Кўтариш транспорт машиналарининг электр ускуналари - Mashinasozlik - Referatlar

Кўтариш транспорт машиналарининг электр ускуналари

Yuklangan vaqt:

24.11.2022

Ko'chirishlar soni:

0

Hajmi:

820.6513671875 KB

Ko'chirib olish

Кўтариш транспорт машиналарининг электр ускуналари Режа: 1. Кўприкли кранларнинг электр ускуналари ва бошқариш схемалари 1.1. Кранлар ҳақида умумий маълумотлар 1.2. Кўтаргичлар ва лифтларнинг электр ускуналари ва бошқариш схемалари 1.3. Ерда юрувчи электр аравача ва узлуксиз транспорт механизмларининг электр ускуналари

1. КЎПРИКЛИ КРАНЛАРНИНГ ЭЛЕКТР УСКУНАЛАРИ ВА БОШҚАРИШ СХЕМАЛАРИ 1.1. Кранлар ҳақида умумий маълумотлар Кран деб–юкларни қисқа масофага горизонтал ёки вертикал ҳолатда силжитиб берувчи юк кўтарувчи қурилмага айтилади. Бажарадиган вазифаси ва иш шароитларига кўра кранлар кўприкли, минорали, чорпояли ва бошқаларга бўлинади. Электр машинасозлик корхоналаридаги цехларда оғир ярим тайёр маҳсулотларни, детал ва машина қисмларини кўтариб тушириш учун ҳамда уларни цех бўйлаб силжитиш учун кўприкли кранлардан кенг фойдаланилади. Кўприкли кранни кўриниши асосан цехнинг тузилиши ва технологик жараёнга боғлиқ, бироқ кран ускуналарининг қисмлари, масалан кўтариш механизми, силжиш механизми ҳар хил кранлар учун деярли бир хил бўлади. Қуйидаги расмда кўприкли кранни умумий кўриниши кўрсатилган (141–расм). 96–расм. Кўприкли краннинг умумий кўриниши Кран конструкцияси иккита асосий балкадан иборат бўлиб цех бўйлаб юрувчи ғилдиракларда ҳаракатланади. Ғилдираклар релсда ҳаракатланади. Ғилдиракларни электродвигател редуктор ва трансмиссион валлар орқали ҳаракатга келтирилади. Кўприк бўйлаб ҳаракатланувчи аравача ўрганилган бўлади.

Кран механизмларини ишлашини бошқариш кабинасидан оператор орқали бошқарилади. Кабинада контроллер ва бошқарувчи контроллерлар, электрюритма механизмларини қўл билан бошқариш қурилмаси жойлашган. Юритманинг бошқариш электр ускуналари кран кўприкдаги шкафда жойлашган бўлиб, қаршиликлар яшиги ҳам шу ерда жойлашган. Электр ускуна ва механизмларга хизмат кўрсатиш учун кабинадан кўприкка ўтиш люклари мавжуд. Кранларга электр энергияси сирпанувчи ток ўтказгич ёрдамида асосий троллердан берилади. Аравага механизмдаги жойлашган электр ускуналарга электр энергияси ёрдамчи тройлердан таъминланади. Кўприкли кранларда юкнинг турига қараб хар хил тутувчи қурилмалардан фойдаланилади. Масалан: кранлар, магнитлар, грейдер, клетн ва бошқалар. Булардан кранлар ва кўтарувчи электромагнитлар кўп қўлланилади. Электромагнитни электр таъминоти кранга ўрнатилган кабел барабанига ўралган эгилувчан кабел ёрдамида амалга оширилади. Барча турдаги кранлар юкларни силжитиш учун. Бу эса кран электр юритмаларини ҳисоблаш учун қуйидаги умумий муаммоларни келтириб чиқаради: статик юкламаларни ҳисоблаш, двигател қувватини танлаш, иш режимларни таҳлил қилиш, электр юритмалар тизимини танлаш.

97–расм. Кўприкли краннинг а) кўтариш механизми, в) аравача механизмини, г) кўприкни юрувчи ғилдирак юритмасини кинематик схемаси ва б) кран механизмининг юкламага нисбатан фойдали иш коэффициенти 142–расмда кўприкли кранни кинематик схемаси кўрсатилган. Кўтариш барабани ёки ҳаракатланувчи ғилдиракнинг бурчак тезлигига нисбатан двигателларнинг бурчак тезлиги бир неча баробар ортиқ бўлганлиги учун механизм ишчи органларига ҳаракат редукторлар орқали берилади. Кўтариш механизмлари учун кўп ҳолда полиспастли схемадан фойдаланилади. Бунда (142–расм) Б барабандаги ҳаракат К крюкга узатилади. Схемадаги полиспастда узатишлар сони 4 га тенг. (142–расм) расмда аравача механизмнинг схемаси кўрсатилган. У тўртта юрувчи ғилдиракка эга. Бундан иккитаси вал билан бириктирилган ва у Р редуктор орқали двигателдан ҳаракатга келтирилади. Ҳаракатланувчи ғилдиракларга ҳаракат кўприкда ўрнатилган двигателдан кўприкнинг ўртасида жойлашган редуктор орқали узатилади. Бундан ташқари кўприкда механизмни алоҳида

ҳаракатланувчи ғилдиракли турлари ҳам кенг қўлланилади. Бунда ҳар бир механизм алоҳида механик тормозлар двигател ва редуктор ўртасидаги уловчи муфтага ёки валнинг нариги томонига жойлашган тормозловчи шкафга ўрнатилади. Крюкнинг номинал ҳаракат тезлиги 0,15–0,2 м/с, аравачаники 0,65–1 м/с, кўприкники 2,0–2,3 м/с га тенг. Юкни кўтариш бўйича кранлар шартли равишда кичик (5–10 т), ўртача (10–25) ва катта (50 т дан юқори) ларга бўлинади. Кўприкли кранларнинг аравачасида 15 т дан юқори ҳолларда иккита кўтариш механизми бўлади, булар: асосий–оғир юкларни кичик тезликда кўтариш учун, ёрдамчи–енгил юкларни катта тезликда кўтариш учун хизмат қилади. Кран электр жиҳозларининг алоҳида хусусиятлари ва уларнинг иш тартиблари. Кранларда юкланиш катта диапазонда ўзгариб туради. Кўтариш механизмларида номинал қийматга нисбатан 0,12 дан 1 гача ҳаракатланувчи механизмларда 0,5 дан 1,0 гача. Бундан ташқари кранларнинг алоҳида хусусияти уларнинг қисқа қайтарилувчи режимда ишлашидир. Барча кранлар механик ва электрик ускуналарининг иш тартибига кўра 4 категорияга бўлинади. Е–енгил, Ў–ўртача, О–оғир, ЖО–жуда оғир. Асосий кўрсаткичи механизм двигателининг ишлаш давомийлиги ПВ %, бўлиб Енгил иш тартиби учун ПВ=10 ÷ 15 % Ўрта иш тартиби учун ПВ=15 ÷ 25 % Оғир иш тартиби учун ПВ=25 ÷ 40 % Жуда оғир иш тартиби учун ПВ=40 ÷ 60 %

Бошқариш ва ҳимоя аппаратлари. Кулачокли куч кран контроллерлари. Улар ёрдамида кранларни (ўзгарувчан ва ўзгармас ток кран электродвигателларининг) юргизиш, тўхтатиш, реверс ҳамда бурчак тезлигини бошқариш мумкин. Ҳозирги пайтда куч контроллерлари енгил, ўрта ва оғир иш режимларида қуввати 30 кВт гача бўлган двигателларни улаш учун қўлланилади. Фаза роторли АД ларни бошқариш учун ККТ–61, ККТ61А, ККТ–62 ва ККТ–62А контроллерлардан фойдаланилади. Бундан ташқари ККТ68А ҳам қўлланилади. Бу контроллерларда двигател статор чўлғами икки реверс контактлар орқали коммутация қилинади. Қисқа туташув роторли АД ларни бошқариш учун ККТ–63 контроллеридан фойдаланилади. Ўзгармас ток двигателларида эса аравача механизмида ККП–101 ва кўтариш механизмида ККП–102 типидан фойдаланилади. Магнит контроллерлар. Улар қуввати 150 кВт гача бўлган двигателларини бошқариш учун хизмат қилади. Магнит контроллерларни конструктив панели икки вариантда бажарилади: карпасли ва изоляция қилинган шахтада панелли. Каркасли коснтрукцияли контроллерлар ток ўтказувчи қисм ва корпус ўртасида бир поғонали изоляция қўлланилган бўлади ва уланган бино ичида жойлашган кранларда қўлланилади. Панел конструкцияли контроллерлар икки поғонали изоляцияга эга бўлиб, магнит контроллерлар шкафга жойлашган бўлади. Кранларнинг ҳимоя панели кран двигателининг контроллерли бошқаришда қўлланилади. Ҳимоя панелида кранларнинг ўта юкланишдан, қисқа туташувдан, электр таъминотида узилиш бўлганидан сўнг ўз–ўзидан юриб кетишдан ҳимоя қилувчи электр аппаратлар жойлашган бўлади. Ҳимоя панели аппаратуралар жойлашган металл шкафдан иборат бўлиб, шкаф эшиги қулфланади ва бу қулф бош ўчиргич билан блокировка қилинган бўлади. Ҳимоя панели одатда кран кабинасига жойлаштирилади. Қуйидаги расмда ПЗК типидаги ҳимоя панелининг принципиал электр схемаси кўрсатилган. Панелнинг асосий аппарати ВВ (кириш ўчиргичи), КЛ– контактор, РМ–РМО икки гуруҳлашган реле, РМ1–РМ3–максимал ток

релеси, РМО1 ва РМО2–блок релеси, КнР–панелни улаш кнопкаси, П р – бошқариш занжирининг сақлагичи. 98-расм. Колодкали электромагнит тормоз Кранларни тўхташ қурилмалари ва юк кўтариш электромагнитлар. Тўхташ қурилмаси – бу двигател ўчиб қолган ҳолатда юкни бир ҳолатда ушлаб туриш ҳамда юкни осилиб турган ҳолатида ушлаб утириш учун хизмат қилади. Кранларда колодкали, дискали ва лентали механик тормозлардан фойдаланилади. 143-расмда колодкали, пружинали тормоз кўрсатилган. У бир фазали электромагнит юритмага уланган бўлиб, бу ерда 6–тўхтатувчи шкив, 11– тўхтатувчи колодка, 1–7–ричаг, 8–магнит ўтказгич, 10–ғалтак, 3–пружина, 2–ўзак, 4–скоба. Тўхтатувчи электромагнитлар бир фазали ва уч фазали, ўзгармас ва ўзгарувчан токда ишлаши мумкин. Электромагнит ғалтаги двигател билан бир вақтда уланиб узилади. Якорнинг ҳаракатига кўра электромагнит тўхтатгичлар қисқа ва узун юришликларга бўлинади. Ўзгармас ток электромагнити двигател якорига параллел ёки кетма–кет уланган ҳолда тайёрланади. Биринчи ҳолда катушка катта индуктивлик ҳосил қилиш учун кўп чўлғамли қилиб тайёрланади. Бундай электромагнитларда тез ишлаши

учун улар кичик кучланишга ҳисобланади. Уланиш пайтида ғалтакга тўлиқ кучланишни берилиши электромагнитни ишлашини тезлатади. Ғалтаклари кетма–кет уланган электромагнитлар уланиш схемаси содда ва тез ишлаш хусусиятига эга, бундан ташқари разряд қилувчи ва токни чегараловчи қаршилик шарт эмас. Бундай электромагнитларни асосий камчилиги у двигателни юклама токига боғлиқдир. Улар кўп ҳолда якор токи миқдорда ўзгарувчи ҳаракатланувчи механизмларда қўлланилади. Ўзгарувчан ток электромагнит ғалтаги асинхрон двигател статорига параллел уланади. Бундай электромагнит ғалтак уланганда ундан катта ток оқиб ўтади. Тўхтатувчи электромагнитлар ПО=15,25,40 ва 60 % да ишлаб чиқилади. Улар ўзининг формаси, массаси ва тўхтатиш кучи билан фарқланади. Электрогидротолкателлар. Тўхтатувчи электромагнитларнинг асосий камчилиги улардаги бирданига уланиш бўлиб, бунинг натижасида якор магнит ўтказгичга урилади, токнинг катта қийматда ўзгариши ричаг ҳолатининг ўзгаришига олиб келади. 99–расм. Электрогидротолкателли тормоз

Шунинг учун кранлардаги тўхтатувчи қурилмаларда электрогидротолкателлар кенг қўлланилмоқда. Улар фойдаланиш жараёнида катта ишончлиликка эга, тез ва охиста тўхташ имконини беради, керакли миқдорда тўхташ моментини ҳосил қилиб, осон бошқарилади. 144–расмда электрогидротолкателллар кўрсатилган. Бу ерда 1–корпус, 7–қисқа туташув роторли АД, 6–поршен, 5–ричаг, 2–пружина, 3,4–ричаг. Тўхтатиш юритмаси учун ЭГТ ТГ–50, ТГ–80 ва ТГ–160 типидаги қуввати 500, 800 ва 1600 Н ли электрогидравлик итаргичлар қўлланилади. Итаргичлар кўрсатилган қувватини номинал кучланишга нисбатан 90 % бўлмаган ҳолда ишлайди. Бир соатда уланишлар сони 700 да 2000 гача ва ПВ=100% бўлади. ЭГИ ларнинг ишлаш вақти 0,6 дан 15 с ташкил этиб, баъзи ҳолларда улар тўхташи билан бир қаторда кран механизмларининг двигателларни бурчак тезлигини ростлашни бошқариш учун ҳам хизмат қилади. 100–расм. Юк кўтарувчи электромагнитлар а–айланасимон электромагнитни умумий кўриниши; б–ПМС–50 типидаги магнит контроллерни электр схемаси. Юк кўтарувчи электромагнитлар. Бундай ускуналардан фойдаланиш ферромагнит материалларни ташишда уларни ушлаб ва ташлаб

юбориш операцияларини давомийлигини камайтиради. Қуйидаги расмда доира шаклидаги юк кўтарувчи электромагнит кўрсатилган. Бу ерда 1–ғалтак, 2–пўлат корпус, 3–қутбли бошмак, 4–ҳимоя қилувчи ҳалқа, 5–эгилувчан кабел. Электромагнитни кўтарувчи кучи кўтарилувчи юкнинг характери ва ҳароратига боғлиқ, зичлиги катта юкларни кўтариш учун кўтариш кучи ортади, аксинча зичлиги кам бўлган юклар учун кўтариш кучи камаяди. Бундай электромагнитларнинг ғалтаги ўзгармас ток манбаидан таъминланади ва у катта индуктивликка, қолдиқ магнит оқимига эга. Кўтариш электромагнитини бошқариш кранчи кабинасида ўрнатилган шкафда жойлашган магнит контроллерлар ёрдамида амалга оширилади. 145– расмда ПМС–50 типидаги магнит контроллерларни принципиал схемаси кўрсатилган. 1.2. Кўтаргичлар ва лифтларнинг электр ускуналари ва бошқариш схемалари Халқ хўжалигининг бир қанча тармоқларида кўтариш механизмларидан инсонларни ва юкларни вертикал йўналишда кўтариб тушириш мақсадида фойдаланилади. Вертикал транспортларни ичида энг кўп тарқалган механизм– лифтлар дейилади. Лифтлардан замонавий саноат корхоналарида ва кўп қаватли биноларда кенг фойдаланалади. Лифтлар стационар механизм бўлиб, у бинонинг бир қаватидан бошқа қаватига юкларни ва инсонларни ташиш учун атрофи ўралган ва шахтада ҳаракатланувчи кабинада ҳаракатланади. Ҳозирги пайтда ишлаб чиқарилаётган лифтлар эшикларини очилиб ёпилиши, ҳаракатланиши, тўхташи ва юриши каби операциялари юксак даражада автоматлаштирилган ҳолда бажарилмоқда. Улар хавфсиз ва қулайлиги билан халқ хўжалигида кенг қўлланилмоқда. Бажарадиган

вазифасига кўра лифтлар пассажирлар ташувчи, юк ташувчи (кузатувчили ёки кузатувчисиз) пассажир ва юк ташувчи, махсус турларга бўлинади. Пассажир лифтлари кабинанинг ҳаракат тезлигига кўра секин (0,5 м/с гача), тез (1 м/с гача) ва жуда тез юрар (1 м/с дан юқори) га бўлинади. Юк ташувчи лифтлар эса кўп ҳолларда 0,1–0,5 м/с ҳаракат қилади. Пассажир лифтларини юк кўтариш ҳажми 250 дан 1500 кг гача, яъни 3–21 кишига мўлжалланган бўлади. Юк ташувчи лифтлар эса 50–5000 кг ни ташкил этади. Барча турдаги ва конструкциядаги лифтларни асосий бўьинлари юк кўтарувчи лебедка, арқон, кабина, пасанги, двигател, механик тўхтатгич ва бошқа аппаратлардан иборат.

101-расм. Пассажир лифтларни умумий кўриниши 4.6–расмда пассажир лифтларни умумий кўриниши берилган. Бу ерда 2–шахта, 6–кабина, 7–арқон, 12–арқон юрадиган шкиф, 14–пасанги, 10– двигател, 5–кабел (егилувчан), 11–электро– магнит тўхтатгич, 13–умумий рама, 9–бошқариш шкафи, 1 ва 16–пружинали буфер, 4 ва 15– йўналтиргич, 3–ўчиргич, 8–қаватларга қайта улагич.

Лифт электр юритмаларига қўйиладиган асосий талаблар. Инсон ва юкларни ташишдаги операцияларни сифатли бажариш учун лифт электр юритмаларига қуйидаги талаблар қўйилади: двигателни реверсив ишлашини таъминлаш, юргизиш ва тўхтатишни оҳиста бўлишига эришиш, тезланиш ва секинлашини белгиланган маромда бўлишини таъминлаш, ўтиш жараёнларини вақтинча камайтириш, кабинани эшиги пол сатҳида аниқ тўхташини таъминлаш. Бу талабларни бажариш лифт ишини алоҳида хусусиятларига боғлиқ. Қуйидаги пассажир лифтларини унумдорлигини ҳисоблаш формуласида ҳам бу хусусиятлар кўриниб турибди: (63) бу ерда Е к– кабинанинг номинал сиғими, Н–кўтариш баландлиги м, Я– к–кабинанинг ҳаракат тезлиги м/с, Е т– тўхташ вақти, с–кабинани юкланиш коэффициенти. Формуладан кўриниб турибдики, лифтларнинг унумдорлиги кабина сиғимига тўғри пропорционал ва ҳаракат тезлиги билан аниқланади. Кабиналарни юргизишда ва тўхтатишда рухсат этилган тезланиш секин юрувчи лифтлар учун 1,5 м/с 2 , тез юрар лифтлар учун 2,5 м/с 2 . "Стоп" тугмаси билан тўхтатишдаги энг катта секинлаши 3,0 м/с 2 дан ошмаслиги керак. Пассажирларни хавфсиз ва қулай чиқиб тушиши ва юкларни осон юклаб тушириш ҳамда бу жараёнларни тезлатиш учун лифт кабинаси тўхтатиш пайтида этаж майдонининг сатҳидаги белгиланган аниқлик даражасида тўхтатиш керак. Лифтлардаги аниқ бўлмаган тўхташлар пассажирларни, чиқиб тушишга кетган вақтларини ортишига ва юкларни эса юклаб туширишни қийинлашишга олиб келади. Лифтларнинг асосий электр ускуналари. Лифт юритмалари учун қаттиқ механик характеристикага эга бўлган уч фазали асинхрон двигател ва махсус мустақил қўзғатиш чўлғами ўзгармас ток двигателидан фойдаланилади. Лифт электр ускуналарининг конструкциясини соддалаштириш учун қисқа туташган роторли АД дан ҳам фойдаланиш

мумкин. Бундай двигателлар фақат секин юрувчи пассажир ва юк ташувчи лифтларда фойдаланилади. Тез юрар лифтларда аниқ тўхтатишни таъминлаш учун икки тезликли АД дан фойдаланилади. 102–расм. Лифтларнинг кинематик схемаси Д–двигател; Т–тормоз; Р–редуктор; КШ–арқон етакловчи шкив; К– кабина. 1.3. Ерда юрувчи электр аравача ва узлуксиз транспорт механизмларининг электр ускуналари Электр аравача–электрокаралар текис майдонда ҳар хил юкларни ташиш учун хизмат қилади. Электр аравачадан саноат корхонасидаги ва омборлардаги тор йўлакларда ҳам фойдаланиш мумкин. Бундай механизмлар бошқариш осонлиги, ўзидан зарарли газ чиқармаслиги,

шовқинсизлиги, ҳар томонлама ҳаракатланиш имкониятига эга эканлиги билан бошқа турдаги транспорт воситаларидан ажралиб туради. Сўнгги йилларда ЭТ–2040 турдаги аккумляторли бир двигателли аравача кенг қўлланилмоқда. Электр аравача олдинги ғилдираклари пневматик бошқариладиган ва орқа етакловчи кўприкдан иборат. 148–расм. Етакловчи ғилдиракка ҳаракат кетма–кет қўзғотишли чўлғамли ўзгармас ток двигателидан дифференциал ва кардан вал орқали берилади. Электр аравача икки хил тўхтатувчи тизимга эга: булар гидравлик юритма орқали орқа ғилдиракка таъсир этувчи оёқда бошқариладиган ва двигател валига ўрнатилган ва қўл билан бошқариладиган механик юритмадан иборат. ЭТ–2040 турдаги электр аравачанинг асосий техник катталиклари қуйидагича: юк кўтарувчанлиги–2000 кг, массаси– 1860 кг. 103–расм. Электр аравачанинг умумий кўриниши. 1–рул билан бошқариш, 2–хайдовчининг ўриндиғи, 3–аравачанинг корпуси, 4–корпус, 5–юриш ғилдираклари, 6–тўхтатиш дастаги. Юк билан ҳаракатланиш тезлиги 16 км/соат, юксиз ҳаракат тезлиги 22 км/соат. Ҳаракатдаги двигател тури РТ–2 (Р н =3,2 кВт, И н =100 А, У=40 В, ω ном =100 рад/с, ПВ ном =40 %) ёпиқ табиий ҳолда совутилади. Электр аравачанинг принципиал электр схемаси 4.9–расмда кўрсатилган. Бунда электр занжир Б1 ва Б2 секциядан ташкил топган аккумулятор батареясидан таъминланади. Куч занжири билан коммутация қилиш учун К1–К7 контактор ва кремний вентиллари Д1, Д2 дан фойдаланилади.

Д–двигател кулачокли вал ва микро қайта улагичлар К1–К6 орқали бошқарилади. Контроллер валининг айланиши ҳайдовчи ёрдамида педал орқали бошқарилади. Бунда ҳар бир ҳолатда 4.9,б–расмдаги диаграммада кўрсатилганидек, қайта уланишлар содир бўлади. Аравачани тезлигини ростлаш двигател якоридаги кучланишни Д1 ва Д2 диодларни улаш ва К1 контактор ёрдамида Б1 ва Б2 аккумулятор батареяларини параллел ёки кетма–кет улаб, Р1 қаршиликни якор занжирига киритиш йўли билан қўзғотиш чўлғами ОВМ ни Р2 резистор ёрдамида шунтлаб амалга оширилади. Аравачани ишга тайёрлаш учун В1 ўчиргич ёрдамида ўчириб, В3 қайта улагич олдинга ёки орқага ҳолатга қўйиб қўл билан тўхтатгич ёрдамида тўхтатилади. Д двигателни юргизиши ва уни тезлигини бошқариш қуйидаги кетма–кетликда бажарилади: 1. Контроллер 1 ҳолатда К р1 контакт орқали олдинга ёки орқага юргизиш контакти В3 манбага уланади. К4 (ёки К6) ўзининг асосий контактини двигателни якор занжирини улашга тайёрлайди. 2. Контроллер 2 ҳолатда К р2 га қайта уланади ва К7 ёки К5 уланади. Д двигателни куч занжири туташтирилади. В1 ва В2, Д1 ва Л2 орқали уланади. Резистор Р1 чиқариб ташланади. Двигател ишга тушиб 149– расмдаги ω 1 тезликдаги характеристикасига эришади. 3. Контроллер 3 ҳолатда К р 3 ва К р 4 контакторлар орқали К 2 контактор манбага уланади. Батарея секциялари параллел уланиб қолади ва двигател 2–чи характеристикада ω 2 тезликда ҳаракатланади.

104–расм. ЭТ–2040 типидаги электр аравачанинг электр юритмаси а) электр схемаси. б) К1–К6 контакторларнинг қайта уланиш диаграммаси в) двигателнинг тезлик характеристикаси Аравачани тўхтатиш механик тормоз ёрдамида педални оёқда босиб амалга оширилади. Педал босилганда В2 уланиб К4 контактор манбадан узилади. Натижада двигател ҳам манбадан узилади.

Узлуксиз ишловчи қурилмаларининг тузилиши ва вазифалари. Узлуксиз транспорт механизмлари электр машинасозлик заводларида цех ичида ва цехлар орасида хар хил детал ва йиғма материалларни ташиш етказиб бериш учун (;) хизмат қилади. (металларни қайта ишлаш пайтидаги чиқиндиларни ишчи ўрнидан узоқлаштириш ва бошқалар). Бундай механизмларга биринчи навбатда лентали, осма ва роликли конвейерлар киради. Лентали конвейерни асосий конструктив элементи лента шаклида тайёрланган – ҳаракатланувчи орган ҳисобланади. Лентали конвейер ипи барабанга тортилган лентадан иборат бунда барабанлардан бири етакловчи иккинчиси етакланувчи бўлади. Етакловчи барабан механик узатма орқали двигателдан ҳаракатланади. Роликли конвейерларда эса режимлар гуруҳи ёки алоҳида электр юритмадан ҳаракатланади. Осма конвейерлар ҳам одатда кенг қўлланилади. Арқон ёки занжир кўринишида бўлиши мумкин (150–расм). Бунда ташиладиган юк илганча ёки махсус мосламага осиб ташилади. Конвейер асосий афзалликлари уларнинг узлуксиз ишлаши, улар юклаш ва тушиши пайтида тўхтатилмайди. Бундан ташқари фойдаланиш қулай қурилма содда, кран ва кўтаргичларга қараганда унумдорлиги юқори.

105–расм. Занжирли конвейернинг умумий кўриниши Конвейерларни конструкциялашдаги фарқларга қарамасдан улар учун қуйидаги умумий фойдаланиш режимлари мавжуд:

Назорат саволлари 1. Кранлар қандай мақсадларда ишлатилади? 2. Юк кўтарувчи кранларнинг қандай турларини биласиз? 3. Чорпояли краннинг электр ускуналари қандай тузилган? 4. Узлуксиз транспорт механизмларининг иш принципи қандай? 5. Ерда юрувчи электр аравачаларининг тузилиши ва иш принципини сўзлаб беринг. 6. Саноат машина ва жиҳозларини таъмирлаш ва улардан фойдаланишда қандай юк кўтариш машиналаридан кўп фойдаланилади?

АДАБИЁТЛАР 1. С.К. Камолов, Т.К. Жабборов, Саноат корхоналарининг электр таъминоти. Фарғона, “Фарғона” 2002 2. М.М. Матбобоев, Электротехнологик қурилмалар. Фарғона, “Фарғона” 2002 3. М.В. Авдеев, Е.Л. Воловик, Технология ремонта машин и оборудования. Москва, Агропромиздат, 1986 4. В.Ч. Черноиванов, Организация и технология восстановления деталей машин. Москва, Агропромиздат, 1989 5. Ш.У. Йўлдашев, Машиналар ишончлилиги ва уларни таъмирлаш асослари. Тошкент, “Ўзбекистон”, 1994 6. И.Г. Гореоышев, Слесарно – сборочные работы. 7. А.М. Красин. Слесарь механосборочных работ. 8. Г.Ч. Куценко, Основы гигиены труда и производственной санитарии. 9. С.М. Эйнис, Технология слесарных, ремонтных и сборочных работ. 10. Н.И. Макиенко, Общий курс слесарного дела. 11. Н.И. Макиенко, Слесарное дела с основами материаловедения.

O'xshashlar

Транспорт ва омбор хўжалигини ташкил қилиш

Юк транспортловчи машиналар

Машина ва ускуналарни таъмирлашдаги ишлаб чиқариш ва технологик жараёнлар тўғрисидаги тушунча

Металларга ишлов бериш дастгоҳларининг электр жиҳозлари

Авт автосервис корхоналарида мехнатни ташкил этиш, ишлаб чикариш ва ходимларни бошкариш