Юкларни ташишни башоратлаш - Texnika va texnologiya - Referatlar

Юкларни ташишни башоратлаш

Yuklangan vaqt:

20.09.2019

Ko'chirishlar soni:

0

Hajmi:

101.5 KB

Ko'chirib olish

Юкларни ташишни башоратлаш Режа: 1. Юкларни ташишни йиллик башоратлаш ва унинг вазифалари; 2. Юкларни ташишни йиллик башоратлаш учун асосий ва бошқа юклар номенклатураси; 3. Юкларни ташишни квартал башоратлаш; 4. Тонналарда ва вагонларда ойлар бўйича тақсимланган квартал башоратлаш учун юклар номенклатураси; 5. Вагонларда ойлар бўйича тақсимланган квартал башоратлаш учун юклар номенклатураси

Юкларни ташишни йиллик башоратлаш ва унинг вазифалари . Темир йўл транспортида асосий оммавий юкларни ташиш одатда квартал бўйича тақсимланган йиллик башоратлаш ва ойлар бўйича тақсимланган квартал башоратлаш бўйича амалга оширилади. “Ўзбекистон темир йўллари” Давлат акциядорлик темир йўл компаниясида юк ташишни башоратлашга Ўзбекистон Республикаси темир йўл Уставининг III-боби (18 – 33-бандлари) ва юкларни ташиш Қоидаларини 1-бўлими бағишланган. Уставнинг 18-бандида: - асосий оммовий юкларни темир йўл транспортида ташиш одатда квартал бўйича тақсимланган йиллик башоратлаш ва ойлар бўйича тақсимланган квартал башоратлаш бўйича амалга оширилиши; - темир йўл транспортида юк ташиш ҳажмини башоратлари вазирликлар ва идоралар, корхоналар тасдиқланган шаклда тақдим этган маълумотлар ( буюртмалар ) асосида темир йўли ишлаб чиқиши; - темир йўл транспортида юк ташишнинг йиллик ва квартал башоратлари ҳамда асосий ойлик ва қўшимча режа тузиш тартиби ва муддатлари юкларни ташиш Қоидаларида белгиланиши; - вазирликлар ва идоралар, юк жўнатувчи ташкилотлар ҳамда темир йўли юк ташиш башоратларини бажаришни ва башоратлаштиришда давлат манфаатини ва асосий ойлик ва қўшимча юк ташиш режаларини бутун темир йўли, унинг минтақавий бўлинмалари, темир йўл станциялари ва ҳар бир юк жўнатувчилар бўйича бажарилишини таъминлашлари шарт (мажбур) лиги; - юк жўнатувчилар юкларни ташишга ортиқча (завышенных) буюртманомаларни тақдим этмасликлари, юкларни ортишга ўз вақтида ва асосий ойлик ва қўшимча режада назарда тутилган миқдорларда бир маромда тақдим этишлари шарт (мажбур) лиги;

- темир йўли асосий ойлик ва қўшимча юк ташиш режасига ва тузилган шартномага мувофиқ барча ортиш ва тушириш пунктларига ўз вақтида ва бир маромда вагонларни олиб кириб беришлари шартлиги, белгилаб қўйилган. Юкларни ташишни йиллик ва квартал башоратлашдан асосий мақсад: - юк жўнатувчиларни юкларни ташишга бўлган эҳтиёжларини тўлиқ ва ўз вақтида энг кам транспорт харажатлари билан қондиришни; - юк ташишларни мавсумий эҳтиёжларини инобатга олган ҳолда ташиш номунтазамлигини макисимал камайтиришни; - темир йўлини воситаларидан самарали фойдаланишни (вагонларни юк кўтаришидан ва сиғимидан максимал фойдаланишни, юкларни маршрутларда ташишни оширишни, ҳаракатдаги составларни бўш юришини камайтиришни ва ҳ.к.); - юкларни маршрутда ташишни инобатга олган ҳолда, юк ташиш башоратида назарда тутилган юкларни бир маромда ортишни , таъминлашдир . Ҳаракатдаги составдан ва темир йўл ўтказиш қобилятидан янада самарали фойдаланиш мақсадида юкларни ташиш, юк оқимларини самарали йўналишлари схемасига мувофиқ, амалга оширилиши керак. Темир йўл транспортида юк оқимларини самарали йўналишлари схемасини темир йўли, юк жўнатувчилар тақдим этган юклар рўйхати бўйича тузиб чиқади. Юкларни ташишни йиллик башоратлаш учун асосий ва бошқа юклар номенклатураси . Темир йўл транспортида квартал бўйича тақсимланган йиллик башоратлаш 9 та номдаги асосий юклар номенклатураси ( 5. 1-жадвал) ва 30 та номдаги бошқа юклар номенклатураси ( 5. 2-жадвал) бўйича ишлаб чиқилади. Бунинг учун

вазирликлар, идоралар ва ташктлотлар 20 июлгача келгуси йилнинг башоратларини ишлаб чиқиш учун асосий юклар ва бошқа юклар номенклатураси бўйича буюртмаларни керакли ҳисоблар ва далиллар (обоснования) билан белгиланган шаклда (юкларни ташиш Қоидалари 1- бўлим, 1- ва 4-иловалар) темир йўлига тақдим этишлари керак. 5. 1-жадвал Темир йўл транспортида йиллик башоратлаш учун асосий юклар номенклатураси № Юкларнинг номи № Юкларнинг номи 1 Тош кўмир 6 Ўрмон юклари 2 Нефть ва нефть маҳсулотлари 7 Кимёвий ва минерал ўғитлар 3 Кокс 8 Цемент 4 Қора металлар 9 Дон ва янчилган маҳсулотлар 5 Қора металлар темир – терсаги 5. 2-жадвал Темир йўл транспортида йиллик башоратлаш учун бошқа юклар номенклатураси № Юкларнинг номи № Юкларнинг номи 1 Қурилиш юклари 16 Туз

2 Рангли маъдан ва олтингугурт хом ашёси 17 Шакар 3 Саноат хом ашёси ва қолиплаш материаллари 18 Картошка, сабзовот ва мевалар 4 Донадорлаштирилган шлак 19 Қанд лавлаги ва уруғлар 5 Оловбардошлар 20 Пахта 6 Флюслар 21 Кунжара 7 Торф ва торф маҳсулотлари 22 Қишлоқ хўжалик машиналари 8 Ёнувчи сланцлар 23 Автомобиллар 9 Металл конструкциялар 24 Машина ва асбоб – ускуналар 10 Рангли металлар, уларнинг буюмлари ва рангли металллар темир – терсаги 25 Металл буюмлар 11 Химикатлар ва сода 26 Бошқа озиқ – овқат товарлари 12 Қоғоз 27 Саноат товарлари 13 Омиҳта ем 28 Ҳайвонлар 14 Ғўшт ва ҳайвон ёғи 29 Контейнерлардаги юклар 15 Балиқ 30 Бошқа ва йиғма юклар Темир йўли керакли ҳолатларда юк жўнатувчиларнинг иштирокида юкларни ташишга тақдим этилган буюртмаларни иқтисодий асосланганлини текшириб чиқади ва юкларни ташишга умумлаштирилган буюртмаларни (юкларни номи бўйича тақсимланган) ишлаб чиқади. Темир йўли умумий ҳажм бўйича (тоннада) асосий юклар – тош кўмир, нефть ва нефть маҳсулотлари, кокс, қора металлар, қора металлар темир – терсаги, ўрмон юклари, кимёвий ва минерал ўғитлар, цемент, дон ва янчилган маҳсулотларни ажратиб кўрсатиб темир йўл транспортида

юкларни ташиш (жўнатиш) ни квартал бўйича тақсимланган йиллик башоратини тасдиқлайди . Йиллик башорат тасдиқланганидан сўнг бир декада муддатида темир йўли раҳбари ҳар бир темир йўли минтақавий бўлинмалари учун асосий юкларни ажратиб квартал бўйича тақсимланган йиллик юкларни ташиш (жўнатиш)ни жами башоратини тасдиқлайди. Контейнерларда ташиладиган юкларни йиллик башоратлашни бундай ташишларга “Контейнерлардаги юклар” номенклатура гуруҳи бўйича юк жўнатувчилардан қабул қилиб олинадиган буюртма асосида контейнерларда ташишларни бажарадиган темир йўлининг корхонаси амалга ошириди. Юкларни ташишни квартал башоратлаш . Уставининг 20-банди квартал башоратларга бағишланган бўлиб, унда: - темир йўл транспортида юкларни ташишни ойлар бўйича тақсимланган квартал башоратлаштиришни темир йўли белгиланган тартибда амалга ошириши; - квартал башоратларида кварталда суткасига ўртача юк ортиш миқдори, ойлар ва юк турлари бўйича тақсимланган тоннада ва вагонларда ҳамда маршрутларда юкларни ташиш бўйича топшириқ назарда тутилиши; - юридик ва жисмоний шахслар ортиб жўнатадиган сабзавот, мевалар ва бошқа қишлоқ хўжалик маҳсулотлари асосий ойлик ва қўшимча режа ҳамда ортиш бошланишидан 5 кундан аввал юк жўнатувчи топширадиган бюртманомани тақдим этиш бўйича амалга оширилиши; - майда партияларда ва вагонланган жўнатмаларда давлат заҳираларидан ортиладиган озиқ овқат ва саноат товарлари, халқ истеъмол

товарлари ташишга тақдим этиш бўйича қабул қилиниши, таъкидлаб ўтилган. Темир йўл транспортида ойлар бўйича тақсимланган квартал башоратлаш (қуйида квартал башоратлаш деб юритилади) 43 та номдаги юклар номенклатураси бўйича ишлаб чиқилади. 32 та номдаги юклар номенклатураси бўйича (5.3-жадвал) ойлар бўйича тақсимланган квартал башоратлаш тонналарда ва вагонларда , 11 та номдаги юклар номенклатураси бўйича эса (5.4-жадвал) фақат вагонларда амалга оширилади. 5. 3-жадвал Тонналарда ва вагонларда ойлар бўйича тақсимланган квартал башоратлаш учун юклар номенклатураси № Юкларнинг номи Шифри № Юкларнинг номи Шифри 1 Тош кўмир Б 17 Оловбардошлар АС 2 Кокс Г 18 Цемент АШ 3 Нефть ва нефть маҳсулотлари Е 19 Ўрмон юклари ББ 4 Флюслар Ф 20 Шакар БК 5 Темир ва марганец маъдан - лари Ц 21 Ғўшт ва ҳайвон ёғи БО 6 Рангли маъдан ва олтингугурт хом ашёси Ш 22 Балиқ БР 7 Қора металлар АА 23 Картошка, сабзовот ва ВБ

мевалар 8 Металл конструкциялар МК 24 Туз ВГ 9 Металл буюмлар АВ 25 Пахта ГА 10 Қора металлар темир- терсаги АГ 26 Қанд лавлаги ва уруғлар ГД 11 Рангли металлар, уларнинг буюмлари ва рангли метал - ллар темир – терсаги АЛ 27 Дон ГЕ 12 Кимёвий ва минерал ўғитлар АМ 28 Янчилган маҳсулотар ГЗ 13 Химикатлар ва сода АО 29 Омиҳта ем ГО 14 Қурилиш юклари АЦ 30 Ҳайвонлар ГП 15 Саноат хом ашёси ва қолиплаш материаллари АФ 31 Кунжара ЖМ 16 Донадорлаштирилган шлак АУ 32 Қоғоз ГС 5. 4-жадвал Вагонларда ойлар бўйича тақсимланган квартал башоратлаш учун юклар номенклатураси № Юкларнинг номи Шифри № Юкларнинг номи Шифри 1 Торф ва торф маҳсулот-лари О 7 Саноат халқ истеъмол товарлари ВР 2 Ёнувчи сланцлар С 8 Сув транспортидан те-мир йўл ГХ

транспортига юкларни қайта юклаш 3 Машиналар ва асбоб ускуналар МО 9 Импорт юклари ГФ 4 Қишлоқ хўжалик машиналари АЗ 10 Контейнерлардаги юклар ГЯ 5 Автомобиллар АК 11 Бошқа ва йиғма юклар ГЮ 6 Бошқа озиқ – овқат товарлари ВЕ Юкларни ташиш учун ойлар бўйича тақсимланган квартал буюртмани (қуйида квартал буюртма деб юритилади) юк жўнатувчи башоратланадиган квартал бошланишига 40 кундан кеч қолмай белгиланган шаклда (юкларни ташиш Қоидалари 1-бўлим, 4- ва 5-иловалар), керакли ҳисоб – китоблар ва асослар билан темир йўлига тақдим қилиши керак. Юкларни ташишни башоратловчи юк жўнатувчилар юкларни ташиш кватрал буюртмасида (юкларни ташиш Қоидалари 1-бўлим, 4-илова) ҳар бир номдаги ташиладиган юк ҳажмидан маршрутларда ташиладиган юклар фоизини квартал топшириқ лойиҳасини кўрсатадилар. Юкларни маршрутларда ташишнинг квартал топшириғини кўриб чиқиш, мувофиқлашритиш ва тасдиқлаш тартиблари юкларни ташишни башоратлаштириш учун назарда тутилган тартибларда амалга оширилади. Юкларни ташиш Қоидаларида белгиланган муддатлардан 5 суткадан кечикиб тақдим этилган юкларни ташиш квартал буюртмаси, қўшимча ташишлар ҳақида мурожжат қилинган деб қаралади. Юк ташиш ҳажми ойига 15 вагондан ортиқ бўлмаган юкларни ташишни башоратловчи юк жўнатувчилар, юкларни ташишга квартал

буюртмасини тақдим этишдан озод этиладилар. Мазкур юк жўнатувчилар ҳар ойда темир йўлига, режалаштириладиган ой бошланишига 20 кунга қадар, юкларни ташишни ёйиқ режасини тақдим этадилар. Юкларни ташишни башоратловчи юк жўнатувчилар темир йўл транспортида юкларни ташишга вагонларда буюртма тузишда темир йўл транспортида белгиланган вагонларга юклашнинг техник норма ларидан (P тех ), юкларни ташишга тонналарда ва вагонларда буюртма тузишда эса темир йўл транспортида белгиланган статик юклама (P ст ) қийматларидан фойдаланишлари керак. Белгиланган статик юклама қиймати юкларни ташишга буюртма тузилгунга қадар башоратловчи ташкилотларга хабардор қилиб қўйилади. Юкларни ташишга юк жўнатувчилар тақдим этган квартал буюртмани, темир йўли башоратланадиган квартал бошланишига 30 кундан кеч қолмай кўриб чиқади, юк жўнатувчилар билан суткасига ўртача тонналарда ва вагонларда, ойлар ва юкларни турлари бўйича тақсимланган юкларни ташиш квартал башорати лойиҳасини мувофиқлаштириб олади. Юкларни ташишни квартал башорати лойиҳаси бўйича келишмовчиликлар пайдо бўлган ҳолатларда, бу келишмовчиликларни юк жўнатувчилар ва темир йўли кўриб чиқиши керак ва башоратланадиган квартал бошланишига 25 кундан кеч қолмай улар бўйича, йиллик башоратда мазкур кварталга белгиланган барча юкларни ташишни умумий ҳажмини ўзгартирилмасдан, қарор қабул қилиниши керак. Темир йўли башоратланадиган квартал бошланишига 26 кундан кеч қолмай темир йўл минтақавий бўлинмаларига юкларни турини кўрсатмай, ойлар бўйича тақсимланган кварталнинг суткасига ўртача вагонларда юкларни ташиш миқдорини хабар қилади. Темир йўли ойлар бўйича тақсимланган кварталга юкларни ортишни белгиланган ҳажми асосида, башоратланадиган квартал бошланишига 23

кундан кеч қолмай, кварталнинг ойлари ва юкларни турлари бўйича, суткасига ўртача вагонларда ва тонналарда тақсимланган юкларни ташишни миқдорини ҳамда маршрутларда юкларни ташиш бўйича топшириқни юк жўнатувчиларга хабар қилади. Юк жўнатувчиларга юкларни ортиш миқдори хабар қилинганидан сўнг, 3 сутка ичида улар томонидан эътироз бўлмаса квартал башорати мувофиқлаштирилган ҳисобланади. Юкларни ташишни квартал башоратлари лойиҳаси бўйича келишмовчиликларни мавжуд бўлишлиги, темир йўли қабул қилган ташиш ҳажмини юк жўнатувчиларга хабардор қилишни тўхтатиб турмайди. Универсал контейнерларда юкларни ташиш, шунингдек бўш хусусий контейнерларни ташишни башоратлаш (режалаштириш) ни контейнерларда ташишни амалга оширувчи (ведающим) , темир йўлининг корхонаси бажаради. Универсал контейнерларда ойлар бўйича тақсимланган квартал юкларни ташишни башоратлаш тегишли номдаги юкларга белгиланган юк оқимларини самарали йўналишларига риоя қилиб, “Контейнердаги юклар” режа номенклатураси гуруҳи бўйича шартли контейнерларда амалга оширилади. Темир йўли бўйича ортиш ҳажми ойига 20 та контейнердан зиёд бўлмаган юк жўнатувчи – ташкилотлар контейнерларда юкларни ташишга квартал буюртмасини тақдим этишдан озод этиладилар. Бундай ташкилотлар ҳар ойда контейнерларда ташишни амалга оширувчи (ведающим) , темир йўлининг корхонасига ҳар бир режалаштириладиган ой бошланишига 20 кунга қадар белгиланган шакл бўйича контейнерларда юкларни ташишга ёйиқ режани тақдим этадилар. Контейнерларда ташишни амалга оширувчи (ведающим) , темир йўлининг корхонаси башоратловчи ташкилотлар тақдим этган буюртмаларни кўриб чиқади ва улар билан келишув бўйича темир йўли билдирган ҳажм доирасида контейнерларда юкларни ташиш миқдорини белгилайди ва башоратланадиган квартал бошланишига 23 кундан кечикмай башоратловчи

ташкилотларга хабар беради. Башоратловчи ташкилотлар, контейнерларда ташишни амалга оширувчи (ведающим), темир йўлининг корхонаси уларга белгилаган контейнерларда юкларни ташишни миқдорини режалаштириладиган ой бошланишига 20 кундан кечикмай ўзининг идора ости ташкилотларига хабар беради ва нусхасини –контейнерларда ташишни амалга оширувчи (ведающим) , темир йўлининг корхонасига тақдим этади.

O'xshashlar

Ортиш жойларидан юкларни ташишни маршрутлаштириш

Юк ва тижорат ишлари ва темир йўл транспортини ташқи фаолияти

Ўзбекистон Республикаси темир йўл Устави – юк ва тижорат ишларининг ҳуқуқий асоси

Ўзбекистон Республикаси темир йўл Устави – юк ва тижорат ишларининг ҳуқуқий асоси

Юкларни ортиш ва жўнатиш бўйича операциялар