Бобур фаолиятида яратувчанлик ва бог-истирохатчилик санъати - Tilshunoslik - Referatlar

Бобур фаолиятида яратувчанлик ва бог-истирохатчилик санъати

Yuklangan vaqt:

20.09.2019

Ko'chirishlar soni:

0

Hajmi:

117 KB

Ko'chirib olish

Бобур фаолиятида яратувчанлик ва бог- истирохатчилик санъати Бобурийлар давлатининг асосчиси , юртдошимиз Захирид - дин Мухаммад Бобур мумтоз шоир , таникли тарихчи ва хассос олим , йирик ташкилотчи булибгина колмай , уз даврида бог - истирохатчилик ва меъморчилик санъатининг янада равнак топишига хам салмокли хисса кушган улуг намояндадир . Бобур ёшлигидан бошлаб Андижонда сарой мухитида улгайганлиги учун нафис ва мумтоз меъморий мухитнинг куркам намуналари билан якиндан таниш булди . Унинг ёшлиги табиат кучогида овчиликда , бог - роглар багрида утди . Андижонда тарбияланиб савод топган кезлари хакида Бобур шундай ёзади : «... тогларни хамиша яёк юриб , саёр килур эдим . Яланг оёк юргандин оёкларим андок булиб эдиким , тог ва тош тафовут килмас эди ». Андижоннинг шимолидаги кишлокларда эканда хар икки-уч кунда овга отланур эдим. Улуг чангалларни уртаб бугу-марал овлар эдук. Ушок чангалларига чарча солиб, кирговулга куш солиб кезлар эдук». Бобур 12 ёшларида отаси Умаршайх Мирзодан мерос колган Фаргона вилоятининг хокимлик тахтига утаради. У ёшлигидан бобокалони Темур довруги, пойтахт Самарканд ва унинг атрофидаги жаннатсимон бог-роглар хакида куп эшитган ва уларга хавас килган эди. Бир чеккаси шу туфайли Самаркандни олиш унинг орзу-ниятига айланади. Бобур Урта Осиёни ягона кудратли давлатга бирлаштириб, узаро киргин-кабохатларга бархам бермокчи булади. Захириддин Мухаммад Бобур дастлаб Самаркандга 5 яшарлигида тогаси Султон Ахмад Мирзонинг туйига келган эди. Бобур хокимият тепасига чиккач, 1495-1496 йилларда Самаркандни эгаллаш учун икки марта юриш килади. У 1497-98 йилларда Самаркандни илк бор кулга киритишга муваффак булади, холос. Бобур бу вактда 19 ёшда эди. Аммо у Самаркандда 100 кун хукмрон булади.

Бобур 1500 йилнинг охрида Самаркандни яна кайта кулга киритади. Бирок Бобурнинг аскарлари оз эди. Шунинг учун жангда у Шайбонийхон билан сулх тузади ва Самаркандни ташлаб чикиб кетади. Бобур 1512 йилда учинчи марта Самаркандни эгаллайди. Аммо 1513 йил Бобур Шайбонийхоннинг жияни ва угли Убай-дулла Султон ва Темур Султонлардан енгилиб, Афгонистонга кайтиб кетишга мажбур булади. Бирок Захириддин Бобур Самаркандда кам яшаганлигига карамай узининг машхур «Бобурнома»сида Самарканд хакида ажойиб учмас хотиралар колдирганини курамиз. Бобур Самарканд ва унинг обидалари, кургони, иклими, географик урни, оби-хавоси хакида шундай ёзади: «Рубъи маскунда (ер юзида) Самаркандча латиф шахар камрокдур. Бешинчи иклимдиндур. Тули (узунлиги) туксон туккиз даража ва дакикадур. Шахри Самарканддур, вилоятини Мавороуннахр дерлар» Бобур Навоий назарига тушган Самарканд, Чупон ота тепалиги, Зарафшон дарёси хакида муфассал маълумотлар беради. У дейди: «Кухак суйи (Зарафшон) шимолидин окар, Самарканддин икки курух булгай. Бу сув била Самарканд орасида бир пушта тушубдур. Кухак (Чупон ота) дерлар. Бу руд (дарё) унинг тубидан окар учун Кухак суйи дерлар. Бу сувдан бир улуг руд айирибтурлар, балки дарёчадур. Даргом суйи дерлар, Самарканднинг жанубидин окар. Самарканддин бир шаърий булгай. Самарканднинг богот ва махаллоти ва яна неча тумонати бу сув била маъмурдир...» Бобур Самаркандни идора этиб турган кезлари (1497-1498йиллар) шахар атрофида Темур ва Мирзо Улугбеклар бунёд этган хушманзара манзиллар, бог-саройларда бир неча бор булиб, уларни мушохада этади ва улар хакида тулкинланиб ёзади: «Темурбекнинг ва Улугбек Мирзонинг имороти ва боготи Самарканд махоллотида куптур ... (Темурбек) Самарканднинг шаркида икки бог солибдур, бириким йирокрокдур, Боги Булдидур, ёвукроки Боги Дилкушодур. Андин Феруза дарвоза-сигача хиёбон

килиб, икки тарафга терак йигочлари эктирубтур. Дилкушода хам улуг кушк солдурубтур, ул кушкта Темурбек-нинг Хиндустон урушини тасвир килибтурлар. Яна Пуштаи Кухакнинг доманасида Конигилнинг кора суйининг устидаким, бу сувни Обирахмат дерлар, бир бог солибтур. Накши Жахонга мавсум… Яна Самарканднинг жанубида Боги Чинордур, калъага ёвуктур. Яна Самарканднинг куйи ёнида Боги Шамол ва Боги Бихишттур... (Улугбек Мирзо) Пуштаи Кухакнинг доманаси гарб сари боге солибдур, Боги Майдонга мавсум. Бу богнинг уртасида бир олий иморат килибтур. Чилстун дерлар, дуошёна, сутунлар тамом тошдин... Иморат курсисини тамом тошин фарш килибтурлар. Бу имораттин Пуштаи Кухак сари доманада яна бир богча солибтур, анда бир улуг айвон иморат килибтур. Ушбу богчада яна бир чордара солибтур, изораси тамом чиний, Чиннихона дерлар». Бобур Самарканд богларининг номи ва урнини курсатибгина колмай, балки уларга таъриф бериб хам утади. Улардаги иморатлар, дарахтлар ва сув таъминоти билан кизикади. Масалан, Султон Ахмад Мирзо замонида (ХУ аср) беклар солдирган бог ва богчалар хакида гапириб, улар ичида Дарвеш Мухаммад Тархоннинг чорбогини мактайди..Чорбог уланги устида, тепаликда жойлашган булиб, унда супа шакли-даги погона-погона майдончаларга яхши кайрагочлар, сарв ва ок тераклар экилганлигини назар ташлайди. Бобур хатто бу богнинг камчилигини курсатиб, унда катта сув хавзаси йук эди, деб ёзади. Бобур Самарканд атрофидаги ажойиб уланглар хакида хам алохида тухталиб утади. Булар машхур Конигил, Будана куриги, Кули магок ва Кулба уланглардир. Конгил уланги Самарканд-дан шаркда, бироз шимол тарафида жойлашган булиб, ичида Обирахмат суви утади. Бобурнинг хабар беришича, Самарканд султонлари бу ажойиб манзилни курикхонага айлантириб, йилда бир-икки ой кароргох этганлар. Бу бог-роглар ва уланглар Бобурда катта таассурот колдирса-да, у Мавороуннахрни узок вакт тинч идора этиб тураолмаганлиги туфайли Самаркандда узи бирорта бог ёки сарой ярата олмаган. Аммо Бобур кейинчалик узи хокимлик килган давлатларда бог-

истирохатчилик согасида жадал фаолият курсатиб, Самарканддан олган таассуротларидан унумли фойдаланади. Бобур Хиротда хам уз кариндошлариникида 20 кунга якин булиб, шахарнинг барча эътиборли ва зиёратгох жойлари-ни кайта-кайта сайр килади. Айникса, у Хиротнинг мафтункор меъморий мухитни ва дилкушо богрогларини зур кизикиш билан мушохада этиб, уларни кейинчалик «Бобурнома»да хотирлайди. Бобур Хиротдаги хайрли иморатлар билан бирга Алишер Навоийнинг богчасини машхур Богизагон, Боги Нав, Боги Зубайда, Боги Сафед, Боги Шахар каби гузал манзилларни эслаб утибгина колмай уларга хос булган барча иморат ва унсурларни мохирона тасвирлайди. Бобур Самарканддан чикиб кетганидан сунг, Кобул ва Газна вилоятларини эгаллаб, мустакил давлат тузади ва Кобулда 1504 йилдан 1526 йилгача узи, сунгра унинг угли Комрон Мирзо хукумронлик килади. Бу даврда Бобур давлатни бошкаришда катор тараккийпарвар тадбирларни жорий этиб, уз давлатининг барча жойларида ободончилик ишларига катта ахамият беради, куплаб карвонсаройлар ва хаммомлар курдиради, сугориш ишларига эътибор бериб, сув тугонларини тузатиради, экин майдонларини кенгайтиради ва куплаб богу-роглар барпо этади. Хинд олими М. Рандхаванинг хабар беришича, факат Кобул шахрининг узида Бобур амири билан 10 бог режа билан тузилади. Бог-шахараро, Чорбог, Боги Жалухона, Уртабог, Сувратбог, Боги Мохитоб шулар жумласидандир. Булардан ташкари, Бобур Кобул вилоятининг обод манзилгохларидан бир неча богларини уз дидига мослаб «тарихлик ва сиёклик» билан туздирганки, улар каторига Бобурнинг узи таъриф бериб утганидек, Богивафо, Боги бинафша, Богисафо, Хожа Сеёрон боги ва Боги Истолиф каби бог-роглар киради. Куйида Бобур-нинг яратувчилик ободончилик фаолияти ва юкорида номи тилга олинган богларнинг айримлари хакида кискача тухталиб утамиз. Бобур Кобулга якин Памгон тоги этакларида жойлашган Истолиф кишлогидаги ажойиб бир богни сотиб олади ва унда янгидан ариклар олдириб режа билан бог килади: «... бу кентда Боги Кантон отлик Улугбек

Мирзонинг бир магсуб боги бор эди. Мен эгаларига бахо бериб олдим. Богдин ташкари улуг чинорлар бор, чинорларнинг туби сабзалик, сафолик, манзиле-дур. Богнинг уртасиндин бир тегирмон суйи хамиша жорийдур. Бу арик ёкасида чинорлар ва дарахтлардур, бурун бу арик эгри бугри ва бисиёк эди. Мен буюрдимки, бу арикни режа ва сиёх килдилар. Бисёр яхши ер булди». Бобур бир канча чашмаларни хам обод килиб, тартибга солади. У обод этган чашмалардан бири Кобулнинг Пагмон тог этакларидаги Хожа Сеёрон чашмасидир. Бобур чашмани анча кенгайтиради, атрофларини тошдан тердириб супа ясаттиради ва чумилишга боп килиб, ховуз бунёд этади; четларини эса ганч ва сорух билан текис коплатади. Ушбу чашмага якин бир дарада Бобур дурустгина сув манбаини куриб колади ва унда арик каздириб, даштга сув чикаради. Бобур: «... мен арик каздуруб, дашти Сеёроннинг гарби-жануб тарафидаги пушта-нинг устига келтурттум, Пуштанинг устида улуг гард суфа солдирдум. Суфанинг гирдида тамом тол дарахтлари экилди. Хили яхши манзил булди. Бу суфадин, юкорирок пуштанинг ёнида узум боги солдурдум», - деб хабар беради. Шуниси эътиборлики, Бобур кайси вилоят, туман, кишлок ёки тог хакида ёзмасин, у жойлардаги боглар, уланглар, сув чашмалар хакида хам алохида тухталиб утади. Бобур Газнанинг кентларидан бирида мозор устига гумбаз хам урнатган. У эл-юртда вайронагарчилик, бузгунчилик уруш-ларини олиб борувчи феодал хукмронларнинг ишларини кора-лайди. Шундай хукмдорлардан бири Аллоуддин Жахонсуз Гурий булиб, у Газнани босиб олади ва шахарни бузиб унга ут куяди, халкни талайди, элини катл килдиради. Шахарга якин сув бандини бутунлай вайрон килади. Бобур эса, Газни вилояти-нинг деярли барча ерига илгари сув улашиб турган ушбу бандни кайта тиклаб халкига сув беради ва вилоят хужалигини обод килади. У Газнадаги бошка бандларни хам куздан кечириб, холатидан хабардор булиб туради. Хиротни босиб олиб, куп нопоклик ва бузукчилик килга н Шайбонийхонни хам каттик коралайди: «... Рутойи ва нодида киши, беш кунлик утар дунё учун мундок ёмон от

козгонди...» деб ёзади. Айни пайтда Бобур Хиротдаги куп улуг касб эгаларининг хайрли ишларини мактаб, хар бирига алохида таъриф беради. Бобурнинг давлат ишларидан хориган пайтлари тез-тез бог сайри ва овга чикиб туриш одати булган. Айникса, у тог этакларидаги боглар, куркам уланг ва хиёбонларга чикиб дам олишни ва нафис табиат кучогида газаллар битишни жуда хуш ёктирган. У Кобул вактида шундай бир сайрини тасвирлайди: «... Борон ва Чоштуба ва Гулбахор доманаси сайрига бордук. Бахорлар Борон ёзиси ва Чоштуба дашти ва Гулбахор доманаси бисёр хуб булур... турли турлик лолалар очилур, бир катла лола анвоини буюрдумким санадилар, уттиз турт навъ лола чикти, нечинким бу ерларни таърифида бир байте айтилиб эид: Сабзау гуллар била жаннат булур Кобул бахор, Хосса бу мавсумда Борон ёзисию Гулбахор. Ушбу сайр келганда бу газални тугатдим». Бобурнинг умуман табиатга, бог-уланга кизикиши нихоятда зул булган. У хатто жангга сафланганда хам хушманзара боглар ва манзилгох-ларни жанг майдонидан четда колдиришга уринарди. Бобур айникса узининг Истолифдаги боги,Одинапурдаги Боги Вафо ва Хожа Сеёрон чашмаси кошидаги богларга тез-тез бориб, оиласи ва угиллари билан бир неча кунлаб дам олар эди. «Бобур-нома»да у Боги Сафо, Боги Вафо, Чанор боги, Боги Бинафша, Чарбог, Шахарбог, Кобул чорбогларига хам бир неча бор сайр килганлиги хакида ёзади. Сайр пайтида Бобур бу богларга узи хам куплаб мевали ва манзарали дарахтлар эктиради, супалар курдириб, сув келтиради, богларни обод этади. Бир куни у Киндгар (Афгонистондаги бир кишлок) чашмасига бориб сайр килиб юрганда, чашма бошида сал куйирок бир жойда тошдан калаб ишланган чумилишга боп бир ховузни куриб колади. У хакда:»Бу мартаба сувни мушриф килиб турларким, гусл килур кишининг бошига сув тукиладур. Бу чашма суви бисёр мулойим, киш кунлари кишига бу сув аввал жузъий совук махсус буладур, сунгра тургон сойи кишига сув хуш ёкадур», - деб ёзади. Куриб турибмизки, Бобур даврида хам эл-улус чашма сувлари кошига махсус курилмалар ховузлар

куриб, чумилишиб дам олишган, эхтимолки, чашма сувидан шифо топишган. Бобурнинг ушбу маълумоти халкимизнинг утмишда шифобахш чашмалар кошига махсус меъморий курилмалар ясаб улардан халк саломатлиги йулида самарали фойдаланганлигидан далолат беради. Бобур Кобул шахрида Чанор богининг дарвозаси кошига курилган узининг Суратхонаси (хозирги суратлар галериясига ухшаш иморат) хакида хам гапириб Суратхона унча катта булмаган, богларга хос енгил типдаги иморат булиб, унда турли учрашувлар утказиб турилган. Бобур сиёсий марказни Кобулдан Хиндистонга кучирган-дан сунг уз империясидаги иктисодий ва маданий хаётни янада жонлаштиришга астойдил бел боглайди. Бобурнинг Кобулдаги каби Хиндистонда хам кенг халк оммаси олдида ободончилик, курилиш, меъморчилик хамда богдорчилик сохасидаги фаолияти хурмат ва эътиборга лойикдир. Бобур хам Навоий каби уз панохига эътиборли уламолар, олим ва фозиллар, шоир ва мусаввирлар, меъмор ва санъаткорларни йигиб, уларни бошпана, иш ва маош билан таъминлайди. Хиндистонинг буюк давлат арбоби Жавохарлаъл Неру «Хиндистоннинг кашф этилиши» асарида Бобур хакида шундай ёзган эди: «Бобур дилбар шахс, Уйгониш даврининг типик хукмдори, мард ва тадбиркор шахс булган. У санъатни, адабиёт-ни севган... Бобурнинг Хиндистонга келиши туфайли Хинди-стонда буюк узгаришлар содир булди, санъатда, хаётда, меъмор- чиликда ва маданиятнинг бошка сохаларида тараккёт юз берди». 1 Бобур даврида Хиндистоннинг катор шахарлари, айникса, Агра ва Дехли каби шахарлар янада обод булиб маданий ва сиёсий мавкеи ортиб борди. Шахарлар ободончилиги уларда савдо-сотик ишларининг ривожланиши, окар сув билан таъмин-ланиши, хайрия бинолари курилиши хамда бог-роглар яра- тилишида уз ифодасини топади. Бобур Хиндистонда катта курилиш бошлаб, уларга минглаб курувчиларни хамда турли касб эгаларини сафарбар этади. Бу хакда у шундай ёзади: «(Хиндистоннинг) яна бир латофати будирким, хар 1 Неру. Дж. Открытие Индии. М., 1955, 272-бет

синфдин ва хар хирфагардин бенихоят купдир. Хар иш ва хар нима учун жамъи мукаррар ва муайяндурким, ота-оналаридин бери ул иш ва ул нимани кила келгандурлар. Нечункким «Зафарнома»да Темурбекнинг «Масжиди сангин» иморатини килурда Мулла Шараф мундок муболага била битибдурким, Озарбайжон ва Форс ва Хиндустон ва яна узга мамолик сангтарошларидин хар кунда икки юз киши масжидда иш килурлар эди. Бир Ограда ушбу Огранинг сангтарошларидин менинг иморатларимда хар кунда олти юз саксон киши иш килурлар эди. Яна Ограда ва Сикридава Биёнада ва Дилпурда ва Гувалёрда ва Кулда минг турт юз минг сангтарош хар кунда менинг иморатларимда иш килурлар эди». Куриниб турибдики, курилиш, ишлари бир йула бир нечта жойларда ва шахарларда авж олади. Хиндистоннинг ёкимсиз иклими ва бу ерда окар сувнинг тамоман йуклиги Бобур ёнидаги тура ва бекларга ёкмайди ва улар Хиндистонни ташлаб Кобул тараф кетмокка шайланади-лар. Шунда Бобур куп насихатлар килиб, уларни тухтатади, яшамокка шароит яратиш зарурлигини уктиради, жойни обод килмокка ундайди. Бобурнинг узи уларга бош булиб, Аграга келганда сунг тез кунлардаёк ободончилик ишларини, бог-роглар курилиши бошлаб юборади. Бу хакда у шундай ёзган: «... Хар ерда ултурушлик булса, чархлар ясаб, окар сувлар килиб, тархлик ва сиёк ерлар ясаса булур. Ограга келгандин бир неча кундин сунг ушбу маслахатка Жун сувидин утуб, бог ерларни мулохаза килдук. Андок бесафо ва хароб ерлар эдиким, юз карохат ва нохушлук била андин убур эттук. Бу ернинг макрухлуги ва нохушлигидин чорбог хаёли йук эди, неча кундин сунг зарур булиб, бу ерга-ук илик булди. Яна бу парча ерким, амбули дарахтлари ва мусамман хавз андадур, булардин сунг улуг хавз ва сахне булди. Андин сунг тош иморат олдидаги хавз ва толор булди. Андин сунг «Хилватхона» богчаси ва уйлари булди. Андин сунг хаммом булди. Мундок бесафо ва бесиёк Хиндта тавр таррохликлар ва сиёклик богчалар булди. Хар гушада макбул чаманлар, чаманларда муважжах гул ва настаранлар мутарраб ва мукаммал булди». Хилватхона, Зарафшон боги, Оромгох (Нурафшон) сингари

хушманзара ва обод бог саройлар яратган. Бобур хаётини урганиш учун Хиндистонга борган узбек олими Х.Хасанов Бобурнинг Ором-гох боги Агра марказидан 2,5 километр нарида, Жамна дарёси-нинг чап киргогига жойлашганлиги, хозирда эса, бу богнинг номи Ромбог деб аталишини ёзади. Булардан ташкар Бобур Хиндистоннинг бошка жойларида хам хушманзара боглар ташкил этганки, Сикридага Боги Фатх, Дилпурдаги Нилуфар боги хамда Гувалёр боги, Боги Назаргох шулар жумласидандир. Бобур Агра кургони ичида Иброхим саройи билан ички девор орасидаги анча ерлик жойнинг бетартиб холда какраб ётганлигини куриб, бу жойда катта чорбог ташкил этмокка жазм килади. Бунинг учун у дастлаб уша жойда сугориш иншооти – «войин» курдиради. Атрофлари зинапояли ишланган катта чукур кудукни хиндча «войин» дейилади. Бу сугориш иншооти-ни сатхи унга-ун (газ) булиб, унинг ичкарисида уч кават иморат жойлашган. Энг пастки каватда уч айвон ишланиб, уларга йул юкоридан зинапояли кудук буйлаб тушади. Айвонлар сатхи бир-бирига нисбатан уч зина фарк килади. Энг пастки айвондан сув тортилганда сув юзасидан айвон сатхидан бир зина пастда туради. Ёмгир вактлари сув юзаси гохида юкориги айвон сатхигача кутарилади. Уртанги каватда хам айвон булиб, унда сув чархи жойлашган. Бу айвон чархни айлантирувчи хуккиз сакланадиган гумбазли хона билан кушилиб кетган. Юкориги каватда хам айвон ишланган булиб унга ушбу кудук устидаги ховлидан икки тарафдаги беш-олти зинапояли йулак оркали тушилади Ушбу иншоотнинг ёнига яна бир кудук солинган булиб, унинг сатхи уртанча каватдаги айвон сатхидан салгина юкорирок. Гумбазли хонадаги хуккиз чархни айлантириб, сувни биринчи кудукдан иккинчисига кутариб беради. Иккинчи кудук-да яна бир чарх ясалганки, у сувни тепаликка олиб чикади. Сув уша ердан баланд богчага окиб боради. Куриниб турибдики, Бобур сув таъминоти жуда огир вазиятларда хам сув иншоотлари куриб, какраб ётган жойларни бог-бустонга айлантиради. Бунда у махаллий халкнинг асрлар давомида синовдан утган курилиш услубларидан унумли фойда-ланган. «Войин» каби сув иншоотларидан

Хиндистонда Бобур давригача кенг фойдаланиб келинган. Бобур Сикрида хам ана шундай войинларнинг бирини киздиртиради. Бундан ташкари Бобур узининг Хиндистондаги барча богларида хам кудуклар каздиртиради, ховуз ва ариклар олдиртириб, тошдан тарновлар ясаттиради. Шуниси кизикки, кудуклардан сув махсус чархлар ёрамида тортиб олган. Буюрилган иморат ва иншоотлар дидга мос келмаса Бобур усталарига пуписа ва сиёсат килиб, курилган иморатларни кайта тузаттирган: «... Якпора тошда буюрилгон калладор хавзнинг юзини бир мартаба тамом кутармайдурлар эди, буюрулдиким, сангтарошлар купрок келиб, бир маратаба, хавзнинг тубини дуруст осунларким, сув куюб, атрофини тарозу килса булгай...» Бобур боглар учун жой танлашда хам ута дидли ва нозик табиат булган. Дилпурдаги Нилуфар богини у тог киялари этагидаги хушманзара дарахтзорлардан танлайди. У ерда кизил тошдан курилиш материаллари хам мавжуд булиб, ушбу тошдан саккиз ёкли яхлит ховуз яна чархли кудук, богидаги катта кул ёнига масжид, кулнинг бошка бир киргогига эса тошдан яхлит супа ясаттирилган. Бобур узининг Кобулдаги богларига норунж (апелсин), анор, чинор ва тол нихолларини эктирса, Хиндистон-даги богларига анба (манго) ва жоман дарахтлари, ток нихол-лари ва кизил канира гуллар эктиради. Бобур Хиндистонда Ганг дарёсидан утмок учун ажойиб бир куприк хам курдиради. Бобур Хиндистоннинг жазирама иссик кунларида хам-момда чумилишни жуд ёктирган. Хаммомлар саховатининг ёкимлилиги хакида у шудай ёзади: «... Хиндистоннинг уч иши-дин мунтазаррир эдук: бир иссигидин, яна бир гардидин, яна бир тунд елидин. Хаммом хар учаласининг дофии эрмиш. Гард ва ел худ хаммомда не килур. Иссик хаволарда андок серун буладурким, ёвукдурким, киши совукка тунгай». Хаммом хикматини яхши тушунган Бобур уз давлатидаги купгина шахарларда хаммомлар солдиртиради. Бобур курдирган бог-хаммомларини Хиндистоннинг Дилпур шахридаги Нилуфар богида хамда Агра шахридаги Нурафшон богида

учратишимиз мумкин. Бобур узи курдирган айрим хаммомлардан сафаргох сифатида хам фойдаланиб, у бу хакда яширмай шундай шоирона ёзади: Хаммомки, то маскани жонана эрмиш, Анда парийлар хуснига девона эрмиш. Ул худ парийдур барча мулозимлар хам, Алкисса(ки) хаммом парийхона эрмиш. Ёки: Хаммомки арк ичида пайдо килдим, Согинмаки, судидин табарро килдим. Суд ушбу эмасмуким, бу тадбир бирла, Покиза бандаларни тамошо килдим. Бобурнинг узи яратган сарой ва богларга хам хаммомлар курдириш одати булган. У хаммомларни шифо маскани деб караб, окар сув таъмин этилган жойларда хаммомлар таркибида чумилишга мулжалланган ховуз ташкил этишини унутмаган. Бу хакда у «Бобурнома»да: «...богнинг шарки- жанубий тарафида хаммомга ерни тайин килиб, хаммом ерини тузатдилар. Буюрдимким, бу тузалган ерда хаммомнинг курсисини купгон-дин сунг, хаммом тарихини солгайлар. Бу хаммомнинг бир уйида дахидардах хавз буюрдим», - деб ёзади. Шуни таъкидлаш керакки, Осиёда хаммомлар асосан ховузларсиз курилган. Хаммом окар сув ёки иссик чашма булок кошида ёки шундай шифобахш сувлар билан яхши таъминлангандагина таркибида чумилиш ховузлари билан бирга курилган. Бундай хаммомлар утмишда Туркия, Эрон ва Кавказ ортида тез-тез курилиб турил-ган. Мазкур хаммомлар ховузига ёппасига бир неча киши тушиб чумилган ва шифо топган. Хозир хаммомларни ховузлар билан куришдек ушбу тарихий анъана яна кириб келмокда. Бобур Хиндистон билан Афгонистон уртасидаги сиёсий-иктисодий ва савдо алокаларини тиклаш ва мустахкамлашга куп эътибор берган. Агра билан Кобул орасидаги мухим, осойишта-лик вакт утиб бузулган. Бобур карвон йулини тиклашга уринади. Шу максадда хизматкори Чакмокбекнинг

уз хузурига чакириб, Агра билан Кобул орасидаги масофани улчаб чикиш хакида фармон беради. Масофа улчовчиларга карвон йулида хар 9 курух (тахминан 20-22 км) дан сунг кузатув минораси куриб унинг баландлигини 12 кари 7 м) га етказиш, миноралар устига эса назоратчи учун жой тайёрлаш тайинланади. Хар ун саккиз курухдан сунг олти отга мослаб чукур жой тайёрлаш, урачи ва отбокарга мояна, отларга эса, ем-хашак бериш буюрилади. Бу юмушларни Бобур Аградан Кобулга келиб кетувчи йуловчи ва савдогарларга кулайлик тугдириш ва уларнинг хавфсизлигини таъминлаш максадида амалга оширади Масофа улчамларига аниклик киритиш учун Бобур куйидагича тавсия беради: «Турт мингдур кадам била мил, Бир курух они Хинд эли дер бил. Дедилар бир ярим кари бир кадам Хар кари билки, бордур олти тутам. Хар тутам турт элик, яна хар элик. Олти жав арзи булди бил бу билик». «Хумоюннома»да Гулбаданбегим ёзиб колдирган маълу-мотларга караганда, Бобур умрининг охирги йилларида нафакат Аграда, балки Депалпурда, Фатхпур-Сикри ва шахарларда у ерларни обод килиш, ер-сув муносабатларини йулга солиш максадида Урта Осиё меъморчилиги ва бог- оройишчилиги санъатини узида акс эттирган боглар яратиш, ховузлар ва кудуклар казиш ва уларни хинд халкининг хаёт тарзига мослаб барпо этишга киришган. Бобур Агралигида Кобулда туралар-нинг тартибсизлик ва одобсизликлари хакида эшитиб, каттик кайгуради, Кобулда тартиб ва ободончилик тикланиши учун у ердаги барча вилоят ва кишлокларни уз тасарруфига олади. У Кобулдаги ахволни яхшилаш максадида мамлакатда кечиктириб булмайдиган ободончилик ишлари каторига куйидаги юмуш- ларни киритиб, уларнинг тезда бажарилиши учун фармони олий беради. Энг аввал кургон холатини тартибга солиш, сунгра заруриятлар учун тежаб- тергаб гамлаш, келиб-кетувчи элчилар турар жой ва озик-овкат

харажатларининг гамини ейиш, жума масжиди куриш, мамлакатда карвонсарой ва хаммомларни тартибга келтириш, буларга пул ва харажатларни конуний сарфлаш кузда тутилади. Устод Хасаг Али аркда ярмигача курган гишт пештокини битириш, бунда устод Султон Мухам-мад билан маслахатлашиб, иморатни мавжуд тарх асосида битказиш, агар илгари устод Хасан Али чизган тарх йуколган булса, иморатни бошка бир яхши тарх тарзида келишиб битир-синким, токи иморат сахни девонхона сахни билан баробар булсин. Бундан ташкари Бобур Кичик Кобулга сув етказиб берувчи бандни тартибда саклаш хамда Газни бандини тузатиш ишларини тайин этади. Боги Хиёбон ва бу хиёбондаги юмуш-лар, богда сувнинг етишмаслиги, унга бир тегирмон сув келтирилиши хам тайин этилади. Хожа Бастадан гарби-жануб тарафга, Тутум Дардан бир тепалик устига сув келтириб, ховуз урнатилиб, нихоллар экилган эди, улар холидан хам хабар олмок, бунга янги нихоллар экмок, «тарх била чаманлар килиб, чаманлар атрофида хушранг ва хушбуй гул ва раёхин тикмок» зарурлигини хам уктиради. Бобур уз замонасидаги меъмор, устакор хунармандлар ва бинокорларнинг шарафли ишларини олкишлаб, уларни хурмат юзасидан устод деб атайди. Устод Хасан Али меъмор, устод Султон Мухаммад бинокор, устод Шох Мухаммад тоштарош, Мир Мухаммад куприкчи, Шо Бобойи белдор 2 , устод Аликули тупчи шулар жумласидандир. Бобур яратган боглар режаси ва таркибий элементлари жихатидан темурийлар давридаги Самарканд ва Навоий даври-даги Хирот богларига якин турса-да, уларнинг хаммаси хам айнан ушаларга ухшаш деб айта олмаймиз. Чунки бунга «Бобурнома» да тугридан-тугри бирон-бир ишора йук. Шунинг-дек, Бобур богларининг улчовлари хакида хам аник маълумот- ларга эга эмасмиз. Бобур богларининг аксарияти табиатнинг хушманзара жойларида ташкил этилган булиб, мавжуд экинзор-ларга «сиёклик ва тархлик» режалари билан сунъий тузатишлар киритилган холда яратилган. Бобур бог учун жой танлаш ва уни режалаштиришда дарахтзор ва окар 2 белдор- ер šазувчи маъносида

сувнинг мвжудлигини турли-туман сув хавзаларига мос булган гузал жойни хамда материалларнинг мавжудлигини мухим талаблар каторига куяди. Бундан ташкари сугориш учун ариклар утказиш, зарур киялик-лар ташкил килиш хам Бобур назаридан четда колмайди. «Бобурнома»ни вараклар эканмиз, Бобур богларининг икки хил: тугри геометрик шакллар асосида режаланган тартибли хамда табиат тарзида – манзарали куринишда булганлигининг гувохи буламиз. «Бобурнома» га ишланган расмлардаги боглар тасвирига караб Бобур богларининг аксарияти «чорбог» тартибида чорча-ман ва хиёбон коидаларига буйсунган холда режаланганлигига яна бир бор ишонч хосил киламиз Бу хакда Бобурнинг узи хам богларнинг тартиб билан «сиёк ва режа» асосида курилиши зарурлигини бир неча бор кайд килиб утади. Тартибли геометрик куринишдаги боглар купрок нисба-тан текис ерларда жойлашган бог-саройлар ва бог макбараларга мос келса, манзарали боглар баланд-пастликда, кияликларда жойлашган кенг майдонли сайргох богларга мос келган. Шуни айтиш керакки, хар икки куринишдаги боглар хам бог элемент-ларининг вазифаларини эътиборга олиб, фойдаланишга кулай холда жойлаштирилган. Масалан, айвон иморатларга туташ-тирилган, дам олиш супалари ховуз ва фавворалар кошида, ховузлар эса ук арикларга богланган, серсоя дарахтлар куёш холатини эътиборга олган холда ва йулаклар буйлаб хамда ховузлар атрофига экилган. Манзарали мевали дарахтлар бир-бирини тулдирган, гулзорлар эса очик майдонларда, шийпонлар атрофида барпо этилган. Гуллар танлаш уларнинг уларнинг очилиш мавсумига эътибор беришган. Умуман, улар шундай тартибда экилганки, бири очилиб тугаса иккинчиси гуллай бошлаган. Халкимиз гулларни танлаб экишда кадимдан анъана-га айланиб колган махаллий гуллардан фойдаланишган. Шундай гуллардан айримларини санаб утамиз: хамишабахор, атиргул, бинафша, наргиз, гулираъно, нилуфар, шаббуй, гултожихуроз.

Манзарали дарахтлар орасида кишин-ёзин кум-кук булиб усувчи арчасимон сарвкомат дарахтлар хам булган. Бундай дарахтлар узларининг ранги, келишган комати, шох-шабба-ларининг тигизлиги билан бошка дарахтлардан тубдан фарк килган, узларидан хушбуй хидлар чикариб хавони тоза ва соглом килган. Бобурнинг невараси Акбаршох Хиндистонда 1556 йилдан 1605 йилгача хукмронлик килган ва узининг санъат ва маданият, меъморчилик сохасидаги фаолияти буйича Бобурийлар сулола-сидаги подшолар ичида энг буюги хисобланган. У уз атрофига салохиятли кишиларни йигиб Аградан тахминан 50 км масофада жойлашган тог багридаги шахарча - Фатехпур Секрида янги пойтахт бунёд этади. У ерда махобатли саройлар, гузал манзараларга тула гулзору боглар, ховузлар барпо килдиради. Ёз кечалари утириш учун Секрида тош ва мармардан баланд бир шийпон–махобатли кушк хам курдиради. Айтишларича, кушк режаси ва шаклу–шамойилини Акбаршох- нинг узи чизиб берган экан. Кушк тарзи ягона залли саройни эслатиб, тархи квадрат, томонлари 9х9 м, баландлиги 17 м булган. Бино ичидаги сарой уртага ишланган мухташам устун булиб, у кушкнинг турт бурчидаги турт гузал буржлари билан куприк оркали богланган. Айтишларича, Акбаршох махсус кабул кунлари ушбу муъжаз саройдан фойдаланар экан. Ушанда у уртадаги махобат-ли устун устига утириб олиб, бош маслахатчиларини эса куп-риклар этагига утказар экан. Кабулга келган кишилар, саройга киргач, биринчи каватдан уз арзлари ёки таклифларини изхор этар экан. Шох зарурат тугилганда уз маслахатчиларидан бирини чакиртирар эканки, токи колганлари ишга аралашмасин. Кушкнинг чор атрофи ховуз ва бог булган. Богдаги анвойи гуллар муаттар хид таратган, салкин хиёбонлар дилга хузур багишлаган. Умуман богу-роглар, гулзорлар яратиш Акбаршох учун алохида файзли юмуш хисобланган. Акбаршохнинг таржимаи холини урганган Абулфазл «Ойини Акбарий»да бундай деб ёзади: «Аъло хазратлари гулларни тангрининг улуг мархамати, деб хисоблайдилар

хамда уларга зур эътибор билан карайдилар. Шу туфайли бу ердаги боглар Эрон ва Олтойдан келтирилган усимликлар усади, бог барпо килиш ишлари гуллаб яшнамокда» Акбар Кашмир водийсида Сринагар шахридаги Дал кули буйида хам «Насм бог» деган бог барпо килдирган. Лекин, афсуски, бу богдан факат чинорларгина сакланиб колган, холос. Мавороуннахр ва Хуросонда темурийлар чорбогларини шахар атрофидаги табиат нафис жойларда бог-оройишчилик санъатининг гузал намуналари тимсолида бунёд этган булсалар, бобурийлар сулоласи Хиндистонда чорбог услубини шахар ичига, меъморий обидалар мухитига олиб кириб, бу услубни янги концепциясини яратди. Ана шундай меъморий обидалар билан омихта булиб талкин этилган чорбог концепциясининг янги мазмунини Дехлида Акбаршох отаси Хумоюнга багишлаб 1566 йилда курдирган макбара–богида курамиз. Кизил кумтош-дан ок мармар билан сайкал бериб ишланган бу макбара Бобурийлар сулоласи меъморчилигининг Дехлидаги дастлабки муъжизакор намуналардан бири булди. Чорбог бу ерда макбара учун манзарага бой, жозибадор, дилни яйратадиган меъморий мухит вазифасини бажарган. Макбара атрофида чорбог услуби-да симметрик тарзда жойлаштирилган сув хавзалари, ариклар, ариклар буйлаб хиёбонлар барпо этилган. Хумоюн макбара – чорбоги хозир хам сакланиб колган энг гузал боглардан биридир. Бобур ва унинг авлодлари яратган богларнинг айримлари бизнинг давримизгача сакланиб келмокда. Кобулдаги Боги Бобур, Истолифдаги Боги Истолиф, Аградаги Боги Нурафшон (Ромбог) ва Тож Махал бог-саройлари, Дехлидаги Хумоюн ва Секридаги Боги Акбарлар, Сринардаги Шолимарбоглар шулар жумласидандир. Бобур севиб тасвирлаган «Боги Истолиф» хали хам бор, деб ёзади Афгонистонга мехмон булиб борган узбек олими Хамидулла Хасанов «Бобурнинг кули теккан дарахтлар хозир хам хушкомат, йугон, сербуток. Бог баландликда кенг супада, бир тарафи чукур жарлик. Бобур айтган «руд» сойнинг суви муздек совук, биллурдек тиник.

Богнинг бир тарафидан Бобур тузаттирган арикда хали хам шовуллаб зилол сув окиб турибди. Бу богдан Истолиф шахрининг гузал манзараси куриниб туради, хатто Хиндукуш тогларининг жанубидаги кенг, ям-яшил, мевазор, водий-Кухидоман водийси хам узок-узок-ларгача куринади... Бог хозир хам энг севимли истирохат жойлардан бири хисобланади. ХУ1 аср бошларида Кобулда Бобур асос солган хушманзара бог – Боги Бобур хам йиллар давомида анча узгартирилса-да, лекин сакланиб келинган. Афгонистон хукумати бу манзилни Бобур замонасидагидек холатда кайта тиклаб, тартибга солиш ва обод этишга карор килади. Ушбу богда 1533 йилдан бошлаб Бобур жасади куйилган макбара хам сакланиб келинмокда. Хозирга кадар бу макбара Кобулнинг энг асосий тарихий обидаларидан бири хисобланади. «Боги Бобур» тог этагида жойлашган булиб, хозир 15 та алохида терраса (сахн), марказдаги кенг хиёбонли майдон ва учта йирик фавворалардан тузилган саройбогга айланган. Богнинг юкори сахнлари Бобур давридан сакланиб колган. 1985 йили афонистонлик мутахассис олимлар «Боги Бобур»ни кайта тиклаш ишларида ёрдам сураб шаркшунос олимларга мурожаат этишди. Бу ишга Урта Осиёлик тажрибали олимлар жалб килинди. Уша йили тошкентлик бир гурух мутахассислар таникли олим, устод Пулат Зохидов бошчилиги-да Кобул шахрига бориб, афгон олимлари билан биргаликда уч йилга мулжалланган кайта тиклаш лойихасини тузиб чикдилар. У бу дастурга биноан «Боги Бобур» нинг лойихасини тузиш ишлари кенг авж олдириб юборилди. Тугалланган лойихага кура боглар иккита зона – майдони уч гектарга якин мемориал зона ва дам олиш зоналари ташкил килиш кузда тутилган. Бобурнинг кабри куйилган жой мемориал зонада жойлашган булиб, бу ерда Буюк Мугиллар даври меъморчилиги услубида Бобурга янгидан макбара куйиш уйлаб куйилган. Лойихага кура Бобур макбараси бир залли равок гумбаз хажмидаги бино шаклида ишланиб, унинг пардозига махаллий тошлар, терракота ва ранг-баранг сирли кошинлар ишлатилади. Гумбаз кубба шаклида, мовий рангда булади. Богнинг энг йирик

иншоотларидан бири сарой мажмуаси хисобланиб, унда Бобур хаётига багишланган музей жойлаштирилади. Дам олиш зонаси сайрбоп хиёбонлар утказилиб, муъжаз бог павильонлари курилади. Халк сайли учун кенг майдонлар ажратилади, эски карвонсарой урнига янги замонавий фав-ворали чойхона бунёд этилади. «Боги Бобур» истирохатининг барча майдонидаги сайр бог усимликлари кайта тартибга солиниб, янгиланади ва фойдаланишга кулай килиб ишлов берилади. Бунда Урта аср Шарк бог-истирохатчилик санъати-нинг энг илгор тажрибаларидан унумли фойдаланилади. Мевали ва манзарали дарахтлар кушиб экилади. Ховуз атрофлари, арик ва хиёбонлар, йулаклар буйлаб соябон дарахтлар урнатилади, гулзор ва дарахтлар экишда чорбог ва чорчаман услублари кулланилиб, куркам манзара яратилади. Истирохат территория-сидаги очик ва пик яшил майдон нисбатан маромига етказилади, сув шалолалари ва фаввораларнинг бир кисми кайта тикланади, тошдан пиллапоялар, киргоклар ишланиб барча майдонларда жадал ободонлаштириш ишлари бажарилади. Кизик, бунчалик бунёдкорлик ишлари афгон халкнинг машхур юртдошимиз Бобурга булган чукур хурмат-эътибори туфайли амалга оширил-мокчи экан-у, Бобурнинг тугилиб усган жойи Узбекистонда, унинг болалик ва успиринлик йиллари утган она юрти Андижонда Бобурга атаб диккатга сазовор бир хушманзара манзилгох яратиш, унинг бог-музейини ташкил этишдек хайрли иш ханузгача кечиктириб келинаётган булса! Бундан ташкари, республикамизда меъморчилик ва шахарсозлик санъати уз мавкеига эга булиб бораётган бир пайтда бог-истирохатчилик сохасидаги ишларимизда анчагина кемтиклар кузга ташланиб колмокда. «Гапинг сирасини айтган-да, - деб ёзади. П.Зохидов. – асрлар давомида ривожланиб, юксак даражага кутарилган узбек богдорчилик санъатини, бог тузиш санъатини кейинги вактларда бир оз эътиборсиз колдирганга ухшаймиз». Устод хак! Бизга колса, миллий бог-истирохатчилик санъатимизни бутунлай унутмокдамиз, деб ёзардик. Чунки кейинги йилларда

пойтахт шахраларимиздаги бог-истирохатчи-лик сохасидаги ушбу ташаббус ила тугилаётган узгаришлар хам узбек миллий богдорчилик анъаналаридан кура, купрок Европа шахарларига хос булган ёт услублар асосида яратилмокда. Пойтахтимиз Тошкент мехонхонаси ёнида бунёд этилган «Узбек боги» яратилиши катта тахсинга сазовор булса-да, унда узбек богчилик санъатига хос энг зарур элементлар; миллий ховуз ва фавворалар, чорчаман гулзорлар, ёпик хиёбонлар, энг мухими- мевали ва манзарали дарахтларга нисбат берилмаганлиги устод П. Зохидов томонидан «Зеб ичра зийнат» китобида танкид килиб утилган эди. Ушбу богнинг куйисида ташкил этилган «Шарк афсонаси» майдончаси хам бажарилиши жихатидан мактовга сазоовор, лекин у уз жойига тушмаган, чунки болалар учун бунёд этилган бу богча транспорт бетухтов утиб турадиган кучалар билан ураб олинган. Бунинг устига бу ерда соя салкин жой жуда кам. Богларимизда дарахт экиш натижалари шундай-ки, уларга зарурият бор жойда оз ва беухшов экилган, эхтиёж кам жойларда эса – тигиз ва тартибсиз. Богларимизда очик яшил майдон ларнинг ёпик яшил майдонларга нисбати хам купол бузилган. Куп холларда «чорбокка» хос булган анъанавий композицион услублар хам бузилиб кетаётир .

O'xshashlar

Навоий ва меъморчилик

Бори яхшилик килгилки, мундин яхши йук

Укитувчи фаолиятида мулокот маданияти ва психологияси

Шавкат Рахматуллаев тилшунослик фаолиятида лексикология масалаларининг ёритилиши

XVI АСРДА БУЮК АЛИШЕР НАВОИЙ ТРАДИЦИЯСИ ВА ЎЗБЕК АДАБИЙ ТИЛИ ТАРАҚҚИЁТИНИ ЎРГАНИШДА БОБУР, МУҲАММАД СОЛИҲ АСАРЛАРИНИНГ АҲАМИЯТИ