Деталларни бошқа усулларда тиклаш - Mashinasozlik - Referatlar

Деталларни бошқа усулларда тиклаш

Yuklangan vaqt:

20.09.2019

Ko'chirishlar soni:

0

Hajmi:

362 KB

Ko'chirib olish

Деталларни бошқа усулларда тиклаш Режа : 1. Резьбали бирикмаларга спирал ўрнатиш ва бошқа усуллар билан тиклаш. 2. Тикланган деталларга ишлов бериш хусусиятлари, р ежимларни танлаш, қўлланиладиган ускуналар. 3. Кавшарлаш ва уни қўлланиш соҳалари. 4. Деталларни мувозанатлаш. 5. Ҳаёт фаолияти ҳафсизлиги.

Резьбали бирикмаларга спирал ўрнатиш ва бошқа усуллар билан тиклаш Резбали бирикмаларни ЭД-6 эпоксид смола асосида таъмирлаш. Шпилка ости резбалсрининг е йилиши ва бузилиши. Носоз резбали даталлар Шпилка ости резбаларининг нуқсонлари ва ейилишлари . Резба ва илашувчи юзалар пўлат шетка билан тозаланади. Резбали юзалар ацетон билан тозаланиб 5-10 мин . қуритилади А қоришма тайёрланади. Резбали юзалар ацетон ёрдамида иккиламчи ёғсизлантирилади ва 5-10 мин қуритилади. Илашиш юзаларига юпқа

қоришма сурилади. Ортиқча ва оқиб чиққан қоришма томпон билан тозаланади, қуйидаги режимларнинг бири орқали қоришма мустахкамланади. Харорат (градус) 20 40 60 80 100 Вақт (соат) 72 25 4-5 2-3 1-2 Ейилган резбалар шилиниб янги, катта ўлчамдаги резба очилади.Шилиш ва резба ўлчамлари деталларни полимер материаллар билан таъмирлаш технологик харитаси албомидан танланади. Корпусдаги резбадагидек резбали вертиш тайёрланади, юза ва вертиш ацетон билан ёғсизлантирилади ва 5-10 минут қуритилади. Йиғишдаги, илашишдаги резбаларнинг ейилиши ва бузилиши.

А қоришма тайёрланади. Резбали юзалар ацетон ёрдамида иккиламчи ёғсизлантирилади ва 5-10 мин қуритилади. Илашувчи юзаларга қоришма юпқа холда сурилади ва тешикка вертиш махкамланади. Ортиқча ва оқиб чиққан қоришма томпон билан тозаланади,

Янги тешик очилиб керакли ўлчамдаги резба очилади Тикланган деталларга ишлов бериш хусусиятлари, р ежимларни танлаш, қўлланиладиган ускуналар. Тикланган деталларга ишлов бериш хусусиятлари. Тикланган деталларга ишлов бериш учун бажариладиган ишлар Деталларга кесиб ишлов бериш хусусиятларини Ўрнатиш заминларини танлаш ва яратишни Ишлов бериш режимини тўғри танлашни Замонавий кесиш асбобларини ишлатишни Ишлов беришда иш унумини ва ишлов бериш сифатини ошириш йўлларини топишни Жиҳоз ва мосламалардан фойдаланишни Деталларни мустахкамлашдаги ишлов бериш усулларини, уларнинг моҳиятини, тавсифини ва қўлланиш соҳаларини Ишлов беришда хавфсиз ишлаш тадбирларини (хавфсизлик техникасини)

Деталларга куйидаги холларда механик ишлов берилади Деталларни таъмир ўлчамларига мослаб тиклашда. Қўшимча ўрнатиладиган деталлар (масалан: оралиқ халқалар, втулкалар ва х.к.) ўлчамларига мослаб тиклашда. Ейилган деталларни таъмир ўлчамига мослаб тиклашда. Деталнинг бошланғич шаклини (номинал ўлчамларини) тиклашда. Ейилган ёки тирналган деталларни сиртларига ишлов бериш тартиби Ташки цилиндрик сиртлар- айланасига йўнилади, силлиқланади, ишқалаб мосланади, ялтиратилади ва х.к.. Ички цилиндрик сиртлар – йўниб кенгайтирилади, ёйиб кичрайтирилади, силлиқланади, чузилади ва х.к. Ясси сиртлар – рандаланади, фрезерланади, эговланади, силлиқланади, ялтиратилади ва х.к. Тикланадиган деталларга механик ишлов беришнинг асосий хусусиятлари куйидагилардан иборат 1.Ўрнатиш заминларини танлаш қийин. 2. Йўниладиган металл қатлами бир хил калинликда бўлмайди, яъни сирт нотекис ейилган бўлади. 3. Кесиш асбобини кўп марта ўтказиш талаб этилади (деталга хомаки ва тоза ишлов бериш) 4.Каттиқ қотишмалардан тайёрланган кескичлардан фойдаланиш лозим.

5. Жилвир тошлар билан ишлов бериш керак бўлади. Кесиб ишлов беришдан фарқи, жилвир тошлар билан ҳар қандай сиртларга ишлов бериш мумкин, аммо бунда металлнинг юпка қатлами олинади. Комплектлаш жараёнида ҳал этиладиган муҳим вазифалардан бири айланадиган детал ва қисмларни мувозанатлашдан иборат. Номувозанатлик ҳодисалари тирсакли ҳамда карданли валлар, ғилдирак ва илашиш муфталарининг дисклари, маховиклар ва бошқаларда содир бўлади. Кавшарлаш ва уни қўлланиш соҳалари Деталларни кавшарлаб тиклаш : кавшарлаш деб каттиқ ҳолатдаги металларни суюқлантирилган ёрдамчи (оралиқ) металл ёки қотишма ёрдамида бириктириш жараёнига айтилади. Бу металл ёки қотишманинг суюқланиш температураси бириктирилувчи металлнинг суюқланиш температурасидан кам бўлади. Металл ёки қотишма кавшар деб аталади. Кавшарлар алоҳида осон суюқланувчан (суюқланиш температураси t < 145 C билан характерланади) осон суюқланувчан: 145 < t < 450 C ўртача суюқланувчан, 450< t< 1100 C юқори суюқланувчан: 1100 <t < 1850 C ва қийин суюқланувчан: t > 1850 С хилларга бўлинади. Бироқ ремонтда ҳали ҳам икки группага ажратилган кавшарлашлардан фойдаланилади: суюқланиш температураси 450 С гача бўлган паст температурали юмшоқ кавшарлар ва суюқланиш температураси 450 С дан ортиқ бўлган юқори температурали (каттиқ) кавшарлар. Металларни бириктиришнинг бошқа усуллари олдида кавшарлашнинг афзалликлари куйидагилардан иборат: жараённинг оддийлиги ва юқори унумдорлиги; деталлар шакли, ўлчамлари ва химиявий таркибининг аниқ сақланиб қолиши (осон суюқланадиган

кавшарлар билан кавшарлашда металлнинг структураси ва механик хусусиятларининг сақланиб қолиши) бундан ташқари детални тиклаш таннархининг камлиги. Осон суюқланадиган кавшарлар билан кавшарлашнинг асосий камчилиги суюқланиш температурасининг пастлиги ва ҳар вақт ҳам етарли даражада пухта бирикмаслигидан иборат. Машиналарни ремонт қилишда кавшарлаш радиатор, ёнилғи баклари ва ёнилғи трубалари, электр жиҳозлар, карбюраторлар, кабина қанот ва х.к. ларни тиклашда қўлланилади. Кавшарлар. Кавшарлар олдига куйидаги асосий технологик талаблар куйилади: суюқ ҳолда яхши окувчанлик ва бириктирилувчи сиртларнинг яхши намланувчанлиги; кавшарланган бирикмаларнинг яхши пухталиги ва пластиклиги, коррозияга чидамлилиги. Кавшарнинг номи унинг асосий компоненти ёки асосий компонентлари таркибида қимматбахо ва камёб металлар бўлганда эса шу металлар (кумуш, олтин ва хаказо) номи билан белгиланади. Ремонт тажрибасида кўпинча к алай- кўрғошин, мис, мис-рух, шунингдек кумуш кавшарлардан фойдаланилади. Қалай- кў р ғошин кавшарлар таркибида бир оз сурьма бўлган қалай ва кўрғошин қотишмасидан иборат. Улар таркибидаги сурьма микдорига қараб уч группага бўлинади: сурьмасиз ПОС 10, ПОС-40, ПОС 61 ва ПОС 90 ; кам сурьмали ПОССу 30-0.5 ; ПОССу -40-0.5 ва хаказо ; Харфлардан кейинги рақамлар кавшар таркибидаги ўртача процентда калай миқдорини, чизиқчадан кейинги рақамлар эса максимал процентда сурьма миқдорини билдиради. Учала группадаги калай-кўрғошин кавшарлар кичик температурада суюқланадиган турга киради. Бу кавшарлар кўп металлар сиртини яхши хўллаши ва ўзининг пластиклиги билан характерланади ; уларнинг суюқланиш температурасининг пастлиги (450 С дан кичик) оддий воситалар (кавшарлагич) билан кавшарлаш имконини беради. Кавшар таркибида калай кўп бўлган сари бирикманинг механик пухталиги ва коррозияга чидамлилиги ортиб боради, лекин бунда

кавшарнинг нарҳи ҳам ошиб боради. Кўрғошин кавшарнинг пластиклигини оширади. Бу кавшарлар унча юқори бўлмаган тем ператураларда ишлайдиган деталларни тиклашда ишлатилади. Сурьмасиз кавшарлар анча қиммат бўлганлиги учун кам сурьмали кавшарлардан кўпроқ фойдаланилади. Улар радиаторларни, генератор ва стартерлар коллекторларини, ёнилғи баклари, электр симлари ва хакозоларни оқартириш ҳамда кавшарлашда ишлатилади. П 200А ва П250А типидаги осон суюқланувчан калай - рух кавшарлардан алюминий ва унинг қотишмаларини кавшарлашда фойдаланилади. Мис ва мис-рух кавшарлар М1 ва М2 мис сими ёки чивиқлари ҳамда ЛК62-0.5, Л63, ПМЦ36, ПМЦ48 ва ПМЦ54 мис- рух қотишмаларидан иборат. Ракамлар кавшардаги миснинг ўртача процент микдорини, қолгани рух эканлигини кўрсатади. Бу кавшарларнинг барчаси оқувчанлик чегараси етарли, сиртни яхши хўллайдиган, пухта ва пластик бирикмалар ҳосил қилувчан бўлиб, бироқ юқори суюқланиш температурасига эга. Мис- рух кавшарлар 800...900 С, мис эса 1083 С температурада суюқланади. Кавшарлар таркибида рух миқдори кўп бўлган сари пухталик ва мўртлик камаяди, лекин рух суюқлантириш температурасини камайтиради. Шунинг учун латунни ПМЦ36 кавшари билан кавшарлаш тавсия этилади, пўлат ва чўян деталларни М1, Л63 ва ЛК62-05 кавшарлари билан кавшарлаган маъқул. Кумуш кавшарлар осон суюқланувчан ва стандарт хилларга ажратилади. Суюқланиш температураси 183 дан 342 С гача бўлган осон суюқланувчан кавшарларга кумушнинг калай ёки кўрғошин билан кўп ҳолларда сурьма ва кадмий билан қотишмаси киради. Булар Пср 2,5; Пср3-97; Пср 10-90 ва х.к. маркалардаги кавшарлардир. Кумуш миқдори харфлардан кейин процентда рақамлар билан кўрсатилган бу кавшарларда у 10 % дан, бошқа кўпларида 4% дан ошмайди. Осон суюқланувчан кумуш кавшарлар симлар ва бошқа электротехник бирикмаларни кавшарлаш учун тавсия этилади.

Стандарт кумуш кавшарлар асосан кумуш, мис ва рухнинг оз миқдордаги бошқа компонентлар - калай, кадмий, фосфор ҳамда марганец билан қотишмасидан иборат. Бу кавшарларнинг суюқланиш температураси 590 дан 822 С гача. Пср-10, Пср -12М ; Пср-25; Пср-45; Пср-65 ва Пср-70 маркалардаги энг яхши стандарт кумуш мис-рух кавшарлар (рақамлар кавшарда кумушнинг процент миқдорини билдиради) юқори даражада пухта ва пластик бирикмалар ҳосил қилиш имконини берсада, бироқ жуда қимматдир. Бу қотишмалар пўлат, мис ва унинг қотишмаларидан ишланган масъулиятли деталларни кавшарлашда ишлатилади. Флюслар. Ишлатиладиган кавшарлар, кавшарлаш усули, бирикманинг тузилиши ва ўлчамларига қараб кукун, паста эритма ва газсимон флюслардан фойдаланилади. Осон суюқланадиган кавшарлар ишлатилган холларда аммоний хлорид (навшадил) ва рух хлорид (хлорид кислота билан хурушланган рух) нинг 25... 50 % сувдаги эритмасидан иборат суюқ флюслардан фойдаланилади. Юқори температурада суюқланадиган кавшарлар билан кавшарлашда бура кукуни ва унинг борот кислота ва борат ангидрид аралашмасидан иборат каттиқ флюслар ишлатилади. Ишлатиш олдидан 400...450 С температурада тобланган соф бура кўпроқ ишлатилади. Алюминий ва унинг қотишмаларини кавшарлашда таркибида алюминийнинг оксид пардасини актив бузувчи калий хлорид, литий хлорид, натрий фторид ва рух хлорид бўлган 34А, Ф5, Ф134 ва бошқа маркадаги флюслар қўл келади. Мис ва унинг қотишмаларини кавшарлашда “ Прима-1” ва ЛТИ- 120 флюслари, қора металлар учун эса “Прима-2” ПВ-200 ва ПВ-201 флюслари ишлатилади. Кавшарлаш технологиясининг хусусиятлари. Кавшарланадиган жойлар, кир ёғ ва оксид пардалардан механик (зубило, эгов, жилвир коғоз ва бошқалар билан) ёки химиявий усулда обдан тозаланади. Кора

металлардан иборат деталларни тозалашда кислотали ёки ишқорли эритмалар ишлатилади. Рангли металлар механик усулда тозаланади. Осон суюқланадиган кавшарлар билан кавшарлаш одатда қизил мисдан иборат дастаки кавшарлагич ёрдамида бажарилади, чунки мис иссиқликни яхши ўтказади ва кавшарлагичнинг иш қисмига (учликка) иссиқликнинг тез ўтишига ёрдам беради. Кавшарлаш олдидан кавшарлагич учлиги эгов билан тозаланади, қизиган кавшарлагичга эса навшадил ёки рух хлорид билан ишлов берилади. Кавшарлашга тайёрланган сиртларга флюс сурилади ва сўнгра кавшар кавшарлагич воситасида бир текис, юпка қатламда сирт узра ёйилади. Қийин суюқланадиган кавшарлар билан кавшарлашда деталларни қиздириш учун газ алангасида пайвандлаш горелкаси, муфель ва маҳсус печлар темирчилик ў ч оғи ва бошқа иссиқлик манбаларидан фойдаланилади. Кавшарлаб бириктириладиган сиртлар бир-бирига обдан мослаб тўғриланади, чўян деталлардаги дарз четларига кучайтирилган чокларга мослаб ишлов берилади. Сиртлар кавшар суюқланадиган температурагача қиздирилади, уларга флюс сепилади, улар кавшар чивиқ билан оқаргунча ишқаланади ва аста-секин бутун чок ёки деталларнинг кавшарланаётган жойга тегиш юзаси тўлдириб борилади. Кавшарлашда бирикмаларнинг мустахкамлиги ва сифати кавшарлаш усулининг тўғри танлашга, тартибига, деталлар сиртини тайёрлашда бириктириладиган деталлар орасидаги тиркишни катталигига, кавшарлар ва флюслардан тўғри фойдаланишга боғлик. Кавшарланадиган сиртлар кир, ёғ, ва оксидланувчи пардалардан механик ёки кимёвий усуллар билан синчиклаб тозаланади. Қора металлардан тайёрланган деталлар кислота ёки ишқорли эритма билан, ранги металлардан тайёрланган деталлар эса механик усулда тозаланади. Кавшарланадиган сиртлар тозалангандан кейин бир-бирига мосланади (улар орасидаги тиркиш 0.1 – 0.15 мм бўлиши керак), чўян

деталлардаги дарзларнинг кирлари эса девор қалинлигига қараб очилади. Суюклантирилган кавшар бириктириладиган деталар сиртига улар орасида тиркишни тўлатадиган қилиб яхши ёйилади. Бирлаштириладиган деталлар сиртидан ва кавшардан оксид пардани кетказиш, шунингдек уларни оксидланишидан сақлаш учун кавшарлаш вақтида бирлаштириладиган сиртлар флюслар билан қопланади. Осон суюқланадиган кавшарлар билан кавшарлашда қизил мисдан тайёрланган дастакидан фойдаланилади. Кавшарлаш олдидан ковиянинг учи эгов билан тозаланиб 250-300 С гача қиздирилади, сўнг р а ношадирли ёки хлорли рухга ботирилади. Кавшарлашга тайёрланган сиртлар қиздирилгандан сўнг флюсга ботириб олинади ва ковия ёрдамида уларга кавшар текис ёйиб таркатилади. Кейин суюқланадиган кавшарлар билан кавшарлашда деталларни қиздириш учун газ пайвандлаш каллаклари, маҳсус печлар, темирчилик ў ч оғи ёки бошқа иссиқлик манбаидан фойдаланилади. Кавшар суюқланиш хароратига қараб шартли равишда осон ва қийин суюқланадиган (юмшоқ ва каттиқ) кавшарларга бўлинади. Юмшок кавшарлар билан кавшарлашда суюқланиш харорати паст (450 С ва ундан кам) ва бирикманинг механик мустахкамлиги кам (200 Мпа гача) бўлади. Таъмирлаш корхоналарида ПОС- 18 дан ПОС- 61 гача маркали калай кўрғошинли кавшарлар кенг кўламда ишлатилади. Бундай кавшарлар калай, кўрғошин ва сурьма қотишмасидан тайёрланади. Кавшарларр маркасидаги рақамлар қотишмадаги қалай микдорини фоизларда кўрсатади. Кавшарлар таркибида қалай микдори ошганда чокнинг мустахкамлиги ва емирилишга бардошлиги ошади, кўрғошин микдори ошганда эса, чокнинг эгилувчанлиги яхшиланади. Бу кавшарлар радиаторларни, генераторларнинг коллекторларини, ёнилғи, электр симларини ва унча юқори бўлмаган хароратда ҳамда кам куч таъсир этадиган бошқа деталларни кавшарлашда ишлатилади.

Каттиқ кавшарлар ишлатилганда уларнинг суюқланиш харорати 450 С дан юқори, механик мустахкамлиги 500 Мпа гача ва иссиқка чидамли бўлади. МО, М1 ва М2 маркали мис кавшарлар сиртларини яхши қоплайди ва мустахкам ҳамда пластик бирикмалар ҳосил қилади. Улар углеродли ва легирланган пўлат ҳамда никелли қотишмалардан тайёрланган деталларни кавшарлашда ишлатилади. ПМЦ-48, ПМЦ-54, Л-62 мис рух кавшарлар рангли ва қора металлардан тайёрланган деталларни кавшарлашда ишлатилади. ПМЦ харфларидан кейинги рақамлар миснинг кавшарлаш таркибидаги фоиз миқдори, қолган қисми эса рух эканлигини билдиради. Кавшардаги рух миқдори ошганда чокнинг мустахкамлиги камаяди ва мўртлиги ошади. Шу билан бир вақтда рух кавшарининг суюқланиш хароратини пасайтиради. Шунинг учун латунь ПМЦ- 36 маркали кавшарлар билан кавшарланади, пўлат ва чўянни кавшарлашда эса анча мустахкам бирикма берадиган Л-62 ва Л-68 кавшарларидан фойдаланилади. Деталларни мувозанатлаш Комплектлаш жараёнида ҳал этиладиган муҳим вазифалардан бири айланадиган детал ва қисмларни мувозанатлашдан иборат. Номувозанатлик ходисалари тирсакли ҳамда карданли валлар, ғилдирак ва илашиш муфталарининг дисклари, маховиклар ва бошқаларда содир бўлади. Мувозанатлаш. Машина ва ускуналарни таъмирлаш технологик жараёнига назорат-созлаш, ўлчамларни ейилтириш, ростлаш ва техниканинг сифатли таъмирланишига қаратилган бошқа ишлар киради. Мувозанатлаш машина ва ускуналардаги айланадиган қисмларнинг механик номувозанатлилигини бартараф этишга қаратилган. Номувозанат детал ва қисмлар катта тезликда айланганда марказдан қочма кучлар таъсирида машиналар титрай бошлайди, натижада подшипниклар тез ейилади, бирикмалар бузилади, баъзи ҳолларда эса

машина синиши ҳам мумкин. Деталлар ва қисмларнинг номувозанат (дисбаланс) ҳолатда бўлишига айланувчи жисм оғирлик марказининг айланиш ўқига нисбатан силжиши сабаб бўлади. Механик номувозанатлик натижасида подшипникларга ва айланувчи деталларнинг бошқа таянчларига таъсир этувчи қўшимча динамик кучлар пайдо бўлади. Натижада пайдо бўлган титрашлар, деталлар қўшилмасининг тез ейилишига ва машина фойдали қувватининг пасайишига сабаб бўлади. Шунинг учун машиналарни йиғишдан олдин катта тезликда айланадиган деталлар текширилиши ва мувозанатланиши лозим. Мувозанатлаш икки хил; статик ва динамик мувозанатлашга бўлинади. Статик мувозанатлаш детал оғирлик маркази 0,2 нинг айланиш мехвари 0 га қолмаслиги натижада пайдо бўладиган номувозанатлик статик мувозанатлаш йўли билан бартараф этилади (1-расм). Статик мувозанатлашда детал 1 призма 2 га ўрнатилади. Номувозанат детал мувозанатланмаган вазн М таъсирида ўзининг айланиш ўқ чизиғи “0” атрофида бурилади ва унинг оғир томони хар сафар қуйиш ҳолатга келиб тўхтайди. Детални мувозанатлаш учун m , вазнли махкамлаш керак. Тош вазни m 1 ва масофа R 1 ни шундай танлаш керакки, бунда RM  R 1 m 1 шарти бажарилсин. Мувозанатлашда кўпинча деталнинг оғир томонидан оз миқдорда металл олиб ташланади (пармаланади, фрезаланади). Одатда унчалик узун бўлмаган ва нисбатан катта диаметрли деталлар (шкивлар, маховиклар, илашиш муфтасининг дисклари) статик мувозанатланади. Динамик мувозанатлаш. Бўйи диаметрига нисбатан анча узун бўлган деталлар (тирсакли валлар ва карданли валлар) нинг номувозанатлиги динамик мувозанатлаш йўли билан бартараф этилади. Фараз этайлик, детал диаметрал қарама-қарши томонда жойлашган m 1 ва m 2 вазнли тошлар билан статик мувозанатланган. Детал 0 маркази атрофида айланганда қарама-қарши йўналган иккита марказдан қочма кучлар Y 1 ва Y 2 пайдо бўлиб, булар L елкада жуфт кучлар ҳосил қилади. Марказдан

қочма кучлар таъсирида момент пайдо бўлади. Бу момент детални таянчлардан чақиришга интилиб, уларда қўшимча юк ҳосил қилади. Детал қанча узун бўлса, момент шунчалик катта бўлади. Детални динамик мувозанатлаш (2-расм) учун m 1 ва m 2 вазнли тошлар жойлашган нуқталарга қарама-қарши томонларда уларга вазни m 1 ва m 2 жиҳатдан тенг бўлган тошлар ўрнатилади. Детални айлантирганда бу тошлар марказдан қочирма кучлар таъсирида М ва М 1 моментини ҳосил қилади. Бу момент m 1 ва m 2 вазнли тошлардан пайдо бўлган моментлар билан ўзаро мувозанатлашади. Динамик мувозанатлашда детал эгилувчан таянчларда айлантирилади. Таянчлардан бирининг энг катта тебраниш амплетудаси ўлчанади. Деталга вазни тахминий танланган тош бириктирилади, сўнгра тош вазнини оз-оздан ўзгартириб, бу таянчнинг тебраниши йўқотилади. Бу ишлар деталнинг бошқа таянчи учун ҳам тақрорланади. 1 расм Деталларни статик мувозанатлаш схемаси.

2 расм . Деталларни динамик мувозанатлаш схемаси. Агар детал бир неча марта айлантирилганда бир ҳолатда тўхтаса, у статик мувозанатланган ҳисобланади. Динамик мувозанатлашда иккала турдаги номувозанатлик йўқолади. Динамик мувозанатлашда деталга қўшимча бириктирилиши лозим бўлган тош ёки деталдан кесиб олинадиган металл вазни ва ўрни аниқланади; шунда деталда ҳам статик, ҳам динамик мувозанат ҳолатига келади. Динамик мувозанатлашда автоматлаштирилган электр мувозанатлаш станокларида амалга оширилади (3-расм). Бу станоклар 1-2 минут ичида метални пармалаш чуқурлиги ва диаметри, бириктириш лозим бўлган тош вазни, қарама-қарши томонга ва ўрнатиладиган тош ўлчамлари ва ўрни, уларни маҳкамлаш ўрнилари ёки кесиб олинадиган жойи туғрисида маълумотлар беради. Бундан ташқари, мувозанатланган йиғма қисмининг айланиш таянчларининг тебранишлари 1мм гача аниқлик билан қайд этилади. Дастгох қуйидагича ишлайди. Таянчлар 1ва 3 га ўрнатилган тирсакли вал 2 юритиш вали 5 билан айлантирилади. Агар тирсакли вал мувозаантланмаган бўлса, таянчлар номувозанатлик кучлари таъсирида силжиб, ғалтаклар 6 ва 11 ни ўзгармас магнитлар 7 ва 10 да кўчиради. Шунда ғалтакларда пайдо бўлган электр токи қучайтиргич 9 ёрдамида кучайтирилиб, валнинг номувозанатлик даражасини кўрсатувчи асбоб 8 га берилади. Тирсакли валдаги мувозанатланмаган вазн жойлашган текислик генератор 4 ёрдамида аниқланади.

3-расм. Тирсакли валларни динамик мувозанат ускунасининг схемаси: 1 ва 3-таянч; 2-тирсакли вал; 4-генератор; 5-юритиш вали; 6 ва 11-ғалтаклар; 7 ва 9-маг нитлар; 8-ўлчов асбоби; 9- электр токи кучайтиргич. Автомобилдан ечилган ғилдираклар дастгохларда статик мувозанатланади (4-расм) ғилдираклар дастгох гупчагига махкамланади, бу гупчакнинг айланиш маркази горизонтал жойлашган. ғилдиракни айлантириб, унинг қайси ҳолатида тўхташи белгиланади. Агар ғилдирак ҳар гал бир ҳолатда тўхтаса , у номувозанат бўлади. ғилдиракни номувозанатлиги аниқлашда шинадаги ҳаво босими 0,02-0,03МПа гача пасайтирилади ва ундаги мувозанатлаш тошлари ечиб олинади. Ғилдирак қуйидагича мувозанатланади. Ғилдирак соат йўналишининг ҳаракат йўналишига қарши айлантирилади ва тўхтагандан кейин унинг юқори ҳолати бўр билан белгинади. Ғилдирак тескари томонга айлантирилади ва яна унга белги чизилади. Иккала белги ўзаро мос келмаса, станок валининг подшипникларидаги ишқаланиш кучларининг моменти таъсир этган бўлади. Белгилар ораси тенг иккига бўлинади ва янги белги қўйилади. Бу белгининг икки томонига ғилдирак дискасига биттадан мувозанатлаш тиши бириктирилади. Тошлар пружинасимон пластина билан маҳкамланади. Пластинанинг учлари покришка ён деворининг остига киргизилади. Ғилдирак яна айлантирилади. Ғилдирак тўхтагандан кейин тошлар пастда жойлашса, бу тошларнинг вазни мувозанатлаш учун етарли ҳисобланади. Акс ҳолда дискага вазминроқ тош бириктирилади. Баъзан статик мувозанатлашдан сўнг ғилдиракнинг айланиш тезлиги оширилганда, унинг номувозантлиги билиниб қолади ва махсус станокларда динамик мувозанатлаш усули билан бартараф этилади.

. 4-расм. Ёнилғи автомашиналарининг ғилдирагини динамик балансировка қилувчи дастгох а-умумий кўриниши; б-схемаси; 1-индукцион датчик; 2-вал; 3- электрон ўлчаш блоки; 4-ўлчаш асбоби; 5-лампа; 6- даражаланган диск; 7-тебраниш тизими Номувозанат ғилдирак дастгохда (4-расмга қаранг) динамик мувозанатланаётганда вал 2 ни механик тебратади. Бу тебранишлар тебраниш тизими 7 орқали индукцион датчик бирга узатилади. Датчик механик тебранишларни электр импульсларига ўзгатиради. Импульслар электрон-ўлчаш блоки 3 га келади ва ўлчаш асбоби 4 га узатилади. Асбоб шкаласига қараб, ғилдиракнинг номувозанатлик даражаси аниқланади. ғилдиракнинг мувозанатланмаган жойи лампа 5 ва ғилдирак билан бир хил тезликда айланувчи даражаланган диск 6 ёрдамида топилади. Лампанинг чақнаш пайти ғилдиракдаги мувозанатланмаган жойнинг энг қуйи ҳолатини кўрсатади. Шундан кейин ғилдирак дискасининг юқори нуқтасига ташқи томондан тош ўрнатилади. Бу тошнинг вазни ўлчаш асбоби 4 нинг кўрсаткичларига қараб аниқланади.

Йиғилган вентилятор ҳам призмалар ёки маҳсус мосламада мувозанатланади. Бунинг учун вентилятор 3 маҳкамланган валик 2 ни мосламадаги қўшалоқ диск 1 устига қўйилади. Вентиляторнинг мувозанатсизлиги 30 г.см. гача ( КДМ- 46 двигателлари учун 70 г. См. гача ) бўлишига йўл қўйилади. Мувозанатлаш учун вентилятор шкиви торецидаги тешик пармалашга йўл қўйилади. Сув насоси ва вентиляторнинг йиғилган агрегатида шкив подшипникларда бемалол айланиши лозим. Шкивнинг орқа торец сирти билан насос корпуси тореци орасидаги зазор камида 1,5 мм бўлиши керак. Сув насосининг валиги втулкаларда тиқилиб қолмай қўлда бемалол айланиши лозим. Сальник тиқмасини жойига қўйишдан олдин унга графит пастаси шимдирилади. Сальник тиқмасинигнг миқдори шундай танланадики, у жойига қўйилгандан сўнг сальник гайкаси сальник втулкасидаги ёки сув насоси кронштейни бурчагидаги резьба узунлигининг ярмидан ортиқ буралмасин. Гайка таранг бўлиб қўйилгандан сўнг сув насоси валиги втулкаларда бир оз куч билан, лекин тиқилмай айланиши лозим. Двигателнинг маркасига қараб, сув насосининг валиги ўқ бўйлаб 0,5-2 мм орасида силжиши мумкин. Динамик мувозанатлаш маҳсус станокларда бажарилади (5- расм ) Детал айлантирилади ва ўлчов асбоблари ёрдамида номувозантлилиги аниқланади. Динамик мувозанатлаш станоклари турли схемада бажарилган. Энг кенг тарқалган тури тебранувчи асосларда мувозанатлаш ҳисобланади. Бу схемада тирсакли валлар мувозанатлаш станогида бажарилган. Номувозанатлиликни ўлчамлари ва бурчак аниқлангандан сўнг оғир участкадан металл шилиш ва енгил томонига метал қўйилади.

5-расм Динамик мувозанатлаш учун БМ-У4 машинаси: 1,3- плиталар; 2 ва 16-стойкалар; 4 ва 7- шкивлар; 5- тасмали узатма; 6- электродвигатель; 8- вал; 9- шпиндел бабкаси; 10-страбаскоп; 11-лимб; 12- датчик; 13 ва 14- таянчлар; 16- йўналтиргич; 17- ишга тушириш ва тўхтатиш кнопкаси; 18- электромагнит Ҳаёт фаолияти ҳафсизлиги 1. Ишни бошлашдан олдин ҳар бир талаба ўзининг кийимларини бир қатор кўздан кечириб, йиғиштириб олиши керак, яъни халатни енги кадалган бў- лиши керак. 2. Хар бир талаба маҳсус кийимлардан фойдаланиши керак. 3. Электр тармоғига уланган қисмлар бўлса, заземления қилиб қўйилиши керак. 4. Иш жойини тоза холда тутмок керак. 5. Талабалар бахтсиз ҳодиса рўй бергудек бўлса биринчи ёрдам кўрсатиш қоидаларини билиш керак. 6. Талабалар факат ўқув устаси томонидан топширилган ишни бажариши керак. 7.Иш жойини ёритиш таъминланган бўлиши зарур. 8. Шамоллатгич ишлаб туриши шарт, агар бузилиб қолса электромонтёрни чақириш зарур.

9.Ремонт ишлари тугагандан кейин қўллардаги ва бошқа жойдаги мойларни сода билан тозаланади.

Фойдаланилган адабиётлар : 1. Омаров А., Қаюмов А. Машинасозлик технологияси. -Тошкент: Фан 2003. -380б 2. Ф.П. Гурин ва бошқалар. Автомобилсозлик технологияси. /С.М. Қодиров тахрири остида таржима қилинган -Тошкент:ТАДИ. 2001.-250б 3. Ф.В. Гурин, В.Д.Клепиков, В.В.Рейн. Технология автотракторостроения. - М.: Машиностроение, 1981.-295с. 4. В.Ф. Гурин, М.Ф. Гурин. Технология автомобилестроения –М.: Машиностроение, 1986. -286с 5. А.А. Маталин. Технология машиностроения -М.: Машиностроение, 1985. – 496с. 6. Г.Н. Мельникова, Дальский А.М. Технология машиностроения. I и II часть. -М: МГТУ им. Н.Э. Баумана. 1998. Iчасть-563с, IIчасть-640с 7. Абдусатторорв Т., Лебедев О.В., Ахмедов Б.Ш. Транспорт машинасозлиги технологияси. –Тошкент: 2003 й.-115б 8. Справочник технолога машиностроителя../ под редакцией Р.К. Мирзорякова и др. -М.: Машиностроене, 1985г.Том 1-451с. и 2-423с

O'xshashlar

Деталларни полимерлар (синтетик ашёлар) воситасида тиклаш

Машина деталларини тиклаш усулларининг туркуми, механизациялаштирилган усулларда пайвандлаш ва эритиб қоплаш усуллари

Деталларни базалашда ишлов беришда деталларни дастгоҳларда ўрнатиш

Қутисимон деталларни тайёрлаш технологияси

Технологик жиҳозларни таъмирлашдаги мосламалар