Shchit va boshqarish pultlarini montaj qilish - Energetika - Slaydlar

Shchit va boshqarish pultlarini montaj qilish

Yuklangan vaqt:

28.04.2024

Ko'chirishlar soni:

0

Hajmi:

1075.744140625 KB

Ko'chirib olish

Shchit va boshqarish pultlarini montaj qilish Reja: 1. Shchit va pultlarning turlari va vazifalari. 2. Shchit va pultlarning tipi va kostruksiyasini tanlash. 3. Shchit va pultlarda avtomatlashtirish vositalarini va asboblarni joylashtirish.

Shchit va pultlarning turlari va vazifalari Shchit va pultlar avtomatik nazorat, boshqarish va signallash asboblarini va avtomatlashtirish vositalarini boshqarish punktlarida joylashtirishga mo‘ljallangan bo‘lib, ular karkasga o‘rnatilgan panellarga o‘rnatilib, elektr va trubali ulanishlar amalga oshiriladi. Keyingi yillarda shchitlarsiz boshqarish punktlariga o‘tish tendensiyasi kuzatilmoqda. Hozirgi vaqtda lokal boshqarish punktlari shchitlar bilan, markazlashgan boshqarish punktlari esa, kombinatsiyalangan holda loyihalanmoqda.

Avtomatlashtirish tizimlarida to‘la va kichik o‘lchamli (gabaritli) shkafli va panelli shchitlar va yordamchi elementlar qo‘llanilmoqda. Shchit va pultlarning konstruksiyalari GOST 36.13-76 bo‘yicha reglamentlanib, unda shkafli, karkasli panelli, hamda bir, ikki va uch seksiyali stativlar ishlab chiqarilishi mo‘ljallangan. Shchitlar va stativlar ikki xil tayyorlanadi: I - ikki panelli; II – uch panelli.

Shkafli va panelli karkasli shchitlarning funksional maydonlari: a ) I-ijro(3 panelli) ; b) II-ijro(2 panelli).

Shchitlarning fasad panellarida o‘lchov asboblarini va apparatlarni joylashtirishga misol: 1 — yonuvchi tablo; 2 va 4 — ko‘rsatuvchi; 3 — yozib boruvchi o‘lchov asboblari; 5- knopka; 6 — yoqib o‘chirgich; 7 —signal armaturasi; 8 — yozuv uchun ramka

Shchit karkasida o‘lchov asboblarining ichkari tomonlarini mahkamlashga misol: a — o‘lchov asboblarini yakka tartibda o‘rnatish; b — gruppalab o‘rnatish; 1 — podstavka; 2 —podkladka; 3 — o‘lchov asbobi; 4 — xomut; 5 — yon tomon shvelleri SHB; 6 — tayanch; 7 — shchit karkasi ustuni; 8 — shpilka; 9 — shvel ler.

Shchit konstruksiyalarini shartli belgilanishi quyidagilarni o‘z ichiga oladi: mahsulotning nomi, seksiyalar soni, yon devorlarining ochiqligi yoki yopiqligini ko‘rsatilishi, ijro raqami, tiporazmer, klimatik ijrosi, ximoyalanish darajasi, asosiy hujjat raqami. Shchit xonalaridagi temperatura 20-30 0 S bo‘lishi mumkin. Shchit va pultlarni loyihalashga struktura chizmasi, avtomatlashtirishning funksional chizmasi, signallash va manba chizmalari asos bo‘ladi. Loyihalash quyidagi ketma-ketlikda amalga oshiriladi: - shchitning tipi va konstruksiyasi tanlanadi; - avtomatlashtirish vositalari va asboblarini joylashtirish; - kommutatsion qisqichlar va trubkalar ulagichlari soni va joylashish joyi aniqlanadi; - elektr va trubali ulanishlar tanlanadi; - shchitlar va pultlarni ishlab chiqarishda maxsus xonalarga joylashtiriladi; - shchit va pultlarni tayyorlashga topshiriq tayyorlanadi.

Shchit va pultlarni tipi va konstruksiyasini tanlash. Shchit va pultlarni tipi va konstruksiyasini tanlashni boshqarish strukturasini aniqlagandan va texnik vositalar hajmi va xarakteristikasini bilgandan so‘ng amalga oshiriladi. Birlamchi asboblarni joyida o‘rnatish uchun kichik gabaritli shkafli shchitlar ishlatiladi. Lokal va markazlashgan boshqarish punktlarida to‘liq gabaritli ko‘p seksiyali shchitlar ishlatiladi. Ishlab chiqarish xonalarida shkafli shchitlar, maxsus shchit xonalarida esa, panelli shchitlardan foydalaniladi. Pultlar, odatda yoqib o‘chiriladigan apparaturalar ko‘p xollarda ishlatiladi. Yig‘ma shchitlardagi shchitlarning va alohida panellarning gabarit o‘lchamlarini o‘rnatiladigan asboblar va avtomatlashtirish vositalari soni va o‘lchamlariga qarab tanlanadi.

Shchitlarning orqa tomoni chuqurligini tanlashda, o‘rnatilayotgan o‘lchov asboblarining orqa qismining o‘lchamlarini, shchit ichkarisiga o‘rnatilayotgan asboblarning o‘lchamlarini, shchit eshiklarining konstruksiyasini, asboblar va apparaturalarning ochiq tokga ulovchi qismlari mavjudligini hisobga olish kerak bo‘ladi. Bu tanlangan chuqurliklar elektr jihozlarni loyihalash instruksiyalariga javob berishi kerak. Orqa eshikdan qarama-qarshi tomonigacha masofa 600 mm dan kam bo‘lgan shchit va shkaflar tashqaridan xizmat ko‘rsatiladigan hisoblanadi. Odatda, bunday holatlarda shkafli shchitlarni old tomondan yoki orqa tomondan eshiklari mavjud bo‘lgan SHSH – 3D yoki SHSH – P3D konstruksiyalaridan foydalanish tavsiya etiladi.

Shchit va pultlarda avtomatlashtirish vositalarini va asboblarni joylashtirish. Avtomatlashtirish vositalarini va asboblarni shchit va pultlarda texnologik jarayon ketishi bo‘yicha chapdan o‘ngga qarab boshlang‘ich bosqichlardan boshlab yakunlovchi bosqichga qarab joylashtiriladi. Agar ko‘p seksiyali shchitlar ishlatilsa, unda har seksiyada texnologik jarayonning qaysidir zvenosiga (qurilmasiga) mansub asboblar o‘rnatiladi. Bunda, ko‘p ishlatiladigan, asosiy parametrlar markazga, kam ishlatiladiganlari chetda o‘rnatiladi. Bir seksiya ichida o‘lchov asboblari simmetrik ravishda o‘rnatiladi. Operator uchun optimal nazorat zonasi 1300-1650 mm, boshqarish organlarining optimal joylashish zonasi 1100- 1440 mm hisoblanadi.

Shchitning balandligi bo‘yicha 2,3 va xatto 4 qator o‘lchov asboblari joylashtirilishi mumkin. To‘rt qator o‘lchov asboblarini 700-2100 mm. Chegarada joylashtirish mumkin. Ammo, pastki, tavsiya qilinadigan chegara 900  1200 mm bo‘lgani yaxshi. O‘lchov asboblari orasidagi masofa 40-80 mm., o‘lchov asbobidan panel chetigacha masofa 100 mm. bo‘lishi tavsiya qilinadi. Bu masofalar o‘lchov asboblari ostidagi yozuvlarni ham hisobga oladi. Ko‘rsatuvchi asboblarni 800  1900 mm. balandlikda, yozuvchi asboblarni 900  1800 mm, rostlovchi asboblarni 900  1900 mm, nazorat asboblarini esa, 800  1600 mm balandlikda o‘rnatish tavsiya etiladi. Ramkadagi yozuvlar qisqa, aniq va element vazifasini to‘liq ifodalashi kerak. Odatda uch panelli shchitlarni ishlatish ko‘proq tavsiya qilinadi. Ularda pastki panel dekorativ hisoblanadi, o‘rtadagi panelga yozuvchi asboblar va boshqarish organlari, hamda, katta o‘lchamli ko‘rsatuvchi asboblar o‘rnatiladi. Tepa panelda signal armaturasini va kichik o‘lchamdagi ko‘rsatuvchi asboblarni joylashtiriladi.

Shchitlarning ichki yuzalarida avtomatlashtirish vositalarini joylashtirish. Shchitlarning ichki yuzalarida avtomatlashtirishning yordamchi vositalari joylashtiriladi: rele, transformatorlar, elektr manbalar, yoqib o‘chirgich panellari, qisqa tutashdan saqlagichlar, reduktorlar, filtrlar, xamda rostlagich va funksional bloklar. Elektr va pnevmatik qurilmalarni ularning konstruktiv xususiyatlarini hisobga olgan holda joylashtiriladi. Odatda elektr jihozlar shchitlarning chap tomonida va pnevmojihozlar o‘ng tomonida joylashtiriladi (orqa tomonidan qaraganda).

Jihozlar shchit asosidan quyidagi balandlikda o‘rnatiladi: -transformatorlar, manbalar, yuritgichlar, shchitning yorituvchi lampalar, qo‘ng‘iroqlar 1700-2000mm, -rostlagichlar, funksional bloklar, rels 600-1800mm, -Yoqib-o‘chirgichlar, avtomatlar, razetkalar 700-1700mm, -Manometrlar 700-1800mm, -pnevmatik manba jihozlari-reduktor, filtr 300-700mm, -kommutatsion qisqichlar (k3) 350-1900mm, -havo kollektori 250-500mm.

Shchit va pultlarni joylashtirish. Shchit va pultlar boshqarish punktlarida va to‘g‘ridan- to‘g‘ri ishlab chiqarish xonalarida joylashtirilishi mumkin. Odatda sexlarda joylashgan boshqarish punktlarida shchitlar boshqarish obektlariga yaqin joylashtiriladi va bunda jarayonni boshqarish faqat o‘lchov asboblari ko‘rsatishiga qarab emas, balki jarayon ketayotgan jixozlarga xam qarab nazorat qilinadi. Ba’zi xollarda operator punktlari ishlab chiqarishda shisha to‘siqlar (devorlar) bilan ajratilgan bo‘lishi mumkin.

Markaziy boshqarish shchitini joylashtirishga misol: 1- chap tomonidan yopiq, karkasli ikki seksiyali panelli shchit, SHPK-2-ZL; 2 — aylanma ramali karkasli ikki seksiyali panelli shchit SHPK-2; 3 —karkasli uch seksiyali panelli shchit SHPK-3; 4 — o‘ng tomonidan yopiq, karkasli uch seksiyali panelli shchit, SHPK-Z-ZP; 5 - ikki seksiyali stativ S-2; 6 —tekis stativ SP; 7 — yordamchi panel, eshikli PnV-D; 8 — yordamchi panel PnV; 9 — burchakli vstavka VU; 10 — chap pult P-L; 11 — o‘rta pult P-S; 12 — o‘ng pult P-P; 13 — kichik o‘lchamli shkafli shchit SHSHM; 14 — ochiq tok beruvchi qismlari bor jixoz.

Dispetcher boshqarish punktlari shchitlari maxsus shchit xonalariga joylashtiriladi. Shchitlarni ishlab chiqarish xonalarida joylashtirish joylarini aniqlashda quyidagilarga e’tibor qaratish kerak bo‘ladi.: -shchitlarni birlamchi o‘lchov asboblariga yaqin joylashishi; -shchitlarda joylashgan o‘lchov asboblari bilan ishlashning qulayligi va obektni yaqin nazorat qilish imkonining mavjudligi; -shchitlarga o‘tish, yoniga borish mumkinligi; -shchitdagi o‘lchov asboblari yetarli yoritilganligi; -Vibratsiyaning, issiqlik magnit va elektr maydonlarining va agressiv gazlarning yo‘qligi; -suv, bug‘, kislotalarning tushish imkoniyatining yo‘qligi.

Ichki tomondan ko‘rinishi chizmasi. Bu chizma “ichki tomondan ko‘rinish” deb nomlanib, hamma panellar ochib ko‘rsatiladi va ularda hamma o‘lchov asboblari, avtomatlashtirish vositalari va boshqa elementlar ko‘rsatiladi (rasm...). Elektr ulash simlari uzluksiz, trubali impulsli ulanishlar shtrix va o‘lchash zanjirlari chiziqlari shtrix punktir chiziqlar bilan ko‘rsatiladi.

Alohida shchitlarning tarkibiy ro‘yxati

Nazorat savollari: 1. Shchit va pultlarning vazifasi va turlari haqida nimalarni bilasiz? 2. Shchit va pultlarni loyihalashda qanday meyoriy hujjatlarga asoslaniladi? 3. Asbob apparatura va yordamchi vositalar shchit, pultlarga qanday mezonlar asosida joylashtiriladi? 4. Shchit va pultlarni dispetcher xonalariga o‘rnatish sxemalarini tuzish qoidalari qanday? 5. Shchit konnstruksiyalarining tarkibi haqida nimalarni bilasiz? 6. Shchitlarning umumiy ko‘rinishi tarkibiga nimalar kiradi? 7. Shchitlarning ortdan yoyilgan chizmasi qanday loyihashtiriladi? 8. Shchit va pultlarning montaj chizmalari xususida gapirib bering?

E’TIBORLARINGIZ UCHUN RAHMAT !

O'xshashlar

Rostlagichlar, asboblar va ikkilamchi o‘zgartgichlarni ta’mirlashdan oldin stendda sinov o‘tkazish

Teng yuklangan uch fazali tarmoqlarda kuchlanishning isrofi. Uch fazali tarmoqlarni hisoblash tartibi

O’zbekiston elektr energitika tizimi va uning boshqaruv tizimi

Polietilenning qiyin yonuvchanligini oshirishda antipiren nanozarrachaning sinergezm ta’sirini o‘rganish

Uzluksiz ishlab turuvchi rostlagichlarni sozlash talablari