Ободлик маҳалладан бошланади - Pedagogika - Referatlar

Ободлик маҳалладан бошланади

Yuklangan vaqt:

20.09.2019

Ko'chirishlar soni:

0

Hajmi:

53 KB

Ko'chirib olish

Ободлик маҳалладан бошланади Режа: 1. Ҳаётимизни обод қилишнинг муҳим шарти – бу аввало, маҳаллани обод қилиш демакдир 2. Мустақиллик даври меъморчилиги ҳақида

Ҳаётимизни обод қилишнинг муҳим шарти – бу аввало, маҳаллани обод қилиш демакдир. Президентимиз 2013 йилни мамлакатимизда «Обод турмуш йили» деб эълон қилиш асносида таъкидлаганидек, «обод деганда, халқимиз, миллатимиз нафақат кўркам ва чиройли, шу билан бирга, тинчлик ва осойишталик, ўзаро меҳроқибат, аҳиллик, файз-барака ҳукмрон бўлган жойларни, доимо пок ният ва соғлом интилиш билан яшашни тасаввур қилади» 1 . Инсоннинг қадами етган жойда албатта ободончилик бўлади, дейдилар. Бинобарин, барча қатламларга мансуб аҳолини ўзида қамраган маҳаллаларда ҳар йили умумхалқ ҳашарлари уюштирилиб, ободончилик, кўкаламзорлаштириш, бунёдкорлик, маҳалла идораларини қуриш ва таъмирлаш ишлари кейинги йилларда хайрли анъанага айланган. Ҳозирги вақтда бутун Ўзбекистонимиз, таъбир жоиз бўлса, улкан қурилиш майдонига айланган. Хусусан, вилоятлар марказларини бош режа асосида ривожлантириш мақсадида йирик лойиҳалар амалга оширилмоқда. Ана шундай катта ҳажмдаги ишлар Урганч, Қарши, Фарғона, Наманган, Қўқон, Нукус, Жиззах, Шаҳрисабз, Гулистон ва бошқа шаҳарларда, юртимизнинг барча вилоят ва туманларида ҳам давом эттирилмоқда. Айниқса, юртимиз бўйлаб маҳалла гузарлари – мустақиллик даври архитектурасининг ўзига хос намунаси бўлган қанчадан-қанча шарқона бинолар қад ростлади. Янги гузарлар билан бирга савдо ва маиший хизмат кўрсатиш шохобчалари, болалар ва спорт майдончалари барпо этиш, ички йўллар ва йўлакларни таъмирлаш, кўп қаватли уйларнинг атрофини ободонлаштириш бўйича катта ҳажмдаги ишлар амалга оширилди. Мустақиллик даври меъморчилиги ҳақида сўз борганда, Президентимиз Ислом Каримов ғояси ва ташаббусига кўра намунавий лойиҳалар асосида замонавий уй-жойлар қуриш ҳаракати қишлоқ ҳаётининг савияси ва 1

маданиятини ошириш борасида амалга оширилаётган ислоҳотларнинг олий босқичи эканини таъкидлаш даркор. Бу бизнинг қишлоқ ҳақидаги тасаввуримизни, қарашларимизни, қишлоқ ва маҳалла аҳлига бўлган муносабатимизни тубдан ўзгартириб юборди. Халқимизда «Ўз уйим – ўлан-тўшагим», деган нақл бор. Яъни, ота фарзанди туғилиши билан терак экади, боласини уйли-жойли қилиш ҳаракатида бўлади. Шу эзгу удумнинг кенг миқёсдаги ифодаси сифатида 2009 йил – Қишлоқ тараққиёти ва фаровонлиги йили да бошланган замонавий, қулай ва барча коммунал хизмат шароитларига эга якка тартибдаги уй-жойлар қуриш ҳаракати тобора кенгайиб бормоқда. Ўша вақт, яъни 2009 йилдан бошлаб мамлакатимизнинг 159 та қишлоқ туманида намунавий лойиҳалар асосида 900 дан ортиқ янги уй-жой массивлари барпо этилди. Умумий майдони 4 миллион 500 минг квадрат метр бўлган 33 минг 500 дан зиёд якка тартибдаги уй-жой фойдаланишга топширилди. 732 километр асфальт қилинган автомобиль йўллари, мингдан ортиқ ижтимоий ва бозор инфратузилмаси объектлари барпо этилди. 2013 йил – Обод турмуш йилида мамлакатимиз бўйича қишлоқ жойлардаги 353 та массивда умумий майдони 1 миллион 500 минг квадрат метр бўлган 10 мингта шинам уй-жойлар барпо этилди, бу кўрсаткич 2012 йилга нисбатан 17 фоизга кўпдир 2 . Шундай қилиб, Ўзбекистон Президенти ташаббуси асосида қишлоқ жойларда хусусий уй-жойлар қуриш бўйича кенг кўламли дастур амалга оширила бошланганидан буён ўтган қисқа даврда 40 мингдан зиёд оила ана шундай ҳар томонлама қулай янги уйжойларга эга бўлди. Айниқса, давлатимиз раҳбари тавсияси билан якка тартибда қурилаётган уй-жойлар лойиҳалари қулайлик нуқтаи назаридан қайтадан кўриб чиқилиб, ажратиладиган ер участкалари майдонини олти сотих этиб белгилаш тўғрисида қарор қабул қилингач, бундай уйларга қизиқувчилар сони янада кўпайди. Айни вақтда бу замонавий уйлар кўз ўнгимизда қад ростламоқда, 2

бунёдкор халқимизнинг гулдек қўллари билан барпо этилиб, ўз бахтли эгаларига муносиб тарзда топширилмоқда. Биз фақат қишлоқларимиздаги уй-жойлар қурилишига доир рақамларни келтирдик, холос. Жойларда бу уйлар билан ёнма-ён қанчадан-қанча замонавий инфратузилма объектлари – янги-янги хизмат кўрсатиш шохобчалари, нон ёпадиган, кондитер маҳсулотлари тайёрлайдиган цехлар, бозорчалар ва савдо дўконлари, болалар майдончалари, оилавий дам олиш масканлари, гўзаллик салонлари қурилди ва қурилмоқда. Мисол учун, биргина 2012 йилнинг ўзида янги турар жой мавзеларида 70 дан зиёд маҳалла гузарлари , қарийб 30 та қишлоқ врачлик пункти, 10 та мактаб, ўттизга яқин мини-банк, 35 та деҳқон бозори, 120 тадан ортиқ ишлаб чиқариш цехи ва маиший хизмат кўрсатиш шохобчалари бунёд этилди. Бинобарин, давлатимиз раҳбари қайд этганидек, «қишлоқларимиз аҳолиси нафақат қулай уй-жойларда, айни вақтда барча зарур муҳандислик ва транспорт коммуникация ларига, ижтимоий ва бозор инфратузилмаси объектларига – тиббиёт, спорт, банк, маиший хизмат кўрсатиш, савдо ва маданият муассасаларига эга бўлган обод посёлкаларда яшаши лозим» 3 . Мустақиллик даври архитектурасининг бетакрор намуналари бўлмиш замонавий бино ва иншоотлар, қишлоқ аҳолиси учун мўлжалланган якка тартибдаги турар-жойлар миллий анъаналаримиз ва замонавий услублар мужассамлиги боис қишлоқларимиз, маҳаллаларимиз кўркига кўрк, чиройига чирой қўшмоқда. Катта-кичик шаҳарларимизда ҳам ғоятда улкан кўламдаги бунёдкорлик ишлари жадал олиб борилмоқда. Албатта, ҳар бир киши фаровон турмуш кечиришни истайди. Қишлоқ ва шаҳарларимизда, маҳаллаларда бунёд этилаётган қулай, шинам ва замонавий уйлар эса юртдошларимизнинг ана шундай орзу-умидларини рўёбга чиқараётгани, айниқса, қувонарлидир. 3

Янги уй-жойлар тимсолида барча ниятларимиз ушалаяпти. Одамларнинг ҳаётга бўлган муносабати ўзгараяпти, Ватанга муҳаббати ортаяпти. Аслида, инсон манфаати, унинг бахтли ва фаровон турмушини таъминлашга устуворлик берилган юртда яшаётган аҳоли шунга муносибдир. Президентимиз раҳнамолигида қишлоқда аҳо- ли турмуш даражасини ва маданиятини ошириш, маҳаллаларимиз қиёфасини тубдан яхшилаш мақ- садида изчиллик билан амалга оширилаётган бун- дай эзгу ишлар халқаро ҳамжамиятда катта қизиқиш уйғотмоқда. Дунё жамоатчилиги, мутахассислар ва чет эллик экспертлар Ўзбекистонда бу борада ҳаётга изчиллик билан татбиқ этилаётган дастурлар самараларини ҳар томонлама ўрганаётир. 2013 йил апрель ойида Тошкент шаҳрида замонавий уй-жой қурилиши мавзусида ўтказилган халқаро конференцияда Бирлашган Миллатлар Ташкилоти, Халқаро валюта жамғармаси, Жаҳон банки, Осиё тараққиёт банки, Ислом тараққиёт банки, Жануби-шарқий Осиё мамлакатлари уюшмаси (АСЕАН), ЮНЕСКО ва бошқа нуфузли халқаро ташкилотлар раҳбарлари ва вакиллари, дунёнинг 60 дан зиёд мамлакатидан 300 дан ортиқ олим, мутахассис ва экспертлар иштирок этгани бунинг ёрқин исботидир 4 . Буларнинг барчаси бежиз эмас. Чунки мустақиллик йилларида бой тарихимиз, бетакрор меросимиз, муқаддас дину диёнатимиз, кўҳна урфодат ва анъаналаримиз қайта тикланди. Меҳроқибат, бағрикенглик, ҳамжиҳатлик каби олижаноб фазилатлар, миллий ва умумбашарий қадриятларга уйғун бўлиб яшаш, Ватан тақдири ва келажагига дахлдорлик туйғуси ҳаётимиздан мустаҳкам ўрин олмоқда. Албатта, бу каби ижобий омиллар халқимизнинг руҳиятини кўтариб, ишчанлик, бунёдкорлик кайфиятини кучайтирмоқда, юртдошларимизнинг келажакка ишончини янада оширмоқда. Истиқлол йилларида Ўзбекистонда оилани, аёлни, онани улуғловчи бир- биридан муаззам тарихий ёдгорликлар бунёд этилди. Мустақиллик майдонидаги «Мотамсаро она» , «Бахтиёр она» , шунингдек, «Ватанга 4

қасамёд» монументларида акс этган мўътабар волида тимсоллари, шак- шубҳасиз, маҳаллаларимиз аҳлини, айниқса, ёшларимизни ватанпарварлик, оилага, маҳалла-кўйга, эл-юртга, Ватанга садоқат ва ҳурмат руҳида тарбиялашга хизмат қилмоқда. Шу ўринда Қарши шаҳрининг халқаро миқёсда кенг нишонланган 2700 йиллик қутлуғ тўйи муносабати билан 2006 йили бу табаррук заминда қад ростлаган яна бир муҳташам монумент ҳақида қисқача тўхталиш жоиз. Гап шундаки, «Эл-юрт таянчи» деб номланган мазкур ёдгорликда ота- она, ўғил ва қиз сиймоси акс этган. Бу – айнан оила тасвиридир. Демак, ушбу монументда «Оила – эл-юрт таянчидир» деган ёрқин ғоя акс этган. Ҳақиқатан ҳам, болани, аввало, оила тарбиялайди. Яхши оилада яхши фарзандлар вояга етади. Ҳар бир маҳаллада барчага намуна бўлишга лойиқ оилаларимиз бор ва бисёр. Бундай соғлом оилаларда вояга етган, тарбия топган фарзандлар доимо эл хизматида экани, феъл-атвори, яхши иш- амаллари билан ота-оналари, оилалари, маҳаллаларига, мамлакатимиз ва халқимизга обрў ҳамда шараф олиб келаётгани, бир сўз билан айтганда, эл- юртга таянч бўлаётгани ҳар қанча таҳсинга сазовордир.

O'xshashlar

Миллий истиклол гояси педагогика фанининг бош методологик асоси сифатида

Ташкилотчининг оила ва жамоатчилик билан ҳамкорликдаги тарбиявий ишлар методикаси

Синфдан ва мактабдан ташқари тарбиявий ишларда оила ва маҳалла хамкорлиги

1. Мустақиллик йилларида маънавий-мафкуравий ҳаётимиздаги туб ўзгаришлар.

М.Бехбудий дарсликларининг педагогик асослари