Гамборо касаллиги Morbus Gamboro - Qishloq va o'rmon xo'jaligi - Referatlar

Гамборо касаллиги Morbus Gamboro

Yuklangan vaqt:

20.09.2019

Ko'chirishlar soni:

0

Hajmi:

59 KB

Ko'chirib olish

Гамборо касаллиги Morbus Gamboro Режа: 1. Қўзғатувчиси 2. Патологоанатомик ўзгаришлар 3. Олдини олиш

Гамборо касаллиги (юқумли бурсит, юқумли некроз) ўткир кечадиган контагиоз касаллик бўлиб, 2-15 кунлик жўжаларда учрайди. Ичаклар фаолиятининг бузилиши , буйрак ва фабрица халтачаларининг яллиғланиши ҳамда кенгайиши билан кечади . Касаллик асосан саноатлашган паррандачилик хўжаликларида , айниқса бройлер хўжаликларида тарқалиши аниқланган . Унинг келиб чиқиш сабабларини мутахассислар чет элдан олиб келинган паррандалар деб ҳисоблашади . Қўзғатувчиси . Фильтрланувчи вирус бўлиб , реовируслар гуруҳига мансуб . Вирион катталиги 50-70 мм экосаэдрик симметрияга эга ва 90% оқсил , 10% рибонуклеин кислота сақлайди . Вируснинг иккита серотипи аниқланган : Си -1 жўжалардан , 23/82 эса куркалардан ажратилган . Вирус эфир ва хлороформга чидамли . Бино ичидаги ёғоч ва металлар устки қисмида вирус ўзининг фаоллигини 122 кунгача сақлайди . Сув, ем ва тезакда 52 кун яшайди. У рН 7,0-7,5 да нисбий чидамли ва ишқорли рН га сезилувчандир. Вирус 60 °С да қиздирилганда 90 минут, 25 °С да - 21 кун, минус 20 °С да сақланганда уч йил фаоллигини сақлайди. Музлатиш ва эритиш вирусга таъсир қилмайди. 20% ли эфир эритмаси билан ишлов берилганда 18 соат, 20% ли хлороформ эритмасида 10 минутгача ўлмайди. Одатдаги дезинфекцион воситалар (1% ли фенол, крезол, формалин) да 1 соат ичида ўлади. Пенициллин ва стрептомицинга чидамли. Гамборо касаллиги вируси товуқ эмбрионининг аллантоис бўшлиғига ёки хорио-аллантоис пардасига юқтирилганда яхши ўсади. У фаоллигини экишда намоён қилиб, эмбрионларни 3-7 кунда ўлдиради. Вирусни 20-25 кунлик жўжаларда ўстириш мумкин. Иқтисодий зарар. Касаллик қайд қилинган паррандачилик хўжаликлари катта иқтисодий зарар кўради, чунки бундай хўжаликларни соғломлаштириш қийин бўлиб, узоқ муддатга чўзилиб кетади. Жўжалар орасида ўлим 5-30 фоиз атрофида кузатилади.

Эпизоотологияси. Вирус жўжалар касалланган вақтдан бошлаб икки ҳафтагача гўнг билан ажралиб туради, бунда тўшама, катакча, асбоб-ускуна ва ем ифлосланади. Паррандалар оғиз ҳамда кўз ва бурун шиллиқ пардалари орқали зарарланади. Вируснинг бир товуқхонадан бошқасига парранда боқарларнинг кийим-кечаклари, пойафзаллари ҳамда асбоб-ускуналар орқали ўтиши аниқланган. Вирус узоқ масофаларга ёввойи паррандалар орқали тарқалади. У тухум орқали ва аэроген йўл билан ҳам ўтиши мумкин. Гамборо касаллиги бўйича эпизоотик ҳолатни аниқлаш учун Ўзбекистон Республикасининг ҳар хил географик зоналарида жойлашган гўшт ва тухум етиштириладиган бир нечта паррандачилик хўжаликлари текширилганда уларнинг ҳаммасида касаллик борлиги маълум бўлди. Касаллик йилнинг ҳамма фаслида учрайди, айрим ҳолларда у яширин кечади. Носоғлом хўжаликлар Гамборо касаллиги колибактериоз ва пуллороз- терлама касаллиги билан бирга кечиши аниқланди. Клиник белгилари. Касалликнинг биринчи клиник белгилари мойил жўжаларда 2-3-куни намоён бўлиб, у одатда 7 кун давом этади. Ўлган паррандалар бўйни ва оёқларини текис узатиб ётганлиги кўринади. Касалликнинг биринчи белгиси оқ-сарғиш сувдек суюқ ич кетишидир. Бирдан иштаҳа йўқолади, патлар ҳурпаяди, депрессия рўй беради, бош ва бўйин қалтираб, касал парранда бирдан ўлиб қолади. Респиратор белгилар бўлмайди. Касалликнинг 2-3-кунлари кўп жўжа нобуд бўлади. Гамборо касаллиги ўткир кечадиган паррандачилик хўжаликларида касалликнинг клиник белгилари 25 кунлик ёшга тўғри келади. Одатда касалликнинг бундай кечиши спорадик характерга эга бўлиб, асосан янги олиб келинган ва эмланган паррандаларда кузатилади. Касалланиб тузалган жўжалар камқон, ориқ, рахит, ўсишдан қолган бўлиб, озуқани ёмон ҳазм қилади. Патологоанатомик ўзгаришлар. Касал, ўлдирилган ва ўлган паррандаларни ёриб кўрилганда фабрица халтачаси 2-3 марта катталашган, шиллиқ пардалари шишган ва қонга тўлган бўлиб, оғир ҳолларда бурса

бўшлиғида фибрин қатлами кўринади. Мускуллар сувсиз ва оқарган. Кўкрак, қомат, сон мускулларида ва ошқозоннинг шиллиқ пардасига қон қуйилган. Буйрак катталашган, тўқ жигар рангда, каналчаларда эса сийдик кислотаси тўпланган. Диагноз. Гамборо касаллиги бошқа касалликларга ўхшаш, типик кечганда клиник белгилари ва патологоанатомик ўзгаришлар бўйича диагноз қўйиш осонроқ. Касалликнинг бошланиш даврида ёки атипик кечганда лаборатория текширишлари (вирусни товуқ эмбрионидан ажратиб олиш, биосинама қўйиш, серологик реакция) билан аниқлаш мумкин. Вирус одатда зарарланган буйрак, ичак, фабрица халтачасидан ажралади. Лабораторияга текшириш учун ўлган паррандалардан клоака халтачаси, буйрак, жигар, талоқ юборилади. Паррандалардан намуналар касалликнинг биринчи клиник белгиси пайдо бўлганда олинади. Патологоанатомик намунани ховончада янчилади ва физиологик эритма (1:10) қўшилади. Олинган 10% ли суспензияни минутига 3000 марта айланадиган центрифугада 15 минут центрифуга қилинади. Устидаги суюқликка 100 ТБ-мл пенициллин ва 100 лекг-мл стрептомицин қўшилади, совутгичда (4°) 6-12 соат сақланади ва мойил паррандаларнинг эмбрионларини зарарлаш учун ишлатилади. Зарарлаш учун Гамборо касаллиги ва бошқа юқумли касалликлар бўйича соғлом бўлган хўжаликлардан олинган 9 кунлик товуқ эмбриони ишлатилади. Тухум пўчоғини тешиб, 2-3 мм чуқурликда текшириладиган намуна 0,2 мл ҳажмда юборилади. Пўчоқдаги тешикка парафин қўйилади. Эмбрионлар термостатга жойлаштирилади ва 10 кун 37°С да инкубацияга қўйилади. Инкубация жараёнида суткада бир марта овоскопия ўтказилади. Ўлган эмбрионларни олдин 2-3 соат 4°С гача совутилиб, шу куни очиш керак. Тирик эмбрионлар ҳам инкубациянинг 10-куни 4°С гача совутилади ва очилади. Эмбрионлар зарарлангандан кейин 3-7-куни ўлса, специфик ҳисобланади.

Ўлган ва ўсишдан қолган эмбрионлардан стерил пробиркаларга (ҳар бир эмбриондан алоҳида) аллантоис суюқлиги олинади ва ГПА, ГПБ да 0,2 мм экиб тозаликка текширилади. Экмалар термостатда 37°С да 5 кун сақланади. Вирусни ажратиб олиш, унинг патогенлигини ўрганиш ҳамда касалликни экспериментал келтириб чиқариш учун жўжалардан биосинама олинади. Зарарлашда 20-25 кунлик жўжалардан фойдаланилади. Текшириладиган намуна 10-15 кунлик жўжаларнинг бурнига 0,5 мл миқдорда юборилади ва 15 кун кузатилади. Биосинама натижалари касалликнинг клиник намоён бўлиши ва патологоанатомик ўзгаришлар, кечиккан вақтда қон зардобида махсус антителоларнинг топилишига қараб баҳоланади. Диагнозни серологак тасдиқлаш учун РДП реакцияси қўлланилади. Антиген сифатида товуқ эмбриони хорио-аллантоис пардасидан тайёрланган махсус антиген ишлатилади. Республика илмий-ишлаб чиқариш паррандачилик ветеринария лабораториясининг маълумоти бўйича, кўпчилик хўжаликларда жўжалар қон зардобида юқори титрда антителолар борлиги аниқланган. Дифференциал диагноз. Гамборо касаллигини инфекцион бронхит, Ньюкасл касаллиги, Марек касаллиги, лимфоидли лейкоз, Раус саркомаси, кокцидиоз, простогонимоз, нефрозонефрит, аденовирусли апластик анемия, жигар ва буйракни ёғ босиши синдроми, авитаминоз «А», ҳар хил заҳарланишдан фарқ қила билиш керак. Кейинги йилларда Гамборо касаллигига қарши эмланган паррандаларда антитело даражасини аниқлаш учун кенетик иммуноферментли усул тавсия этилган. Олдини олиш. Умумий ветеринария-санитария тадбирлари паррандачилик хўжаликларини Гамборо касаллигадан тўлиқ соғломлаштиришни таъминлайди. Шунинг учун бу касалликнинг олдини олиш ва йўқотиш бўйича комплекс тадбирлардан бири махсус профилактика- вакцинация ҳисобланади. Бу мақсадда тирик ва инактивацияланган вакциналар қўлланилади. АҚШда Гамборо касаллигининг олдини олиш учун яратилган

тирик вакцина Burgine 14 кунлик жўжаларга ичадиган сувига қўшиб берилади. Иккинчи марта 35 кунлигида эмланади. Учинчи эмлаш 17 ҳафтада мойли адсорббатвакцина билан ўтказилади. Бу тирик вакцинага нисбатан она товуқларни узоқ ҳимоя қилади ва юқори титрда сақланади. 1978 йили Голландия фирмаси олимлари тирик вакцина-Нобилис (штамм Д-78) ни яратдилар, у паррандаларда паст антителода ҳам иммунсупрессия пайдо қилмайди. Тухум қиладиган жўжалар Novi vae. Сumboro вакцинаси билан эмланган она товуқлардан олинган бўлса, 21-28 кунлигида бу вакцинани ичириб эмланади. Эмланган она товуқлардан олинган бўлса, 14-24 кунлигида эмланади. Иккинчи эмлаш инактивацияланган Нобилис (штамм 228-1) вакцинаси билан тухум қилишидан уч ҳафта олдин мускули орасига 0,5 мл дозада эмланади. Агар она товуқлар инактивацияланган Novi vae. Сumboro вакцинаси билан эмланган бўлса, гўштга топшириладиган жўжалар 17-23 кунлигида, эмланмаган бўлса, 7-14 кунлигида эмланади. Италия ва собиқ Югославияда она товуқларга қўлланиладиган эмульсинвакцина организмда юқори даражада преципитацияловчи антитело ҳосил қилади. Бундай она товуқлардан олинган жўжаларда ҳам гуморал антитело кўрсаткичлари юқори бўлади. Француз фирмаси Rhone Meriaex касалликнинг олдини олиш учун тирик қуритилган Сumborae CT вакцина тавсия этган. Биринчи эмлаш 7 кунлик, иккинчи эмлаш 21 кунлик жўжаларда ўтказилади. Кейинчалик тухум қила бошлашидаи 2-4 ҳафта олдин мускули орасига ёки териси остига 0,3 мл дозада инактивацияланган мойил адъювантли Сumboritla вакцинаси юборилади. Бутун иттифоқ паррандачилик илмий текшириш ветеринария институтида (Санкт-Петербург) тирик қуруқ вирус вакцина яратилган, у флаконларда 1500-4000 дозада (вируснинг концентрациясига қараб) чиқарилади.

Носоғлом ёки хавфли хўжаликларда жўжалар 7-10 кунлигида ичириш йўли билан икки марта 10-14 кун оралатиб эмланади. Иммунитет 21 кундан кейин бошланиб, 2 ой давом этади. Шундай қилиб, эпизоотологик текширишлар, клиник кузатишлар, патологоанатомик ёриб кўриш ва лаборатория текшириш натижалари Гамборо касаллигининг Ўзбекистон Республикасининг йирик парандачилик хўжаликларида тарқалганлигини кўрсатади. Бу - касалликнинг бундан кейин тарқалишига йўл қўймаслик ва зарур профилактик чора-тадбирлар кўришни тақозо этади.

Фойдаланилган адабиётлар: 1. Р.Ф. Сосов. Эпизоотология. М. “Колос” 1974. 2. А.А. Конопаткин . Эпизоотология. М. “Колос” 1984. 3. И.А. Бакулов., А.Д. Третьяков. Руководство по общей эпизоотологии. М. “Колос” 1979. 4. М.С. Ганнушкин. Общая эпизоотология. М. “Сельхозгиз” 1961. 5. М.П. Пармонов ва бошқалар. Эпизоотология. Т. 1996 6. М.П. Пармонов. “Ўта хавфли юқумли касалликлар” маърузалар матни. Сам. 2002 7. Ф.А. Ниёзов. “Паррандалар касалликлари”. Т. 1995 8. М.П. Пармонов., А.А. Қамбаров Эпизоотология. Т. 2006 9. М.П. Пармонов ва бошқалар. Эпизоотология фанидан амалий – лаборатория машғулотлари. Сам. 2007 й 10. А.А. Поляков. Ветеринарная дезинфекция. М. “Колос” 1975 11. В.П. Урбан. Практикум по эпизоотологии. Ленинград. 1987

O'xshashlar

Ауески касаллиги Morbus Aujeszky

Бузоқларнинг коронавирус диареяси Koronovirus morbus bovium

Куйдирги касаллиги Anthrax

Чечак касаллиги Variola

Марек касаллиги Neurolimphomatos