Бузоқларнинг коронавирус диареяси Koronovirus morbus bovium - Qishloq va o'rmon xo'jaligi - Referatlar

Бузоқларнинг коронавирус диареяси Koronovirus morbus bovium

Yuklangan vaqt:

20.09.2019

Ko'chirishlar soni:

0

Hajmi:

41.5 KB

Ko'chirib olish

Бузоқларнинг коронавирус диареяси Koronovirus morbus bovium Режа: 1. Клиник белгилари 2. Патологоанатомик ўзгаришлар 3. Олдини олиш

Бузоқларнинг коронавирус касаллиги ўткир кечадиган юқумли касаллиқдир. Унинг асосий клиник белгиси - профуз диарея (тўхтовсиз ич кетиши). Ич сарғиш, сарғиш-яшил рангда бўлади. Тарихий маълумот. Касаллик биринчи марта 1972 йилда С. Мебуз ва Е. Шторцлар томонидан ёзилган. Иқтисодий зарар. Коронавирус касаллиги жуда катта иқтисодий зарар келтиради. Касаллик тарқалган фермада бузоқлар 100 фоиз касалланиб, 15 фоиз атрофида ўлим кузатилади. Катта ёшдаги моллар орасида эса ўлим 2-3 фоизни ташкил этади. Қўзғатувчиси. Коронавирус бўлиб, РНК сақлайди. Юқори ҳароратга чидамсиз. Патогенези. Вируслар таъсирида ичак эпителийида морфологик ўзгаришлар юзага келади. Организмда дегидратация рўй беради. Буйрак фаолияти бузилади. Эпизоотологияси. 1-3 ҳафталик, кўпинча 2 ҳафталик бузоқлар касалланади. 8 ҳафталикгача ҳам касалланиши мумкин. Касаллик йилнинг ҳар қандай фаслида, кўпинча қиш ойларида учрайди. Касалликнинг юзага келиши ва кечиши вируснинг вирулентлиги, унинг тушган дозаси ҳамда ҳайвон организмининг резистентлигига боғлиқ. Коронавирус кўп ҳолларда ротавирус ва бактериялар билан ассоциация ҳолатида бўлади. Серологик текшириш натижалари коронавирус касаллигининг кенг тарқалганлигидан далолат беради. Худди шундай ахвол бизнинг мамлакатимизда ҳам кузатилмоқда. Серологик текшириш усулида айрим гуруҳ сигирларда 50-98 фоиз атрофида антитело борлиги аниқланганлиги адабиётларда келтирилган. Касаллик алиментар йўл билан юқади. Бундан ташқари, вирус билан ифлосланган предметлар орқали ҳам юқиши мумкин. Касал ҳайвонлар ва вирус ташувчилар касаллик қўзғатувчисининг манбаи ҳисобланади. Клиник белгилари. Касалликнинг яширин даври 18-48 соат давом этади. Касаллик ҳолсизланиш билан бошланиб, тўхтовсиз сувдек ич кетади. Ахлатга кўпинча шилимшиқ, қон аралашган бўлади, пишлоқсимон масса

ажралиб туради. Оғиз бўшлиғининг шиллиқ пардасида яра бўлганлиги учун баъзан кўпиксимон сўлак оқиши мумкин. 3-5 кундан кейин кризис бошланиб, касал бузоқлар жуда озиб кетади ва ўлади. Касалланиш даврида тана ҳарорати унчалик ўзгармайди. Коронавирус ротавирусга қараганда узоқроқ, 1-2 ҳафта патогенезга эга. Ўлим, бактерияли асоратсиз ҳам содир бўлаверади. Касалланиб тузалган бузоқлар узоқ вақт (7-8 ҳафта) озғинлигича қолади ва аҳволи олдинги ҳолатига қайтиши қийин. Патологоанатомик ўзгаришлар. Бузоқнинг гавдаси ёриб кўрилганда қизилўнгачнинг шиллиқ пардасида, баъзан ширдонда қон қуйилиш бўлади. Ўн икки бармоқ ичак газ билан тўлган бўлиб, унинг деворлари юпқалашиб кетади, геморрагик яралар кўзга ташланади. Ёнбош ичаклар кучли гиперемияга учрайди. Тўғри ичак қалинлашиб, унинг деворларида бурма ва яралар пайдо бўлади. Коронавирус билан зарарланса, ротавирусга қараганда ингичка ва йўғон ичаклар кучли жароҳатланади. Л. Зикстельская, А. Шеболдов (1977) ларнинг маълумотига кўра коронавируслар қўзғатган касалликларда жароҳатланган аъзоларнинг капилляр қон айланиш системаси издан чиқади. Аъзолар бир оз шишиб, сероз экссудат ва некроз кузатилади. Диагноз. Касалликка эпизоотологик маълумотлар, клиник белгилар ва патологоанатомик ўзгаришларни ҳисобга олган ҳолда диагноз қўйилади. Лаборатория шароитида уч хил усул билан диагноз қўйилади. - Экспресс диагноз. 2-3 соат ичида бажарилади. Бу усулда специфик коронавируснинг антигенлари ҳамда вирионлар махсус текшириш усуллари (иммунофлюоресценция, иммуноэлектроноскопия, иммунофермент анализ) билан ахтариб топилади. - Вирусологик текшириш учун аъзолардан вируслар ажратилиб, идентификация қилинади. Бу усул учун сигир эмбрионининг культура ҳужайрасидан фойдаланилади. - Серологик текшириш ўтказиш учун нейтраллаш реакцияси (РН), комплемент боғловчи реакция (РСК), гемагглютинациянинг тормозланиш реакцияси (РТГА) қўлланилади. Лаборатория учун қоннинг жуфт зардоби

биринчи марта касаллик бошлангач 1-2 кун ичида, иккинчи марта эса 2-3 ҳафтадан кейин музли термосга солиб юборилади. Даволаш махсус симптоматик йўл билан олиб борилади. Олдини олиш. Чет мамлакатларда тирик ва инактивация қилинган вакцина ишлатилади. Бу иккала вакцина ҳам эпизоотик дала штаммидан, сигир эмбрионининг буйрак ва ўпка тўқималарида ўстириб олинади. Бузоқлар туғилиши билан перорал эмланса, бўғоз сигарлар туғишидан 3 ой олдин эмланади. Бузоқлар учун энг қулай усул тирик вакцинани перорал юборишдир. Инактивация қилинган вакциналар эса сигирларни эмлаш учун маъқулроқ. Касаллик қанчалик ўз вақтида аниқланса, кураш чоралари шунчалик фойдалироқ бўлади. Бунда хўжаликда ветеринария-санитария қоидаларининг бузилишига йўл қуймаслик, моллар организмининг резистентлигини ошириш асосий мақсад қилиб қўйилади. Четдан келтирилган моллар профилакгик карантинда сақланиб, текширилгандан кейин умумий моллар гуруҳига ўтказилади.

Фойдаланилган адабиётлар: 1. Р.Ф. Сосов. Эпизоотология. М. “Колос” 1974. 2. А.А. Конопаткин . Эпизоотология. М. “Колос” 1984. 3. И.А. Бакулов., А.Д. Третьяков. Руководство по общей эпизоотологии. М. “Колос” 1979. 4. М.С. Ганнушкин. Общая эпизоотология. М. “Сельхозгиз” 1961. 5. М.П. Пармонов ва бошқалар. Эпизоотология. Т. 1996 6. М.П. Пармонов. “Ўта хавфли юқумли касалликлар” маърузалар матни. Сам. 2002 7. Ф.А. Ниёзов. “Паррандалар касалликлари”. Т. 1995 8. М.П. Пармонов., А.А. Қамбаров Эпизоотология. Т. 2006 9. М.П. Пармонов ва бошқалар. Эпизоотология фанидан амалий – лаборатория машғулотлари. Сам. 2007 й 10. А.А. Поляков. Ветеринарная дезинфекция. М. “Колос” 1975 11. В.П. Урбан. Практикум по эпизоотологии. Ленинград. 1987

O'xshashlar

Ёш бузоқларнинг ротавирус диареяси Diarrea rotovirus bovium

Ауески касаллиги Morbus Aujeszky

Гамборо касаллиги Morbus Gamboro

Қорамоллар диареяси Diarrhea viralis bovum

Хусусий чорвачилик