Гидроэлектростанциялар - Suv xo'jaligi - Referatlar

Гидроэлектростанциялар

Yuklangan vaqt:

08.11.2019

Ko'chirishlar soni:

0

Hajmi:

2306 KB

Ko'chirib olish

Гидроэлектростанциялар Режа: 1. Гидроэлектростанцияларнинг жойлашуви. 2. Турбиналар ва уларни ГЭС биноларида ўрнатиш 3. Актив турбиналар 4. Реактив турбиналар 5. Турбиналарнинг кўрсаткичлари

Гидроэлектростанциялар Гидроэлектростанцияларнинг жойлашуви. Ўзан паст босимли гидроэлектростанциясининг биноси тўғон ёнида қурилади, босим фронти таркибига киради ва бетон тўғон каби, юқори бьефнинг сув босими таъсирида силжишга қарши чидамлиликка ҳисобланиши лозим. Бетон тўғонли паст босимли гидротехника иншоотлари бўғинининг жойлашуви 3.7- расмда кўрсатилган. Ўрта ва катта босимларда ГЭС биноси тўғон ортида қурилади. Бундай гидроэлектростанция тўғон қошидаги ГЭС деб аталади. Тўғон қошидаги ГЭС биноси гидротехника иншоотлари бўғинининг босим фронтига кирмайди, у тўғон ортида жойлашади. Бетон тўғонли тўғон қошидаги ГЭС схемаси 3.8 ,а - расмда келтирилган. ГЭС турбиналарига сув бетон тўғон станция қисмининг танасида ёки сиртда, унинг пастки қирраси бўйлаб ётқизилган қувурлар орқали келади. Агар тўғон грунт материаллардан қурилган бўлса, ГЭС биносига сув тўғон остида ётқизилган қувурлар, қирғоқдаги туннель ёки канал орқали келтирилади. Бу қурилмалардан сув ГЭС турбиналарига сув элтувчи турбина ўтказгичларига тушади.

3.7-расм. Паст босимли ўзан гидроэлектростанциясининг жойлашуви: а – иншоот тархи; б – ГЭС биноси бўйича АА кесим; 1 – ГЭС биноси; 2 – сув туширувчи тўғон; 3 – оралиқ; 4 – I навбат тўғон контури; 5 – II навбат тўғон контури; 6 – сув ўтказувчи тирқишларнинг затворлари; 7 – ГЭС сув қабул қилгичи; 8 – генератор; 9 – трансформатор; 10 – турбина Тўғон қошидаги ГЭСли гидротехника иншоотлари бўғинлари қўлланиладиган жойлашувларининг схемалари 3.8-расмда кўрсатилган. Агар ГЭСни каналда қуриш мўлжалланаётган бўлса, гидроэлектростанциянинг жойлашуви 3.9-расмда келтирилган кўринишга эга бўлиши ҳам мумкин. Деривация ГЭСи станция бўғинининг жойлашуви деривация типига боғлиқ бўлади. Агар деривация босимсиз, канал ёки босимсиз туннел кўринишида бўлса, унинг охирида сув олиш иншоотили босимли ҳовуз қурилади. Бу иншоотнинг вазифаси – турбина сув ўтказгичларига сув олинишини таъминлаш.

Мазкур сув ўтказгичлар орқали сув ГЭС турбиналарига тушади. Бу иншоотда затворлар ва хас-чўпни ушлаб қолувчи панжаралар ўрнатилади. Босимли ҳовузда зарур ҳолда ортиқча сувни ташлаш, шовушни чиқариб ташлаш ва оқиндиларни ювиш учун мўлжалланган қурилмалар назарда тутилади. Агар деривация жуда узун бўлса, босимли ҳовуз яқинида ёки деривация трассасида ГЭС сув сарфлари ва қувватларини суткалик ростлаш 3.8-расм. Тўғон қошидаги гидроэлектростанциялар жойлашуви: а – гравитацион тўғонли; б – арксимон тўғонли; в – тупроқ тўғонли ва сув қувурлар орқали келтириладиган; г – тупроқ тўғонли ва сув туннель орқали келтириладиган; 1 – тўғоннинг қирғоқдаги тупроқ қисмлари; 2 – тўғоннинг сув туширгич қисми; 3 – ГЭС биноси; 4 – сув қабул қилгич; 5 – тўғоннинг станция қисми; 6 – турбина сув ўтказгичлари; 7 – тупроқ тўғон; 8 – тенглаштирувчи резервуар; 9 – шахтали сув ташлагич; 10 – сув ташлагичнинг сув четлатиш туннели; 11 - қирғоқ юзасидаги сув ташлагич; 12 – арксимон тўғон

ҳовузлари қурилади. Босимли ҳовуз ва суткалик ростлаш ҳовузининг схемаси 3. 10 -расмда кўрсатилган. Агар деривация узун ва босимли, туннель ёки қувурлар кўринишида бўлса, деривация охирида тенглаштирувчи резервуар ўрнатилади. Резервуарнинг вазифаси – туннель ёки қувурларни гидравлик зарба – босимнинг ошишидан асраш. Босимнинг бундай ошиши сув оқими кескин камайиши натижасида ГЭС агрегатлари тез тўхтаганида юз беради. Тенглаштирувчи резервуар мавжуд бўлган ҳолда туннель ёки қувурлардан сув мазкур резервуарга қуйилади ва максимал сатҳгача кўтарилади, бунда босимли сув ўтказгичларда босим гидравлик зарба ҳолатидагидан анча оз кўтарилади. Тенглаштирувчи резервуар қояда ўйилган шахта ёки ер юзасига қурилган минора кўринишида бўлиши мумкин (3.10-расм, а).Сув сатҳининг ўзгарувчанлик даражаси катта бўлган ҳолда баланд резервуар талаб этилади. Бунда ишлар ҳажми ва қийматини камайтириш учун резервуар кичик диаметрли шахта билан бирлаштириладиган сув туширгичли устки камера ва пастки камера кўринишида қурилади (3.10, б -расм). Тенглаштирувчи резервуар баландлиги 150 метрдан ошиши мумкин (масалан, Грузиядаги

3.9-расм. Каналда қурилган кичик ГЭС иншоотларининг намунавий схемаси: 1 – сув четлатувчи канал; 2 – ГЭС биноси; 3 – шаршара-сув ташлагич; 4 – сув урилма қудуқ Ингурия ГЭСи). Тенглаштирувчи резервуар ортида туннель турбина сув ўтказгичларига ажралади. Бу сув ўтказгичлар бошида махсус бинода затворлар ўрнатилади. Босимли туннелдан иборат ГЭСнинг деривация схемаси 3.11-расмда кўрсатилган. Айрим ҳолларда туннель шаклидаги турбина сув ўтказгичлари қуриш мақсадга мувофиқ бўлади. Деривацион каналли ГЭСда босимлар ўртача ва сув сарфи катта бўлган ҳолда темир-бетон турбина сув ўтказгичлари қурилса, мақсадга мувофиқ бўлади.

3.10-расм. Тенглаштирувчи резервуарларнинг схемалари: а – цилиндрсимон резервуар; б – сув туширгичли икки камерали резервуар; 1 – босимли деривация туннели; 2 – тенглаштирувчи резервуар; 3 – турбина сув ўтказгичлари; 4 – пастки камера; 5 – бирлаштирувчи шахта; 6 – сув туширгич; 7 – устки камера; 8 – камерани бўшатиш учун тирқишлар; 9 – кучланиш ташланганида резервуардаги сув сатҳи ўзгаришлари; 10 – кучланиш ишга солинганида резервуардаги сув сатҳи ўзгаришлари

3.11-расм. Деривацион туннелли гидроэлектростанция: 1 – тўғон; 2 – сув қабул қилгич; 3 – босимли туннель; 4 – тенглаштирувчи резервуар; 5 – затворлар ўрнатилган бино; 6 – турбина сув ўтказгичлари; 7 – зулфинли таянч; 8 – ГЭС биноси; 9 – электр узатиш тармоғи Деривация ГЭСи биносининг жойлашган ўрни топографик ва муҳандислик-геологик шароитларга боғлиқ бўлади ва пировард натижада техник-иқтисодий ҳисоб-китоблар ҳамда вариантларни таққослаш натижасида аниқланади. Турбиналар ва уларни ГЭС биноларида ўрнатиш Ҳаракатланаётган сув энергиясини механик энергияга айлантирувчи двигатель сув турбинаси деб аталади. Иш принципига кўра сув турбиналарининг икки асосий типи – актив ва реактив сув турбиналари фарқланади. Актив турбиналар Актив турбинанинг умумий схемаси 3.12-расмда келтирилган. Горизонтал валга айлананинг бутун узунлиги бўйлаб жойлаштирилган куракли ғилдирак кийдирилган; у ишчи ғилдирак деб аталади. Кураклар чўмич шаклида ясалган. Юқори бьефдан сув ишчи ғилдиракка кийдирма – сопло билан тугайдиган қувур йўли ёрдамида келтирилади.

Босим H кийдирма қаршисида тўлалигича оқимнинг жонли кучига айланади ва сув соплодан атмосферага катта тезликда оқиб чиқади. Соплодан чиққан оқим ўз йўлида ишчи ғилдирак куракларига дуч келиб, уларнинг бирортасига тушади ва ғилдиракни айлантириб, айни ва қ тда ишни бажаради. Оқим бир куракни туртиб узоқлаштирганидан кейин сув зарбаси бошқа куракка тушади, яъни ғилдиракнинг айланиш жараёни узлуксиз юз беради. Бу ерда оқим энергиясидан фойдаланиш жараёни атмосфера босими шароитида юз беради, энергия ишлаб чиқариш эса фақат сувнинг кинетик энергияси ҳисобига амалга оширилади. 3.12-расмдан кўриш мумкинки, айни ҳолда юқори ва қуйи бьефлардаги сув сатҳларининг фарқи H эмас, балки (H – a) катталик, яъни юқори бьеф ва сопло сатҳларининг фарқи фойдаланилувчи босим бўлади. Бу ерда а – босимнинг бой берилган қисми. Актив турбиналарда сув оқимини ишчи ғилдиракка йўналтирувчи ва сув миқдорини ростловчи, яъни қувватни ўзгартирувчи аппарат функцияларини игнасимон затворли кийдирма бажаради. Бу кийдирма ёрдамида турбинанинг ишчи ғилдирагига сув узатишни тўхтатиш мумкин. Ҳозирги айрим актив турбиналарда, агар сув ғилдиракка икки кийдирма орқали келтирилган бўлса, вақтнинг ҳар бир лаҳзасида бир эмас, балки икки курак сув оқими таъсири остида бўлади. 3.12-расмда тасвирланган актив турбина (унинг ишчи ғилдираги куракларининг шаклига кўра) оқимли-чўмичли деб аталади; у юқори босимли гидроэлектростанцияларда ўрнатилади.

3.12-расм. Актив (оқимли-чўмичли) турбина: а – бўйлама кесими; б – кўндаланг кесими; 1 – ишчи ғилдирак; 2 – ишчи ғилдирак вали; 3 – кийдирма (сопло); 4 – сувни турбинага келтирувчи босимли (турбинали) қувур йўли; 5 – игнасимон затвор; 6 - қоплама Реактив турбиналар Ишчи ғилдирак бутунлай босим остидаги сув оқимида турувчи ва унинг букилган кураклари ўртасидан оқиб ўтувчи сувнинг реактив босими таъсирида ҳаракатга келувчи турбиналар реактив турбиналар деб аталади; бунда кўрсатилган босим барча куракларга бирваракай узатилади. Ишчи ғилдирак, қоида тариқасида, вертикал валга кийдирилади ва мазкур вал орқали электр генератор ҳаракатга келтирилади. Радиал-ўқли турбиналар ва бурилма-парракли турбиналар энг кенг тарқалган реактив турбиналар ҳисобланади. Пропеллерли турбиналар нисбатан камроқ қўлланилади (3.13-расм). Радиал-ўқли турбиналарда ишчи ғилдирак парраклари тўғинга ҳаракатланмайдиган қилиб қотирилган бўлади, пропеллерли турбиналарда эса улар втулкада ўрнатилади. Бурилма-парракли турбиналарда парраклар цапфаларда айланиши ва босим билан сув сарфи миқдорига қараб турбинанинг энг катта фойдали иш коэффициентини таъминловчи ҳолатни эгаллаши мумкин.

Бурилма-парракли турбинанинг қуйидаги турлари мавжуд: бир цапфага икки паррак маҳкамланган икки парракли турбина (3.13, г -расм); диагонал бурилма-парракли турбина (3.13, д -расм). Реактив турбинали гидротурбина қурилмаси (3.14-расм) қуйидаги асосий элементлардан ташкил топади: ишчи ғилдирак, йўналтирувчи аппарат, турбина камераси ва сўрувчи қувур. Йўналтирувчи аппарат турбина қувватини ростлаш ва унинг айланишлари сонини ўзгармас ҳолатда сақлаш учун ишчи ғилдиракка тушувчи сув сарфини ўзгартиришга хизмат қилади. Бу функция генератор айланиш тезлигининг барқарорлигини таъминлаш зарурати билан белгиланади. Ишлаб чиқариладиган электр токи частотаси генераторнинг 3.13-расм. Реактив турбиналарнинг ишчи ғилдираклари: а – радиал-ўқли; б – пропеллерли; в - бурилма-парракли; г – икки парракли бурилма-парракли; д – диагонал бурилма-парракли

3.14-расм. Реактив турбинали гидротурбина қурилмаси: 1 – сув қабул қилгич камераси; 2 – турбина статори; 3 – йўналтирувчи аппарат; 4 – генератор; 5 – турбинанинг ишчи ғилдираги; 6 – турбинали (спиралли) камера; 7 – сўрувчи қувур . айланиш тезлигига боғлиқ бўлади (Ўзбекистонда қабул қилинган ўзгарувчан ток частотаси секундига 50 даврни ташкил қилади). Шу сабабли турбинанинг бир минутдаги айланишлари сони эркин бўлмайди, балки генератор конструкциясига кўра танланади. Заводларда бир минутдаги айланишлари сони қуйидагича бўлган гидроагрегатлар ишлаб чиқарилади: 300, 250, 214, 187,5, ..., 88,3, 75, 60, 50 ва б. Турбина айланишларининг меъёрий сонидан у ёки бу томонга оғишлар амалда 5-6% дан ортиқ бўлиши мумкин эмас. Бу шартни бажариш учун вақтнинг ҳар лаҳзасида турбина орқали ўтувчи сув сарфи генератор берувчи қувватга мос бўлиши лозим. Бу мувофиқлик бузилган ва генератор кучланиши камайган тақдирда турбина, ортиқча қувватга эга бўлган ҳолда, тезлана бошлайди; генераторга тушувчи юк кўпайган тақдирда турбина қувватнинг камлиги туфайли генераторга айланишларнинг меъёрий сонини таъминлай олмайди, натижада генератор меъёрий кучланиш ва зарур қувватни бермайди. Йўналтирувчи аппарат тузилиш жиҳатидан турбинанинг ишчи ғилдираги атрофига ўрнатилган кураклар системасидан ташкил топади. Ҳар бир курак вертикал ўққа маҳкамланган бўлиб, унда айланиши мумкин, бироқ айланиш шундай амалга оширилиши лозимки, барча кураклар бир вақтда

айни бир бурчакка бурилсин. Турбинага сув фақат кураклар ўртасидаги тирқишлар орқали тушиши мумкин, агар йўналтирувчи аппарат қўшни кураклар бир-бири билан туташувчи ҳолатга келтирилса, ишчи ғилдиракка сув тушмай қўяди ва турбина тўхтайди. Турбинанинг тўла очилиш ёки ёпилиш вақти автоматик ростлагич мойли сервомоторининг қувватига қараб 3-8 соат атрофида бўлади. Турбинали камера турбина ГЭС биносига бевосита ўрнатиладиган жой ҳисобланади. Айна шу камера орқали сув йўналтирувчи аппаратга ва сўнгра турбинанинг ишчи ғилдирагига тушади. Очиқ ва ёпиқ турбинали камералар фарқланади. Очиқ турбинали камералар (3.15-расм) одатда босимлар 6-8 м дан ошмайдиган шароитда ва ишчи ғилдиракларнинг диаметрлари унча катта бўлмаган ҳолда қўлланилади. Очиқ камера шифти, қоида тариқасида, камерадаги сувнинг эркин юзасидан баландроқда жойлашади. Тархда бундай камералар тўғри тўртбурчак, квадрат ва эгри чизиқли шаклларга эга бўлади. Ўртача ва катта қувватли турбиналар сув йўналтирувчи аппаратнинг бутун айланаси бўйлаб бир текис узатилишини таъминловчи спиралли ёпиқ камераларга ўрнатилади (3.14-расмга қаранг). Шу мақсадда спиралли камеранинг кесими аста-секин камайтирилади, масалан, 3.16-расмда кўрсатилган тарзда. Босимлар 25 м гача бўлган ҳолда спиралли камералар темир-бетондан ясалади, юқори босимли ГЭСларда эса улар темирдан шиллиқурт кўринишида ясалади (3.17-расм). Сўрувчи қувур реактив турбинадан сувни четлатиш учун хизмат қилади. Бундай қувурга эҳтиёж қуйидаги ҳолатлар билан белгиланади. Реактив сув турбинаси одатда қуйи бьефдаги сув сатҳидан юқорироқда, ундан айрим минимал баландликда (h s ) жойлашади (3.15-расмга қаранг). Бунда ГЭС мазкур баландликка (h s ) тенг миқдорда босимни йўқотмаслиги ва турбина

3.15-расм. Очиқ турбинали камерадан иборат реактив сув турбинасининг схемаси: 1 – ишчи ғилдирак; 2 – ишчи ғилдирак вали; 3 – турбина қопқоғи; 4 – йўналтирувчи аппарат; 5 – конуссимон сўрувчи қувур; 6 – очиқ турбинали камера ишчи ғилдиракларининг парракларидан тушувчи оқимнинг кинетик энергиясидан ҳеч бўлмаса қисман фойдаланиш учун турбинали камеранинг чиқиш тешигига нариги учи қуйи бьефнинг сув сатҳи остига қараб кетган махсус қувур бириктирилади. Шу тариқа сув реактив турбинанинг ишчи ғилдирагидан чиқиб атмосферага тушмайди, балки сўрувчи қувур орқали, уни бутунлай тўлдирган ҳолда қуйи бьефга ўтади. Турбинада босим h s дан фойдаланилиши шу билан белгиланадики, сўрувчи қувурда, у зич берклиги ва қуйи бьефдаги сув сатҳи остига киритилгани боис, сийракланиш (бўшлиқ) доимо мавжуд бўлади. Сўрувчи қувурлар шакл жиҳатидан тўғри ўқли (3.15- расм) ва букилган (3.14-расм) бўлади. Муайян ГЭС учун қувур шакли босимга, шунингдек турбина типи, ўлчамлари ва тез юриш даражасига қараб танланади.

Турбиналарнинг кўрсаткичлари Турбинанинг асосий кўрсаткичи унинг тез юриш даражаси ҳисобланади. Ҳар қандай турбинанинг тез юриш даражаси илдамлик коэффициенти билан, яъни 1 м га тенг босимда 0,73 кВт қувватни ривожлантирувчи унга геометрик жиҳатдан ўхшаш модель-турбина берувчи айланишлар сони билан тавсифланади (бундай турбиналар айни бир шаклга ва кураклар сонига эга бўлади ва фақат ўлчамлари билан фарқ қилади). Гидравлик двигателлар назариясида турбинанинг илдамлик коэффициенти учун қуйидаги ифода таклиф қилинган: ,/ 4 HHNnn s  (3.7) бу ерда n s – илдамлик коэффициенти; n - турбинанинг бир минутдаги айланишлари сони; N - қувват; H - босим, м. (3.7) формуладан кўриниб турганидек, турбинанинг айланишлари сони берилган босим ва қувватда илдамлик коэффициентига тўғри пропорционал:

3.16-расм. Арматураланган бетондан ясалган спиралли турбина камераси: а – тархи; б – бўйлама кесими; в – кўндаланг кесимлари (1, 2, 3, ..., 8) 3.17-расм. Темирдан ясалган спиралли турбина камераси ./4 NHHnn s (3.8) Шундай қилиб, айни бир босимда кўпроқ айланишлар сонини олиш учун илдамроқ турбиналардан фойдаланиш лозим. (3.7) формуладан тағин шу нарса кўринадики, берилган айланишлар сони ва қувватда босим кўпайиши билан илдамлик коэффициенти пасаяди. Бинобарин, ўз тез юриш даражаси билан ажралиб турадиган турбиналарнинг ҳар бир типи фақат муайян босимларда қўлланилиши мумкин. Турбиналарнинг асосий типлари қуйидаги илдамлик коэффициентлари билан тавсифланади: Чўмичли турбиналар ........................................................... 4-24 Радиал-ўқли турбиналар секин юрувчи ..............................50-150 нормал юрувчи .................................................................... 150-250 тезюрар ................................................................................ 250-450 Пропеллерли ва бурилма-парракли турбиналар ................300-1000 Тез юриш даражаси ошиши билан турбиналарнинг ўлчамлари кичраяди. Бироқ турбиналарни танлаш фақат илдамлик белгисига кўра амалга оширилмайди; босим H ва илдамлик коэффициенти n s ни боғловчи қўшимча шартлар, масалан кавитация мавжуд.

Кавитация – турбиналарнинг парракларини катта тезликдаги сув оқими айлантирганида юзага келувчи, металл коррозияси, унинг толиқиши ва емирилишига олиб келадиган маҳаллий гидравлик зарбаларга сабаб бўлувчи парракларнинг пульсациялари билан бирга кузатилувчи мураккаб физик ҳодиса. Кавитация ҳодисаларини ҳисобга олган ҳолда пропеллерли ва бурилма-парракли турбиналардан 25-30 м ва пастроқ босимларда фойдаланилиши мумкин, бунда n s  700  800 бўлган турбиналар босим 6-7 м дан паст бўлган ҳолда қўлланилади. Радиал-ўқли турбиналар босим 25-300 м бўлган ҳолларда ўрнатилади; босим ортиши билан илдамлик кўрсаткичи пастроқ бўлган ишчи ғилдираклар қўлланилади. Босим 300-350 м дан ортиқ бўлган ҳолда фақат чўмичли турбиналар ўрнатилади. Турбинанинг фойдаланиш кўрсаткичларига ГЭСдаги босим ва сув сарфи ўзгаришининг бутун доирасида турбинанинг фойдали иш коэффициенти қийматига кўра баҳо берилади. Ҳар хил типдаги турбиналарда ГЭСдаги босим ва сув сарфи ўзгаришига қараб фойдали иш коэффициенти ҳар хил ўзгаради. Турбинанинг фойдали иш коэффициенти қандай ўзгариши ҳақида ҳукм чиқариш учун турбиналарнинг моделлари лаборатория шароитида синовдан ўтказилади. Турбина модели ҳақиқий турбинанинг кичрайтирилган аниқ нусхасидан иборат бўлади. Модель қурилмада турбиналарнинг ҳар хил кўрсаткичлари аниқланади.

Фойдаланилган адабиётлар рўйхати : 1. Можевитинов А.Л. и др. Введение в гидротехнику, М., 1984 г. 2 .Рассказов Л.Н. и др. Гидротехнические сооружения, в 2частях М. Стройиздат, 1996. 3.Субботин А.С. Основы гидротехники и гидрометрических сооружений.Л. Гидрометеоиздат, 1991. 4. Бакиев М., Носиров Б., Хўжақулов Р. Гидротехника иншоотлари. Т., “Талқин”, 2007. 5.Баиев М, Мажидов Ҳ., Носиров Б., Хўжақулов Р., Раҳматов М. Гидротехника иншоотлари. Т., “Ванги аср авлоди”, 2008. 6 .Файзиев Х. Гидротехника иншоотлари. Ўқув қўлланма, 3-қисм. ТАҚИ 2003й 7.Файзиев Х., Хусанхўжаев Ў.И. Гидротехника иншоотлари.Ўқув қўлланма, 1-қисм. ТАҚИ 2007й.

O'xshashlar

Гидротехника иншоотлари ва уларнинг ишлаш шароитлари

Иншоотларни барпо этиш технологияси

Дарё гидроузелларидан фойдаланиш тўғрисида умумий маълумотлар

Дарё гидроузеллари барқарор иш фаолиятига таъсир этувчи омиллар

Gidrotexnika inshootlari va ularning ishlash sharoitlari