучланиши услуби турли мушак гурухларининг 4-6 сек. давом этадиган статик максимал кучланишини назарда тутади. Изометрик машкларнинг киймати шундаки, уларнинг хажми унча катта эмас, кўп вакт олмайди, бажарилиши анча осон. Бундан ташкари, уларнинг ёрдамида маълум бир мушак гурухларига зарур ёки холатларда, гавда кисмларини букиш ёки ёзишнинг тегишли бўғим бурчакларида танлаб таъсир кўрсатиш мумкин. Тезкорлик ва уни ривожлантириш услубияти Курашчи тезкорлиги - бу унинг мумкин кадар киска вакт ичида айрим харакатлар ва усулларни бажариш кобилиятидир. Тезкорлик сифатини яхши ривожлантирмасдан курашда юкори натижаларга эришиб бўлмайди. Ўз ракибидан хатто секунднинг юздан бир бўлагига тезрок харакат киладиган курашчи унинг олдида мухим устунликка эга бўлади. Курашчи тезкорлиги кўп жихатдан унинг асаб жараёнлари харакатчанлигига, шароитларга, ракиб харакатларидаги кўрим-сиз ўзгаришларни сезишга бўлган сезгирлик унда кай даражада

ривожланганлигига, беллашувда хар сафар юзага келган вазият-ни бир зумда кабул килиш ва тўғри бахолай олиш малакасига, тактик харакатларни ўз вактида ва аник бажаришга боғлик. Тезкорликни ривожлантириш учун куйидаги услубллар кўлланилади: Машкларни енгиллаштирилган шароитларда бажариш услуби. Харакатлар ва катта тезкорлик билан бажариладиган алохида харакатларни енгиллаштирилган шароитларда кўп мар-та такрорлаш. Масалан, усулни кичик вазн тоифасидаги шерик билан тезкорликка эътибор каратган холда бажариш. Машкларни енгиллаштирилган шароитларда бажариш тезлиги бўйича оддий шароитларда бажариладиган харакатлардан оша-диган ўта тез харакатларнинг бажарилишини рағбатлантиради Масалан, югуриш тезлигини ошириш учун кияланган йўлкача бўйлаб (тоғдан) югуриш кўлланилади. Машкни оғирлаштирилган шароитларда бажариш услуби. Курашчи мусобакаларда дуч келадиган шароитлардан хам анча кийин шароитларда максимал тезкорлик билан бажариладиган харакатларни кўп марта такрорлаш. Масалан, оғир вазндаги шерик билан махсус машкларни бажариш. Такрорий кучланишлар услуби. Икки хил кўринишда кўлланилади: - машкларни чегарадаги ва чегара атрофидаги тезлик билан бажариш; - машкларни шундай шароитда бажаришки, бунда чега-радаги куч зўрикишлари нисбатан енгил юкни катта тезлик билан бир жойдан иккинчисига ўтказиш йўли оркали таъминланади. Ўйин ва мусобака усуллари хам катта ахамиятга эга бўлиб, улардан фойдаланиш спортчининг эмоционал мухити, рухий холати, ракобатчилик хиссининг ўзгариб туриши хисобига тезкорликни ривожлантириш учун кўшимча туртки (рағбат) бўлиши мумкин. Курашчининг тезкорлик сифатларини тарбиялаш учун максимал тезлик билан бажариладиган машклар (улар, одатда, тезлик машклари, деб аталади) кўлланилади. Тезлик машкларининг техникаси уларнинг чегарадаги

тезликларда бажарилишини таъминлаши шарт. Машкларни бажариш пайтида асосий кучланишлар бажариш усулига эмас, балки унинг тезлигига каратилиши учун машклар шунчалик яхши ўрганилган ва эгалланган бўлиши керак. Машклар давомий-лиги шундай бўлиши зарурки, бажариш охирига келиб тезлик, толикишга карамасдан, пасаймаслиги шарт. Тезлик машкларини бажариш тартиблари катта ахамиятга эга. Хар бир машк давомийлиги 20 сек.дан ошмаслиги лозим, дам олиш оралиғи, машкни такрорлаш бошида, бир томондан, курашчининг тикланишишини, иккинчи томондан, унинг мар-казий асаб тизимини оптимал кўзғалувчанлигини таъминлаши, оптимал бўлиши керак. Ораликларда дам олиш фаол бўлиши лозим. Бунинг учун танаффусларда катта кучланишларни талаб килмайдиган турли хил машклар бажарилади. Чидамлилик ва уни ривожлантириш услубияти Курашчининг чидамлилиги - бу бутун беллашув давомида харакатларни юкори суръатда бажариш ва бутун мусобака даврида бир нечта беллашувларни шиддат билан ўтказиш коби- лиятидир. Юкори даражадаги чидамлилик курашчига катта тренировка ва мусобака нагрузкаларини ўзлаштиришга, мусо-бака фаолиятида ўзининг харакат кобилиятларини тўлаконли равишда амалга оширишга имкон беради. Курашда умумий ва махсус чидамлилик фаркланади. Умумий чидамлилик деганда спортчининг суст шиддатдаги ишни узок вакт бажаришга бўлган кобилияти тушунилади. Махсус чидамлилик курашчининг мусобака беллашуви да-вомида турли хусусиятдаги харакатлар ва амалларни хар хил кучланишлар билан хамда гавданинг турли холатларида юкори суръатда бажариш кобилияти оркали тавсифланади. Курашчининг мусобака фаолияти кўп киррали ва мушак тизимининг улкан иши билан боғлик (курашда статик ва динамик тартибда ишловчи

деярли хамма мушак гурухлари катнашади). Шунинг учун чидамлилик нафакат ишлаётган мушакларга етказиб бериладиган кислород микдори билан, балки мушакларнинг ўзининг узок вакт давом этадиган кучли зўрикишли ишга бўлган мослашиши билан аникланади. Спортчи тренировка ва мусобака фаолиятида маълум бир толикишни енгиб ўтган такдирдагина унинг чидамлилиги такомиллашади. Жисмоний толикиш ва чидамлилик асосида мушак фаолиятининг турли хилдаги таъминоти жараёнлари ётганлигини билган холда уларнинг фаолият кўрсатиш даражасини ошириш учун уларга максадли таъсир этиш мумкин. Тренировка нагрузкаси, спортчи организмига таъсир кўрсатиш чораси сифатида, куйидаги тавсифлар билан белгиланади: - машк шиддати; - машк давомийлиги; - такрорлаш сони; - дам олиш оралиғи давомийлиги; - дам олиш хусусияти. Бажарилаётган машк шиддати энергия таъминотининг аэроб ва анаэроб жараёнлари нисбати хусусиятига таъсир кўрсатадиган нагрузканинг энг мухим тавсифи хисобланади. Тўртта шиддат зонасини ажартиш кабул килинган: максимал, субмаксимал, катта, суст. Машк давомийлиги уни бажариш шиддатига нисбатан тескари боғликликка эга. Иш давомийлигининг 20 - 25 секунддан 4 -5 минутгача кўпайиши билан унинг шиддати кескин камаяди. Машкнинг энергия таъминоти тури унинг давомийлигига боғлик. Анаэроб-алактат режимдаги машклар давомийлиги 3-8 секундга, анаэроб-гликолитик режимда 20 секунддан 3 минутгача хамда аэроб режимда - 3 минутдан ва кўпрокка тенг. Кўп сонли тадкикотлар натижаларига асосланиб, давомийлиги хар хил бўлган максимал жисмоний нагрузкада анаэроб ва аэроб жараёнларнинг умумий энергетик метаболизмга нисбатан хиссасини аниклаш мумкин.

Тегишли натижалар жадвалда келитирлиган. жадвал Давомийлиги хар хил бўлган максимал жисмоний нагрузкада анаэроб ва аэроб жараёнларнинг умумий кувват сарфланишига кетадиган нисбий улуши Иш давомийлиги чегараси Кувватнинг чикиши Нисбий улуш анаэроб жараёнлар аэроб жараёнлар жами анаэроб жараёнлар % аэроб жараёнлар % 10 сек 20 4 24 83 17 1 мин 30 20 50 60 40 2 мин 30 45 75 40 60 5 мин 30 12 150 20 80 10 мин 25 245 270 9 91 30 мин 20 675 695 3 97 60 мин 15 1200 1215 1 99 Машкларни такрорлаш сони уларнинг организмга таъсир кўрсатиш даражасини белгилайди. Аэроб шароитларда ишлашда такрорлаш сонини кўпайтириш нафас олиш ва кон айланиш органлари фаолиятини юкори даражада узок вакт ушлаб туришга мажбур килади. Анаэроб режмида машкларни такрорлаш сони кислородсиз механизмларнинг тугашига ёки марказий асаб тизимининг куршовда колишига олиб келади. Дам олиш оралиғи давомийлиги организмнинг тренировка нагрузкасига бўлган жавоб реакцияси хажми сингари, унинг хусусиятини хам аниклаш учун катта ахамиятга эга. Бунда дам олиш ораликларида содир бўладиган тикланиш жараёнлари куйидагилардан иборат: - тикланиш жараёнлари тезлиги бир хил эмас - аввал тикланиш тез кечади, сўнг секинлашади;

- турли кўрсаткичлар хар хил вактдан кейин тикланади (гетерохронлилик); - тикланиш жараёнида иш кобилияти ва бошка кўрсаткичларнинг фазали ўзгариши кузатилади. Дам олиш оралиғи тикланиш учун етарли бўлган суст шиддатли машкларни бажаришда хар бир кейинги уриниш тахминан аввалгисига ўхшаган кўринишда бошланади. Ушбу холда дам олиш оралиғини камайтиришда нагрузка кўпрок аэроб нагрузкага айланади, чунки одатда 3-4 минутга келиб вужудга келаётган нафас олиш жараёнлари хам ўз кучини саклаб колган бўлади. Максимал ва субмаксимал кувватли машклардаги дам олиш оралиғини камайтириш нагрузкани анаэроб нагрузкага айлантиради, чунки машк такрорланган сари кислород карзи ошиб боради. Дам олиш хусусияти машклар ўртасида фаол, суст ва аралаш бўлиши мумкин. Ўкитишнинг критик нуктасига якин бўлган тезликда ишлаш пайтида фаол дам олиш нафас олиш жараёнларини юкори даражада ушлаб туришга ёрдам беради ва ишдан дам олишга хамда аксинча холатга кескин ўтишнинг олдини олади. Бу нагрузкани кўпрок аэроб нагрузкага олиб келади. Бундан ташкари, оғир мехнатдан сўнг фаол дам олиш тикланиш жараёнларини тезлаштиради. Машклар ўртасида суст дам олиш пайтида спортчи, буткул тинч холатда бўлиб, хеч кандай харакатларни бажармайди. Чидамлиликни ривожлантириш учун куйидаги услублар кўлланилади: бажариладиган машклар хажми ва шиддатини ошириш, ўзгарувчан, ораликли, ўзгарувчан-ораликли, такрорлаш. Хажмни ошириш услуби шундан иборатки, жисмоний машкларни бажариш вакти машғулотлардан машғулотга аста-секин ошиб боради. Бу услуб машғулотлар сонини кўпайтиришини назарда тутади.

Шиддатни ошириш услуби жисмоний машкларни бажариш суръати, шунингдек бутунлай машғулот зичлигини машғулотдан машғулотга аста- секин ошириб боришни кўзда тутади. Ўзгарувчан услуб шундан иборатки, жисмоний машклар хар хил суръатда бажарилади. Бунда паст суръатда ўтказиладиган вакт бўлаклари машғулотдан машғулотга камайиб, баланд суръатда ўтказиладиганлари ортиб боради. Ораликли услуб шундан иборатки, бунда жисмоний машклар бўлакларга бўлиниб (сериялаб), суст ва фаол дам олиш ораликлари билан бажарилади. Тренировка вазифалари машкларни бажариш суръати ва давомийлигига, шунингдек курашчининг машкланганлик даражаси хамда кайфиятига караб, иш хамда дам олиш ораликлари давомийлигига кўра хар хил бўлиши лозим. Такрорлаш услуби шундан иборатки, спортчи бир машғулотнинг ўзида ёки бир нечта машғулотда хажми ва шиддатига кўра бир хил бўлган машкларни такрорлайди. Спорт тренировкаси жараёнида хамма услублар бир-бири билан турлича уйғунлаштирилган холда кўлланилади. Чидамлиликни тарбиялаш самарадорлиги кўп жихатдан тренировка жараёнининг окилона тузилганлиги билан белгиланади. Турли йўналишдаги машкларни бажаришда маълум бир кетма-кетликка амал килиш ва уларнинг ижобий ўзаро таъсир этишини таъминлаш жуда мухимдир. Куйидаги кетма-кетликка риоя этиш максадга мувофикдир: - аввал алактат-анаэроб машклар (тезкор ва тезкор куч), сўнгра анаэроб- гликолитик (куч чидамлилиги учун) машклар; - аввал алактат -анаэроб, сўнгра аэроб машклар (умумий чидамлилик учун); - аввал анаэроб-гликолитик, кейин аэроб машклар. Агар машклар кетма-кетлиги тескари бўлса, тез тренировка самарасининг ўзаро таъсири салбий бўлади хамда бундай машғулот кам фойда беради.

Чакконлик ва уни ривожлантириш услубияти Курашчининг чакконлиги - бу харакатларни назорат кила олиш, беллашувда тўсатдан ўзгариб турадиган вазиятда тез хамда аник йўл тутиш ва тегишли харакатларни окилона бажариш кобилиятидир. Чакконлик деганда спортчининг координацион кобилиятлари йиғиндиси тушунилади. Шундай кобилиятлардан бири янги харакатларни эгаллаш тезлиги, иккинчиси - тўсатдан ўзгарадиган вазият талабларига мувофик харакатларни тез кайта куриш хисобланади. Чакконлик спортчини ўргатиш жараёнида ривожлантирилади. Бунинг учун янги харакатларни мунтазам эгаллаб бориш лозим. Чакконликни ривожлантириш учун хар кандай машкдан фойдаланиш мумкин, лекин уларда янгилик элементлари бўлиши шарт. Чакконликни ривожлантиришнинг иккинчи йўли машкнинг координацион мураккаблигини оширишдан иборат. Бундай мураккаблик харакатларни юкори даражада аник бажариш, уларнинг ўзаро мувофиклиги, тўсатдан ўзгариб турадиган вазиятга мослигига бўлган талабларни ошириш билан аникланиши мумкин. Учинчи йўли - бу ноокилона мушак кучланиши билан курашиш, чунки чакконликни намоён килиш кўп жихатдан мушакларни зарур холларда бўшаштириш малакасига боғлик. Киши координациясини ривожлантиришнинг тўрттинчи йўли - унинг гавда мувозанатини ушлаб туриш кобилиятини оширишдир. Бундай кобилиятни ривожлантиришнинг бир нечта усуллари мавжуд: 1) мувозанатни ушлаб туришни кийнлаштирувчи харакатлардаги машклар; 2) акробатика ва гимнастика машклари; 3) хамма текисликларда бошни тез харакатлантириш ёрдамида бажариладиган машклар.

А.И.Яроцкий (1971) комплексига (мажмуасига) бешта машк киради: бошни чапга ва ўнгга буриш; бошни олдинга ва оркага эшиш; бошни ён томонларга эгиш; соат миллари бўйлаб айланма харакатлар; соат милларига кариши томонга айланма харакатлар. Бу машклар тез суръатда кунига уч марта 10 минутгача бажарилади. Курашчи чакконлигини ривожлантиришнинг хамма воситаларини иккита бўлимга ажратиш максадга мувофикдир: умумий чакконликни ривожлантириш воситалари ва махсус чакконликни ривожлантириш воситалари. Умумий чакконликни ривожлантириш воситалари умуман харакатланиш тажрибаси ва харакат координациясини бойтишга каратилган. Махсус чакконликни ривожлантириш воситалари курашчининг ўзига хос махсус харакатланиш координациясини хамда мусобака фаолиятининг фавкулодда шароитларида ўзининг ўз харакатларини бахолай олиш ва кайта куриш кобилиятини такомиллаштиришга каратилган. Эгилувчанлик ва уни ривожлантириш услублари Эгилувчанлик - бу курашчининг катта амплитудада харакатларни амалга ошириш кобилиятидир. Эгилувчанлик бўғимлардаги харакатчанлик билан аникланади. У, ўз навбатида, бир катор омилларга боғлик: бўғим сумкаларининг тузилиши, пайлар, мушаклар чўзилувчанлиги ва уларнинг чўзилиш кобилияти. Бир нечта эгилувчанлик турлари мавжуд. Фаол эгилувчанлик - бу шахсий мушак кучланишлари хисобига харакатларни катта амплитудада бажариш кобилиятидир. Суст эгилувчанлик - бу ташки кучлар: оғирликлар, ракиб харакатлари хисобига харакатларни катта амплитудада бажариш кобилиятидир. Суст эгилувчанлик хажми фаол эгилувчанликнинг тегишли кўрсаткичларидан юкори.

Динамик эгилувчанлик - динамик хусусиятларга эга машкларда намоён бўладиган эгилувчанликдир. Статик эгилувчанлик - статик эгилувчанликка эга машкларда намоён бўладиган эгилувчанликдир. Умумий эгилувчанлик - турли йўналишларда энг йирик бўғимларда катта амплитуда билан харакатларни бажариш кобилиятидир. Махсус эгилувчанлик - курашчининг техник-тактик хусусиятларга тегишли бўғимлар ва йўналишларда харакатларни катта амплитуда билан бажариш кобилиятидир. Чўзилтирувчи машклар: оддий, пружинали харакатлар, ўзини ушлаган холда силтанишли, ташки ёрдам билан бажариладиган харакатлар эгилувчанликни ривожлантиришнинг асосий воситалари хисобланади. Бундай машклар билан шуғулланиш пайтида бир катор услубий шартларни бажариш лозим: 1) машкларни бошлашдан олдин албатта бадан киздириш машкларини киритиш; 2) муайян максадларни олдинга кўйиш, масалан, гавда ёки буюмнинг маълум бир нуктасига кўлни текказиш; 3) чўзилтириш машкларини маълум бир кетма-кетликда сериялаб бажариш: кўллар учун, гавда учун, оёклар учун; 4) чўзилтириш машклари сериялари орасида бўшаштириш машкларини бажариш; 5) машкларни бажариш пайтида аста-секин уларнинг амплитудасини ошириш; 6) машкларни бажаришда шуни хисобга олиш лозимки, харакатчанликни ривожлантиришнинг энг асосий услуби - бу такрорлаш услуби хисобланади. Бир-икки ойда хар куни икки марта шуғулланувчиларнинг алохида кобилиятларига караб 25-50 такрорлашдан иборат меъёрдаги чўзилтиришга

каратилган машклардан ташкил топган машғулотлар давомида эгилувчанлик анча ўсиши мумкин. Ўсмир ёшдаги курашчининг жисмоний тайёргарлиги Ўсмир ёшдаги жисмоний тайёргарлик тўғри кадди-коматни, харакатланиш малакаларини шакллантириш, хар томонлама жисмонан такомиллаштириш, курашда техник харакатларни эгаллаш учун зарур бўлган жисмоний сифатларни ривожлантиришни ўз ичига олади. 12-14 ёшда тезкорлик, чакконлик ва эгилувчанликни ривожлантириш максадга мувофикдир. 15-16 ёшдаги ўсмирларда куч ривожлана бошлайди ва тезкорлик куч машкларини бажаришга кобилият намоён бўлади. 16-18 ёшда кўп куч ва тезлик талаб этиладиган машклар осонрок ўзлаштирилади, чидамлиликни ривожлантириш учун шарт-шароитлар яратилади. Ўсмир курашчиларни тайёрлашда шуларни эътиборга олиш жуда мухимдир. Чидамлиликни бошка жисмоний сифатлар билан бирга ривожлантириш зарур. Профессор В.П.Филиннинг (1980) таъкидлашича, бу ёшда чидамлиликка каратилган узок вакт давом этадиган ва бир томонли тренировка ўсмирларга хос бўлган тезкорлик нагрузкаларига мослашишни пасайтиради. 12-15 ёшда кучни ривожлантириш асосан ўз массаси оғирлиги, тўлдирма тўплар, гантеллар, гимнастика таёкчалари, шерик (турли оғирликдаги) билан хамда турли гимнастика спорт анжомларида машклар бажариш ёрдамида амалга оширилиши лозим. 16-18 ёшдаги курашчиларда кучни ривожлантирувчи машклар спорт анжоми оғирлигини ошириш, дастлабки холатни ўзгартириш, машк бажариш вактини узайтириш, машклар орасидаги дам олиш вактини камайтириш хисобига мурак- каблаштирилади. Ёш ўсмирларнинг чидамлилигини ривожлантиришда эхтиёткор бўлиш лозим ўртача нагрузкалар, кичик меъёр ёки дам олиш учун танаффусли

ўкув-тренировка беллашувларидан иборат машклар). Нагрузкаларга мослашиб борган сари дам олиш танаффуслари кискартирилади. Масалан, тик туришда 2+2 курашида (навбатма-навбат хужумлар ва химоялар) 3 минутлик танаффус аста-секин 1 минутгача кискартирилади. Партерда 2+2 бўлиб 1 минут танаффус билан навбатма-навбат курашишда тренировка вактини 3+3 гача узайтирилади. Кейинчалик кураш суръатини кучайтириш мумкин. Чидамлиликни ривожлантириш учун чегараланган жойда бир томонлама каршилик билан (бири факат хужум килади, иккичиси факат химояланади), партердан юкори ёки тик туришга чикиш билан кураш ўтказилади. Бу машклар кийин холатлардан чикиб кетиш йўлини топишга ўргатади. Профессор В.П.Филин тадкикотларининг кўрсатишича 13 ёшда бўғимларда харакатчанлик янгидан ошади,15 ёшда у энг катта хажмга эга бўлади, 16-17 ёшда харакатчанлик кўрсаткичлари камаяди. Шу сабабли ўсмирлик ёшида эгилувчанлик ва бўғимдаги харакатчанлик машклари мажбурийдир. 12-18 ёшда эгилувчанлик ва бўғимлардаги харакатчанлик буюмларсиз хамда кичик оғриклар билан (гимнастика таёклари, гантеллар, тўлдирма тўплар) бажариладиган фаол-суст хусусиятига эга машклар оркали ёки аста- секин харакат амплитудасини кучайтирувчи ва кенгайтирувчи шерик ёрдамида ривожлантирилади. Шунингдек кадди-коматни шакллантириш машклари катталарга нисбатан кўп кўлланилади. Шундай килиб, ўсмирларнинг хар томонлама жисмоний тайёргарлиги кўпгина воситалар ёрдамида амалга оширилади. Ёш ўсмирлар билан кўпрок ўйин услуби кўлланилади, машғулотлар турлича ва эхтиросли ўтказилади. Хамма машклар асосий машғулот шакли - дарсда бажарилади. Ўсмир курашчининг жисмоний тайёргарлигини максадли амалга ошириш учун курашдаги ўкув-тренировка жараёнида саф (тартибли) машклар (сафланиш, буйрукларни бажариш, кадам ташлаб ва югуриб

харакатланишлар) кўлланилади. Уларнинг максади - кураш машғулотини ташкил этиш, тўғри кадди-коматни шакллантириш, интизом, ўзаро муносабат ва тартибни тарбиялашдир. Саф машклари дарснинг кириш, тайёрлов ва якуний кисмида машкларни бажариш учун гурухларни ташкил килиш, сафлантириш ва кайта сафланиш учун, шунингдек нагрузкадан сўнг зўрикишни бартараф этиш максадида бажарилади. Умумий ривожлантирувчи машклар каторига оддий гимнастика (кўллар, оёклар, гавда, оғирликлар билан, оғирликларсиз, буюмлар билан ва буюмларсиз хамда шериклар билан) машклари ва оғир атлетика, эшкак эшиш, спорт ўйинлари каби спорт турларидаги баъзи машклар киради. Бундай машклар курашчининг жисмоний ривожланишини яхшилайди,харакат малакалари захирасини кенгайтиради, организмнинг фукнционал имкониятларини оширади, иш кобилиятининг тикланишига ёрдам беради. Умумий ривожлантирувчи машклар билан бир вактда асаб- мушак кучланишлари хусусияти ва ўсмир организмининг иш тартибига кўра ўхшаш бўлган машкларни кўпрок кўллаш зарур. Турли спорт турларидан олинган машклар, уларни бажариш хусусияти ва шартларига караб, жисмоний сифатларни ривожлантиришда турли педагогик вазифаларни хал этишга имкон берди. Асосан куч, чидамлилик, тезкорлик, эгилувчанлик ва чакконликни тарбиялашга каратилган машкларни ажратиш кабул килинган. Оғирликлар билан (таёклар, гантеллар, тўлдирма тўплар ва х.к.) гимнастика машкларини кўп марта бажариш куч чидамлилигини ривожлантиради. Ушбу машкларни катта тезликда киска вакт ичида бажариш тезкорлик сифатларини ривожлантиришга ёрдам беради. Хар бир машк маълум бир сифатни ёки бир гурух сифатларни ривожлантиради. Масалан, шерик каршилигида ёки штанга билан бажариладиган машклар, ўз оғирлиги билан тортилиш хамда кўлларни букиб-ёзиш машклари кучни; кесишган жойда югуриш - чидамлиликни; катта тезлик билан бажариладиган гимнастика машклари, киска масофаларга югуриш - курашда харакат тезлигини тарбиялашга ёрдам беради. Баскетбол

ўйини чакконлик, чидамлилик ва тезкорликни комплекс холда тарбиялашга имкон яратади. Юкори эмоционал кўзғалишда катта бўлмаган шиддат билан бажариладиган умумий ривожлантирувчи машклар организм иш кобилиятини, айникса шиддатли машғулотлар ўтказилгандан сўнг асаб тизимини тиклашга ёрдам беради. Улар эрталабки бадан тарбия вактида ва тренировка машғулотларида дарснинг биринчи бўлагида (тайёрлов кисмида) хамда асосий кисм охирида кўлланилади. Бундан ташкари, ўрмонда, далада, дарё бўйида (сузиш, эшкак эшиш ва тўп ўйнаш билан) жисмоний тайёргарлик бўйича махсус машғулотларни ташкил килиб туриш шарт. Кураш машғулотларида катта жисмоний нагрузкадан сўнг организмни нисбатан тинч холатга келтириш учун ўсмирларни мушакларни бўшаштиришга, нафас олишни тинчлантиришга (ўта бўшаштирилган мушакларни силкитиш харакатлари, чукур нафас олиш учун ўпка кафасини кенгайтирувчи машклар ва х.к.) каратилган машкларни мустакил бажарига ўргатиш зарур. Мушакларни бўшаштиришга каратилган машклар хатто беллашув жараёнида ушлаш ва зўрикишдан холи бўлган киска вакт ичида кучнинг янада тез тикланишига ёрдам беради.

Адабиётлар : 1. Верхошанский Ю.В. Основы специальной физической подготовки спортсмена. - М., 1988 2. Станков А.Г., Климин В.П., Письменский И.А. Индивидуализация подготовки борцов. - М., 1984 3. Керимов Ф.А. Кураш тушаман. - Т., 1990 4. Платонов В.П. Общая теория подготовки спортсменов в олимпийском спорте. Киев, 1997 5. Матвеев Л.П. Основы общей теории спорта и системы подготовки спортсменов. Киев, 1999 6. Шахов Ш.К. Программирование физической подготовки единоборцев. - М., 1997 7. Шиян В.В. Совершенствование специальной выносливости борцов. - М., 1997

Похожие

Техник, тактик ва жисмоний тайёргарлиги

Курашда спорт захираларининг кўп йиллик тайёргарлиги

Баскетбочиларнинг интеграл тайёргарлиги

Спорт кураши усулларини таснифлаш, тизимлаштириш ва уларнинг атамаси

Техник тайёргарлик