Rasmiy va norasmiy qabulda o'tkazish qoidalari (turizm) - Iqtisodiyot - Referatlar

Rasmiy va norasmiy qabulda o'tkazish qoidalari (turizm)

Yuklangan vaqt:

20.11.2023

Ko'chirishlar soni:

0

Hajmi:

32.4091796875 KB

Ko'chirib olish

Rasmiy va norasmiy kabulda utkazish koidalari Reja: 1.Rasmiy qabullar turlari va ularni o’tkazish tartibi. 2.Norasmiy qabullar o’tkazish qoidalari. 3.Norasmiy qabullarda kiyinish madaniyati. 4.Taqdimot takdimi o’tkazish tartibi.

Rasmiy qabullar o’tkazish qoidalari. Rasmiy qabullar odatda yirik ko’rgazmalar, konferensiyalar ochilishi va savdo shartnomalari imzolash davrlarida uyushtiriladi. Rasmiy qabul tashkil etish rejalashtirilgan bo’lsa, u qaysi shaklda bo’lishdan qat’i nazar alohida tayyorgarlikni talab qiladi. Avval qabul turi aniqlanadi, so’ngra tadbirni o’tkazishdan ko’zlangan maqsad, o’tkaziladigan joyi, mehmonlar ro’yxati, taklifnomalarni tarqatish tartibi, stollar joylashuvi rejasi, ularni jihozlash, nutqlar va xizmat ko’rsatish masalalari bilan shugullaniladi. Qabul bayram kunlari o’tkazilmaydi. Mehmonlarga 1-2 hafta oldin taklifnoma jo’natiladi. Taklifnoma tipografik usulida tayyorlanadi. Oldin har bir taklif etiluvchiga ogzaki maslahat solib ko’riladi, rozi bo’lsa taklifnoma jo’natiladi. Katta e’tiborni mehmonlarning joylashuviga qaratish zarur. Bu masalada har bir mehmonning xizmat va ijtimoiy holatini qattiq nazarda tutish lozim. Ularning stoldagi joylarini hisobga olish zarur. Mehmonlarning stolga joylashtirish tartibi quyidagicha: Eng e’tiborli mehmon uy bekasining o’ng tomoniga, eng e’tiborli mehmonning oilasi uy egasining o’ng tomoniga joylashadi. Qolganlari lavozimi, yoshi bo’yicha bitta erkak bitta ayol tarzida joylashadilar. Umuman rasmiy yoki uydagi barcha qabullarda ishtirok etishda o’zini tutishning asosiy qoidalariga amal qilish quyidagicha: Erkaklar: oyoqni almashtirib o’tirmaydi, shimni paypoq darajasidan yuqoriga ko’tarmaydi;

Ayollar: o’tirganda ko’ylak va yubkani ko’tarmaydi, past kresloga o’tirganda oyoqni almashtirmaydi. Tizzani bir-biriga juftlagan holatda bir tomonga qaratib, oyoqni bir joyda ushlab turadi. Qabulning bosh qoidalaridan biri, bu aniqlik, nafaqat o’z vaqtida kelish, balki chiroyli, o’z vaqtida kuzatilishi hamdir. Qabul davrida barcha mehmonlar uchun qiziqarli bo’lgan voqea va hodisalar haqida gap olib borish kerak. Iloji boricha ish yuzasidan suhbatlashuv, tortishuvlaridan yiroq bo’lishiga harakat qilish lozim. Muzokara davomida yoki u yakunlangandan so’ng mehmonlarni tushlik yoki kechki ovqatga taklif etish yaxshi odat. Barcha mamlakatlarda yaxshi odat aniqlikning belgisi hisoblanadi. Qabulga 15 daqiqagacha kechikib kelishga ruxsat etiladi. O’ndan uzoq vaqt kech qolib ketish o’ta qo’pol hurmatsizlik hisoblanadi. Agar kechikib kelishga uzrli sabab bo’lsa, oldindan ogohlantirib qo’yiladi, kechirim so’raladi. Muddatdan oldin kelish ham yaxshi odat emas, mezbonlarni noqulay holatga tushirib qo’yishi mumkin. Norasmiy qabullar o’tkazish qoidalari. Norasmiy qabullarga ish yuzasidan o’tkaziladigan nonushtalar, kunduzgi va kechki qabullar kiradi. Nonushta odatda soat 8:00 ga belgilanadi va bir-bir yarim soat davom etadi. Stol oldindan tuzatiladi. Nonushtada sok, mevalar, tvorog, pishloq, kolbasa, yog, non, choy yoki kofe tanovul qilinadi. Kunduzgi qabullar ikki hil bo’ladi. Birinchisi, odatda tadbir o’tkaziladigan binoda soat 12:00 da mehmonlar jo’nab ketishi oldidan o’tkaziladi. Tadbir 1 soatga davom etadi. Ichimlik va

tamaddilarni ofitsiant keltiradi. Bakalni 2/3 qismigacha to’ldirilgan shampan vinosi tortiladi, undan so’ng kofe yoki choy, pechenye yoki konfet bilan birgalikda tortiladi. Ikkinchi nonushta «lanch» deyiladi, soat 12:00 va 14:00 oraligida o’tkaziladi. «Lanch» vaqtida tamaddi va asosiy ovqat tortiladi. «Lanchdan» oldin mehmonlarga ichimliklar taklif etiladi. Kechki qabullarga kokteyl, furshet, rasmiy tushlik, choy, jurfiks kiradi. Kokteyl davomida yengil gazaki va spirtli ichimlik tortiladi. Furshet fransuzcha «sanchqida» degan ma’noni anglatadi. Mehmonlarni yasatilgan stol atrofiga o’tkazmaydilar, hr kim o’z xohishiga ko’ra likopcha va qadahini to’ldirib, zalda bemalol aylanib yurishi mumkin. Furshet taomnomasi bir qancha sovuq va issiq gazaklar, shirinlik va kofedan iborat bo’ladi. Taomlar katta laganlarga solinadi. Uning yoniga ovqatni likopchalarga solish anjomalari qo’yiladi. Stol markazida ichimlik, qadah va piyolalar turadi. Likopcha va sanchqilar stol chetiga qo’yiladi. Issiq ovqat, choy, kofe va shirinliklarni ofitsiantlar patnisda tarqatishadi. «Jurfiks» norasmiy qabullarning bir turi hisoblanib, yuqori amaldor shaxslarning xotinlarini kuz va qish oylarida haftaning aniq bir kunining, ma’lum soatida tashkil etiladigan tadbirdir. Tadbirga taklifnoma mavsum boshida jo’natiladi va doimiy ravishda mavsum tugaguncha qadar davom etadi. Odatda, tadbir tomosha va adabiyot kechalari tariqasida o’tkaziladi. Jurfiksni uy bekasi tomonidan xo’jayinning xotinini sharofatiga o’tkaziladigan tadbir hisoblasa bo’ladi, agar oldindan kelishilgan bo’lsa, erkaklarni xam taklif etish mumkin. Norasmiy qabullarga kiyinish qoidalari.

Erkaklar kunduzgi norasmiy qabullarga kokteyl yoki nonushta bo’lsa yaltiroq bo’lmagan har qanday kostyum kiyishi mumkin. Soat 20:00 dan keyin boshlanadigan tungi seanslarga to’q qora kostyum kiyishni tavsiya qiladi. Har qanday qabullarga oq ko’ylak kiyishi va yaltiroq bo’lmagan galstuk taqish mumkin. Qora galstuk faqat motam belgisi sifatida taqiladi. Rangli va trikotaj kuylaklarga galstuk taqish ruxsat etilmaydi. Paypoqni qora yoki jigar ranglisini kiyishga maslahat beriladi, eng qulay oyoq kiyim-qora rangli charm tuflidir. Yozda rangli kostyum-shimlarga mos rangli tufli kiyish mumkin. Faqat smokingga loklangan tufli kiyiladi. Shlyapani yoz oylarida ranglisini, qish oylarida to’q qorasini kiyish tavsiya etiladi. Ayollar ertalabki va kunduzgi qabullarda shoyi yoki jun materiallaridan tayyorlangan o’rtacha uzunlikdagi ko’ylak yoki ko’ylak-kostyum kiyishi mumkin. O’zi bilan charm yoki zamshdan tayyorlangan sumka olish tavsiya etiladi. Tungi qabullarda o’ta ochiq va chiroyli o’rtacha uzunlikdagi ko’ylak kiyish mumkin. Sumka shoyi yoki yaltiroq parchadan bo’lishi kerak. Tufli charm yoki zamsh bo’lishi mumkin, o’ta ko’p taqinchoqlar taqishga maslahat berilmaydi. Taqdimot taqdimi. Prezentatsiya (taqdimot) - bugun juda urf bo’lgan tadbir. Ma’lum bir shaxs yoki bir guruh insonlar o’z faoliyatlari davomida erishgan natijalarini omma, mutaxassislar e’tiboriga havola etish maqsadida uyushtiriladigan tadbir. Tashkilotchilarning asosiy maqsadi omma e’tiborini jalb etishdir, ya’ni reklama tadbiridir. Lekin u jiddiy amaliy ahamiyati bilan e’tiborga loyiq. Chunki aynan shunday taqdimotda hamkorlar topiladi, takliflar o’rganiladi.

Prezentatsiya odatdagidek mahsulotni namoyish etish, matbuot anjumani, reklama ashyolarini tarqatish va furshetdan iborat bo’ladi. Bunda eng muhimi - furshet, ya’ni «bir piyola choy ustida suhbat» o’tkazishdir. Yoqimli tovush, uni chiroyli aytilishi, gapni to’gri tuzilishi atrofdagilarda yaxshi taasurot qoldiradi. Prezentatsiya davomida tashkilotchilarning etagiga osilib olmang, bir odamga osilib olib undan bir qadam uzoqlashmaslik ham yaramaydi. O’zingizga yangi tanishlar orttirish va aloqalar o’rnatish imkoniyatidan foydalaning. Tashabbusni qo’lga olib, muloqotga kirishing. Alohida-alohida suhbatlashayotgan guruhlarga yaqinlashib, suhbatga qo’shiling. O’zini tanishtirishda ayol kishi hech qachon birinchi bo’lib erkak kishiga o’zini tanishtirmaydi. Ammo erkak kishi o’zini tanishtirsa, bee’tibor qoldirmay javob berishi shart.

Foydalaniladigan adabiyotlar: 1. M.N. Muminova, M.A. Maksumova «Kasbiy etika va etiket», uslubiy qo’llanma, T.,2006. 2. I. A. Karimov «Istiqlol va ma’naviyat» T.,1994. 3. I. A. Karimov «O’zbekiston buyuk kelajak sari» T.,1998. 4. N. E. Muhammadiyev «Kasb etikasi va estetik madaniyati»- Toshkent,1998 y. 5. M. Abdullayev, E. Xakimov «Vvedeniye v etiku»-Namangan, 1998. 6. Abdulla SHer «Axloqshunoslik» Ma’ruzalar matni, Toshkent, 2000 7. V.G. Fedsov «Kultura servisa» Uchebno-prakticheskoye posobiye - M., «PRIOR», 2001. 8. A.A. Avloniy «Turkiy guliston yohud ahloq», T. 1992. 9. Y. Y. Petrunin, V.K. Borisov «Etika biznesa» M., «Delo»,2000. 10. S. S. Gulomov «Tadbirkorlik va kichik biznes» - T., «Shark», 2002.

O'xshashlar

Soliq tckshirishlarini o'tkazish tartibi

Turizm industriyasi va infratuzilmasi

Turizm bozori tushunchasi va vazifalari

Turizm sohasining tasniflanishi va turlari

Turizm sohasidagi xizmatlar va mahsulotlar