Туристларга транспорт хизмати кўрсатиш - Iqtisodiyot - Referatlar

Туристларга транспорт хизмати кўрсатиш

Yuklangan vaqt:

20.09.2019

Ko'chirishlar soni:

0

Hajmi:

122 KB

Ko'chirib olish

Туристларга транспорт хизмати кўрсатиш Режа: 1. Турист воситалари ва транспорт саёҳатини туркумлаш. 2. Туристларни транспортда ташиш қоидалари. 3. Халқаро йўналишларда транспорт саёҳатларини ташкил қилиш хусусиятлари. 4. Экскурсиянинг туризмига боғлиқлиги 5. Туристларнинг экскурсиядан мақсади.

1.Турист воситалари ва транспорт саёҳатини туркумлаш. Туристларга транспорт хизматини кўрсатиш - бу туризм индустриясининг энг асосий қисмларидан бири ҳисобланади. 1990 йилларгача ҳам ички ҳам халқаро туризмга хизмат қилувчи автомобил, дарё, денгиз, темир йўл ва авиацион транспортини ўз ичига олувчи ягона транспорт тизими мавжуд эди. Барча туристик хизматлар тизимидаги транспорт хизматининг ҳиссаси 40%дан ортиқ қисмини ташкил қилар эди. Транспорт саёҳатлари туризмнинг мустақил кўриниши сифатида қаралади. Транспорт саёҳати - бу турли хил транспорт воситаларидан фойдаланиб ишлаб чиқилган йўналишлар бўйича туристлар гуруҳларининг саёҳатидир. Транспорт саёҳатлари қуйидагича таснифланади; яъни: - ҳаракатланиш йўналиш (маршрути) бўйича; - фойдаланилаётган транспорт тури бўйича; - йўналиш трассасининг қурилиши бўйича; - саёҳатнинг муддати бўйича; - мавсумийлик бўйича ва ҳ.к. Ҳозирги даврда автобус, ҳаво йўли ва темир йўли воситасидаги саёҳатлар кенг тарқалган. Туристик транспорт саёҳатлари бир неча транспорт турлари оркали яъни: темир йўлдан автобус (енгил автомобил); ҳаво йўлидан автобус ва ҳ.к. амалга оширилади. Мобил транспорти тури сифатида автобус ва енгил автомобилдан мустақил йўналишлардаги каби туристларни аэропортдан (вокзалдан) мехмонхонага ёки аксинча олиб бориб қўйишда кенг фойдаланилади. Ҳар қандай турист ўз саёҳатини режалаштираётганда манзилга олиб бориш (етказиш) тезлиги, саёҳат қулайлиги (комфорти), қиймати, юкларини олиб бориш (уларнинг оғирлигини ҳисобга олган ҳолда) имконияти; тўхташ жойлари, овқатланиш шароитлари, шовқин даражаси, вибрация, дам олиш ва (тунаш) ухлаш жараёнлари,

экологик ва албатта хавфсизлик каби омилларни ҳисобга олади. Ижобий омиллар қанча кўп бўлса, шунчалик транспорт саёҳатининг қиймати ошади. 2.Туристларни транспортда ташиш қоидалари. Ҳаво транспортида саёҳат ҳам чартер, ҳам рейсли самолётлар воситасида амалга оширилади. Ҳозирги вақтда ҳаво транспортидан фойдаланишда 400 дан ортиқ авиакомпаниялар ўз фаолиятини олиб бормоқда. Ўзбекистонлик сайёҳлар ТУ-134, ИЛ-62, ИЛ-86, «Боинг» самолётларидан фойдаланадилар. Туризм ривожланган давлатларда туристик мақсадларда вертолётлардан ва бошқа ҳаво транспорти воситаларидан: дирижабль, ҳаво шарлари, парапланлар, дельтапланлар ва ҳакозолардан фойдаланилади. Самолётдаги комфорт шароитлари, овқатланиш ва бошқа омилларига кўра жойлар (ўринлар) қуйидаги синфларга бўлинади: - биринчи синф (F) - бизнес синф - иқтисодий синф (У) - бошқа. Туристик мақсадда ҳаво йўллари орқали амалга ошириладиган Сайёҳатлар мунтазам, мавсумий ва бир марталик кўринишларда амалга оширилади. Миллий ёки алоҳида авиакомпанияларда турли хил кўринишдаги имтиёзлар жорий этилган: - мавсумий; -корпоратив; - болалик йўловчилар учун; - гуруҳ; - ёш оилалар учун ва бошқа. Айниқса ЖAЙA (Бутунжахон Авиация йўловчилар ассосацияси), ETЗ (Европа туризм занжири)нинг имтиёзли картлари кенг тарқалган. Бундай картларга эга йўловчилар учун баъзи авиакомпанияларнинг (DELTA, SAS) авиачипталари учун, дунёнинг 4000 та энг яхши мехмонхоналари тўлови учун, ижарага олинган автомобил тўлови бўйича (30% гача), йўқолган чипта ҳужжатларини қайта тиклаш

бўйича, аэропортларда VIP хоналаридан фойдаланиш, суғурта ва бошқа имтиёзлар мавжуд. Сув йўли бўйича туристларнинг саёҳати 250, 300 ва 400 йўловчига мўлжалланган юқори комфортга эга теплоходларда амалга оширилади. Каюталар бир ўринли, икки ўринли, 3-4 ўринли ва лавозимга мўлжалланган турларга ажратилган. Бундай синфдаги теплоходлар (барча) дам олиш ва барча комфорт атрибутларга эга: каюталарда қулай юмшоқ мебель, кондиционерлар, музлатгичлар мини-барлар, ресторан-барлар, сауна, мусиқали салонлар, видео-кинозаллар мавжуд бўлади. Сувдаги туристик саёҳатлар ва экскурсиялар теплоходлардан ташқари дарё «трамвай»ларида, яхта, сув ости қайиқларида, елканларда, катамаранларда, қайиқларда, байдаркаларда ва бошқаларда амалга оширилади. Темир йўл транспортидан туризмда фойдаланганда туристик саёҳатлар 12 та йўловчи вагонлардан иборат бўлади, 2-3 вагон ресторан, вагон-клубга эга бўлган махсус ҳаракат режими ва йўналиши бўйича ҳаракатланувчи туристик бўлимларда амалга оширилади. Кўпинча чет давлатларда экскурсион туристик транспорт сифатида трамвай ва унинг ретро-вариантлари: троллейбус, карети, дилишанс ва бошқалардан фойдаланилади. Юқоридаги барча транспорт воситалари туристик компанияларнинг ўз мулки бўлмасдан, балки улардан фарқли ижара, лизинг ва ҳ.к. асосида фойдаланилади. Оммавий туристик транспорт сифатида асосан автобусдан фойдаланилади. Юқори комфортабелли туристик автобуслардан шунингдек, узоқ йўналишларда ҳам фойдаланилади (Тошкент-Москва-Минск-Варшава, Берлин-Париж). Бундай йўналишларда туристлар учун тунги дам олиш отель ёки мотелларда ташкил этилади. Бир рейс муддатидаги туристлар (Nр) сонига қараб автобуснинг (автомобиль) рейсдаги унумдорлигини топишимиз мумкин (Wp): Np _Wp қ---------- йўловчи

Dcp | (VtxZ)+tp бу ерда: Dcp - турнинг ўртача узоқлиги, км; vt - текислик тезлик, км.с Z - (йўлдан унумли фойдаланиш коэфиценти (0,90-0,90)) tp-рейс вақти (ҳаракат вақти. + тўхташ вақти (йўловчиларни чиқазиш учун) - тушириш вақти + йўналишнинг охирги пунктида тўхтаб туриш вақти). Зарур маълумотларни билган ҳолда соатлик, кунлик, ойлик ва йиллик унумдорликни ҳисоблаш мумкин 1 . Ички йўналишларда туристик саёҳатларни ташкил этиш қуйидаги тартибда амалга оширилади. Агар туристик компаниянинг автобуси ёки умуман шахсий транспорт воситалари бўлмаса, улар автотранспорт корхоналари билан шартнома тузадилар. Шартномада ижарага берувчи ва ижарачининг мажбуриятлари; транспортдан фойдаланиш предмети; ижара муддати, ижара тўлови тизими (вақтбай, унумдорлик км. учун келишилган ва б.); ўзаро ҳисоб-китоб тартиби; ҳайдовчи ва экскурсавод ёки шу билан ўзаро муносабати; шартномани амалга оширишда томонларнинг жавобгарлиги; шу жумладан форс-мажор шартлари ва ҳ.клар (кўзда тутилади) белгилаб қўйилади. Йўналиш паспорти ёки транспорт, туристик йўналишнинг карточкаси юқоридаги шартноманинг ажралмас муҳим қисми ҳисобланади. Узоқ муддатли саёҳатлар учун юмшоқ ўриндиқли, бошқариладиган креслали, паст шовқин ва вибрация даражаси, иложи борича экономик тоза ёқилғи ва ҳ.кларга эга бўлган юқори комфортабелли автобуслардан фойдаланиш керак, шунингдек яна гардероб, ҳожатхона, бар, холодильник, ошхона ва ҳ.кларга эга бўлиши керак. Автобус микро иқлимига талаблар Давлат Стандарти, санитария- гигиеник нормалар ва халқаро стандартларга мувофиқ қўйилади. Инфратовуш даражаси самонинг исталган нуқтасида 96 дб дан ошмаслиги лозим. Автобус ўриндиқлари орасидаги масофа 80-85 см бўлиши лозим. Автобус ён ойналари 2 қаватли, детермал қопламали, ташқи муҳит билан салоннинг иссиқлик алмашувини камайтирувчи бўлиши керак. Булардан ташқари 1 Балабанов И.Т.,Балабанов А.И. “Экономика туризма”, Учебное пособие, Москва,2003 г

автобус салонларида индивидуал ёруғлик, чучук сувни термос, ҳожатхона, ювиниш хонаси, гардероб ва ҳ.кларга эса алоҳида қисм, бир неча мониторли телевизор, видеомагнитафон, радиотелефон ва бошқа алоқа қулайликлари мавжуд бўлиши керак. Ички йўналишларда маршрутнинг узоқлиги, туристлар сони, йўналиш категорияси, комфорт даражаси ва ҳ.кларга кўра турли автобуслардан фойдаланишади. 35-40 кишилик туристик гуруҳлар учун ЛАЗ, ИКАРУС, ТАМ, МЕРСЕДЕС ва бошқа автобусларда хизмат кўрсатилади. 3. Халқаро йўналишларда транспорт саёҳатларини ташкил қилиш хусусиятлари. Халқаро туристик саёҳатларни амалга ошириш қуйидагиларни ўз ичига олади: -йўналишлар (маршрутлар) доимий бўлиши керак; -мавсумий йўналишлар (маршрутлар); -бир марталик (буюртма) йўналишлар (маршрутлар); -чет элга кетувчи ва чет элдан қайтиб келувчи туристлар учун хизмат кўрсатувчи. Доимий йўналишлар учун қуйидаги шартлар мажбурий ҳисобланади: -йўналиштнинг аниқлиги; -ҳаракатланиш жадвали; -ҳаракатнинг мунтазамлиги; -аниқ пунктларда тўхташ. Доимий халқаро йўналишларда ҳаракатланиш давлатлараро 2 томонлама келишув асосида амалга оширилади, учинчи давлат орқали транзит эса транспорт бўйича Европа Иқтисодий Комиссия +ўмитаси рухсати билан амалга оширилади. 1973 йил 1 мартда Женева конвенцияси доирасида «Йўловчи ва юкларни автомобилда олиб ўтиш шартномаси тўғрисидаги конвенция» қабул қилинган. Туристик саёҳат давомида фойдаланилаётган автобус ҳайдовчиси йўловчиларнинг бирма-бир исми, шарифи ёзилган рўйхатга эга бўлиши лозим.

Автомобил транспорти воситасида халқаро ташишни ташкил этишда қуйидаги масалаларни ҳал этиш лозим: -техник ёрдам, ремонт ва техник хизмат кўрсатиш (йўлда); -бекатлар, ёқилғи қуйиш шахобчаси, дам олиш, овқатланиш, тиббий хизмат кўрсатишни ташкил этиш; -йўналиш трассасида алоқани ташкил этиш ва ҳ.к. Юкчилик ёки суғурта компанияси: -суғурта жавобгарлиги шартномаси ёки қонунчилигида (назарда тутилган) белгилаб қўйилган миқдорда, йўловчининг соғлигига зарар етказганлиги учун; -юкка зарар етиши ёки манзилга етказилмаганлиги учун; -юкнинг йўқолганлиги учун ва ҳ.клар бўйича жавобгарликни ўз зиммасига олади. Женева Конвенциясига биноан ҳар бир жабрланувчи учун максимал зарарни қоплаш суммаси 350 минг тилла франкдан ошмаслиги керак. Туристик транспорт саёҳатлари халқаро миқёсда шунингдек, шахсий прокатга ёки ижарага олинган автомобилларда амалга оширилиши мумкин. Бунда саёҳат мустақил эркин дастур ёки мақсадли маршрут бўйича амалга оширилиши мумкин. Ҳаёт учун зарур барча нарсалар комплексига эга бўлган прицепли автомобил воситадаги гуруҳли туризм «караван»инг дейилади. Автотуристларга хизмат кўрсатишда қуйидаги воситалар ўз фаолиятини амалга оширади. родтел - ғилдиракдаги йўл отели (автопоезд), бу ерда йўловчи ўринларидан ташқари ухлаш учун жойлар, шунингдек ошхона мавжуд; кемпинг - автотуристлар учун лагер, бу тунаш ёки озгина дам олиш учун хизмат қилади; мотел - бу (йўловчи) турист (ва унинг автомобили)нинг (маълум) узоқ муддат истиқомат қилиши учун мўлжалланган мехмонхона. Мотелда туристлар учун қуйидаги шароитлар яратилган бўлиши керак: барча қулайликларга эга бекат, техник хизмат кўрсатиш шохабчаси, автомобилнинг ремонти ва ёқилғи қуйиш шахобчаси ва ҳ.к. Халқаро туристик маршрутларда юқори сифатли ва юқори экологик характерли МЕРСЕДЕС, РЕНО, ВОЛЬВО,

СЕТРА, МАН, ДАФ каби чет эл автобусларидан фойдаланиш мақсадга мувофиқ. Бу автобуслар халқаро стандартларга тўлиқ жавоб бера олади. 4. Экскурсиянинг туризмга боғлиқлиги. Туризм экскурсия билан чамбарчас боғлиқдир. Чунки экскурсия ҳар бир туристик саёҳатнинг фикрий ифодасидир. Одатда экскурсия деганимизда диққатга сазовор жойларни зиёрат қилиш, тарихий музейларни кўриш, археологик қазилма бойликларни кўриш ва бошқалар тушунилади. Экскурсия турли хил бўлиб, қуйидагиларга бўлинади 2 : 1. Экскурсион саёҳатларни мазмунан қуйидаги синфларга ажратиш мумкин, кўздан кечириш, умумий-шархли, кўп режали, мавзули тематик, тарихий, маданиятшунослик ва бошқалар. 2. +атнашувчилар таркибига кўра. 3. Ўтказиш жойлари. 4. Ҳаракатланиш услуби. 5. Ўтказиш формасига кўра бўлинади. Экскурсиянинг келиб чиқишининг асосий сабабларидан бири туризмнинг ривожланиши ва жамият ҳаётида диний зиёратгоҳлар, ҳаж маросимлари билан боғлиқ тарихнинг оммавийлашганлигидир, кейинчалик мураккаб ва кўп хил халқнинг эҳтиёжлари (турли хил маданий манбаларга, тарихий меъросларга ва ҳакозо) шаклларга ўзгарди. Шундай қилиб, қизиқиш эҳтиёжнинг аниқловчи омили бўлиб хизмат қилган. Шу маънода саёҳат, жамиятнинг рекреацион –танишиш эҳтиёжларидан келиб чиқиш формаси ва қондириш усули бўлади. Саёҳатларни ривожлантиришнинг асосий сабаблари бўлиб ҳисобланади. Жамият умумтаълим саъвиясининг ошганлиги, бўш вақтни кўпайтириш, индивидуал режа бўйича дам олишни ташкил қилишнинг янги имкониятларини пайдо бўлиши аҳамиятга эга. Ҳозирги пайтда туризм ва экскурсияни тадқиқ қилишни қуйидаги турларга ажратишмоқда: сиёсий (жамиятнинг қайси табақалари, туризм ва саёҳатга қатнашмоқда): иқтисодий (туризм ва саёҳатлар иқтисодиёти сифатида «туризм 2 Прикладной туроперейтинг. Учебное пособие Ушаков Д.С. 2004 г.

индустрияси»): географик (туризм ва саёҳатлар учун территорияларни турга ажратиш ва фойдаланиш); ташкилий (туризмни ким бошқаряпти): халқаро-сиёсий; тиббий; гуманитар. Агар туризм бўш шароитлардаги (фаолият) ҳаракат тури сифатида юзага чиқса, саёҳат эса ана шу ҳаракатни ташкил қилиш формасида намоён бўлади. Шундай қилиб, экскурсия-туризмнинг асосий тури ҳисобланади. Экскурсия ҳар хил мавзулар бўйича синфлантирилади. Экскурсияларнинг асоси бўлиб ахборот ҳисобланади. Ахборот манбааларини бир қанча гуруҳларга ажратиш мумкин: Табият жисмлари, ландшафтлар, табиятнинг антиқа хусусиятлари; Объектлар, диққатга сазовор жойлар ва минтақалар: Миллий-этнографик бойликлар: Тарихий аҳамиятга эга жойлар. Экскурсия тайёргарлик саёҳатнинг асосий мазмунини очиб бериш билан боғлиқ бўлган маълумот. Буларга: бевосита (саёҳат, кўргазма объектлари) ва воситали (экскурсовод матни) маълумотлар киради. Экскурсия учун объектлар танлаш, уларнинг тарихий моҳияти ва маданий-тарихий қийматига боғлиқ. Объектларни ўзлаштиришда турли хил тушунчалар пайдо бўлиши мумкин. Экскурсовод нафақат объектларни кўрсатиши, балки уларнинг мазмунини ўз сўзларида очиб бериши керак. Объектни кўрсатиш экскурсантларни диққатини жалб қилиш сифатида намоён бўлса, унинг таҳлилини сўзларда очиб бериши ва яна кўп бошқа аҳамиятга жалб этади. Объектнинг кўрсатилиши ва унинг бошқаларидан хусусиятларига кўра ажратилиши таҳлил дейилади. Таҳлил давомида экскурсантлар объектнинг танилишидан унинг хусусиятларини билиш, сифати, мунособатлари ва кейинчалик, чуқурроқ танишиши билан тугайди. Объект таҳлилида уни қисмларга ажратиш тушиниладики, у саёҳат давомида объект экскурсантлар тарафидан батафсилроқ тасаввур қилинади. Кўрсатиш, таҳлил ва кузатиш бир йўналишда олиб борилади. Объектни таҳлил қилиш услублари ва кузатиш экскурсияга мавзусига боғлиқ: объект ҳарактери, экскурсияда тутган ўрни ва аҳамияти, билим

даражаси, ишлаш тажрибаси, экскурсантлар қизиқишларига боғлиқ, экскурсияда билимнинг асосий манбаи бўлиб сўз хизмат қилади, 5.Туристларнинг экскурсия қилишдан мақсади. Экскурсияда асосий ҳикоя формалари бўлиб тасвир, кетма-кетлик, санаш ва объектлар тўғрисида маълумотларни тушунтириш, ўзаро ички боғлиқлик ва боғланишлар мазмунини очиб бериш, изоҳлаш, жараён мобайнида диққатни объект хусусиятларига қаратиш, кўрсатма бериш, объект кузатувининг тўғри олиб борилиш билан боғлиқ экскурсовод тавсиялари киради. Экскурсия шахарлараро саёҳат қилишнинг норасмий формаси ҳисобланади. Муносабатлар саёҳат жараёнида юзага келади ва унинг босқичлари билан бирга ривожланиб боради. Экскурсия жараёнида муносабатларнинг очиқ характурдалиги, ижтимоий синфларнинг йўқлиги, ҳар бир турист муносабатининг қамровини кенгайтириш муҳимдир, экускурсия бу хусусиятларни специфик воситалар ёрдамида етказилишини таъминлайди. Шундай қилиб, аудитория доимий равишда экскурсовод ва объектлар билан ўзаро муносабатда бўлади. Саёҳат эса ўз ўрнида экскурсовод, объектлар ва экскурсантлар муносабатларининг натижасидир. Экскурсия давомида аудиторияни ажратувчи ва бирлаштирувчи белгилар пайдо бўлади. Бирлашувчи белгиларга экскурсант ва экскурсовод орасидаги муносабатнинг мавжудлигини кўриш, эшитиш, умумийлик ҳисси, бир-бирига таъсир этиш (эмоция) умумий диққатнинг жалб этилиши саёҳатга қадар тўпланган туристлар аудиторияни ташкил қилмайди. У фақат диққатнинг бир жойга жалб қилинишидан кейингина экскурсовод аудитория ҳамоҳанглиги, уларнинг психофизиологик ва ижтимоий ҳамоҳанглиги шароитида кайфиятнинг яхши бўлиши, уларнинг барчаси экскурсиянинг яхши кечиши учун замин яратади. Маълумки, экскурсантлар тушунчаси турличадир. Экскурсантлар тушунчаси даржасини аниқлаш учун типологик гуруҳлар қўлланилади: - ҳақиқатдан экскурсантлар саёҳат мавзуси билан қизиқиб ва керакли маълумотларни олиш учун интилганлар.

- Экскурсантлар, қайсики саёҳатни кутиб ва эшитибгина қолмай, балки бунда фаол қатнашишни хохлайдилар, лекин баъзи сабабларга кўра, саёҳатга ёмон кайфиятда келишади ва саёҳатни бузишга қодирдирлар. - Улар саёҳатга ўзларининг хохишисиз келишган. - Бу экскурсантларни лаёқатсиз деб аташ мумкин, чунки улар саёҳатга кўп ҳам қизиқмайдилар. - Булар экскурсаводлар душманидир. Касб ёш ёки маълумотига қараб экскурсантлар аукдиторияси таркиби бир хил бўлиши мумкин. Экскурсантлар диққатини саёҳатга жалб қилиш учун ўйлаш, қабул қилиш ёки тушуниш, хотира, маъно ва экскурсаводдан келаётган маълумотларни қайта ишлаш ва ўзлаштириш, психологик жараёнларда аниқланади. Диққатнинг уч хили маълум: хохиш билан, хохишсиз ва истакдан сўнг. Хохишсиз диққат бу –объект ҳақида ўйлашга қаратилган, ҳеч қанақа кучсиз (ҳаракатсиз) келиб чиқади. Ҳохиш билан диққат шунинг акси ҳолидир. Хулоса: Туристларни ташишда асосий воситалардан бири бўлган транспорт воситалари мухим рол ўйнайди. Чунки транспорт тизими қанчалик яхши йўлга қўйилган бўлса туристларнинг дам олишлари ва Сайёҳат қилишлари шунчалик қулай бўлади. Ҳозирда Республикамиз туризмида ҳам замонавий транспортлардан кенг фойдаланилмоқда. Ўзбекистондаги туристик корхоналарда қулай ва комфор автодор ва микроавтодорлардан кенг фойдаланилмоқда. Бир давлатдан 2-чи давлатга боришлари учун чартер рейслар очилган. Фақат вилоятлардаги туристик корхоналарда ҳам туристик воситалар яхши йўлга қўйилса туристларнинг ушбу шахарларни зиёрат қилишларига кенг имконият яратилади. Мавзунинг асосий моҳияти талабаларга туристларга саёҳат (экскурсия) ташкил қилиш, экскурсиянинг туризмга боғлиқлиги, туристларнинг экскурсиядан мақсадини ўргатади.

Фойдаланилган адабиётлар 1. Балабанов И.Т.,Балабанов А.И. “Экономика туризма”, Учебное пособие, Москва,2003 г 2. Индустрия туризма: Менежмент организации . Жукова М.А. 2004 г 3. Александров А.Ю. Международнўй туризм. Уч.пособие для вузов.- М.: Аспект Пресс, 2004. 4. Введиние в туризм. Учебник 6-е изд перераб. И доп. Биржаков М.Б. 2004. год. 5. География международного туризма: Страну СНГ и Балтики. Учеб пособие Гайдукевич Л.М Хомич С.А., Аношко Я.И. 2004. 6. География туризм. Романов А.А. Саакянц Р.Г. Романов А.А. 2003 г. 7. Лицензирование и сертификацией в туризме. Учебное пособие Дехтярь Г.М.: Финансы и статистика, 2003 г. 8. Реклама в туризме Учебное пособие Дурович А.П. 2003 г. 9. Вопросы финансового обеспечения иностранного туризма, организация расчетов и бухгалтерского учета. М.Инс. туризма, 2003. 10. «Туризм как экономический приоритет» (Серия «Экономика современной России»)». Проуорзин Л.Ю. 2004 г 11. В.Г.Гуляев. « Правовое регулирование туристической д еятельности » . 200 3 . 12. Александров А.Ю. Международнўй туризм. Уч.пособие для вузов.- М.: Аспект Пресс, 2004. 13. Борисов К.Г. Международный туризм и право. Уч. пособие. М.: Издательство “НИМП”, 1999, 14. География международного туризма: Страну СНГ и Балтики. Учеб пособе Гайдукевич Л.М Хомич С.А., Аношко Я.И. 2004. 15. География туризм. Романов А.А. Саакянц Р.Г. Романов А.А. 2003 г. 16 . Менеджмент в социально-культурном сервисе и туризме. Учебник Зайцева Н.А. 2003 г. 17. Организация туризма Учебное пособия под ред. Н.И. Кабушкин, А.П.Дуровича.- Мн. Новое знания, 2003. 18. Прикладной туроперейтинг. Учебное пособие Ушаков Д.С. 2004 г. 19. Интернет сайтлари. www.bashexpo.ru – выставки, конференции www . world - tourism . org – Всемирная туристская организация www . wttc . org – Всемирный Совет по путешествиям и туризму www . e - tours . ru – деловые туры, выставки, конференции www . peugeotufa . ru – цены услуг www . world - tourism . org – Всемирная туристская организация www . wttc . org – Всемирнўй Совет по путешествиям и туризму www . travel - library . com – Электронная библиотека путешествий www.ziyonet.uz www.nur.uz

O'xshashlar

Стандартлаштириш хизмати

Меҳмондўстлик сохасининг давлат томонидан тартибга солиниши

Туризмни ривожлантиришда транспортнинг аҳамияти

Туризмнинг ривожланишида асосий омиллар

Туризмда шартнома муносабатлари