Ҳозирги замон қурилишида цементнинг ахамияти - Issiqlik texnikasi - Referatlar

Ҳозирги замон қурилишида цементнинг ахамияти

Yuklangan vaqt:

20.09.2019

Ko'chirishlar soni:

0

Hajmi:

41.7900390625 KB

Ko'chirib olish

Ҳозирги замон қурилишида цементнинг ахамияти Режа: 1. Ўзбекистонда кимёвий йўл билан олинадиган материаллар ва уларни етиштиришда қўлланиладиган машиналар ва жихозлар. 2. Ҳозирги замон қурилишида цементнинг ахамияти. 3. Цемент етиштириш усуллари.

В.520800 - “Технологик машина ва жихозлар” таълим йўналиши бўйича тайёрланадиган бакалавр учун “Ишлаб чиқаришдаги технологик комплекслар” фани йўналишнинг махсус фанлари қаторига киради ва ушбу таълим йўналишининг ишчи ишчи ўқув режасига бакалаврларни истеъмол қилувчи корхоналар талабномалари асосида қўшилган. Таълим йўналишини битирган бакалаврлар учун фақат Фаргона вилоятида қуйидаги йирик саноат корхоналари мавжуд: Фаргона “Ўзнефтниқайтаишлаш” а/ж, “Азот “ ишлаб чиқариш бирлашмаси, Кимёвий толалар, Сунъий чарм, Фуран бирикмалари заводлари, “Қувасойцемент” а/ж ва бир қатор қурилиш материаллари етиштирувчи корхоналар, Фаргона ва Қўқон ёг-мой комбинатлари, Консерва заводлари ва бошқалар. Юқоридаги корхоналарда махсулот етиштириш учун аксарият, кимёвий жараёнлар ва қурилмалар қўлланилади. Ктмёвий технологиянинг асосий мақсади - табиий ва сунъий хом ашёларнинг энг тежамли ва экологик жихатдан тоза кимё усуллари ёрдамида қайта ишлаб, керакли материаллар хамда махсулотлар олишдан иборат. Замонавий кимёвий технология, табиий ва техника фанларининг ютуқларига асосланиб, физик ва кимёвий жараёнлар, машиналар ва қурилмаларнинг бирлигини, саноат миқёсида турли моддалар, махсулотлар, материаллар ва буюмларни ишлаб чиқариш технологик жараёнларини энг қулай йўллар билан энг юқори самарадорли қурилмаларда олиб бориш тақоза этади. Фаннинг асосий мақсади - турли материаллар етиштиришда қўлланиладиган технологик комплекслар, машина ва қурилмалар тузилиши ва ишлаш асослари билан таништириш, кенг тарқалган намуналарини хисоблаш асосларини ўрганиш. Ушбу фанни ўрганиш жараёнида қуйидаги фанлардан олинган билимларга таянилади: - олий математика; - чизма геометрия ва мухандислик графикаси; - кимё;

- назарий механика; - механизм ва машиналар назарияси; - гидравлика ва гидромашиналар; - иссииқлик техника ва бошқалар. Ўзбекистонда кимёвий йўл билан олинадиган материаллар ва уларни етиштиришда қўлланиладиган машиналар ва жихозлар. Ҳозирги кунда Ўзбекистонда 30-дан ортиқ кимё технологияси билан боглиқ корхоналар мажуд бўлиб, улар турли-туман моддалар - нефть маъсулотлари, мадан ўгитлар, сульфат кислота, пластмасса, синтетик смолалар, цемент, сунъий тола ва чармлар, лак-буёқлар, турли озиқ-овқат махсулотлари ишлаб чиқарилади. Мисол учун 3 та заводдан иборат (Фаргона, Бухоро, Олтиариқ) “Ўзнафтниқайтаишлаш” а/ж, Чирчиқ “Электрохимпром”, Навоий ва Фаргона “Азот” ишлаб чиқариш бирлашмалари, Олмалиқ ва Самарқанд кимё корхоналари, Навоий, Охангарон, Қувасой ва Бекобод шахарларидаги цемент корхоналари ва бошқалар кўп минглаб тонна қимматбахо махсулот етиштирилади. Ушбу корхоналарда турли технологик жараёнлар махсус курилмаларда (машина ва жихозларда) амалга оширилади. Бу жараёнлар давомида хом-ашё ва материалларнинг ички тузилиш таркиби, агрегат холати ўзгаради. Кимёвий технологик жараёнлар кимёвий реакциялардан ташқари турли физик-кимёвий жараёнлардан иборат: суюқлик ва қаттиқ материалларни узатиш, қаттиқ моддаларни майдалаш ва саралаш, хул материалларни қуритиш ва бошқалар. Юқоридаги жараёнларни амалга ошириш учун турли технологик машиналар ва жихозлар қўйилади. Масалан, қаттиқ материалларни механик куч таъсирида қайта ишлаш машиналарига турли майдалагичлар ва тегирмонлар, галвир ва элаклар, аралаштиргичлар киради. Иссиқлик алмашиниш жараёнларини оширгани турли печьлар, иситкичлар ва совуткичлар қўлланилади.

“Ишлаб чиқаришдаги технологик комплекслар” фанида у ёки бу материални етиштиришда қўлланиладиган машиналар ва жихозлар бир бири билан узвий боглиқ холда, яъни белгиланган миқдорда махсулот етиштиришга мўлжалланган комплекс сифатида қаралади. Ҳозирги замон қурилишида цементнинг аъамияти. Цемент сунъий богловчи материал сифатида дастлаб Англияда 1824 йили Аспдин томонидан ва Россияда 1825 йили Челиев томонидан “Портландцемент” номи билан кашф этилган. Ўз номини (Портландцемент) Англиядаги Портленд шахри ёнида қазиладиган табиий тошга ўхшашалигидан олган. Портландцемент табиий охактош ва тупроқлардан ташкил топган аралашмаларни тўлиқ пишиши натижасида хосил бўладиган климкер, гипс ва минерал қўшимчаларни майда туйиш натижасида хосил қилинади. Замонавий қурилишда портландцемент асосий материал сифатида кенг қўлланилади. Ундан пойдевор ва заминлар, томга ёпиш плиталари ва кўтарувчи қурилмалар, турли темирбетон ва армобетон махсулотлари, асбест-цемент махсулотлари ва бошқалар олинади. Цеметнинг асосий турлари қуйидагилар: - портландцемент (65,5%) - шликопортландцемент (27,6%) - пуцолан цементи (5,1%) - цементнинг бошқа турлари (тампонапс, рангли ва бошқа) - 1,8% Портландцемент (ГОСТ 10178-76) механик мустахкамлигига қараб 4 маркага бўлинади: 400, 500? 550 ва 600. Унинг зичлиги 3000-3200 кг/м 3 тенг. Портландцементнинг 400 маркаси монолит бетон ва темирбетон деталлар олиш учун ишлатилади; 500, 550 ва 600 маркалари юқори мустахкам йигма оддий ва дастлаб зўрланган темир-бетон конструкциялар олиш учун ишлатилади.

Цемент етиштириш усуллари Цемент етиштириш қуйидаги технологик жараёнлардан ташкил топади: хом-ашё аралашмасини тайёрлаш ва уни куйдириш; куйдирилган махсулотни кукун қилиб туйиш. Цемент етиштиришда иккита асосий усул қўлланилади: хўл ва қуруқ усуллар. Ундан ташқари “Ярим қуруқ” деб номланувчи усулдан хам фойдаланиш мумкин. 1.1-расмда цемент етиштиришнинг хўл усули технологик схемаси келтирилган. Бу сул бўйича хом-ашё аралашмаси сув билан бирга тайёрланади ва сўнг айоанма печларда куйдирилиб, клинкер олинади. Олинган клинкер гипс ва минерал қўшимчалар билан бирга цемент тегирмонларида туйилади ва тайёр махсулот-цементга айлантирилади. 1.2-расмда цемент етиштиришнинг қуруқ усули технологик схемаси келтирилган. Бу усулда хом-ашё аралашмаси қуруқ холда тайёрланади ва сўнг айланма печларда куйдирилади. Олинган клинкерснг худди хўл усулдагидек цемент тегирмонларида гипс ва минерал қўшимчалар билан бирга туйилади. Ярим қуруқ ёки комбинацияланган усул билан хом-ашё худди хўл усулдагидек сув билан қўшилиб олинади (36-43% намликдаги ишлаш кўринишида) ва айланма печpларда куйдиришдан аввал ишлаш механик усуллар ёрдамида (филpтр-прессларда) бирламчи намсизлантирилади (18- 20%) ва сўнг айланма печларга жўнатилади. Қолган жараёнлар юқорида келтирилган усуллардагидек. Ўзбекистонда ишлаётган тўртта цемент заводлардан учтасида (Охангарон, Қувасой ва Бекобод шахарларида) цемент етиштириш хўл усулда амалга оширилади, Навоий шахридаги заводда қуруқ усул қўлланилади. Қуруқ усулнинг асосий афзаллиги - клинкер етиштириш учун ёқилги сарфи камлигида. Масалан, хўл усулда 1 кг клинкер олиш учун 1500 ККал иссиқлик сарфланса, қуруқ усулда бу кўрсаткич 750-900 ККал ташкил этади.

1978 йилдан хўл усулда ишлайдиган технологик линиялар лойихаланмайди ва фақат мавжуд линиялар ишлатилади . Охактош Майдалагич Тупрок Тупрок лойлагич Майдалагич Хом - ашё тегирмони Шлам Вертикал шлам ховузи Горизонтал шлам ховузи Айланма печь Клиннерсовиткич Цемент тегирмони Гипс Майдалагич Минерал кушимча Куритгич Майдалагич Трнаспорт воситал ари Коплаш машинаси Цемент омбори Сув 1.1 - расм. Цемент етиштиришнинг хщл усули схемаси

Охактош Майдалагич Тупрок Куритиш барабани Майдалагич Хом - ашё тегирмони Аралаштириш силослари Хом-ашё уни силослари Циклансимон иссиклик аралаштиргич Декарбонизация реактори Айланма печь Цемент тегирмони Гипс Майдалагич Минерал кушимча Куритгич Майдалагич Трнаспорт воситалари Коплаш машинаси Цемент омбори 1.2- расм. Цемент етиштиришнинг ыуруы усули схемаси Клинкер совиткичи

Адабиётлар рўйхати: 1. Журавлев М. И., Фоломеев А. А. Механическое оборудование предприятий вяжуйих материалов и изделий на базе их. М.: Вусшая школа, 1983. - 314 с. 2. Лоскутов Ю. А. и др. Механическое оборудование предприятий по производству вяжуйих строительних материалов. М.: Машиностроение. 1986. – 376 с. 3. Алексеев Б. В. Технология производства цемента. М.: Вусшая школа. 1980. – 264 с. 4. Алиматов Б. А. и др. Айланма печларнинг асосий курсаткичларини хисоблаш. Услубий кўрсатма. Фаргона. 1996. – 15 бет. 5. Алиматов Б. А. и др. Панжарали совиткич хисоби. Услубий кўрсатма. Фаргона. 1994. – 18 бет.

O'xshashlar

Охак етиштириш схемалари ва қўлланадиган жихозлар

Regeneratorlik pechni issiqlik balansini hisoblash

Pechda nurlanish orqali issiqlik almashunivini hisoblash

Pech o’txonasida yoqiladigan yoqilg’i yonish mahsulotlari hajmini hisoblash

Айланма печларнинг ички ва ташки иссиклик алмаштиргичлари