Боғбоп дисксимон тирмалар - Qishloq va o'rmon xo'jaligi - Referatlar

Боғбоп дисксимон тирмалар

Yuklangan vaqt:

20.09.2019

Ko'chirishlar soni:

0

Hajmi:

85 KB

Ko'chirib olish

Боғбоп дисксимон тирмалар Дисксимон тирма қаттиқ тупроқни ағдармасдан, сифатли чуқур юмшатиш, йирик кесакларни майдалаш, ўсимлик қолдиқларини кесиб майдалаш каби хусусиятлари билан бошқа қуроллардан устун туради. Шу сабабли, боғдаги дарахтлар орасидаги ерга ишлов беришда улардан кенг фойдаланиш маъқул бўлади. Агар органик ўғит ўрнига сидерат ўсимликлар (яшил ўғит) экилган бўлса, ерни плуг билан шудгорлашдан олдин, уларни дисксимон тирма билан майдалаш керак, акс ҳолда, плуг ишчи қисмлари орасига ўсимлик поялари тиқилиб қолади. расм. Боғбоп дисксимон тирма: 1 — орқа батареядаги сферик диск; 2 — олдинги батареядаги ўйқ сферик диск; 3 — олди рама; 4—транспорт ўқи; 5—тиркагичдаги тешикли сектор; 6 — сектор тортқиси; 7— кронштейн; 8— тиркагич тортқиси; 9 — улаш сирғаси; 10 — катта босим шлангаси; 11 — илгак; 12— созловчи қувур (труба); 13— балласт юк яшчиги; 14— сапфа; 15 —гидросилиндр; 16— ричагли механизм; 17— орқа рама. Боғбоп дисксимон тирма (16-расм) тупроққа икки қаторлаб ишлов бериши учун унинг дисклари олдинги ва орқа батареяларда жойлаштирилади. Батареялар бир-бирига нисбатан носимметрик ўрнатилади. Бир қатордаги сершох дарахтларга яқинроқ жойда юритиш учун, тирмани тракторнинг симметрия ўқига нисбатан ён томонга 2,5 м гача суриб қўйиб судраш

имкони бор, шу мақсадда тиркагич тортқиси 8 сектор 5 даги четки тешикларга қотирилади (16-расм), тирманинг олдинги рамаси 3 га ўйқли сферик дисклардан тузилган иккита батарея, орқа рама 27 га эса яхлит сферик дисклардан тузилган иккита батарея ўрнатилган. Дисклар диаметри 660 мм бўлиб, 15 см чуқурликкача тупроққа ботиши мумкин. Олдинги 3 ва орқа 17 рамаларни бирлаштириб турадиган труба 12 даги тешиклардан фойдаланиб, олдинги ва орқа батареяларни бирбирига нисбатан буриш ҳисобига дискларнинг ҳужум бурчаги (диск тиғи жойлашган текислик билан агрегатнинг ҳаракат йўналиши орасидаги бурчак а ) ўзгартирилади. Дискларнинг ҳужум бурчаги 0-30° орасида қўйлади. Ҳужум бурчаги қанчалик катта ўрнатилса, дискнинг тупроққа таъсири шунчалик интенсив бўлиб, ерга чуқурроқ ботади, тупроқни кучлироқ майдалайди, аралаштиради. Дискларни ўта зич тупроққа кўпроқ ботириш учун яшикларга балласт юк қўйлади. расм. Дисксимон тирманинг кинематик схемаси: 1 , 14 — олдинги ва орқа рамалар; 2, 7— гидросилиндр; 3 — тиркагич тортқиси; 4, 10 — рамаларнинг ўнг қисмлари; 5 — (чекловчи занжир; 6— ҳужум бурчагини ўзгартириш ричаги; 8— кронштейн; 9 — дисклар батареяси; 11 — диск; 12, 13 — ғилдираклар; 15— трактор.

Гидросилиндр 15 тирмани кўтариб-тушириш учун хизмат қилади. Дискларни ёпишган лойсимон тупроқдан тозалаш учун қирғичлар қўйилган. Олдинги ва орқа батареялар орасидаги бурчак 30°—50° орасида қўйлади. Далага дисксимон тирма билан ишлов беришда кескин ҳиирилишларга йўл қўймаслик керак. Дала четида бурилишдан олдин тирмани транспорт ҳолатга кўтариб қўйиш керак. Ишчи тезлик 5— 8 км/соат бўлгани маъқул. 17-расмда дисксимон тирманинг кинематик схемаси келтирилган (у ерда 16-расмдаги труба ўрнига ричаг 6 ва чекловчи занжир 5 қўйилган).

Адабиётлар: 1. Шоумарова М., Абдиллаев Т. Қишлоқ хўжалиги машиналари. Тошкент, «Ўқитувчи», 2002. 2. Зуев В., Абдиллаев А. Сабзавот экинлари ва уларни етиштириш технологияси. Тошкент, «Ўзбекистон», 1997. 3. Ф.Е.Аниферов., Л.И.Ерошенко., И.З.Теплинский. Машины для садаводства. Агропромиздат, 1990. 4. Каримов И.А. асарлари. 5. Ўзбекистон республикасининг тегишли қонунлари. 6. Аниферов Ф.Машины для садоводства. Ленинград. 7. «Агропромиздат», 1996. 8. Хмелёв П. Механизация работ в виноградарстве. Москва, 9. «Агропромиздат», 1991. 10. Илмий монографиялар, мақолалар, диссертациялар. 11. Қишлоқ хўжалиги машиналари. Дарслик. www.ДИТ сентр.уз. 12. Суғоришни механизациялаш. www.нетафим . ру . 13. Плодоводство и виноградарство. ҳттп:/www.бфпуис.ру.

O'xshashlar

Боғбоп плуглар

Боғбоп тупроқ фрезалари

Дарахтларни буташ анжомлари

Боғ ва токзорлар тупроғига ишлов бериш машиналари. Боғбоп култиваторлар

Боғларни касаллик ва зараркунандалардан ҳимоялаш машиналари