Катта ёшдаги болалар касалликлари. Нафас органлари касалликлари - Tibbiyot - Referatlar

Катта ёшдаги болалар касалликлари. Нафас органлари касалликлари

Yuklangan vaqt:

20.09.2019

Ko'chirishlar soni:

0

Hajmi:

153 KB

Ko'chirib olish

Катта ёшдаги болалар касалликлари. Нафас органлари касалликлари Режа: 1. Сурункали пневмония 2. Сурункали бронхит 3. Плеврит 4. Бронхиал астма

1. Сурункали пневмония Сурункали пневмония – сурункали носпецифик яллиғланиш бўлиб, унинг асосида ўпканинг бир ёки бир неча сегментларида бронхлар деформацияси ва пневмосклерози шаклидаги қайта тикланмайдиган морфологик ўзгаришлар ётади ва ўпка тўқимасида ҳамда бронхларда яллиғланишнинг қайталаниши билан ифодаланади. Ташҳисот мезонлари 1. Анамнези: Бир локализацияли такрор пневмония, бошдан кечирилган оғир стафилококкли пневмония, узоқ давом этган сегментар пневмония, айниқса илк болалик ёшида, бронх - ўпка тизими ривожланишининг туғма нуқсонлари, бронхдаги ёт жисм, муддатидан эрта туғилган болаларда ателектазлар, иммун танқислик ҳолатлари, ЎСВ дан кейинги бронх-ўпка дисплазияси, мукоцилиар етишмовчилик, кўкйўтал ва қизамиқнинг оғир шаклини бошдан кечириш. Шикояти: кўпинча эрталаб кучли йўтал, кечаси йўталганда балғам ажралиш пайдо бўлади, балғамнинг бир кунлик миқдори 20–50 мл дан 100– 150 мл гача етади, бронхоэктазларда балғам шилимшиқ ёки йирингли бўлиши мумкин. 2. Клиник мезонлар Сурункали интоксикация симптомокомплекси, гипоксия – тез чарчаш, ишлаш қобилиятининг пасайиши, диққатни жамлашнинг бузилиши. Хотиранинг заифлашуви, ранг оқариши, кўзи остида қора доғлар, дистрофия аломатлари, бармоқларда “ноғора таёқчалари”, “соат ойнаси” мавжудлиги, кўкрак қафасининг асимметрик деформацияси бўлиши мумкин. • Бронх-ўпка синдроми: перкуссияда товушнинг локал ва аралаш ҳолда қисқариши. Аускультацияда нафаснинг дағаллашуви, ҳўл ва қуруқ ҳар хил оҳангли ва турли калибрдаги доимий хириллашлар мавжудлиги. 3. Параклиник маълумотлар: 1) қоннинг умумий таҳлили (ҚУТ) – касаллик зўрайганда нейтрофил лейкоцитоз, ЭЧТ – ортиши.

2) ўпка рентгенограммасида – бронх-томир расмининг кучайиши, деформацияси, кистали тузилмалар бўлиши мумкин, фиброзли ўзгарган сегментлар кичрайиши; 3) бронхоскопия: йирингли эндобронхит манзараси; 4) бронхография: бронхиал дарахт деформацияси, бронхлар дистал қисмларининг кенгайиши, цилиндрик ва халтача шаклидаги бронхоэктазлар мавжудлиги; 5) ташқи нафас функцияси: рестриктив ёки аралаш бузулишлар; 6) балғам таҳлили: - нейтрофиллар, макрофаглар, бактериялар (кўпинча антибиотикларга чидамли грамманфий флора) мавжудлиги. Қиёсий ташҳисот: Сил, бронх-ўпканинг ирсий патологияси, бронх-ўпка тизимининг туғма аномалияси, тизимли касалликларда ўпканинг шикастланиши, қайталанувчи бронхит кабилар билан ўтказилади. Сурункали пневмониянинг клиник-рентгенологик тавсифи Бронх-ўпка шикастланишини нг ҳажми ва локализацияси Бронхлар шикастланишининг тавсифи Касаллик даври Оғирлиг и - сегмент - бўлак - бронхлар коваги кенгаймаган ҳолдаги деформацияси - бронхоэктазлар - стеноз - эндобронхитнинг тури ва локализацияси - зўрайиш - ремиссия - енгил -ўртача оғирроқ - оғир Даволаш 1. Зўрайиш даврида:

1) I даражали токсикозда – умумий тартиб, II даражали токсикозда – ётиб даволаниш режими; 2) парҳез – таркиби оқсилга бой овқат, янги сабзавот – мевалар, шарбатлар. Углеводлар ва тузни эҳтиёжнинг ярмигача камайтириш; 3) антибактериал терапия – аниқланган қўзғатувчи ва унинг сезгирлигига қараб: а) қўзғатувчи пневмококк, стрептококк, стафилококк бўлса: -ампиокс 100–200 мг/кг бир кунда 3 марта м/о; -цефазолин 50–100 мг/кг бир кунда 3 марта м/о; б) қўзғатувчи гемофил таёқча ва бошқа грам-манфий бактериялар бўлса: - цефотаксим (ЦЕФАЗИМ) 50–100 мг/кг бир кунда 2 марта м/о, т/и; - цефограм 20-100 мг/кг кунига 1-марта м/о, т/и -цебанекс 40-80 мг/кг бир кунда 2 марта м/о, т/и в) қўзғатувчи микоплазма, хламидия, легионелла бўлса: - сумамед 10 мг/кг биринчи куни, сўнг 25 мг/кг 4 кун давомида ҳар куни; - рулид 2,5–5 мг/кг 2 марта per os 4) физиотерапия: а) ўткир босқичида: УВЧ № 3–4; микротўлқинли терапия № 6–10; 0,2%ли платифиллин эритмаси билан электрофорез (катарал ҳолатларда, обструктив синдромда); кучли йўталда 0,1%ли дионин эритмаси билан электрофорез; б) тўхташ босқичида: кальций хлориднинг 2–5%ли эритмаси, калий йодиднинг 3%ли эритмаси, индуктотермия, озокерит, парафин, кўкрак қафасига УФО № 6–9. 5. Аэрозольтерапия: I босқич (7–10 кун). Катарал эндобронхитда: ультратовушли ингаляция: натрий хлорид, натрий гидрокарбонат, натрий борат эритмаси 0,25–2%; 3%ли калий йодид эритмасининг 1 томчиси 1 мл ингаляция аралашмасига қўшилади; минерал сув 5–10 мл.

Йирингли эндобронхитда: трипсин, химотрипсин 0,01 г рН -8-8,5 ли буфер эритманинг 5 мл да, 10%ли ацетилцистеиннинг сувли эритмаси; глицериннинг 10%ли 5 мл сувли эритмасида 0,01 г ДНКаза; 0,9%ли 5 мл натрий хлорид эритмасида 0,25 г РНК-аза. II босқич (10 кун). Фитонцидлар ингаляцияси: саримсоқпиёзнинг янги тайёрланган шарбатини 5–10 мл дан 1:50, 1:100 суюлтириб; эвкалипт барглари дамламасининг 1–2 томчисини 5 мл сувда суюлтириб қилинади. Антисептиклар ингаляцияси: 1–3%ли водород пероксид эритмасининг физиологик эритма билан 1:1 аралашмаси, фурацилиннинг 0,02%ли эритмасидан 5–10 мл. Антибиотиклар ингаляцияси: (ампициллин, канамицин, оксациллин, кунлик дозанинг ½ - 1/3 ни – 0,25%ли новокаин эритмасининг 5–10 мл да). 6) Бронхоскопик санация (йирингли эндобронхитда): - фурацилиннинг 0,02%ли эритмаси; - 5 мл натрий хлориднинг 0,9%ли эритмасида 100000 ТБ полимиксин; - ҳафтада 1–2 марта 10%ли ацетилцистеин эритмаси. 7) Муколитиклар ва экспекторантлар: - бромгексин: 7 ёшдан кичикларга кунига 4 мг х 3 марта, 7 ёшдан катталарга кунига 8 мг х 3 марта ; - мукалтин 0,05х3 марта; - терпингидрат 0,15х3 марта; - пертуссин 1 ош қошиқда х 3 марта; - калий йодиднинг 3% ли эритмасидан 50 мг/кг кунига х 3 марта. 8) Бронхообструктив синдромни бартараф қилиш: - эуфиллин кунига 5–6 мг/кг дан, 10–12 мг/кг гача кунига per os, 5–7 кун. 9) ДЖТ, нафас гимнастикаси, вибрацион массаж билан постурал дренаж кунига 2 марта. 10) Витаминотерапия:

- В 1 , В 12 – кунига 10–15 мг; В 6 – кунига 0,01–0,05 мг С – кунига 300–500 мг; РР – кунига 10–15 мг 2. Ремиссия даврида 1. Фитотерапия: - А.И.Чистякова йиғмаси – андиз илдизи, саватчагули гуллари – 30 г; баргизуб барги, тишчўп ўти, туятовон барги - ҳар биридан 1 ош кошиқдан 200 мл сувга; 50 млдан 4–6 ҳафтадавомида кунига 5–6 марта; - “кўкрак йиғмаси” № 1,2,3. 2. Специфик иммуностимуляция: - рибомунил 4 кун 3 ҳафтадавомида, эрталаб 3 таблеткадан, сўнг ойига 4 кун яна 5 ой давомида; - бронхомунал 3 таблеткадан ҳафтада 4 кун, 3 ҳафтадавомида; 4) Санаторияда даволаш. СУРУНКАЛИ ПНЕВМОНИЯДА ДИСПАНСЕР КУЗАТУВИ Диспансер кузатувига лойиқлик Сурункали пневмонияли болалар Сурункали пневмония сабабли операцияни бошидан кечирганлар Мутахассислар кўриги Касалликнинг оғирлигига қараб УАШ ва пульмонолог кўрадилар; енгил даражасида – 2–3 ойда 1 марта (ремиссия 12 ой бўлса, ҳар 6 ойда 1 марта); ўртача оғирликда ва оғир ҳолатда ҳар ойда, узоқ ремиссияда – ҳар кварталда. Пульмонолог, хирургнинг қонсультацияси зарурият бўйича йилига 2 мартадан кам эмас. Кўрувда аҳамият беринг Умумий ҳолати, жисмоний ривожланиши, кўкрак қафасининг шакли, йўтал, балғам, хириллашлар характери. Зўрайишнинг такрорланиши ва давомийлиги, қариндошларида нафас органлари касалликларининг мавжудлиги. Қариндошларида ва

беморда аллергик касаллик ва реакциялар борлиги. Қўшимча текширувлар Касалхонада ҳолатига қараб, термометрия, сил синамаси, қон таҳлили, спирометрия, пневмотахометрия, рентгенография, бронхоскопия, бронхография қилинади. Балғамни флора учун ва антибиотикларга сезувчанлиги аниқлаш учун текшириш. Самарадорлик кўрсаткичлари Аҳволининг яхшилиги, зўрайишнинг йўқлиги ёки камайиши, функционал синамалар кўрсаткичи, рентгенологик маълумотларнинг яхшиланиши. Касалликнинг енгил кечишида ва жарроҳлик даволашидан 3-5 йил ўтиб, шу даврда зўрайиш бўлмаганида ҳисобдан чиқариш. Ўртача оғирликдаги ва оғир шаклдагилар ҳисобдан чиқарилмайди. 2. СУРУНКАЛИ БРОНХИТ Сурункали бронхит (СБ) бронхиал дарахтнинг шикастланиши, унинг шиллиқ пардаси секретор аппаратининг қайта тУЗИ лиши, яллиғланиш жараёнининг ривожланиши ва бронхлар деворининг анча ичкари қатламларида склеротик ўзгаришлар рўй бериши билан ифодаланади. Аломатларига балғамли йўтал, ўпкадаги доимо ҳар хил калибрдаги хириллашлар (6 ой давомида), киради. Икки йил давомида йилига камида 2 марта зўрайиш билан кечади. Болалик ёшида СБ, одатда, ўпканинг бошқа сурункали касалликлари (сурункали пневмония, муковисцидоз, бронх-ўпка дисплазияси, бронхлар ва ўпка ривожланишининг туғма нуқсонлари) аломати, яъни иккиламчи касаллик ҳисобланади. Бу касаллик кўпинча катта ёшдаги болалар ва ўсмирларда учрайди. Ташҳисот мезонлари 1. Анамнези

Сўнгги икки йил давомида йилига кам деганда 2 марта бронхитнинг узоқ (2–3 ойлаб) муддатли зўрайиши; 9–10 ой давомида доимий балғамли йўталга шикоят; пассив ва фаол чекишга кўрсатма, беморнинг шажарасида бронх- ўпка касалликларининг кўп учраши, экологик ноқулай ҳудудда яшаши. 2. Клиник мезонлар: Респиратор синдром – ремиссия ва зўрайиш босқичларида маҳсулдор йўтал, шилимшиқ, шилимшиқ-йирингли балғам ажралиши, узоқ давом этган клиник саломатлик даврида ҳам йўтал сақланади, ҳавонинг физик-кимёвий ўзгариши, руҳий-эмоционал, жисмоний зўриқиш, инфекция кабилар билан осонгина кучайиб кетади. Бронхиал синдром - ўпкада қаттик нафас фонида турғун ҳар хил калибрдаги диффуз нам хириллашлар. Сурункали интоксикация симптомлари турли хил даражада ифодаланади, касаллик зўрайганда баъзан гавда ҳарорати фебрил даражагача, ремиссия даврида эса субфебрил кўтарилиши кузатилади. 3. Параклиник мезонлар: а) нафас органлари рентгенограммаси - бронх-томир расмининг кучайши, турғун локал ёки диффуз характердаги деформацияси билан; б) бронхоскопия – ремиссия даврида катарал, катарал-йирингли эндобронхит манзараси, зўрайиш жараёнида эса катарал-йирингли ёки йирингли манзара аниқланади; в) бронхография – бронх йўлларининг ўзгариши, уларнинг дистал бўлимларида турли даражада кенгайиши. г) қоннинг умумий таҳлили (ҚУТ) – яллиғланиш белгилари билан бир оз лейкцитоз ёки ремиссия даврида ўзгаришсиз, нейтрофилли лейкоцитоз. д) балғамнинг таҳлили – сегмент ядроли нейтрофиллар ва эозинофиллар миқдорининг кўпайиши, макрофаглар сонининг камайиши; секретор иммуноглобулин А миқдорининг камайиши; е) қоннинг биокимёвий таҳлили – диспротеинемия, гипогаммаглобулинемия, “+” СРБ

ё) ташқи нафас функцияси – ўпка вентиляциясининг обструктив ўзгаришлари устунлиги билан аралаш бузилишлар. Қиёсий ташҳисот: Бронхиал астма, ўпка сили, сурункали бронхитнинг бирламчи ва иккиламчи шакллари ўртасида ўтказилади. 3. ПЛЕВРИТ Плеврит – плевранинг бактериал, вирусли ёки аллергик табиатли ўткир яллиғланиши. Ташҳисот мезонлари 1. Анамнези: Шикояти: нафас олганда, йўтал пайтида оғриқ пайдо бўлиб, кўпинча қоринга тарқалади, бу ҳолат кўпинча гавда ҳарорати кўтарилиши билан кечади. 2. Клиник мезонлар: 1) Сурункали интоксикация симптомокомплекси – гавда ҳароратининг фибрил рақамларгача кўтарилиши, эт увишиши, беҳоллик, бош оғриши, миалгия, тахикардия. 2) Ўпка-плевра ўзгариши симптомлари: нафас тезлашиши ва юзаки бўлиши, нафас экскурсияси баъзан асимметрик, шикастланган томонда чекланган; оғриган ёнбошда мажбурий ҳолат; цианоз, овоз титрашининг заифлашиши, катта кўкрак мушакларининг пальпациясида сезувчанлиги (Штернберг симптоми), ўпканинг чегараланган қисми устида перкутор товушнинг бўғилиши, аускультацияда – нафаснинг заифлашуви; плевранинг ишқаланиш овози, нафас тўла эмаслиги, шикастланган томоқдан қарама- қарши томонга кўкс оралиғининг силжиш; шикастланган томонда тери бурмаси қалинлигининг ортиши (Винтрих симптоми). 3. Параклиник мезонлар:

1) ҚУТ зўрайиши даврида лейкоцитоз, нейтрофил ядроларнинг чапга силжиши, ЭЧТ ортиши; 2) ўпка рентгенограммаси – экссудатив плевритда – СоколовДамуазо қийшиқ чизиғи шаклида хиралашиши, қуруқ плевритда – плевранинг қалинлашиш белгилари; 3) плеврал пункция – серозли, сероз-фибринозли ёки йирингли экссудат олинади; 4) плеврал экссудатни бактериал флорага, микобактерияга текшириш – инфекция қўзғатувчисини аниқлаш; 5) Ташқи нафас функцияси – гиповентиляция, рестриктив ўзгаришлар; 6) Кислота-ишқор ҳолати – гипоксия, метаболик ацидоз. Қиёсий ташҳисот Ўпка ателектази, кенг ёйилган пневмония, ўпка ўсмаси, юрак етишмовчилигида қоннинг ўпкада димланиши кабилар билан ўтказилади. ПЛЕВРИТЛАР ТАСНИФИ Тури Патогенез Локализация Қуруқ Экссудатив (серозли, серозфибринозли, йирингли, гемморрагик) 1) синпневмоник 2) метапневмоник 3) метастатик 4) симптоматик 5) жароҳатдан сўнг 6) сил Костал Диафрагмал Парамедиастинал Бўлаклараро Плашсимон Халтачали Даволаш Носпецифик плевритларни даволаш (синпневмоник ва метапневмоник).

1. Тартиб: биринчи кундан бешинчи кунгача – ётиб даволаниш режими, 5 кундан 10 кунгача ярим ётиб даволаниш. 2. Оқсилга ва витаминга бой парҳез, суюқлик ва тузни чеклаш. 3. Плеврал бўшлиқдан экссудат эвакуацияси. Пункцион усул – ҳар куни экссудатни аспирация қилиш ва бўшлиқни антисептиклар (0,02%ли фурацилин эритмаси, 0,1%ли фурагин эритмаси, 1%ли йодинол эритмаси) га 2 г трипсин, химотрипсин қўшиб ювиш. Плеврит бўлган болалар диспансер кузатуви реабилитацияси Мутахассислар кўриги УАШ ҳар кварталда 1 марта, пульмонолог, фтизиатр, ЛОР шифокори 1 йилда икки марта Кўрувда аҳамият беринг Чарчаши, ҳарорати, йўтал, перкутор маълумотлар, ўпканинг хириллаши. Обструкция борлиги, аллергия симптомлари. Қўшимча текширувлар Термометрия, қоннинг умумий таҳлили, ташқи нафас фаолияти, ўпка рентгенограммаси – зарур бўлганда. Асосий йўл Тўғри овқатлантириш, нафасни тиклаш (тўла қорин нафасини тиклаш. Гипервентиляцияни бартараф этиш). Асосий соғломлаштириш йўлида Сурункали инфекция ўчоғи санацияси. Интеркуррент касалликлар даврида махсус профилактика (нафас йўлларини тозаловчи машқлар, фитотерапия, профилактик физиотерапия: иссиқ ванналар, нуқтали сегментар массаж, банкалар), чиниқтириш. Кузатув давомийлиги 1 йил. Ҳисобдан чиқариш Патологик клиник симптомлар йўқлиги. Жисмоний тарбия ДЖТ, махсус гуруҳ. Профилактик Зўрайишдан 2 ой ўтганидан сўнг авайлаш усули

эмлаш билан. Ёпиқ дренаж қилиш (плеврал бўшлиқ бронхиал дарахт билан туташиб қолганида). Плеврал бўшлиқни антисептиклар ва ферментлар билан кунига 2–3 марта ювиш. 4. Экссудатни экиб олинган микрофлоранинг сезувчанлигини ҳисобга олиб антибактериал терапия ўтказиш. 5. Физиотерапия. 6. Кўкрак қафасининг массажи: вибрацион, вакуумли, умумий. 7. Нафас гимнастикаси. 8. ДЖТ. 9. А, Е витаминлар. 4. БРОНХИАЛ АСТМА Бронхиал астма (БА) – бронхлар ва ўпканинг сурункали касаллиги бўлиб, бронхларнинг обструкцияланиши билан кечади ва унинг асосида бронхларнинг гиперреактивлиги ва нафас йўлларининг сурункали аллергик яллиғланиши ётади. Ташҳисот мезонлари 1. Анамнези: Оғир индивидуал ва оилавий аллергияга мойиллик, кўпинча тунда хансираш, ҳуштакли хириллашлар, йўтал. Касалликнинг аллерген, вирусли инфекция, жисмоний зўриқиш, ирритантлардан сўнг зўрайиши. Симптомларнинг йўқолиши аллергенлар элиминациясида ёки бронходилататор қўлланганидан кейин кузатилади. 2. Клиник мезонлари. Дарак берувчи давр – ҳуруждан бир неча соат ёки кун олдин бурун битиб қолиши ёки бурундан кўп миқдорда, сувдек суюқлик ажралиши, аксириш, йўтал, қичишиш, томоқ қичиши, қонъюнктивит, полиморф тошма, ҳулқ- атвор ва кайфиятда ўзгариш пайдо бўлиши мумкин (болалар анча ҳаракатчан, сергап, ўта ёқимтой ёки аксинча инжиқ, тажоввузкор бўлиб қолиши мумкин,

баъзи беморлар кам ҳаракат қилади, бўшашиш, безовталик бошланади), иштаҳа ва уйқу бузи лади. Ҳуружли босқич: бўғилиш симптомлари – нафас дискомфорти, беморнинг ҳаво етишмаётганлигини сезиши, тўсатдан кўкрак қафасининг сиқилиши ва бир неча дақиқада зўрайиб кетиши. - нафас етишмовчилиги синдроми – экспиратор характердаги нафас сиқиши ҳуружи (нафас олиш қисқа, кучли ва чуқур, нафас чиқариш секин, титраб-қақшаб бўлади), ўпка чекка қисмларининг шаффофлигининг ортиши, диафрагма гумбазларининг паст туриши, қовурғалар орасидаги масофанинг кенгайиши); - илдиз расмини кучайиши; - қон ва балғамда эозинофилия; - специфик аллергенлар билан тери синамаларининг ижобийлиги; - синаш давоси – β 2 -агонистларнинг юқори самарадорлиги. Астматик ҳолат: (АҲ) нафас етишмовчилиги ривожланиб борадиган оғир давомли ҳуруж, бронхларнинг β - адренергик рецепторлар функционал блоки оқибатида бронходилататорларга резистентлик бўлади. Астматик ҳолат ривожланишига олиб келувчи омиллар: - аллергенларнинг салмоқли таъсири, бронхлар ёки ЛОР органлар инфекцияси; - ингаляцион β 2 - агонистлар дозасининг кўпайиб кетиши; - гормонга боғлиқ бўлиб қолган беморларда глюкокортикостероидларнинг нотўғри берилиши ёки тезда тўхтатилиши. Астматик ҳолат мезонлари: - БА ҳуружининг камида 6 соат давомида тўхтамаслиги; - бронхларда дренаж функциясининг бузилиши; - гипоксемия ва гиперкапния; - симпатомиметикларга резистентлик. АҲ нинг оғирлик даражасига қараб 3 босқичи фарқ қилинади (А.Г.Чучалин, 1997)

I босқич – нисбий компенсация – бўғилиш ҳуружи узоқ вақт бартараф бўлмаслиги билан характерланади. Бемор ҳушини йўқотмайди, мос, мажбурий ўтириш ҳолатини олади. Кўмаклашувчи мушаклар кучли иштирокидаги ҳансираш. Йўтал самарасиз. Перкуссияда – қутича товуши, аускультацияда – нафаснинг заифлашуви, ҳамма бўлимларга ўтади, қуруқ хириллашлар кўп. II босқич – декомпенсация – бронхообструкциянинг зўрайиб бориши билан ифодаланади. Ўпкада дистанцион хириллашлар сақланган ҳолда нафаснинг «мозаик» ўтиши ёки жуда заифлашуви («гўнг» ўпка). Кўкрак қафасининг эмфизематоз шишиши, нафас экскурсияси сезилмайди. Пульс заиф, АБ пасайган. III босқич – гипоксик, гиперкапник кома – жуда оғир ҳолат, эсҳушнинг бузилиши, неврологик ўзгаришлар билан ифодаланади. Нафас сийрак, юзаки, парадоксал. Пульс ипсимон, гипотония, коллапс. Бронхиал астма таснифи 1. Шакли: - атопик; - атопик бўлмаган (инфекция билан боғлиқ, аутоиммун, аспиринли астма, психоген). 2. Кечиш даврлари: - зўрайиш; - ремиссия. 3. Кечиш оғирлиги: - енгил; - ўртача оғир; - оғир. 4. Асоратлари: - ателектаз; - пневмоторакс; - тери ости ва медиастинал эмфизема; - ўпка етишмовчилиги; - ўпка юрак. Қиёсий ташҳисот

Аллергик бронхит, сурункали пневмония, муковисцидоз, бронх-ўпка аспергиллёзи, трахеобронхиал дарахт ковагидаги бегона жисмлар, нейроген ва психоген генездаги нафас бузилишлари билан ўтказилади. Даволаш 1. Тартиби-аллергенга нисбатан эҳтиёт бўлиш, иложи борича аҳамиятга эга аллергенларни тўла элиминация қилиш. 2. Бронхиал астманинг ўткир даврида бронхлар ўтказувчанлигини тиклашга йўналтирилган даво амалга оширилади. Бронхиал астма ҳуружини бартараф қилиш учун β 2 – адренорецепторларга танлаб таъсир қилувчи симпатомиметик дорилар аэрозоллари (беротек, сальбутамол, тербуталин, кленбутерол)нинг ингаляцияси буюрилади, самарадорлиги етарли бўлмаган ҳолларда, дорининг аэразолли дозаси ингаляцияси 15 дақиқадан сўнг такрорланади. Терапевтик самара, одатда, 10–15 дақиқадан сўнг бошланади ва ингаляциядан 1 соат кейин максимал даражага етади. БА нинг атопик бўлмаган шаклида, тунги азобли йўталда, ўпкада нам хириллашлар кўп бўлганда, симпатомиметикларни қабул қилиб бўлмаганда ингаляцион ҳолинолитиклар буюрилади. Атровент (ипратропиум бромид) 1 доза = 0,02 мг, 20–30 дақиқадан кейин самараси бошланади, таъсири 4–8 соат давом этади; 7 ёшгача бўлган болаларга 1 дозадан кунига 2–3 марта, 7 ёшдан катта болаларга 2 дозадан кунига 2–3 марта. Беродуал ( 1 доза = фенотерол 0,05 мг + ипратропиум бромид 0,02 мг): 7 ёшгача бўлган болаларга 1 дозадан кунига 3 марта, 7 ёшдан катталарга 2 дозадан кунига 3 марта. Оғир ҳуружларда селектив симпатомиметиклар (ёки β 2 – қисқа вақт таъсир қилувчи агонистлар) ингаляцияси буюрилади. Самараси 3–5 дақиқадан сўнг бошланади, таъсири 4–6 соат давом этади. Беротек -100

(фенотерол) ингаляция дозаси 100 мкг; вентолин (сальбутамол) 1 дозада 250 мг. Қўлланиши: 1–2 дозадан кунига 4 мартагача. Агар биринчи ингаляция ҳуружни бартараф қилмаса, 10 дақиқадан сўнг ингаляцияни такрорлаш мумкин. Эҳтиёж бўйича β 2 - агонистлар қўллашнинг тезлашиши астманинг кечиши ёмонлашганлигидан дарак беради ва яллиғланишга қарши давони кучайтиришни талаб қилади. Симпатомиметиклар (сальбутамол, бриканил) таблетка ҳолида ёки шарбат (спиропент, кленбутерол) буюрилганда бронхиал астманинг енгил ва ўртача оғирликдаги ҳуружларида бронхларнинг ўтказувчанлиги қайта тикланиши мумкин. Бронхиал астманинг оғир ҳуружи тери остига адреналин юборилганда ҳам бартараф бўлиши мумкин. 0,1%ли адреналин эритмаси 0,005 мл ҳар ёшига тери остига юборилади: қарши кўрсатма: ҳуружнинг 4 соатдан ортиқ давом этиши, дорининг (анамнестик маълумотлар бўйича) самарасизлиги, гормонга боғлиқ астма. Агар адреналин юборишга қарши кўрсатма бўлса, у ҳолда эфедрин гидрохлориднинг 5%ли эритмасини 0,1 мл/ ҳар ёшига, аммо 1 мл ортиқ эмас м/о, 12 ёшдан катта болаларга 100–150 мл физиологик эритмага 0,3–1 мл қўшиб венага томчилаб юборилади. Бундай ҳолларда алупентнинг 0,005%ли эритмасини 0,1 мл/ ҳар ёшига тери остига ёки мушак орасига юбориш ҳам яхши самара беради. Бронхиал астманинг енгил ва ўртача оғир ҳуружларида шошилинч терапия эуфиллин буюришдан бошланиши мумкин; унга β 2 - агонистлар ингаляциясининг самарасизлиги (β 2 - адренорецепторлар асоратининг оқибати), вирус-бактериал инфекция қўзғатган ҳуруж; илк болаликдаги БА кўрсатма бўлиши мумкин. Эуфиллин 2,4%ли эритмада буюрилади (ампулада 10 мл);тўйиниш дозаси 4 ёшгача болаларга 0,25 мл/кг; 4 ёшдан катталарга 0,2 мл/кг. Препаратни 70–100–150 физиологик эритмага қўшиб венага томчилаб юборилади. Бир маромда сақлаб турувчи доза венага томчилаб: 6 ойликкача болалар учун 0,2 мл/кг/соат, 6 ойликдан – 16 ёшгача 0,25 мл/кг/соат ни

ташкил қилади. Эуфиллин самара берганда кейинги 3 кунда бир маромда сақлаб турувчи доза (таб. 0,15 г) кунига 4–6 мг/кг да 4 марта овқатдан сўнг ичилади. Нафас етишмовчилиги кучайиб борганида преднизолон 1–4 мг/кг дозада ёки гидрокортизон 7 мг/кг дозада венага юборилади. Астматик ҳолатнинг I босқичида эуфиллиннинг 24 мг/кг кунлик дозаси инфузияси билан даволаш ўтказилади; нафас етишмаслиги кучайиб борганда эуфиллин глюкокортикостероидлар билан қўшиб венага юборилади. Агар кўрсатилган даво етарлича самара бермаса, у ҳолда кунига 1,0–1,5 мг/кг преднизолон ичилади, айни вақтда у 1 мг/кг дозада венага юборилади. Астматик ҳолатнинг II босқичида бронхлар ўтказувчанлиги тикланиши учун эуфиллин венага томчилаб юборилади, преднизалоннинг кунлик дозаси 3–5 мг/кг гача кўпайтирилади, унинг 1,5–2,0 мг/кг дозаси ичишга буюрилади, қолган миқдори венага тез ёки томчилаб юборилади. Астматик ҳолатнинг III босқичида ўпка вентиляциясини меъёрда сақлаш ҳамда гипоксемия ва гиперкапниянинг хавфли даражасини бартараф қилишга йўналтирилган реанимацион тадбирлар амалга оширилади. Уларга ўпканинг сунъий вентиляцияси, инфузион терапия (эуфиллин, 5%ли глюкоза эритмасини, коллоид эритмаларни венага юбориш), глюкокортикостероидларнинг катта дозасини (преднизолон кунига 6–10 мг/кг) қўллаш киради; юрак етишмовчилиги ривожланган ҳолларда юрак гликозидлари берилади. Бронхиал астма зўрайганда, балғам ажралиши сусайганда, бронхлар обструкцияси аломатлари узоқ вақт сақланиб турганида балғам кўчирувчи воситалар (калий йодид, бисольвон, термопсис, ипекакуана, сенега дамламалари) буюрилади. Муколитиклар: бромгексин (др. 0,004 г) 2–5 ёшли болаларга – кунига 4 мг 2 марта, 5–10 ёшлиларга 4 мг дан 3 марта; 10 ёшдан катталарга 8 мг дан 3 марта берилади.

Экспекторантлар: мукалтин (таб. 0,05 г) 7 ёшгача болаларга ½ дан 3 марта, 7 ёшдан катталарга 1 таб. дан 3 марта; терпингидрат (таб. 0,25 г) 2–5 ёшли болаларга 0,1 г дан 3 марта, 5 ёшдан катталарга 0,15 г дан 3 марта, ҳар куни; кўкрак элексири ҳар ёшига 1 томчидан кунига 4–5 марта. Аллергия аломатларини даволаш: тавегил (таб. 0,001 г) ½ -1 таблеткадан кунига 2 марта, супрастин (таб. 0,025 г) ½ -1 таблеткадан кунига 2 марта; кларитин (таб. 0,005 г) ½ -1 таблеткадан кунига 2 марта берилади. Нафас қийинлашиш ҳуружи бартараф қилинганидан сўнг бронхоспазмолитиклар билан даволаш (симпатомиметиклар, эуфиллин ва улар комбинацияси) 7–10 кун давом этади. Глюкокортикостероидлар парентерал (мушак орасига ёки венага ичига) қўлланганда улар инъекцияси ҳуруж бартараф этилганидан сўнг бекор қилинади. Преднизолон билан даволаш ичилади астматик ҳолатнинг ифодаланиш даражасига қараб 10 кундан 14 кунгача давом этади. Бронхиал астманинг оғир бўлмаган ҳуружлари игнарефлексотерапия, электроакупунктура, лазеротерапия усуллари билан бартараф қилиниши мумкин. Бронхиал астманинг зўрайиши тез-тез такрорланиб турадиган болаларни ҳуруждан чиқаришда рецидивга қарши даволаш ўтказилади. Бронхиал астма ҳуружининг камдан-кам учраши, унинг енгилроқ кечиши ва касалликнинг ремиссиясига қуйидагилар ёрдамида эришиш мумкин: Кромолин - натрий (интал) -0,02 г кунига 3–4 марта ингаляция шаклида, 6–9 ой давомида; - кетотифен (задитен) 0,025 мг/кг кунига 2 марта 6–9 ой давомида ичилади; - аллергоглобулин 5 мл мушак орасига – 5 инъекция ва улар оралиғи 3 кун. - аллергияга қарши иммуноглобулин 1–2 мл дан мушак орасига 5– инъекция ва улар оралиғи 4 кун.

- организмдан секин ажраладиган теофиллин дори шакллари (теопек, дурофиллин, теостат, теодур). Теопекнинг кунлик дозаси 15–19 мг/кг дан 2 марта қабул қилинади, 3–4 ҳафта давом этади, зарурат туғилса, даволаш узоқроқ давом эттирилади. Ажралиш механизми назорат қилинадиган сальбутамол сақловчи волмакс препарати рецидивга қарши таъсир кўрсатади. Дорининг кунлик дозаси 6–8 мг, 2 бўлиб қабул қилинади, даволаш муддати 2–4 ҳафта. У бронхлар ўтказувчанлигининг тикланишига ёрдам беради. Дитек (беротек ва интал сақловчи комбинацияли препарат) буюрилганида ҳам ремиссияга эришиш мумкин, уни кунига 3–4 марта 1–2 ингаляция қилинади, даволаш 1–2 ой давом эттирилади. Болаларда бронхиал астма ҳуружларининг сонини камайтириш, уларнинг кечишини енгиллаштириш ва касаллик ремиссиясига эришишга игнарефлексотерапия, электроакупунктура, лазеротерапия, гистамин- электрофорези ёрдам беради. Бронхиал астма ҳуружлари тез-тез такрорланганида, юқорида кўрсатилган даволаш самара бермайди, бу вақтда касаллик ремиссиясига эришиш мақсадида глюкокортикостероидлар (бекотид, бекломет, бекодиск) аэрозолини 1–4 ингаляциясини кунига 2–4 марта буюрилади, 3–6 ой давомида даволанади. Бронхиал астма оғир кечадиган ва ҳусусан гормонга боғланиб қолган болаларда бронхоспазмолитиклар, глюкокортикостероидлар аэрозоллари билан даволаш самара бермаганида глюкокортикостероидларни ичиш тавсия этилади. Касалликнинг ремиссия босқичида сабаб-аҳамиятга эга бўлган аллергенлар аниқланганида 3 йил давомида специфик иммунотерапия ўтказилади. Маиший сенсибилизация билан боғлиқ атопик бронхиал астмада специфик иммунотерапия йил давомида амалга оширилади. Гуллар чанглари билан боғлиқ астмада специфик иммунотерапия мавсумдан олдин ўтказилади.

Инфекцион аллергик бронхиал астмада специфик иммунотерапия ўтказиш учун стандарт бактериал аллергенлар ёки аутовакциналардан фойдаланилади. Олдини олувчи даволаш ва специфик иммунотерапия бронхиал астма билан касалланган болалар учун индивидуал тУЗИ лган реабилитацион дастурларнинг амалга оширилиши, нафас машқлари, динамик ва статистик жисмоний машқлар, массаж, чиниқтириш, санаторияда даволаш, сурункали инфекция ўчоқларини санация қилишга йўналтирилган усуллар қўлланиши ва атроф муҳит соғломлаштирилиши касалликнинг узоқ муддатли барқарор ремиссиясига эришишга ёрдам беради.

Адабиёт руйхати: 1. Е.П.Шувалова, Инфекционнўе болезни, М., Медицина, 1999г. 2. В.М.Маджидов, Юқумли касалликлар, Тошкент, 1992й. 3. В.Ф.Учайкмн, Руководство по инфекционнўм болезням у детей, М., Медицина, 1998 г. 4. И.К.Мусабаева, Руководство по воздушно-капельнўм инфекциям, Ташкент. 5. А.Г.Коломиец, В.И.Вотяков и др., Генерализованная герперическая инфекция, фактў и концепция, Минск, Наука и техника, 1992г. 6. В.Ф.Учайкин, Специфическая профилактика инфекционнўх заболеваний у детей, М., Медицина, 1995г. 7. Н.Д.Юшук, А.Д.Царегородцев, Лекции по инфекционнўм болезням, М., ВУНМИ, 1996г. 8. Г.А.Тимофеева, Л.А.Антипова, Инфекционнўе заболеван ия у детей первого года жизни, М., Медицина, 1985

O'xshashlar

Нафас органлари касалликлари. қон инфекциялари

Эрта ёшдаги болалар касалликлари диатезлар

Овқат ҳазм қилиш органлари касалликлари

Нафас йўллари касалликлари ва бронхиал астма патофизиологияси ва фармакотерапияси

Нафас олиш органлари тизими