Qishloq xo`jaligi ishlab chiqarishini tashkil etish shakllarining nazariy va amaliy asoslari - Iqtisodiyot - Referatlar

Qishloq xo`jaligi ishlab chiqarishini tashkil etish shakllarining nazariy va amaliy asoslari

Yuklangan vaqt:

20.09.2019

Ko'chirishlar soni:

0

Hajmi:

51 KB

Ko'chirib olish

www.arxiv.uz Reja: 1. Qishloq xo`jaligining milliy iqtisodiyotda tutgan o`rni. 2. Yangi xo`jalik yuritish shakllari. 3. Qishloq xo`jalik mintaqalari.

www.arxiv.uz Qishloq xo`jaligining milliy iqtisodiyotda tutgan o`rni Respublika qishloq xo`jaligida mamlakatning iqlim, yer - suv va mehnat resurslaridan hamda xalqning asrlar davomida to`plagan dehqonchilik madaniyatidan unumli foydalanish negizida paxtachilik yetakchi tarmoq hisoblanadi. Ayni paytda g`allachilik, sholikorlik, kanopchilik, polizchilik, sabzavotchilik, mevachilik, uzumchilik sohalari, chorvachilikning qoramolchilik, qo`ychilik, echkichilik, parrandachilik, yilqichilik, asalarichilik, pillachilik sohalari ham asosiy tarmoqlarga kiradi. Respublikada yetishtiriladigan paxta, meva, uzum, sabzavot mahsulotlarining talay qismi ko`shni davlatlarga eksport qilinadi. Respublikada meva, uzum va sabzavotning yuqori sifatli navlari yetishtiriladi, O`zbekiston o`zining sifatli pillasi va qorako`li bilan ham dunyoga mashxur. Respublikaning g`alla mustaqilligini ta`minlash yo`lida g`allachilik jadal rivojlantirilmoqda. Respublika qishloq xo`jaligida mulkchilik shakllariga ko`ra qishloq xo`jaligi kooperativi - shirkat xo`jaliklari, davlat xo`jaliklari, naslchilik zavodlari, o`quv tajriba hamda tajriba xo`jaliklari, xususiy - dehqon va fermer xo`jaliklari, xususiylashtirilgan korxonalar, aholining shaxsiy yordamchi xo`jaliklari sektorlari mavjud. Respublika parlamenti qishloq xujaligda tub burilishlarning huquqiy asoslarini yaratadigan qonunlarni qabul kildi. Jumladan yer to`g`risida, O`zbekiston respublikasida tadbirkorlik to`g`risida, davlat tasarrufidan chiqarish va xususiylashtirish to`g`risida, ijara to`g`risida, dehqon xo`jaligi to`g`risida, xo`jalik jamiyatlari va shirkatlari to`g`risida, yer solig`i to`g`risida, kichik va xususiy tadbirkorlikni rivojlantirishni rag`batlantirish to`g`risida, 1998 yil aprel oyida Oliy Majlisning XI sessiyasida qabul qilingan O`zbekiston Respublikasining Yer kodeksi, “Qishloq xo`jaligi kooperativi (shirkat xo`jaligi) to`g`risida”, “Dehqon xo`jaligi to`g`risida”, “Fermer xo`jaligi to`g`risida” qonunlari hamda xukumat qarorlari qishloq xo`jaligida ko`p ukladli iqtisodiyot poydevorini yaratishga yo`l ochdi.

www.arxiv.uz Qishloqda mulkdorlar sinfini shakllantirish agrar siyosatdagi muhim yo`nalishga aylandi. Respublika qishloq xo`jaligini rivojlantirishda xalqaro tashkilotlar dasturidan foydalanish yo`lga qo`yildi. Bu tadbirlar xo`jalik yuritish mexanizmini takomillashtirishga, xo`jaliklarni iqtisodiy jihatdan mustahkamlashga, qishloq mehnatkashlari turmush darajasini oshirishga hamda xo`jaliklarda qishloq xo`jaligi mahsulotlarini qayta ishlashni rivojlantirishga yo`l ochdi. Hozir qishloq xo`jaligidagi band bo`lgan me`yordan ortiqcha mehnat resurslarini sanoatga, xizmat ko`rsatish sohasiga jalb etish davlat agrar siyosatining g`oyat muhim yo`nalishi hisoblanadi. Qishloq joylariga sanoat ni olib kirish, zamonaviy texnologiyaga ega bo`lgan kichik korxoanalarni ochish hisobiga yangi ish joylarini yaratish ustivor vazifa hisoblanadi. qishloqda tub islohotlarni o`tkazish, qishloq xo`jaligini rivojlantirish qishloq xo`jaligida ishlab chiqarish samaradorligini oshirish O`zbekiston iqtisodiyotini rivojlantirishning asosiy omili va manbaidir. Yangi xo`jalik yuritish shakllari Qishloq xo`jaligida shirkat, fermer, dehqon xo`jaliklari mulk shaklida mavjud. Qishloq xo`jaligi korxonalarining iqtisodiy asosi xo`jalikning butun choralar bilan mustahkamlash, uni tashkil etishni va ishlab chiqarish metodlarini yaxshilash, mehnat unumdorligini oshirish va mehnatga haq to`lashning bozor iqtisodiyoti tamoyillari asosida amalga oshirishdir. Qishloq xo`jaligi korxonalariga xizmat ko`rsatish uchun mashina - traktor parklari tashkil etildi. Ular qishloq xo`jaligi koroxonalari tuzimining moddiy - texnika bazasidan iborat bo`lib, yerlarni shudgorlash, ekinlarni parvarish qilishni mexanizatsiyalash bilan bog`liq bo`lgan katta hajmdagi ishlarni bajaradi. Mashina - traktor parklari qishloq xo`jalik korxonalarini rivojlantirish va mustahkamlashda katta ahamiyatga ega. Qishloq xo`jalik shirkati, fermer va dehqon xo`jaliklari iqtisodiy nuqtai - nazardan qishloq xo`jaligini hozirgi zamon industrial negizda rivojlantirish imkonini beradi.

www.arxiv.uz Qishloq xo`jalik korxonalarining tashkiliy asoslari quyidagilardan iborat: - ishlab chiqarish vositalarining xususiy mulkligiga asoslangan ishlab chiqarishning umumiy xarakteri; - qishloq xo`jaligi korxonalariga biriktirib qo`yilgan yer amaldagi qonunlarga asosan davlat mulkidir, binobarin, bu yer sotilishi mumkin emas. - barcha masaslalarni xal qilishda jamoa a`zolarining tashabbusi va ijodkorligi uchun cheksiz imkoniyatlar yaratib beradigan ishlab chiqarishni tashkil etishning jamoa formalari: - ayrim tarmoqlarda va butun xo`jalikda yetishtirilgan mahsulotni rejalashtirish; - xo`jalik hisobi tamoyillari asosida ishlab chiqarish - moliyaviy faoliyat, xarajatlarning daromadlar bilan muvofiq kelishi, kengaytirilgan takror ishlab chiqarish uchun va mulkiy paylar uchun zarur bo`lgan foydaning olinishi; - ishlab chiqarilgan mahsulotning miqdori va sifatiga qarab xodimlar mehnatiga haq to`lash. Qishloq xo`jaligi korxonalari - shirkat, fermer, dehqon xo`jaliklari yagona maqsadga egadirlar, bu maqsad jamiyatning doimiy o`sib boruvchi ehtiyojlarini to`la qondirish maqsadida ko`p miqdorda arzon mahsulot ishlab chiqarishdan iboratdir. Shirkat, dehqon, fermer xo`jaliklarining ishlab chiqarish strukturasi, maxalliy shart - sharoitlarni hamda qishloq xo`jaligi taraqqiyotini muayyan bosqichida uning oldida turgan vazifalarni hisobga olgan holda belgilab chiqiladi. Shu bilan birga, mahsulotning qaysi turlarini ishlab chiqarish uchun eng qulay sharoitlar mavjud bo`lsa, o`sha turlarning hajmini ustun darajada ko`paytirish, ularni ancha chuqur va mustahkam ixtisoslashtirish yo`li bilan eng ko`p iqtisodiy samaraga erishiladi. Qishloq xo`jaligi korxonalarining tashkiliy strukturasi xo`jalik tarmoqlarini ixtisoslashtirish va bir - biriga qo`shishga, uning hajmiga, dehqonchilik qilinadigan yerlarning territorial joylashuvi hamda boshqa faktorlar va shart - sharoitlarga to`g`ridan - to`g`ri bog`liq bo`ladi.

www.arxiv.uz Qishloq xo`jaligida bozor mexanizmlarini rivojlantirish, dehqonda sohiblik xissini uyg`otish, mulkchilik munosabatlarini takomillashtirish, qishloq xo`jaligi korxonalarining o`zida ijara munosabatlarini chuqurlashtirish, yerni meros qilib qoldirish huquqi bilan umrbod foydalanishga berib qo`yish orqali, shuningdek, shirkat, fermer, dehqon hamda shaxsiy yordamchi xo`jaliklarni keng rivojlantirish asosida ro`y berishi lozim. Dexonchilikda oilaviy pudrat shaklini qo`llash, yerga egalik qilishda daromadni taqsimlashda esa paychilik usulidan foydalanish, pay orqali mulkka egalik qilish, daromad olish, shartnoma asosida ishlash maqsadga muvofiqdir. Qishloq xo`jaligi korxonalariga servis xizmat ko`rsatish qanchadan - qancha aholini ish bilan band qilishga imkon yaratadi. Qishloq xo`jalik korxonasi yoki fermer xo`jaligi uz xo`jaligida turib, kerakli urug`lik, mineral o`g`itlar yoki texnika xizmati uchun, arzon va ishonchli ta`minotchi xamkoriga buyurtma berishi va uni o`z vaqtida olishi mumkin. Toki dehqon yoki fermer o`zining asosiy ishi hosil to`plash va yig`ish bilan shug`ullanmas ekan, uning ishida unum ham samara ham bo`lmaydi. Qishloq xo`jaligida xizmat ko`rsatish sohasini yetarli darajada tashkil etish zarur. Yerlarni melioratsiyalash, qishloq xo`jaligini mexanizatsiyalash, elektrlashtirish, kimyolashtirishda erishilgan yutuqlar, ekinlar hosildorligini oshirish, mehnat unumdorligini ko`tarishda xal qiluvchi ahamiyatga egadir. Respublikada qishloq xo`jaligini ishlab chiqarish vositalari bilan ta`minlaydigan sanoat tarmoqlarining rivojlanishi uning moddiy - texnika bazasini mustahkamlaydi. Respublika Prezidentining “Qishloq xo`jaligi ishlab chiqarishini davlat yo`li bilan qo`llab - quvvatlash chora tadbirlari to`g`risida”gi farmonida (1996 yil 3 aprel) qishloq xo`jaligini sifatli texnika, mineral o`g`itlar, ekinlarni himoya qilishning kimyoviy vositalar bilan ta`minlash respublika qishloq xo`jaligini rivojlantirishning kompleks dasturida ustivor vazifalar sifatida belgilangan. Respublikada qishloq xo`jaligi sohasidagi umumiy siyesatni respublika qishloq va suv xo`jaligi vazirligi amalga oshiradi. Davlat boshqaruvning kuyi

www.arxiv.uz bo`g`ini bo`lgan tuman, qishloq va suv xo`jaligi boshqarmalari davlat xo`jaliklari, shirkat xo`jaligi uyushmalari va boshqalarga umumiy rahbarlikni olib boradi. Ixtisoslashuviga ko`ra bog`dorchilik, tokchilik, ayrim issiqxona xo`jaliklari mustaqil “O`zmevasabzavotuzumsanoatxolding” kompaniyasiga qaraydi. Ayrim tarmoqlarga rahbarlikni amalga oshirish uchun qishloq va suv xo`jaligi vazirligining “qorako`l”, “O`zbek ipagi”, “O`zparrandasanoat”, “Asal” kabi respublika ishlab chiqarish uyushmalari tashkil etilgan. Qishloq xo`jalik mintaqalari O`zbekiston xududi qishloq xo`jaligi jihatdan uch mintaqaga bo`linadi: tog` va tog` oldi mintaqasi respublika xududining 20 foizdan ortigini tashkil etadi. Asosan lalmikor dehqonchilik, ya`ni bug`doy, arpa, nuxot, zigir ekiladi, bog`dorchilik va uzumchilik taraqqiy etgan, bu mintaqada mavsumiy bahorgi kuzgi yaylovlar bor, chorvachiligi go`sht, jun yetishtirishga ixtisoslashgan. Sug`orma dehqonchilik mintaqasi respublika xududining qariyib 20 foizini tashkil etadi. Bu mintaqa Fargona vodiysi, Mirzacho`l, Dalvarzin cho`li, Chirchiq - Oxangaron, Zarafshon, Kashqadaryo va Surxon - SHerobod vodiylari, Quyi Amudaryoni o`z ichiga oladi. Asosan paxta, kanop, bug`doy, makkajuxori, sholi, kartoshka, sabzavot, poliz ekinlari, yem - xashak ekinlari yetishtiriladi. Bog` va tokzorlar, tutzorlar, rezavor meva maydonlari bor, go`sht - sut chorvachiligi rivojlangan. Cho`l - yaylov mintaqasi - respublika xududining 60 foizini tashkil etadi. Asosan cho`l va suvsiz tekisliklardan iborat. Buxoro, Qashqadaryo viloyatlari, Qoraqalpog`istonda va Farg`ona vodiysining markaziy qismida joylashgan. Respublikada dehqonchilikning asosiy tarmoqlari - paxtachilik, kanopchilik, tamakichilik, donchilik, sabzavotchilik, polizchilik, kartoshkachilik, bog`dorchilik, uzumchilik, lavlagi va yem - xashak ekinlari yetishtirish sohalaridan iboratdir. O`zbekiston chorvachilikning qadimiy markazlaridan biri. Respublikaning tuproq va tabiy iqlim sharoitlari - unumdor sug`oriladigan yerlar, bepoyon qir - adirlar, dasht - cho`l va tog` oldi yaylovlari chorvachilikning rivoji uchun qulay. Sug`oriladigan yerlarda asosan qora molchilik, cho`chkachilik, parrandachilik,

www.arxiv.uz quyonchilik, asalarichilik, qir - adirlar, dasht - cho`l va tog` oldi hamda tog`li yaylovlarda esa qo`ychilik, echkichilik, yilqichilik, tuyachilik, suv xavzalarida baliqchilik rivojlangan.

O'xshashlar

Qishloq xo’jaligi ishlab chiqarishini rejalashtirish

Qishloq xo`jaligi mehnat resurslari va ulardan foydalanish

Qishloq xo`jaligi yer fondi va undan foydalanish

“Qishloq xo`jaligi marketing” tushunchasi, uning mohiyati va rivojlanish xususiyatlari

Qishloq xo`jaligida shirkat, fermer, dehqon xo`jaliklari pul kapitalini tashkil etish va ulardan foydalanish