Графика - тасвирий санъатнинг алоҳида тури. графика санъатида композиция - San'at - Referatlar

Графика - тасвирий санъатнинг алоҳида тури. графика санъатида композиция

Yuklangan vaqt:

20.09.2019

Ko'chirishlar soni:

0

Hajmi:

45.5 KB

Ko'chirib olish

Графика - тасвирий санъатнинг алоҳида тури. графика санъатида композиция Инсон графика асарларига умр бўйи ҳар қадамда дуч келади. Чизма тасвир ва гравюралар мустақил ҳолдаги, тугал фикрли санъат асарлари ҳисобланади. Плакатдаги ёки китобдаги шрифтлар, плакат, алоқа маркалари, журнал иллюстрациялари ва газета карикатуралари, турли товарлар упаковкалари, рангбаранг этикеткалар, театр ва киноафишалари, йўл ва товар белгилари ва хатто идораларнинг иш қоғозлари - ҳаммаси дастгоҳли ва санъат графикасининг намуналари ҳисобланади. Хўш, унда графика ўзи нима? Графика - грекча «графо» - «ёзаман», «чизаман», «расм соламан» деган маъноларни билдиради. Демак, графика - аввалом бор бу расм, чизиқли, аниқ, тўғри, оқ-қорага мосланган тасвирдир, шу сабабли бу санъатда оқ қоғоз бу оқ рангни , қора қалам, кўмир ёки бошқа «қуруқ» бўёқли материаллар қоралик вазифасини ўтайдилар, Графикани икки хил тури: аввало, қоғоздаги қалам тасвир графикаси, сўнгра, босма нашр графикасига ажратилади. Чизматасвирни тасвирий санъат тури сифатида энг қадимий деб таҳлил қилиш мумкин, зероки, бунда албатта ибтидоий одамнинг қояга чизилган тасвирларини назарга олинади. Албатта чизиқли расм ҳайкалтарошлик ва амалий санъат билан параллел равишда ўсиб борди ва уларнинг таркибий зарурий қисмини ташкил қилди. Чизиқли тасвирларнинг энг юксак намуналарини бизга чизиқ ва силуэтга асосланган антик кўзалар тасвирлари (вазопись) беради. Асосий мустақил санъат тури сифатида чизиқли тасвир (рисунок) XV аср охири XVI аср бошларида юзага келган. Авваллари у гўё бўйсунувчи, картина, ҳайкал, фреска, гобелен устида ишлаганда тайёрловчи асос

сифатида қаралган, кейин эса, дастгоҳли санъатнинг бошқа турлари қаторида мустақил бадиий аҳамият касб эта бошлаган. Тарихий тараққиёт жараёнида чизма тасвирга, (босма нашр графикасига ҳам) ранг кириб борди, ҳозирда графикага рангли бўрлар - пастель, рангли гравюра ва сувли бўёқлар; акварель ва гуаш билан ишланган тасвирлар ҳам киритилади. Ер юзининг йирик музейларида ўта эҳтиётлик билан қоралама ва хомаки тасвирлар, ниҳоятда нозиклик билан ишланган маҳобатли безак ва картиналарни чизма образлари, давомли даражада ўта нафис ишланган тасвирлар сақланмоқда. Кўплаб музейларда энди махсус сақлаш хонаси (омборхона) - графика кабинетлари мавжуд. Агар рангтасвирчида бўёқлар тўлиқ палитра бўлса, графикачи- рассомда одатдагидек фақат чекланган ранглар бўлади. Бу эса, табиий алоҳида қийинчиликлар туғдиради. Графикачи «шартли» оламда тургандек, ранглардан ташқарида ва одмигина воситалардан фойдаланиб, олам ҳақида хеч ҳам кам таассурот бермайдиган жонли кўринишларини яратадилар. Улар кўпинча биттагинадир, бундай ягона экземплярда яратилган тасвир эса улуғ ва бебаҳодир. Босма-нашр графикаси бу суръатни кўплаб нусҳада кўпайтириб бериш имконини беради. Бу графиканинг асосий тури бу гравюра ҳисобланади. Гравюра ёғоч, метал, тошда яратилади. Гравюралаш усулининг энг қадимийси XV асрда Ғарбий Европада ва XVI асрда Россияда қўлланилган. Ксилография - ёғоч гравюраси ҳисобланади. «Ксило» грекча «ёғоч» дегани бўлиб у асосан гравюра усули, яъни «ёғочда гравюра ишлаш» деган маънони билдиради. Гравюра - французча феъл сўздан олинган бўлиб, «гравюра» -«кесмоқ» маъносини билдиради. Линогравюра эса линолеумда ишлаш усули ҳисобланади. Гравюра усули билан босиб олиб чиқарилган

тасвирларни эстамп деб аталади. Литография ҳам гравюрага киритилади (65- расм). Босма юзини шакли тайёрланишига қараб икки хил: а) бўртма ва ўйма, б) чуқур турларига ажратилади. Рассомнинг китоб устида ишлаши ҳам графикида алоҳида аҳамият касб этади. Бу ҳақда кейинроқ алоҳида тўхталиб ўтамиз. XIX асрнинг иккинчи ярмида шаҳар кўчаларида графиканинг алоҳида тури сифатида товарларни тарғибот қилувчи, театр ва кўргазмаларга чорловчи плакат пайдо бўлди. Шундан бери плакат маиший ҳаётимизга чуқур кириб борди, усиз ҳар кунги ҳаётни ҳам тасаввур этиб бўлмай қолди. Графиканинг энг муҳим зарур турларидан бири сифатида саноат графикаси тури сўнгги йилларда жуда юқори ривожланиш босқичига чиқди. Саноат графикаси рассомлари товарлар упаковкаси, фабрика ва фирмаларнинг белгилари, ёрлиқлари, алоқа маркалари, афишалар, театр дастурлари, этикеткалар, ҳаёт учун зарурий хилма-хил маҳсулотлар устида ишлайдилар. Гўзал ва шинам нарсалар устида дизайнер-рассомлар ишламоқдалар. Шунингдек, графика санъатининг яна бир соҳаси бу архиграфика (архитектура-графика)дир. Замонавий шаҳарларнинг шиддат билан бетўхтов ўсиб борувчи мароми, саноқсиз транспортлар қатори, мураккаб кўча занжирлари, аллақанча кўрсатгич ва йўл белгиларини яратиб беришни талаб этади. Табиийки бу ишга рассомлар жалб қилинади, қайсики, улар шаҳар магистраллари характерини, пиёда ва хайдовчиларнинг психологиясини ҳисобга олиб, замонавий, шаҳар ичида бемалол юриш, шаҳар типографиясини яхши билиб олишга ёрдам берувчи кўрсатгич ва йўл белгиларини, график асарлар композицияси системасини яратиб берадилар. Дастгоҳли ва китоб графикаси композицияси ҳам тасвирий санъатнинг бошқа барча турларига хос бўлган композициянинг асосий

қонунларига суянади. Композициянинг усуллари ва воситаларидан графиканинг ўзига хослигини ҳисобга олган ҳолда фойдаланилади. Графика санъатининг энг асосий ўзига хослиги чизиқли тасвирнинг бош ролдалиги, энг аввало график материаллар: қалам, кўмир, тушь, сангина, соус ва бошқаларни ва графика техникаси билан боғлиқлиги: штрих, чизиқ, доғ ва бошқалар, усуллар эса: символ, гипербола, гротеск, аллегория ва бошқалар асосида юзага чиқиши ҳисобланади. Графика рангтасвир ва хайкалтарошликдан фарқли равишда унинг тасвирий деталларида ҳажмли нарсалар фазода тасвирланмайди, нарсалар худди ўқилгандек фикр билан берилади. Графикада чизиқли тасвир асосий ўринда туради, гарчи айрим график тасвирлар (эстамп, иллюстрация) рангли тасвирда берилса ҳам, яъни суратнинг аниқ ва лўндалигини таъминлаш учун контурлар, штрихлар, нуқталар, ёйсимон шакллар, ёзувлар тасвир устига чизилиш мумкин. Графикада реал нарсаларнинг табиий ранглари ҳам шартли ранглар билан мослаштирилади ва колористик ранглар ҳосил қилинади. Яъни, чизиқли, штрихли, контурли ҳолда оқ-қора тасвирда берилади. Графиканинг шартлилиги унинг ҳар-хил тур ва жанрларида турлича тасвирланади. Масалан, декоратив - шаклли доғ, шакл ҳам, силуэт ҳам узоқдан кўринувчи қилиб тасвирланади. Карикатурадаги шартлиликда эса, сатирик жанрнинг умумий метафорлигига амал қилинади, бунда тушунча ва функциянинг аралаштириб юбориш, ўхшашлик, таққослаш, аналогик асосларга таянилади. Графикада қоралама тасвир характеридаги тасвирлар кўп ишлатилади. Шундай бўлса-да, ёруғ-соя аниқ тасвирланади. Текислик кўпинча фон вазифасини ўтайди. Ранглар ёрқинлиги, хиралиги ижобий ва салбий ҳолатларга бўйсундирилади. Иллюстрацияларда тонал ечимлардан фойдаланилади.

Адабиётлар 1. Абдуллаев Н. Санъат тарихи. 2 қисмлик. 1-қисм. - Т., 1987. 2. Абдуллаев Н. Санъат тарихи. 2 қисмлик. 2-қисм. - Т., 2001. 3. Абдурахмонов Ғ.М. Тасвирий санъат композицияси. - Т., 1996. 4. Азимова Б. Натюрморт тузиш ва тасвирлаш методикаси. - Т., 1984. 5. Беда Г.В. Основў изобразительной грамотў (рисунок, живопись, композиция). Учебное пособие для студентов пединститутов. - М., 1981. 6. Беда Г.В. Живопись. Учебное пособие. - М., 1986. 7. Гренберг Ю.И. Технология станковой живописи (монография). - М., 1982. 8. Вольков Н.Н. Композияция в живописў М. 1977. 9. Делакруа Э. Мўсли об искусстве. О знамс нитиххудожниках. М. 1960. 10. Дмитриева Н.А. Краткая история искусств. Вўп. 1. От древнейших времен по XVI век. - М., 1985.

O'xshashlar

Хайкалтарошлик тасвирий санъатнинг тури сифатида

Манзара - тасвирий санъатнинг алоҳида жанри

Портрет - тасвирий санъатнинг алоҳида жанри

ХIХ аср охри - ХХ аср биринчи чорагида Ўзбекистон санъати

Ўзбекистон мустабид совет давлати таркибидаги давридаги санъати(1925-91 йиллар)