Mehnat potentsiali va inson kapitali - Iqtisodiyot - Referatlar

Mehnat potentsiali va inson kapitali

Yuklangan vaqt:

20.09.2019

Ko'chirishlar soni:

0

Hajmi:

194.5 KB

Ko'chirib olish

Mehnat potentsiali va inson kapitali Reja: 1. Mehnat potentsiali va uning ijtimoiy-iqtisodiy mazmuni 2.O‘zbekistonda mehnat potentsialining shakllanishi va unga demografik omillarning ta’siri

Mehnat jarayonining asosiy sharti jamiyatda mehnat potentsialining mavjud bo‘lishidir. Iqtisodiy adabiyotlarda hozirgacha jamiyatning mehnat potentsiali tushunchasiga turli qarashlar mavjud bo‘lib, bu tushuncha bilan bog‘liq «mehnat resurslari», «ishchi kuchi» tushunchalarini undan farqlash zarurati bo‘lganligi sababli ushbu tushunchalar munozarali masala bo‘lib qolmoqda. «Potentsial» atamasi ilmiy muomalaga bundan 15-20 yil oldin kiritilgan edi. Etimologik jihatdan u «yashirin imkoniyatlar, quvvat, kuch» ma’nosini anglatadi. «Potentsial» tushunchasining ma’nosini keng talqin qilish uni «qandaydir vazifani hal etish yoki muayyan maqsadga erishish uchun xarajatga keltirilgan foydalanilgan imkoniyatlar, mablag‘lar, zaxira manbai; ayrim shaxs, jamiyat, davlatning muayyan sohadagi imkoniyatlaridir», deb qarashdan iboratdir. Shunday qilib, «potentsial», «potentsialli» degan atamalar biron-bir kishida, korxonaning boshlang‘ich mehnat jamoasida, umuman, jamiyatda yashirin, lekin hali o‘z imkoniyatlari yoki qobiliyatlarini ular hayotining tegishli sohalarida namoyon qilmaganligini bildiradi. Agar «mehnat resurslari» va «ishchi kuchi» tushunchalar o‘zida faqatgina miqdoriy xususiyatlarni mujassam etsa, bulardan farqli ravishda mehnat potentsiali ham miqdor, ham sifat ko‘rsatkichlarini o‘z ichiga oladi. Ayrim iqtisodchilar mehnat potentsialining miqdor ko‘rsatkichlari bevosita resurslar miqdoriga teng deb qarab, unga mehnat yoshidagi ishga layoqatli aholi, ishlayotgan o‘smirlar va pensionerlarni kiritadilar. Mehnat potentsialining miqdor ko‘rsatkichlari faqatgina resurslarning faol qismi bilan cheklanib qolmaydi. Mazkur miqdorga quyidagi toifa aholi qatlamini ham kiritish mumkin: - mehnatga layoqatli aholining nofaol qismi; - ishlash imkoniyati va istagiga ega barcha guruh nogironlari; - mehnatga layoqatli yoshdagi imtiyozli pensionerlar; - ishlash xohishini bildirgan o‘smirlar va yoshga doir pensionerlar. Ushbu aholi qatlamlariga etarli miqdordagi ish haqi va qulay mehnat sharoitlari bilan ta’minlangan ish joylarini taklif etish yoki kasanachilik, uyda o‘tirgan holda pullik ishlar va xizmatlarni bajarish, maishiy xizmat ko‘rsatish (kichik shohobchalarda) kabi

faoliyatlarga jalb qilish yo‘li bilan ularni jamiyatning faol va to‘laqonli a’zosiga aylantirish mumkin. Ularning ushbu faoliyatlari esa mamlakatda yalpi milliy mahsulot yaratish, ijtimoiy infratuzilmani rivojlantirish, moddiy resurs va zaxiralar, ishlab chiqarish quvvatlaridan foydalanish samaradorligini oshirish hamda iqtisodiy taraqqiyotga erishishga bevosita ijobiy ta’sir ko‘rsatadi. Shu sababli yuqorida sanab o‘tilgan aholi toifalarini mehnat potentsialining qo‘shimcha (zaxira) miqdori sifatida e’tirof etish maqsadga muvofiqdir. Bundan tashqari, potentsialning faol miqdoriga mamlakatimiz hududida mehnat faoliyatini amalga oshirayotgan norezidentlarni (immigrantlarni) ham kiritish mumkin. Immigrantlarni potentsial tarkibiga kiritishning sababi shundaki, ular ham mamlakat ishlab chiqarishida (moddiy va nomoddiy sohalarda) ishtirok etadi, iqtisodiyot tarmoqlarida o‘z ishchi kuchini namoyon qiladi, aqliy va jismoniy salohiyatini safarbar etadi. Garchi, norezidentlar o‘z mehnat faoliyati natijasidan olgan daromadlarining asosiy qismini o‘zlari olsalar-da, lekin mamlakat hududida o‘z ehtiyojlarini qondirish bilan bog‘liq xarajatlarni (oziq-ovqat, dam olish, uy-joy ijarasi, kommunal, transport, uy-ro‘zg‘or), daromad solig‘i va boshqa ijtimoiy to‘lovlarni amalga oshiradilar. Bu esa byudjet tushumlari va naqd pul aylanmasida o‘z aksini topadi. Biroq, O‘zbekiston iqtisodiyotining bugungi holati uchun mazkur toifa ahlining ishtiroki u qadar sezilarli bo‘lmasa-da, mamlakatimizda faoliyat ko‘rsatayotgan xorijiy elchixona va vakolatxonalari, xalqaro tashkilotlarning hududiy, mintaqaviy bo‘limlari, qo‘shma korxonalar, xorij firmalari, dilerlik kompaniyalari, xorij korxonasi filial va shu’balari hamda hamkorlik tashkilotlarida norezidentlar mehnat va tadbirkorlik faoliyatlarini amalga oshirmoqdalar. Iqtisodiyoti jadal rivojlangan, sanoat va ishlab chiqarish keng taraqqiy etgan, iqtisodiy o‘sish sur’ati talabiga nisbatan kam mehnat potentsialiga ega mamlakatlarda (AQSh, Kanada, Rossiya, Germaniya, Avstriya, Frantsiya, Koreya) immigrantlar alohida ahamiyatga ega. Mehnat potentsiali mikdor ko‘rsatkichlarining shakllanishini chizma ko‘rinishida quyidagicha ifodalash mumkin (4.1-chizma). Miqdoriy ko‘rsatkichning tub o‘zagi, ya’ni yadrosini inson tashkil etib, shaxsiy insoniy omillarning o‘zaro uyg‘undigi natijasida mehnat potentsiali vujudga keladi.

Mehnat potentsiali miqdor ko‘rsatkichlarining shakllanishi Mehnat potentsiali mehnat resursining sifat ko‘rsatkichlari yig‘indisini aks ettiradi, ya’ni u bir ishchining salohiyatli imkoniyatlarini ro‘yobga chiqarish shaklida inson omilini faollashtirish va amaliyotda qo‘llashni ta’minlashdan iboratdir. 4.2-chizmada mehnat potentsialining sifat ko‘rsatkichlari aks ettirilgan. chizma. Mehnat potentsiali sifat ko‘rsatkichlarining shakllani shi Mehnat potentsialining sifat ko‘rsatkichlariga ko‘plab omillar ta’sir ko‘rsatadi va uni quyidagicha ifodalaymiz: f(s) = s (s 1 , s 2 , s 3 , s 4 , s 5 , s 6 ,…... s n ) Bu erda: f (s) - mehnat potentsialining sifat ko‘rsatkichi; s 1 - jismoniy holat va sog‘liq darajasi; s 2 - ta’lim va ma’lumot darajasi; s 3 - malaka va kasbiy mahorat; МП МР ИФА Б И Меҳнат потенциали Меҳнат ресурслари Иқтисодий фаол аҳоли ёки ишчи кучи Иш билан банд аҳоли Инсон Жисмоний ҳолат ва соғлиқ даражаси Таълим ва маълумот даражаси Малака ва касбий маҳорат Тадбиркорлик қобилияти Меҳнат потенциали Ҳаётий тажриба ва кўникма Дунёқараш ва онг Одоб-ахлоқ ва ҳулқ-атвор Маънавий етуклик

s 4 - tadbirkorlik qobiliyati; s 5 - hayotiy tajriba va ko‘nikma; s 6 - dunyoqarash va ong; s 7 - odob-axloq va xulq-atvor; s 8 - ma’naviy etuklik. Mehnat potentsialining sifat ko‘rsatkichlarini belgilovchi dastlabki omil, inson resurslarining jismoniy holati va sog‘liq darajasi hisoblanadi. Xar bir kishi to‘la-to‘kis hayot kechirish va o‘zi tanlagan mehnat faoliyati sohasida ishlay olishi uchun muayyan sog‘liq hamda jismoniy rivojlanish darajasiga ega bo‘lishi kerak. Ushbu ko‘rsatkich shaxsning jismoniy imkoniyatlari, quvvati va salohiyatini belgilaydi. Aynan ushbu imkoniyatlargina ishlab chiqarishni tashkil etish, samarali boshqarish va iqtisodiyotni yuritish uchun asos bo‘lib xizmat qiladi. Mehnat potentsialini tadqiq etishda ularning tegishlilik xususiyatlariga ko‘ra o‘rganish alohida ahamiyat kasb etadi. Chunki u tegishlilik darajasiga ko‘ra, o‘ziga xos xususiyatlarga ega bo‘lib, bir-biridan farqlanuvchi shaxsiy, tarmoq va hududiy ko‘rsatkichlar tizimidan iborat. Potentsialning tegishlilik xususiyatini talqin etishda turli olimlar turlicha nuqtai nazarni ilgari suradilar. Ural davlat iqtisodiyot universiteti professori N.I. Shatalova mehnat potentsialini mikro darajada tadqiq etib, mazkur kategoriyani ishchi (xodim) egalik qiladigan ish salohiyati sifatida talqin etadi. Shuningdek, rus olimi I.A. Kokorev ham faqatgina mikro jihatdan ko‘rib chiqib, mazkur tushunchani faqat shaxs mehnat potentsiali sifatida talqin etgan. Uning fikricha, mehnat potentsiali shaxs egalik qiladigan va unga tegishli bo‘lgan mehnatga oid sifat va qobiliyatlarning umumlashmasidir. A.Ya. Kibanov mehnat potentsialini tegishlilik xususiyatiga ko‘ra, mikro va makro darajada o‘rganib, uni 3 qismga ajratadi: 1. Ishchining mehnat potentsiali – xodimga tegishli bo‘lgan mehnatning sifat va miqdor ko‘rsatkichlari hamda uning ish faoliyatida ishtirok etish chegarasini belgilovchi imkoniyatlaridir. Xodimning mehnat potentsiali uning kadr potentsiali

orqali namoyon bo‘ladi. Uning potentsiali asosini tabiat tomonidan berilgan sifat ko‘rsatkichlari (sog‘liq, jismoniy imkoniyatlar va ijodiy qobiliyatlar) tashkil etadi. 2. Korxona mehnat potentsiali – ilmiy-texnik taraqqiyot sharoitida tashkilot mehnat jamoasiga tegishli bo‘lgan mehnatning miqdor va sifat imkoniyatlaridir. Tashkilot mehnat potentsiali inson faoliyatining aniq shakldagi moddiylashuvi hisoblanib, korxona kadrlar potentsialining sifat va miqdor xususiyatlari uyg‘unligining personallashgan ishchi kuchi ko‘rinishida namoyon bo‘ladi. Boshqacha aytganda, u korxona kadrlar tarkibining shaxsiy va professional imkoniyatlarining umumiy bahosidir. 3. Jamiyat mehnat potentsiali mamlakatning umumiy mehnat imkoniyatlaridir. U sifat va mikdor xususiyatlariga (mehnatga layoqatli aholi soni, mehnat resurslari, mehnatga layoqatli aholining ish vaqti miqdori, salomatlik darajasi, jismoniy imkoniyatlar, ta’lim va malaka darajasi) ega bo‘lgan jamiyatning kadr potentsiali sifatida namoyon bo‘ladi. O‘zbekistonda 2004 yil chop etilgan «Mehnat iqtisodiyoti» kitobida mehnat potentsiali mikro va makro darajada qarab chiqilgan bo‘lib, u xodim, tashkilot va jamiyat egalik qiladigan mehnat potentsialiga ajratib ko‘rsatilgan. Mazkur kitobda keltirilishicha, inson jismoniy va ma’naviy qobiliyatlarining majmui shaxs (xodim) mehnat potentsialining asosi hisoblansa, ijtimoiy, ya’ni turli shaxslarning birgalikdagi faoliyati tufayli paydo bo‘ladigan «oshirilgan» unumli kuch, jamoa va tashkilot mehnat potentsialining asosini tashkil etadi. Yuqoridagi fikrlarni rivojlantirib, ularga qo‘shimcha qilgan holda, mehnat potentsialining xususiyatiga ko‘ra mikro, mezo va makro darajalarga ajratish mumkin. Bunda mikro darajasi korxonaning (tashkilot), mezo darajasi hududning (mintaqa), makro darajasi esa mamlakatning jami mehnat potentsialini ko‘rsatadi (chizma). Korxona (tashkilot) mexnat potentsiali deb ishlab chiqarish (xizmat ko‘rsatish) jarayonida ishtirok etayotgan, ijtimoiy-iqtisodiy faoliyatni amalga oshirishda hamda qo‘yilgan maqsadlarga erishishda ma’lum vazifani (ishni) bajarayotgan xodimlar (kadrlar) birikmasiga aytiladi. Mazkur birikmaning nafaqat miqdor ko‘rsatkichi, shu bilan birga, sifat ko‘rsatkichi ham alohida ustuvorlikka egadir.

chizma. Mehnat potentsialining tegishlilik darajasiga ko‘ra tasniflanishi Miqdor ko‘rsatkichi xodimlar (asosiy va o‘rindosh) soni, ish kunlari miqdori, ish vaqti davomiyligi hamda xodimlarning ishlagan kun va soatlari miqdorida o‘z aksini topadi. Mazkur ko‘rsatkichlar orqali korxonaning xodimlar bilan ta’minlanganlik darajasi, bajarilgan ish hajmi, bitta xodimning bajargan ishi, mahsulot ishlab chiqarishga ketgan vaqt sarfi va mehnat unumdorligi kabilarni aniqlash mumkin. Sifat ko‘rsatkichlari xodimlarning yosh, jins, ma’lumot, kasb-malaka, tajriba- ko‘nikma tarkibi bilan ifodalanadi. Shuningdek, xodimlar shtat jadvalining ma’muriy, boshqaruv, maxsus, xizmat ko‘rsatuvchi va yordamchi kabi personallarga bo‘linishini ham ularning sifat ko‘rsatkichlari deb qarash mumkin. Korxona kadrlari tarkibining sifat ko‘rsatkichi qanchalik yuqori bo‘lsa, faoliyati shunchalik darajada rivojlanadi. O‘zida oliy ko‘rsatkichli mehnat potentsialiga ega bo‘lgan korxona yuqori raqobatbardoshlikka ega bo‘ladi. Chunki, tashkilot rivojini aynan malakali kadrlar ta’minlaydi. Shu bois bozor iktisodiyoti sharoitida korxonalar ularni ishga olish uchun harakat qiladilar va buning uchun o‘zaro «kurashadi»lar. Mazkur raqobatda ular qulay mehnat sharoiti va yuqori ish haqini asosiy qurol qilib oladilar. Demak, miqdor va sifat ko‘rsatkichlarning o‘zaro uyg‘unligi hamda mutanosibligi korxonada unumdorlik va taraqqiyotning bosh omilidir. Меҳнат потенциали Микро даража Мезо даража Макро даража Корхона (ташкилот) меҳнат потенциали Ҳудуд (минтақа) меҳнат потенциали Мамлакат меҳнат потенциали Инсон омили ёки шахс меҳнат потенциали

Hudud (mintaqa) mehnat potentsiali deb ma’lum hududga tegishli bo‘lgan va unda istiqomat qiluvchi jami mehnat potentsiali tushuniladi. Uni alohida ajratib ko‘rsatish zarurati shundaki, O‘zbekiston Respublikasida hududlar tarixiy, tabiiy- iqlimiy, jug‘rofiy, relef, demografik, ijtimoiy, iqtisodiy va urbanizatsiya nuqtai nazaridan bir-biridan farqlanadi. Shu bois, ularning mehnat potentsiali ham o‘ziga xos xususiyatlarga ega va bir-biridan farqlanadi. Qaysi hududda iqtisodiyotning qanday tarmog‘i rivojlanganligi mazkur mintaqada mehnat potentsialining asosiy ulushi ushbu sohada bandligi va ixtisoslashuvini belgilab beradi. Masalan, Toshkent shahri va Toshkent viloyatida mehnat potentsialining sanoatga, ishlab chiqarish va xizmat ko‘rsatish sohalariga ixtisoslashuvini ko‘rish mumkin bo‘lsa, Navoiy viloyatida esa og‘ir sanoat (tog‘-kon metallurgiya) va qayta ishlashga ixtisoslashuv nisbatan kuchlirokdir. Shuningdek, Sirdaryo, Jizzax, Surxondaryo va Qashqadaryo viloyatlarida dehqonchilikka ixtisoslashuvni kuzatamiz. Xududlar xususiyatiga ko‘ra, mehnat potentsiali ixtisoslashuvi ham bir-biridan farqlanadi, bu esa iqtisodiyotdagi nisbiy ustunlikni keltirib chiqaradi. Keng doirada olsak, mamlakat mehnat potentsiali bu mintaqadagi jami mehnat imkoniyatlari va salohiyatini o‘zida mujassam etib, hududiy birikmalardan tashkil topadi, uning kuch-qudratini belgilab beradi. Chunki shaxslar birligi, jipsligi jamiyatni tashkil etadi, Kuchli jamiyat esa kuchli davlat asosidir. Yuqorida sanab o‘tilgan har uchala darajaning ham asosini inson omili, ya’ni shaxs mehnat potentsiali tashkil etadi. Chunki jamoa ham, jamiyat ham shaxslarning o‘zaro birikmasidan iboratdir. Shunday ekan, mamlakat mehnat potentsialini shakllantirish, rivojlantirish uchun, avvalo, har bir insonni shaxs sifatida tarbiyalash va uning mehnat omili darajasiga etkazish talab etiladi. Chunki yurtning barcha aholisi ham mehnat omili bo‘lib etisha olmaydi. Albatta, bunga, birinchi navbatda, sog‘liq va jismoniy ko‘rsatkichlar ta’sir etsa, shuningdek, aqliy qobiliyat, ta’lim, malaka, ko‘nikma va tajriba kabilar ham o‘z ta’sirini o‘tkazadi. Shu bois davlatimizda aholi (ayniqsa onalar va bolalar) sog‘lig‘ini saqlash, nogironlarni reabilitatsiya qilish, jismoniy salohiyatni yuksaltirishga alohida e’tibor qaratiladi. Chunki onalar, ayollar

mamlakatga mehnat potentsialini bevosita tarbiyalab beradilar, zero, yoshlar Vatanning ertangi kuchlari va kelajak egalaridir. Mehnat potentsialining darajalashuvi va unga omillarning ta’siri quyidagi chizma ko‘rinishida ro‘y beradi: Korxonalar esa ma’muriy-hududiy jihatdan ma’lum hududga tegishli bo‘lib, ularning umumiy birikmasi hudud mehnat potentsialini tashkil etadi. Bunda mezo darajalashuv ro‘y beradi va shu jarayonda jug‘rofiy manzil hududiy potentsialni hosil qiluvchi omil sifatida yuzaga keladi. 4-chizma. Mehnat potentsialining tegishlilik xususiyatiga ko‘ra darajalashuv omillari Shuningdek, agar shaxs yakka tartibdagi xizmat faoliyatida band bo‘lsa, ishlamasa yoki iqtisodiy nofaol bo‘lsa, u holda yashash manziliga ko‘ra, mazkur shaxs hudud mehnat potentsiali tarkibiga kiritiladi. Hudud mehnat potentsiali jug‘rofiy joylashuvi va fuqarolik holatiga ko‘ra, mamlakat mehnat potentsialini tashkil etadi. Shuningdek, mamlakat hududida faoliyat yuritayotgan fuqaroligi bo‘lmagan norezidentlarni ham mehnat potentsiali tarkibiga kiritish mumkin. Biroq, bunda ular vaqtinchalik yoki o‘zgaruvchan xususiyatga ega bo‘ladi. Demak, fuqarolikni mehnat potentsialining makro darajasini belgilab beradigan omil sifatida hisoblash mumkin. «Mehnat potentsiali» jamiyatda mehnat imkoniyati, kuvvati, ish bilan bog‘liq kuchlarning mavjudligi, degan ma’noni bildiradi. Mehnat potentsialining ta’rifi uning shakllanishi, sifatiy, miqdoriy baholash va samarali foydalanishni ifodalovchi omillar birikmasidan iborat. Hozirgacha mazkur kategoriya olimlar tomonidan turlicha talqin qilinib, ular ushbu tushunchaga turli nuqtai nazardan yondashganlar. Ba’zi olimlar mehnat potentsiali bilan mehnat resurslarini o‘zaro tenglashtirib, ushbu tushunchalar bir xil ma’noni anglatadi, deya ta’kidlashadi. Boshqa Меҳнат шартномасиШахс меҳнат потенциали (базис) Корхона меҳнат потенциали (микро) Ҳудуд меҳнат потенциали (мезо) Мамлакат меҳнат потенциали (макро)Манзил Фу қ аролик

tadqiqotchilarning qayd etishicha, ushbu kategoriyalar bir-biridan farq qiladi, bunda mehnat potentsiali mehnat resurslari va ishchi kuchiga nisbatan kengroq tushunchadir. Xullas, «mehnat potentsiali» mavzusi haligacha munozarali masala bo‘lib kelmoqdaki, bugungi kunda u haqdagi ilmiy-iqtisodiy yondashuvlarni uch yo‘nalishga ajratish mumkin. Birinchi yo‘nalish vakillari «mehnat potentsiali» kategoriyasiga «resurs» jihatdan yondashib, asosan, uning miqdoriy ko‘rsatkichlariga ustuvor ahamiyat sifatida qaraydilar. Mazkur yo‘nalish vakillarining fikricha, mehnat potentsiali jamiyatni rivojlantirish uchun zarur bo‘lgan ish bilan bog‘liq turli resurslar majmuidir. Mazkur kategoriyani tadqiq etar ekan rossiyalik olim N.A. Gorelov uni «mehnat resurslari» va «ishchi kuchi» tushunchalari bilan bevosita tenglashtiradi. U bunga miqdor jihatdan yondashib, mehnat potentsiali mehnat yoshidagi ishga layoqatli aholi sonidan iboratdir, degan fikrni ilgari suradi. Xuddi shunga o‘xshash fikrni GT. Sergeeva va L.S. Chijovalarning iqtisodiy qarashlarida ham ko‘rish mumkin. Bu. mualliflar tomonidan chop etilgan «Mamlakat mehnat potentsiali» asarida mazkur kategoriyani jamiyat egalik qiladigan mehnat resurslaridir, talqin etadi. Biroq, ular N.A. Gorelovdan farqli ravishda ushbu kategoriyani talqin etishda uning sifat jihatlariga ham e’tibor qaratadilar. Ya’ni, ularning fikricha, ishga layoqatli aholining mikdor va sifat jihatlarining o‘zaro uyg‘unligi mehnat potentsialining real mazmunini belgilab beradi. Rossiyalik iqtisodchi olim N.A. Volgin ham unga resurs sifatida yondashib, «Mehnat potentsiali o‘zaro bog‘liq ko‘pgina elementlardan tashkil topgan mehnat resurslari yig‘indisidir. U yoki bu elementni ushbu majmuaga kiritishga asos bo‘lib xizmat qiluvchi asosiy belgi jonli shaxs, organizm egalik qiladigan ishga bo‘lgan jismoniy va ma’naviy qobiliyatdir», degan fikrni ilgari surgan. R.P. Ruzavina, R.P. Kolosova, A.A. Kumpsova va L.E. Kunelskiylarning fikricha, mehnat potentsiali ishchi kuchi kategoriyasini ravshanlashtiruvchi yo‘nalishlardan biridir. Mazkur olimlar potentsialni resurslarga nisbatan kengroq tushuncha deb qarab, mehnat potentsialining tarkibiga ijtimoiy ishlab chiqarishda qatnashishga layoqatli barcha fuqarolar, shuningdek ish bilan band bo‘lgan ishchilar

bilan bir qatorda, ba’zi sabablarga ko‘ra ish bilan band bo‘lmagan kishilarni ham kiritadilar. V.G. Vrublevskiy potentsialga nisbatan o‘ziga xos nuqtai nazarni ilgari surib, uning shakllanishida ish sharoitlariga ham alohida urg‘u beradi. Shunga ko‘ra, u mehnat potentsiali jami ishchi kuchi va sharoitlarning birligidan tashkil topadi, deb ta’kidlaydi. Ukrainalik iqtisodchi olim N.V. Korovyakovskaya ham potentsialni resursga tenglashtirib, mehnat potentsiali ishga layoqatli yoshdagi aholidan hamda pensiya yoshiga etgan bo‘lishiga qaramasdan o‘zining xizmatga bo‘lgan qobiliyatini saqlab qolgan kishilar birikmasidan tashkil topadi», degan xulosaga keladi. L.S. Degtyar esa resurslar va potentsial o‘rtasida hech qanday farq yo‘q, deb hisoblaydi Uning bildirishicha, har ikkala kategoriya ham bir xil mazmunga ega va o‘zaro teng ahamiyatlidir. Demak, potentsialga resurs sifatida yondashadigan olimlar, asosan, miqdor ko‘rsatkichlariga birinchi darajali e’tibor berib, ular potentsialni ta’riflashda ishga layoqatli kishilar, mehnat resurslari, ish bilan bandlar, ishsizlar hamda ishlash imkoniyatiga ega bo‘lgan pensionerlar kabi aholi qatlamlari bilan cheklanganlar. Bunda ular aholining shaxsiy sifat va kasb-malaka omillarini inobatga olmaganlar. Ikkinchi yo‘nalish tarafdorlari mehnat potentsialiga «omil» jihatdan yondashib, ular potentsialning tarkibini aniqlashda shaxsiy va insoniy omillar (sifat) nuqtai nazardan yondashadilar. Ushbu qarashlarda ular sifat ko‘rsatkichlariga alohida ustuvor ahamiyat qaratadilar. M.I. Skarjinskiy potentsialga shaxsiy omil harakatining iqtisodiy shakllaridan biri sifatida qarashni taklif qiladi. Uning fikricha, mazkur kategoriya uch bosqichli harakatdan o‘tadi: mehnat resurslari, ishlab chiqarish sharoitlari (ishchi kuchi) va mehnat potentsiali. Olimning ta’riflashicha, mehnat salohiyati jamiyatni harakatga keltirishning real va potentsial imkoniyatlaridir. «Potentsial» tushunchasini ta’riflashda Ural davlat iqtisodiyot universitetining professori N.I. Shatalova omilga alohida urg‘u berar ekan, mehnat potentsiali - inson omilining aniq tarzda namoyon bo‘lishidir, degan qisqa ta’rifni keltiradi.

Shunga o‘xshash nuqtai nazarni I.A. Kokorevning iqtisodiy qarashlarida ham uchratish mumkin. U ham potentsialning mazmun-mohiyatini yoritishda omilga alohida e’tibor qaratib, mehnat potentsiali – inson omilining ishga oid shaxsiy sifatlar yig‘indisidir, degan fikrni ilgari suradi. M.I. Dolishniy, S.N. Zlupko, V. Dobrik, T.M. Paliya, T. Shults va boshqalardan iborat iqtisodchilar guruhi potentsialga omilni shakllantiruvchi kategoriya sifatida qaraydilar. M.I. Dolishniy mehnat potentsialini baholash uchun uning tarkibini aniqlaydigan quyidagi formulani taklif etadi: MP = JMpr + JMrr + JMz Bunda: MP - mehnat potentsiali; JMpr - jonli mehnatning potentsial resurslari; JMrr - jonli mehnatning real resurslari; JMz - jonli mehnat zaxirasi. Shuningdek, M.I. Dolishniy talqinida mehnat potentsiali quyidagi sabablar birikmasidan iboratdir: demografik, tibbiy-biologik, ta’lim va kasb-malaka ko‘rsatkichlari. V.S. Bulanovning ta’kidlashicha, potentsial o‘zida alohida inson, shuningdek jamiyatning turli ishchilar guruhining barcha mehnat imkoniyatlarini mujassam etadi. Xizmatning ko‘lami, tarkibi va miqdorini aniqlovchi resursdan farqli ravishda, potentsial uning sifati va salohiyatli imkoniyatlarini tavsiflaydi. G.E. Slezinger mehnat potentsialini ishlab chiqarish omilining shaxsiy xususiyatlari yig‘indisidir, deb hisoblaydi. B.M. Genkinning fikricha esa, mehnat potentsiali insonning iqtisodiy faoliyatda ishtirok etish imkoniyatidir. L.A. Kostinning fikriga ko‘ra, mehnat potentsiali insonning ishga layoqatini aniqlovchi turli sifat ko‘rsatkichlari yig‘indisidan iborat. Birinchidan, ishchining sog‘lig‘i, mehnatga yaroqliligi, chidamliligi, jismoniy va ruhiy salohiyati. Ikkinchidan, tug‘ma qobiliyatlar, insonning umumiy va maxsus bilimlari, mehnat ko‘nikmalari va tajribalari. Uchinchidan, ishchilarning mas’uliyat, manfaat va talab-ehtiyojlari darajasi.

Uchinchi yo‘nalish namoyandalari esa mehnat potentsialini ham miqdor, ham sifat jihatdan o‘rganib, mazkur kategoriyani ta’riflashda har ikkala ko‘rsatkichni ham teng qo‘yadilar. Ularning nazdida, miqdor va sifat ko‘rsatkichlarining o‘zaro uyg‘unligi potentsial demakdir. Rus olimlari V. Kostakov va A. Popovlar uning mikdor va sifat omillarining mushtarakligiga e’tibor qaratib, «mehnat potentsiali» tushunchasini – mamlakat mehnat resurslarining sifat va miqdor jihatlarining o‘zaro uyg‘unligidir, deb ta’riflaydi. Yana bir rossiyalik tadqiqotchi A.Ya. Kibanov shu kategoriya yuzasidan o‘z fikr- mulohazalarini keltirar ekan, mehnat potentsialiga jamiyatning moddiy ne’matlar yaratuvchi kuchi sifatida qaraydi va unga quyidagicha ta’rif beradi: «Potentsial o‘zida mehnat resurslarining ishga bo‘lgan qobiliyatlarining sifat va miqdor xususiyatlari umumlashmasini ifoda etadi. Biroq, bunda «potentsial» va «resurs» tushunchalarini o‘zaro qarama-qarshi qo‘yish kerak emas, chunki potentsial jamiyat, jamoa va shaxs tomonidan yaratilgan, kelgusida amal qilish va taraqqiy etish imkoniyatini ta’minlovchi sifatlarni ifoda etib, mohiyat jihatdan «resurs» tushunchasiga mos keladi». I.S. Maslova iqtisodiy qarashlarida potentsialga quyidagicha ta’rif beradi: «Mehnat potentsiali – ishlab chiqaruvchi kuchlar va ishlab chiqarish munosabatlari rivojlanishining muayyan darajasida ijtimoiy foydali faoliyatda ishtirok etishiga ko‘ra ishga layoqatli aholi, turli xizmatchilar guruhi yoki alohida inson barcha mehnat imkoniyatlarining sifat va miqdor xususiyatlari birligidir». A.S. Pankratovaning qarashlarida ham miqdoriy, ham omilli yondashuvni ko‘rish mumkin. Biroq, bunda u mehnat potentsialini har ikkala (miqdor va sifat) jihatlarining o‘zaro uyg‘unligi orqali ko‘radi. Uning fikricha, mehnat potentsiali – jamiyatning, ishlab chiqarishni rivojlantirish talablariga mos keluvchi shaxsiy omil bilan ta’minlash imkoniyatini miqdoriy ta’riflaydigan tushunchadir. Boshqa olimlardan farqli o‘laroq, A.S. Pankratova potentsial – shaxsiy omilning miqdoriy namoyon bo‘lishidir, deb ta’riflaydi. Shuningdek, tadqiqotchi mehnat potentsialini aniqlashda ishga layoqatli aholining soni, ish vaqti Miqdori (davomiyligi) va unumdorlik kabi ko‘rsatkichlarga ham alohida e’tibor qaratadi.

A.E. Kotlyar mehnat potentsiali kategoriyasini tadqiq etar ekan, uning miqdor va sifat jihatlarini quyidagi tarzda ajratib beradi: miqdor ko‘rsatkichlar o‘zida ishga layoqatli aholining soni va unumdorlikning muayyan darajasida ularning ishlagan vaqtlari hajmini aks ettirsa, sifat jihatlar esa xizmatga layoqatlilarning sog‘lig‘i, jismoniy qobiliyatlari, ma’lumoti, malakasi va g‘oyaviy-siyosiy darajasi bilan ifodalanadi. Kategoriyaning miqdor va sifat ta’riflari o‘zbekistonlik olima D.N. Raximova tomonidan ham keng yoritib berilgan, uning fikricha, mehnat potentsiali miqdor ko‘rsatkichlari bilan bir qatorda sifat tomonlariga ham ega bo‘lishi kerak. Mazkur ta’limotlar tomonidan ilgari surilgan turli nuqtai nazar va qarashlarda «mehnat potentsiali» tushunchasi turlicha talqin qilinmoqda. Bunda unga omil sifatida yondashuvchilar resurs deb qarovchilarga nisbatan kengroq anglamoqdalar. Demak, ko‘rib o‘tilganidek, mehnat potentsiali ko‘pchilik olimlar asarlarida tushuncha sifatida qaraladi, ba’zi tadqiqotchilarning ilmiy ishlarida esa, u ijtimoiy- iqtisodiy kategoriya sifatida e’tirof etiladi. Bir qator tadqiqotchilar esa uni nisbatan kengroq talqin qilib, mazmun jihatdan «mehnat resurslari», «ishchi quchi» kabilardan farq qiluvchi murakkab, ko‘p qirrali ijtimoiy-iqtisodiy kategoriya deb qaraydilar. Mazkur tushunchani iqtisodiy kategoriya sifatida talqin qiluvchilar mehnat potentsialining ijtimoiy shakli sifatida ishchi jamoalar va alohida xizmatchilarning shakllanishi, taraqqiy etishi hamda inson shaxsining imkoniyatlaridan amalda foydalanish borasida yuzaga keladigan ishlab chiqarish munosabatlarini ko‘radilar. O‘zbekistonlik bir guruh iqtisodchi olimlar (R.A. Ubaydullaeva, X.P. Abulqosimov, D.N. Raximova, Sh.N. Zaynutdinov, Sh.R. Xolmo‘minov, A.A. Abdug‘aniev, A.V. Vahobov, N.X. Rahimov) mehnat potentsiali jismoniy imkoniyatga, ma’lumot, kasbkor, malakaga ega, ishlab chiqarishda ishtirok etishga layoqatli barcha fuqarolarni o‘z ichiga oladi, degan fikrni ilgari suradi. Bu ta’rifda ular potentsial resursga nisbatan keng tushuncha bo‘lib, miqdor ko‘rsatkichlari bilan birga ishchining ishlab chiqarish faoliyatiga ta’sir ko‘rsatuvchi sifat ko‘rsatkichlariga ham egadir, deb ta’kidlaydilar.

Fikrimizcha, mehnat potentsiali mehnatga bo‘lgan qobiliyatlarning umumlashmasini (ularning miqdoriy va sifatiy munosabatlarida), alohida ishchini va jami xizmatchilarning mehnat faoliyatida qatnashish imkoniyatlarini ifodalaydi. Potentsialning resursdan sifat jihatidan farqi shundan iboratki, mehnat potentsiali jamiyat ixtiyoridagi oddiy ish salmog‘i (massasi) emas, balki, ijtimoiy mehnatning yuqori samarasini ta’minlaydigan, mamlakatni ijtimoiy-iqtisodiy rivojlantirishning optimal imkoniyatini ifodalaydigan, xizmat faoliyatiga muvofiq keluvchi sharoitlar birligidir. O‘zbekistonda chop etilgan «Mehnat iqtisodiyoti» darsligida keltirilishicha, «mehnat potentsiali» iqtisodiy kategoriyasining «ishchi kuchi» va «mehnat resurslari» kabi kategoriyalardan farq qiluvchi o‘ziga xos xususiyati quyidagilardan iborat. Birinchidan, mehnat potentsiali jamiyat qilayotgan jonli mehnatning miqdoriy va sifatiy aniq resurslaridir. Shuningdek, u o‘zida sifat jihatlarining barchasini gavdalantiradigan ishchi kuchi majmuidir. Ikkinchidan, ushbu iqtisodiy kategoriya muayyan bir ishchini ham, ularning barchasini ham mavjud imkoniyatlardan foydalanish darajasini baholash imkoniyatini beradi, bu amaliyotda inson omilining faolligini oshiradi. Uchinchidan, mehnat potentsialini tahlil qilish, ishlab chiqarishning inson va ashyoviy omillari o‘rtasida sifatiy, tarkibiy muvofiqlik bo‘lishiga yordam beradi. Mazkur fikr-mulohazalarni rivojlantirgan holda ta’kidlash lozimki, «mehnat potentsiali» tushunchasi ijtimoiy-iqtisodiy mazmun-mohiyatiga ko‘ra, «mehnat resurslari» va «ishchi kuchi» tushunchalaridan ko‘ra kengroq ma’no kasb etadi. Mamlakat mehnat potentsialini ta’riflashda, unga faqat ish jarayonini amalga oshiruvchi kuch va imkoniyatlarning namoyon bo‘lishi, deb qaramaslik kerak Chunki mehnat potentsiali iqtisodiyotda band bo‘lgan va xizmat jarayonlarida faol ishtirok etayotgan ishchi kuchi bilan birga aholining mehnatda band bo‘lmagan nofaol (zaxira) qismini ham o‘z ichiga oladi. «Ishchi kuchi» va «mehnat resurslari» tushunchalari bir xil mazmunga ega emas, resurslarning ishchi kuchiga aylanish jarayoni bir qancha bosqichlarni bosib o‘tadi. Dastlabki bosqichda resurslar ishchi kuchining salohiyatli qismi bo‘lib, ular mehnat

vositalari va qurollari bilan ishlash tajribasini orttiradi. Ikkinchi bosqichda esa ular ish joylarga taqsimlanadi. Shu tariqa jismoniy va aqliy qobiliyatlarning faoliyat jarayonida sarflanishi ro‘y beradi. Mehnat resurslari bu davrda ishchi kuchiga aylanadi. Uchinchi bosqichda ishchi kuchi vaqt va quvvat sarflab, moddiy ne’mat yaratadi hamda u iste’mol qiymatiga ega bo‘ladi. Ishchi kuchi mehnat faoliyatini to‘xtatishi bilan yana iqtisodiy nofaol aholi tusini oladi, lekin resurs tarkibida qoladi. Shu sababli mehnat resursi mehnat potentsialidan o‘z xizmati bilan ishlab chiqarishda ishtirok etish imkoniyatiga ko‘ra farqlanadi. Potentsialni ilmiy-iqtisodiy jihatdan tadqiq etish uning resurs tarzidagi mazmun- mohiyatini ham sifat, ham miqdor jihatdan ochib beradi. Mehnat potentsialini ijtimoiy- iqtisodiy kategoriya sifatida shakllanishi, uning tadqiq etilishi va o‘rganilishi bir necha bosqichlarni bosib o‘tdi. Ijtimoiy-iqtisodiy munosabatlarning rivojlanib borishi natijasida «ishchi kuchi», «mehnat resurslari», «mehnat potentsiali» kabi iqtisodiy tushuncha va kategoriyalarning ham ma’no-mazmuni birmuncha o‘zgarib bormokda. Bulardan nafaqat ilmiy-iqtisodiy adabiyotlar, balki kundalik amaliyotimizda ham keng foydalanila boshladi. O‘zbekistonda mehnat potentsialining shakllanishi va unga demografik omillarning ta’siri O‘zbekistonning mustaqil davlatga aylanishi iqtisodiy va siyosiy jihatdan tub o‘zgarishlarga olib kelib, o‘z navbatida bular mehnat potentsialining shakllanishi va takror yaratilishi haqidagi ilmiy-iqtisodiy tasavvurlarni qayta o‘rganish, uning strukturasiga yangicha yondashuvlarni ishlab chiqish, bu sohadagi ijtimoiy munosabatlar tizimini to‘g‘ri yo‘lga qo‘yish zaruratini vujudga qeltirdi. «Mehnat resurslarining shakllanishi» tushunchasi ancha vaqtlardan buyon ilmiy, iqtisodiy adabiyotlar va statistik amaliyotda qaror topgan bo‘lib, o‘ziga xos kasbiy atama sifatida ishlatilib kelinadi. Bunda mehnat resurslarini shakllantirish deganda, ularning doimiy ravishda yangilanib turishi tushuniladi.

Mamlakat mehnat potentsiali miqdoriy jihatdan shakllanishining asosi aholi harakatlari hisoblanadi. Shu sababli uning shakllanish omillari va sharoitlarini o‘rganishda, avvalambor, aholining takror ishlab chiqaruvchi jarayon bo‘lgan mavjud demografik vaziyat tahlil qilinadi. Chunki aynan demografik holatlar mehnat potentsialining miqdoran shakllanib borishini ta’minlaydi. Bu jarayon esa ularga ta’sir qiluvchi omillar va bosqichlar ketma-ketligining ko‘rinishi 4.5-chizmada ifodalangan. chizma. Mehnat potentsialining shakllanish jarayonlari Chizmada aks etganidek mehnat potentsialining shakllanish jarayoni ketma- ketlikda ro‘y berib, zanjir ko‘rinishini olgan. Chunki bunda ishtirok etayotgan omillar o‘zaro bog‘liq bo‘lib, birining natijasida ikkinchisi vujudga keladi hamda muayyan ta’sirga ega bo‘ladi. Demografik jarayonlar mamlakatdagi ijtimoiy-iqtisodiy infratuzilma va shart- sharoitlar ta’sirida amalga oshadi. Ya’ni, bunda aholi iste’molchi va foydalanuvchi hisoblanib, uning harakatlariga mavjud sharoitlar hamda iste’mol sifati kabi ko‘rsatkichlar katta ta’sirga ega. Demografik holatlar natijasida shakllangan mehnat potentsiali ishlab chiqarishning bosh omili bo‘lib, uning asosida YaMM hamda daromadlar yaratiladi, bu esa iqtisodiy ravnaq demakdir. Iqtisodiy taraqqiyot ishlab Ижтимоий-иқтисодий инфратузилма ва шарт- шароитлар Аҳоли Демографик жараёнлар (туғилиш, ўлим, аҳолининг ёш ва жинс структураси) Миграци я жараёнлар и (кўчиб келиш, кўчиб кетиш, урбанизация) Меҳнат потенциали Ишлаб чиқариш ЯММ ва даромад Иқтисодий тараққиёт

chiqarish, infratuzilma va shart-sharoitlarning rivojlanishi hamda takomillashuviga olib kelsa, daromadlar esa aholi farovonligining asosi hisoblanadi. Demografik jarayonlar, ya’ni aholi sonining qo‘payishi, o‘sish xususiyatlari va sur’ati, tug‘ilish darajasining o‘zgarishi, o‘lim darajasi, kishilarning yosh-jins tarkibi, nikohda bo‘lish, avlodlar almashinuvi; uzoq yoqi qisqa umr ko‘rish, jismoniy balog‘at va oila tarkibi kabilar butun jamiyat rivojlanishi bilan o‘zaro uzviy aloqadadir. Ular jamiyat taraqqiyotiga bog‘liq bo‘lib, bevosita ta’sir o‘tkazadi. U yoki bu davlatlarda ijtimoiy-iqtisodiy o‘zgarishlar kechishini osonlashtiradi yoki qiyinlashtiradi. Shuning uchun ham aholi sonining o‘zgarishiga aloqador muammolar, uning hududiy joylashuvi va iqtisodiyotga tatsiri turli fan vakillari – iqtisodchilar, demograflar, sotsiologlar, geograflar, huquqshunoslar, tibbiyotchilar diqqatini doimo jalb etib keladi. Demografik vaziyat har doim o‘ziga xos xususiyatga ega bo‘lib, aholining tabiiy va mexanik (migratsion) harakatlarida namoyon bo‘ladi. Mamlakatimizda bu jarayonlar murakkab ko‘rinishga ega bo‘lib, tug‘ilishning nisbatan yuqoriligi va unga mos ravishda aholi tabiiy o‘sishining tezkor sur’ati bilan izohlanadi. O‘zbekiston Respublikasi aholisining umumiy soniga ko‘ra, Markaziy Osiyo davlatlari ichida birinchi, MDH tarkibiga kiruvchi mamlakatlar o‘rtasida esa uchinchi (Rossiya va Ukrainadan so‘ng) o‘rinni egallaydi. Shu jihatdan olganda, O‘zbekiston yaqin xorijiy mamlakatlar o‘rtasida etakchi o‘rinlardan birini egallaydi. Yurtimizda aholi sonining ko‘payishi bir qancha sabablar – tarixiy, ijtimoiy, iqtisodiy, ayniqsa, respublika uchun xos bo‘lgan demografik omillar ta’sirida yuz bermokda. O‘z navbatida : bular ham bir- biri bilan bevosita bog‘langan. Vaziyatni tahlil qilish, odatda, asosiy demografik darajalarni o‘rganishdan boshlanib, ular ichida aholi soni ko‘rsatkichi ko‘proq ahamiyatga ega. XX asr boshida O‘zbekiston hududida atigi 3,9 mln. kishi yashagan bo‘lsa, butungi kunga kelib, ya’ni o‘tgan 100 yildan sal ko‘proq vaqt mobaynida aholi 6,8 baravar ko‘paydi va ushbu ko‘rsatkich hozirda 26,5 mln. kishini tashkil etmokda (4.1-jadval).

jadval O‘zbekiston Resublikasining asosiy demografik ko‘rsatkichlari (ming kishi) Ko‘rsatkichlar 1991 y. 2001 y. 2002 y. 2003 y. 2004 y. 2005 y. 2006 y. O‘rtacha doimiy aholi soni 20862,5 24965, 9 25271,3 25567,7 25864, 4 26167 26485, 8 Shundan, qishloq joylarda 12496,8 15717, 7 15959 16206,7 16452, 8 16698, 5 16949, 1 Tug‘ilganlar soni 723,4 512,9 530,7 508,4 540,4 538,0 550,7 Shundan, qishloq joylarda 498,7 353,5 367,4 352,6 372,4 372,2 379,1 Tabiiy o‘sishlar soni 593,1 380,7 394,6 372,5 410 399 411,7 Shundan, qishloq joylarda 425,3 281 293,1 276,8 299,6 295,2 301 Aholi o‘sish sur’ati, % 102,2 101,3 101,2 101,2 101,2 101,2 101,2 Shundan, qishloq joylarda 102,8 101,6 101,5 101,6 101,5 101,5 101,5 Manba: O‘zbekiston Respublikasi Davlat statistika qo‘mitasi ma’lumotlari asosida tayyorlangan. Ko‘p yillar davomida yurtimiz aholisi soni tez sur’atlarda ko‘payib borgan va ushbu o‘sishlar tug‘ilishning yuqori miqdori hisobiga ro‘y bergan Mamlakatimiz mustaqillikka erishgan yili aholi o‘sish sur’ati 102,2 %ni tashkil etgan bo‘lib, yillik tug‘ilishlar 723,4 ming kishi va uning koeffitsienti 34,7 promillidan iborat bo‘lgan. Oxirgi yillarda tabiiy o‘sish sur’atida nisbatan kamayish holati kuzatilayotgan – bo‘lsa- da, bu ko‘rsatkich hali ham yuqori hisoblanadi. Jadvaldan ko‘rinib turibdiki, o‘zbekistonliklarning qariyb uchdan ikki qismi (16949,1 ming kishi yoki 64,0 %) qishloqlarda istiqomat qiladi. Shu sababli o‘lkamizda aholining yuqori ko‘payish sur’ati qishloq joylar hisobiga amalga oshmoqda, ya’ni yillik tabiiy o‘sishda ularning ulushi 75,0 % bo‘lmoqda. Mamlakatda tug‘ilayotgan bolalarning 70,0 % qishloq joylar ulushiga to‘g‘ri kelib, 2006 yilda jami tug‘ilgan 550,7 ming chaqaloqdan 379,1 ming nafari ushbu hududga tegishlidir. Mamlakatimizda demografiyaga oid bilimlarning rivojlanishiga ulkan hissa ko‘shgan M. Qorixonov, R. Mullajonov, R.A. Ubaydullaeva, O.B. Otamirzaev, M. Bo‘rieva, R.B. Murtazina kabi olimlarning ilmiy ishlarida O‘zbekistonda mustaqillikdan oldingi o‘n yilliklar davrida demografik jarayonlarga e’tibor

berilmaganligi etarli darajada aniq ko‘rsatilgan. Murakkab demografik vaziyatdan kelib chiqqan asosiy ijtimoiy muammolardan biri yuqori va deyarli nazorat qilinmaydigan tug‘ilish hamda aholining nisbatan past darajadagi hududiy va tarmoqqa oid safarbarligidir. Shuni ta’kidlash kerakki, O‘zbekistonda faqatgina mustaqillikka erishilgach, davlat tomonidan aniq demografik siyosat olib borilib, kompleks ijtimoiy-iqtisodiy chora-tadbirlar amalga oshirila boshladi. Ushbu va boshqa omillarni hisobga olgan holda bozor islohotlarining boshlang‘ich davridayoq aholining ish bilan bandlik sohasida yangi siyosat ishlab chiqildi. Uning asosida esa inson resurslarini sifat jihatdan shakllantirish, zamonaviy tartibga solinadigan mehnat bozori tizimini yaratish va uning samarali faoliyat ko‘rsatishiga erishish kabi maqsadlar yotadi. Mamlakatimizda demografik jarayonlarning murakkab ko‘rinishiga sabab bo‘lgan omillardan biri sifatida aholining respublika hududlari bo‘ylab notekis taqsimotini ko‘rsatish mumkin. Kishilarning turli mintaqalarda turlicha miqdor va zichlikda joylashuvi o‘ziga xos muammo hisoblanib, bu holat mamlakatning tarixiy, jug‘rofiy va tabiiy-iqlimiy xususiyatlari hisobiga yuzaga kelgan. Respublikamizda aholi soni tez o‘sib borayotganligi sababli uning zichligi ham oshib bormoqda. Masalan, 1940 yilda har bir km. kv. ga 14,6 kishi to‘g‘ri kelgan bo‘lsa, bu ko‘rsatkich 1991 yilda 45,0 nafarni, 2007 yil boshida esa 59,0 kishini tashkil etgan. Binobarin, aholining o‘rtacha zichligi jihatidan O‘zbekiston MDHga a’zo mamlakatlardan va Markaziy Osiyodagi boshqa respublikalardan oldinda turadi. Hozirgi kunda O‘zbekistonning 14 ta ma’muriy – hududiy bo‘linmasidan 10 tasi, shu jumladan, Toshkent shahri odamlar zich bo‘lgan hududlar jumlasiga kiradi. Vaholanki, ular O‘zbekiston hududining atigi choragini, aholi uncha zich bo‘lmagan to‘rtta viloyat esa respublikaning qolgan to‘rtdan uch qismini egallagan (5.4-jadval). Respublikamizning eng zich hududi Toshkent shahri hisoblanib, poytaxt hududi mamlakat umumiy maydonining 0,07 % ini tashkil etgani holda, uning har bir km.kv.iga 7161,7 kishi to‘g‘ri keladi. Demografik jarayonlar nisbatan muammoli tus olgan Farg‘ona vodiysi viloyatlarida yurtimiz jami aholisining 27,9 % istiqomat kilib, mazkur mintaqa respublika hududining 4,1 %ini egallaydi. Zichlik Andijon viloyatida

570,1 kishi/km.kv.ni, Farg‘ona viloyatida 432,6 kishi/km.kv.ni va Namangan viloyatida esa 286,3 kishi/km.kv.ni tashkil etmokda. Shuningdek, ushbu ko‘rsatkich Xorazm, Samarqand va Toshkent viloyatlarida ham yuqoridir. Qoraqalpog‘iston, Navoiy, Buxoro va Qashqadaryo viloyatlarida aholi zichlik darajasi past ko‘rsatkichga ega bo‘lib, bu holat shu hududlarning kattaligi va tabiiy- iqlimiy omillar hisobiga vujudga kelgan. j adval O‘zbekiston Respublikasi axolisining hududiy joylashuvi (2007 yil 1 yanvar holatiga ko‘ra) Hudud, ming km.kv. Umumiyga nisbatan, %da O‘rtacha aholi soni, ming kishi Umumiyg a nisbatan, %da Qishloq aholisi soni, ming kishi Aholi zichligi, 1 km.kv. O‘zbekiston Respublikasi 448,9 100 26485,8 100,0 16949,1 59,0 Qoraqalpog‘iston 166,6 37,11 1577,1 6,0 811,7 9,5 Andijon 4,3 0,96 2394,3 9,0 1690,3 570,1 Buxoro 40,3 8,98 1534,9 5,8 1083,2 38,1 Jizzax 21,2 4,72 1058,4 4,0 742,4 49,9 Qashqadaryo 28,6 6,37 2442,4 9,2 1841 85,4 Navoiy 111,0 24,73 815,9 3,1 492,9 7,4 Namangan 7,4 1,65 2118,7 8,0 1331,6 286,3 Samarqand 16,8 3,74 2930,9 11,1 2186,5 174,5 Surxondaryo 20,1 4,48 1940,9 7,3 1568,1 96,6 Sirdaryo 4,3 0,96 680,3 2,6 468,1 158,2 Toshkent 15,3 3,41 2479,6 9,4 1505,9 162,1 Farg‘ona 6,8 1,51 2898,2 10,9 2085,5 432,6 Xorazm 6,1 1,36 1465,7 5,5 1141,9 240,3 Toshkent sh. 0,3 0,07 2148,5 8,1 0,0 7161,7 Manba: O‘zbekiston Respublikasi Davlat statistika qo‘mitasi ma’lumotlari asosida tayyorlangan. Qoraqalpog‘iston maydoni mamlakat hududining 37,1 %ini tashkil etib, bu erda jami aholining 6,0 % istiqomat qilsa, respublikaning chorak qismida joylashgan Navoiy viloyati ulushiga esa umumiy aholining atigi 3,1 %i to‘g‘ri keladi.

Zichlik ko‘rsatkichlariga tabiiy-jug‘rofiy, iqlim, iqtisodiy, ijtimoiy, siyosiy, madaniy kabi omillar ta’sir qiladi. Shuningdek, aholining mexanik (migratsion) harakatlari ham mehnat resurslarining hududlar bo‘ylab qayta taqsimlanishi va takror ishlab chiqarishni yuzaga keltiruvchi asosiy manbalardan biridir. Migratsiya – aholi, jumladan, ishchi kuchining bir hududdan ikkinchisiga ko‘chib o‘tish harakati bo‘lib, uning miqyosi va sur’ati mamlakatdagi siyosiy, ijtimoiy va iqtisodiy vaziyat hamda mehnat bozori hajmini ham belgilab beradi. Ishchi kuchi migratsiyasi, odatda, mehnatga qobiliyatli aholining ishlab chiqarishni rivojlantirish va joylashtirishdagi o‘zgarishlar bilan bog‘liq holda makoniy qo‘chib yurishi sifatida ham ta’riflanadi. U kishilarning doimiy yashash va ish joyini o‘zgartirishi, hududning ma’muriy chegaralarini kesib o‘tishi, istiqomat o‘rnida uzoq muddat bo‘lmasligi natijasida kelib chiqadigan murakkab ijtimoiy-iqtisodiy jarayon hisoblanib, tumanlararo, shaharlararo, viloyatlararo, mintaqalararo va davlatlararo yo‘nalishlarda amalga oshadi. Ko‘chishga tabiiy-iqlimiy, ijtimoiy-iqtisodiy, demografik, siyosiy-huquqiy, milliy- etnik, irqiy va diniy omillar bevosita ta’sir qiladi. Uning vujudga kelishi turli ob’ektiv va sub’ektiv sabablar bilan belgilanadi: - o‘z kasb yo‘nalishini amalga oshirish bo‘yicha imkoniyatlar yaratish, boshqa yashash joyida yuqori ish haqi va mehnat sharoitlariga ega bo‘lgan ishga joylashish; - inson sog‘ligi hamda iqlimga xos yashash sharoitlarining zarurligi; - qarindosh-urug‘ va yaqin insonlarga qo‘shilish; - ma’lum bir madaniyatga, bilimga va yashash tarzini o‘zgartirishga bo‘lgan ehtiyoj; - mehnat ziddiyatlari va oiladagi kelishmovchiliklar; - tasodifiy holatlar (vaziyatlar) va h.k. Mamlakat hududiga ko‘chib kelish (immigratsiya) va undan ko‘chib ketish (emigratsiya) miqdorlari o‘rtasidagi farq migratsiya qoldig‘ini anglatadi. Migratsiya qoldig‘i (saldosi)ning miqdori (ijobiy yoki salbiy) migratsiyaning ishchi kuchi bozorini shakllantirishga bevosita ta’sirini tavsiflaydi. Bunga mazkur mintaqadagi kelganlar va ketganlar tarkibidagi tafovut ta’sir qiladi.

O‘zbekiston Respublikasi iqtisodiyotining bugungi holati uchun manfiy migratsiya qoldig‘i xos bo‘lib, u mamlakat mustaqilligidan so‘ng avj oldi (4.3-jadval). jadval O‘zbekiston Resublikasida aholiiing yillik migratsiya harakatlari (ming kishi) Ko‘rsatkichlar 1991 y. 2001 y. 2002 y. 2003 y. 2004 y. 2005 y. 2006 y. Kelganlar soni 135,3 149,6 156,2 139,7 147,4 146,1 144,9 Shundan, qishloq joylarda 64,9 59,9 49,7 60,3 60,5 59,3 Ketganlar soni 176,9 224,8 239,8 232,7 243,5 253,1 210,2 Shundan, qishloq joylarda 85,3 92,8 87,0 105,1 111,8 97,4 Migratsiya qoldig‘i -41,6 -75,2 -83,6 -93,0 -96,0 -107,0 -65,3 Shundan, qishloq joylarda -20,4 -32,9 -23,3 -44,8 -51,3 -38,1 Mustaqillikning dastlabki yilida yurtimizdagi manfiy migratsiya qoldig‘i 95,9 ming kishini tashkil etib, Toshkent, Samarqand, Andijon va Sirdaryo viloyatlari hamda Toshkent shahri ulushiga uning yuqori miqdori to‘g‘ri kelgan. Mazkur yillarda ko‘chish tuzilmasini tahlil qiladigan bo‘lsak, yuqori migratsiya qoldig‘i asosan boshqa millat (rus, tatar, qozoq, ukrain, nemis, arman, turk va sh.k.) vakillarining mamlakatdan ko‘chib ketishi hisobiga ro‘y berganining guvohi bo‘lamiz. Shu sababli, turli millat vakillari istiqomat qiladigan yirik shahar va hududlarda aholining jo‘nab ketish koeffitsienti yuqori ko‘rsatkichga eta bo‘lgan. Respublikada keyingi yillardagi aholining migratsiya harakatlari ularning nisbatan sanoatlashgan shaharlar va yaqin xorijiy mamlakatlarga ish izlab borishlari bilan asoslanadi. Chunki bu vaqtga kelib ortiqcha ishchi kuchi mavjud va ishsizlik yuqori bo‘lgan hududlardagi kishilar o‘zlariga munosib ish topish va yuqori mehnat daromadini qo‘lga kiritish maqsadida o‘z yashash joylarini tark eta boshladilar. Mazkur ko‘rsatkich 2001 yildan boshlab ko‘tarilib borib, 2005 yilda 107,0 ming kishini tashkil etdi. Mamlakatning jami migratsiya qoldig‘i miqdorida Qoraqalpog‘istonning ulushi yuqori bo‘lib, mazkur vaziyatni noqulay ekologik muhit natijasida aholi sog‘lig‘ining

yomonlashuvi, o‘lim sonining oshishi, turmush darajasining pasayishi va ishsizlikning yuqori ko‘rsatkichi kabi holatlar keltirib chiqargan. Toshkent, Farg‘ona, Samarqand, Andijon, Namangan, Qashqadaryo va Surxondaryo viloyatlarida ham aholining migratsion harakatlanish sur’ati yuqori bo‘lib, ushbu hududlardagi demografik jarayonlarning murakkab ko‘rinishga egaligi va unga bog‘liq ravishda mehnat bozorining yuqori bosimli holati, ya’ni ishchi kuchi taklifining unga bo‘lgan talab mikdoridan oshib ketishi va ish o‘rinlarining etishmasligi natijasida yuz bermoqda. Demografiya va migratsiya harakatlari bevosita aholining soniga ta’sir qilibgina qolmay, uning yosh va jins tuzilmasidagi o‘zgarishlariga ham sabab bo‘ladi. Kishilar yosh va jins tarkibi mehnat potentsialining ham mikdor, ham sifat jihatdan shakllanishining bosh omillaridan biri bo‘lib xizmat qiladi. Bu o‘zgarishdagi eng muhim natijalardan biri – uning mehnatga yaroqli qismidagi o‘zgarishlar hisoblanadi. Ishga layoqatli yoshdagi aholi nisbiy va mutlaq ko‘rsatkichlarining o‘zgarishi mehnat resurslari shakllanishi va u orqali mamlakat iqtisodiy taraqqiyoti sur’atlariga katta ta’sir ko‘rsatadi. Chunki aholi tarkibida yoshlar salmog‘ining yuqori ulushi jamiyatning salohiyati demakdir.

Inson taraqqiyoti, inson kapitali nazariyasining rivojlanishi Ma’lumki, mamlakat mehnat resurslarining mikdoriy o‘zagini inson tashkil etadi va mazkur omilning sifat jihatdan takomillashuvi bevosita mehnat potentsialining shakllanishiga sabab bo‘ladi. Demak, shaxs omili potentsial vujudga kelishining ham miqdoriy, ham sifatiy asosidir. Kishilik jamiyatining taraqqiyoti natijasida iqtisodiy hayotning sub’ekti sifatida odam to‘g‘risida «ishchi kuchi», «inson omili», «inson kapitali», «inson resurslari» tushunchalari yuzaga keldi. «Omil» iborasi ilmiy-iqtisodiy adabiyotlarda XX asrning 80-yillari o‘rtalarida paydo bo‘lib, ilmiy-hayotiy muomalada keng foydalanila boshladi. Ijtimoiy-iqtisodiy mazmuniga ko‘ra mazkur atama «resurs»dan farq qilib, unga nisbatan ancha kengroq va chuqurroq ma’noni anglatadi. Inson omili o‘zaro bir-biri bilan munosabatda bo‘ladigan, turli mavqeni egallagan sinflar va guruhlar tizimidan iborat bo‘lib, ularning faoliyati jamiyatning ilg‘or rivojlanishini ta’minlaydi. Resurslar omilning ijtimoiy-iqtisodiy tizimlari yig‘indisidan tashkil topgan. Inson omiliga shaxsiy sifatlar va uning faolligini belgilovchi ko‘rsatkichlar umumlashmasi sifatida qarash mumkin. Ushbu tushuncha kishining ijtimoiy-iqtisodiy taraqqiyot jarayonidagi hal qiluvchi rolini ko‘rsatadi. Bunda mazkur omil faqat miqdor ko‘rsatkichlari, demografik, tarmoq, kasb va malaka tuzilmalari bilan cheklanib qolmay, mehnatga bo‘lgan munosabat darajalarining tashabbuskorlik, tadbirkorlik, qiziqishlar, ehtiyojlar, xulq-atvor usullari bilan ham tavsiflanadi. Omilni to‘g‘ri yo‘naltirish har qanday jamoa yoki jamiyatni boshqarishning tarkibiy qismidir. Biroq, mazkur omil boshqaruvning alohida usullarini talab etadi. Birinchidan, kishi intellektga (aql, idrok, zakovatga) ega bo‘lib, ularning tashqi muhitga (boshqaruvga) reaktsiyasi mexanik tarzda emas, balki hissiyotli, anglab etilgan tarzda amalga oshadi. Demak, jamoa bilan inson o‘rtasidagi o‘zaro ta’sir ko‘rsatish jarayoni ikki tomonlamadir. Ikkinchidan, kishilar doimiy ravishda takomillashib va rivojlanib borishga qodir. Inson hayot davomida yoki mehnat jarayonida malaka va kasbiy ko‘nikmalarga ega bo‘ladi hamda bular o‘sib boradi. Shuning uchun ham xodimlarning doimiy ravishda

takomillashish va rivojlanishga moyilligi iqtisodiy samaradorlikni oshirishning eng muhim va uzoq davom etadigan manbaidir. Uchinchidan, moddiy va tabiiy resurslardan farqli o‘laroq, inson mehnat jarayoniga ongli ravishda, muayyan maqsadlarni ko‘zlagan holda kirishadi, ularni amalga oshirishda o‘zi ishlayotgan korxona yoki tashkilotdan yordam kutadi. Xodimning, shuningdek, korxona va tashkilotning o‘zaro hamkorlikda ishlashdan qanoat hosil qilishi birdamlikni davom ettirishning muhim sharti hisoblanadi. Inson omili va mehnat resurslarining yuqori sifat ko‘rsatkichlariga ega bo‘lishi hamda takomillashuv natijasida ular kapital ko‘rinishga ega bo‘ladi. B u esa, o‘z navbatida, mamlakat mehnat potentsialining bevosita boyib borishini ta’minlaydi Demak, chizmadan ko‘rinib turganidek, kishining shaxsiy qobiliyatlari (tug‘ma yoki orttirilgan) va uni takomillashtirishga qaratilgan barcha chora-tadbirlar (sog‘liqni saqlash, ta’lim olish, kasb-hunar egallash, axborotlarga ega bo‘lish) natijasida inson omilining kapitallashuvi ro‘y beradi. Mazkur chora-tadbirlar, ya’ni, bunda sarflangan pul mablag‘lari va qiymatliklar moddiy xarajatlarni tashkil etsa, sarf etilgan vaqt, energiya, kuch-quvvat, aqliy mehnat, intilish va harakatlar, o‘qitish-o‘rgatish, sabr- bardosh kabilar nomoddiy xarajatlarni tashkil etadi. Bu holatda xarajatlarning har ikkala ko‘rinishi ham bir xil ustuvorlikka ega bo‘lib, bir-birini to‘ldiradi.(4.6-chizma). chizma. Inson omilining kapitallashuv va potentsiallashuv jarayoni Инсон (шахс) Инсон капитали Меҳнат потенциали Шахсий қобилиятлар, моддий ва номоддий ҳаражатлар Меҳнат лаёқати, сафарбарлик, тажриба ва кўникмалар

Inson kapitalining ahamiyati tabiiy resurslar, moddiy boylik va mablag‘lardan balandroq Chunki inson kapitallarining yig‘indisi mehnat potentsialini tashkil etadi. Ya’ni, mehnat layoqatiga ega bo‘lish, muayyan tajriba va malakaga ega bo‘lish, safarbarlik imkoniyatining vujudga kelishi natijasida inson kapitali potentsial ko‘rinish kasb etadi. Aynan shu sabab u iqtisodiy o‘sish va samaradorlikning asosiy omili hisoblanadi (4.- chizma ). Inson kapitalini shakllantirish iqtisodiyot uchun investitsiya kiritish demakdir. Chunki mazkur kapitalga sarflangan xarajat bir necha yillar davomida yuqori samara beradi. «Inson kapitali» tushunchasi uchun quyidagi xususiyatlar xosdir: chizma. Inson kapitalining shakllanishi jarayoni Миллий иқтисодиёт Инсоннинг ижтимоий-иқтисодий эҳтиёжлари учун зарур шарт-шароитлар Моддий: - табиий неъматлар; - даромад; - озиқ-овқат; - меҳнат шароитлари; - уй-жой шароитлари; - атроф муҳит; - хизматлар; - ижтимоий ҳимоя. Маънавий: - соғлиқни сақлаш; - таълим; - ахборот ресурслари; - маданий ҳордиқ; - жисмоний тарбия ва спорт; - урф-одатлар; - миллий қадритлар.Шахснинг вояга етиши ва ҳар томонлама камол топиши Инсон капиталининг шаклланиши ва ривожланиши

- inson kapitalini shakllantirish shaxs, korxona, jamiyat va davlatdan salmoqli xarajatlar talab etadi; - ko‘nikmalar layoqat sifatida muayyan zaxira hisoblanadi, ya’ni uni jamg‘arish mumkin; - unga kiritiladigan investitsiyalar uning egasiga kelajakda ko‘proq ijtimoiy- iqtisodiy samara va daromad olish imkonini yaratadi; - iqtisodiy qo‘yilmalar kiritish qancha erta boshlansa, u shuncha erta unum bera boshlaydi. Shuningdek, sarmoya qancha salmoqli va davomiy bo‘lsa, u shuncha yuqori va uzoq vaqt naf keltiradi; - uni shakllantirishda «ikki yoqlama ko‘payuvchi samara» o‘z o‘rniga ega. Uning mohiyati shundaki, ta’lim jarayonida o‘rganuvchidan tashqari o‘rgatuvchining ham qobiliyati va mahorati o‘sib boradi. N atijada har ikkisining ham daromadlari oshadi; - unga kiritiladigan qo‘yilmalarning xarakteri va turi tarixiy, milliy, madaniy va an’anaviy xususiyatlar bilan bog‘liq; - uning moddiy kapitaldan farqi shundaki, u o‘z egasi, ya’ni tirik inson shaxsidan ajralmasdir; - shakllanish manbalaridan qat’i nazar, inson kapitalini qo‘llash va bevosita daromadlar olish kishining o‘zi tomonidan nazorat qilinadi; - inson kapitali jismoniy va ruhiy jihatdan emirilib boradi. Uning emirilishi inson organizmi va unga xos psixofiziologik funktsiyalarning tabiiy emirilishi (keksayish), ikkinchidan bilim va tajribalarning ma’naviy emirilishi (eskirish) darajasi bilan aniqlanadi. Inson taraqqiyoti indeksining komponent va indikatorlari Inson kapitaliga kiritiladigan investitsiyalar sog‘liqni saqlash, umumiy va maxsus ma’lumot olish, malaka oshirish, kasbiy tayyorgarlikdan o‘tish, turli axborot va ma’lumotlarga ega bo‘lish, ish qidirish, migratsiya, oila qurish, farzand ko‘rish va uni tarbiyalash bilan bog‘liq xarajatlar ko‘rinishida bo‘lishi mumkin. Ushbu xarajatlardan eng muhimlari salomatlik va ta’lim uchun sarf qilinganlaridir. Salomatlikka, uni saqlashga yo‘naltiriladigan investitsiyalar kasallik va o‘limning oldini olib, kishining

mehnatga layoqatli umrini, inson kapitalining ishlash davrini uzaytiradi. Inson salomatligining ahvoli uning tabiiy kapitali bo‘lib, butun umr davomida asta-sekin" emirilib boradi. Sog‘liqni saqlash bilan bog‘liq investitsiyalar esa mazkur jarayonni yanada sekinlashtiradi. Umumiy va maxsus ta’lim kishidagi bilimlar shaklini yaxshilaydi, inson kapitalining sifat darajasi o‘sishiga xizmat qiladi. Ta’lim tizimiga kiritiladigan investitsiyalar malakali mutaxassislarni etishtirish va yuqori mehnat unumdorligining yuzaga kelishiga sharoit yaratadi, ular esa, o‘z navbatida, iqtisodiy taraqqiyot sur’atining jadallashuviga turtki bo‘ladi. Inson kapitaliga kiritilgan investitsiyalar darajasining quyidagi ko‘rsatkichlarini ajratib ko‘rsatish mumkin: - avanslangan inson kapitali – uning shakllanishi uchun dastlabki investitsiyalar (salomatlik, tarbiya, umumiy va maxsus ta’limga, shuningdek, shaxsning me’yoriy turmush tarzini ta’minlovchi investitsiyalar) yig‘indisini o‘zida mujassamlashtiradi; - qo‘shimcha inson kapitali – uning sifat va miqdor ko‘rsatkichlarini tiklash hamda yaxshilashga xizmat qiluvchi investitsiyalarni o‘z ichiga oladi; - qoldiq inson kapitali – uning tabiiy aylanmasi (oboroti) yakunlangandan so‘ng daromaddan chegirib boriladigan (amortizatsiyalanadigan) investitsiyalar; - iste’mol inson kapitali – xodim hayotining o‘tgan davrida (baholashga qadar) amortizatsiyalangan investitsiyalar; - potentsial inson kapitali – hayot faoliyatining keyingi davrida (baholashdan so‘ng) amortizatsiyalangan investitsiyalar; - foydalanilgan inson kapitali – uning tabiiy aylanmasi mobaynida amortizatsiyalangan investitsiyalar. Avanslangan, qo‘shimcha, iste’mol va potentsial inson kapitallarini baholash va amortizatsiyaning tegishli myo’yorlarini hisoblash turli davrlar hamda xodimlarning turli toifalari uchun amalga oshirilishi lozim. Inson kapitali – iqtisodiy dinamika nuqtai nazaridan, ya’ni ijtimoiy takror ishlab chiqarish kategoriyasi sifatida ifodalanishi lozim bo‘lgan kategoriyadir. Uni takror ishlab chiqarish davriy (tsiklik) shaklga ega bo‘lgan ko‘p bosqichli jarayondir. Bunda

inson kapitali tabiiy, iqtisodiy va innovatsion aylanmani bajaradi. Uning davriy xarakteri quyidagi uchta asosiy ko‘rinishda aks etadi: 1. Tabiiy aylanma, xodimlarni mehnat faoliyati tugashi bilan almashtirish yoki pensiyaga chiqishi natijasida ro‘y beradi. 2. Iqtisodiy aylanma, texnologiya, texnika ishlab chiqarish turining o‘zgarishi bilan bog‘liq bo‘lib, ishchilarni qayta tayyorlash va ular tomonidan yangi kasblarni o‘zlashtirishga olib keladi. 3. Innovatsion aylanma, texnika va texnologiyadagi sifat o‘zgarishlari, mehnatni tashkil etish usullarining takomillashishi bilan bog‘liq bo‘lib, xizmatchilarni kasb-malaka tavsiflari oshishi, sifatning yaxshilanishi, mehnat unumdorligi va ish haqining o‘sishi kuzatiladi. Inson kapitali bir vaqtning o‘zida ham tabiiy, ham iqtisodiy aylanmada bo‘lishi mumkin hamda bu ma’lum moddiy, mehnat va moliyaviy xarajatlarni talab etadi. Individual inson kapitallarining barcha umumiy aylanmalari integratsiyasi va o‘zaro aloqasi inson kapitalining umumiy aylanmasi deb ataladi. Bu esa mamlakat milliy boyliklarining takror ishlab chiqarilishi, o‘sishi, to‘planishi, foydalanish va iste’mol qilinishini jamiyatni va inson hayot faoliyati barcha sohalarining takror ishlab chiqarilishi va rivojlanishini ta’minlaydi. Inson kapitalini shakllantirishni mikro va makro darajalarga ajratish mumkin. Uni mikro darajada shakllantirish alohida individ uchun inson kapitalining o‘ziga xos aktivini yaratish maqsadida inson kapitaliga investitsiyalar hisobiga amalga oshiriladi. Masalan, korxona o‘z xodimining malakasini oshirish, qayta o‘qitish, sog‘lig‘ini tiklash, dam olishini tashkil etish va shu kabilarga sarflagan xarajatlari (investitsiyalari) mikro ko‘rinishga ega bo‘ladi. Mamlakatning barcha yoki ma’lum toifa aholisiga (bolalar, yoshlar, o‘quvchilar, talabalar) yo‘naltirilgan chora-tadbirlar (sog‘liqni saqlash va ta’limning barcha tizimlari) inson omilini shakllantirishning makro darajasi deb yuritiladi. O‘zbekistonda mehnatga qobiliyatli aholining ish bilan bandligini oshirish inson resurslarining miqdor va sifat jihatdan mutanosibligini ta’minlash bilan bevosita bog‘liq jarayondir. Aholini ijtimoiy-demografik o‘rganish shuni ko‘rsatadiki, mehnat

potentsialini iqtisodiyotga to‘liq jalb etish, unumdorlikni oshirish va ish haqi to‘lashni takomillashtirishning barchasi sifat ko‘rsatkichlarga bog‘liq. Biroq, tahlillarning ko‘rsatishicha, O‘zbekistonda milliy iqtisodiyotning ba’zi tarmoqlarida tashkil etilgan yangi ish joylari bilan kadrlar tayyorgarligi, bilimi va malakasi o‘rtasida nomutanosiblik mavjudligi sezilmoqda. Olib borilgan tadqiqotlar natijasidan ma’lum bo‘ladiki, O‘zbekistonda mustaqillikdan oldingi yillarda mehnat potentsiali rivojlanishining faqat mikdor ko‘rsatkichlarigagina e’tibor berib kelingan. Vaholanki, ularning sifat darajalari nafaqat har bir inson, balki butun jamiyat uchun katta ahamiyatga ega.

Xulosalar Mehnat potentsiali – o‘zining aqliy va jismoniy mehnati bilan ijtimoiy ishlab chiqarishda ishtirok etadigan aholining mehnatga layoqatli qismidir. Inson kapitali turli shart-sharoitlar va omillar ta’siida miqdor va sifat shakllanishi xususitlariga ega. Mehnat potentsialidan foydalanish, ularni iqtisodiyot tarmoqlaridagi taqsimlanishi va samaradorligini xarakterlaydi. Inson taraqqiyoti darajasini mehnat unumdorligi, aholini ish bilan bandligi, aholi jon boshiga yalpi ichki mahsulot ishlab chiqarish kabi ko‘rsatkichlarni ifodalaydi.

Adabiyotlar ro‘yxati 1. O‘ zbekiston Respublikasi K onstitutsiyasi. T., " O‘ zbekist o n 2009 y. 2. O‘zbekiston Respublikasi Prezidenti Islom Karimovning O‘zbekiston Respublikasi Oliy Majlisi Qonunchilik palatasi va Senatining 2010 yil 27 yanvarda bo‘lib o‘tgan qo‘shma majlisidagi «Mamlakatimizni modernizatsiya qilish va kuchli fuqarolik jamiyati barpo etish – ustuvor maqsadimizdir» hamda 20 11 yilning asosiy yakunlari va 201 2 yilda O‘zbekistonni ijtimoiy-iqtisodiy rivojlantirishning eng muhim ustuvor yo‘nalishlariga bag‘ishlangan Vazirlar Mahkamasining 201 2 yil 2 6 yanvarda bo‘lib o‘tgan majlisidagi « 2012yil Vatanimiz taraqqiyotini yangi bosqichga ko’taradigan yil bo’ladi » nomli ma’ruza. T, “O‘zbekiston” 201 2 y 3. O‘zbekiston Respublikasi Prezidenti Islom Karimovning O‘zbekiston Respublikasi Oliy Majlisi Qonunchilik palatasi va Senatining 2010 yil 27 yanvarda bo‘lib o‘tgan qo‘shma majlisidagi «Mamlakatimizni modernizatsiya qilish va kuchli fuqarolik jamiyati barpo etish – ustuvor maqsadimizdir» hamda 2009 yilning asosiy yakunlari va 2010 yilda 4. O‘zbekistonni ijtimoiy-iqtisodiy rivojlantirishning eng muhim ustuvor yo‘nalishlariga bag‘ishlangan Vazirlar Mahkamasining 2010 yil 29 yanvarda bo‘lib o‘tgan majlisidagi «Asosiy vazifamiz – Vatanimiz taraqqiyoti va xalqimiz farovonligini yanada yuksaltirishdir» nomli ma’ruza. T, “O‘zbekiston” 2010 y 5.O‘zbekiston Respublikasi Prezidenti Islom Karimovning “Jaxon moliyaviy- iqtisodiy inqirozi, O‘zbekiston sharoitida uni bartaraf etishni yo‘llari va choralari” nomli asarini o‘rganish bo‘yicha o‘quv qo‘llanma. T, “Iqtisodiyot” 2009 y. 6. O‘zbekiston Respublikasi Prezidentining Qarori. «Barkamol avlod yili» Davlat dasturi to‘g‘risida. 2010 yil 27 yanvar. 7. O‘zbekiston Respublikasi Prezidentining Qarori. Ishlab chiqarish va ijtimoiy infratuzilmani yanada rivojlantirish yuzasidan qo‘shimcha chora-tadbirlar to‘g‘risida. 2009 yil 20 yanvar, PQ-1041-son.

8. O‘zbekiston Respublikasi Prezidentining Farmoni. Iqtisodiyotning real sektori korxonalarini qo‘llab-quvvatlash, ularni barqaror ishlashini ta’minlash va eksport salohiyatini oshirish chora-tadbirlari dasturi to‘g‘risida. 2008 yil 28 noyabr, PF- 4058-son. 9. O‘zbekiston Respublikasi Prezidentining Farmoni. Iqtisodiyot real sektori korxonalarining moliyaviy barqarorligini yanada oshirish chora-tadbirlari to‘g‘risida. 2008 yil 18 noyabr, PF-4053- son. 10. Karimov I.A. Eng asosiy mezon – hayot haqiqatini aks ettirish. – T.: O‘zbekiston, 2009. – 24 b. 11. Abdurahmonov Q.X., Xolmo‘minov Sh.R., Zokirova N.Q.. Personalni boshqarish. Oliy o‘quv yurti studentlari uchun darslik – T.: “O‘qituvchi” NMIU, 2008 y. .- 656 b. 12. ErgashevF., Raximova D., Sagdullaev A., Parpiev O., Zaynutdinov Sh. Innovatsion menejment. Darslik.T.: «Akademiya», 2005y

O'xshashlar

Biznes va tadbirkorlik kapitali

Tijоrat banklarining resurslari va bank kapitali

Korxona xususiy kapitali auditi

O`zlik kapitali hisobi

Tadbirkorlik faoliyati. tadbirkorlik kapitali va uning aylanishi