Ортиш жойларидан юкларни ташишни маршрутлаштириш - Texnika va texnologiya - Referatlar

Ортиш жойларидан юкларни ташишни маршрутлаштириш

Yuklangan vaqt:

20.09.2019

Ko'chirishlar soni:

0

Hajmi:

1700 KB

Ko'chirib olish

Ортиш жойларидан юкларни ташишни маршрутлаштириш Режа: 1. Темир йўл Устави маршрутлаштириш ҳақида; 2. Юк поездларини таснифи – терма, олиб чиқувчи, участка, ва ўткинчи поездлар; 3. Маршрутларни аҳамияти ва турлари – жўнатувчининг маршрутлари ва поғонасимон маршрутлар; 4. Юкларни ташишни маршрутлаштиришнинг режалаш; 5. Маршрутлаштиришнинг иқтисодий самарадорлиги ва илғор тажрибалар.

Темир йўл Устави маршрутлаштириш ҳақида Ортиш жойларидан юкларни ташишни маршрутлаштириш юк ташишларни ташкил этишнинг самарали усули ҳисобланади. Шу сабабли Ўзбекистон Республикаси темир йўл Уставида ортиш жойларидан юкларни ташишни маршрутлаштиришга алоҳида аҳамият берилган. Квартал башоратларида кварталда ўртача суткалик юкларни ортиш миқдори, ойлар ва юк турлари бўйича тақсимланган тоннада ва вагонларда ҳамда маршрутларда юкларни ташишни бўйича топшириқ назарда тутилиши Уставнинг 20- бандида белгилаб қўйилган. Уставнинг 21-бандида эса “ Асосий ойлик юк ташиш режаси билан бир қаторда юк жўнатувчилар тайинланган темир йўл станциясини ёки маршрут тарқалиш темир йўл станциясини кўрсатиб маршрутларда юкларни ташишга буюртманомаларни тақдим этишлари керак. Марштутларда юкларни ташишга буюртманома тақдим этилмаганида ёки юк жўнатувчилар учун мажбурий бўлган квартал башоратининг ташиш ҳажмига нисбатан камайтирилган (заниженных) бюртманома тақдим этилганида ойлик маршрутлар сонини темир йўли ёйиқ ташиш режасидан келиб чиқиб белгилайди ” – деб кўрсатилган. Ортиш жойларидан юкларни ташишни маршрутлаштириш энг самарали турларидан бири жўнатувчининг маршрути бўлганлиги боис Уставнинг 22-бандида: - оммавий юкларни ташиш катта ҳажмларда мавжуд бўлганида асосий ойлик ташиш режасида юк жўнатувчилар ( жўнатувчининг маршрути ), шунингдек поездларни шакллаш режасига мувофиқ бир йўналиш маршрут поездига гуруҳ вагонларини бирлаштириш йўли билан темир йўли ташкил этадиган маршрутларда юкларни ташиш назарда тутилиши кераклиги;

- тош кўмир, кокс, маъдан, нефть, дон ғалла юкларини, минераль ўғитларни, қурилиш материалларини ва бошқа оммовий юкларни юк жўнатувчилар одатда жўнатувчининг маршрутларида ташишга тақдим этишлари кераклиги; - юкларни маршрутларда ташишни ташкил этиш тартиби юкларни ташиш Қоидаларида белгиланиши , деб таъкидланган. Жўнатувчининг машрутларида юкларни ташиш Ўзбекистон Респуб- ликаси темир йўлларида юкларни ташишларни башоратлаш (режалашти- риш) Қоидаларида назарда тутилган тартибда тузиладиган башоратларга (режаларга) мувофиқ амалга оширилади. Маршрутларда юкларни ташишни ташкил этиш юк оқимларини концентрациялашга ва юк ортишни йириклаштиришга, муайян кунларда тайинланган манзиллар бўйича юкларни нарига адреслаш (заадресовка – тушириш станциясини ва юк олувчини кўрсатиш), юк поездларини шакллаш режасига қатъий амал қилишга, юк жўнатувчиларни, юк олувчиларни ва темир йўлини техник воситаларидан самарали фойдаланишга ва маршрутларда юк ташишларни ташкил этиш услубларини ва шаклларини доимий такомиллаштиришга асосланади. 7.2. Юк поездларини таснифи. Ортиш жойларидан юк ташишларни маршрутлаштириш моҳиятини тушиниб етиш учун темир йўл транспортида, вагонларга ортилган юклар-ни жўнатиш пунктидан тайинланган пунктга турли поездлар составида етказиб бериш схемасини мукаммал англаб етиш керак. Ташиш жараёнида юк ортилган вагонлар турли юк поезд составларида бўлиши мумкин. 7.1-расмда ташиш жараёнида ташкил этилариган юк поездлари турлари кўрсатилган. Темир йўл тармоғи участкаларга бўлинган бўлиб, улар техник – саралаш (А, Г) ёки участка (Б, В, Е) станциялари билан чегараланиб туради. Масалан: АБ, БВ, ВГ, ГЕ ва ҳ.к. участкалар. Бу

участкаларда эса ўз навбатида бир неча оралиқ станциялар жойлашган бўлади. Темир йўл тармоғида юк ташиш жараёнини самарали ташкил этиш мақсадида терма (сборные), олиб чиқувчи (вывозные), участка (участковые) ва ўткинчи ( сквозные ) поездлар ташкил этилади . Терма поезд участкадаги оралиқ станцияларга хизмат кўрсатади, қайсики уларда (яъний оралиқ станцияларда) бу поездан вагонларни узиб олиб қолиш ва унга вагонларни тиркаб жўнатиш амалга оширилади. Олиб чиқувчи поезд бир участка сарҳадидаги бир – икки оралиқ станциясига хизмат кўрсатади. Участка поезди бир участка сарҳадида қайта ишловсиз ўтиб боради. Ўткинчи поезд битта ёки бир нечта участка ёки саралаш станциясидан қайта ишловсиз ўтиб кетади. Бу поездлар техник станцияларда шаклланганлиги боис улар техник маршрутлар деб ҳам аталади. Жўнатиш станциясида юк ортилган вагонлар токи тайинланган станцияга етиб боргунича йўл сафарида бир неча турдаги поездлар составида бўлиши мумкин. Бу эса ўз навбатида юк вагонларини йўл сафаридаги бир неча оралиқ ва техник станцияларда турли техник ҳамда юк ва тижорат операциялар пайтларида тўхтаб туришини келтириб чиқаради.

7.1-расм. Юк поездлари таснифининг чизмаси Масалан: АБ участкасидаги б жўнатиш станциясидан ГЕ участкаси- даги г тайинланган станциясига юк ортилган вагон йўл сафарида қуйидаги вариантлар бўйича, поезлар составида етиб бориши мумкин, I- вариант: АБ, БВ, ВГ ва ГЕ участклардаги терма поезд составида ( 7. 2-расм). Бунда вагон терма поезд составида АБ, БВ, ВГ ва ГЕ участкларда йўл сафаридаги барча оралиқ станцияларда тўхтаб ўтади ҳамда Б, В ва Г техник станцияларида эса қайта ишловга тушиб ўтади; 7. 2-расм. Жўнатиш станциясидан тайинланган станцияга юк ортилган вагонларни терма поезд составларида етиб бориш чизмаси II - вариант: АБ ва ГЕ участкаларидаги терма поезд составида ҳамда БВ ва ВГ участкаларидаги участка поезд составида ( 7. 3-расм). Бунда вагон терма поезд составида АБ ва ГЕ участкларда йўл сафаридаги барча оралиқ станцияларда тўхтаб ўтади ҳамда Б, В ва Г станцияларида техник станцияларида эса қайта ишловга тушиб ўтади;

7. 3-расм. Жўнатиш станциясидан тайинланган станцияга юк ортилган вагонларни терма ва участка поезд составларида етиб бориш чизмаси III- вариант: АБ ва ГЕ участкаларидаги терма поезд составида ҳамда БВ ва ВГ участкаларидаги ўткинчи поезд составида ( 7. 4-расм). Бунда вагон терма поезд составида АБ ва ГЕ участкларда йўл сафаридаги барча оралиқ станцияларда тўхтаб ўтади ҳамда Б ва Г станцияларида техник станцияларида эса қайта ишловга тушиб ўтади; 7. 4-расм. Жўнатиш станциясидан тайинланган станцияга юк ортилган вагонларни терма ва ўткинчи поезд составларида етиб бориш чизмаси

Юқоридаги таҳлил шуни кўрсатадики юк ортилган вагонлар йўл сафаридаги оралиқ ва техник станцияларда турли техник ҳамда юк ва тижорат операцияларини бажаришда тўхтаб турадилар. Оралиқ станцияларида терма поездлар билан қуйидаги операциялар: терма поездан вагонларни узиш (отцепка), вагонларни терма поездга тиркаш (прицепка) бўйича маневрлар ва бу операцияларни тегишли тартибда расмийлаштириш бажарилади. Техник станцияларда қайта ишловга етиб келган (терма, участка ва ўткинчи) поездлар составлари билан қуйидаги операциялар: етиб келиш бўйича операциялар (операции по прибытии), вагонларни тарқатиш (расфармирование), йиғиш (накопление) ва шакиллаш (формирования), жўнатиш бўйича операциялар ( операции по отправлению ) ва уларни тегишли тартибда расмийлаштириш операциялари бажарилади. Маршрутларни аҳамияти ва турлари. Йўл сафаридаги оралиқ ва техник станцияларда вагонларни тўхтаб туриши ва техник ҳамда юк ва тижорат операцияларини бажариш катта миқдорда моддий маблағлар ва молиявий харажатларни келтириб чиқаради. Темир йўл транспортида бундай харажатларнинг қисқартиришнинг бирдан бир йўли юкларни ортиш жойларидан маршрутлаштиришдир (7.5-расм).

7. 5-расм. Жўнатиш станциясидан тайинланган станцияга юк ортилган вагонларни маршрут поезд составларида етиб бориш чизмаси Юкларни ортиш жойларидан маршрутлаштириш техник станцияларда вагонларни ортиқча қайта ишловидан халос этади, йўл сафаридаги оралиқ ва техник станцияларда вагонларни турли технологик операцияларда тўхтаб туришини кескин қисқартиради ва бунинг натижасида юкларни етказиб беришни ва вагонлар айланишини анчагина жадаллаштиради, маневр ишларини қисқартиради ҳамда станцияларни ривожлантиришга бўлган эҳтиёжни камайтиради. Юкларни ташиш Қоидаларида маршрутга қуйидагича таъриф берилган – бир ёки бир неча станцияда бир ёки бир неча юк жўнатувчилар ортган, бир станцияда туширишга ёки тарқалишга (распыления) тайинланган, юк поездларини шакллаш режасида назарда тутилган вагон оқимларини биттадан кам бўлмаган станцияни қайта ишловдан бўшатиш шарти билан Ўзбекистон Республикаси темир йўлларидан техникавий фойдаланиш Қоидаларига ва вагонлардан маршрутлар ташкил этиш (шакллаш) режасига мувофиқ юк жўнатувчи ёки темир йўли белгиланган массада ёки узунликда шакллаган поезд состави маршрут деб аталади. Маршрутлар ташкил этиш ва шакллаш усуллари бўйича қуйидаги турларга: а) бир станцияда бир юк жўнатувичи ортган вагонлардан шаклланган ҳамда бир темир йўл шохобча йўлда шохобча эгаси ва бошқа жўнатувчилар – мазкур темир йўл шохобча йўли контрагентлари ортган вагонлардан шаклланган жўнатувчининг маршрутларига ; б) бир станцияда турли юк жўнатувчилар ҳамда бир юк жўнатувчи ёки турли юк жўнатувчилар темир йўл участкасидаги ёки узелидаги бир

неча станциядан ортган вагонлардан шаклланган поғонасимон маршрутларга , бўлинадилар (7.6-расм). 7.6-расм. Маршрут турлари Станцияда шакилланган поғонасимон маршрутлар – станция поғонасимон (станционный ступенчатый) маршрути, темир йўл участкасида шакилланган поғонасимон маршрутлар – участка поғонасимон (участковый ступенчатый) маршрути, темир йўл узелида шакилланган поғонасимон маршрутлар – узел поғонасимон (узловой ступенчатый) маршрути деб аталади. Вагонларнинг тайинланиши бўйича маршрутлар қуйидаги турларга: а) бир тушириш станциясидаги бир ёки бир неча юк олувчилар адресига тайинланган вагонлардан шаклланган тўғри маршрутларга (маршрутларда юкларни қабул қилиш учун керакли техник жиҳозларга эга бўлган бундай станциялар ва юк олувчилар рўйҳатини минтақавий темир йўл

бўлинмаси, юк олувчилар билан мувофиқлаштирилган, таклифи асосида темир йўли белгилайди); б) тайинланган станциялар бўйича гуруҳ вагонларини териб танлаб олиш билан бир участка станцияларида тушириладиган маршрутларга (бир юк олувчи адресига вагон гуруҳларини максимал сони, темир йўл шохобча йўлини эксплуатацияси ва вагонларни олиб кириб бериш ва олиб чиқиш шартномасида белгиланган юк олувчини тушириш пунктининг тушириш қобилятига мувофиқ бўлиши керак); в) йўл сафарида қайта ишлашларни энг кўп қисқартиришни инобатга олиб, маршрутнинг йўл сафарида жойлашган участка ёки саралаш станцияларида юк поездларининг шакллаш режасига бўйича ташкил этилган тарқалиш станцияларига тайинланган маршрутларга (юк поездларини шакллаш режасидан кўчирма ва маршрут ташкил этиш режаси билан юк жўнатувчиларни темир йўли таъминлайди); г) тарқалиш пунктларда тайинланган станциялар ва юк олувчилар бўйича вагонларни нарига адреслаш (заадресовка – тушириш станциясини ва юк олувчини кўрсатиш) амалга ошириладиган, тарқалиш пунклари маршрутларига , бўлинадилар. Муомала кўлами бўйича жўнатувчининг маршрутларини: а) туширишдан сўнг худди шу состав аваллги станциясига ёки минтақавий темир йўл бўлинмасига такроран ортишга қайтариб келинадиган доимий составли ҳалқа маршрутларига ; б) туширишдан сўнг аваллги станциясига ёки минтақавий темир йўл бўлинмасига такроран қайтариб келинадиган, лекин баъзи бир вагонлар бошқасига алмаштирилиб ортишга бериладиган ўзгарувчан составли ҳалқа маршрутларига , бўлинадилар.

Ҳалқа маршрутларини ташкил этиш, вагонларни ортишга тайёрлаш харажарларини анчагина камайтиради ва вагонларни ортиш пункларида тўхтаб туришларини камайтиради. Юкларни ташишларни маршрутлаштиришни режалаш. Юкларни ташишларни маршрутлаштириш режаси поездларни шакллаш режасини ишлаб чиқишда тузилади. Поездларни шакллаш режасини тузишда энг аввал барқарор характерли йўналишлар бўйича вагон оқимлари асосида юк ташишларни маршрутлаштириш режаси ишлаб чиқилади. Юк ташишларни маршрутлаштириш ойлар бўйича тақсимлш билан квартал башоратларида ва асосий ойлик юк ташиш режасида назарда тутилади. Уставнинг 20-бандида, квартал башоратларида кварталда суткасига ўртача юк ортиш миқдори, ойлар ва юк турлари бўйича тақсимлаш билан тоннада ва вагонларда ҳамда маршрутларда юкларни ташиш бўйича топшириқ назарда тутилиши кераклиги такидлаб ўтилган. Уставнинг 21-бандида эса, асосий ойлик ташиш режаси билан бир қаторда юк жўнатувчилар тайинланган темир йўл станциясини ёки маршрут тарқалиш темир йўл станциясини кўрсатиб маршрутларда юкларни ташишга буюртманомаларни тақдим этишлари, марштутларда юкларни ташишга буюртманома тақдим этилмаганида ёки юк жўнатувчилар учун мажбурий бўлган квартал башоратининг ташиш ҳажмига нисбатан камайтирилган (заниженных) бюртманома тақдим этилганида ойлик маршрутлар сонини темир йўли ташишларни ёйиқ режасидан келиб чиқиб белгилаши назарда тутилган. Юкларни ташишларни башоратловчи юк жўнатувчилар юкларни ташиш кватрал буюртмасида (юкларни ташиш Қоидалари 1-бўлим, 4-илова) ҳар бир номдаги ташиладиган юк ҳажмидан маршрутларда ташиладиган юкларни фоизини квартал топшириқ лойиҳасида кўрсатадилар. Юкларни

маршрутларда ташишнинг квартал топшириғини кўриб чиқиш, мувофиқлашритиш ва тасдиқлаш тартиблари юкларни ташишни башоратлаштириш учун назарда тутилган тартибларда амалга оширилади. Темир йўли ойлар бўйича тақсимлаш билан кварталга юкларни ортишни белгиланган ҳажми асосида, башоратланадиган квартал бошланишига 23 кундан кеч қолмай, кварталнинг ойлари ва юкларни турлари бўйича, суткасига ўртача вагонларда ва тонналарда тақсимлаш билан юкларни ташишни миқдорини ҳамда маршрутларда юкларни ташиш бўйича топшириқни юк жўнатувчиларга хабар қилади. Юк жўнатувчиларга юкларни ортиш миқдори хабар қилинганидан сўнг, 3 сутка ичида улар томонидан эътироз бўлмаса квартал башорати мувофиқлаштирилган ҳисобланади. Юк жўнатувчилар қабул қилиб олинган ойлар ва юк турлари бўйича тақсимланган кварталда маршрутларда юкларни ташиш топшириғига мувофиқ, юкларни ташиш ёйиқ режаси билан бир вақтни ўзида, режалаштириладиган ой бошланишидан 14 кундан кеч қолмай маршрутнинг тайинланган станциясини кўрсатиб маршрутларда юкларни ташиш режасини темир йўлига тақдим этадилар. Оммавий юкларни ташиш одатда жўнатувчининг маршрутларида амалга оширилиши керак. Юк жўнатувчилар маршрутларда юкларни ташиш режасини белгиланган муддатда тақдим этмаганларида, маршрутлар сонини темир йўли юкларни ташишнинг ёйиқ режасидан келиб чиқиб белгилайди. Темир йўли ойлик ташиш режасини эълон қилиш билан бир вақтни ўзида, минтақавий темир йўл бўлинмасига асосий юкларни турлари бўйича вагонларда суткасига ўртача маршрутларда юкларни ташишни режасини белгилайди. Бутун темир йўли бўйича ва юкларни тури бўйича юкларни ташиш режасини темир йўли раҳбари тасдиқлайди ва минтақавий темир йўли бўлинмаси бошлиқларига юкларни ташишнинг ёйиқ режаси билан бирга эълон қилади. Минтақавий темир йўли бўлинмаси бошлиқлари

маршрутларда юкларни ташиш режасини станция бошлиқларига эълон қиладилар. Минтақавий темир йўли бўлинмаси бошлиқлари тасдиқланган маршрутларда юкларни ташишни режаси ва юкларни ташишнинг ёйиқ режаси асосида ойларни санаси бўйича маршрутларда ортиш календарь режасини юк жўнатувчилар билан келишиб олади. Керакли ҳолатларда, декада бошланишига уч суткага қадар минтақавий темир йўли бўлинмаси бошлиғи юк жўнатувчилар билан келишиб декадалар бўйича маршрутларда юкларни ортишни календар режасини корректировка қилади. Айрим ҳолатларда юк жўнатувчиларнинг буюртманомаси бўйича минтақавий темир йўли бўлинмаси бошлиғи, назарда тутилган тайинланган темир йўллар бўйича ташиш режаси доирасида, ортиш кунининг арафасида маршрутнинг тайинланган станциясини ўзгартиришга рухсат бериш ҳуқуқига эга. Минтақавий темир йўли бўлинмаси бошлиғи юк жўнатувчилар билан келишиб режалаштирилган ой бошланишига қадар минтақавий темир йўли бўлинмаси бўйича ой ва сутка ичида ортишни бир текис ва бир маъромда ҳамда ташишни йириклаштиришни ва жўнатувчининг маршрутларида юкларни ташиш бўйича топшириқни бажаришни таъминловчи, ташиш режасини бажариш тартибини белгилайди. Маршрутлаштиришнинг иқтисодий самарадорлиги. Юкларни ортиш жойларидан маршрутлаштириш смарадорлиги маршрутнинг ҳаракатланиб бориш тезлигидан (юкларни етказиб бериш муддатини камайишидан), ўртача ҳар бир маршрут қайта ишловсиз ўтиб борадиган техник станциялар сонидан, техник станцияларда ва ортиш ва туширш станцияларида вагонларни тўхтаб туришини қисқаришидан ҳамда ташкил этиладиган маршрутлар сонидан ва ҳар бир маршрут поездининг нетто массасидан (маршрутларда ташиладиган юкларнинг умумий

миқдоридан) аниқланади. Маршрутларда юкларни ҳаракатланиб бориш тезлиги вагонланган жўнатмага қараганда анча (30 % дан зиёдга) юқори бўлиб, бу тезлик қайта ишловсиз техник станцияларда поездларнинг тўхтаб туришини камайишига боғлиқ бўлади. Техник станцияларда вагонлар қайта ишланмаганлиги боис маневр ишлари ҳажмини камайишига ҳамда уларда вагонларнинг техник кўриги камайиши (қайта ишлов бериладиган поездда вагонлар икки маротаба, маршруда эса вагонлар бир марта техник кўридан ўтадилар) сабабли техник кўрик пункти хизматчиларининг штатининг қисқаришига эришилади. Ортиш жойларидан вагон оқимларни маршрутлаштириш иқтисодий самарадорлиги аниқалаш учун мартшрутларни ташкил этиш бўйича сарфларни ва иқтисодларни ҳисоблаб чиқилади. Вагон оқимларини маршрутлаштиришда ортиш пункларида вагонларни қўшимча тўхтаб туриши (вагон-соат) ва қўшимча маневр ишлар (локомотив-соат) бўйича сарфлар вужудга келади. Маршрутлаштиришнинг иқтисоди эса ҳар бир маршрут поезди қайта ишловсиз ўтиб борадиган йўл сафаридаги техник станциялар сонидан ва уларда вагонларни тўхтаб туриши (вагон-соат) ва маневр ишларини (локомотив-соат) бўйича камайиш натижасида вужудга келади. Маршрутларни ташкил этиш билан боғлиқ сарфлар иккита кўрсат- кичларни ҳисоблашдан иборат бўлади: а) ортиш пункларида вагонларни қўшимча тўхтаб туриши бўйича вагон-соат сарфлари, R в.с. = n ҳ.м. · Δt юк · е в.с. , сўм (7.1) бу ерда n ҳ.м. – ҳақиқий маршрутлаштирилган вагонлар сони, ваг ; Δt юк – вагонларни юк операцияларида қўшимча тўхтаб туриш

вақти, соат ; е в.с. – бир вагон-соат тўхтаб туришни баҳоси, сўм . б) ортиш пункларида қўшимча маневр ишлари бўйича локомотив-соат сарфлари, R л.с. = N м · T м · е л.с. , сўм (7.2) бу ерда N м – маршрутлар сони, мар ; T м – битта маршрутни ташкил этишга маневр ишлари сарфи, соат; е л.с. – бир локомотив-соат баҳоси, сўм . Маршрутларни ташкил қилиш бўйича умумий сарфлар: R ум. = R в.с. + R л.с. , сўм (7.3) Маршрутлаштиришнинг иқтисоди эса ҳар бир маршрут йўналишлар бўйича қайта ишловсиз ўтиб борадиган йўл сафаридаги техник станциялар сонидан ва уларда вагонларни тўхтаб туриши (вагон-соат) ва маневр ишлари (локомотив-соат) бўйича камайиш натижасида вужудга келади. а) вагон-соатлар бўйича иқтисод, E в.с. = n й.м. · K тех · Δt · е в.с. , сўм (7.3) бу ерда n й.м. – мазкур йўналишга жўнатиладиган маршрутлаштирилган вагонлар сони, ваг ;

K тех – мазкур йўналишдаги йўл сафаридаги техник станциялар сони; Δt – йўл сафаридаги техник станцияларда транзит вагонларни қайта ишловда тўхтаб туришига нисбатан транзит вагонларни қайта ишловсиз тўхтаб туришидаги иқтисоди, соат . б) локомотив-соатлар бўйича иқтисод, E л.с. = N й.м. · K тех · T р.ф. · е л.с. , сўм (7.4) бу ерда N й.м. – мазкур йўналишга жўнатиладиган маршрутлар сони, мар ; T р.ф. – йўл сафаридаги техник станцияларда техник поездларни тарқатиш ва шакиллашга сарфланадиган вақт, соат ; Вагон оқимларини маршрутлаштириш натижасида йўл сафаридаги техник станциялардаги умумий иқтисод қуйидагича аниқланади, ∑E ум. = ∑E в.с. + ∑E л.с. , сўм (7.5) бу ерда ∑E в.с. – йўналишлар бўйича жами вагон-соатлар бўйича иқтисод, сўм ; ∑E л.с. – йўналишлар бўйича жами локомотив-соатлар бўйича иқтисод, сўм .

Вагон оқимларини маршрутлаштириш натижасидаги умумий соф иқтисод қуйидагича аниқланади, Э = ∑E ум. – R ум. , сўм (7.6) Агар умумий соф иқтисод Э ≥ 0 бўлса ортиш жойларидан вагон оқимларни маршрутлаштириш иқтисодий самарали ҳисобланади.

O'xshashlar

Юкларни ташишни башоратлаш

Юкларни ортиш ва жўнатиш бўйича операциялар

Юк ва тижорат ишларини бошқариш асослари

Юк ва тижорат ишлари ва темир йўл транспортини ташқи фаолияти

Юкларни ташишга тайёрлаш ва қабул қилиш