Инвентаризация –ҳақиқий ҳолатни текшириш ва тафтиш усули сифатида - Юриспруденция - Рефераты

Инвентаризация –ҳақиқий ҳолатни текшириш ва тафтиш усули сифатида

Загружено в:

20.09.2019

Скачано:

0

Размер:

81 KB

www.arxiv.uz И нвентаризация –ҳақиқий ҳолатни текшириш ва тафтиш усули сифатида Йўқлама қилиш - бу ҳужжатлардаги маблағлар тўғрисидаги ҳисоб маълумотларини уларнинг ҳақиқатда мавжудлигига тўғри келишини таъминлаш учун хизмат қиладиган бухгалтерия ҳисобининг усулидир. Шундай қилиб, йўқлама қилиш ҳужжатлаштиришнинг мажбу-рий қўшимчасидир. Фақат шу усулларнинг ҳар иккаласи – ҳужжат-лаштириш ва йўқлама қилишнинг ёрдамидагина барча хўжалик ҳодисалари тўла-тўкис акс эттирилиши таъминланади. Маблағларни тўла қамраб олишлигига қараб йўқлама қилиш икки турга, яъни тўла ва қисман йўқлама қилишга бўлинади. Тўла йўқлама қилиш беистисно барча хўжалик маблағларини ўз ичига олади. У қоидага кўра, йиллик ҳисоботдан олдин, кейинги йилнинг 1 январидаги ҳолатда тузилади. Лекин унинг жуда мураккаблиги ва кўпмеҳнат талаблиги туфайли маблағларнинг айрим турларининг йўқламасини олдинроқ ўтказса ҳам бўлаверади. Масалан, асосий воситаларни 1 ноябрдан, капитал сарфларни 1 декабрдан, товарлар, тайёр маҳсулот, ишлаб чиқариш захираларини 1 октябрдан олдин эмас ва ҳоказо. Қисман йўқлама қилиш хўжалик маблағларининг бирор турини ўз ичига олади, масалан, фақат материалларни ёки фақат мол етказиб берувчилар билан ҳисоб - китобларни. Улар тўла инвентаризациядан ташқари, йил давомида бир неча марта ҳисобот маълумотларининг аниқлигини таъминлаш, ўғриликларга ва талофатларга қарши курашни кучайтириш ҳамда молиявий интизомни кучайтириш мақсадида ўтказилиши керак. 19 - БҲМСга кўра, ҳисобот йилида ўтказиладиган йўқламалар сони, уларни ўтказиш санаси, уларнинг ҳар бирида текшириладиган мулклар ва мажбуриятлар рўйхати, йўқлама ўтказиш мажбурий бўлмаган бошқа

www.arxiv.uz ҳолларда, корхона, ташкилотнинг ўзи томонидан белгиланади. Йўқлама ўтказиш қуйидаги ҳолларда мажбурийдир: корхона мулки ижарага берилганда; давлат ёки муниципал корхонани сотиб олганда; сотилганда; уни акциядорлик жамиятига ёки ширкатлар жамиятига айлантирганда; моддий жавобгар шахслар алмаштирилганда (ишларни қабул қилиш - топшириш кунига); ўғриликлар ва суистеъмолликлар ҳамда қимматликларнинг бузилиши ҳолатлари аниқланганда; йиллик бухгалтерия ҳисоботини тузишдан олдин (йўқламаси йиллик ҳисоботнинг 1 октябргача ўтказилган мулклардан ташқари). Иморатлар, иншоотлар ва бошқа ҳаракатсиз воситаларнинг йўқламаси ҳар икки - уч йилда бир марта, кутубхона объектлариники эса беш йилда бир марта ўтказилиши мумкин. Асосий воситалар, капитал қўйилмалар, тайёр масулот ва шу кабиларнинг йўқламаси бир йилда камида бир марта ўтказилиши керак (тўла йўқлама ўтказилганда). Бошқа маблағларнинг йўқламасини тез - тез ўтказиб туриш мақсадга мувофиқдир. Масалан, дебитор ва кредиторлар билан ҳисоб- китобнинг йўқламаси бир йилда камида уч тўрт, бюджетга тўловлар бўйича ҳисоб-китобни ҳар чоракда камида бир марта, пул маблағларини камида бир ойда бир марта ўтказилади. Бухгалтерия ҳисобининг олдига қўйиладиган муҳим талаблардан бири унинг кўрсаткичларининг реаллиги (тўғрилиги)ни таъминлашдир. Бу талабга жавоб берганда бухгалтерия ҳисобининг маълумотлари ҳақиқатга тўла тўкис мувофиқ бўлади. Ҳисобда акс эттирилган, яъни келиб тушган ёки берилган қий-матлар - материаллар, пул маблағлари, тайёр маҳсулот ва бошқалар-нинг сони ҳақиқатда олинган ёки берилган сонга шу қийматларнинг ҳисоб маълумотлари бўйича қолдиқлар миқдори эса уларни сақлаш жойларидаги ҳақиқий қолдиқларига тўғри келиши керак. Ваҳоланки, ҳисоб маълумотлари баъзиларда ҳақиқатга тўғри келавермайди. Бу қуйидаги сабаблар билан содир бўлиши мумкин: 1. Табиий сабаблар - материалларнинг оғирлиги ёки сифати ҳавонинг

www.arxiv.uz ҳарорати ёки намлигининг ўзгариши, кемирувчи ҳашорат-лар, микроблар ва бошқалар томонидан бузилиши, уларни саралаш, бир жойдан иккинчи жойга кўчириш пайтида қуриш, парланиш, тўкилиш ва шу кабилар натижасида кўрилган йўқотишлардан иборат; 2. Моддий қийматликларни қабул қилиш ёки беришдаги ноаниқ-ликлар кам ўлчаш, хато ҳисоблаш, кам тортиш натижасида маблағ-нинг бошқа миқдори ёки сифати (ҳажм, нав)ни қайд этилишидир. Моддий бойликларнинг бир навини (сифатини) бошқаси билан аралашиш хилларни алмаштириш деб номланади; 3. Ҳисобдаги хатолар - дастлабки ҳужжатлардаги хато ёзувлар, ҳисоблаб чиқишдаги арифметик хатолар, счётларда ҳужжат маълумотларини нотўғри акс эттириш ва шу кабилардан иборат; 4. Суистеъмолликлар - ўғриликлар, кам тортиш ёки кам ўлчаш, пуллар ва бошқаларни беришдаги кам ҳисоблаш ҳамда маблағларни тўғридан - тўғри ўзлаштириб олишдан иборат. Юқорида ёритилган ҳодисаларни содир бўлаётган дақиқада ҳисобга олиб бўлмайди, чунки улар ҳужжатлаштирилмайди. Натижада олинган келишмовчиликлар (тўғри келмасликлар) фақат вақти - вақти билан ўтказиладиган маблағлар ҳақиқий қолдиқларини ҳисоб маълумотлари билан юзага чиқарилади. Бундай солиштириб текшириш ҳисоб маълумотларини тўлдириш ва унга аниқлик киритиш ҳамда турли - туман суиистеъмолликларга қарши кураш олиб бориш имконини беради. Ҳақиқий қолдиқларни йўқлама (инвентаризация) қилиш деб номланадиган махсус рўйхатга олиш йўли билан аниқланади. Инвентаризация (йўқлама) ўтказиш тартиби 19 - БҲМС «Инвентаризацияни ташкил этиш ва ўтказиш» билан белгиланади. Инвентаризация (йўқлама) натижаларини аниқлаш мақсадида бухгалтерия солиштирув ведомостини тузади. Улар йўқлама ведомостларининг маълумотлари бухгалтерия ҳисобининг тегишли маълумотлари билан солиштириб текширилади. Шу ерда йўқлама

www.arxiv.uz натижаларда ортиқча ёки камомадлари ҳам аниқланади. Барча маълумотлар ҳам натура, ҳам пул ўлчагичида кўрсатилади. Солиштирувчи ведомостга барча йўқлама қилинган қийматликлар бўйича маълумотлар эмас, балки фақат ҳисоб маълумотларидан четланган қийматликларга тегишли бўлган маълумотлар киритилади. Бунда солиштирувчи ведомостлардаги маълумотлар ҳисобда қабул қилинган туркумланишга мувофиқ жойлаштирилади. Солиштирувчи ведомостларни тузиш ва йўқлама натижаларини аниқлашдан олдин корхона бухгалтерияси йўқама рўйхатига қилинган ёзувларни яхшилаб текшириб чиқиши керак. Нархларда, таксировкада, ҳисоблаб чиқишларда ва ҳоказоларда хатолар мавжуд бўлса, уларни тўғрилаш зарур ва шу билан бирга бу тўғрилашлар барча комиссия аъзоларининг имзолари билан тасдиқланган бўлиши керак. Солиштирувчи ведомостлардаги қолдиқлар ҳисобда қабул қилинган нархларда баҳоланади. Йўқлама натижаларини расмийлаштириш учун йўқлама ва солиштирувчи ведомостларнинг шаклларини бирлаштирувчи босма иш қоғозлари (бланка)дан фойдаланиш мумкин. Йўқлама комиссияси томонидан бу босма иш қоғозларига қийматликлар тўғрисидаги ҳуқуқий маълумотлар киритилгандан кейин унга бухгалтерия ҳисоби маълумотларини ёзиб қўйилади ва ҳар иккала кўрсаткичларни солиштириб текшириб чиқилади. Йўқлама комиссияси ўтказилган йўқлама натижасида топилган камомадлар ва ортиқча чиқиш сабабларини аниқлайди. Қийматлик-ларнинг йўқолиши ва бузилиши сабаблари ҳақидаги қарорларни комиссия тегишли ходимларнинг тушунтирув хатлари ва бошқа маълумотлари асосида қабул қилади. Йўқлама комиссиясининг барча хулосалари, таклифлари ва қарорлари корхона раҳбари томонидан тасдиқ-ланадиган мажлис баёни билан расмийлаштирилади. Ўзининг хулоса-сида комиссия аниқланган фарқларни тартибга солишни ҳам белги-лайди. Ҳар ойда бир марта, банклар билан ҳисоб - китобни ҳар ойнинг биринчи кунига ўтказиш лозим.

www.arxiv.uz Йўқлама ўтказиш ўзининг характерига кўра режали ва тўсатдан ўтказиладиган йўқламага бўлинади. Режали йўқлама, унинг мақсадга мувофиқлиги ва яхшироқ ўтка- зилишидан келиб чиққан ҳолда, олдиндан белгиланган муддатларда ўтказилади. Тўсатдан ўтказиладиган йўқлама корхона раҳбарининг фармойиши билан текширувчининг, хўжалик фаолиятини текшириш-ни ўтказаётган тергов ташкилотларининг талаби билан ўтказилади. Режадан ташқари йўқлама табиий офатлар (ўт кетиши, сув тошқи-ни)лардан кейин ҳамда моддий жавобгар шахслар алмашганида ўт-казилади. Йўқлама ўтказиш ва бошқа текширувлар натижасида қий-матликларнинг ҳақиқий қолдиқлари билан бухгалтерия ҳисобидаги маълумотлари ўртасида аниқланган фарқлар қуйидагича тартибга солинади. Моддий бойликлар, пул маблағлари ва бошқа мулкларнинг камомадлари қуйидаги йўл билан ҳисобдан чиқарилади: табиий йўқолиш меъёрлари чегарасидаги йўқолишлар, агар айбдор шахслар аниқланмаган бўлса ёки айбдорлар ундириб олиш суд томонидан инкор қилинган бўлса, ишлаб чиқариш, муомала, давр харажатларига; меъёрлардан ортиқча ҳамда бузилишлардан олинган талофатлар айбдор шахслар ҳисобидан; агар аниқ айбдор шахслар топилган бўлса, унда айбдор шахслар томонидан ундирилади. Бунда кам чиққан товарлар (материал, мулклар) 1 қийматининг камомади айбдор шахслардан ушбу ёки шу каби товарлар (бошқа моддий бойликлар)нинг камомади аниқланган дақиқасига бўлган бозор нархидаги қиймати ундириб олинади. Нархлардаги фарқлар молиявий натижаларга олиб борилади ва умумбелгиланган тартибда жорий ҳисобот даври учун солиққа тортилади. Бу муомалалар бухгалтерия ҳисоби счётларида қуйидагича акс эттирилади: I. Аниқланган камомад қийматига ҳисоб нархида Д-т 5910 «Камомад ва моддий бойликларнинг бузилишига келадиган нобудгарчиликлар»

www.arxiv.uz К-т Камомад бўлган моддий бойликларни ҳисобга оладиган счётлар II. Моддий жавобгар шахслардан ундириб олинадиган (бозор нархидаги) суммага Д-т 4730 «Моддий зарарни қоплаш бўйича ходимларнинг қарзи» (бозор нархида ундирилиб олинадиган суммага) К-т 5910 «Камомадлар ва моддий бойликларнинг бузилишидан келадиган нобудгарчиликлар» (камомаднинг баланс қиймати) К-т 6230 «Бошқа муддати узайтирилган даромадлар» (Моддий жавобгар шахслардан ундириб олинадиган сумма билан қиймати орасидаги фарқ суммага) қиймати ўртасидаги фарқ «субсчёт»» нархлардаги фарқ суммасига. III. Камомад суммаси ундирилганда қуйидаги бухгалтерия муомалалари берилади. Д-т 5010 «Миллий валютадаги пул маблағлари» ёки 6710 «Меҳнат хақи бўйича ходим билан ҳисоб - китоблар» К-т 4710 «Моддий зарарни қоплаш бўйича ходимнинг қарзи» Ушбу муомала ундирилган камомаднинг бозор баҳосидаги суммасига берилади. Йўқлама ўтказиш ва унинг натижаларини расмийлаштириш учун маълум тартиб мавжуд бўлади. Йўқлама корхона раҳбари томонидан тайинланган ва буйруқ би-лан тасдиқланадиган махсус комиссия томонидан ўтказилади. Комис-сия ишда, албатта, бош бухгалтер қатнашади. Йўқламани ўтказиш одатда ойнинг бошига мўлжалланиб, йўқламанинг натижаларини кейинчалик ҳисоб кўрсаткичлари билан солиштиришни осонлашти-ради. Йўқлама ўтказиш арафасида текшириладиган қийматликлар сақланадиган жойларда барча кирим ва чиқим ҳужжатларининг ишлови тугалланган, таҳлилий ҳисобдаги барча ёзувлар қилинган ва қолдиқлар чиқарилган бўлиши керак. Йўқлама қилинган барча бумлар рақами, саналари, ҳажмлари бўйича жойлаштирилган ҳар хил буюмлар сараланиб

www.arxiv.uz жойлаштирилган бўлиши керак. Йўқлама ҳар бир сақлаш жойи ва моддий жавобгар шахс бўйича, унинг қатнашувида алоҳида - алоҳида ўтказилади. Барча моддий бой-ликлар, албатта, санаш, тортиш ёки ўлчаш йўли билан текшириб чиқилади. Мустаснолар, фақат бузулмаган фабрикавий идишларда сақланадиган ҳамда юкланиши қийин ноқулай бўлган арзон буюм-ларга нисбатан йўл қўйиши мумкин. Моддий бойликларнинг сони ҳужжатлар асосида аниқланиши мумкин, лекин бунда ҳам ҳужжат-даги маълумотларнинг тўғрилиги, албатта, танлаб текшириш йўли билан ўрганиб чиқилади, шунингдек, уларнинг сони эса техника ҳисоб-китоблари билан аниқланади. Бундай усуллар билан текшириш ҳақида одатда йўлланма ведомостларида белги қўйилади. Аниқланган ва ҳисоблаб чиқилган қийматликлар ҳақидаги маъ- лумотлар барча йўқлама комиссияси аъзолари томонидан изоҳлана-диган йўқлама рўйхатига ёзиб қўйилади. Моддий жавобгар шахс, рўйхатда келтирилган барча қийматликлар унинг қатнашувида тек-ширилганлиги, уларни унинг жавобгарлигида сақловга қабул қилин-ганлиги ва комиссияга ҳеч қандай даъвоси йўқлиги ҳақида тилхат бе-ради. Агар даъвоси бўлса, унда даъволар нимадан иборат эканлиги аниқ кўрсатилади. Йўқлама қилинаётган буюмларнинг баҳоланиши, рўйхатда фақат уларнинг ҳисобдаги баҳоланишида фарқ қилганда еки унинг маълумотлари асосида аниқлаб бўлмаслиги натижасидагина кўрсатилади. Шундай қилиб, йўқлама рўйхатлари хўжалик маблағларининг ҳақиқатда мавжудлиги ва ҳолатини акс эттирувчи ҳужжатлардан ибо-рат экан. Йўқлама ўтказиб бўлингандан кейин бу ҳужжатлар бухгал-терияга уларнинг ҳақиқатда қолдиқларини ҳисоб маълумотлари би-лан солиштириш ва уларни йўқламадаги маълумотларга мувофиқ-лаштириш учун топширилади. Табиий йўколиш меъёрлари чегарасидаги ёки ундан юқори бўлган камомадлар, айбдор шахслар бўлмаганда, табиий талофат ҳисобланиб, пайдо бўлган жойига қараб, маҳсулот ишлаб чиқариш таннархини ёки давр

www.arxiv.uz харажатларини ошириши керак. Кўпинча улар қийматликларни ҳақиқий ҳаракатлари билан шу ҳаракатни ҳужжатли расмийлаштириш ўртасидаги номувофиқликни акс эттиради. Маса-лан, ишлаб чиқариш заҳираларининг камомади уларни ишлаб чиқа-ришга берилишини ҳужжатлар билан расмийлаштирилгандагига қараганда кўпроқ миқорда берилганлиги натижаси бўлиши мумкин. агар маҳсулотнинг камомади уларни ҳақиқатда олинганлигига қара-ганда ҳужжатлар бўйича кўпроқ олинганлигини расмийлаштириш на-тижаси бўлиши мумкин. Товар-моддий бойликларнинг камомадини ишлаб чиқариш харажатларига ҳисобдан чиқариш йўли билан йўл қўйилган хатолар ҳам бартараф қилинади. Моддий жавобгар шахсдан ундириладиган сумма билан қиймат- ликларнинг баланс баҳоси ўртасидаги фарқ қуйидаги муомала билан даромадга ўтказилади: Д-т 6230 «Бошқа муддати узайтирилган даромадлар» К-т 9390 «Бошқа операцион даромадлар» Бир даврнинг ўзида ва бир моддий жавобгар шахсда бир турдаги товар -моддий бойликларнинг камомади ва ортиқча чиқишлари ўзаро хўжалик ҳисобига ўтказилиши мумкин. Кам чиққан бойликлар қиймати айбдор шахслар ҳисобига олиб борилади. Моддий қийматликларни ортиқча чиқиши аниқланганда у 19 - БҲМС нинг 5.70 бандига биноан киримга олиниб хўжалик юритувчи субъектнинг молиявий натижаларига ўтказилади. Бу муомала қуйи-даги муомала билан расмийлаштирилади: Д-т Тегишли моддий қийматликларни ҳисобга олинадиган счётлар К-т 9390 «Бошқа операцион даромадлар» Камомадлар ва ортиқча чиқишларнинг ҳар бир ҳодисасида фарқларнинг юзага келиш сабаблари чуқур ва ҳар томонлама ўрга-нилиши зарур. Қийматликлар камомадлари бузилишидан кўрилган талофатлар устидан айниқса синчков назоратни ўрнатиш мақсадида бухгалтерия ҳисоби

www.arxiv.uz тизимида юқорида келтирилган алоҳида «Камомадлар ва қийматликларнинг бузилишидан келадиган нобудгарчиликлар» номли махсус счёт кўзда туталган. У йиғиб тақсимловчи счёт бўлиб, унинг ёрдамида талофатларнинг умумий суммаси ва унинг айрим турлари аниқланиб, бу суммаларни тегишли счётларга ҳисобдан чиқарилади. «Камомадлар ва қийматликларнинг бузилишидан келадиган нобудгарчиликлар» счёти активдир. Унинг дебетида солиштирув ведомости асосида товар - моддий қийматликлар («Материаллар», «Тайёр маҳсулот», «Товарлар» ва бошқалар) счётларидан қийматликларнинг барча камомадлари ва бузилишидан кўрилган нобудгарчиликлар йиғилади. Бу счётнинг кредити бўйича унинг дебетида йғилган суммалар йўқлама комиссиясининг қарорига биноан харажатлар ёки айбдор шахслар счётларига ҳисобдан чиқарилади. Буни қуйида келтирилган чизмадан кўриш мумкин: Ортиқча чиқишлар корхона ишлаб чиқариш харажатларини камайтириш ҳисобига тегишли қийматликлар счётларига кирим қилинади. Ортиқча чиқишлар аниқланганда, албатта, уларнинг келиб чиқиш сабаблари ва айбдорлари суриштириб топилади. Ортиқча чиққан моддий бойликлар биринчи навбатда тегишли қийматликлар счётларининг дебетида ва бошқа операцион даромадлар счётининг кредитида акс эттирилади. Шу билан ушбу қийматликларнинг қолдиғини йўқлама натижасида аниқланган уларнинг ҳақиқий миқдорлари билан мувофиқликка олиб келиш таъминланади. Ортиқча чиқишлар, одатда, материалларнинг ҳақиқий ҳаракатини ҳужжатлар билан нотўғри расмийлаштириш натижасида юзага келади ва шунинг учун бундай ёзув зарурдир. Ҳақиқатда ҳам, ишлаб чиқариш захираларининг ортиқча чиқиши уларнинг ҳақиқатда қилинган сарфларига қараганда кўпроқ миқдорда ҳисобдан чиқарилганлиги, тайёр маҳсулотнинг ортиқча чиқиши эса, аксинча, уларнинг келишини камроқ миқдорда ёзилиши натижасидир. Камомадларни ҳисобдан чиқариш ва ортиқча чиқишларни киримга

www.arxiv.uz олиш тегишли товар - моддий бойликларнинг ҳам синтетик, ҳам таҳлилий ҳисобида акс эттирилади. Бу уларнинг бухгалтерия ҳисобидаги маълумотлари бўйича қолдиқларнинг йўқлама ўтказиш йўли билан аниқланган ҳақиқий мавжудлигига мувофиқлигини таъминлайди. Амалдаги Низомда даъво муддати ўтиб кетган қарзларни қоплаш ва ҳисобдан чиқариш тартиби ҳам белгилаб қўйилган. Даъво қилиш муддати ўтиб кетган кредиторлик ва депонентлик қарзлар даромадга ўтказиши ҳамда шу суммалардан солиқ тўланиши керак. Даъво қилиш муддати ўтаб кетган кредитор ва депонент қарзлар ҳисобдан чиқарилганда 6720 «Депонентланган меҳнат ҳақи» ва 6990 «Бошқа мажбуриятлар» счётлари дебетланиб 9360 «Кредитор ва депонент қарзларни ҳисобдан чиқаришдан даромадлар» счёти кредитланади. Даъво муддати ўтиб кетган дебитор қарзлар ҳисобдан чиқа-рилганда 9430 «Бошқа операцион харажатлар» счёти дебетланиб дебитор қарзлар ҳисобга олинадиган счётлар кредитланади.

www.arxiv.uz Адабиётлар рўйхати: 1. Ўзбекистон Республикаси Конституцияси Тошкент. 2003й 2. Каримов И.А. “Бизнинг бош мақсадимиз – жамиятни демократлаштириш ва янгилаш, мамлакатни модернизация ва ислоҳ этишдир”. –Т.: Ўзбекистон, 2005 й. 3. Каримов И.А. «Янгича ҳаётни эскича қараш ва ёндашувлар билан қуриб бўлмайди». Халқ сўзи газетаси. 17 февраль 2005 й. 4. Каримов И.А. «Минтақада хавфсизлик ва барқарорлик йўлида» Шанхай ҳамкорлик ташкилоти саммитида сўзлаган нутқи. Халқ сўзи газетаси. 7 июнь 2005 й 5. Ўзбекистон Республикаси Жиноят Кодекси. Т.; 2004 й. 6. Ўзбекистон Республикасиншвг «Бухгалтерия ҳисоби тўғрисида»ги Қонуни. 1996 йил 30 август. 7. Сотволдиев А., Иткин Ю. Замонавий бухгалтерия ҳисоби. - Т.: 2002. 8. Бакаев А.С., Шнейдман Л.З. Учетная политика предприятия. - Т.: Бухгалтерский учет, 1994. 9. Иткин Ю.М., Гадоев Э.Ф. Бухгалтерский учет в условиях риночной экономики Узбекистана (1,2 том). - Т.: 2000. 10. Бабаев Ю А. Теория бухгалтерского учета. - М.: ЮНИТИ, 2000.

Похожие

Давлат ва жамоат мулкини мансабдор шахслар томонидан талон-тарож қилиш жиноятларини тергов қилиш

Тафтиш тайинлаш ва уни ўтказиш тактикаси

Профайлинг методи маҳкумлар хулқ атвори ва хатти ҳаракатини психологик баҳолаш усули сифатида

Суд бухгалтерия экспертизаси

Узбекистон Республикасида молиявий хужалик назорати ва тафтиш утказишнинг ташкил қилиниши