Magnit usulida boyitish - Materialshunoslik - Referatlar

Magnit usulida boyitish

Yuklangan vaqt:

30.09.2022

Ko'chirishlar soni:

0

Hajmi:

104 KB

Ko'chirib olish

Magnit usulida boyitish Reja: 1. Magnit maydoni va uning xossalari 2. Minerallarning magnit xossalari va ularning tasnifi 3. Magnit separatorlarining tasnifi 4. Kuchli magnitli ma’danlar uchun seperatorlar

Magnit usulida boyitishning mohiyati shundan iboratki, ma’dan zarrachalariga magnit va mexanik kuchlar bilan ta’sir qilinganda, har xil magnit xossasiga ega bo‘lgan zarrachalar har xil harakatlanish traektoriyalariga ega bo‘ladi. O‘zlarining traektoriyalari bo‘ylab harakatlanib, magnit va nomagnit zarrachalar magnit maydonidan alohida mahsulotlar holida chiqib, bu mahsulotlar bir-biridan faqat magnit xossasi bilangina emas, balki o‘zining moddiy tarkibi bilan xam farq qiladi. Magnit usulida boyitish qora va rangli metallar rudalarini boyitishda, magnitli og‘irlashtirgichlarni regeneratsiyalashda, turli xil materiallardan temirni yo‘qotishda qo‘llaniladi. Ma’dan zarrachalarini magnit xossalariga qarab ajratish sodir bo‘ladigan mashinalar magnit separatorlari deb ataladi. Separatorning ishchi zonasi deb ataluvchi zonasida magnitli ajratish olib borish uchun kuchlanganligi har xil nuqtalarda har xil bo‘lgan magnit maydoni hosil qilish kerak. Bunday magnit maydoni bir jinsli bo‘lmagan maydon deyiladi. Magnit usulida boyitish uchun faqat magnitli zarrachaga ta’sir qiluvchi magnit kuchlarini hosil qiluvchi bir jinsli bo‘lmagan magnit maydoni ishlatiladi. Undan tashqari magnit maydoni etarli darajadagi kuchlanganlikka ega bo‘lishi kerak. Ma’dan zarrachalarining magnitlanish kobiliyatiga qarab ularning ajralishi kuchli va kuchsiz magnit maydonlarida olib boriladi. Magnit maydoni va uning xossalari Magnit maydoni materiyaning maxsus shakli bo‘lib, fazoda ma’lum turdagi kuch tarzida namoyon bo‘ladi va bu kuchlar o‘zlarining magnitlangan jismlarga ko‘rsatiladigan ta’siri bilan bir-biridan farq qiladi.

Bu kuchlarning magnitlangan jismlarga ta’siri mazkur jismlarda tez harakatlanuvchi ichki molekulyar elektr zaryadlarining mavjudligi bilan tushuntiriladi. Magnit maydoni kuch chiziqlari holida ifodalanib, ularning umumiy soni magnit oqimi F deb ataladi. Magnit oqimining o‘lchov birligi SI sistemasida veber (Vb). Magnit maydonining asosiy xarakteristikasi - magnit induksiyasi V hisoblanib, u son jihatdan 1 sm 2 yuzani kesib o‘tuvchi kuch chiziqlari soniga teng. Magnit induksiyasining o‘lchov birligi tesla (Tl). Magnit maydonidagi magnitlangan jismning xarakteristikasi sifatida magnit momenti ishlatiladi, u son jihatdan 1 Tl induksiyali magnit maydonida, jism tomonidan xis qilingan (seziladigan) mexanik momentga teng. Magnitlanganlik - magnit maydonining yana bir muhim xossasi, o‘lchov birligi A/m. Magnit maydoni kuchlanganlik bilan xarakterlanadi. Musbat magnit massasi birligiga berilgan nuqtada ta’sir qiluvchi kuch magnit maydonining kuchlanganligi deyiladi. Magnitlanish intensivligining magnit maydoni kuchlanganligiga nisbati jismning hajmiy magnitlanishga moyilligi deyiladi. Agar hajmiy magnitlanishga moyillikni massa birligiga nisbatini olsak, u solishtirma magnitlanishga moyillik deyiladi. Solishtirma magnitlanishga moyillik minerallarning magnit xossalarini xarakterlaydi. U minerallarning tashqi maydon ta’sirida o‘zining magnit momentini o‘zgartira olish qobiliyatini ko‘rsatadi. Bir jinsli bo‘lmagan magnit maydoni maydon gardishini, ya’ni fazoda kuchlanganlik tezligining o‘zgarishi bilan xarakterlanadi. Maydon gradientini shu nuqtadagi kuchlanganlikka ko‘paytmasi magnit kuchi deyiladi. Maydonning istalgan nuqtadagi kuchlanganligi kattalik va yo‘nalish bo‘yicha bir xil bo‘lgan magnit maydonlari bir jinsli magnit maydoni deyiladi.

Minerallarning magnit xossalari va ularning tasnifi Hamma jismlar o‘zining magnit xossalariga qarab diamagnit, paramagnit va ferromagnit minerallarga bo‘linadi. Diamagnit minerallar manfiy magnitlanishga moyillikka ega va bir jinsli bo‘lmagan magnit maydonidan itariladi. (mis, alyuminiy, vismut, surma). Paramagnit minerallar odatdagi sharoitda musbat magnitlanishga moyillikka ega va kuchli tashqi magnit maydoni ta’sirida ular magnitlanadi va magnit maydoniga tortiladi. Ferromagnit moddalarning magnitlanishga moyilligi paramagnitlarnikiga nisbatan ancha katta va ularni magnitlash uchun nisbatan kuchsiz magnit maydoni talab qilinadi. (temir, nikel, kobalt). FeO, FeS. Boyitishda mineral zarrachalar solishtirma magnitlanishga moyillikning kattaligiga qarab klassifikatsiyalanadi va u bo‘yicha hamma minerallar 3 ta guruhga bo‘linadi. 1. Kuchli magnitli minerallar, ular X>300 10 -3 m 3 /kg ga teng magnitlanishga moyillikka ega. Bu minerallarga magnetit, maggemit, pirrotin va boshqalar kiradi, ular ferromagnit minerallar hisoblanib, ularni ajratish uchun magnit maydonining kuchlanganligi kichik (70-120k A/m) separator ishlatiladi. 2. Kuchsiz magnitli minerallarning magnitlanishga moyilligi X=10∙10 -3 - 600∙10 -3 m 3 /kg orasida. Minerallarning bu guruxi paramagnit minerallarga mansub bo‘lib, ularga hamma marganetsli minerallar, temir oksidlari, titan, volfram va boshqa minerallar kiradi. Bu minerallarning magnit fraksiyasiga ajratish uchun separatorlarning magnit maydonining kuchlanganligi 480-1600 kN/m atrofida bo‘lishi kerak. 3. Nomagnit minerallar, ularga X<10∙10 -3 m 3 /kg dan kichik paramagnit minerallar va hamma diamagnit minerallar kiradi. Minerallarning bu guruxi magnit fraksiyaga hatto kuchli maydonli separatorlarda ham ajralmaydi.

Magnit separatorlarining tasnifi Magnit separatorlari bir-biridan magnit sistemasining tuzilishi, magnit maydoni ta’sir etuvchi zona, ajralish mahsulotlarini qabul qiluvchi vannaning tuzilishi, magnit fraksiyani ishchi zona bo‘ylab harakatlantiruvchi ishchi organning tuzilishi bilan farq qiladi. Magnit maydonining kuchlanganligi va kuchiga qarab, separatorlar ikki guruhga bo‘linadi: 1. Kuchlanganligi 80-120 kA/m bo‘lgan kuchsiz magnit maydonli separatorlar. Bu separatorlar kuchli magnitli minerallarni ajratishga mo‘ljallangan. Bunday maydonlarni hosil qilish uchun ochiq magnitli sistema ishlatilib, ularda maydonning har xil jinsliligi turli ishorali bir nechta qutblarni almashtirib, galmagal ulab hosil qilinadi. Bu guruxdagi separatorlar magnetitli rudalarni boyitishda va og‘ir suyuqliklarda boyitishda ferromagnitli suspenziyani regeneratsiyalashda ishlatiladi. 2. Magnit maydonining kuchlanganligi 800-1600 kA/m kuchli magnit maydoniga ega separatorlar. Ular ma’dan tarkibidagi kuchsiz magnitli minerallarni ajratishga mo‘ljallangan. Bunday kuchli magnit maydonini faqat yopiq magnitli sistema qo‘llab hosil qilish mumkin. Boyitilish usuliga qarab, bu guruhning separatorlari ikki turga bo‘linadi: quruq boyitish uchun (muhit-havo) va ho‘l usulda boyituvchi separatorlar (muhitsuv). Ma’danning harakatlanish yo‘nalishi va boyitish mahsulotlarini ishchi zonadan chiqarish usuliga qarab, ho‘l usulda boyituvchi separatorlar quyidagilarga bo‘linadi: (to‘g‘ri) oqib o‘tuvchi vannali separatorlar, ularda dastlabki ma’dan va nomagnit minerallar bitta yo‘nalishda harakatlanadi; magnit va nomagnit mahsulotlar yo‘nalishlari orasidagi burchak < 90 0 .

-qarama-qarshi oqimli vannali separatorlar; ularda ma’dan va nomagnit minerallar bitta yo‘nalishda harakatlansa, magnitli mahsulot -qarama-qarshi yo‘nalishda xarakatlanadi. Yo‘nalishlar orasidagi burchak >90 0 . -yarim qarama-qarshi oqimli vannali separatorlar-ularda mahsulot bo‘tana shaklida pastdan bosim ostida beriladi, magnit va nomagnit mimnerallar bir-biriga qarama-qarshi yo‘nalishda harakatlanadi, >90 0 . Magnitli mahsulotni chiqarib oluvchi moslamaning tuzilishiga qarab barabanli, valokli, disk (gardish) li va rolikli separatorlar mavjud. Separatorlar ikki turda tayyorlanadi: elektromagnitli (E) va doimiy magnitli (P). Quyidagi turlarda ishlab chiqariladi: ho‘l separatsiya uchun barabanli (BM), quruq separatsiya uchun barabanli (BS); ho‘l separatsiyalash uchun valokli (VM); quruq separatsiyalash uchun valokli (VS); quruq separatsiyalash uchun diskli (DS) va h.k. YOrdamchi asbob-uskuna sifatida boyitish fabrikalarida rudani magnitlash va magnitsizlantirish uchun apparatlar va magnitli gidroseparatorlar ishlatiladi. Kuchli magnitli ma’danlar uchun seperatorlar O‘lchami 70-150 mm li magnitli ma’danlarni quruq boyitish uchun elektromagnit sistemali barabanli seperatorlar qo‘llaniladi. O‘lchami 40 mm gacha bo‘lgan ma’danlar uchun doimiy magnitli barabanli seperatorlarni ishlatish mumkin. 45-rasmda bir barabanli separatorning sxemasi keltirilgan.

45-rasm. Bir barabanli separator. 1-aylanuvchi baraban, 2-qo‘zg‘almas magnit qutbi,3-elektromagnit g‘altak, 4-tok o‘tkazuvchi. Magnit sistemasi o‘qqa qo‘zg‘almas qilib mahkamlangan. Magnit qutblari baraban o‘qi bo‘ylab almashadi. Sistema atrofida shu o‘qning o‘zida nomagnit materialdan yasalgan baraban aylanadi. Barabanning yuzasi ishdan chiqmasligi uchun rezina bilan qoplangan. Dastlabki ma’dan vibratsion ta’minlagich orqali bir tekis qatlam bilan barabanga beriladi. Barabanga tortilgan magnitli zarrachalar esa magnit maydoni ta’siriga javob bermaydi va baraban yuzasidan parabolik traektoriya bo‘ylab uzilib tushadi. Baraban magnit va nomagnit mahsulotlarni qabul qiluvchi ikkita bo‘limga bo‘lingan quticha ustiga o‘rnatilgan. Barabanning diametri 600-900 mm, uzunligi 1000-1200 mm. Baraban yuzasidagi magnit maydonning kuchlanganligi 1400-1500 E. Baraban yuzasining aylanish tezligi 1-3 m/sek. Separatorning ishlab chiqarish unumdorligi barabanning har bir metr uzunligi uchun -40+0 mm li mahsulotda 60-100 t/soat ni tashkil etadi.

Adabiyotlar ro’yhati: 1. Abramov A.A., Pererabotka, oboga щ enie i kompleksnoe ispolzovanie tverd ы x polezn ы x iskopaem ы x. t.1 Obogatiteln ы e protsess ы i apparat ы : Uchebnik – 2- e izd., stereotip. 2014. 2. Abramov A.A., Pererabotka, oboga щ enie i kompleksnoe ispolzovanie tverd ы x polezn ы x iskopaem ы x. T.2 Texnologiya pererabotki i obogaщeniya poleznыx iskopaemыx : Uchebnik – 2014. 3. Abramov A.A., Pererabotka, obogaщenie i kompleksnoe ispolzovanie tverdыx poleznыx iskopaemыx. T.2 Texnologiya pererabotki i obogaщeniya poleznыx iskopaemыx : Uchebnik – 2014. 4. Abramov A.A., Texnologiya pererabotki i oboga щ eniya rud svetn ы x metallov. Uchebnoe posobie, v 2 kn. 2015. 5. Avdoxin V.M. Osnovы obogaщeniya poleznыx iskopaemыx. Uchebnik v 2t. – 2016. 6. Avdoxin V.M. Osnovы obogaщeniya poleznыx iskopaemыx. Uchebnik v 2t. – 2006. t2. Texnologiya obogaщeniya poleznыx iskopaemыx. 7. Arashkevich V.M. Osnovы obogaщeniya rud, M., Nedra,2019. 8. Egorov V.L. Osnov ы oboga щ eniya rud, M., Nedra,2016

O'xshashlar

Gravitatsiya usulida boyitish

Elektr usulida boyitish

Boyitish mahsulotlarini suvsizlantirish

Sianli eritmalardan oltinni sorbsiya usulida ajratish

Yordamchi jarayonlar