Муҳиддин Қори Ёқубов (1894-1957) - San'at - Referatlar

Муҳиддин Қори Ёқубов (1894-1957)

Yuklangan vaqt:

20.09.2019

Ko'chirishlar soni:

0

Hajmi:

194 KB

Ko'chirib olish

Муҳиддин Қори Ёқубов (1894-1957) Муҳиддин Қори Ёқубов ўзбек маданиятининг атоқли арбобларидан биридир. Маш ҳур санъат намоёндасини ҳаёти ва ижодини яхлитича олиб қаралса, халқимиз ҳаёти, орзу- умидлари, интилишлари, халқ санъатининг ривожи босқичлари билан узвий боғлиқлигини кузатамиз. Бу жараёнда ҳамиша олдинги сафда бўлганлигига гувоҳ бўламиз. У санъат тараққиёти йўлида борлиғини сарф - лаган, маданият ва санъатимизнинг ташки лот - чиларидан биридир. Муҳиддин Қори Ёқубов Фарғона музофотининг Ёрмозор қишлоғида таваллуд топди. Унинг отаси зиёли одам бўлиб, ўғлини исломий ва замонавий билимлар эгаси бўлишига ҳаракат қилди ва Фарғона шаҳрининг маданият масканларига кўпроқ жалб қилди. Ёшлигиданоқ европа маданиятини ўзида акс эттирган Фарғона шаҳрининг маданий ҳаёти билан қизиқди ва тўгаракларга, жумладан мусиқа тўгаракларига қатнаша бошлади. Нота ёзувини ўрганади, дамли созлар оркестрида мусиқа асбоблари чалишни ўрганади. 1916 йилда М.Қори Ёқубов Фарғонада бир гуруҳ ҳаваскор ёшлардан иборат чолғу асбоблар тўгарагини ташкил қилди. Бу тўгаракда миллий чолғу асбоблари билан бир қаторда, европа мусиқа асбобларини чаладиган маҳаллий ёшлар ҳам бор эди. 1918 йилда Ҳамза Ҳакимзода Ниёзий билан танишади ва бу учрашув унинг ҳаётида муҳим аҳамиятга эга бўлди. Улар биргаликда театр труппасини ташкил этадилар ва «Бой ила хиз мат чи», «Фарғона фожеаси», «Туҳматчилар жазоси» пеҳсаларини саҳналаштирадилар ва улардаги бош ролларни М.Қори Ёқубов ижро этади.

1923 йилда мусиқа ва ижрочилик санъатини ривожлантиришдаги, маданий ҳаётдаги ютуқларни кенг ташвиқот қилишдаги хизматлари учун унга «Туркистоннинг биринчи халқ ҳофизи» унвони берилади. Ўша даврда М.Қори Ёқубов «Шарқ кечалари» деб номланган концерт дастури билан турли шаҳарлардаги концертларда қатнашар ва «Ушшоқ», «Фиғон», «Баёт», «Кўчабоғ», «Чоргоҳ», «Дугоҳ», «Эшвой», «Йўл бўлсин» ашулаларини айтиб олқишларга сазовор бўлар эди. 1925 йили Тамарахоним билан Парижда жаҳон санъат кўргазмасида иштирок этади. Сўнг Берлинга таклиф қилиниб машҳур Бетховен залида концерт беради. Ўша йили Берлиндаги «Фосише, цейтуг» газетаси ўзбек санъаткорининг ижросига шундай баҳо берган эди: - «Ўзбек хонандаси Муҳиддин Қори Ёқубовнинг ижроси айниқса катта таассурот қолдирди. Бу санъаткорлар Европанинг катта шаҳарларига ташриф буюрди. Кўзлаган мақсади ўз халқининг ноёб санъатига қизиқиш уйғотишдир. Унинг репертуарида ҳали нотага ёзиб олинмаган икки юздан зиёд асрий қўшиқлар мавжуддир. У Париждан Берлинга келиб маҳалий аҳоли олдида ўз қўшиқларини ижро этди. Уни ниҳоятда қизғин ва ҳаяжонли кутиб олдилар». Муҳиддин Қори Ёқубов 1926 йили Марғилонда ўзбек этнографик ансамблини ташкил этади ва машҳур санъаткорларни бирлаштириб, барча вилоятларда, собиқ иттифоқнинг ўнлаб шаҳарларида жумладан, Москва шаҳрида ижодий сафарда бўлади. Сўнгра Москвада 3 йил машҳур режиссёр Майерхолpд студиясида таҳлим олади. 1929 йилда Муҳиддин Қори Ёқубов ташаббуси билан Давлат этнографик ансамбли биринчи Ўзбек мусиқали театрига айлантирилди. Ушбу театрга Ҳ.Носирова, К.Зоки ров, Л.Саримсоқова, Б.Мирзаев, Тамарахоним, М.Турғун боева, М.Ашрафий сингари санъаткорлар жалб қилинди ва шу йўсинда ўзбек миллий операсини яратишга замин тайёрланди. Кейинчалик шу саҳнада «Ер тарғин», «Бўрон», «Лайли ва Мажнун», «Маҳмуд Торобий», «Улуғ канол», «Фарҳод ва Ширин», «Улуғбек», каби операларда етакчи партияларни ижро этди.

Ўзбекистон Давлат филармониясининг ташкил этилишида ҳам Муҳиддин Қори Ёқубовнинг хизматлари катта бўлди. 1936-1947 йилларда филармониянинг директори ва бадиий раҳбари бўлиб ишлади, жуда кўп санъаткорларни бу даргоҳга жалб этди, ёш ижодкорларга устозлик қилди. Ўзи ҳам саҳнага чиқиб «Илила ёрим», «Ғайра-ғайра», «Билакузук», «Олмача анор», «Сув бўйида» каби халқ қўшиқ, лапар ва ҳажвий айтишувларини моҳирлик билан ижро этди. Ҳозирда бу жамоа унинг номи билан аталади. 1937 йилда Муҳиддин Қори Ёқубовга «Ўзбекис тон халқ артисти» фахрий унвони берилди. Собиқ шўро сиёсати шундай буюк санъаткорни ҳам ўз домига тортади ва умрининг сўнгги бир неча йилини қамоқда ўтказади. Қамоқдан қайтиб келгач, дардга чалиниб, 1957 йил 2 февралда вафот этади. Улуғ мустақиллик шарофати билан ўзбек санъатининг бу фидойисига Президентимизнинг фармони билан «Буюк хизматлари учун» ордени берилди. Бутун умрини халқ санъати ривожига бағишлаган бу фидойи санъаткорнинг номи тарих зарварақларида ҳамиша нур сочиб туради.

Фойдаланилган адабиётлар 1. И.А.Каримов. Ўзбекистон XXI аср бўсағасида: хавфсизликка таҳдид, барқарорлик шартлари ва тараққиёт кафолатлари. Т., «Ўзбекистон», 1997. 2. И.А.Каримов. Ватан саждагоҳ каби муқаддасдир. Т., «Ўзбекистон», 1995. 3. И.А.Каримов. Асарлар. 6- жилд. Т., «Ўзбекистон», 1998.

O'xshashlar

Тамарахоним

ХХ аср жаҳон мусиқий эстрадаси ва миллий қўшиқчилик

Уста Олим комилов (1875-1954)

Ҳалима Носирова

Ingliz teatri Jon Boynton Pristli 1894-1984 y