Саёҳатлар ва экскурсиялар хизмат кўрсатиш - География - Рефераты

Саёҳатлар ва экскурсиялар хизмат кўрсатиш

Загружено в:

20.09.2019

Скачано:

0

Размер:

107 KB

Саёҳатлар ва экскурсиялар хизмат кўрсатиш Режа: 1. Ҳиндистон туризми нинг умумий таърифи 2. Ҳиндистон туризмининг ривожланган турлари ва туристик марказлари 3. Тарихий маданий туризм

Ҳиндистон мамлакати ажойиб ўзига хос минтақада жойлашганлиги сабабли мамлакатда хорижий туристларни жалб этиш ва уларга хизмат кўрсатиш соҳасида жамоавий ва индевидуал туристик маршрутлар ишлаб чиқилган. Бу маршрутлар ичида классик туристик маршрутлар номини олган саёҳат турларига қуйидагиларни киритиш мумкин: Деҳли – Джайпур – Фатихпур сикри – Агра-Джанси – Орча – Каджурако – Деҳли маршрути. Ушбу маршрут Ҳиндистонлик туроператорлар томонидан тузиб чиқилган, маршрутдаги саёҳат 8 кунга мўлжалланган бўлиб, 1318 доллар туради. «Ғилдирак устидаги сарой» экспресс поездида саёҳат маршрути. Ушбу маршрут 8 кунга мўлжалланган бўлиб қуйидаги шаҳарлар бўйлаб саёҳатга боришни кўзда тутади. Деҳли – Джайпур – Ситоргарх – Удайпур-Сован – Мадхапур - Джайсалмор – Жодкпур- Бхаратпур-Деҳли. Ушбу маршрутдаги саёҳат замонавий экспресс поездида амалга оширилади. Вагондаги 2 ўринли купе 1 киши учун 485 доллар туради. Вагондаги 2 киши учун 350 доллар. Вагондаги 2 ўринли купе 3 киши учун 285 доллар қилиб белгиланган. Бутун саёҳат даврида туристларнинг ётиб туриши ва овқатланиши ушбу поезда амалга оширилади. «Олтин учбурчак» маршрути. Ушбу маршрут Деҳли – Агра – Джайпур – Дехли шаҳарлари бўйлаб темирйўл ва автомобилда амалга оширилади. Ушбу маршрут Ҳиндистонда туристларнинг кўплаб саёҳат қиладиган йўналиши бўлиб ҳисобланади. Унинг нархи 563 доллар туради. Давомийлиги 7 кун. Махаража экспресс поезди – бу поезд қуйидаги шаҳарлар бўйлаб саёҳатни ўз ичига олади. Мумбай – Вадодара – Удайпур – Джайпур – Беканер – Джайпур – Рантхамбор – Агра – Деҳли . Ушбу маршрутнинг давомийлиги 8 кунга мўлжалланган. Маршрут нархи 7160 доллар туради. «Олтин учбурчак» ва «Ҳиндистон худолари ўлкаси» (Непал). Ушбу маршрут қуйидаги йўналишлар бўйича белгиланган. Дехли – Агра – Деҳли – Катманду – Бхак тапур – Покхару – Катманду маршрути қўшилган

маршрут бўлиб, у 11 кунга мўлжалланган. Ушбу сафарнинг нархи 1319 доллар қилиб белгиланган. Даволаниш соғломлаштириш туризми бўйича саёҳат. Ушбу маршрут жойи Карала ҳисобланади. Унда даволаниш муддати 14; 21; 28 кунларга белгиланган. Сафар йўлланмасининг қиймати 4656 доллар миқдорида. Карала шаҳри Ҳиндистоннинг океан бўйида Жанубий Ғарбий қисмида жойлашган. 7. «Асал ойи» саёҳат маршрути. Бу Жайпурда ва Удайпур шаҳарларида амалга оширилади. Сафарнинг нархи 1156 ва 1422 долларни ташкил қилади. Ҳиндистон туризми унинг асосий йўналишлари ва марказлари Ҳиндистон туризми нинг умумий таърифи Ҳиндистон мўжиза ва сеҳр га , сержило , гўзаллик ва мафтункор табиатга эга мамлакат . Бу заминда меҳмондўстлик ҳам бир анъанага айлангандир. Уни қиёслаб ва на таърифлаб бўлса. Кўхна маданияти тарихи каби у қадимийдир. Ҳиндистон-турли этиқодга ва маданиятга мансуб хилма-хил инсонлари, иқлими номутаносиб бўлган, кўм-кўк боғлари ва дашту биёбонлариу, кўллари ва тоғу-тошлари, бойликка кон, севги-муҳаббатга тўла, замонавийликка интилган ва урф-одатларга содиқ заминдир. У шундай бир ўлкаки дунёларга тенг. Ўз аҳолиси учун «Бхарат» атамаси билан танилган бу кўҳна замин кишиларининг бағри кенглиги, маданияти ва хилма-хиллиги, ранго-ранглиги, урф-одатлари, тили, меъморийлиги ва жуғрофияси билан ўзига меҳмонларни мафтун айлайди. Ҳиндистон бир қанча давлатларни ягона бир минтақага бирлаштиргандек бир асотир кабидир. Ҳиндистон Жанубий Осиёдаги ривожланган туристик минтақалардан бири ҳисобланади Жадвал 4. Ҳиндистоннинг туристик кўрсаткичлари (2008 й.) Кўрсаткичлар Келиши Мамлакатга туристларнинг келиши (минимум бир кечалик) Млн. 4,45 Даромад Хорижий туристларнинг мамлакатга олиб келиб, қолдирган Млрд. 3,0

валютаси Чиқиши Ҳинд туристларининг хорижий мамлакатларга сафарга чиқиши Млн. 5,8 Ҳаражати Ҳиндистон туристлариннг чет мамлакатларга олиб чиқиб қолдирган пулларнинг миқдори Млрд. 7,4 Сальдо (қолдиқ) Даромад ва харажат ўртасидаги фарқ (сальдо) Млрд. 1,5 Ҳиндистон туризмининг ривожланган турлари ва туристик марказлари Ҳозирги кунда туристларнинг асосий қизиқишлари бу саёҳат қилиш, дам олиш, даволаниш, қизиқарли нарсаларни томоша қилиш, ҳиндистонликларнинг яшаш тарзини, маданиятини, табиатини ва бошқа шунга ўхшаш нарсаларни кўришни ташкил этади. Ҳиндистон да эса туризмнинг бу қизиқларини қондириш учун барча шароитлар, ресурслар ва имкониятларга эга. Чунки Ҳиндистон да туристларнинг деярли барча турлари мавжуд ва ривожланган. Уларга мисол қилиб рекреацион туризм, экологик, дам олиш ва соғломлаштириш, диний, тоғ, сув (пляж) туризми ва бошқа туризм турларини мисол қилиш мумкин. Ҳиндистон да кўпроқ эса тарихий- маданий туризм ривожланган. Тарихий-маданий туризм Шуни қайд қилиши зарурки, Ҳиндистонда жуда кўп миқдорда музейлар, ибодатхоналар тарихий ёдгорликлар мавжуд бўлиб, улар туризмнинг ривожланиши ва тараққий этишда жуда катта роль ўйнайди. Ҳиндистоннинг ҳар бир шаҳарлари ўзининг маданий тарихий бойиликларига эга. Уларнинг ҳар бири туристларнинг келиши туризмнинг ривжланиши билан фарқ қилади. Деҳли шаҳри Ҳиндистон нинг 1947 йилдан буён пойтахти бўлиб ҳисобланади. Унинг умумий ер майдони 1483 кв.км. Аҳолисининг умумий сони 13 млн. кишидан ортиқ. Деҳли шаҳри ҳудуди 3 қисмдан иборат. У Қадимги Деҳли, Янги Деҳли ва Узоқ ҳарбийлар шаҳарчаси. Бундан ташқари

Деҳли ҳудудига шаҳар атрофидаги 214 та қишлоқлар ҳам киради. Ҳозирги кунда мамлакатнинг пойтахти расмий равишда Янги Деҳлида жойлашган. Унда қарайиб 2 млн. атрофида аҳоли яшашади. Шаҳар Жамна дарасининг ўнг қирғоғида жойлашган. У дунёдаги энг қадимий шаҳарлардан бири ҳисобланади. Қадимда у Индрапрастха номи билан аталган. Ривоятларга кўра Деҳли шаҳрига биринчи бўлиб Ражтаут Деҳлу (Дхилу) томонидан Индрапрастха харобаликларида асос солинган. Кейинчалик шаҳар унинг асосчиси номи билан атала бошлаган. Янги Деҳли 1911 йилдан бошлаб қурила бошланди. Ҳозирги кунда Президент саройи, ҳукумат қараргоҳи, давлатни бошқарув идоралари ва муассасалари Янги Деҳлида жойлашган. Шаҳарда 1300 тадан ортиқ тарихий обидалар, мадрасаю-масжидлар, ибодатхоналар, музейлар, қадимги қаълалар, миноралар, боғу-роғлар, ҳайвонат боғлари мавжуд бўлиб сайёҳларни ўзига жалб қиладилар. Шаҳардаги диққатга сазовар жойлар қаторига қизил Қала (Лал Қала, 1639- 1648 й.) киради. Бу Шапхур сарой қасри мажмуасидан иборат бўлиб, буюк Бобурийлар подшоҳлиги даврида барпо этилган. Деҳли шаҳрида ўзининг қадимий Бхайрон ибодатхонаси мамлакатдаги энг баланд (72,5 м Қутб Минор) минораси (Виджай Стамбх, тахминан 1191-1370 й.й.) Лалкота харобаликлари Пурана Кила қадимги қалъаси, (Дин Панах, 1530-1545 й.й.). Раж Тхат саройи, Ҳиндистондаги энг қадимги Жантар Мантар (1725 й.) обсерваторияси, Раж Питкора харобаликлари, Жахаз – Маҳал («Сарой-кема», 1229-1230 й.й.) мажмуаси, Чор Минор «ўлим минораси», Ҳиндистон меъмориал арк дарвозаси, собиқ Британия Котибияти биноси, Парламент уйи, 1858 й. меъмориал қўзғолони, Президентнинг махсус қароргоҳи (Раштрапати бхавайи, 1931 й.), Ашох устуни (12 м баландлиги). Деҳли шаҳри бутун дунё динларининг ибодатхоналари, мадраса, масжидлари билан тўлиб – тошиб кетган. Бу ерда буддаларнинг ибдатхонлари, мусулмонлар масжиди, христианлар черкови кабилар ўзгача бир кўринишларни ҳосил қилади. Шаҳардаги сикхларнинг Сис Ганж номли ибодатхонаси, Йогман (Кришнанинг опаси) ибодатхонаси, Лакшми Нарян ибодатхонаси,

жайнистларнинг Дигамбар Жайн ибодатхонаси, мамлакатда энг қадимги баттистларнинг Чандни-Чоук черкови, инглизларнинг авлиё Жеймс (1836 й.) черкови, буддистларнинг Вихара ибодатхонаси, бахаистларнинг Лотос (1986 й.) ибодатхонаси, Кали ва Калкаджи худолари (1784 й.) ибодатхонаси ва бошқ. Одатда Деҳли шаҳрини «Шарқнинг мавзолейи» деб аташади. Деҳли шаҳрида жуда кўпгина давлат арбобларининг турли хил даврларга оид ўрнатилган меъмориал иншоотлари тўпланган. Улар қаторига Адҳам Хон мавзолейи, Қутбиддин Бахтиёр Қоқи дарғаси, султон Шамсиддин Илтитмуш (1235 й.) қабри, мусулмонлар авлиёси Низомиддин Чишти Авлиё (1325 й.) дарғаси, султон Гури (1230 й.) архитектура ансамбли мақбараси, Сафдаржунга мақбараси, султоншо Разий (1241 й.) қабри, Ҳумоюн (1556 й.) мақбараси, Жаҳоншо Бегим ва Муҳаммад Шох (1719-1748 й.й.) мавзолейи, президент Зокир Ҳусайн (1973 й.) мавзолейи ва бошқалар киради. Деҳли шаҳри музейларининг умумий сони бўйича ҳам дунё шаҳарлари ўртасида олдинги ўринни эгаллайди. Бу ерда Миллий музей, ҳозирги замон миллий санъат галереяси, қизил қалъъа Археологик музейи, Табиий – тарихий Миллий музейи, «Тинмурти-Хауз» Ж.Неру меъмориал музейи (1929-1930 й.й.), биллур ойнали Индира Ганди меъмориал музейи, «Лалит Кала Академия» нафис санъати музейи, Амалий ҳунармандчилик музейи, Мусиқий асбоблар музейи, Сулабх туалетлар музейи, Темир йўллар тарихи музейи, Халқаро қўғирчоқлар музейи, болалар саройидаги аквариум, Ҳарбий ҳаво қуролли кучлари музейи, Тибет-хауз музейи, Деҳли ҳайвонот боғи ҳ.к. Деҳли кўкаламзор ва сер дарахт шаҳар бўлиб, унинг ҳудудида жуда кўплаб боғу-роғларни, парклар ва ям-яшил ўрмонзорларни учратиш мумкин. Президент саройидаги Бобурийлар боғи, эски Деҳлидаги Рошанар ва Шалимар боғлари, Коронация, Будда – Жайнати, Ж.Неру номли, Панча Шилапарк парклари, Кудсия ( XVIII a .) боғи. Қизил қаъладаги Махатаб боғлари ўзининг бетакрор гўзаллиги билан ажралиб туради.

Деҳли шаҳрида туристларни қизиқтирадиган объектлардан бири бу Жоме Масжиди ҳисобланади. Бу масжид 1658 йилда қурилган. Ушбу масжидда Қурон китобининг асл нусхаси сақланиб келинмоқда. Бу масжидга бир пайтнинг ўзида 20 минг киши жойлашади. «Қутб Минор» архитектура ёдгорлиги. Бу ёдгорликнинг қурилиши 1193 йилдан бошланган. У ўзида кўп миноралар турини қамраб олган. Миноралар қадимги афғон архитектураси стилида қурилган. Минора 5 қаватдан ташкил топган бўлиб, унинг 1,2 ва 3 қаватлари қизил тошдан қурилган, қолган 4 ва 5 қаватлари эса қизил қумтош ва мармардан қурилган. Минора деворлари геометрик дизайн ҳолда қурилиб унда Қурон суръалари ҳам битилган. Қутуб Минор мажмуаси ичида Қувват-ул-ислом масжиди жойлашган бўлиб, у ерда IV асрда қурилган қадимда металлдан ясалган устун қад кўтариб турибди. Ҳинд кино санъати дунёдаги катта кино саноатларидан бири ҳисобланади. Ҳиндистон га кино 1896 йил кириб келган, илк ҳинд кинофиълми 1912 йил ва овозли фильм эса 1931 йили ишлаб чиқарилган. Бугунги кунда Ҳиндистон нинг асосий кино марказлари Мўмбай (Болливуд), Калкутта (Голливуд) ва Ченнай (Молливуд) ҳисобланади. Агра. Агра шаҳри мамлакат пойтахти Деҳлидан 204 км узоқликда жойлашган бўлиб, унда «дунёнинг энг машҳур етти «мўжизалари» дан бири Тожмаҳал (1630-1648 й.й.) жойлашган. Тожмаҳал оқ мармар тошдан ясалган мавзолей ҳисобланади. Тожмаҳал сўзи сарой гултожиси маъносини англатади. Яъни тошдан ясалган поэмадир. Ушбу бино ҳинд архитектори Асфанди томонидан лойиҳалаштирилган. У 22 йил давомида қурилган. Қурилиш ишларида 20000 дан ортиқ қуллар ишлатилган. Тожмаҳал комплекси тўғри тўрт бурчак шаклига эга бўлиб, унинг размери 579,5 м х 305 м. баландлиги 75 м ни ташкил қилади. У Деҳли шаҳридаги Қутб минордан баланд қилиб қурилган. Бош бинонинг чўққисидаги найзанинг баландлиги 10 метрни ташкил қилади. Тожмаҳал биносининг мармардан ясалган деворлари хилма-хил қимматбаҳо тошлар билан безатилган бўлиб, улар қуёш нурида ялтирайди. Бу ерда ҳамма нарсалар симметрик ҳолатда қурилган. Тожмаҳал

Бобурнинг набираси Шоҳ Жаҳон амри билан қурилган. Бу мавзолейга Шоҳ Жаҳоннинг хотини мумтоз Маҳал дафн этилган. Мумтоз Маҳал давлатнинг муҳри (печати)ни сақловчи киши бўлган. Тожмаҳал энг қиммат баҳо оқ мармар тош (Джайпур яқинида), қизил қумтош (Фатехпур Сикри), ляпис – мазур (Цейлон), хризалип (Миср), бирюза (Тибет), малахит (Ўрол)лардан келтирилиб қурилган буюк архитектура иншоатидир. Мавзолей ичига биринчи марта Мумтоз бегимнинг қабри, кейинчалик эса Шоҳ Жаҳон дафн этилган. Ҳар иккала қабрлар агат, яшма, халцедан каби қимматбаҳо тошлар билан безатилган. Тож Маҳал Жамна дарёсининг ўнг қирғоғида жойлашган. Аградан чамаси 40 км узоқликда «Маҳор тимсоли» Фатехпур – Сикри қадимги Акбаршоҳ мавзолейи жойлашган. Ҳозирги кунда сув танқислиги натижасида шаҳар одамсиз қолган қалъа ҳисобланади. Аммо қалъанинг ички қисми жуда яхши сақланиб қолган. Бу ерда баланд дарвоза, Шайх Салим мўжизавий мавзолейи, шоҳнинг масжиди, ҳовлилар, саройлар, ҳаммомлар, шоҳнинг тангаларини ишлаб чиқарувчи ҳовли, жуда кўпгина боғ-роғлар ва парклар яхши ҳолатда сақланиб келинмоқда. Бу буюк қалъа ичида ажойиб масжид, иккита катта залдан иборат даволанадиган Жой-Кхаз – Маҳал ва ойнали сарой, Жаҳонгир – Маҳалнинг мармардан ясалган мавзолейи, нафис ҳолда ясалган Мтемадул Даулининг қабри ва сув парки «Балиқлар павилионидан» иборат. Жайпур аҳолиси сони бўйича ва тарихий ёдгорликлари бўйича ҳам таниқли шаҳарлардан ҳисобланади. Жайпур янги Деҳлидан 250 км узоқликда жойлашган шаҳардир. У қадимги шаҳар бўлиб, 1727 йилда унга асос солинган. Шаҳарни қуришда жуда ҳам кўп қизил қум тошни ишлатгани учун уни одатда «қизил шаҳар» деб аташади. Шаҳарнинг қоқ ўртасида Сандро – Маҳал сарой комплекси жойлашган. У билан биргаликда Раж-Маҳал, Жал- Маҳал (Кўлдаги Сарой), Хова Маҳал (Шамоллар саройи, 1799 й) ва Рамбах (ҳозирги кунда унда отеллар қурилган). У шаҳардан 11 км узоқликда жойлашган. Эмбер ( XI - XVI асрлар) қалъа шаҳар, тоғнинг тепасида

жойлашган Жайгарх ва Начагарх қалъалари ( XVIII аср) ва яна Жайпур – Мантар абсерваторияси мавжуд. Ҳамма саройда Подшоҳлик музейи, Марказий музей, Ҳиндиология музейи, «Сити Палес» музейлари туристлар диққатини ўзига жалб қилади. Жайпур шаҳридан унча узоқ бўлмаган ерда, яъни Абу шаҳрида яна бир зиёратгоҳ Дилвера Мандир ибодатхоналари комплекси мавжуд. Ушбу жой жайнистларнинг сиғинадиган асосий зиёратгоҳи бўлади. Бу жойда Адинотха (1031й) ва Наминатх (1130 й) ибодатхоналари мавжуд. Жайпур шаҳридан 15 км узоқликда Гейтареда қалъаси бор. У оқ мармардан қурилган Жай Синх II Жайпур шаҳрининг асосчиси бўлиб ҳисобланади. Жайпурдан 20 км узоқликда Галтада Қуёш худоси ибодатхонаси бор. Бундан ташқари ушбу районда жуда ҳам кўп шифобахш сув булоқлари мавжуд. Варанаси муқаддас Ганг дарёсининг қирғоғида жойлашган шаҳар бўлиб, у Уттар Прадеш штатининг шарқий қисмида ўрнашган. Бутун дунёга ўзининг диний маросими, яъни дарё сувида чўмилиши ва оловда мурдани куйдириши билан машҳур. Химчал – Прадеш ва Уттар – Прадеш Ҳимолой ва Ҳиндиқуш тоғ тизмаларини ўз ҳудудига киритиб, бу ерда бир неча минг йиллик тарихга эга бўлган алоҳида будда манастирлари мавжудлиги билан ажралиб туради. Ларак ашраклар шаҳри, Ришикиш ва 7 та муқаддас шаҳарлардан бири Харидвар, Скити водийси, Муқаддас Кайлаш тоғи (Киниер Кайлаш, 6050 м), Коинот маркази, Кулу «Худолар водийси», Далай-Лама резиденцияси (Дхарансале), Парботедаги иссиқ ерости булоқ сувлари, Дхарамсаледаги ажойиб тоғ курорти, муқаддас Амарноах ғори ва бошқалар. Тибет тоғидаги Табо, Данкор, Люланг, Ревалсар, Комик ва Хонумана, Бхимакали, Башейвар – Махадео, Биджеимахадео ва Регхунатха баланд тоғда жойлашган Шива (Кеднариатха) ва Вишиу (Вадринатхе) ибодатхоналари минглаб зиёратчиларни ўзига жалб қилади. Панжоб штатидаги Амримеареда сиккизм динининг энг асосий маркази олтин ибодатхона (Дарбор Сахиб ёки Свири Мандир, 1977 й) жойлашган. Бу

ерда дунёга машҳур рассом Рерих ўз оиласи билан яшаган ва ижод этган. Машҳур тоғ курорти Манали ҳам шу ерда ўрнашган. У нафақат ўзининг шифобахш сувлари, тоғ ҳавоси балки буюк осмонўпар ибодатхоналари билан ҳам дунёга танилган. Ҳиндистон ғарбий қисми бўйлаб саёҳатлар одатда Мумбай ( Бомбей)дан бошланади. Бу ер «Ҳиндистон дарвозаси» деб ҳам аталади. У машҳур «Ҳиндистон Голливуди» ва Махаштра штатининг марказидир. Ҳозирги Мумбай ўзининг колониал архитектура қурилиши, баланд бинолари билан алоҳида ажралиб туради. Бу ерда энг қизиқарли объектлардан «Ҳинд дарвозаси» триумфель арки (1924 й), Форт (1720 й), Авлиё Томас собори (1672-1718 й), Принц Уэльск музейи (1911 й), Хўжа Али мавзолейи ва масжиди, Бомбей университети, қадимги пулни ишлаб чиқариш саройи (1828 й), Бамбейда энг катта Кроуфорд бозори ҳисобланади. Бомбейнинг бундан бошқа диққатга сазовар жойларига шаҳардаги Парапоревала аквариуми, Ғарбий Ҳиндистон музейи, Виктория Гарденз ҳайвонот боғи, Неру номидаги Бомбей планетарийси, ҳозирги замон санъат галереяси ва VII асрда қурилган бир қатор ибодатхоналар киради. Гоа штати Мумбайнинг жанубий қисмида жойлашган бўлиб, бу ерда денгиз курорти ривожланган. Гоа Ҳиндистонда биринчилардан бўлиб, чет элликлар томонидан истило қилинган ҳудуд ҳисобланади. Унинг умумий ер майдони 3702 кв. км, аҳолиси 1,3 млн кишидан иборат. Штат маркази Панажи шаҳри ҳисобланади. Аэропорти Даболин (29 км Панажидан узоқликда жойлашган). Ер усти тузилиши ясси тоғликлардан иборат. Асосий транспорти: такси, матоцикллар, маҳаллий автобуслар ва авторикшиллар. Аҳолининг асосий тили-конкани, инглиз, португал ва маратхи. Маданияти: португаллар маданияти кучли таъсир кўрсатган, айниқса музика ва ўйинларида. Ҳудуднинг иқлим шароити ўртача бўлиб, тропик денгиз иқлимидир. Ҳаво ҳарорати 20 0 дан 34 0 гача кўтарилади. Ҳавонинг намлиги 60% ни ташкил қилади.

Гоа ўзининг ажойиб пляжлари билан донг чиқарган. Пляжлар денгиз қирғоқлари бўйлаб 83 км га чўзилиб кетган. Пляжларнинг ҳаммаси кафелар, ресторанлар, меҳмонхоналар билан банд. Гоанинг диққатга сазовар жойларига қуйидагилар киради: Чандора алоҳида уйи, Одилшоҳ саройи, Панджила черкови, ҳиндларнинг ибодатхоналаридан Шри Маликаросун, Харри Мандир, Махалакшни, Рам Мандир, Бадхгешвар, Мангуеши, Вихал ва Шандатура, португалларнинг католик сабори Се (1562 й), Санта Малика ва авлиё Августино черкови, Авлиё Коғтана черкови, Авлиё Энтони Кироллик соати, Франциска Азиск сабори, Авлиё Екатерина кафедрал сабори (1652 й) ва бошқалар. Гоа штати бўйлаб саёҳатда туристлар Ғарбий Гат тоғларидаги ҳайвонот боғига бориши мумкин. Бу ерда Бондла қўриқхонаси бўлиб, у Панажидан 55 км узоқликда жойлашган. Қўриқхонада ажойиб атиргуллар, табиий боғ бўлиб, унда ёввойи чўчқа-монардлар, айиқлар, буғулар, турли хил қушлар, илонлар учрайди. Ушбу жойдаги Дурхсогар қўриқхонасида туристлар джип автомашинасида жунгли ўрмонзорлари бўйлаб «сафарга» чиқиши мумкин. Қўриқхона ҳудудида 603 метр баландликка эга бўлган шаршара мавжуд. Дурхсогар сўзи «сутли океан» деган маънони англатади. Гоа бўйлаб саёҳат чоғида туристлар маҳаллий аҳолилар истиқомат қиладиган қишлоқларни, уларнинг турмуши, юмушлари билан яқиндан танишадилар. Айниқса «Савой» зировар (доривор) ўсимликлари плантациясига ташриф буюриш уларда жуда катта таасуротлар қолдиради. Марказий Гоада мангра ўрмонзорлари билан қопланган жойда канал сувида крокодиллар (тимсоҳлар) қўриқланади. Ҳиндистон ярим оролининг жанубий-ғарбий қисмида Керала штати жойлашган бўлиб, у Осиёдаги энг гўзал пляжлардан бири ҳисобланади. Штатнинг маркази Привандраже ўзининг ибодатхонаси (Падманабхасвами) каналлари, Траванпур мехаражи князлиги саройлари, Ҳиндистоннинг космосни тадқиқот қилувчи институти, Рерихнинг расмлари галереяси,

Голландлар музейи-саройи, Авлиё Францизко сабори ва Маттангери қалъаси мавжуд. Ҳиндистоннинг шарқий қисмида Ғарбий Бенгалия, Бихар, Орисса ва Сикким штатлари жойлашган. Калкутта ёки Калкота Ғарбий Бенгалия штатининг маркази ва асосий энг йирик шаҳри ҳисобланади. Калкутта шаҳрида Ҳиндистондаги энг йирик Миллий кутубхона (1836 й) Қирол Виктория мемориал музейи (1921й), бахайбат Уильям денгиз порти (1696 й. асос солинган), Ҳиндистоннинг бой музейи, энг қадимги Калкутта университети (1857 й), ажойиб ботаника боғи ( XVIII аср), «Хоура-Бридж» кўприги ва бошқалар мавжуд. Пляж (сув) туризми Пляж (дарё ёки денгизнинг чўмилиш учун қулай бўлган қирғоғи) туризми Ҳиндистоннинг ғарбий қирғоқлари Араб денгизи шарқий қирғоқлари эса Багама қўлтиғи билан ўралган. Мамлакатнинг пляжлари хилма-хил бўлиб, бу ерда қумлик пляжлари (жанубий – ғарбий қисмида) дан тортиб, то чуқур ва мураккаб қоялар (мамлакатнинг шарқий қисмида) гача учрайди. Ҳиндистонда энг машҳур ва таниқли пляжлар мамлакатнинг жанубий- ғарбий қисмида, яъни курортли райони Гоада жойлашган. Гоа – мамлакатнинг «Олтин водийси» ҳисобланади. Гоа денгиз қирғоқлари жуда майда сариқ қумлар билан қопланган бўлиб, денгизда чўмилишга келган туристларда катта таасурот қолдиради. Гоадаги машҳур пляжлардан бири бу Колва пляжи бўлиб ҳисобланади. Бу ердаги энг узоқ масофага 50 кмга чўзилган пляж Арамбоя «Олтин» пляж оч сариқ қум билан қопланган. Турли хил сув спорти билан шуғулланиш имкониятига эга бўлган ажойиб пляж Дона Паула ҳисобланади. Ўз дискотекасига эга бўлган ва ёшларга мўлжалланган «бирюза» (феруза)ли Калангўт пляжи ҳам жуда машҳурдир. Бу ерда денгиз сувининг чуқурлиги бирданига қирғоқдан бошланмайди. У қирғоқдан 50-60 метрдан кейин 7-9 метр чуқурликка эга бўлади. Ҳиндистондаги энг чиройли ва хуш манзарали пляжлардан Понолям ҳисобланади. Пляждаги қумнинг ранги

оппоқ бўлиб сув эса ҳаворанг ҳолатда бир қанча майда фоллардан иборат бўлган хушманзарали жойни ташкил қилади. Буларнинг ҳаммаси штатнинг марказидан 70 км узоқликда жойлашган Пананжи шаҳридадир. Бенаулим пляжи Колва пляжидан унчалик узоқда жойлашмаган. Бу ерда денгиз суви жуда тинч ҳолатда бўлиб, кишилар учун унчалик хавф-хатар туғдирмайди. Денгиз сувида хавф туғдирадиган йиртқич ҳайвонлар (акула, медузалар) учрамайди. Бу ерлар сокин, хилват жой бўлиб, туристлар учун мароқли дам олиш имконига эга. Мадагара пляжи эса гўзал манзарага эга бўлиб, у ерда кокас пальмалари ва мевали дарахтлар билан қопланган. Яна бир ажойиб тоза ва туристларга бой бўлган Багамало пляжидир. Бу ерда туристлар сув остига махсус асбоблар билан шўнғиш имкониятига эга бўлади. Туристларни сув остига шўнғишни ўргатадиган марказ фаолият кўрсатиб келмоқда. Агуада пляжи энг қадимги пляжлардан бири ҳисобланади. XVII асрда португаллар бу ерда биринчилардан бўлиб, денгиз портини ташкил қилган. Бу порт Мандови дарёсининг денгизга қўйилиш жойида жойлашган. Кандолум пляжи Гоанинг энг гўзал пляжларидан бири ҳисобланади. Бу ерда тинч-осойишта ва салобатли муҳит яратилган. Бу ердаги кўлда қизил Нилуфар (гулисафсар) ўсади ва унинг устида ниначилар учиб юради. Гага пляжи Мапуидан 10 км узоқликда жойлашган бўлиб, у ўзининг тунги кўриниш манзараси билан алоҳида ажралиб туради. Вагатор пляжи ўзининг тунги ўйин кулгилари билан машҳурдир. Анжуна пляжи Мапусидан 8 км узоқликда жойлашган бўлиб, жаннатмакон пляж ҳисобланади. Бу ерда оппоқ қум, пальма дарахтлари, кўм- кўк денгиз зилол сувлари, ресторанлар, кафелар, барлар, дискотекалар ўзига хос гўзлликни барпо қилади. Мумбай (Бомбей) пляжида дискотекалар «Болливуд» артистлари, ёшларнинг ўйин-кулгилари, музикалар туну-кун бўйи янграйди. Бенгалия кўрфази пляжлари ҳам Араб денгизи қирғоқларидаги пляжлар сингари ўзининг хилма-хиллиги, гўзаллиги, қулайлиги билан алоҳида

ажралиб туради. Жаннатмакон пляжларни яртишда жуда кўплаб дарёлар, кўллар, кокос пальмалари, эвкалипт дарахтлари, манго ўрмонзорлари, шакарқамиш плантациялари, катта роль ўйнайди. Карол пляжлари Ҳиндистоннинг жанубий штатларида бўлиб, у Гоа пляжларидан унча фарқ қимайди. Бу ерда пляж мавсуми октябр ойида бошланади. Ёз ойларида денгизда тўлқинлар кучли бўлганлиги сабабли унда чўмилиб бўлмайди. Ҳиндистоннинг ҳамма пляжлари давлат тасарруфидадир. Пляжлардаги меҳмонхоналарда туристларнинг хавфсилигини сақлаш учун махсус қўриқчиларни тайинлайди. Пляжга келган ҳар қандай кишилар пляж жиҳозлари (соябон, ёғоч кроват, сочиқ ва бошқалар) ни бепул олишадилар.

Фойдаланилган адабиётлар рўйхати: 1. Александрова Ю.А. «Международный туризм» Учебник. М.: «Аспект пресс» 2009. 2. Деҳли – Агра – Джайпур. Деҳли, 2011. 3. Знамкомтесь с Индией». Деҳли 2011. 4. Маматқулов Х.М., Бектемиров А.Б., Тухлиев И.С. Халқаро туризм. Тошкент, 2009. 5. Маматқулов Х.М. Туризм ва сервисга оид атамалар ва иборалар изоҳли луғати. Самарқанд, СамИСИ 2010. www . google . uz www . indiaculture . org www . india . ru www. travel – india.ucor.com.

Похожие

Хизмат кўрсатиш соҳаларининг таркиби

Ҳиндистон туристик индустрияси

География таълимида экскурсия. Экскурциянинг максади, уларни тайёрлаш ва утказиш, якунлаш

Ҳиндистонда диний туризм

Ахоли географияси курсининг предмети максади ва вазифаларии