Gazlamani bichishga tayyorlash va bichish 5-sinf - Техника и технология - Учебники (по школьные предметы)

Gazlamani bichishga tayyorlash va bichish 5-sinf

Загружено в:

19.04.2023

Скачано:

0

Размер:

959 KB

5-sinf texnologiya darsligi asosida 41-mavzu:

Kiyimni tikishga tayyorlashning gazlama tanlash, andazani gazlamaga joylashtirish, bichish, tikish hamda kiyimga oxirgi ishlov berish bosqichlari mavjud. Ushbu jarayonni bosqichma-bosqich amalga oshirish kiyimni sifatli va talab darajasida tayyorlashga zamin bo‘ladi. Gazlamani bichishga tayyorlashdan oldin uning arqoq va tanda iplari joylanishini, o‘ng va teskari tomonlarini aniqlab olish kerak. Ayrim gazlamalarning o‘ng va teskari tomonlaridagi gullari ikki tomonlama bo‘ladi. Bunday holatda gazlamaning bir tomonini bichishga tayyorlab, unga tikuvchilik bo‘ri bilan belgi qo‘yish kerak.

Gazlamaning tuki, guli, shaklli chiziqlari joylanishini inobatga olib, namlab-isitish jarayoni o‘tkaziladi. Ushbu jarayonda gazlamaning g‘ijimlangan qismlari tekislab olinadi. Gazlamaga andazani joylashtirishda dastlab asosiy qismlarni, so‘ngra ochiq qolgan joylariga mayda detallarini joylashtirish kerak.

Gazlamani bichishga tayyorlash tartibi. А) gazlamani buklab bichish usuli. B) tukli yoki gulli gazlamani eni, bo‘yi bo‘yicha o‘ngini teskarisiga ag‘darib bichish usuli

11-amaliy mashg‘ulot Fartuk va ro‘molni bichish Kerakli jihozlar: paxta yoki zig‘ir tolali gazlama, qaychi, chizg‘ich, uchburchak chizg‘ich, tikuvchilik bo‘ri, tikuvchilik to‘g‘nag‘ichlari. Ishning borish tartibi: 1. Gazlamani tayyorlash.  Gazlama sifati (dog‘, yirtiq, ranglar va gullarning yetishmasligi) tekshiriladi.  Gazlamaning o‘ng va teskari tomonlari aniqlanadi. Uzunlik, eni, rasm va gullarning joylashishi tekshiriladi. Gazlama o‘ngini teskarisiga qilib, o‘zingizga qaratib buklab, tekislab olib, to‘g‘nag‘ich bilan puxtalaysiz.

Qaychi bilan ishlaganda texnika xavfsizligi qoidalari 1. Qaychining ikki aylanasidan ikki barmoq o‘tkazilib, gazlamaga yotiq holda yo‘naltiriladi. 2. Qaychining o‘tkir tig‘lari gazlamani yaroqsiz holga keltirishidan ehtiyot bo‘ling. 3. Gazlamani bichish vaqtida surilib ketmasligi uchun qo‘lda ushlab turish kerak. 2. Gazlamaga andazani joylashtirish. Fartuk andazasining bo‘ylama ipi bo‘yicha gazlamani tejagan holda joylashtirib, to‘g‘nag‘ich bilan puxtalang. So‘ngra cho‘ntak qismini bo‘ylama ipi bo‘yicha joylashtirib, to‘g‘nag‘ich bilan qotiring. Ro‘mol andazasini ham joylashtiring va to‘g‘nag‘ich bilan puxtalang. Tikuvchilik bo‘ri bilan chok haqini qoldirib, kontur chiziqlarini chizib oling. Gazlamaga andazani to‘g‘ri joylashtirganingizni tekshiring.

3. Fartukni bichish.  Kontur chiziqlari bo‘ylab bir tekis biching. Bichiq bo‘laklarni tekshiring. 4. Belbog‘ va bog‘ich qismlari gazlamani 45° qiyalikda buklab, hisoblash formulasidagi o‘lchov bo‘yicha bichiladi. Diqqat qiling! Gazlamani andazaga joylashtirish jarayonida detallar va chiziqlar nomi qalam bilan yoziladi.

Andazani gazlamaga joylashtirish jarayoni.

Asbob va moslamalar: ish qutisi, fartukning bichilgan detallari, tikuv mashinasi, dazmol va dazmol stoli. Ishni bajarish tartibi

Qiziqarli maʼlumot Bilasizmi, eng mayda ignalarni dunyo bo‘yicha Germaniyada tayyorlashar ekan. Bu ignalar po‘latdan lupa orqali tayyorlanar ekan. Ignaning uzunligi 9–10 mm, diametri 0,28 mm ni tashkil etar ekan. Britaniyalik haykaltarosh Uillard Uigan ignaning teshigiga sig‘adigan 2 mm li kofe donachasidan foydalanib, Yelizaveta II ning haykalini yaratgan ekan.

Похожие

Modellashtirish va andaza tayyorlash 5-sinf

Buyumni bichish va tikish haqida ma’lumot berish 5-sinf

Milliy taom tayyorlash texnologiyasi 5-sinf

Tikuvchilik xonasi. To‘qimachilik tolalari. Ip va gazlama haqida ma’lumot 5-sinf

Buterbrod. Buterbrod tayyorlash texnologiyasi. Issiq va yaxna ichimliklar 5-sinf