Лексемаларнинг ишлатилиш доираси - Tilshunoslik - Referatlar

Лексемаларнинг ишлатилиш доираси

Yuklangan vaqt:

20.09.2019

Ko'chirishlar soni:

0

Hajmi:

114 KB

Ko'chirib olish

Лексемаларнинг ишлатилиш доираси Режа: 1. Лексемаларнинг ишлатилиш доираси 2. Узбек тили лексикасида эскириш ва янгиланиш жараёнлари

Лексемаларнинг ишлатилиш доираси чегараланмаган ва чегараланган булиши мумкин. Бундай икки гурухга ажралиш асосан от, сифат, равиш ва феъл туркумларидаги лексемаларга хосдир. Сон ва олмош туркумларида, шунингдек, богловчи, юклама, кумакчи ва ундовларда ишлатилиш доираси чегараланган сузлар йук. I . Ишлатилиш доираси чегараланмаган лексемалар узбек тилида сузлашувчиларнинг барчаси учун умумий булган, хаммага тушунарли ва хамманинг нуткида бир хил даражада кулланадиган сузлардир: бош, кул, куз, дарахт, мева (отлар); ок, кора, кизил, катта, кичик, яхши, ёмон (сифатлар); тез, оз, куп, журттага, атайин (сифат-равишлар); юрмок, ишламок, укимок, ёзмок (феъллар) ва б.лар. Бундай лексемалар умумхалк лугавий бирликлар деб хам юритилади. II . Ишлатилиш доираси чегараланган лексемалар диалектга, касб- хунар лексикасига ва жаргон-арголарга хос сузлардир. Жонли сузлашувда ишлатиладиган вульгаризмлар хам кулланиши чегараланган лугавий бирликлар саналади. Диалектларга хос сузлар кулланиши территорияга кура чегараланган лексемалардир. Бундай сузлар лексик диалектизмлар саналади. Улар икки хил булади: а) диалектизм-суз . Бунда сузнинг ифода плани, демак, номемаси шевага хос булади: бузог - Тошк.ш., гусала – Бух.ш., уджак – Хоразм.ш.(ад.- орф. бузок ); райхон - Тошк.ш., нозвой – Сам.ш. (ад.-орф. райхон ); ёстик - Тошк.ш., така - угиз диал, болиш – Бух.ш.(ад.-орф. ёстик ); дуппи - Тошк.ш., калпок -Сам.ш., каллапуш – Бух.ш. (ад.-орф. дуппи ) каби; б) диалектизм-маъно . Бунда лексеманинг ифода плани (номемаси)эмас, маъноси (семемаси) шевага хос булади, номема эса адабий тилда хам кулланади. Масалан, чопки (Тошк.ш.)- чопки (Сам.ш.)- чопки (ад.тилда). Демак, чопки номемаси диалектизм-суз саналмайди, аммо унинг шевалардаги маънолари бир хил эмас. Киёс килинг: чопки (Тош.шевасида-«шох-шабба киркиш, гушт, пиёз киймалаш ва ш.к.ишларда кулланадиган катта ва огир,

пичокка ухшаш асбоб»)- чопки (Сам.шевасида – «тиги сопи ичига кайириб ёпиб куйиладиган пичокча, каламтарош») – чопки (ад.тилда – «шох-шабба киркиш, гушт киймалашда кулланадиган катта ва огир, пичокка ухшаш асбоб»). Демак, чопки лексемасининг семантик таркибида иккита семема (лексик маъно) бор: 1) Тошкент шеваси ва адабий тилдаги маъноси. Булар диаллектизм эмас; 2) Самарканд шевасидаги маъноси. Бу маъно факат шевага хос булиб, адабий тилга утмаган, шунинг учун у диалектизм-маъно (диалектизм-семема) саналади. Бундай холни лаган лексемасида хам курамиз. Бу лексема адабий тилда «куюк овкатлар солинадиган, тарелкадан катта ясси идиш» маъносини англатади. Демак, у шу шаклда ва шу маъносида диалектизм эмас, аммо лаган лексемасининг шеваларда «катта чукур тугарак идиш», «кир ювиладиган тогора» маънолари хам бор, лаган сузининг айни шу маънолари диалектизм-семемалар саналади. Тилнинг лугат бойлигида лексик диалектизмлардан ташкари, фразеологик диалектизм хам учрайди. (Бу хакда «Фразеология» булимига каранг.) Лексик ва фразеологик диалектизмлар биргаликда лугавий диалектизмлар хисобланади. Диалектизм ходисаси тилнинг фонетик ва грамматик сатхларида хам бор: а) фонетик диалектизмлар диалектга хос нутк товушлари ёхуд сузнинг у ёки бу шевадаги фонетик таркиби. Масалан, узбек тилининг кипчок лахжаси шеваларида 9 та унли фонема бор: и-ы, ä-а, ÿ-у, у(Ø)-у(о) ва е(э). Бундай зидланишнинг хар бир аъзоси суз маъносини фарклаш учун хизмат килади. Киёс килинг: тиш («одамнинг тиши»)- тыш («ташкари»), ыс («курум»)- ис («хид»), сыз («чиз»)- сиз («сиз») 1 , от (ут:«олов», «усимлик») - т (ут: «утишга буйрук»), ор (ур: «бедани ур») -  р (ур: «сочни ур»), тур («туришга буйрук») – тÿр («хил», «жинс») 2 каби. Бирок хозирги узбек адабий тилининг фонологик тизимида унли фонемаларнинг бундай зидланиши 1 1 Каранг: Т´йчибоев Б. Узбек тилининг тараккиёт боскичлари.-Т.: «Укитувчи», 1996, 7-б. 2 2 Т´йчибоев Б. К´рсатилган асар,23-24-б

(«йугонлик» ва «ингичкалик» белгилари билан фаркланиш) йук, демак, юкоридаги сузларнинг хар биридаги унли фонема факат шеванинг узигагина хос, шунга кура улар фонетик диалектизмлар саналади. Сиргалувчи й ва коришик ж ундошлари шеваларда хам, адабий тилда хам бор. Демак, улар деалектизм эмас, аммо бу товушларнинг шевада ва адабий тилда кулланиши фаркланадиган уринлар учрайди. Хусусан, сузнинг бошида адабий тилдаги й урнида кипчок лахжасининг «ж»-ловчи шеваларида коришик ж ишлатилади: йук (ад.-орф.)- жØк (шевада), йигит (ад.орф.)- жигит (шевада), йилон («й»-ловчи шеваларда) – жилан («ж»-ловчи шеваларда) каби. Бу ходиса к ва г, т ва д ундошларининг кулланишида хам юз беради: куз (ад.-орф.)- гуз (гØз: Хоразм ш.), кел (ад.-орф.)- гäл (Хоразм ш.), тил (ад.-орф.)- дил (узб.тилининг угуз лахжасида) каби. 3 Бу ходиса лексик- фонетик деалектизм деб бахоланади (102,96-б); б) грамматик диалектизмлар – бирор шеванинг узигагина хос (адабий тилдагидан узгача) грамматик шакллари. Мас., адабий тилдаги – «- миз»(шахс-сон аффикси) урнида Тошкент шевасида «-вуз» аффикси ишлатилади: борамиз (ад-орф.)- боровуз (Тош.ш.) каби. Адабий тилдаги «-да» (урин-пайт келишиги кушимчаси) урнида Самарканд шевасида «-га» кулланади: Тошкентда укияпман (ад.тилда.) – Тошкентга укопман (Сам.ш.) каби. Хозирги замон давом феъли шакллари шеваларда «- вот» (Тошк.) – «-оп» (Сам.) – «-утти» (Нам.) аффикслари билан ифодаланади: борвотти, боропти, борутти каби. Келтирилган мисолларнинг шевалардаги турлари грамматик деалектизмлар саналади. Лексик, фонетик ва грамматик диалектизмлардан бадаиий асар тилида услубий восита (услубий фигура) сифатида фойдаланиш холлари хам учрайди. Ёзувчи Ж.Абдуллахоновнинг «Туфон» романидан келтирилган куйидаги матн парчасига назар ташлайлик: 3 3 Каранг: Решетов В.В., Шоабдураµмонов Ш. Узбек диалектологияси.-Т.: «Укитувчи», 1978,42-б.

Шу вакт куча эшик тараклаб очилди-ю, остонада ун ёшлардаги майкачан, коп-кора бола пайдо булди. У нихоятда хансирар, куп югуриб толикканидан нафасини ростлай олмасди: -Акамулло, акамулло, сизни йуклошопти, идорага йуклошопти. -Нима гап? -Хожар аяни бачаси сахрода боркан экан... Буронда колган экан... Кайтиб келмопти... Сугин Хужаназар аконинг духтори буронга колип улипти. Хошим югурганича чикиб кетди. Махмуда билан Мохидил бир-бирига хайрон караб колишди . Юкоридаги нуткий парча муаллиф тили ва персонажлар тилидан таркиб топган булиб, унда нуткнинг диалогик шакли катнашган. Персонаж тилида узбек-тожик икки тиллилиги таъсирида булган узбек шевалари сузларидан ( акамулло, бача, духтор, сугин каби лексик диалектизмлардан), шу шеваларга хос грамматик шакллардан ( йуклошопти, келмопти ) ва лексик- фонетик диалектизмлардан ( ака сузининг ако шаклидан) унумли фойдаланилган, натижада образ нуткининг типик ва таъсирчан булишига эришилган. Ёзувчи Эркин Самандаровнинг «Дарёсини йукотган киргок» романидан келтирилган куйидаги диалогда эса диалектизмларнинг услубий восита сифатидаги роли, персонажлар нуткини типиклаштиришдаги ахамияти янада ёркинрок кузга ташланади. Ичкаридан Анвар чикди. Нима булаётганини ангшара олмай серрайиб турди. - Вой, анави олволини куринг, - деди Кумрихон урнидан туриб. - Олволинг нимаси? - Олволи де, хув ана. - Чияни айтасанми? Кумрихон богистонча чия сузига тушунмади. - Олчами?

- Ха, олволи егум келутти. - Ма, Кумри, -деди Ганжа бир ховуч олчани узиб. («Шарк юлдузи» ж- ли, 1989,№1,39-б.) Юкоридаги диалог эпизодида меванинг бир тури уч хил ном билан – олволи, чия ва олча лексемалари воситасида аталган, бу хол икки (Наманган ва Бустон) шева вакиллари уртасидаги нуткий мулокотнинг жонли, хаётий чикишига хизмат килган. Касб-хунар лексикаси ижтимоий мехнатнинг у ёки бу турига, ишлаб чикариш, илм-фан, адабиёт-санъат ва хоказо сохаларга оид нарса-ходиса хамда тушунча номларидир: дегрез -«козон, омоч тиши ва бошка чуян асбоблар куювчи уста», кавшар -«металл буюм, деталь ва ш.к.ни бир-бирига улаш учун ишлатиладиган металл ёки котишма», чангчи, уругчи, гултож (ботаникага оид тушунча номлари) каби. Булар тилшуносликда профессионализмлар ёки профессионал лексика деб хам аталади. Профессионал лексиканинг илм-фанга, техникага, адабиётга оид кисми терминлар деб хам номланади: фонема, морфема, семема (тилшунослик терминлари), тангенс, синус, теорема, катет (математика терминлари) каби. («Терминлар» мавзуига хам каранг.). Касб-хунар лексикаси (профессионализмлар), асосан, муайян сохага оид огзаки ва ёзма матнларда фаол кулланади, умумтил доирасида эса улар анча пассив булади. Бундай катлам лексемаларининг ишлатилиш доирасидаги чегараланиш шу билан белгиланади. Касб-хунар лексикасидан бадиий асар тилида маълум услубий максадларда фойдаланиш холатлари хам учрайди. Масалан: Пайшанба – маош куни эди. Пешиндан кейин атрофи тахта девор билан омонат уралган курилиш ховлисига чанг-тузон кутариб «ЗИЛ» машинаси кириб келди. Чеккадаги кучма вагонча олдида вошиллаб тухтади. Кабина эшиги очилиб, култигига кора сумка кистирган кассир киз – Фая сакраб тушди. Вагонча зинасига пилдираб чикиб, бакирди: -Йигитлар, келигиз, зарплата олигиз!

Бетончи Сафар ака айикдек лапанглаб вагонча томонга биринчи булиб юрди. Кетидан пайвандчимиз Икром ака. Унинг кетидан Эркин деган такеллажчи йигит. (У.Х.) Юкоридаги матн парчасида курилишдаги бир эпизод ёритилганлиги туфайли, унда бетончи, вагонча, пайвандчи, такеллажчи каби курилиш лексикасига оид сузлар ишлатилган. Арготизм ва жаргонизмлар – бирор арго ёки жаргонга хос лексемалар. Арго ва жаргонлар бирор ижтимоий гурух ёки тоифаларнинг, масалан, спортчилар, угрилар, олибсотарлар, порахурлар ва бошкаларнинг «ясама тили»дир. Шунинг учун арго ва жаргонлар ижтимоий диалектлар деб хам юритилади. Арготизмлар яширин маъно ифодалайди. Масалан, отарчилар орасида– якан («пул»), ичувчилар орасида- новча («арак»), кизил («вино») каби. Жаргонизмларда яширин маъно билан бирга тингловчини ёки узга бир шахсни камситиш ёхуд унинг хислатларини бурттириб бахолаш оттенкалари хам мавжуд булади. Масалан, талабалар жаргонида: дум -«топширилмаган имтихон», «карз»; жонли сузлашувда: йурга -«енгил табиатли», «бузук» ва б.лар. Арготизм ва жаргонизмлар, асосан, жонли сузлашувда, тор доирада ишлатилади. Улардан бадиий асарда образ ва персонажларни типиклаштириш максадида фойдаланиш холлари хам учрайди. Масалан: Бу кора ер юткурнинг йурга чикаришини етти ухлаб тушида ким курибди. (Хамза. Паранжи сирлари.) Гапни айлантирманг. Ёглик жой. Якан катта булади! («Муштум», 1960, №2). Бир мактабда гап миш-миш, Тургуннинг думи бормиш. Хуш, бу ажаб, кандай дум , Хеч кимда йук-ку бу дум ? Билсам вокеа узга,

Илинмас кулга, кузга! «Икки»деган оти бор, на узи, на зоти бор... (К.М.) Вульгаризмлар - хакорат маъносида кулланадиган сузлар: хунаса, даюс, сутак, тунка кабилар. Бундай лексемалар ёки уларнинг вульгар маънолари адабий тил бирлиги саналмайди, уларни куллаш нутк маданиятига хилоф деб каралади, аммо бадиий асар тилида бундай сузлардан услубий восита сифатида фойдаланилади. Масалан: У кизигар машинасини Коракамишга караб учирди . (Т.М.). Ёлгон гапирасан, хунаса , уйида булмагансан. Айвони йук унинг (Т.М.). Даюс , даюс Вали тога, Мирвали тога даюс ... (С.Ахм.). Хосилбойваччага айтиб куй: сеникини арткунча, узиникини эпласин. Келиб-келиб ушандан панох изладингми, э сутак ! (Т.М.). Анави тункани нима киламиз? – деди Асадбек, жахлидан тушиб.. .(Т.М.). Узбек тили лексикасида эскириш ва янгиланиш жараёнлари Тил тизим сифатида узлуксиз харакатда, ривожланишда булиб туради, бу унинг ижтимоий мохиятидан келиб чикади: тил ва жамият, тил ва онг, тил ва тафаккур уртасидаги икки томонлама алокадорлик уларнинг бир-бирига таъсирини белгилайди – жамиятда булиб турадиган ижтимоий-сиёсий жараёнлар, илмий-техникавий тараккиёт, иктисодий ва маърифий сохалардаги ислохотлар тилнинг лугат бойлигида янги-янги суз ва атамаларнинг юзага келишини, айни пайтда маълум суз-лексемаларнинг эскириб, тарихий категорияга айланишини такозо килади. Бу жараён тилнинг лугат бойлигида историзм, архаизм ва неологизм каби лексик бирликларни юзага келтиради.

Лексик историзмлар утмиш вокелиги булган нарса-ходисаларнинг номларидир. Масалан: ботмон -«Узбекистоннинг турли ерларида турли салмокка эга булган (икки пуддан ун бир пудгача) огирлик улчови»; чакирим -«1,06 километрга тенг узунлик улчови»; чури -«кул хотин», «туткунликдаги аёл»; мингбоши -«даха ёки кишлок оксоколи, хокими»; омоч -«уловга кушиб ер хайдайдиган металл тишли примитив ёгоч асбоб» ва б.лар. Историзмлар, одатда, узок тарихий жараёнлар давомида юз берадиган эскиришнинг махсули булади, аммо улар, баъзан, киска вактда пайдо булишлари хам мумкин: якин утмишда (1991 йилгача) узбек тилининг фаол сузлари булган айрим лексемаларнинг ( партком, райком, горком, обком, колхоз, совхоз кабиларнинг) хозирги кунда эскириб, историзмлар каторига кушилгани бунинг далилидир. Историзмнинг мухим белгиларидан бири шуки, унинг ифода плани (номемаси) ва мазмун плани (семемаси) бирга эскиради, бинобарин, лексема яхлит холда хозирги тил бирлиги булмай колади. Лексик архаизмлар - хозирги пайтда мавжуд булган вокеликнинг эскирган номи ёки, аксинча, хозирги тилда мавжуд булган лексеманинг эскирган маъноси (семемаси). Демак, эскириш жараёни лексемага яхлит холда ёки унинг бир кисмига (маъноларидан бирига) алокадор булади, шунга кура лексик архаизм икки турга булинади. 1. А р х а и з м – л е к с е м а - хозирги пайтда мавжуд булган вокеликнинг эскирган номи: лаб (одам организмидаги аъзолардан бирининг хозирги номи) – дудок (шу аъзонинг эскирган номи, архаизм-лексема: «Йулчининг кучли, эркак нафасини, дудокларида унинг бусасининг жонли оловини бир лахза сезди» . О.); кассоб («мол суювчи»-хозирги маъно) – саллох («мол суювчи»маъносидаги эскирган суз, архаизм-лексема: «Тикка олдига бориб, девкор саллохлардай шохидан ушлаб «бисмиллоху оллоху акбар», деб...бугзига пичок тортиб юбордим, - деди Шум бола» .г.г.); элчихона («бир давлатнинг бошка давлатдаги дипломатик ваколатхонаси») – сафорат

(«...дипломатик ваколатхона»нинг эскирган номи, архаизм-лексема); кушин («аскар», «армия») – черик («аскар», «армия» тушунчаларининг эскирган номи, архаизм-лексема: «Андок калин черикка не иш кила олгай эди. Сунгича ковгунчи борди, узини дарёга солди, гарк булди» . «Бобурнома»дан); пароль («махфий шартли суз») - урон («пароль», «махфий шартли суз» маъносидаги архаизм-лексема: «Ул юрушта маъхуд урон алфази «Тошканд» била «Сайрам» эди. Тошканд деса, Сайрам дейилгай, Сайрам деса Тошканд». – «Бобурнома»дан) каби. 2. А р х а и з м – с е м е м а - хозирги тилда мавжуд булган лексеманинг эскирган маъноси. Масалан: гам сузи хозирги узбек тилида «кайгу», «хасрат», «алам», «ташвиш», «кулфат» маъноларида кулланади, утмишда (эски узбек тилида) эса бу суз «ишк», «мухаббат», «севги» маъноларини хам ифодалаган: «Бир юзи гулгун гамидин юз тугон кунглумдадур, Хор-хоримнинг иложи бодан гулгун денгиз». – «Хазойинул-маоний»дан. Хозир гам сузининг «ишк», «мухаббат» маънолари эскирган булиб, архаизм-семема саналади. Бундай холни харф сузи маъноларида хам курамиз. Бу суз хозирги узбек тилида «алифбодаги график белги» маъносини англатади, эски узбек тилида эса харф сузининг «суз», «нутк» маънолари хам булган: «Хар харфи онинг танимда жон булди яна, Хар лафзи хаёти жовидон булди яна» - «Хазойинул-маоний»дан. «...Ул масал борким, «Он гузарро бурд». Анинг давлатининг ва навкарининг интикомида бу харфни анинг тилига тенгри солди». - «Бобурнома»дан. Харф сузининг ана шу икки гапдаги маъноси хозирги узбек тилига нисбатан архаизм-семема хисобланади. Баъзан сузнинг узи ёки унинг маъноларидан бири эмас, балки талаффузи эскиради, натижада шу сузнинг эскирган талаффуз варианти, демак, лексик-фонетик (ёки фонетик-лексик) архаизм юзага келади. Киёс килинг: кубиз (гижжакка ухшаш чолгу асбоби) - кубуз (шу асбоб номининг эскирган талаффуз варианти, лексик-фонетик архаизм: «яна бири Сайид Юсуф углокчи эди... Мардоналиги хам бор эди. Кубузни яхши чолур эди». – «Бобурнома»дан; бугун (пайт равиши)- букун (шу сузнинг эскирган талаффуз

варианти, лексик-фонетик архаизм: Букун сендин хабар топа олмадук. – «Холоти Саййид Хасан Ардашер»дан; илон («судралувчи жониворнинг бир тури») – йилон (шу жонивор номининг эскирган талаффуз варианти, лексик- фонетик архаизм: «Мулойим такаллум вахшийларни улфат сари бошкарур, фусунгар афсун била йилонни тушукдин чикарур» - «Махбубул-кулуб»дан. Талаффуздаги архаиклашиш лексемалардагина эмас, балки лексик маънога эга булмаган сузларда (олмошларда, кумакчиларда) хам учрайди. Масалан: у, бу, шу, уша (кишилик ва курсатиш олмошларининг хозирги фонетик-орфоэпик шакллари) – ул, бул, шул, ушал, ушул (шу олмошларнинг эскирган талаффуз вариантлари). М и с о л л а р: Ахли ирфон солики атвори ул, Маърифат бозорининг Аттори ул («Лисонут-тайр»дан); Бул Рустамдурким, амирул-муъминин Умар ... Мадойинга Саъд Ваккосни араб черикин бошлатиб йибарганда... («Тарихи мулки ажам»дан); Жаноби ушал Ходихужа эшон, Олур узларин агниён замон. (Мук.); Фатх толибга етишмас, агар эрмас мухлис, Ким ушул фотиханинг лозимасидур ихлос («Хазойинул-маоний»дан). Бундай архаиклашиш билан кумакчисида хам кузатилади: Хох танобингни дучандон килай, Хох карам бирла бошингни силай . (Мук.). Бу гапдаги бирла хозирги билан сузининг архаиклашган талаффуз вариантидир. Архаиклашиш ходисасининг грамматик бирликларда учраши. Архаиклашиш ходисаси тилнинг грамматик бирликларида, хусусан, аффиксал морфемаларда ва шу морфемалар иштирокида шаклланган грамматик формаларда хам учрайди. Масалан: феълнинг сифатдош шакллари кадимги туркий тилда «-миш» ва «-мыш» ( Тэнридэ болмыш турк Билгэ каган . – «Тангридан булган турк Билга хокон»), «-дук» ва «-дÿк», «-тук» ва «- тÿк» ( бардук йэрдэ - «борган ерда», болтукда –«булганда») морфемалари воситасида ясалган 1 , хозир эса бу функцияда, асосан, «-ган» аффикси кулланади: ( булган, борган каби), «-дук» ва «-дÿк», «-тук» ва «-тÿк» морфемалари эса грамматик (аффиксал) архаизмга айланган. Баъзи 1

морфемалар хозирги тилда бор булса-да, уларнинг талаффузи эскирган булади: «Яна бир Махмуд барлос эди. Навандоклик барлослардиндур. Султон Абусаий Мирзо кошида хам бек эди. Султон Абусаид Мирзога Ирок вилояти мусаххар булгонда Кирмонни Махмуд барлосга бериб эди...» («Бобурнома»дан). Бу гапда кулланган «-дин», «-дур», «-га», «-гон» морфемалари хозирги «-дан», «-дир», «-га», «-ган» морфемаларининг эскирган талаффуз вариантларидир, бундай вариантлар тилшуносликда фонетик-грамматик архаизмлар деб хам юритилади. Лексик архаизмларнинг лексик историзмлардан фарклари. 1.Лексик архаизм хозирги пайтда мавжуд булган нарса-ходисанинг эскирган номидир. Историзм эса утмиш вокелигининг номи. 2.Вокеликнинг хозир мавжудлиги унинг эски номи (лексик архаизми) урнида янги номи булишини такозо килади: юз (хозирги ном) – ёнок (архаизм), лаб (хозирги ном)- дудок (архаизм), душман (хозирги суз) – ёгий (архаизм), кушин (хозирги суз) – черик (архаизм) каби. Бу хол тилнинг лугат бойлигида синонимик каторларни шакллантиради. Историзмлар томонидан номланган утмиш вокелиги хозир йук, бинобарин, уларнинг (историзмларнинг) хозирги тилда синонимлари хам булмайди. 3.Лексик архаизмларнинг юзага келишида синоним сузлар орасидаги услубий муносабатлар мухим роль уйнайди: бирининг фаоллашуви иккинчисининг пассивлашувига, архаиклашувига олиб келади. Историзмларда эса бундай муносабат булмайди: вокеликнинг йуколиши шу вокелик номи булган сузнинг (лексеманинг) лугатдан бутунлай тушиб колишига сабаб булади. Лексик неологизмлар тилда янги пайдо булган ва янгилик буёгини йукотмаган сузлар: интернет, маркетинг, лицензия ва б. Хар кандай неологизм дастлаб айрим шахс нуткида воке булади, бундай пайтда у индивидуал нутк неологизми саналади. Масалан; «Бек аканг куринмай колди-ку? деди кесакполвон лабига сигарет кистириб. Хумкалла

чунтагидан чакконлик билан ёккич олиб унга олов тутди...» (Т.М.) Бу гапда ёккич сузи русча зажигалка сузининг калькаси тарзида кулланган, уни асар муаллифи (Тохир Малик) узи ясаган ва узи индивидуал нутк неологизми сифатида биринчи булиб ишлатган. Демак, бу суз хозирча умумтил неологизми даражасига кутарилмаган, чунки у нутк ихтиёридан тил ихтиёрига утмаган. Баъзан анча илгари яратилган индивидуал нутк неологизмилари хам умумнутк неологизмига айланмай колиб кетади. Буни атокли ёзувчи Абдулхамид Чулпон томонидан уз вактида ясалган озитки сузи мисолида яккол курса булади: «...Хар бир она сути огзидан кетмаган тентак гимназистни бир «озитки» деб биларди». 1 Абдулхамид Чулпон бу гапдаги озитки сузини ачитки, кичитки типидаги ясалмалар моделига (колипига) суяниб ясаган ва уни «йулдан оздирувчи» (русча «соблазнитель») маъносида куллаган. Бу нуткий парчада озитки сузининг янги лисоний- бадиий топилдик сифатида алохида эстетик киммат касб этганлиги шубхасиз, аммо у шу матндан ташкарига, умумтил доирасига чиккан эмас, демак, умумтил неологизми холатига утмаган.Бундай холат Ойбекнинг «Нур кидириб» повестидан келтирилган куйидаги гапда хам кузатилади: «... чоррахада, баландликда кизил саллали, киска иштонли копкора регулировшчик-йулбон кулларини охангдор уйнатиб, куча харакатини бошкаради».(22-бет)(индивидуал неологизм – йулбон, регулировшчик- йулбон) Умумтил неологизми тил ходисаси, индивидуал неологизм эса услубий ходиса саналади. Лексикологияда, асосан, умумтил неологизми урганилади. Умумтил неологизми хам нисбий ходисадир: тил тараккиётининг маълум бир боскичида неологизм булган суз кейинрок неологизмлик «буёги»ни йукотиб, замонавий лексик катлам бирлигига айланиши мумкин. Масалан, телефон, телевизор, троллейбус, радио сузлари дастлабки пайтларда неологизм булган, хозир эса уларнинг бирортасида янгилик буёги сакланмаган, демак, бу сузлар аллакачон неологизмлик холатидан чикиб, 1

кулланиши одат тусига кирган лексемаларга айланган. Бундай холат баъзан киска давр ичида хам юз бериши мумкин: кейинги 5-10 йил ичида узбек тили лексикасида пайдо булган тест, лицей, балл, грант, контракт каби янги сузларда, шунингдек, хоким, тадбиркор, ишбилармон сузларининг янги маъноларида «янгилик буёгини йукотиш», «одат тусидаги сузга ёки маънога айланиш» суръати шу даража тезлашганки, натижада уларни купчилик кийналмай англайдиган ва куллайдиган булиб колган. Демак, бу сузлар неологизмлик холатидан замонавий катлам бирлиги холатига утиб булган ёки утиш жараёнини бошидан кечирмокда. Лексик неологизм турлари. Сузнинг неологизмлик белгиси лексемага яхлит холда ёки унинг бир кисмига (мас., маъноларидан бирига) алокадор булади, шунга кура лексик неологизм куйидаги икки турга булинади: Н е о л о г и з м-л е к с е м а. Бунда лексема яхлитлигича неологизм булади: девидент, интернет, факс, интерфакс каби. Н е о л о г и з м-с е м е м а. Бунда лексеманинг узи эмас, унинг маъноларидан бири неологизм саналади. Бунга кук сузининг хозирги тилда пайдо булган «доллар» маъносини мисол килиб курсатиш мумкин. Неологизмнинг юзага келиши куйидаги омилларга таянади: 1. Жамиятда янги вокелик пайдо булади, бу вокеликни номлаш зарурати эса тилда янги суз ёки атаманинг юзага келишини такозо килади. Бунда: а) вокеликнинг номи бошка тилдан узлаштирилади: компьютер, мониторинг, слайд каби; б) вокеликнинг номи узбек тилининг узида ясалади: МДХ (мустакил давлатлар хамдустлиги) каби. 2. Жамиятда ёки табиатда мавжуд булган вокеликнинг номига синоним тарзида янги суз ясалади: эскиртма ( архаизм атамасининг янги ясалган синоними), янгиртма (неологизм атамасининг янги ясалган синоними) каби. Неологизм ходисаси фраземалар ва грамматик бирликлар доирасида хам учрайди. (Бу хакда тегишли булимларга каралсин).

АДАБИЁТЛАР 1. Абдурахмонов ¢, Мамажонов С . Узбек тили ва адабиёти. – Тошкент: "Узбекистон",2002. 2. Азизов О . Тилшуносликка кириш.-Тошкент: "Укитувчи",1996. 3. Жамолхонов Х.А . Хозирги узбек адабий тили 1-кисм. Маърузалар матни. Тошкент: Низомий номли ТДПУ босмахонаси,2000. 4. Жамолхонов Х., Юнусов Р . Хозирги узбек адабий тили. (Маърузалар матни). 2-кисм.-Тошкент: Низомий номли ТДПУ босмахонаси,2000 5. Йулдошев Бекмурод . Фразеологик услубият асослари. – Самарканд, 1999. 6. Йулдошев Бекмурод . Хозирги узбек адабий тилида фразеологик бирликларнинг функционал–услубий хусусиятлари. Филол. фанлари доктори илмий даражасини олиш учун такдим этилган диссертация – Тошкент, 1994. 7. Мухторов А, Санакулов У . Узбек адабий тили тарихи. – Тошкент: "Укитувчи", 1995. 8. Неъматов Х., Расулов Р . Узбек тили систем лексикологияси асослари. – Тошкент. "Укитувчи", 1995. 9 . www.ziyonet.uz

O'xshashlar

Ишлатилиш кўлами чегараланган лексиканинг лингвопрагматик моҳияти

Қулланилиши чегараланмаган ва чегараланган лексика

Лексеманинг узуал ва окказионал маънолари

Лексик-семантик муносабатлар

Шавкат Рахматуллаев тилшунослик фаолиятида лексикология масалаларининг ёритилиши