Konstitutsiyaga kiritilgan ayrim o’zgarishlarning mazmuni - Huquqshunoslik - Slaydlar

Konstitutsiyaga kiritilgan ayrim o’zgarishlarning mazmuni

Yuklangan vaqt:

07.08.2024

Ko'chirishlar soni:

0

Hajmi:

6830.50390625 KB

Ko'chirib olish

KONSTITUTSIYAGA KIRITILGAN AYRIM O‘ZGARISHLARNING MAZMUNI

INTERAKTIV SAVOLLARGA - SIZNING JAVOBINGIZ? Demokratiya ? ( qadimgi yunoncha : δημοκρατία — „xalq hokimiyati“) — barcha insonlar tenglik bilan kollektiv qarorga kelish imkoniga ega siyosiy tuzum. Demokratiyada fuqarolar erkinligi va tengligi qonunlarda mustahkamlangan, xalq hokimiyatchiligining vosita va shakllari amalda oʻrnatilgan va yuzaga chiqarilgan boʻladi.( lotincha : constitutio — „tuzilish“, „tuzuk“) — bu davlatning asosiy qonuni. U davlat tuzilishini, hokimiyat va boshqaruv organlari tizimini, ularning vakolati hamda shakllantirilish tartibi, saylov tizimi, fuqarolarning huquq va erkinliklari, shuningdek, sud tizimini belgilab beradi. Konstitutsiya barcha joriy qonunlarning asosi hisoblanadi. Konstitutsiya bu ? ( lotincha : referendium ) bu fuqarolarning davlat, viloyat yoki mahalliy koʻlamda eng muhim masalalar boʻyicha ovoz berish yoʻli orqali oʻz fikrlarini bevosita bildirishlaridir. Umumxalq ovoz berish yoʻli bilan qonunlar qabul qilish va davlat ahamiyatiga molik eng muhim masalalarni hal qilish shakli. Bevosita demokratiyaning muhim vositasi. Referendum nima ?

O‘ZBEKISTON RESPUBLIKASI KONSTITUTSIYAVIY QONUN LOYIHASI Konstitutsiyani yangilash zarurati Xalq konstitutsiyasi: mazmuni va mohiyati Konstitutsiyadagi ta’lim sohasiga oid o‘zgarishlar Referendum: uning tashkiliy-huquqiy asoslari va asosiy bosqichlari

1. Konstitutsiyani yangilashga zarurat nimada? Konstitutsiyani yangilashga quyidagi ikki asosiy masala sabab bo‘lmoqda: 1) so‘nggi yillarda erishilgan yutuqlar va ularni Konstitutsiyada muhrlab qo‘yish orqali ushbu yutuqlarni uzluksiz davom ettirish; 2) globallashuv jarayonidagi yangi tahdidlar va xatarlar, ularni bartaraf etish bo‘yicha mustahkam huquqiy asosni yaratish orqali milliy davlatchiligimiz kelajagini taʼminlash. Erishilgan yutuqlarni izchil davom ettirish Milliy davlatchiligimizni tashqi tahdid va xatarlardan himoya qilish HUQUQIY ASOS – YANGI KONSTITUTSIYA

Nima uchun “yangi konstitutsiya” deb atalmoqda? – moddalar soni amaldagi 128 tadan – 155 taga ortmoqda ; – normalar soni 275 tadan – 434 taga oshdi; – qonunimizning 65 foiz matni xalqimiz takliflari asosida yangilandi.

2. Xalq konstitutsiyasi: mazmuni va mohiyati Xalqimizning fikri, takliflari 2 bosqichda o‘rganildi, shundan so‘ng Konstitutsiya loyihasi tayyorlandi: – birinchi bosqichda Konstitutsiya loyihasini shakllantirish uchun odamlarimiz 60 mingdan ziyod takliflar berdi; – ikkinchi bosqichda Konstitutsiya loyihasi umumxalq muhokamasiga qo‘yildi . (O‘zbekiston Respublikasi Konstitutsiyasiga oid referendum 30 aprel kuni bo‘lib o‘tadi. Referendum 30 aprel, yakshanba kuniga belgilandi.)

2. Xalq konstitutsiyasi: mazmuni va mohiyati Oldingi holat Kiritilayotgan oʻzgarish Yaqin oʻtmishda ham viloyatliklar Toshkentga kelish uchun yoʻllardagi nazorat postlarida soatlab turib, tekshiruvdan oʻtar, pasporti yonida boʻlmasa, viloyatlar chegarasidan oʻtolmas, bu koʻp noqulayliklarga olib kelardi. Odamlar poytaxtga kelib, “Propiska”dan oʻtolmay sarson boʻlardi. Oʻzini xoʻrlangandek his qilardi. Prezidentning siyosiy irodasi bilan “propiska” bilan bogʻliq muammo yoʻq qilindi. Endi bu masalaga oxirgi nuqta qoʻyiladi — yurdoshlarimiz Oʻzbekiston boʻylab bemalol harakatlanish, oʻzi istagan joyida yashash, uy- joy sotib olish huquqiga egaligi alohida koʻrsatib qoʻyilmoqda. (32-modda) (Birinchi qism) O‘zbekiston Respublikasi hududida qonuniy asoslarda turgan har kim mamlakat bo‘ylab erkin harakatlanish, turar va yashash joyini tanlash huquqiga ega, bundan qonunda belgilangan cheklovlar mustasno. (Ikkinchi qism) Har kim O‘zbekistondan tashqariga erkin chiqish huquqiga ega, bundan qonunda belgilangan cheklovlar mustasno. O‘zbekiston Respublikasi fuqarosi O‘zbekistonga to‘sqinliksiz qaytish huquqiga ega. Propiska: muammolar to‘liq bartaraf etiladimi?

Oldingi holat Kiritilayotgan o‘zgarish Bugun internet tarmoqlari faqat shaxsiy muloqot yoki kerakli axborotni olish vositasimas, balki ko‘p masalalarni o‘tirgan joyida hal etish, qolaversa, xalqaro aloqa vositasiga aylanib bo‘ldi. Qaysidir mansabdorlarga yoqadimi-yo‘qmi, endi hayotimizni internetsiz tasavvur qilib bo‘lmaydi, butun dunyoda tezkor rivojlanayotgan bu jarayonni to‘xtatishning iloji yo‘q. Endilikda internetdan foydalanish huquqi davlat tomonidan kafolatlanadi, chunki bu huquq bevosita so‘z erkinligi huquqi bilan bog‘liq. Faqat ba’zi cheklovlar (aholi sog‘lig‘i, ijtimoiy axloqni, jamoat xavfsizligini bilan bog‘liq bo‘lsa) o‘rnatilishi mumkin, u ham qonuniy doirada. (33-modda) (Birinchi qism) Har kim fikrlash, so‘z va e’tiqod erkinligi huquqiga ega. (Ikkinchi qism) Har kim istalgan axborotni izlash, olish va tarqatish huquqiga ega. (Uchinchi qism) Davlat Internet jahon axborot tarmog‘idan foydalanishni ta’minlash uchun shart-sharoitlar yaratadi.2. Xalq konstitutsiyasi: mazmuni va mohiyati

2. Xalq konstitutsiyasi: mazmuni va mohiyati Oldingi holat Kiritilayotgan o‘zgarish Ilgari davlat ishi faqat oqsuyaklarga tegishli, kambag‘alni bolasiga u joylarda non yo‘q degan gaplar bo‘lardi. Chunki ishga olish jarayonida tanish- bilishchilik, falonchi akani jiyani, kimsan falonchievlardan ekan kabi qarashlar ko‘p bo‘lgan. Bundan tashqari, o‘tmishda qaysidir qarindoshi sudlanganligi uchun uning qarindoshlari “qora ro‘yxat”da bo‘lib, davlat ishiga olinmagan. Bugun bu holatlarga chek qo‘yilmoqda. Endi ishga kirishda qozonda bori, cho‘michga chiqib, kimda bilim bo‘lsa, ishga kiroladi , chunki davlat ochiq tanlov tizimini kiritmoqda. Ortiqcha qog‘ozbozlik, otangga bor, onangga bor deb sarson qilishlar bo‘lmaydi, hamma davlat ishiga kirishda teng huquqli ekani belgilanib, uni ta’minlashni davlat bo‘yniga olmoqda. (37-modda) (Birinchi qism) O‘zbekiston Respublikasining fuqarolari davlat xizmatiga kirishda teng huquqqa egadir. (Ikkinchi qism) Davlat xizmatini o‘tash bilan bog‘liq cheklovlar qonun bilan belgilanadi.

3. Konstitutsiyadagi ta’lim sohasiga oid o‘zgarishlar Oldingi holat Kiritilayotgan o‘zgarish Oldinlari ko‘p maktablarda o‘quvchilar o‘quv yilini asosiy qismida sinf xonalarida o‘tirib bilim olish o‘rniga dalada yoki pillaxonada kattalar bilan baravar mehnat qilib o‘tkazishardi . Hali suyagi qotmagan yosh bolachalar o‘zidan katta fartuklarga paxta to‘ldirib, nimjon yelkalarida ko‘tarishardi. Bir tomondan darslar o‘lda- jo‘lda , ikkinchi tarafdan bolalarni sog‘lig‘iga ziyon bo‘lardi. Endi bolalarning salomatligi, xavfsizligi, jismoniy, aqliy rivojlanishiga zarar keltiradigan, ta’lim olish iga halaqit beradigan majburiy mehnat mutlaqo taqiqlanadi. (44-modda)

3. Konstitutsiyadagi ta’lim sohasiga oid o‘zgarishlar Oldingi holat Kiritilayotgan o‘zgarish Keyingi o‘n yilliklarda o‘qituvchilarning obro‘yi qanchalik tushib ketganini, ular himoyasiz bo‘lib qolganini ko‘rib turibmiz. O‘qituvchiga hamma “xo‘jayin”! Hokimlik yoki boshqa yuqori tashkilotning oddiy xodimi ham o‘qituvchiga uning vazifasiga kirmaydigan ishlarni buyurishi mumkin. Bu bilan o‘qituvchilarning o‘zini kamsitishdan tashqari, butun boshli avlodlarning ta’lim-tarbiyasiga zarar yetgan. Bilimsiz avlod qanday qilib kelajakda davlatimizni rivojlantirishi mumkin?! Aslida davlat ham, jamiyat ham o‘qituvchilarning sha’ni, qadr-qimmatini himoya qilib, ularga g‘amxo‘rlik qilishi zarur. Endi shu narsa Konstitutsiyada “mixlab” qo‘yiladi. O‘qituvchining mehnati jamiyatimiz va davlatimizni rivojlantirishning asosiy omillardan biri ekanligi tan olinyapti. Ularning xotirjam o'z ishi bilan shug'ullanishiga xalaqit qilishiga yo'l qo'yilmaydi. (52-modda)

E’TIBORINGIZ UCHUN RAHMAT!

O'xshashlar

O’zbekiston respublikasi konstitutsiyasi va xorijiy konstitutsiyachilik tajribasi

Konstitutsiyaviy huquqqa kirish - predmeti va mazmuni

Konstitutsiyaning yuridik funksiyalari, konstitutsiyaning klassifikatsiyasi va turlari

O’zbekiston Respublikasining Vazirlar Mahkamasi

O’zbekistonda jamiyat va shaxs munosabatlarining konstitutsiyaviy asosi