Mintaqalarda rekreatsiya resurslaridan foydalanishning ekologik iqtisodiy xususiyatlari - География - Рефераты

Mintaqalarda rekreatsiya resurslaridan foydalanishning ekologik iqtisodiy xususiyatlari

Загружено в:

20.09.2019

Скачано:

0

Размер:

23.5283203125 KB

Mintaqalarda rekreatsiya resurslaridan foydalanishning ekologik iqtisodiy xususiyatlari Reja: 1. Rekreatsiya resurslari tushunchasi 2. Mintaqaviy rekreatsiya resurslariga boy joylari 3. Rekreatsiya resurslaridan foydalanishning iqtisodiy xususiyatlari 4. Noyob tabiat yodgorliklaridan foydalanish va muhofaza etish

Rekreatsiya resurslari tushunchasi Rekreatsiya deb, insonlar sog‘ligini va mehnatga qobiliyatini dam olish obektlarida qayta tiklashi, sayyohlik yo‘li bilan tabiatning turli maskanlariga borishi, arxitektura va tarixiy yodgorliklarni borib ko‘rishiga aytiladi. Rekreatsiya sohalari bir qancha bo‘lib, ularga kurort – sanatoriya va boshqa salomatlik obektlarida sog‘likni tiklash, sayyohlik yo‘li bilan tabiatning go‘zal go‘shalariga (daryo, ko‘l, o‘rmon, tog‘, g‘orlar, sharshara va b.) borish, sport bilan shug‘ullanish, hamda noyob tarixiy va arxitektura yodgorliklari bilan tanishishlari kiradi. Rekreatsiya va davolash sog‘lomlashtirish zonalarida ularning resurslaridan oqilona foydalanish va atrof-muhit muxofazasi katta ahamiyatga ega. Rekreatsiya zonalariga aholining tashkil etilgan va ommaviy dam olishi va turizmga mo‘ljallangan yer va suv muhitining tabiiy yoki madaniy hududlari kiradi. Shunday zonalar tarkibiga shaharning ayrim hududlari, shahar atrofi va yashil zonalar, o‘rmonlar, parklar, milliy, tabiiy parklar (bog‘lar), botanika, zoologiya bog‘lari, dendrologik parklar, turistik marshrutlar, dam olish uylari va bazalari hududlari, qo‘riqxona va buyutmalarning aholi borib ko‘rishi uchun ajratilgan ma’lum joylari kiradi. Rekreatsiyaga mo‘ljallangan yerlar tabiat muhofazasi yerlarining alohida turi bo‘lib, ularga tabiat muhofazasi, sog‘lomlashtirish, tarixiy - madaniy maqsadlarga mo‘ljallangan yerlar ajratiladi. O‘rmonlar ham rekreasiya uchun katta ahamiyatga ega. Davolash-sog‘lomlashtirish zonalariga fuqoralarni davolash va salomatligini tiklashga mo‘ljallangan yer va suv muhitlari hududlari, ularga kurort va sanatoriya zonalari kiradi. Rekreatsiya faoliyati bevosita rekreatsiya resurslari asosida shakllanadi. Rekreasiya resurslari tabiiy va madaniy, iqtisodiy, tarixiy resurslarning bir qismlaridan iborat bo‘lib, kelib chiqishi va foydalanish xususiyatlariga ko‘ra rekreasiya resurslari ikki guruhga ajratiladi: tabiiy va antropogen rekreasiya resurslari. Tabiiy rekreasiya resurslarga, hududiy tabiiy komponentlar birikmasidan iborat, go‘zal tabiat go‘sha(landshaft)lari kiradi. Ular daryo, ko‘l, dengiz bo‘ylari, tog‘ etaklaridagi o‘simlik dunyosi, xilma – xil manzarali joylar, mineral suvli

shifobaxsh maskanlar bo‘lishi mumkin. Undan tashqari aholining dam olishi, sport bilan shug‘ullanishi, ov qilishi imkoniyatlari uchun keng hududlar, shahar atrofidagi yashil mintaqalar, park va bog‘lar yoki qo‘riqxona va milliy bog‘lar ham tabiiy rekreasiya resurslaridir. Turli davrlarda inson aql – zakovati bilan yaratilgan tarixiy, arxeologik va san’at obidalari, yodgorliklar, muzeylar hamda rekreasiya maqsadida foydalish mumkin bo‘lgan ijtimoiy obektlar, antropogen rekreasiya resurslariga kiradi. Rekreasiya faoliyati dunyoning ko‘p mamlakatlarida daromat manbaiga aylangan iqtisodiyot sohasi hisoblanadi. Mmlakatimiz ham rekreasiya resurslariga boy hisoblanib, nafaqat dam olish, sayyohlik, sog‘likni tiklash, shuningdek chet el sayyohlarini qabul qilish imkoniyatlariga ega. Mintaqaviy rekreatsiya resurslariga boy joylari Aholining salomatligi va atrof-muhit sifati o‘rtasida bevosita va bilvosita aloqalar mavjud. Masalan, Jahon sog‘liqni saqlash tashilotining ma’lumotlariga ko‘ra, aholi salomatligi 40-50% ularning iqtisodiy ta’minoti va yashash tarzi, 18- 20 % atrof muhitning holatiga, 20-30% tibbiiy xizmat darajasiga bog‘liq bo‘ladi. Xavoning ifloslanishi aholi salomatligining 43-45 % yomonlashuviga sabab bo‘ladi. Zamonaviy gigiyena fani atrof-muhitning ifloslanishi aholi kasallanishining o‘rtacha darajasi 20% ga oshishini aniqlagan. Bunday vaziyatda rekreasiya faoliyati ijtimoiy ishlab chiqarish va xizmat ko‘rsatishning muhim tarmog‘iga aylangan bo‘lib, u aholining ishdan bo‘sh vaqtidan foydalanishni yaxshilashga va dam olishini tashkil etishga xizmat qiladi. Rekreasiya inson tamonidan yuqori baholanadigan va ijtimoiy natija beradigan keng yo‘nalishni qamrab oladi. Unda dam olish va sog‘lomlashtirish, bilish va ijod, odamlar va tabiat bilan tanishish, ta’lim va tarbiyani takomillashtirish va boshqalar birgalikda o‘z ifodasini topadi. Bunday ehtiyojlarni qondirish, sog‘lomlashtirish, umrni o‘zaytirish, insonning jismoniy va ma’naviy darajasini oshirish, shaxsni barkomallashtirish, bilim va malakalarni oshirish va boshqa qator ijtimoiy natijalarga erishishga imkon beradi. Tabiiy omillarga asoslangan rekreasiya faoliyati (turizm )shahar va qishloq aholisi orasida keng tarqalgan kasalliklarning

ommaviy profilaktik vositasi hisoblanadi. U faqatgina ish qobiliyatini tiklashni va mehnat unumdorligini oshirishnigina ta’minlab qolmay, balki 20-50 % ga yurak- tomir, asab, nafas olish, oshqozon, suyak kasalliklari patologiyasi paydo bo‘lishining oldini olishni ta’minlaydi. O‘zbekiston tabiati rang – barang bo‘lib, yilning issiq vaqtlaridan tashqari, qish va kuz fasllarida ham dam olishni tashkil etishni imkoniyati mavjud. Misol uchun tog‘li hududlarda qishki sport – dam olishni amalga oshirish mumkin. Toshkent viloyatida joylashgan Chimyon sport – dam olish majmuasi katta imkoniyatlarga ega. Xuddi shunday majmualarni Qashqadaryo, Surxondaryo viloyatlari tog‘li mintaqalarida ham tashkil etish mumkin. Sog‘likni tiklash manbasi hisoblangan mineral suv va balchiqlar soni mamlakatimizda 200 dan ortadi. Bu yer osti suvlari kimyoviy tarkibi, tibbiy – biologik va boshqa xususiyatlariga ko‘ra bir – biridan farq qiladi. Shuning uchun bu joylarda turli shifoxonalar, sanatoriy – kurortlar va boshqa sog‘lomlashtirish muassasalar qurish mumkin. Qashqadaryo, Surxondaryo, Zarafshon, Sangzor, Ohangaron va boshqa bir qancha daryolarga oqib tushuvchi tog‘ soyliklari rekreasiya resurslariga boy bo‘lib, bu mintaqalarda dam olish oromgohlarini tashkil etish ko‘paysa, birinchidan, aholini salomatligi yaxshilanadi, ikkinchidan, shu joy aholisi ish bilan ta’minlanib, iqtisodiy daromat oshadi. Rekreatsiya resurslaridan foydalanishning iqtisodiy xususiyatlari Demak, tabiat qo‘ynilarida dam olish va sog‘lomlashtirish muassasalarini qurishning ahamiyati yuqori ekan, lekin masalaning boshqa tomoni ham bor. Ya’ni dam olishning ham o‘ziga yarasha mezonlari mavjudki, ularni tuliq hisobga olish rekreatsiya resurslaridan samarali foydalanishga olib keladi. Bu mezonlarga mavjud resurslardan rekreatsiya faoliyatida foydalanishning ekologik xususiyatlari kiradi. Rekreatsiya faoliyati (dam olish, sog‘lomlashtirish) ma’lum hududda amalga oshiriladi. Mazkur hudud hordiq chiqarishga kelganlarni ekologik nuqtai nazardan sig‘dira oladimi yoki yo‘q, bu ekologik sig‘im mezoni bilan aniqlanadi. Ekologik sig‘im bu, dam oluvchilar mitqdori mazkur ekologik maydonga to‘g‘ri kelishini

ko‘rsatuvchi o‘rtacha me’yor hisoblanadi. Bu borada ma’lum andoza va me’yoriy ko‘rsatgichlar ishlab chiqilgan. Bunga quyidagi jadvalni misol keltirish mumkin. Jadval 8. Suv havzalarida cho‘milishni tashkil etishda me’yoriy ko‘rsatgichlar Suv havzasi turi Cho‘miluvchilar soni Me’yoriy ko‘rsatgich, m 2 Dengiz plyaji 1 5 ichki suv havzasi jumladan, bolalarga 1 1 8 4 daryolar 1 5-10 oqmas suv havzalari 1 10-15 Manba: A.A.Rafiqov va boshqalar. Ekologiya. T:.2004 Jadvaldan ko‘rish mumkinki, agarda suv havzasi maydoniga nisbatan cho‘miluvchilar soni oshib kesa, u holda suvning ifloslanishi ortib, insonlarda turli kasalliklarni keltirib chiqarishi mumkin. Bahor oylarida tog’ yonbag‘rlari, qirlar, adirlarda dam oluvchilar soni keskin ortadi. Bunda dam olish hududiga nisbatan dam oluvchilar soni ancha ortiq bo‘ladi. Bu jarayonda turli giyohli, manzarali o‘simliklarga ziyon yetkiziladi, atrof – muhit turli chiqindilar bilan ifloslanadi, natijada ekologik muvozanat buziladi. Rekreatsiya faoliyatining ana shunday samaradorligi tabiiy omillarning foydali ta’siri va bunday faoliyatni ushbu omillar mavjud hududlarda tashkil etish bilan bog‘liqdir. Rekreatsiya sohasini rivojlantirish va joylashtirish, uning samaradorligini oshirish muammolarini hal etishda quyidagi vazifalarni hal etishga alohida ahamiyat beriladi: - tumanlar va hududlarda rekreatsiyada tabiatdan foydalanish imkoniyatlarining optimal strukturasini shakllantirish; - tumanlar va hududlarda rekreatsiyada tabiatdan foydalanish va boshqa sohalarda tabiatdan foydalanishni taqqoslab baholash; - tabiiy rekreatsiya resurslarini muhofaza qilish, ulardan rasional foydalanish, ularni takror ishlab chiqarish bo‘yicha xo‘jalik tadbirlarini baholash;

- tabiiy rekreatsiya resurslaridan foydalanishning samaradorligini baholash. Rekreatsiya samaradorligini aniqlashda quyidagilar hisobga olinadi va ta’riflanadi: 1. Tadbirlar maqsadi , ya’ni rekreatsiya faoliyatining kutilayotgan va erishish mumkin bo‘lgan natijalari. 2. Rekreatsiya faoliyatining konkret mintaqaviy va ijtimoiy- demografik xususiyatlarini eng pastki darajadagi sharoitlarini ta’riflovchi tegishli ijtimoiy standartlar . 3. Tadbirlar natijasi , ya’ni tadbirlarning har biriga asoslanib tashkil etish mumkin bo‘lgan variantlari yoki quyilgan maqsadga erishishning muqobil yo‘llari. 4. Tadbirlar variantining har birini amalga oshirish bilan bog‘liq bo‘lgan resurslar harajati (tabiiy rekreasiya resurslarini qo‘shib). 5. Hisob-kitob sharoitlarida qo‘yilgan maqsadlarga erishishga yo‘naltirilishi mumkin bo‘lgan (resurslar bo‘yicha cheklovlar ) resurslar va ayniqsa ko‘rib chiqilayotgan hududlarning tabiiy rekreatsiya resurslari. Ko‘rsatilgan besh guruh ta’riflar samaradorlikni baholash maqsadida iqtisodiy- matematik modellarni shakllantirish uchun yetarlidir. Bundan tashqari ular tadbirlar natijalarini qo‘yilgan maqsadlar, real ajratilishi mumkin bo‘lgan resurslar bilan talab qilinadigan resurslar harajatiga taqqoslashga imkon beradi. Bular yo‘l qo‘yish mumkin bo‘lgan qarorlarni shakllantirishga va variantlarni yo‘l qo‘yish mumkinligi nuqtai nazaridan dastlabki baholashga yordam beradi. Barcha beshta guruh ta’riflar yoki natijalarning (1-3 – guruhlar) yoki harajatlarning (4 va 5 - guruhlar) tarifini beradi. Rekreatsiyada tabiatdan foydalanish faoliyatining ijtimoiy va ijtimoiy-iqtisodiy natijalarini xo‘jalik tadbirlari natijalarining ayrim tomonlarini ifodalaydigan natural-moddiy, sifat va qiymat tavsiflarining o‘zaro bog‘liq ko‘rsatkichlari tizimida aks ettiriladi. Natural ko‘rsatkichlarda qo‘yidagilar ifodalanadi: - rekreatsiyada tabiatdan foydalanish sohasida amalga oshirish mo‘ljallanayotgan tadbirlarning aholini qamrab olishi (hisoblangan kontingent odamlar)- xizmat ko‘rsatiladigan odam-kun miqdori yoki bir yilda xizmat

ko‘rsatiladigan aholi soni, xizmat ko‘rsatish va sifati (kategoriyasi)bo‘yicha alohida hisoblar; - marshrut, dam olish dasturi, hududlar yoki barpo etiladigan obektlarning quvvati (qancha kishi qabul qilish imkoniyati); - ijtimoiy natijalarga imkon beradigan rekreasiya faoliyatiga aholi sarflaydigan vaqt; - aholining rekreasiya faoliyatiga kiradigan vaqt sarfining qisqarishi bilan bog‘liq bo‘lgan vaqtini tejash (rekreasiya xizmatini kutish). Nisbiy ko‘rsatkichlarda xizmat ko‘rsatish sifatining ekspert bahosi, hududlar va obektlarning xossalari (funksionalligi qulayligi bilan birga, shinamligi, nafosati, tashqi ko‘rinishining o‘ziga jalb etishi, atrof-muhit bilan uyg‘unligini ham qo‘shib) ifodalanadi (odatda ballarda hisoblanadi). Qiymat ko‘rsatkichlarida quyidagilar aks ettiriladi: - belgilangan baholarda mahsulotlar va xizmatlarni realizasiya qilishning yillik hajmi va ularni realizasiya qilishdan olingan foyda; - sog‘liqni saqlash muassasalarida kasallanishning kamayishi bilan bog‘liq bo‘lgan harajatlarning shartli – hisoblangan kamayishi; - mehnat unumdorligining oshishi xodimlar kvalifikasiyaning oshishi bilan bog‘liq bo‘lgan ijtimoiy infratuzilmani barpo etish va uning xizmatiga harajatlarning kamayishi; - aholi vaqtni tejashining qiymat bahosi. Rekreatsiya resurslaridan foydalanishning iqtisodiy xususiyatlari, mavjud resurslar asosida dam olish, sog‘lomlashtirish uchun qulay shart – sharoit yaratish bilan bog‘liq. Bu birinchi jihatdan, tegishli infratuzilmani tashkil etishni talab etadi. Rekreasiya infratuzilmasi – dam olish obektlari (sanatoriya, kurort, pansionat va b.) transport kommunikasiyalari, elektr energiya, tabiiy gaz va boshqa xizmat ko‘rsatish tarmoqlari (sport maydoni, suv havzasi, ovqatlantirish tarmoqlari, klub, telefon tarmog‘i va b.) bilan ta’minlangan majmuadir. Rekreasiya infratuzilmasi qanchalik takomillashgan bo‘lsa, dam oluvchi va sog‘ligini tiklovchilar uchun

qulay sharoitga ega ekanligini bildiradi, hamda bu yerga keluvchilar sonini oshishiga olib keladi. Bu esa o‘z navbatida iqtisodiy samaradorlikka olib keladi. Ikkinchi jihatdan, dam olish maskanlarining malakali mutaxasislar bilan ta’minlanishi katta samara beradi. Mamlakatimiz rekreasiya resurslariga boy bo‘lsada, ulardan talab darajasida foydalana olmayapmiz. Bu esa, qanchadan – qancha iqtisodiy daromatdan qolayotganimizni bildiradi. Shuning uchun ayni vaqtda quyidagi ishlarni amalga oshirish lozim deb hisoblaymiz: - Hududiy rekreasion tizimning qabul qilish potensiali aniqlash; - mintaqalar bo‘yicha dam olish va davolanish muassalarni tabiiy – iqlimiy sharoit, mineral suv va boshqa rekreasiya resurslaridan kelib chiqib joylashtirish; - ovqatlantirish, kommunal va madaniy xizmat ko‘rsatish tarmoqlarini, hamda suvenir mahsulotlari ta’minotini yaxshilash; - zamonaviy transport, yo‘l tarmoqlari va aloqa vositalarini rivojlantirish; - mehnat resurslaridan samarali foydalanish; rekreasiya maqsadida foydalanishda tabiat muhofazasiga e’tibor qaratish. Noyob tabiat yodgorliklaridan foydalanish va muhofaza etish Noyob tabiat yodgorliklari, bu – muhofaza qilinadigan obekt turlaridan hisoblanadi. Ayrim hollarda tabiiy obektlarni muhofaza qilish uchun katta maydonlarni ishg‘ol qilinadigan qo‘riqxonalar tashkil qilish maqsadga muvofiq bo‘lmaydi. Shuning uchun kichikroq maydonlardagi tabiiy obektlar «tabiat yodgorliklari» deb qilinadi va muhofaza ostiga olinadi. «Tabiat yodgorliklari» terminini dastlab A.Gumbolt taklif qilgan. O‘tgan asrimizning boshlaridayoq Yevropada tabiat yodgorliklarini muhofaza qilish boshlangan edi. Tabiat yodgorliklari tabiatning o‘zgarishi va unda sodir bo‘layotgan jarayonlar haqida ma’lum darajada aniq guvohlik beradi. Tabiat yodgorliklari ilmiy – tarixiy va madaniy – estetik ahamiyatga ega. Umumiy harakteriga ko‘ra, tabiat yodgorliklari geologik – geomorfologik, botanik, paleontologik, astronomik va landshaft yodgorliklariga bo‘linadi. Geologik – geomorfologik yodgorliklarga nodir geologik tog‘ jinslari, karst voronkalari, relef shakllari, g‘orlar, issiq suvli mineral buloqlar kiradi.

Mamlakatimizdagi Kilsi (Qirqtog‘da), Qorlug‘ (Ko‘hitang tog‘ida), Hazratidovut (Zirabuloq tog‘ida), Amir Temur g‘orlari, Zarafshon tizmasidagi karstlarni misol keltirish mumkin. Botanik yodgorliklarga yuz yillik daraxtlar, yo‘qolib ketayotgan relikt o‘simliklar kiradi. Bu yodgorliklarga Surxondaryo viloyatidagi, Urgut tumanidagi ming yillik chinorlarni kiritish mumkin. Peleontologik yodgorliklarga toshga aylangan organizm va qirilib ketgan hayvonlarning izlar qolgan joylar kiradi. Landshaft yodgorliklariga ajoyib qoyalar, sharsharalar, daralar, ajoyib buloqlar, xushmanzara joylar kiradi. Bunga Ilono‘tdi (Temurlang) darasi, Ko‘ksuv daryosidagi sharshara, Nurota va Urgutdagi buloqlar, Katta va Kichik Chimyon soyligi, Oqtosh soyligi va boshqalar kiradi. Astronomik tabiat yodgrliklariga yirik meteoritlar tushib izi qolgan joylar kiradi. Hozirgi kunda respublikamiz hududida 400 dan ortiq tabiat yodgorliklari qayd qilingan va muhofazaga olingan. Bundan buyon jamoatchilik kuchi bilan tabiat yodgorliklarini hisobga olib chiqish, uni tarqilish haritasini yaratish juda muhim hisoblanadi. Respublikamiz bo‘yicha 35 ta noyob tog‘ o‘rmonzorlari muhofaza qilinmoqda. Shulardan biri Samarqand shag‘ridan 40 km janubi – g‘arbida, ’ni Zarafshon tizmasining g‘arbidagi Omonqo‘ton tog‘ o‘rmonidir. Omonqo‘ton o‘rmon xo‘jaligi 1887 – yilda tashkil etilish boshlangan bo‘lib, 2158 ga maydonni egallaydi. O‘rmonning amaliy ahamiyatidan tashqari ajoyib rekreasion resurs hisoblanadi. Shuning uchun dam olish kunlari shahar aholisini xordiq chiqarishini tashkil etish katta ijtimoiy ahamiyatga ega. Bu borada tog‘ o‘rmonini tabiiy holatini , ularning boy hayvonot dunyosini saqlab qolish va yaxshilash, undan tashqari dam olish uchun keladigan kishilarga maxsus joylarni ajratish, marshrutlar tizimini ishlab chiqish, hamda muhofaza qilishni faollashtirish kerak bo‘ladi.

Foydalanilgan adabiyotlar: 1.«O`zbekistonda turizmni rivojlantirishning 2005 yilgacha bo`lgan davlat dasturi», O`zbekiston Respublikasi Prezidenti I.A. Karimovning 15.01999 yildagi UP-2286 farmoni. 2. O`zbekiston Respublikasining «Turizm to`g`risidagi qonuni». Xalq so`zi gazetasi 109.1999. 3. Александров А.Ю. Международный туризм. Уч.пособие для вузов.- М.: Аспект Пресс, 2000 Биржаков М.Б. Введение в туризм. С.Пб.: Издательский Торговый Дом «Герда», 2004 5 . Лицензирование и сертификацие в туризме. Учебное пособие Дехтярь Г.М.: Финансы и статистика, 2003 г. 6 . Маринин М.М. Туристские формальности и безопасность в туризме.2000

Похожие

Shohimardonsoy suv resurslaridan foydalanishning hozirgi holati

Mintaqalarda ekologik turizm resurslari va ulardan foydalanish

Amudaryoning hozirgi deltasida yer resurslaridan foydalanishning geografik asoslari

Mintaqalarning turistik resurslaridan foydalanish imkoniyatlarini baholash

Mintaqaviy turizm resurslarini rivojlantirishning ijtimoiy iqtisodiy ahamiyati