Ҳиндистон туристик индустрияси - География - Рефераты

Ҳиндистон туристик индустрияси

Загружено в:

20.09.2019

Скачано:

0

Размер:

72 KB

Ҳиндистон туристик индустрияси Режа: 1. Транспорт и 2. Меҳмонхоналар и 3. Овқатланиш корхоналари

Транспорт Ҳиндистонда халқаро авиация транспорти жуда яхши риожланган бўлиб, унда “Эйр Индиа” ва бошқа авиакомпаниялар хизмат кўрсатишади. Мамлакатда ҳаво алоқаларидан ташқари, денгиз, темир йўл транспорти тармоқлари ҳам анчагина ривожланган ва улар орқали қўшни мамлакатларга, жумладан Шри Ланкага паром орқали, Покистонга темир йўл, автомобил транспортлари, Непалга ҳам темир йўл ва автотранспорт (автобус орқали), Бутанга поезд билан, автобус ҳамда ҳаво транспорти, Бангладешга темир йўл, автомобиллар орқали алоқаларни олиб боришади. Мамлакатнинг ички қисмида “Ҳиндистон авиакомпаниялари” учишни амалга оширади. Авиация транспорти компанияси мамлакатнинг ички қисмида 70 та шаҳарларга самолётлар парвозининг учишини таъминлайди. Ҳиндистондан доимий самолётларнинг рейслари қўшни мамлакатларга, жумладан Покистон, Непал, Бангладеш, Шри Ланка, Афғонистон, Мальдив ороллари ва бошқа узоқ мамлакатларга ҳам учишни амалга оширади. Афғонистон, Бангладеш, Бутан, Бирма, Мальдив ороли, Непал, Покистон ва Шри Ланкага учувчи йўловчилардан, болаларни ҳам бирга ҳисобга олган ҳолда 50 рупий атофида йиғим ундирилади, бошқа мамлакатарга учувчилар учун эса 100 рупийдан йиғим олинади. Мамлакатнинг ички қисмида учувчи йўловчилар учун 20 кг багаж юки, хорижий мамлакатларга учувчилар учун эса багаж юки 30 кг қилиб белгиланган. “Ҳиндистон авиалинияси” («Эйр Индиа»)да учадиган йўловчилар учун 7 та махсус авиабилетлар нархи белгилаб қўйилган. Ушбу дастур бўйича учадиган хорижликлар, Ҳиндистоннинг чет элларда яшовчи фуқароларидир. Юқорида айтилган дастурда билетларни сотиш йил мобайнида аваикомпаниялар томонидан амалга оширилади. Ушбу программа ёки дастур қуйидагича: “Ҳиндистонни очинг” дастури («Discover India»), Ҳиндистон ёшлари тарифи” дастури, “Жанубий Ҳиндистонга экскурсия” дастури, “Ҳиндистоннинг сеҳрли тарифи” дастури ва ҳ.к.

Кейинги пайтларда Ҳиндистон мамлакатининг ички қисмида аста – секинлик билан хусусий авиакомпанияларни очишга киришилди. Шулар қаторига “Авиатакси” номи билан 9 та хусусий авиакомпаниялар ўз хизматларини тақдим этиб келмоқдалар. Ҳозирги кунда мамлакатнинг 9 та йирик халқаро аэропортлари: Деҳли, Мумбай, Калкутта, Ахмадобод, Ҳайдаробод, Гоа, Амрипар, Бангалор, Ченнай, Кочи, Гавахати каби шаҳарларида фаолият кўрсатиб келмоқдалар. Мамлакатнинг ички қисмида самолётларнинг учишини 90 тага яқин маҳаллий аэропортлар таъминлаб келмоқдалар. Темир йўл транспорти. Ҳиндистон темир йўл транспорти Осиёдаги энг йирик транспорт тармоқларидан бири бўлиб, ўзининг масофа узоқлиги ва темир йўлларнинг зичлиги бўйича иккинчи ўринни эгаллайди. Мамлакат темир йўлларининг узунлиги 62.300 км, темир йўл станцияларининг умумий сони 7.030 та, лаком о тивларнинг жами сони 11.200 тадан ортади. Поездларда йўловчиларнинг юриши унчалик қиммат эмас. Мамлакат бўйлаб кўпгина тезюрар экспресс поездлари қатнови йўлга қўйилган бўлиб, улар йирик шаҳарларни бир – бири билан боғлайди. Ҳиндистон бўйлаб махсус нарх (баҳога) эга бўлган “Ҳиндистонга қўйиш” поезди мавжуд. Ундан ташқари “Ғилдирак устидаги сарой” экспресс туристик поезди Раджастоннинг шаҳарлари “Деҳли –Жайпур – Читоргарх– Удайпур– Саван–Мадхопур (Рантхамбор)–Джайсалмер–Джадхпур– Бхаратпур–Агра–Деҳли” йўналиши бўйича сайёҳларни сафарга олиб чиқишади. Ушбу поезд Деҳлининг “Кантомент” темир йўл вокзалидан ҳар чоршанба куни йўлга чиқишади. Поезддаги экскурсия йилнинг сентябр – апрел ойларида амалга оширилади. Экскурсия муддати 8 кундан иборат. “Ғилдирак устидаги сарой” комф ор тли поездда салон , мини – бар ва ошхона ҳар бир вагонда мавжуд. Вагонда душ ва ваннага эга бўлган алоҳида хона, иссиқ ва совуқ сувлар муҳайё этилган. Вагондаги ресторанда ҳиндлар ва европаликларнинг миллий таомлари тайёрланади, вагонда махсус

жиҳозланган бар ҳам мавжуд. Поездда валюта алмаштириш шохобчаси, кутубхона, биринчи тиббий ёрдам кўрсатиш купеси ҳам бор. “Ғилдирак устидаги сарой” тезюрар поездида 52 та ухлайдиган купе бўлиб, ундаги ҳар бир купеда иккитадан кроват мавжуд. Поезд вагонлари кондиционерлар ёрдамида совутилади. Сафарда сайёҳларга газета, журналлар, яхна ичимликлар, кофе кабилар тақдим этилади. Иккинчи муҳим туристик экспресс поезди “Роял Ориети” ҳам “Ғилдирак устидаги сарой” поезди каби Деҳли шаҳридан йўл олиб Читоргарх орқали Удайпур - Бхавиагар - Палитана - Сомиатх - Дну - Веравал - Сасангир - Жунагад - Ахмадобод - Жай п ур – Деҳли йўналиши бўйлаб саёҳат уюштирилади. Автомобил транспорти . Ҳиндистонда кейинги йилларда автомобилларда саёҳат қилиш борган сари оммавийлашиб бормоқда. Бироқ хориждан келган туристлар олдиндан Ҳиндистон бўйлаб автомобилда сайр қилиш йўлларини билиб олиш зарур бўлади. Ҳозирги кунда бутун мамлакат бўйича автомобил йўлларининг умумий узунлиги 1 млн. 970 минг км. қаттиқ қопламли ҳисобланади. Ҳиндистоннинг ички қисмида автомобилларда сайр – томоша қилиш имкониятлари мавжуд бўлиб, улар махсус автобусларда, такси ва авторикшиларда амалга оширилади. Ҳиндистонда автомобилларни туристларнинг арендага олишлари унчалик кенг тарқалмаган. Бу ерда автомобилларнинг ҳаракати чап томонлама бўлганлиги сабабли, хорижлик туристларга анча ноқулайлик туғдиради. Шу сабабли улардан арендага олиб фойдаланиш анча қийинчиликларни келтириб чиқаради. Денгиз транспорти . Ҳиндистонда денгиз транспорти ҳам анчагина ривожланган. Мамлакатнинг энг йирик денгиз портлари қаторига Мумбай (Бомбей), Калькутта, Кочин, Ченнай (Мадрас), Калкутта, Панаджи (Гоа) ва Рамешваран кабилар киради. Ҳиндистонда кўпроқ туристларнинг денгиздаги саёҳати асосан Бомбей ва Гоа шаҳарлари ўртасида амалга оширилади. Ушбу икки шаҳар ўртасидаги сув йўлида катамаран қатнайди. Бунда махсус кондиционерлар салонни доимий равишда совутиб туради. Катамаран ўз

бортига 400 атрофидаги саёҳларни қабул қилишга мўлжалланган. Бундан ташқари денгиздаги саёҳат Ҳиндистоннинг шарқий қисмидаги Бенгалия кўрфазидаги Калкутта ва Мадрас ҳамда Порт – Блэра (Андаман ороли) маршрути бўйлаб амалга оширилади. Ушбу маршрутда саёҳларни ташиш мавсумий бўлиб, ёмғирли мавсум бошлангандан сўнг деярли тўхтайди. Ҳиндистонда яна ажойиб бир денгиз саёҳати мамлакатнинг жанубий – ғарбий қисмида Керали ва Кочин ҳудудида анчагина ривож топган. Бундан ташқари маҳаллий аҳамиятга эга бўлган денгиз саёҳати Калкута–Кочин ва Алиппи–Коттаям йўналишларида ҳам йўлга қўйилган. Дарё транспорти. Ҳиндистонда дарё транспорти ҳам анчагина ривожланган. Мамлакат ички сув йўлларининг умумий узунлиги 16,2 минг км.ни ташкил этади. Дарё сувларида сайр-тамошо қилиш Ганг, Ҳинд, Брахмапутра, Нармада, Годавари, Кришна кабиларда амалга оширилинади. Меҳмонхоналар и Ҳиндистон ҳам дунёнинг кўпгина мамлакатлари сингари халқаро стандартларга жавоб бераоладиган замонавий меҳмонхоналарга эгадир. Ҳиндистон саройли меҳмонхоналари ҳамда дабдабали (ҳашаматли) қилиб безатилган отеллари билан алоҳида ажралиб туради. Меҳмонхоналарда қисқа муддатда тўхталиб, бироз ҳордиқ чиқарадиган бўлсангиз унда юқори даражадаги қулайлик, хилма-хил хизмат кўрсатиш сервиси, лаззатли ошхонаси, ажойиб дам олиш шароитлари, архитектура гўзалликлари, улуғворликларини ҳис этасиз. Унчалик нархи (баҳоси) юқори бўлмаган “Таклиф этиладиган меҳмонхоналар” ҳам ўзининг замонавий сервис хизматлари билан алоҳида ажралиб туради. “Таклиф этиладиган меҳмонхоналар” мамлакатнинг деярли ҳамма ҳудудларидаги шаҳарларда кенг тарқалган. Меҳмонхоналар ва отелларнинг ҳаммаси дам олиш учун зарур бўлган жиҳозлар билан таъминланган. Ёшлар ётоқхоналари. Ҳиндистонда ёшлар ётоқхоналари жуда кенг тарқалган бўлиб, қулай ва арзон нархда ташкил этилган. Ёшлар ётоқхоналари экскурсия иштирокчилари, пиёда сайёҳлар ва альпинистлар учун

мўлжаллангандир. Ҳиндистон туризм департаменти бутун мамлакат бўйлаб 16 та ёшлар ётоқхонасини ташкил қилишган. Ҳар бир ётоқхона 40 кишига мўлжалланган бўлиб, унда эркаклар ва аёллар дам олиши кўзда тутилган. Ҳамма ётоқхоналарда дам олувчиларга алоҳида кроват , матрац, одеял о , простинаси билан таклиф этилади. Хонада кийим – кечаклар учун шкафлар, ошхона, электр жиҳозлари, автомобил тўхташ жойи ва бошқалар муҳаё этилган. Чодирли тўхташ жойларини мамлакатнинг ҳамма жойларида учратиш мумкин. Бундай туристларнинг тўхташ жойлари кўпроқ ёввойи табиат қўйнида фаол (актив) дам олувчи сайёҳлар учун мўлжаллангандир. Ҳиндистонинг денгиз бўйи қисмларидаги меҳмонхоналари. Шуни таъкидлаш жоизки, Ҳиндистоннинг пойтахти ва бир қатор йирик шаҳарларидаги меҳмонхоналар сиғими катта бўлиб, улар кўп қаватли (12-18) меҳмонхоналардан иборат. Аксарият меҳмонхоналар ҳашамдор ва дабдабали, миллийликни ўзида уйғунлаштирган иншоотлардир. Мамлакатнинг океан, денгиз қурғоқлари бўйида қурилган меҳмонхоналари ўзига хос хусусиятларга эгадир. Бу меҳмонхоналар, туристик комплекслар, туристик базалар, уйлари, хусусий яшаш жойлари, квартиралар, ижарага вақтинча бериладиган ҳовлилар, турар жой хоналаридир. Денгиз соҳили бўйида ташкил қилинган меҳмонхоналар, туристик комплекслари замонавий архитектура-қурилиш тартиб - қоидаларига, стандартига, нормаларига қатъий равишда амал қилиб қурилганлар. Денгиз бўйида пальма дарахтлари ўрмонзорлари ичида қурилган ҳар қандай меҳмонхоналар катта бўладими, кичик бўладими улар бир ёки икки қаватдан юқори бўлмаслиги талаб этилади. Яъни меҳмонхоналарнинг баландлиги пальма дарахтларидан баланд бўлмаслиги керак. Бундай талаб ва норматив стандартли талаблар Ҳиндистоннинг пляж туризми жуда ривожланган ҳудудлари учун таълуқлидир. Юқоридаги талабларга риоя этилиб барпо қилинган меҳмонхоналар ва туристик комплексларни қуйидаги мисоллардан кўришимиз мумкин.

Гоа штатининг жанубида барпо этилган меҳмонхоналар:  Отель Лила (Н otel Leela ) – беш юлдузли мақомга эга бўлган меҳмонхона. У ажойиб курорт ҳудудида қурилган меҳмонхона бўлиб ҳисобланади. Унинг умумий ер майдони 35 гектардан ортиқ бўлган тропик ўрмонзорлари ичида жойлашган, гўзал пляжга эга меҳмонхонадир. Меҳмонхонада 137 та номер бўлиб, улар барча қулайликларга эга. Бу ерда меҳмонхона ресторанида италянча, ҳиндча, гоача, осиёча, континентал хилма-хил таомлар тайёрланади. Меҳмонхонада ўндан ортиқ хилма-хил хизматлар турлари мавжуд;  Парк Ҳаятт ( Park Hyatt ) – беш юлдузли отел бўлиб, у ҳинд, португал стилида қурилган. Ушбу отел эгри-бугри каналлар ўртасида жойлашган бўлиб, ўзига хос хусусиятларига эга. Отель 151 номерга эга. Отель ресторанида италянча, португалча, испанча, французча, гоача таомлар тайёрланди. Меҳмонхонада таклиф этиладиган хизмат турларига қуйидагилар киради: банкет ва конференц заллари, аюрведик ва ёшартириш маркази (Серена СПА), сув спорти турлари, уюшган болалар дам олиши;  Intercontinental the Lalit Goa Resort – бу эксклюзив курорт отели . Ражбага ва Канкананинг тинч – осийишта пляжлари бўйида жойлашган . Отел ҳаммаси бўлиб 255 номерга эга . У « суит » даражасида жиҳозланган . Отел ресторанида асосан гоача , италянча , ўрта ер денгизи бўйи халқларининг таомлари тайёрланади . Отледа кўрсатиладиган хизматлар турларига спорт , бар , СПА , фитнес клуб , сув спорти турлари , уюшган болалар дам олиши ва бошқалар киради ;  The Zuri Whitc Sands Resort Casino – отели беш юлдузли мақомига эга бўлиб , у Варка пляжи қирғоғида тебраниб турган пальма ўрмонзорлари ўртасида жойлашган . Отель 154 комфортабелли номерларга эга бўлиб, унинг ресторанида кўп миллатли таомлар тайёрланади;  Holiday Inn Resort – бу ҳашаматли курорт отели гўзал Мобор пляжида жойлашган бўлиб, Гоанинг жанубида тропик ўрмонзорлари ва пальмазорлари ўртасида ўрнашган. Курорт отелида 203 та замонавий ва

қулайликларга эга бўлган номерлари бўлиб, бу отел ресторанида асосан гоаликлар, хитойликлар таомлари, хилма-хил денгиз мавжудотларидан тайёрланган овқатлар таклиф этилади. Отелдаги асосий хизматлар қаторига теннис ва соғломлаштириш маркази, сув спорти турлари ва кўнгил очар ўйинлар, бизнес марказ, банкет зали, казино ва шу кабилар киради;  Kenilworth Beach Resort – бу беш юлдузли курорт отели бўлиб, у 10 гектар ер майдонига эга. Ушбу отел Жанубий Гоанинг оппоқ рангли қумли Угарох пляжида жойлашган. Бу меҳмонхона 107 номердан иборат. Унинг ресторанида кўп миллатли халқларнинг таомлари тақдим этилади. Отелдаги асосий хизматларга 2 та бассейн, дискотека, фитнесс марказ, жакузи, врач, валюта алмаштириш пункти, савдо тармоғи, гўзаллик салони, интернетга кириш ва бошқалар киради;  AIula Diva Goa – бу беш юлдузли отел бўлиб Жанубий Гоанинг Мажорда денгиз қирғоғига жойлашган пляжда ўрнашган. Бу курорт отел замонавий архитектура комплексига эга бўлиб, ажойиб қишлоқ пейзажига эга. Курорт отелда 149 номерлар бўлиб, кишига янгича кайфият бағишлайди. Отелда хилма-хил миллий таомлар тайёрланади. Унда кўрсатиладиган асосий хизмат турларига бассейн, соғломлаштириш клуби, аюрведик марказ киради;  Club Mahindra ( AT ) – бу тўрт юлдузли меҳмонхона бўлиб, жанубий Гоанинг оппоқ рангдаги ажойиб қумли Варка пляжида жойлашган. Отелда ҳаммаси бўлиб, 103 та номер бор. Отелнинг ошхонасида гоача, ҳиндча, америкача, италянча, хитойча овқатлар тайёрланади. Кўрсатиладиган хизматларга саёҳатлар бюроси, гўзаллик салони, соғломлаштириш клуби, конференц-зал ва ҳар хил ўйинлар киради;  Dona Silvia ( AT ) – бу тўрт юлдузли курорт отели бўлиб, у 12 га ер майдонига эга. Ушбу отел жанубий Гоанинг ажойиб боғлари ва какос пальмазорлари массивида жойлашган. Кондиционерли виллалар барча қулайликларга эга. Курорт отел ошхонасида 3 та ресторан ва 3 та барлар хизмат кўрсатади;

 The Retreat By Zuri – бу отел оилавий дам олишга мўлжалланган бўлиб, фақат олий даражада хизмат кўрсатади. Отел португалча қишлоқ ҳаётини тасвирловчи хизмат турини таклиф этади. Отелда 106 та номер бўлиб, унинг ресторани кўп миллатли халқларнинг таомидан иборатдир. Отелдаги хизматларга бассейн, аюрведик марказ, ўйинлар ва сув спорти турлари киради;  Heritaqe ViLLage Club ( AT ) -бу биринчи бутик курорт меҳмонхонаси бўлиб, унда овқатланишнинг ҳамма турлари киритилган. Ушбу меҳмонхона Арросим олтин рангли қумли пляжида жойлашган. Бу ерда 100 та номерлар бўлиб, унинг ресторанида кўп миллатли халқларнинг миллий таомлар меню (таомнома)си тақдим этилади;  Coconut Groove – бу уч юлдузли меҳмонхона бўлиб ўзининг таниқли афсонавий муҳити билан ажралиб туради. Бу ерда ҳар доим тинчлик, осойишталик ҳукмронлик суради. Бу меҳмонхона оппоқ рангдаги Бетаебатим қум пляжида ўрнашган. Отелда 38 та номер бўлиб, унда бизнес марказ, дўкончалар, гўзаллик салони каби хизматлар кўрсатилади. Овқатланиш корхоналари Ҳиндистоннинг табиати хилма-хил ва ранг – баранг бўлгани сингари унинг таомлари ҳам хилма-хилдир. Одатда Ҳиндистон таомларини тайёрлашда жуда кўплаб соус (масаллиқ)лар ишлатилади. Масаллиқларни тайёрлашда уларга ҳар хил табиий зироварлар қўшилади. Кўпгина тайёрланган зировар соуслар дори хусусиятига эга. Шу сабабли уларда тайёрланадиган таомларнинг кўриниши, ранги, таъми, аччиқ-чучуклиги хилма-хил бўлади. Ҳиндистон жуда катта мамлакат бўлганлиги сабабли унинг аҳолиси ҳам хилма-хил урф одат, анъаналарга бойдир. Диний нуқтаи-назардан қараганда ҳам улар хилма-хилдир. Уларнинг турмуш тарзи ҳам ҳар хилдир. Ҳиндистон Шимолида яшайдиган халқларда гўштли таомлар алоҳида ўринни эгаллайди. Бу ерда қўй гўшти, товуқ гўшти, эчки гўшти кўп миқдорда истеъмол қилинади.

Ҳиндистон жанубида яшайдиган халқлар ўртасида кўпроқ аччиқ, ўткир соусли, сабзавотли, гуручли овқатлар асосий ўринни эгаллайди. Ҳиндистоннинг ғарбий қисми, денгиз бўйи (қирғоқларида яшайдиган халқ)ларнинг асосий таомларида балиқ гўшти ва денгиз ҳайвонлари маҳсулотлари эгаллайди. Қолган қисмларида кўпроқ дон (ғалла)дан яъни хамирли овқатлар, сутли таомлар эгаллайди. Ҳиндистонда чой эса барча ҳиндларнинг асосий ичимлиги бўлиб ҳисобланади. Чойнинг хилма-хил нав (сорт)лари бор. Ундан ташқари бутун мамлакат бўйича газланган сув, яхна ичимликлар, спиртли ичимликлар ҳам таклиф этилади. Юқорида номлари келтирилган ҳинд таомлари турли хил овқатланиш корхоналарида, ресторан, кафе, ошхоналарда тайёрланиб сотилади. Ҳинд таомлари ўта аччиқ ва ўткир соуслар ёрдамида тайёрланиб туристлар дастурхонига тортилади. Шуни айтиш керакки аччиқни севмайдиган туристлар учун эса махсус европача усулда овқат тайёрлайдиган ихтисослашган ресторанлар ва кафелар ҳам мавжуддир.

Фойдаланилган адабиётлар рўйхати: 1. Александрова Ю.А. «Международный туризм» Учебник. М.: «Аспект пресс» 2009. 2. Деҳли – Агра – Джайпур. Деҳли, 2011. 3. Знамкомтесь с Индией». Деҳли 2011. 4. Маматқулов Х.М., Бектемиров А.Б., Тухлиев И.С. Халқаро туризм. Тошкент, 2009. www . google . uz www . indiaculture . org www . india . ru www. travel – india.ucor.com.

Похожие

Ҳиндистон аҳолиси

Ҳинд океани қирғоғи. Ҳиндистон яримороли

Ҳиндистоннинг табиий иқлим шароити ва туристик ресурслари

Ҳиндистонда диний туризм

Саёҳатлар ва экскурсиялар хизмат кўрсатиш