Чўян, рангли металлар ва уларнинг қотишмаларини пайвандлаш - Mashinasozlik - Referatlar

Чўян, рангли металлар ва уларнинг қотишмаларини пайвандлаш

Yuklangan vaqt:

24.11.2022

Ko'chirishlar soni:

0

Hajmi:

35.8232421875 KB

Ko'chirib olish

Чўян, рангли металлар ва уларнинг қотишмаларини пайвандлаш Режа: 1. Чўянни пайвандлаш 2. Пайвандлашнинг механизациялашган усуллари 3. Титан ва унинг қотишмаларининг пайвандлаш 4. Никель ва унинг қотишмаларини пайвандлаш

1. Чўянни пайвандлаш Ҳозирги замон машинасозлиги, станоксозлиги, металлургияда ва саноатнинг бошқа соҳаларида чўяндан унинг бир қатор афзалликлари туфайли конструкцион материал сифатида кенг фойдаланилади. Унинг бу афзалликлари қаторига чўян буюмлар технологиясининг оддийлиги ва арзонлиги, яхши қуйилиш хоссалари, ейилишга чидамлилигининг юқорилиги, кучланишлар концентрациясига кам сезгирлиги, титрашларни сўндириш қобилияти, арзон туриши, кесувчи асбоблар билан яхши ишлов берилиши киради. Чўяннинг камчиликларига кулранг чўяннинг мустаҳкамлиги жуда пастлиги ва пластиклиги мутлақо йўқлиги киради. Таркиби ва хоссалари. Таркибида 2% дан ортиқ углерод бўлган темир ва углерод қотишмаси чўян дейилади. Бу қотишмаларда кремний, бироз миқдорда марганец, чўянга маълум хоссалар бериш учун олтингугурт ва фосфор, баъзан легирловчи элементлар сифатида киритиладиган бошқа элементлар (никель, хром, магний ва ҳ.к.) ҳам бўлади. Чўянлар структурасига қараб оқ ва кулранг чўянларга бўлинади. Оқ чўянларда углероднинг ҳаммаси темир карбиди FeC—цементит деб аталадиган химиявий бирикмада боғланган ҳолда бўлади. Кулранг чўянларда углероднинг кўп қисми графит тарзида структурали – эркин ҳолатда бўлади. Кулранг чўянларга яхши механик ишлов бериш мумкин, оқ чўянлар эса жуда қаттиқ бўлиб уларга кесувчи асбоблар билан ишлов бериб бўлмайди. Шунинг учун оқ чўянлардан буюмлар тайёрлашда жуда кам фойдаланилади, улар асосан боғланувчан чўянлар деб аталадиган ярим маҳсулот олишда ишлатилади. Чўянлар структурасига қараб ўта мустаҳкам (шарсимон графитли) ва боғланувчи чўянларга бўлинади. Легирланиш даражаси бўйича чўянлар оддий, кам легирланган (2,5% гача легирловчи элементлар қўшилган), ўртача легирланган (2,5-10% легирловчи элементлар қўшилган) ва кўп легирланган

(10% дан ортиқ легирловчи элементлар қўшилган) чўянларга бўлинади. Оддий ва кам легирланган кулранг қуйма чўянлар энг кўп ишлатилади. Чўян пайвандланиш технологияси ёмон материалларга киради. Пайвандлашдаги асосий қийинчиликлар унинг оқаришга мойиллиги юқорилиги, яъни турли миқдорда у ёки бу шаклдаги цементит ажралиб чиқадиган участкаларнинг пайдо бўлиши ва чокда ҳамда чок атрофи зонасида дарёлар ҳосил бўлишига мойиллигидир. Бундан ташқари, пайвандлаш ваннасидан интенсив равишда газ ажралиб чиқиши ва бунинг кристалланиш процессидаҳам давом этиш чок металида ғовакликлар ҳосил бўлишига олиб келиши, суюқлайин оқувчанлиги юқорилиги эса эриган металлнинг оқиб кетишини тўхтатишни ва чокнинг шаклланишини қийинлаштиради. Пайвандлаш ваннаси юзасида кремнийнинг оксидланиши оқибатида қийин эрийдиган оксидлар ҳосил бўлиши, бу эса чала пайвандланишига олиб келиши мумкин. Чўянни пайвандлаш усуллари. Чўянни пайвандлашдан ремонт- тиклаш ишларида қуймалардаги нуқсонларни тузатишда фойдаланилади. Чўян деталларнинг пайванд бирикмаларига типи ва ишлатилиш шароитига қараб турли-туман талаблар қўйилади— ташқи нуқсонларни манзарали қилиб пайвандлашдан мустаҳкамлиги асосий металл мустаҳкамлигига тенг бирикма ҳосил қилишгача. Чўянни ёй ёрдамида металл ёки кўмир электродлар билан пайвандлаш, газ алангасида пайвандлаш, термит ёрдамида пайвандлаш, суюқ чўян қуйиб пайвандлаш, кукун тўлдирилган сим билан пайвандлаш мумкин ва ҳоказо. Кўпинча чўянни пайвандлаш усулларини пайвандланадиган деталнинг ҳолати бўйича классификацияланади. Олдиндан қиздириш температуратурасига қараб юқори температурагача қиздириб пайвандлаш (қиздириб пайвандлаш), бироз қиздириб пайвандлаш (чала қиздириб пайвандлаш) ва қиздирмасдан пайвандлаш (совуқлайин пайвандлаш)га бўлинади.

Пайвандлаш усули ва методини танлаш бирикмага қўйиладиган талабларга боғлиқ. Пайвандлаш методини танлашда пайвандлашдан кейин чок метали ва чок атрофи зонаси металига механик ишлов бериш зарурати, чок металининг пайвандланадиган буюм металл билан бир жинсли бўлишини таъминлаш зарурати, чокнинг зичлигига қўйиладиган талаблар ва шунингдек, пайвандланадиган деталларга тушадиган нагрузкаларни ҳисобга олинади. Чўянни қиздириб пайвандлаш. Буюм 600-800 0 С гача қиздирилади. Технологик процесс механик ишлов бериб пайвандлаш учун тайёрлаш, пайвандланадиган деталларни қолиплаш, олдиндан қиздириш, пайвандлаш ва кейин секин совитишдан иборат. Пайвандлаш учун тайёрлаш тузатиладиган нуқсонга боғлиқ. Бироқ нуқсонли жойни пайвандлашга тайёрлашнинг ҳамма ҳолларида ифлосликлардан яхшилаб тозалаш ва электродлар билан турли ҳаракат қилишни таъминлаш мақсадида бўшлиқлар ҳосил қилиш учун бу жойни кесиб ишлов беришдан иборат. Суюқ ҳолида оқувчан металлнинг пайвандлаш ваннасидан оқиб кетишининг олдини олиш, баъзан эритиб қопланган металлга тегишли шакл бериш учун пайвандланган жой қолипланади. Тузатиладиган нуқсоннинг ўлчамлари ва қаерда жойлашганлигига қараб қолиплаш махсус қолиплаш массаси билан маҳкамланадиган (бириктириладиган) графит пластинкалар ёрдамида бажарилади, қолиплаш массаси суюқ шиша ёки бошқа материалга қорилган кварц қумидан иборат бўлади, шунингдек, қолиплашни қуймакорликда ишлатиладиган қолиплаш материаллари билан опокаларда бажарилади. Деталлар махсус қиздириш печларида, қудуқларда, горонларда ёки индукцион қиздиргичлар ёрдамида қиздирилади. Пайвандлаш учун эрийдиган электродлар ва чўян чивиқлардан фойдаланилади (7-§ га қаранг). Қиздириб пайвандлаш катта пайвандлаш токларида, катта пайвандлаш ваннаси ҳосил қилиб, нуқсон батамом пайвандлаб тўлатилганига қадар танаффусларсиз бажарилади.

Электрод диаметри, мм 8 10 12 16 пайвандлаш токи, А 600-700 750-800 1000-1200 1500-1800 Чўянни қиздириб пайвандлаш учун кўмир электрод билан ёй ёрдамида пайвандлашдан фойдаланиш мумкин, бундай пайвандлаш эрийдиган электрод ва газ алангаси ёрдамида пайвандлаш ўртасида оралиқ вазиятлари олиб, диаметри 820 мм ли электродлар билан тўғри қутбли ўзгармас токда олиб борилади. Кўмир электрод диаметри, мм 8-10 10-12 12-16 16-18 пайвандлаш токи, А 280-350 300-400 350-500 350-600 Ваннани ҳимоя қилиш ва оксидлантириш учун борат кислота асосидаги флюслар, кўпинча, сувсиз техник бура (~400 0 С да қиздирилган) қўлланилади. Чўянларни қиздириб пайвандлашнинг асосий камчилиги жуда сермеҳнатлиги ва пайвандчи иш шароитининг оғирлигидир. Бироқ металлнинг юқори сифатли бўлиши бу усулни нуқсонларни тузатишдаги иложи бор бирдан-бир усул этиб қўяди. Чала қиздириб пайвандлаш. Пайвандланадиган детални 300-400 0 С гача қиздириш чок металининг ва унинг атрофдаги зоналарнинг пайвандлашдан кейин секин совишига ёрдам беради. Секин совитиш оқарган зоналар ҳосил бўлишининг олдини олишга жуда катта ёрдам беради, бу эса пайванд бирикмаларга механик ишлов имкониятини яратади. Деталлар пайвандлашдан олдин термик печларда, горнларда ёки газ горелкалари ёрдамида ацетилен-кислород алангасида қиздирилади. Газ горелкаси билан қиздиришда қиздирилаётган сиртнинг бир текис қиздирилишига эътибор бериш зарур.

Чўянни чала қиздириб пайвандлашни қопламали МР-3, УОНИ-13 типидаги кам углеродли электродлар, махсус қопламали пўлат электродлар, чўян электродлар билан ҳамда қўшимча чўян чивиқлардан фойдаланиб, ацетиленкислород алангасида бажариш мумкин. Парон тешикларни пайвандлаб беркитишда ёки детал четидаги нуқсонларни пайвандлаб беркитишда графит қолиплардан фойдаланиш керак, улар суюқ металлнинг пайвандлаш ваннасидан оқиб кетишининг олдини олади. Пайвандлаш вақтида пайвандлаш ваннасида суюқ металлнинг анча катта ҳажмини сақлаб туриш ва уни электроднинг ёки қўшимча стерженнинг учи билан яхшилаб аралаштириш керак. Секин совиши учун пайвандланган деталлар майда писта кўмир ёки қуруқ қумга кўмиб қўйилади. Совуқлайин пайвандлаш. Бу усулнинг бир неча хиллари: пўлат электродлар билан, махсус қопламали пўлат электродлар билан, шпилькалар ёрдамида пўлат электродлар билан, чўян электродлар билан, мос электродлар билан, монель металлдан тайёрланган электродлар билан, никелли аустенит чўянидан тайёрланган электродлар билан, газ (ацетилен- кислород) алангасида пайвандлаш хиллари мавжуд. Пўлат электродлар билан пайвандлашда унча муҳим бўлмаган кичик ўлчамли, пайвандлашдан кейин механик ишлов беришни талаб қилмайдиган чўян деталларни кам ҳажмда металл эритиб қоплаш йўли билан ремонт қилишда фойдаланилади. Пайванд бирикма структураси бўйича бир жинсли бўлмайди, кўпинча етарли даражада зич бўлмайди ва мустаҳкамлиги кам бўлади. Ҳимояловчи- легирловчи қопламали электродлар билан V- симон ёки Xсимон шаклда ишлов берилган қирралар пайвандланади. Деталнинг нотекис қизишининг олдини олиш учун уни алоҳида участкаларга бўлиб пайвандланади. Пайванд чокнинг алоҳида эритиб қопланган учаскаларнинг узунлиги 100-120мм дан ошмаслиги зарур. Алоҳида участкалар эритиб қоплангандан кейин улар 6080 0 С гача совитилади. Қопламали УОНИ-13/45

электродлари билан тескари қутбликдаги ўзгармас токда пайвандлашда энг яхши натижаларга эришилади. Шпилькалар ёрдамида пайвандлаш буюмни махсус тайёрлашни талаб қилади. Бу усул билан ҳам кичик, ҳам катта ўлчамли, катта нагрузкаларда ишлайдиган ва пайвандлашдан кейин ишлов беришни талаб қилмайдиган муҳим буюмлар (гидравлик ва ҳаво цилиндрлари, прессларнинг, станокларнинг станиналари ва бошқалар) тикланади. Чўянни пайвандлаш учун мис-темирли, мис-никелли ва темир- никелли электродлар кенг ишлатилади. Электродларнинг бир нечта типлари мавжуд. Буларни ичида энг такомиллашгани ОЗЧ-2 маркали элктроддир, у диаметри 4-5 мм ли мис стержендан иборат бўлиб, унга УОНИ-13 типидаги (50%) қопламанинг қуруқ аралашмасидан ҳамда суюқ шишага қорилган темир кукунидан (50%) иборат қоплама суркалган бўлади. Барча типдаги мис-темир электродлар билан пайвандлаш пайвандланадиган деталлар жуда қизиб кетмайдиган тарзда бажарилади. Пайвандлашдан сўнг пайвандлаш кучланишлари даражасини камайтириш, чок атрофи зонасида дарзлар ҳосил бўлишини камайтириш, мақсадида эритиб қопланган металл иссиқ ҳолида болғаланади. Мис-темир электродлар муҳим вазифали қўймаларда сезшни юзага келтирадиган, шу жумладан босим остида ишлайдиган қўймаларда алоҳида паррон нуқсонларни ёки унча катта бўлмаган нояхлитликларни эритб қоплаб беркитишда қўлланилади. Мис-никель электродлар асосан чўян қўймасига ишлов беришда иш сиртларида (бу ерларда ортиқча мустаҳкамлик бўлишига йўл қўйилмайди) аниқланган нуқсонларни эритиб беркитишда ишлатилади. Бундай электродларнинг яхши хоссалари шундан иборатки, никель ва мис углеродни эритмайди ва қиздирилганда ҳамда тез совитилгандан кейин юқори қаттиқликка эга бўлган структуралар ҳосил қилмайди. Қисман эриган, унча катта бўлмаган зоналарда чўян деярли оқармайди, чунки мис ва никель графитловчи элементлар бўлиб, бу участкаларга кириб бориб, яхши таъсир

кўрсатади: айни бир вақтда мис ва никелнинг эрувчанлиги чексиз бўлиб, улар яхши эриб қўшилишга ёрдам беради. Электродлар тайёрлаш учун монель-металл (масалан, НМЖМц 28-2,5- 1,5), константан (МНМц 40-1,5), нихром (Х20Н80) каби мис-никель қотишмаларидан фойдаланилади. Бу қотишмаларнинг камчилиги — уларнинг қиммат туриши ва камёблиги, шунингдек қиздирилганда дарзлар ҳосил бўлишига олиб келувчи катта чўқувчанлиги (киришувчанлиги). Шу сабабли бу қотишмалардан куч таъсирида ишлайдиган буюмлардаги дарзларни эритиб беркитишда фойдаланиш тавсия этилмайди. Алоҳида майда бўшлиқларни эритиб беркитиш эса яхши натижалар олишга имкон беради, чунки уларга кейин механик ишлов бериш мумкин. Саноатда стержени монель-металлдан тайёрланган МНЧ-1 электродлари ва стержени константандан тайёрланган МНЧ-2 электродлари қўлланилмоқда. Пайвандлаш диаметри 3-4 мм ли электродлар билан қисқа участкаларда ип тарздаги чок солиб, электродни қайтар-илгарилама ҳаракатлантириб, деталнинг қизиб кетишига йўл қўймасдан бажарилади. Бунинг учун детални совитиш мақсадида танаффуслар қилинади. Эритиб қопланган валикларни иссиқ ҳолида енгил болғачалар билан уриб болғаланади. Кулранг ва ўта мустаҳкам чўянлардан тайёрланган муҳим вазифали қуймаларнинг ишлов бериладиган сиртида айрим чоғроқ нуқта сонларни, буюмларнинг механик ишлов берилган сиртида аниқланган камчиликларни эритиб беркитиш ва чўян қуймадан тайёрланган жиҳозларни эритиб беркитиш ва чўян қуймадан тайёрланган жиҳозларни ремонт қилишда стержени таркибида 40— 60%Ni ва 60—40% Fe бўлган қотишмадан тайёрланган темир-никель электродларидан ҳам фойдаланилади. Бундай электродлар билан пайвандлашда чок металининг етарлича юқори мустаҳкамлиги ва маълум даражадаги қовушоқлиги таъминланади. Темир- никель электродлари маълум афзалликларга эга бўлиб, буларга юқори

мустаҳкамлигидан ташқари мис-никель қотишмаларига қараганда қуйилишга кам чўқувчанлигини, эритиб қопланган металлнинг чўян билан бир хил рангда бўлишини киритиш мумкин. Бундай электродларга стержени Св08Н50 симидан тайёрланган ва қопламаси суюқ шишага қорилган доломит (35%), плавит шпат (25%), қора графит (10%) ва феросилиций (30%) дан иборат бўлган ЦЧ-3А электродларини мисол қилиб келтириш мумкин. Таркибида никель бўлган барча электродлар камёб бўлиб, чўянни пайвандлашда чекланган тарзда қўлланилиши, масалан, катта ўлчамли ва бикирлиги катта деталларга механик ишлов беришнинг сўнгги операцияларида аниқланган кичик бўшлиқларни эритиб беркитишда ишлатилиши мумкин. 2. Пайвандлашнинг механизациялашган усуллари Саноатда чўянни кукун тўлдирилган симлар билан пайвандлаш (ППч- 1, ППЧ-2, ППЧ-3), кантактлаб пайвандлаш электр-шлак усулида пайвандлаш қўлланилади. Контакт усулида пайвандлаш асосан чўян трубаларни майда графит билан улаб бириктириш учун ишлаб чиқилган. Электр-шлак усулида пайвандлашда электродлар сифатида таркиби бўйича асосий металлга яқин бўлган ёки уларга қараганда таркибида графитловчи элементлари бироз кўпроқ бўлган пластина ва стерженлардан фойдаланилади. Алюминий ва унинг қотишмаларини пайвандлаш. Мустаҳкамлиги жуда пастлиги ва пластиклиги юқорилиги сабабли техник соф алюминий нисбатан кам ишлатилади. Кўпинча алюминийнинг қотишмалари — дюр- алюминий ва силуминлардан фойдаланилади. Алюминий ва унинг қотишмаларини пайвандлашдаги асосий қийинчилик қуйидагилардир: эриган металл сиртида доимо қийин эрийдиган алюминий оксиди Al 2 O 3 ҳосил бўлиб, у металл зарраларининг эриб ўзаро қўшилишига тўсқинлик қилади; алюминий оксидининг эриш температураси юқорилиги (2050 0 С) ва алюминийнинг эриш температурасининг пастлиги (658 0 С) пайвандлаш процессини бошқаришни жуда қийинлаштириб қўяди.

Алюминий ва унинг қотишмаларини иссиқлик ўтказувчанлигининг юқорилиги махсус технологик приёмлардан фойдаланишни талаб қилади, массив деталларни пайвандлашда эса олдиндан қиздириб олишга тўғри келади. Алюминий ва унинг қотишмалари ёй, аргон-ёй ва газ алангасида пайвандлаш йўли билан бириктирилади. Пайвандлаш усулидан қатъи назар, пайвандлашдан олдин алюминий буюмлар пайвандлаш учун махсус тайёрланиши керак, бундан тайёрлаш металлни ёғсизлантириш ва унинг сиртидан алюминий оксиди пардасини кетказишдан иборатдир. Қўшимча пайвандлаш сими ва электрод стерженлари ҳам уларга қоплама суркашдан олдин шу тарзда тайёрланиши зарур. Металл сирти эритувчилар (авиация бензини, техник ацетон) билан ёғсизлантирилади, сўнгра механик йўл билан тозалаб ёки химиявий хурушлаб оксид пардаси кетказилади. Пардани кетказишнинг ҳимиявий усули қуйидаги операциялардан иборат: 0,5—1 минут давомида хурушлаш (таркиб: 45—55г ўювчинатрий ва 40—50 г натрий фториднинг 1 л сувдаги эритмаси), сув оқизиб ювиш, нитраткислотанинг 25-30% ли эритмасида 1-2 минут давомида нейтраллаш, сув оқизиб ювиш, сўнгра иссиқ сувда ювиш, нам бутунлай чиқиб кетганига қадар қуритиш. Ёғсизлантириш ва хурушлашни пайвандлашдан 2-4 соат олдин ўтказиш тавсия этилади. Тескари қутбликдаги ўзгармас токда кўмир электрод билан қўлда пайвандлашдан фақат муҳим бўлмаган буюмларни пайвандлашда фойдаланилади. Қалинлиги 2 мм гача бўлган металл қўшимча материалсиз ва қирраларга ишлов бермасдан, қалинлиги 2 мм дан ортиқ металл эса пайвандланадиган листлар қалинлигининг 0,5—0,7 қисми қадар зазор қолдириб ёки қирраларга ишлов бериб пайвандланади. Оксид пардаси флюс АФ-4А ёрдамида кетказилади. Қопламали электродлар билан қўлда пайвандлашдан асосан техник алюминий, АМц ва Амг типидаги қотишмалар ва силуминдан тайёрланган кам юкланган конструкциялар тайёрлашда фойдаланилади. Олдиндан

қиздириб (ўртача қалинликлар учун 250—300 0 С, катта қалинликлар учун 400 0 С гача), тескари қутбликдаги ўзгармас токдан фойдаланиб пайвандлашда пайвандлаш токи бир меёърда бўлганида талаб этилган тўла эришни таъминлайди. Алюминий электрод пўлат электродга қараганда 2-3 марта тезроқ эриганлиги сабали алюминийни пайвандлаш тезлиги мос равишда тез бўлиши керак. Пайвандлашни битта электрод тугаганига қадар узлуксиз бажариш тавсия этилади, чунки кратердаги ва электрод учидаги шлак пардаси ёйни қайта ёндиришга тўсқинлик қилади. Сачрашга металл камроқ сарф бўладиган қилиб процесс барқарор ўтиши учун пайвандлаш токини электрод диаметрининг ҳар 1 мм ига кўпи билан 60А ҳисобидан олиш тавсия этилади. Пайвандлашдан олдин электродлар 2 соат давомида 150-200 0 С температурада қуритилади. ЭА-1 типидаги қопламали электродлар асосида мамлакатимизда яратилган электродлар (ОЗА-1, ОЗА-2) механик ва бошқа эксплуатацион хоссалари қониқарли бўлган пайванд бирикмалар олишга имкон беради. Аргон-ёй ёрдамида қўлда пайвандлаш эримайдиган электрод ёрдамида ўзгарувчан токда нами қуритилган олий ёки 1-сорт аргонда бажарилади (14- §га қаранг). Қалинлиги 5-6 мм бўлган металл учун диаметри 1,5—2 мм ли электродлар ишлатилади. Пайвандлаш техникасига махсус талаблар қўйилади. Қўшимча сим билан электрод орасидаги бурчак ~90 0 ни ташкил этиши зарур. Қўшимча симни қайтар- илгарилама ҳаракатлар билан қисқа- қисқа узатиб туриш керак. Вольфрам электродни кўндалангига тебратиб туришга йўл қўйилмайди. Ҳар қайси пайвандлаш режими учун самарали ҳимоялашни таъминлашга газни оптимал сарфлаш йўли билан эришилади (11-жадвал). Оксидланиш хавфини камайтириш учун пайвандлаш ваннасининг ўлчамлари минимал бўлиши керак. Қалинлиги 10 мм гача бўлган металлни пайвандлаш одатда ўнгдан чапга қаратиб, « чап» усул деб юритиладиган усулда олиб борилади, бунда пайвандланаётган металлнинг ўта қизиб кетишини камайтиришга эришилади.

Алюминий эримайдиган электронлар билан қулда аргон-ёй муҳитида пайвандлаш режимлари. Мис ва унинг қотишмаларини пайвандлаш 11-жадвал. Бирикм а типи Диаметри, мм Қўш имча симники Пайва нлаш токи А ргон сарфи л/ мин Қалин лиги, мм Воль фрам электродни ни ки Қиррала ридан борт чиқарад иган 1 1 - 45-50 4- 5 1,5 1,5-2 - 70-75 5- 6 2 1,5-2 - 80-85 7- 8 Учма- уч, қирралари ишланмасдан, бир томонла ма 2 1,5-2 1-2 55-75 5- 6 3 3-4 2-3 100- 120 7- 8 4 3-4 2-3 120- 150 8- 10 Учма- уч, қирралари ишлов бериб, икки 4 3-4 3-4 120- 180 7- 8

томонла ма 5 4-5 3-4 200- 250 8- 10 6 4-5 3-4 240- 270 8- 10 Учма- уч, қирраларга ишлов бериб 6 4-5 3-4 220- 280 7- 8 Таврли, бурчакли, устмауст 8 4-5 4-5 270- 300 9- 12 10 5-6 4-5 270- 300 9- 12 2-4 2-4 5-4 100- 200 5- 7 4-8 4-5 3-4 200- 300 7- 80 10 5-6 4-5 200- 320 9- 10 Мис юқори иссиқлик ва электр ўтказувчанликка, турли химиявий моддалар таъсирига нисбатан чидамлиликка эга, жуда паст температураларда ҳам юқори механик хоссаларини сақлаб қолади. Миснинг пайвандланишини унинг юқори иссиқлик ўтказувчанлиги, суюқ ҳолатида жуда оқувчанлиги, қиздирилган ваайниқса эриган ҳолатида кучли оксидланиши қийинлаштириб қўяди. Миснинг пайвандланувчанлигига унинг таркибига кирувчи қўшилмалар (кислород, висмут, қўрғошин, олтингугурт, фосфор, сурьма, мишьяк) катта таъсир қилади; айниқса висмут ёмон таъсир кўрсатади. Қиздирилганида ва эриганида мис оксидланиб, мис монооксиди Cu 2 O ни ҳосил қилади, у металлда эриган кислород билан реакцияга киришиб, миснинг водород

касаллигига мойиллигини (сиртида дарзлар ҳосил бўлишига) юзага келтиради. Таркибида кўпи билан 0,05% қўшилмалари бўлган электролитик мис энг яхши пайвандланувчанликка эга. Мис эриган ҳолатида анча кўп миқдорда водородютади. Пайвандлаш ваннаси металининг катта тезликда кристалланишида миснинг иссиқлик ўтказувчанлиги юқорилиги ва водороднинг металлда эрувчанлиги кескин камайганлиги сабабли атомар водород атомар водород десорбция ҳисобига металлдан чиқиб улгурмайди. Мис монооксиди сув буғлари ҳосил қилиб тикланади. Cu 2 O+2Н → 2 Cu +Н 2 O, бу эса чокда ғоваклик ва дарзлар ҳосил бўлишига олиб келади. Чок атрофи зонасида диффузион- ҳаракатчан водород донларнинг чегараларида жойлашган Cu 2 O билан ўзаро таъсирлашади; мисда эримайдиган ва ундан чиқиб кета олмайдиган ҳосил бўлган сув буғлари металлда жуда кўп сонли микродарзлар ҳосил бўлишига олиб келадиган катта кучланишларни вужудга келтиради. Бу ҳодиса миснинг водород касаллиги деган ном олди. Водород касаллигининг олдини олиш учун пайвандлаш зонасида водород миқдорини камайтириш зарур (электрод ва флюсларни ққиздириш, қуритилган ҳимоя газлари ишлатиш йўли билан). Миснинг азотга ўхшашлиги жуда кам, шунинг учун мисни пайвандлашда ҳимоя гази сифатида азотдан фойдаланиш мумкин. 12-жадвал Металлнин г қалинлиги,мм Электрод диаметри,мм Ёй узунлиги,мм Пайвандлаш токи, А 2 5 8 13 6-7 8 10-12 15 5-8 10-15 15-20 25-30 125-200 200-350 300-450 500-700

Мис ва у асосида олинган қотишмаларда эритиб пайвандлашнинг барча асосий усулларини қўллаш мумкин. Кўмир электрод билан қўлда пайвандлашдан кам фойдаланилади, кўпинча кам маъсулияти буюмларни пайвандлашда қўлланилади. Миснинг қалинлиги 15мм гача бўлганида кўмир электродлардан фойдаланилган маъқул. Пайвандлаш узунлигининг 1/3 қисми конус шаклида учланган электродлар билан тўғри қутбликдаги ўзгармас токда бажарилади. Электродда ток зичлиги одатда 200-400 А/см 2 ни ташкил этади (12-жадвал). Пайвандлаш ваннасига ажралиб чиқадиган СО нинг зарарли таъсири бўлмаслиги учун пайвандлаш узун ёй билан олиб борилади. Шу мақсадда, шунингдек, ванна совиб қолиш эҳтимоли борлиги сабабли қўшимча материал ваннага ботирилмайди, балки ванна юзасидан 5-6 мм нарида буюмга тахминан 30 0 бурчак остида тутиб турилади. Пайвандлаш процессида ажралиб чиқадиган карбонат ангидрид гази эриган металлни оксидланишдан ишончли ҳимоя қила олмайди. Кўмир электрод пайвандланадиган буюмга нисбатан 75-90 0 бурчак остида тутиб турилади. Шунинг учун оксидлантирувчи элементли — фосфорли қўшимча материал, шунингдек, флюс (94-96% қиздирилган бура, 6-4% металл магний) қўлланилади. Флюс суюқ шиши ҳўлланган чивиқ сиртига суркалади ёки пайвандланаётган қирраларга упа тарзида сепилади ва ҳавода қуритилади.металлнинг қалинлиги 5 мм дан ортиқ бўлганида учма-уч бирикмалар қирраларга 70-90 0 бурчак остида ишлов бериб пайвандланади. Пайвандлаш графит ёки асбест остқўймада пайвандланадиган қирралар орасида 0,5 мм зазор қолдириб олиб борилади, электрод олдинга қаратиб вертикалга нисбатан 10-20 0 ҳосил қилиб қиялатиб тутилади. Пайвандлаб бўлгандан кейин чокларни боғлаш тавсия этилади. Қалинлиги 5 мм гача бўлган металлдан тайёрланган бирикма қиздирилмасдан болғаланади, қалинлиги катта бўлганида 800 0 С гача қиздириб болғаланади, кейин тез совитилади. Учма-уч чокларни механик хоссалари пасайиб кетмаслиги учун бир томондан бир қатламли қилиб пайвандлаш тавсия этилади.

Мисни қопламали электродлар билан қўлда бир ўтишда пайвандлашнинг тахминий режимлари 13-жадвал Металлнинг қалинлиги, мм Электрод диаметри, мм Пайвандлаш токи,А 2 3 4 5 6 7-8 9-10 2-3 3-4 4-5 5-6 5-7 6-7 6-8 100-120 120-160 160-200 240-300 260-340 380-400 400-420 Қопламали электродлар билан қўлда пайвандлаш тескари қутбликдаги ўзгармас токда электродни кўндалангига тебратмасдан қисқа ёй билан бажарилади (13-жадвал). Чокнинг яхши шаклланиши электроднинг қайтар- илгарилама ҳаракати билан таъминланади. Ёйнинг узунлашиши чокнинг шаклланишини ёмонлаштиради, металл сачрашини кўпайтиради, пайванд бирикманинг механик хоссаларини пасайтиради. Қалинлиги 4 мм гача бўлган мис қирраларига ишлов бериб ва қиздириб пайвандланади. Металлнинг қалинлиги 5-10 мм бўлганида 250300 0 С температурагача олдиндан қиздириш ва қирраларга 60-70 0 бурчак остида бир томонлама ишлов бериш ҳамда қирраларни 1,5-3 мм га тўмтоқлаштириш зарур. Қалинлик катта бўлганида қирраларга Х- симон шаклда ишлов бериш тавсия этилади. Мисни пайвандлаш учун «Комсомолец-100» электродлари энг кўп ишлатилади, уларда стержень сифатида М1 ва М2 мис симлардан фойдаланилган. Диаметри 3 мм дан кам мис электродлар уларнинг стерженларининг механик мустаҳкамлиги пастлиги туфайли камдан-кам

ишлатилади. Шундай диаметрли симддан фойдаланилганда уни олдиндан пухталанади. Қопламани ҳар томонга 0,4-0,8 мм қалинликка ботириб олиш йўли билан суркалади, 4-5 соат давомида меъёрл температурада қуритилади, сўнгра 3-4 соат давомида 200- 400 0 С температурада қиздирилади. Қалинлиги 15 мм гача бўлган мисни қиздирмасдан ёки катта қалинликдаги металлни бироз қиздириб (250-400 0 ) пайвандлашга имкон берадиган АНЦ-1 ва АНЦ-2 маркали юқори унумдор электродлар ишлаб чиқилган. Аргон-ёй ёрдамида қўлда пайвандлаш вольфрам электрод билан тўғри қутбликдаги юқори частотали ўзгармас токда аргон муҳитида бажарилади. Шунингдек, гелий азот ёки уларнинг водород билан аралашмаси муҳитида ҳам пайвандлаш мумкин. Қалинлиги 4 мм дан ортиқ бўлган металл олдиндан 800 0 С температурагача қиздириб олиб пайвандланади. Қўшимча материал сифатида қиздирилган мисдан тайёрланган чивиқлар, мис-никель қотишмасидан (МНЖКТ-51-0,2-0,02) бронзадан (БрКМцЗ-1, БрОЦ»4-3), шунингдек таркибида самарали оксидлантирувчилар — сийрак ер металларидан тайёрланган чивиқлардан фойдаланилади. Қалинлиги 5-6 мм дан ортиқ металл учун қирралар V-симон ёки Х-симон шаклда 60-70 0 бурчак ҳосил қилиб очилади.пайвандлаш одатда ўнгдан чапга томон электродни буюмга нисбатан 80-90 0 бурчак олдинга қаратиб, қўшимча симни 10-15 0 қиялатиб олиб борилади, электрод 5-7 мм чиқиб туради. Пайвандлаш ишларининг юқори унумдорлиги ташкил этилган режимларда (700900А) гелий- ёй ёрдамида қўлда пайвандлашда таъминланади. 3. Титан ва унинг қотишмаларининг пайвандлаш Титаннинг мустаҳкамлиги 400-500 0 температурагача юқори, зичлиги кам бўлади, кўпгина агрессив муҳитларда коррозиябардошлиги юқори бўлиб, турли мақсадларда мўлжалланган пайванд конструкцияларда кенг

қўлланилади. Техник титан таркибида қўшилмалар, шу жумладан газлар — кислород, азот ва водород бўлади, улар турли даражада унинг мустаҳкамлигини оширади, плстиклигива қовушоқлигини пасайтиради. Пайванд чокларда улар совуқ ҳолида дарзлар ҳосил қилади. Титанни легирлаш пластиклиги ва қовушоқлиги етарли бўлган ҳолда, мустаҳкамлиги юқори пайвангдланадиган қотишмалар олишга имкон беради. Титанни пайвандлашнинг асосий хусусиятлари — пайвандлаш зонаси ва чокнинг тескари томонини (чок тубини) атмосфера ҳавосининг зарарли таъсиридан ишончли ҳимоя қилиш (бунда фақат эриган металлнигина эмас, балки 500 0 С температурагача қиздирилган участкаларни ҳам ҳимоя қилиш зарур), пайвандлаш процессида пайвандланадиган деталларнинг қизишига минимал вақт кетишини таъминлаш зарурлиги . титаннинг юқори температураларгача (880 0 С дан юқори) қиздирилганида донларининг ўсишига мойиллиги ва буғ ҳосил бўлиши пайвандлашда қўшимча қийинчиликларни юзага келтиради. Пайванд бирикмаларнинг сифати кўп жиҳатдан деталларнинг қирраларини ва титан симни пайвандлаш учун тайёрлаш технологиясига боғлиқ. Ярим фабрикатларни қиздириб ишлашдан кейин ҳосил бўладиган оксид-нитрид пардаси механик ишлов бериб ва ундан кейин металлни 5-10 минут давомида 60 0 С температурада тузлар ва кислоталарнинг эритмасида (350г нитрат кислота, 50 г натрий фторитнинг 650 мл сувдаги эритмаси) хурушлаб кетказилади. Титаннинг химиявий активлиги юқори бўлганлиги туфайли эрийдиган ва эримайдиган электродлар билан инерт газлар ҳимоясида ёй ёрдамида пайвандлаш, флюс остида пайвандлаш, плазма ёрдамида пайвандлашдан ва бошқа усуллардан фойдаланилади. Вольфрам электрод билан қўлда пайвандлаш тескари қутбликдагиўзгармас токда пайвандлаш зонасини, чокнинг совиётган участкаларини ва чок атрофи зонасини, шунингдек, чок тубини ҳимоя қилишга имкон берувчи махсус мосламалардан фойдаланиб бажарилади.

буларга тешикли узун насадкалар, ҳимоя казирёклари ва бошқалар киради. Чок тубини пайвандланадиган деталларнинг қирраларини мис ёки пўлат остқўймага жипс қилиб босиб туриш, тешикли ёки ғовакли материаллардан тайёрланган остқўймага инерт гази бериш йўли билан амалга ошириш мумкин. Идиш ёки трубаларни пайвандлашда инерт газни буюм ичкарисига берилади. Мураккаб шаклли, турли текисликларда жойлашган чоклари бўлган буюмлар атмосферасии автоматлар ёрдамида ёки қўлда контрол қилиб туриладиган герметик камераларда пайвандланади. қўлда пайвандлаш горелкани тебратмасдан ҳаракатлантириб, қисқа ёйда бурчагини олдинга қаратиб бажарилади. Электрод билан қўшимча материални 90 0 атрофида тутиб туриб, қўшимча материални узлуксиз узатиб турилади. Пайвандлаш тугагандан ёки ёй узилганидан кейин металл 400 0 С га совугунига қадар аргон бериб туришни давом этириш керак. Титанни диаметри 1,5—2 мм ли вольфрам электродлар ва диаметри 1-2 мм ли қўшимча сим билан ёй ёрдамида қўлда пайвандлашнинг тахминий режимлари: 14-жадвал Мета лл қалинли ги, мм пайванд лаш токи А, 0 ,8 4 0-50 1 5 0-60 1 ,2 5 0-60 1 ,5 7 0-80 2 9 0-100 2, 5 11 0-120 3 12 0-140 Қалинлиги 0,5-2 мм бўлган титан ва унинг қотишмалари учун қўлда ва эримайдиган электрод билан импульс-ёй ёрдамида пайвандлаш қўлланилади. Пайвандлаш тўғри қутбликдаги ўзгармас ток импульслари билан кам

амперли «навбатчи ёйга» (0,8-2А) импульс ёйини қўшиш йўли билан бажарилади. 4. Никель ва унинг қотишмаларини пайвандлаш Никель ва унинг қотишмалари (таркибида 55%дан ортиқ бўлган) коррозиябардошлиги, оловбардошлиги ва ўтга чидамлилиги юқори бўлганлиги туфайли химия ва нефть саноатида, энергетикада, электротехникада ва саноатнинг бошқа тармоқларида фойдаланиладиган энг муҳим конструкцион материаллар ҳисобланади. Техник никелдан (Н=0,H=1ц, Н=1,Н=2,Н=3 ва Н=4) конструкцион материал сифатида ва никель асосидаги қотишмалар (мис-никелли, никель-хромли, никель – молибденли ва бошқалар) тайёрлаш учун фодаланилади. Никель ва унинг қотишмаларини ёй ёрдамида, газ алангасида, электрон нур воситасида, диффузион пайвандлаш усули билан пайванд конструкциянинг конкрет ишлаш шароитларига қараб пайвандлаш мумкин. Никель ва унинг қотишмаларини пайвандлашдаги асосий қийинчиликлар — металлнинг қаттиқ ҳолатдан суюқ ҳолатга ўтаётганда кислород, азот ва водороднинг эрувчанлигидан кескин ўзгаришларга боғлиқ металлда эримайдиган ва кристалланиш процессида чок металида ғоваклик ҳосил бўлишига ёрдам берадиган маҳсулотларнинг ҳосил бўлиши оқибатида ғоваклар ва кристаллизацион дарзлар пайдо бўлишига ўта мойиллиги. Азот пайвандлаш ваннасига қўшилиб, қисман Ni 3 N типидаги нобарқарор нитридлар ва қисман — ғовакликлар ҳосил бўлишига ёрдам берадиган газ фазасини юзага келтиради. Шунинг учун пайвандлаш технологияси пайвандлаш зонасини атмосфера ҳавосидан ишончли ҳимоя қилишни, пайвандлаш ваннасининг яхши оксидсизланишини ва унинг газдан тозаланишини таъминлаш керак. Ғоваклик ҳосил бўлишининг олдини олишнинг самарали чораси — қисқа (1,5мм) ёйда пайвандлашдир, бунда атмосферадан ҳаво сўрилиши кескин камаяди.

Металлнинг кристаллизацион дарзлар ҳосил бўлишига ўта мойилигига йирик донлар чегаралари бўйлаб Ni 3 S— Ni (T эриш =645 0 С), Ni 3 P— Ni (T эриш =880 0 С) типидаги осон эрийдиган эвтектикаларнинг вужудга келиши саба бўлади. Бундай дарзлар ҳосил бўлишини олдини олиш учун асосий металлда ва пайвандлаш материалларида зарарли қўшилмалар миқдори чекланади ҳамда азотни анча қийин эрийдиган бирикмалар билан боғловчи элементлар (5% гача Mn ва 0,1%гача Mg) киритилади. Донларнинг ўсишини чеклаш учун пайвандлашни кам погон энергия сарфлаб олиб борилади ва чок металига бироз миқдорда унинг структурасини майдалаштирувчи модификаторлар (титан, алюминий, молибден) қўшилади. Қўлда ёй ёрдамида пайвандлаш қалинлиги 1,5 мм дан ортиқ листлар учун қўлланилади ва асос қопламали электродлар билан тескари қутбликдаги ўзгармас токда олиб борилади. Электроднинг ўта қизиб кетишининг олдини олиш ва пайванд бирикмада кучланишларни камайтириш учун пайвандлашда пўлатни пайвандлашдаги токка қараганда камроқ токдан фойдаланилади (15-жадвал). Пайвандлашни иложи борича пастки вазиятда, пўлатни пайвандлаш тезлигига қараганда тахминан 15% кам тезликда олиб бориш зарур. Электроднинг кўндаланг тебранишлари электроднинг уч диаметридан ортиқ бўлмаслиги зарур. 15-жадвал Металлнинг қалинлиги,мм Э лектрод диаметри, мм Пайвандлаш токи, А 2 гача 2—2,5 2,5-3 3-5 5-8 9-12 2 2-3 3 3-4 4 4-5 30-50 40-80 70-100 80-140 90-100 100-165

Электродларни алмаштиришда ёки ёй тасодифан ўчиб қолганда уни кратердан 5-6 мм орқада шлакдан тозаланган чокда ёндирилади. Пайвандлашни бир ўтишда олиб бориш тавсия этилади, қирралар орасидаги зазор 2-3 мм бўлиши керак. Қалинлик катта бўлиб, кўп ўтишли пайвандлаш муқаррар бўлганида бирикма совиб, олдинги чок шлак ва металл томчиларидан яхшилаб тозаланганидан кейин пайвандлаш тавсия этилади. Экеспулататцион хоссалар нуқтаи назаридан чокни пайвандлашдан кейин ишлаш катта аҳамятига эга, чунки чала пайвандланган жойлар, чокнинг ёмон шаклланиши коррозия, дарзлар ва бошқа нуқсонлар юзага келишига сабаб бўлиши мумкин. Никелни пайвандлаш учун Н=10, Н=37 «прогресс 50» ва НП1 никель симидан тайёрланган бошқа электродлар фойдаланилади. Баъзи ҳолларда никелни ва мис-никелли қотишмаларни пайвандлаш учун УОНИ 13/45 қопламали электродлардан фойдаланилади. Хром-никелли (ХН78Т) қотишмаларни пайвандлаш учун ЦТ-28 электродлари, ХН80ТБЮ типидаги қотишмаларни пайвандлаш учун ИМЕТ-4, ИМЕТ-7, ИМЕТ-4П, ВЧ-2-6 электродлари ишлатилади. Пайвандлашдан кейин кучланишларни йўқотиш учун термик ишлов бериш тавсия этилади. Аргон-ёй ёрдамида қўлда пайвандлаш тўғри қутбликдаги ўзгармас токда пайвандлаш ваннасини аргон оқимидан ишончли ҳимоя қилган ҳолда олиб борилади. Бу усулда ғовакликлар ҳосил бўлишининг олдини олишга аргонга 20% гача водород қўшиш ва сим таркибига газларни боғловчи титан, алюминий, ниобий киритилади. Чокларнинг электродларнинг кўндаланг тебранишини минималлаштирган ҳолда ётқизиш тавсия этилади, горелканинг чок ўқига нисбатан оғиши 45-60 0 , вольфрам электроднинг чиқиб туриши 12-15 мм бўлиши керак, қўшимча материални чок ўқига нисбатан 20-30 0 бурчак ҳосил қилиб узатилади. Кўп қатламли қилиб бириктириш металл тўла совиб, олдинги чоклар тозаланганидан ва ёғсизлантирилгандан кейин бажарилади.

А маркали аргон билан ҳимоялаш никель ва унинг қотишмаларини остқўймалар томонидан пайвандлашда ҳам тавсия этилади.

Назорат саволлари 1. Қандай материал чўян дейилади? 2. Сиз чўяннинг қандай турлари биласиз? 3. Нима сабабдан чўян пайвандлаш технологияси ёмон материаллар тоифасига киради? 4. Чўянни пайвандлаш усули қандай танланади? 5. Чўянни совуқлайин пайвандлаш усулининг моҳиятини тушунтириб беринг? 6. Титанни пайвандлашнинг асосий хусусиятлари нималардан иборат? 7. Никел ва унинг қотишмаларини қандай пайвандлаш мумкин?

O'xshashlar

Деталларни бошқа усулларда тиклаш

Конструкцион материаллар

Пайвандлаш материаллари

Портлатиб пайвандлаш ва бундай бирикманинг хусусиятлари. Ультра товушли пайвандлаш, уни технологияси ва ускуналари

Машина деталларини тиклаш усулларининг туркуми, механизациялаштирилган усулларда пайвандлаш ва эритиб қоплаш усуллари