O’zbekiston suzish sportining rivojlanishi - Jismoniy tarbiya - Referatlar

O’zbekiston suzish sportining rivojlanishi

Yuklangan vaqt:

20.09.2019

Ko'chirishlar soni:

0

Hajmi:

50.5 KB

Ko'chirib olish

O’zbekiston suzish sportining rivojlanishi Reja: 1. Mustaqillik davrida suzish sportiga bo’lgan e’tibor. 2. Yangi suzish havzalarining barpo etilishi. 3. Yurtimizdagi Osiyo va jahon birinchiligi ishtirokchilari.

Tayanch tushunchalar: Federatsiyaga a’zo bo’lgan yili, birinchi suzishhavzalari, O’zbekiston birinchiligining o’tkazilgan vaqti, olimpiya o’yinlariga kiritilishi, hozirgi zamon olimpia o’yinlari dasturi, qaysi suzuvchilarni bilasiz, O’zbekistonda birinchi federatsiya tuzilishi, O’zbekistonda birinchi suzish musobaqasi, jahon federatsiyasining nomi, jahon federatsiyasining tashkil qilingan yili. Vatanimiz o’zining anhorlari, ko’llari, daryolari va sun’iy suv havzalariga ega bo’lgan serquyosh diyordir. Sirdaryo, Amudaryo, Zarafshon, Chirchiq, Angren, Oqdaryo, Qoradaryo kabi daryolar mavjud. Shu daryolar sohillarida yashovchi aholi qadimdan bu tabiiy boyliklarni insonlar yashovchi aholi qadimdan bu tabiiy boyliklarni insonlar manfaati uchun bo’ysundirish bilan kurashib kelganlar. Ko’p kanallar (Farg’ona va boshqalar), suv omborlari («Tuyamo’yin», Chorvoq suv ombori va boshqalar), bir qator suv havzalari («Rohat ko’li, «Toshkent dengizi») bunyod qilindi. Ular aholi uchun baliq ovlash, ekin sug’orish, ro’zg’orda foydalanish va shu bilan birga hayotiy zaruriyat bo’lgan suzishga o’rgatish va suzish sportining rivojlanishi uchun manba sifatida xizmat qilib kelmoqda. Suzish sportining boshlang’ich davri O’zbekistonda 1924-1925 yillarga to’g’ri keladi. Garchi bu yillarda maxsus (basseynlar) havzalar qurilmagan bo’lsa- d, birinchi marta gidrostantsiyalar bunyod etildi. Masalan: Toshkentda Bo’zsuv to’g’on bilan to’sib, sun’iy suv ombori hosil qilindi. Bu esa, o’z navbatida, aholining, yoshlarning sevimli dam olish va cho’milish maskani bo’lib qoldi. Sal keyinroq esa ikkita suv stantsiyasi qurilib, shu tariqa suzish basseyn iva balandlikdan suvga sakrash minoralari qurildi. 1927 yilning yoziga kelib jumhuriyatimizda birinchi marta shu suv stantsiyasida Toshkent bilan Samara shaharlari o’rtasida suzish bo’yicha musobaqa bo’lib o’tdi. Bu, o’z navbatida, 1928 yildagi Butunittifoq spartakiadasiga qatnashuvchi O’zbekiston terma jamoasi a’zolarini saralab olishga yordam berdi. Nihoyat, terma jamoaga quyidagilar: Nadejda Pak, Nina Lobova, Pyotr Kravchenko va boshqalar a’zo bo’ldilar. Ammo spartakiadada O’zbekiston terma jamoasining suzuvchilari juda bo’sh ishtirok etib,

Turkmaniston jamoasidangina yuqori 16-o’rini oldilar. Shunga qaramay, Butunittifoq spartakiadasi O’zbekiston jumhuriyatining Buxoro, Andijon, Toshkent, Farg’ona va boshqa shaharlarida ham suzish sportining rivojlanishi uchun turtki bo’ldi. Masalan: Toshkent «Komsomol ko’li»da. Andijon shahri istirohat bog’idagi sun’iy suv havzasida, Buxorodagi istirohat bog’i ichidagi eng katta Labihovuzda suzuvchilar suzish sporti bo’yicha har xil mashg’ulotlar o’tkazadigan bo’ldilar. 1930 yili «Mehnat va Vatan mudofaasiga bo’l tayyor» (GTO) kompleks majmuasi Nizomi tasdiqlangach, Toshkentda yangi turdagi basseynlar barpo etildi. Qad ko’targan yirik korxonalar qoshida zamonaviy basseynlar qurila boshlandi. Masalan: Toshkent tuqimachilik kombinati qoshida uzunligi 50m keladigan suvi isitiladigan ochiq basseyn qurib ishga tushirildi. 1935 yil Andijonning sun’iy suv havzasida birinchi marta jumhuriyat bo’yicha suv sporti bayrami o’tkazildi. Bunda suzish bo’yicha jumhuriyat birinchiligi o’tkazildi. Andijon, Qo’qon, Toshkent, Farg’ona shaharlarining eng mohir suzuvchilari o’zaro bellashadilar. Bunda Toshkentlik Aleksandr Vajnin 100 va 200m ga yonboshlab suzish bo’yicha birinchi o’rinni egalladi. Nikolay Zokirov 200m masofaga erkin suzishda chempion bo’ldi. Valentin Mixaylov 100 va 200m ga brass usulida suzishda g’olib chiqdi. 100m ga erkin usulda suzishda esa andijonlik Nikolay Dovidenko g’olib deb topildi. 30-yillardan boshlab davlat tashkilotlarining talab va tashabbusiga ko’ra jumhuriyatda suzish sportini yanada takomillashtirish maqsadida Toshkentda Temuryo’lchilar istirohat bog’ida uzunligi 25m li ochiq basseyn qurildi va shu erda suzish bo’yicha bolalarning sport maktabi (DSSh) tashkil etildi. 1939 yilda esa Toshkentda maydoni 8 gektar keladigan ko’l bunyod etildi. Ko’lda asosiy baza hisoblangan «Dinamo» va «Spartak» suzuvchilar stantsiyasi tashkil etildi. Bu bazada keyinchalik jumhuriyatimizning dastlabki murabbiylari etishib chiqdi. A.K.Smirnov (hozir o’zbekistonda xizmat ko’rsatgan murabbiy). V.T.Bondarenko (xizmat ko’rsatgan murabbiy), N.T.Shul’jenko, V.I.Mixaylov va boshqalar. Ular ko’plab yoshlarga ustozlik qilib, mohir suzuvchi sportchilarni etishtirib berdilar.

1939 yilga kelib O’zbekistonda suzish bo’yicha jumhuriyat federatsiyasi tuzildi. A.K.Smirnov unga rais qilib tayinlandi. 1948 yili Qozog’iston va O’rta Osiyo jumhuriyatlari jamoalari o’rtasida suzish bo’yicha musobaqa bo’lib o’tdi. Bunda jumhuriyatimiz jamoasi 1-o’rinni oldi. Jumhuriyatimizda Anotoliy Gerasimov, Georgiy Pijanov, Rashid Xamzin kabi sport ustalari etishib chiqdi. Jumhuriyatimiz hukumati suzish uchun sport bazalari qurilishiga katta mablag’ ajratdi. 1949-1955 yillar mobaynida Andijon, Namangan va Qo’qon shaharlarida 25m li ochiq basseynlar qurib ishga tushirildi va ular qoshida suzish bo’yicha bolalar va o’smirlar sport maktabi (BO’SM) ochildi. 1954 yil Yuriy Frolov 200m ga batterflyay usulida (2.23.6) suzib Sobiq SSSR chempion iva rekordchisi degan unvonga sazovor bo’ldi. O’zbekiston suzish federatsiyasi kelajakda suzish sporti turlarini yanada rivojlantirish, yoshlar orasida suzish sportini keng ommalashtirish va suzish uchun bazalar sonini yanada ko’paytirish to’g’risida o’z reja va vazifalarini ishlab chiqdi. Viloyatlar markazlarida bir necha yangi basseynlar qurildi. Respublikada oliy sport maktabi ochildi va unga eng kuchli suzuvchilar qabul qilindi. Mazkur maktabdagi mashg’ulotlarga jumhuriyatimizdagi ko’zga ko’ringan murabbiylar A.K.Smirnov, V.T.Bondarenko, V.I.Lyutiy, A.E.Shpolyaiskiy kabilar rahbarlik qildilar. 1960 yil Toshkentda O’zbekiston Davlat Jismoniy tarbiya instituti qoshida suvi isitiladigan 25x12m li ochiq basseyn, 1962 yil «Mehnat rezervlari» klubiga qarashli ko’ngilli sport jamiyati (DSO) qoshida 25x12m li yopiq basseyn, 1964 yil «Mehnat» jamiyatiga qarashli 50x21m li yopiq basseyn, 1969 yil Armiya sport klubiga qarashli suvi isitiladigan 50x21m li ochiq basseyn, 1963 yil Navoiy shahrida 50x21m li basseynlarning barpo etilishi jumhuriyatimizdagi suzish sporti tarixida katta voqea bo’ldi. Natijada bizning suzuvchi sportchilarimiz o’z mahoratlarini oshira borib yangi marralar sari intila bordilar. Masalan: jumhuriyatimiz suzuvchilari 1956-1959 yillardagi Sobiq ittifoq xalqlari 1- va 2- spartakiadasida qatnashib 9-o’rinni olgan bo’lsalar, 1967 yilgi 4-spartakiadada 5- o’rinni egalladilar. Erkin usulda 4x100m ga estafeta suzishda qizlarimiz: Svetlana

Babanina, Natal’ya Ustinova, Raisa Manina va Rita Pavlovalar oltin medalga sazovor bo’ldilar (1967 yil). 1964-1965 yillarda S.V.Babanina 100m ga brass usulda suzib, ikki marta jahon rekordini o’rnatdi. Tokioda o’tkazilgan olimpiyadada u 200m ga brass usulida (2.28.6), 4x100m ga kombinatsiyali estafetada suzib 2 ta bronza medaliga sazovor bo’ldi. Mazkur olimpiyadada toshkentlik Natalya Ustinova 4x100m ga kombinatsiya usulida suzib bronza medalini qo’lga kiritdi. U o’z mahoratini oshirib borib Evropa chempioni va rekordchisi, 16 marta mamlakat chempioni bo’ldi. O’zbekistonda A.A.Shvartsman trenirligida etishib chiqqan, Sergey Pavlovich Konov 1968 yilgi XIX olimpiada o’yinlarida o’zii ko’rsatgan bo’lsa, 1969 yil 200m ga batterflyay usulda suzish bo’yicha chempionlikga nomzod bo’ldi. Shu tariqa O’zbekistonda suzish sporti yuksala bordi. 1988 yil 3-5 iyunda Toshkentda suzish sporti bo’yicha xalqaro yirik musobaqa bo’lib o’tdi. Bu aslida yaqinlashib kelayotgan XXV olimpiyadada qay darajada tayyorligimizni kimdan va nimadan umidvor ekanligimizni ham ko’rsatib berdi. Barcha turlar bo’yicha jahonning eng mohir suzuvchilari qatorida 26 ta SNG suzuvchilari ham qatnashdi. Bu xildagi turnir jumhuriyatimizda 5 yil avval ham bo’lib o’tgan edi. Buning sababi O’zbekistonning iqlim sharoiti Seulning iqlimiga o’xshashligidir. Bunda Bolgariya, Pol’sha, Ruminiya, Chexoslovakiya, Shvetsiya, Yugoslaviyaning mohir suzuvchilari qatorida O’zbekiston suzuvchilari ham o’z qobiliyat va kuchlarini sinab ko’rdilar. Bu voqealar sportimiz tariximizda o’ziga munosib o’rin oldi. Vaqt o’tgan sayin jumhuriyatimiz shon-shuhratini himoya qiluvchi sportchilarimiz tobora ko’paya bordi. Jismoniy tarbiya va sport turlari tobora rivojlanib bordi. Suzish sporti ham taraqqiylasha bordi. Maxsus zamonaviy basseynlar soni ko’paydi, eskilari ta’mirlandi. Yoshlar o’rtasida suzishga bo’lgan qiziqish ortdi. Natijada nomlari yuqorida tilga olingan rekordchilar, chempionlar, sovrindorlar qatoriga yana yangi nomlar qo’shildi. Mamlakatimiz rekordchisi, xalqaro klassdagi sport ustasi, Do’stlik 84 turnirining g’olibasi Larisa Belakon’, xizmat ko’rsatgan sport o’stasi, chalqancha suzish bo’yicha jahonning sobiq

rekordchisi, XXIV olimpiada sovrindori Sergey Zabolotnikov, chempionlar: Evgeniya Vavilova, Marina Panina, Elena Ovchar, Janna Bolotova, Evgeniy Bender, Vladimir Xonyakin, Andrey Rumyantsev, Pavel Pak, Aleksandr Tolpeykin, Dmitriy Pan’kov, Rinat Shigaev, Dilshod Egamberdiev Jumhuriyat turnirlarida sovrindor bo’lgan. Andijonlik suzuvchi Nargiza Madumarova, Baxtiyor Madumarov, O’zbekiston Davlat Jismoniy tarbiya institutining suzuvchilaridan: Yo’ldoshxo’ja Saidmuhammedov, Qahramon Vahobov va boshqalardir. Shu zaylda suzish dars sifatida jismoniy tarbiya oliy o’quv yurtlarining o’quv dasturiga va jadvaliga kiritilgan. O’rta maktab oliy va o’rta maxsus yurtlarining jismoniy tarbiya bo’yicha o’quv dasturlarida majburiy fakul’tativ kurs sifatida o’rin olgan. Maktablarda sharoitga qarab jismoniy tarbiya darslarida suzishga o’rgatish bo’yicha mashg’ulotlar olib borilmoqda. O’zbekiston xalq ta’limi vazirligi tomonidan, umumta’lim maktablarining 5- 9-sinflari uchun jismoniy tarbiyadan 1992 yilgi umumiy dasuriga ko’ra 5-9- sinflarning har biri uchun 14 soatdan rejalashtirilgan. Hozirgi paytda ayrim maktablar o’z maktabida sharoit bo’lmasa, yaqin atrofdagi basseynlarni ijaraga olinmoqda. Yoz oylarida ochiq suv havzalarida va bolalar yozgi dam olish oromgohlarida suzish mashg’ulotlari o’tkazilmoqda. Shu ishlarning hammasi davlat dasturiga muvofiq tasdiqlangan rejalar asosida olib boriladi. Chunki bizning jismoniy tarbiya tizimimizda suzish asosiy o’rinni egallaydi. Shu sababli boshqa jismoniy mashg’ulotlar qatori suzish ham jumhuriyat jismoniy tarbiya kompleksiga kiritilgan. Ikkinchi sababi suzishdagi tarbiyaviy ishlar butun mashg’ulot jarayonida olib borilib, bolalarning ongli, intizomli, tashabbuskor, sabot-matonatli, jasur, dadil va irodali bo’lib o’sishga katta ta’sir ko’rsatishi biz uchun juda muhim ahamiyatga egadir.

Adabiyotlar 1. Sobirova O. Bolalar suzishni o’rganing. – Toshkent: «Meditsina» nashriyoti, 1987. 2. Firsov Z.T. Plavat’ ran’she chem xodit’. 2.izd. Fizkul’tura i sport. – Moskva: 1980. 3. Sobirova O. Suzish san’atini o’rgan. – Toshkent: «Meditsina» nashriyoti, 1989. 4. Sobirova O. Suzish. – Toshkent: «Ibn Sino» nashriyoti, 1993. 5. Tangirov Y., Levitskiy A.N. Suzish. – Toshkent: «Meditsina» nashriyoti, 1986.

O'xshashlar

Suzishning tarixiy rivojlanishi. O’zbekistonda suzish sportining rivojlanishi

O'zbekiston jismoniy tarbiya tizimida suzish sportining rivojlanishi

Suzish

Mustaqillikga erishgandan keyin suzish sportiga bo’hlgan e’tibor

Suzish texnikasining nazariy asoslari Dinamik va statik suzish