Режиссёрлик бурчининг уч қирраси - San'at - Referatlar

Режиссёрлик бурчининг уч қирраси

Yuklangan vaqt:

17.05.2023

Ko'chirishlar soni:

0

Hajmi:

66 KB

Ko'chirib olish

Режиссёрлик бурчининг уч қирраси Режа: 1. Режиссёр-ойна (кўзгу). 2. Режиссёр — спектакль ташкилотчиси.

Театр санъати нечоғли ривожланган бўлмасин актёрлар маҳорати, хамда драматург асари қанчалик мукаммал бўлмасин, ижодий жамоа нақадар кучли ва тарбияли бўлмасин режиссёр — талқини амалга оширувчи барча омиллар синтезлашган холда бирлашмаса бадиий яхлит спектакл пайдо бўлмайди. Бирлаштирувчи куч режиссёрнинг ташкилотчилик қобилятидир. В. И. Немирович -~ Данченко ўзининг "Ўтмишдан" деган асарида режиссёрлик бурчининг уч қирраси бўлиши керак деган таълимотни олға сурди. Ҳозирги замон театрида жамоага ижодий раҳбар бўлиш учун бу уч қирра режиссёрларда мавжуд бўлиши талаб қилинади. Улар: - режиссёр — тушунтириб берувчи, педагог; - режиссёр — ойна (кўзгу), кўрсатиб берувчи; - режиссёр — ташкилотчи, каби тушунчалардир; Пьесани жамоа билан ўқиш режиссёрни спектакль устида иш бошлаш жараёнида муҳим босқич ҳисобланади. Чунки, режиссёр — актёрлар, рассом, композитор билан ҳамкорликда иш олиб бориши учун ўз режасини, уларга тўғри тушунтира олиши керак. Спектакль яратиш жараёни қатнашган ҳар бир ходим пьесани ўрганишда режиссёрдан бевосита кўмак олади. Лекин режиссёрнинг энг муҳим вазифаси актёр билан тўғри ишлашдир. Шунинг учун ҳам ҳар бир ролни тўғри тақсимлаш ва тушунтиришда, спектаклнинг бадиий образни яратишда, пьесанинг ғоявий-бадний қимматини тўғри аниқлашда режиссёрнинг уч қирраси мухим вазифани бажаради. Бу уч қирра: пьеса воқеалар тартибини аниқлашда, шарт-шароитларини ўзлаштиришда; жанр ҳусусиятларини, белгилашда ёзувчининг тили ҳамда бадиий услубини англашда мавзунинг долзарблигини белгилашда; актёрларнинг ўз образларига бўлган муносабатини аниқлашда энг мухими характерларни очишда ёрдам беради. Репитицияларни уюштириш , спектакль яратаётган барча ижодкорларни бир мақсадга йўллаш, иш вактидан унумли фойдаланиш, барча цехлар ишини назорат остита олиш, спектаклга техникавий ёрдам бевчиларга тўғри вазифа

бериш — буларнинг хаммаси режиссёрдан улкан ташкилотчилик қобилиятини талаб қилади. Маълумки театр жамоавий ва синтетик санъат, тури, бас шундай экан бошқа саньат турлари усталарини бир мақсад йўлида бирлаштириш, уларни тўғри йўналтириш, хатоларини ўз вақтида аниқлаш лоқайдларини кези келганда якка-якка холда тарбиялаш, бўлғуси спектакль учун жавобгарлик хиссинни пайдо килиш, режиссёрнинг ташкилотчилик ва тушунтира олиш кобилиятларига боғлиқ. Шунинг учун буюк режиссёр ва педагог Немирович Данченконинг режиссёрлик бурчининг уч қирраси хақидаги таъмилимотининг аҳамияти ҳозирги пайтга келиб янада ошаяпти. Айниқса тушунтириб бериш – педагогик сифатида жамоани тарбиялаш актёрлар маҳоратини ошириш, дунё қарашини шакллантириш, билим доирасини кенгайтириш, ўз устида ва роль устида ишлашга ўргатиш, бадиий дидини ўстириш, нутқи техникасини такомиллаштириш, унинг инсоний юрагини тозалаш,бағри кенглик рухида тарбиялаш, интизомга ўргатиш каби қатор вазифалар режиссёр-тарбиячи педагогнинг зиммасида .. .Мана шуларни амалга ошириш учун режиссёр аьло даражада тушунган ва тушунтира олувчи бўлиши керак. Режиссёрнинг бу хусусияти фақат актёрлар билан ишлаганда эмас, балки спектакль саҳналаштириш жараёнида бошқа ижодкорлар билан хамкорлигида ҳам амалга ошиши заруратга айланади. Демак, режиссёр аввало педагог ёки тушунтирувчи.Бу қирра актёрларни тарбиялаш билан бир қаторда пьесани улар билан таҳлил қилишда воқеаларни баҳолашда, ва унга нисбатан муносабатини аниқлашда ҳаётий мисоллар билан тушунтиришда етакчилик қилади. Бунинг учун режиссёр ўзи актёрлик маҳорати техникасини тўғри тушуниши унинг ёрдамида ўзига хос бадиий буёқларни кўрсата билиши" лозим. Кези келганда актёрларга у ёки бу саҳнани кўрсатиб берганида улар кўрганларини ривожлантириб, ҳаракат қила бошласа,режиссёр учун бу энг олий ютуқдир. Лекин кўп ҳолларда режиссёр ўз мавқеини суи истемол қилиб, ёки актёрдан ўзини кобилиятли билиб, ролни ипидан-игнасигача кўрсатиб беради. Актёрдан фақат шуларни кўчириб

ижро этишларини талаб қилади. Натижада, актёр фаоллигини бўғиб, мавқеини қуғирчоққа тенглаб қўяди. Бундай холатда актёрлар ижод қилишдан тўхтайди, спектакль режиссёр кўрсатмасидан кўчирилган бир ҳил ижро услубидаги томошага айланади. Театр санъати учун анъанавий шиорга айланган хақикий "режиссёр актёрда ўлиши керак" деган афорзмга амал қилинсагина режиссёр томонидан экилган "уруғ" униб чиқиб,хосил бериши мумкин. Агар актёрлар режиссёр томонидан кўрсатилган у ёки бу ҳолатларини эслаб қолишга ҳаракат қилиб, уни чуқур тушунмаса ёки ўз ҳиссий туйғуларида акс эттирмаса, ижро хаётий бўла олмайди. Бу ҳолларда режиссёр кўрсатуви зарарлидир. Агар бунинг акси бўлиб, режиссёр кўрсатгани актёр юрагига таъсир этиб, яхши заминга уруғ тушса ва унинг туйғулари хамда фантазиясини уйғотиб юборса, нур устига аъло нур. Демак актёр режиссёр кўрсамаларидан илхомланиб, ўз харакатини янгитдан, қайта ярата бошлайди. Спектакль бунёд этиш жараёнида режиссёрнинг психолагик қирраси энг асосий ўринлардан бирини эгаллайди. Чунки, иштирокчилар билан биринчи учрашувда уларни ўз режасига қизиқтира олса, ижод қилиш учун манба топиб берса, пьеса ғояси, ундаги персонажларнинг ҳарактери, режиссёр режаси актёрлар қалбини эгалласа, уларнинг тасаввурини ишга солиб юборса, режиссёр ўз мақсади сари тўғри қадам қўйган бўлади. Немерович.- Данченко бу жараённи театр коллективи, айниқса ёшлар учун тарбиявий аҳамитни жуда катта эканлнгини кўп марта уқтириб ўтган эди. "Чанқоқ актёрни муаллиф фикри билан суғориш керак", — деб таькидлар эди буюк режиссёр. Немирович-Данченко режиссёр-педагогларга хос бўлган "айтиб берувчи"лик қобилиятига эга эди. Унинг билими, ҳаётий тажрибаси ва таъсуротлари шундай бой эдики, бунинг натижасида актёрлар ўзлари сезмаган ҳолда у ёки бу айтилган сўз таъсирида воқеа ёки лавҳа мазмунини, унинг ҳаётий асосини илғаб олардилар, шу дақиқанинг ўзидаёқ ҳолатлар учун керакли бўлган ҳиссий туйғулар вужудга келар эди.

Пьесадаги шарт-шароитлар режиссёр томонидан тўғри талқин этилиши — актёрлар билан биринчи учрашувдаёқ образнинг бошланғич ғоясини тўғри тушунишга, мақсадни тўғри илғаб олишга, улар фантазиясини уйғотиб, фикрларини фаол ишлашига сабаб бўларди. Агар мана шу жараёнда актёр муаллиф ғоясини илғаб олса, ижодий уйғониш режиссёрлар талқинини тўғри тушуниш вужудга келиб, чинакам изланиш жараёни бошданади. Режиссёр бу жараёнга эришгандан кейин актёрларни ўз холига ташлаб қўймасдан, репетициядан – репититцияга фаоллаштириб бормаса улар нотўғри йўлга кириб кетиши хеч гап эмас. Шунингдек репетициялар давомида актёрлар билан образ ҳақидаги фикр ва мулоҳазаларини бойитиши, янгилаши ва доимо изланишлари учун туртки бўлиб туриши лозим. Актёрни кеча қилинган ишини бугун янада бойитиб, ривожлантириб, образини пишитишга илҳомлантириб туриши керак. Шундагина режиссёр кўзда тутган мақсадига тўғри йўл топган бўлади. Режиссёр-ойна (кўзгу). Режиссёр репетицияда ўтириб, актёрларнинг ютуғи ва камчиликларини худди ойнадек ўзида акс эттиради. Бу ҳусусият натижасида актёрлар ўз интилишларини тўғри ҳис қила олади. Режиссёр режасини ўзида акс этираётган актёрнинг ютуқ ва камчилигини узлуксиз кузатиб туриш, унинг фантазиясини интилишларини муаллиф фикри асосида нечоғли тўғри кетаётганига бахолаб боришдир. Шу билан билан бир қаторда актёр талқинини тўғрлаб, унинг фикрларини ривожлантириш ва уни ижод йўлига йўллашидир. Актёр эса ўзини хақиқатан ҳам режиссёр муносабати орқали ойнада кўргандек бўлиши керак. "Мана бу ери яхши, мана бу ерида мана буни хохладингизми, шу еринн бундай қилиб кўринг"— деб айтилган сўз актёрга ёрдам бераётганини хис қилиш хам катта фазилат. Актёр ижросини тўғри акс эттириш учун унинг ўзига хос ҳусусиятини, кўз илғамас томонларини ҳам сезувчи диққат, эьтибор керак. Персонаж

характери актёр ижросида қандай ифодаланаётганини туғри акс эттириши учун режиссёрнинг ўзи актёр яратиши лозим бўлган образ ҳаётини ундан яхши билиши лозим. Репетиция вақтида режиссёр нигохи актёр фикридан олдинроқ юриши билан бир вақтда, персонаж фикрининг оқимини ҳам тўғри-нотўғрилигини кузатиб бориш натижасида вақти-вақти билан репетицияни тўхтатмасдан кичик нуқсонларни тўғрилаб туришнинг хам ахамияти бор. Бундай қобилиятга эга бўлиш учун режиссёр, юқорида айтганимиздек актёрларининг бадиий имкониятларини, индивидуал ҳусусиятларини ва актёрлик маҳоратинииг элементларини пухта билиши зарур. Шундагина актёр режиссёрда ўз аксини тўғри кўриб, тегишли хулоса чиқариши мумкин. Режиссёр — спектакль ташкилотчиси. Режиссёр спектаклнинг барча тарккибий қисмларини ўз назаротида ушлаб тургани ҳолда актёр ижодини биринчн ўринга кўйиб, унга кўмаклашадиган ёрдамчи воситаларни, унинг атрофида гармоник равишда бирлаштирган холда бадиий яхлитликка эришади. Бу ўринда режиссёр — ташкилотчи сифатида мутлоқ хукмрондир. У бошқаларга нисбатан спектаклнинг воқеалар оқими ечимини қандай ташкил қилишни аниқ билади. Чунки, режа пайдо бўлгандан бошлаб ўз тасаввурида актёрлар ижроси, рассом режаси, композитор мусиқаси ва ҳ.к ларнинг бирлашуви натижасида вужудга келадиган спектакл натижасини олдиндан кўра олади. Бундай режиссёр спектаклнинг камчиликларини қандай тузатиш ёки “беркитишнинг” режасини хам тузиб оладилар. Спектакл натижасини олдиндан биладиган режиссёрларни Станиславский "натижа режиссёрлари", — деб, атайди. Натижа режиссёрларнинг навбатдаги томошаси, ижодкор режиссёрнинг янги шаклдаги спектакл – туғилишини назарда тутуди буюк реформатор.

Ҳамма натижани олдиндан кўра билиш ижодий жараённи вужудга келтирмай, балки натижа учун интилиш бўлиб, спектаклнинг ташқи томонини томошани ташкил қилиш учун ҳаракат бўлиб қолади. Ҳакиқий режиссёр спектакль устида ишлаш жараёнини маълум режага асослангани ҳолда олиб борган тақдирда ҳам, ўзи билан ишлаётган ижрочи ижодкорлар имконияти билан ҳисоблашади ва натижаларини кўриб, ўз режасига янгиликлар киритиб боради. Актёрларнинг ҳар бир репитицияда беихтиёр ўзгариб бораёганларини хис қилиб, вақтнинг ўтиши билан ҳаёт тажрибалари ва махорати янада юксалишини кутади. Натижада ўз қарашларини ҳам ўзгартириб, бойитиб боради. Агарда режиссёр ташкнлотчи спектакль устида ишлаш жараёнида унинг яратувчилари билан ижодий иш олиб бормаса, қатор қарама-қаршиликларга учраши мумкин. Чунки, бошқа ижрочи санъаткорлар режиссёрлар режасига асосланган холда ҳам, барибир, ўз дунёқараши, индивидуал ҳусусиятларигаўзларига қулай қолиплара эга. Улар спектакль шаклига ваечимга нисбатан ўз муносабатларига эга бўлишлари табиий. Агарда улар тўғридаи-тўтри, кўр-кўрона режиссёр талабларинигина бажариш билан чеклансалар, ҳамкорликдаги ижодий жараён вужудга келмайди. Унда барчасига фақат биргина режиссёрнинг ўзи жавобгар бўлиб қолади. Режиссёрнинг ташкилотчилиги, спектакль яратиш жараёнида ягона ҳукмрон бўлиши билан бир қаторда, томоша натижаси учун асосий жавобгардир. Назарияда эса - спектакль биргина режиссёрнинг ижод махсули эмас, балки, жамоанинг хамкорликдаги махсулидир. Демак режиссёрдан замон талабларига жавоб бера оладиган спектакль яратиш талаб қилинади. У театрга раҳбарлик қилиши учун юқорида айтилган кобилиятларнинг барчасини ўзида мужассамлаган бўлиши касб талабидир. Ижодкор режиссёр давримизнинг янги кишиси кечинмаларини, ўзида чуқур акс эттирган, юқори савиядаги, спектаклни, бадиий яхлит шаклда намойиш эта олиши заруратдир.

Адабиётлар: 1. Арасту. Поэтика. Ахлоқи кабр – Т.: Янги аср авлоди, 2011. 2. К.С. Станиславский Санъатдаги ҳаётим –Т.: Ғ.Ғулом номидаги адабиёт ва санъат нашриёти, 1965. 3. К.С.Станиславские ва В.И.Немирович-Дакченконннг барча мавжуд асарлари. 4. Б.Алмосва, А. Бассехес, В. Петер, Н.В.Гиляровская. А.Я.Ғояовин. И.Я.Грсмнслэвский, В.В.Дмитриев, В.М.Кручин-Боғданов, В.И.Мюллер, В.Ф.Гиндин. Ф.Циркин. В. Шверубович, М.Н.Эткина ва каби театррассомлар ва тадқиқотчиларнинг театррассомлари хакидаги асарлари. 5. Л. И. В. Баданов, В. С. Барков, Г. Б. Бармш, А. А. Баранников. Л.Нернер, Г.А.Заячий. А.А.Коссаковский, В.И.Попоч. Н.Н.Сосунов каби мутахассис ва тадқиқотчиларнинг саҳнатехникаси ва бутафорияларга оид асарлари. 6. Р. Шидловскин, А.Г.Образно, А.В.Бартошсвнч, Г. В. Макарова, Л.И.Петельман. Қ.Руднникий каби бирқатор олимларнинг чет эл рожиссураси хақидаги асарлари. 7. Ж.Л.Барро, Б. Брехт, Ж.Внляр. И.В.Гете, Д.Дидро, Ш.Дюллен. Ф.Желие. Л.Жувьс. Г.Крег, Г.Лессинг, Дж.Лоусон. Б.Рейҳ Э.Триоде, Ф.Шиллер, В. Пинсо, П. Бруқ Дж. Г. Легонс, Э. Пасватер. Ж. А.Ворро, Л. Внскопн. М, Млрешель каби чет элфайласуф олимлари ва санъат арбобларнинг асарлари

O'xshashlar

Режиссёрлик қобилиятини тарбиялаш

Профессионал режиссура санъатининг вужудга келиши

Узбек миллий кушикчилик санъати тараккиётининг уч йуналиши

Режисёр режаси ва персонажлар мақсади

Режиссура ва унинг ижтимоий мавқеи