Мосламаларда кесиш асбобларини ишлов бериш жойини аниқлаш - Mashinasozlik - Referatlar

Мосламаларда кесиш асбобларини ишлов бериш жойини аниқлаш

Yuklangan vaqt:

13.03.2024

Ko'chirishlar soni:

0

Hajmi:

187 KB

Ko'chirib olish

Мосламаларда кесиш асбобларини ишлов бериш жойини аниқлаш Режа: 1. Мосламаларда кесиш асбобларини ишлов бериш жойини ва йўналишларини аниқловчи элементлар 2. Пармалаш ва кенгайтириш мосламалари учун кондукторлик втулкалари 3. Мослама таналари

Мосламаларда кесиш асбобларини ишлов бериш жойини ва йўналишларини аниқловчи элементлар Мосламаларда кесиш асбобларини ишлов бериш жойини ва йўналишларини аниқловчи элементларни қўллаш ўлчамлар аниқлигини ва иш унумдорлигини оширади уларни асосан қуйидаги кўринишлари бор: 1). Кесиш асбобини ўлчамга созлаш учун - шаблон, ўрнатгич (установ) 2). Ўқ бўйича ишлов берувчи асбобларни йўналтирувчи - кондуктор втулкалар. 3). Кесиш асбоби ҳаракат траекторияси (йўли)ни аниқловчи копирлар. Кесувчи асбобларни ишчи ўлчамга созлаш учун озгинадан қиринди олиб (ишлов бериб) кейин ўлчаб кўриш учун кўп вақт сарф қилинади. Дастгоҳларни созлашни тезлаштириш учун мосламалар конструкциясида, кесиш асбобини ҳолатини аниқловчи элементлар (шаблонлар ва установлар) кўзда тутилади. Токарлик мосламаларида шаблонлар, фрезерлик мосламаларида ўрнаткич лар ишлатилади. Иккита токарлик кескичини 1-шаблон билан ўлчамга созлаш 1, а-расмда келтирилган. Кескични ўлчамга созлаш учун ўрнатиш халқаси ишлатилиши мумкин (1, б-расм). 1-расм. Кескични ўлчамга созлаш шаблони ва халқаси. Фрезерлик мосламаларида фрезани ўлчамга созлаш учун ўрнаткичлар ишлатилади.

2-расм. Ўрнатгичлар (установлар). Бу элементлар дастгоҳ созланганда ва иш давридаги созлашларда асбоб ҳолатини назорат қилиб туриш учун ишлатилади ва улар ДСТ 13444 13446- 78 бўйича тайёрланади. Ўрнатгичлар (установ) эталон сиртлари ишлов юзасига нисбатан пастроқ жойлашиши керак (2-расм). Ўрнатгич билан фреза оралиғига созлаш учун шуп киритилади, шуп сирти шикастланмаслиги учун у фреза билан бевосита контактга кирмаслиги тавсия этилади. Шуп қалинлиги ишлов бериш давридаги дастгоҳ бирикмаларини деформацияланишларини ҳисобга олган ҳолда тажриба асосида аниқланади. Ўрнатгичлар 20Х пўлатидан тайёрланиб Н RC 55-60 гача 0,8 …1,2 мм қалинликда тобланади. Баъзи холларда ечиб олинадиган ёки буриб четлатиб ўқйиладиган ўрнатгичлар ишлатилади. Бурчак ўрнатгичлари ёрдамида асбоб ҳолати икки йўналиш (текислик) бўйича назорат қилиниши мумкин.

Пармалаш ва кенгайтириш мосламалари учун кондукторлик втулкалари Заготовкага нисбатан асбобларни эластик эгилишларидан сақлаш учун мосламаларда йўналтирувчан деталлар ишлатилади. Булар қаторига пармалаш ва кенгайтириш мосламаларда ишлатиладиган кондукторлик втулкалар киради. Доимий кондукторлик втулкалар буртсиз (3, а-расм) ёки буртли (3, б- расм) қилиниб ишланади ва майда сериялаб ишлаб чиқаришда битта асбоб ёрдамида ишлов берилганда қўлланилади (СС 4923) (СС- соҳа стандарти). Қулфли тез алмашинувчан (3, г-расм) втулкалар тешикка бир нечта кетма-кет алмашинадиган асбоблар билан ишлов берилганда ишлатилади (СС 24924). Кондукторлик втулкалардан фойдаланиш чоғида ёрдамида тешик ўқининг жойи ва диаметр ўлчами аниқлиги ошади. Шунинг билан бирга тешиклар ўқлари жойларни белгилашга хам зарурият қолмайди. Кондукторлик втулкасиз ишлаганга нисбатан тешик диаметрининг аниқлиги 50% дан ошади. Диаметри 25 мм гача бўлган втулкалар учун У10А, У12А, ёки ХГС пўлатлари Н RC 62-65 гача тобланиб ишлатилади. Диаметри 25 мм дан катта втулкалар учун 0,8... 1,2 мм чуқурлигига сементация қилинган пўлат 20 ёки 20Х ишлатилади. Агар тешик чуқурлиги диаметридан ошмаса кондукторлик втулкаларнинг хизмат муддати 10... 15 минг тешикка ишлов бериш имкониятига эга бўлади. 3-расм. Кондуктор втулкалар кўриниши.

Тешикнинг ўқи жойлашиш аниқлиги юқори бўлиши учун асбоб билан втулка оралиги иложи борича кичик, лекин асбобни эркин ҳаракатланишига халақит бермайдиган бўлиши керак. Шунинг учун пармалар ва занкерлар билан ишлов берганда втулкалар ишчи диаметри квалитети F 8 четланиши билан, развертка билан ишлаганда эса F 7 квалитетида вал системасининг четланишлари билан ишланиши керак. Агар тешик ўқининг жойлашиш аниқлиги 0,05 мм дан юқори бўлса, парма ўтиши учун втулка тешигининг допуски Н7 бўлиши керак. Асбобни йўналтириш аниқлигини ошириш учун баланд втулкалардан фойдаланса бўлади, уларни баландлиги парманинг винтсимон ариқчаси қадамига тенг бўлиши керак. Кондукторлик втулка тешигини чегаравий ўлчамларини аниқлаш учун олдин тегишли стандартлар бўйича асбоб диаметрининг допусклари аниқланиши керак. Втулка ейилишини камайтириш учун уни пастки сирти билан заготовка орасида l оралиқ қолдирилади. Шунда кесиб олинган қиринди втулка ичидан ўтмасдан втулкага кирмай ажралиб тушади. Бу оралиқни l қиймати ишланаётган материалга боғлиқ. Чўян пармаланиб ишланганда l = (0,3… 0,5) d ; пўлат ва бошқа қовушқоқ материаллар ишланганда оралиқ қийматини диаметргача катталаштириш лозим. Бу оралиқ қийматти ишланаётган тешик ўқининг жойлашиш аниқлигига ҳам боғлиқ. Втулкаларни ташқи бирикиш сирти R а 1,25…0,64 мкм гача жилвирланади. Втулкаларни ишлаш муддатини ошириш учун асбоб ўтувчи тешик сирти R а 0,32… 0,16 гача тозаликда ишлангани афзал. Кейинги йилларда игнали подшипникларга ўрнатилган кондукторлик втулкалар ишлатилмоқда. Бу втулкаларнинг радиал ўлчами кичик, аниқлиги юқори ейилишига чидамли ва катта тезликлар билан ишлов бериш имкониятини беради (СС 380-60) Бундай втулкалар кўпинча кенгайтириш мосламаларида ишлатилади. Шаклдор юзаларга ишлов беришда нусха кўчириш имкониятига эга бўлган кўрилмалар ишлатилади. Бунда ишчи асбобни шаклдор юзалар бўйича ҳаракатини копир ёрдамида таъминланади.

Масалан, шаклдор юзага эга бўлган заготовкани фрезерлаш учун (4-расм) мос ҳолда маҳкамланган заготовка 1 ва копир 2 умумий ўқ бўйича айланади, ролик 3 ва фреза ўқлари орасидаги «а» масофа доимий сақланади ва биргаликда ҳаракатланади. Копир хамма вақт роликга тегиб туради. Фреза ўқи ва копир айланиш ўқи орасидаги масофа копир профилига мос ҳолда ўзгаради ва бу билан керакли шакл олинади. 4-расм. Шаклдор берк профил бўйича фрезерлаш ва копир профилини қуриш схемаси. Мослама таналари Мослама танаси базавий деталдир. Танага ўрнатиш элементлари, қисиш қурилмалари, йўналтирувчи ва ёрдамчи деталлар маҳкамланади. Кесиш ва қисиш кучлари заготовка оркали танага таъсир кўрсатади. Шунинг учун тана мустахкам ва бикр бўлиб заготовкаларни тез ўрнатиш ва ечиб олиш учун кулай бўлиши керак. Тана конструкцияси мосламани дастгоҳда тўғри ва тез ўрнатиш элементларини қириндидан тозалаб туриш учун қулай бўлиши керак. Таналар яхлит ва йиғма бўлиши мумкин. Яхлит таналар кулранг чуяндан ўйиб ёки пўлатдан пайвандлаб тайёрланади. Пайвандланган пўлат таналар асосан катта деталларга ишлов бериш учун мўлжалланган мосламаларда ишлатилади. Пайвандланган таналар деталлари учун заготовкалар 8… 10 мм қалинликдаги сортли пўлатдан бичиб қирқиб олинади. Пайвандланган пўлат таналар қуйма чўян таналардан арзон,уларнинг оғирлиги

оз ва ишлов берилишига қулай. Пайвандлаш жараёнида таналар деформацияланади. Шунинг учун буларда қолдиқ кучланишлар содир бўлиб, улар тана аниқлигига таъсир қилади. Бу кучланишларни йўқотиш учун пайвандланган жойлар юмшатилади. Мосламаларни дастгоҳларга ўрнатииш учун ўрнатиш жойлари дастгоҳга мос келиши керак. Масалан, токарлик дастгоҳларда шпинделни сирти ва тешиги конструкцияси хамда ўлчамларига мос ҳолда токарлик патрони ўрнатиш юзалари тайёрланади. Фрезерлик мосламалари дастгоҳ столи Т-симон чуқурчаларга алохида шпонкалар ёрдамида базалаштирилиб болт билан маҳкамланади (5- расм). Таналарни лойиҳалашда мухим масалалардан бири қириндилар ва мойлаш- совутиш суюқликларини қулай чиқариб ташланишига асосий эътибор берилади (6- расм). Алюминий ва пластмассалардан ишланган таналар кам ишлатилади. Стандарт ва нормаллаштирилган заготовкалардан таналар тайёрланса уларнинг сермеҳнатлиги ва таннархи пасаяди.

Адабиётлар: 1. Андреев Г.Н., Новиков В.Ю., Схиртладзе А.Г. Проектирование технологической оснастки машиностроительного производства. -М.: Высшая школа, 1999. -415с. 2. Ансеров М.А. Приспособления для металлорежущих станков. 4-е изд. - М.: Машиностроение, 1975, -656 с. 3. Белоусов А.П. Проектирование станочных приспособлений. -М.: Высшая школа, 1980. -240с. 4. Горошкин А.К. Приспособления для металлорежущих станков: Справочник. -М.: Машиностроение, 1979. -303с. 5. Корсаков В.С. Основы конструирования приспособлений. -М.: Машиностроение, 1983. -277. 6. Кузнецов Ю.И. Конструкции приспособлений для станков с ЧПУ. -М.: Высшая школа, 1988. -303с. 7. Перегудов Л.В., Хошимов А.Н., Шалагуров И.К. Перегудов С.А. Автоматлашган корхона станоклари -Т.: «Узбекистон», 1999. 488б. 8. Терликова Т.Ф., Мельников А.С., Баталов В.И. Основы конструирования приспособлений. -М.: Машиностроение, 1980. -119. 9. Алексеева Н.А., Джайман В.В., Серпичева Е.В. Основы проектирования и конструирования узлов и деталей машин и механизмов. - М.: Издательство. МАИ. 2006. - 104 с. 10. Базаров Б.С. Основы технологии машиностроения. -М.: Машиностроение, 2007. - 380 с.

O'xshashlar

Деталларга механик ишлов бериш аниқлиги

Металларга ишлов бериш дастгоҳларининг электр жиҳозлари

Мосламаларни ўрнатиш, маҳкамлаш элементлари

Технологик мосламаларни вазифалари ва таснифи

Техник меъёрлаш асослари