Дирижёрнинг пультда ўзини тутиши - San'at - Referatlar

Дирижёрнинг пультда ўзини тутиши

Yuklangan vaqt:

20.09.2019

Ko'chirishlar soni:

0

Hajmi:

29 KB

Ko'chirib olish

Дирижёрнинг пультда ўзини тутиши Дирижёрнинг пультдаги ҳар бир ҳаракати, у подиумга чиқишидан то кетгунича пухта ўйланган бўлиши лозим. Дирижёрнинг ташқи кўринишида оркестр аъзолари ва тингловчиларга ёқмайдиган бирор бир жиҳатнинг бўлиши мумкин эмас. Дирижёрга нигоҳ ташлаган ҳар бир киши эстетик завқ ола билиши керакки, бу ҳолат унинг ташқи кўринишидан ҳам, пультда ўзини тутишидан ҳам ёғилиб туриши керак. Зеро, асар қисмлари ёки концерт номерлари ўртасидаги қисқа танаффусларда ҳам дирижёр ўткир нигоҳлар таъқибида бўлади. Шу боис дирижёр бехос йўл қўйиши мумкин бўлган ҳаракатларига эътибор бериши керак. Масалан, бир оёқдан иккинчисига оғирлигини ташлаш, чўнтакдан рўмолча чиқариб, у билан юзини артиш, бўйинбоғ ёки сочларини тўғрилаш ҳолатларига йўл қўйиб бўлмайди. Зотан бу вақтда ҳали мусиқа давом этаётган бўлиб, дирижёр ўз ҳаракатлари билан ижро жараёнида эътиборни чалғитиши, ҳаттоки мусиқий образ яхлитлигига путур етказиб қўйиши мумкин. Шу ўринда бир қарашда «майда-чуйда» бўлиб кўринган нарсаларга ҳам аҳамият бериш фойдадан ҳоли бўлмайди, яъни подиумгача бўлган масофага неча қадам кетишини чамалаб кўриш ва шунга қараб йўл тутиш зарар қилмайди. Пульт дирижёр учун паст ҳам, баланд ҳам бўлмай, у партитурани эркин варақлай олиши учун қулай баландликда бўлиши керак. Шу боис дирижёр доимо ўзининг ташқи кўринишига эътибор қилиши, маълум маънода артистлардек ўзини тутиши ва умуман ўзини ташқаридан кузата билиши лозим. Шу боис дирижёр доимо ўзини тўла-тўкис назорат қила билиши, у ўзининг хотиржамлиги, дўстона муносабати, чинкўнгиллиги билан мусиқачиларнинг кўтаринки кайфиятини қўллаб қувватлайди, завқини кучайтиради. Шу билан бирга у доимо талабчан, интилувчан ҳамда оркестрдан талаб қилаётган нарсасини тўғри англатиши ва кўзлаган ниятларини яхши билмоғи керак.

Адабиётлар рўйхати 1. Каримов И.А. Тарихий хотирасиз келажак йўқ.-Т.: Шарқ, 1998 . 2. Каримов И.А.Биз келажагимизни ўз қўлимиз билан қурамиз. Т.7.-Т.: Ўзбекистон, 1999 . 3. Азимов К. Ўзбекистон дирижёрлари.-Т., 2001.

O'xshashlar

Оркестр билан мулоқот

Концерт

Партитура устида ишлаш

Тана

Ауфтакт