Дарахтларни буташ анжомлари - Qishloq va o'rmon xo'jaligi - Referatlar

Дарахтларни буташ анжомлари

Yuklangan vaqt:

20.09.2019

Ko'chirishlar soni:

0

Hajmi:

254 KB

Ko'chirib olish

Дарахтларни буташ анжомлари Боғдаги дарахтларни буташ, ортиқча ва ноқулай ўсган шохларини кесиб ташлаш жуда муҳим агротехник тадбир бўлиб, аммо сермеҳнат ҳисобланади. Бундай ишлар, дарахт шохларига тўғри шакл бсриш; ескирган дарахтларни ёшартириш; ёшларини тезроқ ҳосилга киришини таъминлаш; ҳосилдорликни ошириш; касаллик ва зараркунандалардан агротехник усулда ҳимоялаш; қиш совуғига тайёрлаш ва боғларга турли машиналарни киритиб ишлатишга шароит туғдириш каби мақсадларда бажарилади. Дарахтларга зарар келтирмаслик учун, кесилган жойлар силлиқ бўлиши, ёрилган, титилган, эзилган жойлар ҳосил бўлишига замин тайёрламаслик талаб қилинади. Дарахтни буташ сермеҳнат иш бўлганлиги сабабли, иш унумини ошириш учун, уни машиналар ёки қўл меҳнатини енгиллаштирадиган техник воситалардан фойдаланган ҳолда бажариш керак. Буташда ҳар бир шохни қисқартириш ёки умуман олиб ташлаш, қариган шохларни ёшартириш учун кесиш жойни танлаш каби ишларни фақат фикр юрита оладиган мутахассис бажара олади, чунки машина билан шохларни фақат маълум текисликда ёппасига кесиш мумкин. Шу сабабли, боғларни буташга асосан қўл меҳнатини енгиллаштирадиган техник воситалар, асбоблар ишлатилади. Энг кенг тарқалган восита сифатида пневматик токқайчисини кўрсатиш мумкин (31-расм). Бундай токқайчи дастак 7 , поршен 5 киритилган пнев- мосилиндр, шток 14, кесувчи пичоқ 1 , тирак пичоқ 2 , қайтарувчи пружина 3, штуцер 10 каби қисмлардан тузилган. Ток қайчининг иккала пичоғи ҳам егри шаклда ясалади. Бундан мақсад, қайчи жағлари орасига ҳар қандай диаметрдаги шох киритилса ҳам, кесиш жараёнида у сирпаниб, жағлардан чиқиб кетмайди. Дарахт қаторлари орасида компрессор билан жиҳозланган агрегат ўрнатилиб, унга бир нечта токқайчи шланглар билан уланган бўлади. Компрессор босим остида ҳавони шланг орқали қайчи штуцерига ҳайдайди. Шохни кесиш учун ишчи

курок 11 ни босиб, золотник 9 пневмосилиндрни атрофдаги атмосфера ҳавоси билан боғлашга мажбур қилади. Қайтарувчи пружина 3 поршен 5 ни штоки билан ўнг томонга суриб, кесувчи пичоқ 1 ни юқорига кўтаради, қайчи жағларини очади. Оператор ишчи қайчи жағларига кесиладиган шохни киритиб, курокни қўйиб юборади. расм. Пневматик токқайчи: 1 — кесувчи пичоқ; 2 — тирак пичоқ; 3 — қайтамвчи пружина; 4 — силиндр; 5 — поршен; 6 — бўшлиқ; 7 — дастак; 8 — гайка; 9 — золотник- клапан; 10 — штуцер; 11 — курок; 12 — зичловчи ҳалқа; 13 — втулка; 14 — шток. Босим остидаги ҳаво поршэнга бориб, уни чап томонга, пружинанинг қаршилигини энгиб, юришга мажбур қилади. Кесувчи пичоқ катта куч билан тирак пичоқ томонга силжиб, шохни кесиб кетади. Курок қайта босилса, жараён такрорланади. Қайчи минутига 45—55 марта шох кесиши мумкин. Кесиладиган шохнинг диаметри 25 мм гача бўлиши керак. Пневматик токқайчилари билан жиҳозланган агрегат (32-расм) минитракторга осилади. Агрегат рамасига тракторнинг осиш мосламасидаги тортқилар уланадиган қулоқчалар пайвандланган. Устунлар орасига компрессор ўрнатилган. Тракторнинг қувват олиш валидан ҳаракат оладиган компрессор саккизта пневматик қайчиларнинг ишини таъминлай олади. Тракторнинг ўнг ва чап томонларига 13, 9 штангалар ўрнатилиб, улар кергич 11 , тортқичлар 12, 16

ёрдамида бикр ҳолатга келтирилади. Штангаларга пневмоқайчилар илинган бўлади. Агрегат дарахтлар оралиғида ҳар 12—15 м жойда тўхтаб туради, бу вақтда саккизта ишчи қайчилар билан шохларни кесишади. 25 мм дан йирикроқ шохларни қўларра билан кесиш лозим. расм. Пневматик токқайчилар агрегати: 1 — рама; 2 — конденсат тўкиш крани; 3 — етакловчи вал; 4 — компрессор; 5, 6 — чап ва ўнг устунлар; 7 — манометр; 8 — найча; 9, 13 — чап ва ўнг штангалар; 10 — бурилиш втулкалари; 11 — кергич; 12, 16 — тортқичлар; 14 — ҳаво крани; 15 — матодан тикилган шланг; 17 — тракторнинг олдинги бруси; 18 — пневматик қайчи. Баланд, яъни одам қўли етмайдиган жойлардаги шохларни кесиш учун токқайчи ўрнига 33-расмда кўрсатилган узун дастакли пневматик қайчидан фойдаланиш мумкин. Унинг дастагини узунлиги 2,0 м бўлиб, 3,5 м даги шохни кеса олади. Қайчи пичоқларидан бири 1 бурилиб ҳаракатланадиган, иккинчиси эса қўзғалмайдиган қилинган, кронштейн 36 дюралумин трубадан ясалган дастак 4, диафрагма 11, тутқич 7, золотник ва бошқалардан ташкил топган. Трубанинг ичида шток 10 диафрагма 11 билан қўзғалувчан пичоқни улаб туради. Пружина 14 диафрагма 11 ни чап томонга сиқиб туради. Бу вақтда қайчи жағлари очиқ бўлади. Оператор ишчи қайчи жағларини кесмоқчи бўлган

шохга кийдиради ва золотник ричаги 8 ни бармоғи билан босиб туради. Агрегат компрессоридан босим остида келиб турган ҳаво (пружинанинг қаршилигини энгиб), диафрагмани ўнг томонга суради. Шток 70 қўзғалувчан пичоқни буриб, шохни кесади. Оператор бармоғини золотник ричагидан олса, золотник диафрагмага ҳаво юбормасдан қўяди, пружина 14 пичоқни жойга қайтариб, пичоқ жағларини яна очади. Бундай қайчи диаметри 25 мм гача бўлган шохларни кеса олади. Минутига 40—60 марта ишлатиш мумкин. расм. Узун дастакли қайчи а - умумий кўриниши; б - диафрагма ишининг схемаси; 1 - бурилувчан тирак пичоқ; 2 - қўзғалмас кесувчи пичоқ; 3 - кронштейн; 4 - трубасимон дастак; 5- тортқи; 6- диафрагма қутиси; 7- тутқич; 8 - золотникмнг нчаги; 9 - штуцер; 10 - шток; 11 - диафрагма; 12 - ҳаво чиқарувчи клапан; 13- ҳаво киритадиган клапан; 14- қайтарувчи пружина. Баланд дарахтларга ишлов бериш учун махсус боғбоп агрегатдан ҳам фойдаланиш мумкин (34-расм). Бу агрегат ўзиюрар шассига ўрнатилади. Ўзиюрар шассининг юритиш қисми пневмоғилдираклар ёки буюртмачининг хоҳиши бўйича ярим занжир-тасмали қурилма билан жиҳозланиши мумкин. Агрегатнинг ўнг ва чап томонларидаги хартумларига кабиналар илинган бўлиб, уларнинг ичига тушган ишчилар юқорига кўтарилиб, ён томонларга

сурилиши мумкин. Кабина параллелограммсимон механизмга илинганлиги сабабли, ҳар қандай баланд- ликда ҳам тик ҳолатини сақлайди. Кабина ичидаги бошқарув пулти ёрдамида ишчи ўзи хоҳлаган баландликка ва ён томонга силжиши мумкин. Бу агрегат билан ҳосилни қўлда териш мумкин бўлганлиги сабабли, кабина ичида яшик қўйиш учун жой ҳам ажратилган. Кабинадаги юк 200 кг дан ошмашги керак. Агрегат билан 6 м баландликкача ишлов берилади. расм. Боғбоп агрегат 1 — кабина; 2, 3 — ўнг ва чап гидрокўтаргичлар; 4 — компрессор; 5 — майдонча; 6 — тракторнинг юритиш қисми (ярим занжир-тасма). Агрегатга ўрнатилган компрессор пневмоқайчиларни ишлатиш учун хизмат қилади. Йўғон шохларни кесиш учун узун дастали арралардан фойдаланилади. Катта боғлардаги дарахт шохларини кесиб тартибга келтириш ва керак бўлса, қоида ҳосил теришда ишлатиладиган боғбоп платформалар ҳам ишлаб чиқарилган. Мисол тариқасида 35-расмда кўрсатилган платформа ишчини 4,5 м баландликкача кўтариб қўя олади. Платформа мева солинган контейнерларни ташиш учун мўлжалланган узун прицепнинг устига махсус олд 12 ва орқа 5 устунлар ёрдамида ўрнатилади. Платформанинг ўнг ва чап томонларидаги узун трапларда ишчилар туриб ишлашади. Ишчиларнинг хавфсизлигини таъминлаш учун трап четларига баланд (1,5 м гача) тўсиқлар 1 беркитилган. Платформага жойлаштирилган компрессор пневматик

қайчиларни ишлатиш имконини беради. Дарахт рўпарасига тўхтатилган платформа трапидаги ишчилар шохларни кесиб пастга, тутқич 8га. ташлашади. Тутқичлар шохларга тўлиб қолса, платформани трактор боғ четига судраб чиқади ва шохлар ерга ташланади. Яна бир платформа 36- расмда кўрсатилган. Бу кўп ўринли платформа бўлиб, оддий трактор прицепининг рамасига ўрнатилган, 6,0 м баландликдаги дарахтларнинг шохларини кесиш ҳамда ҳосилини териш имконини беради. Платформанинг ўнг ва чап томонига бештадан трап ясалган. Ҳар бир трапда битта ишчи ишлайди. расм. Боғбоп платформа 1 — тўсиқ; 2 — бошқариш крани; 3 — пневматик токқайчи; 4 — асбоб учун яшик; 5, 12 — олд ва орқа устунлар; 6 — нарвон; 7 — контейнер ташувчи прицеп; 8 — тутқич; 9 — гидросилиндр; 10 — кардан вал; 11 — компрессор; 13 — бўлгич; 14 — кенгаядиган траплар. Тракторнинг қувват олиш валидан ҳаракат олиб ишлайдиган компрессор мавжуд бўлиб, у пневмоқайчиларни ишлатиш учун хизмат қилади. Траплар фақат ён томонига сурилиб, дарахтга яқинлашиши ёки узоқлашиши мумкин. Трапни суриш учун ишчи занжирли механизмни ишлатади.

расм. Кўп ўринли платформа а — ён кўриниши; б — кўтариладиган корзина; 1 — компрессор; 2 — рама; 3 — ўтиш йўлакчаси; 4 — сурилувчан трап; 5 — корзина; 6 — контейнер юклагич; 7, 1 5 — нарвон; 8 — прицеп шассиси; 9 - блок; 10 - трос; 11 - илгак; 12, 18 - кронштейнлар; 13 — йўналтиргич; 14 — ёғоч пол; 16 — бошқарув рул чамбараги; 17 — червякли редуктор; 19 — педал; 20 — колонна. Агар ҳосил терилаётган бўлса, мевани ишчилар махсус саватларга солишади. Тўлган саватларни траплар ўртасига қўйилган контейнерларга тўкишади. Тўлган контейнерлар махсус мослама (аппарел) ёрдамида ерга туширилади.

расм. Дарахт шохларини шакллантирувчи машина схемаси а — агрегатнинг олд кўриниши; б — қирқиш аппаратининг иш жараёни; 1,7— қирқиш аппаратлари; 2 — дисксимон арра; 3 — хартум; 4 — кронштейн; 5 — рама; 6, 9 — гидросилиндрлар; 8 — тўсиқ; 10 — тиргак болти; 11 — фиксатор; 12 — брус; 13 — арраларни ҳаракатлантиаивчи тасма. Ўртадаги трап корзинага ўхшаб тўрт томони ёпилган бўлиб, ишчи билан 4,0м баландликкача кўтариладиган қилинган. Трапни кўтарибтушириш учун корзина ичидаги ишчи бошқарув рул чамбараги 16 ни керакли томонга айлантиради. Иккинчи чамбаракни айлантириб, корзинани ён томонга буриш мумкин. Корзина тик ҳолатида қотирилганидан сўнг, ишчи ўз ишини бажара бошлайди. Катта майдондаги богиарда деярли ҳамма ишлар машиналар ёрдамида бажарилади. Дарахтлар орасида ишлатиладиган машиналарнинг юришига паст жойлашган ёки меъёридан узун бўлган шохлар халақит беради. Ўта баланд ўсган дарахтнинг учидаги мевани териб олиш қийин бўлади. Шу сабабли, боғдаги дарахтларнинг енигина эмас, балки баландлигини ҳам чеклаш маъқул бўлади. Бундай ишни бажара оладиган машинанинг намунавий схемаси 37- расмда кўрсатилган. Унинг асосий қисмлари: вертикал ва горизонтал текисликларда ишлайдиган дисксимон қирқиш аппаратлари, уларни ҳаракатлантирадиган юритма, қирқиш аппаратларини ён томонга сурадиган, уларнинг энгашиш даражасини, устки аппаратнинг баландлигини ўзгартирадиган гидросилиндрлардир.

Қирқиш аппарати дисксимон аррачалардан ташкил топган бўлиб, улар тасма 13 лар ёрдамида гидромоторлардан ҳаракат олади. Аппаратдаги дисклар шохларни тираксиз жуда тез кесишлари керак. Шу сабабли улар ўта катта тезлик билан айлантирилади, диск тишларининг чизиқли тезликлари 60 м/с дан кам боимаслиги керак. Бундан ташқари, диск тезлиги етарли бўлмаса, шохга теккан заҳоти уни кесмасдан, энгаштириб қўяди. Натижада, шохнинг узунасигажароҳатланган жой кескин кўпайб кетади, яъни тегадиган зарар ортади. Гидросилиндр 6 ёрдамида ён томондаги қирқиш аппаратлари, тик ёки бирмунча энгаштирилган ҳолатга келтирилиб ишлатилади. Қаторлар оралиғи бўйлаб ҳаракатланаётган агрегатнинг қирқиш аппаратлари, икки қатор дарахтларнинг бир ёнидаги шохларини қирқиб кетади. Агрегат изига қайтишда дарахтларнинг иккинчи ёнига ишлов бериб ўтади. Хартумни кўтариб-тушириш ҳисобига қирқиш аппаратининг баландлиги ўзгартирилади. Гидросилиндр 9 ёрдамида брус 12 ларни суриб, дарахтлар орасига 2 м дан 4 метргача бўлган кенгликдаги йўлакча очилади. Агар дарахт баландлигини чеклаш лозим бўлса, хартум 2,5—3,0 метргача тик кўтарилиб, қирқиш аппаратлари горизонтал ҳолатда ишлатилади.

Адабиётлар: 1. Шоумарова М., Абдиллаев Т. Қишлоқ хўжалиги машиналари. Тошкент, «Ўқитувчи», 2002. 2. Зуев В., Абдиллаев А. Сабзавот экинлари ва уларни етиштириш технологияси. Тошкент, «Ўзбекистон», 1997. 3. Ф.Е.Аниферов., Л.И.Ерошенко., И.З.Теплинский. Машины для садаводства. Агропромиздат, 1990. 4. Каримов И.А. асарлари. 5. Ўзбекистон республикасининг тегишли қонунлари. 6. Аниферов Ф.Машины для садоводства. Ленинград. 7. «Агропромиздат», 1996. 8. Хмелёв П. Механизация работ в виноградарстве. Москва, 9. «Агропромиздат», 1991. 10. Илмий монографиялар, мақолалар, диссертациялар. 11. Қишлоқ хўжалиги машиналари. Дарслик. www.ДИТ сентр.уз. 12. Суғоришни механизациялаш. www.нетафим . ру . 13. Плодоводство и виноградарство. ҳттп:/www.бфпуис.ру.

O'xshashlar

Мевали боғ барпо этиш. Ёш ва ҳосилга кирган боғлар агротехникаси

Ток ўстириш усуллари ва токларга шакл бериш

Пахта ховлиси ва нефть махсулотларини саклаш мажмуаси

Бутакескичлар ва тўқайзорларни ўзлаштирадиган машиналар

Боғ дарахтлари зараркунандалари ва уларга қарши кураш чоралари