Давлат иш билан бандлик хизмати фаолиятининг асосий йўналишлари - Iqtisodiyot - Referatlar

Давлат иш билан бандлик хизмати фаолиятининг асосий йўналишлари

Yuklangan vaqt:

16.03.2024

Ko'chirishlar soni:

0

Hajmi:

100.5 KB

Ko'chirib olish

Давлат иш билан бандлик хизмати фаолиятининг асосий йўналишлари Режа : 1. Давлат иш билан бандлик сиёсати - ижтимоий-иқтисодий сиёсатининг таркибий қисми сифатида 2. Давлат иш билан бандлик хизматининг самарали ва истиқболли иш билан бандлик дастури 3. Аҳолининг иш билан бандлигига кўмаклашиш ва ишсиз фуқароларни ижтимоий қўллаб қувватлаш 4. Иш билан банд бўлмаган аҳоли ва ишсизларни касбий ҳаракатчанлиги (мобиллиги) ва рақобатбардошлигини ошириш

Давлат иш билан бандлик сиёсати - ижтимоий-иқтисодий сиёсатининг таркибий қисми сифатида Давлат иш билан бандлик сиёсати мамлакат ривожланиши ижтимоий- иқтисодий сиёсатининг таркибий қисми сифатида меҳнат потенциалидан самарали фойдаланиш ва унинг ривожланиши бўйича иш билан бандлик муаммоларини ечишга йўналтирилган иқтисодиётнинг ўтиш даврига мувофиқ, иш билан бандлик сиёсати иш кучини тармоқлар ва иш билан бандлик кўриниши бўйича қайта тақсимлашда ижтимоий жиҳатдан мувофиқ иш билан бандлик даражасини таъминлашга йўналтирилиши зарур. Шундай экан, меҳнат бозорини тартибга солиш сиёсати қуйидаги мақсадларга эришишни назарда тутади: - ишчи кучига талаб ва таклиф ўртасида мувозанатга эришиш; - ишсизларни меҳнатга йўналтиришни рағбатлантириш; - иш билан банд бўлмаган фуқароларнинг иш излашда касбий ҳаракатчанлигини ошириш; - иш излаётган ҳар бир кишини иш билан таъминламоқ. Давлат иш билан бандлик сиёсати доирасида иш билан бандликка кўмаклашиш икки йўналишда, пассив ва фаол иш билан бандлик сиёсати кўринишларида амалга оширилади. Иш билан бандликнинг пассив сиёсати давлат иш билан бандлик хизмати орқали ишсизларга нафақалар тўлаш, ишсизларни касбларга қайта ўқитиш ва жамоат ишларини ташкил этиш каби фаолиятларни ўз ичига олади. Иш билан бандлик сиёсатининг бу варианти давлатнинг амалга оширадиган жорий харажатлари нуқтаи-назаридан бир мунча тежамлидир. Бироқ, иш билан бандликнинг пассив сиёсати иқтисодиётнинг юксалиши даврида меҳнат бозорининг юқори эгилувчанлиги ва ишчи кучининг касбий ҳаракатчанлиги, иқтисодиётнинг истиқболли мустақил иш излаш учун бир мунча кенг шарт- шароитлари мавжуд бўлгандагина ўзини оқлаши мумкин. Қолган ҳолатларда пассив сиёсат ишсизлик узоқ муддат давом этишини қисқартириш, иш билан банд

бўлмаган аҳолини иш билан бандлигини рағбатлантиришни кучайтириш омили бўлиб ҳисобланади. Давлат иш билан бандлик сиёсатини анча самарали ва мақбул йўналиши - фаол иш билан бандлик сиёсати бўлиб, ишчи кучига талабни ошириш мақсадида давлат иш билан бандлик жамғармаси маблағлари ҳисобига иш жойларини яратиш, корхоналарга қўшимча иш жойларини яратиш мақсадида кредитлар бериш йўли билан иқтисодий барқарорликни таъминлашдан иборат. Ишчи кучига талабнинг тақчиллиги шароитида меҳнат бозори ҳолатининг таҳлили шуни кўрсатдики, иш билан бандлик хизмати фуқароларни аниқ ишларга тайёрлаши зарур. Шундай экан, давлат иш билан бандлик хизматининг Дастури меҳнат бозорида фаол иш билан бандлик сиёсати доираларини қамраб олиши зарур. Ҳудудий даражада бу ҳудудий иш билан бандлик Дастури сифатида ифодаланади. Давлат иш билан бандлик хизматининг самарали ва истиқболли иш билан бандлик дастурининг асосий йўналишлари Меҳнат бозорида ҳар томонлама самарали ва истиқболли иш билан бандлик Дастурини тузиш мақсадида унинг ҳар бир бўлими учун кўрсатилиши зарур бўлган давлат иш билан бандлик хизмати фаолиятининг асосий йўналишларини ишлаб чиқиш ва улар қуйидагилардан иборат бўлиши зарур: 1. Аҳолининг иш билан бандлигига кўмаклашиш ва ишсиз фуқароларни ижтимоий қўллаб қувватлаш. а. Фуқароларни ишга жойлаштиришга кўмаклашиш. б. Ижтимоий ҳимояга муҳтож бўлганларни ижтимоий жиҳатдан қўллаб - қувватлаш. в. Ишсизларни ижтимоий жиҳатдан қўллаб - қувватлаш. 2. Иш берувчилар билан ҳамкорликни кенгайтириш. а. Вилоятда иш кучига бўлган талабни таъминлашда иш берувчиларга кўмаклашиш ва ҳудудлараро иш кучини қайта тақсимлаш.

б. Жамоат ишларини ташкил этиш. в. Ишсизларнинг тадбиркорлик ташаббусини рағбатлантириш ва кўмаклашиш. 3. Иш билан банд бўлмаган аҳоли ва ишсизларни касбий ҳаракатчанлиги (мобиллиги) ва рақобатбордошлигини ошириш. а. Фуқароларни касбга ўқитишни ташкил этиш. б. Иш билан бандлик хизматига мурожаат қилувчиларни касбий йўналишларини аниқлаш ва психологик қўллаб-қувватлаш тизимини ривожлантириш. 4. Давлат иш билан бандлик хизмати ривожланиши. Аҳолининг иш билан бандлигига кўмаклашиш ва ишсиз фуқароларни ижтимоий қўллаб қувватлаш Давлат иш билан бандлик хизмати органлари фаолиятлари бўйича 1 келтирилган йўналишларининг таҳлилий натижалари қуйидагиларда ўз ифодасини топган. А. «Фуқароларни ишга жойлаштиришга кўмаклашиш» пункти бўйича. Иқтисодиётнинг юксалиш даврида иш билан бандлик хизмати нафақат янги турдаги фаолиятларга ишчи кучини жойлаштириш, балки меҳнат ресурсларидан максимал даражада фойдаланиш, ишсизларни қайта ўқитишни турли дастурларини ишлаб чиқиш, зарур малакага эга ишчиларни танлаб олиш усуллари ва ишчи кучига талабни ошириш имкониятлари ҳамда шарт-шароитларига эга бўлади. Иқтисодиётнинг таназзули даврида, иш билан бандлик хизмати органлари меҳнат бозорининг канъюктурасидан келиб чиққан ҳолда аҳолининг иш билан бандлиги муаммоларининг ечими тўғрисида мақбул таклифларни бериши мумкин. Меҳнат бозорини таҳлил қилишда иш билан бандликка кўмаклашиш доирасидаги йўналишлар муҳим аҳамиятга эга бўлиб, нафақат иш билан бандлик хизматининг самарали фаолиятини баҳолаш, иш билан бандлик сиёсати йўналишларини ишлаб чиқиш, балки иш билан бандлик муаммолари бўйича янги ечимларни таклиф қилиш имкониятлари юзага келади.

Ишга жойлаштиришда бўш иш ўринлари ярмаркаларининг ўтказилиши самарали усуллардан бири ҳисобланади. Ишсизларни ишга жойлаштиришнинг яна самарали усулларидан бири булар бир тармоққа тегишли корхоналар ва ташкилотлар маъсул ходимлари билан иш берувчиларнинг талабларига мувофиқ касбий малака ва мутахассисликка эга бўлган ишсиз фуқаролар ўртасида, давлат иш билан бандлик хизмати воситачилиги асосида, ходимларни танлаш бўйича ўтказиладиган тўғридан- тўғри мулоқотлар усули ҳисобланади. Ривожланган мамлакатлар тажрибасидан келиб чиққан ҳолда, бизнинг фикримизча, юқоридаги ишга жойлаштиришнинг тўғридан-тўғри ўтказиладиган мулоқотлар усули аҳолини иш билан бандлигига кўмаклашишнинг муҳим воситаси бўлиб ҳисобланади. Бўш иш жойлари бўйича ўтказиладиган ярмаркадан фарқли равишда, ишга жойлаштиришнинг тўғридан-тўғри ўтказиладиган мулоқотлар усули ходимларни танлашда ишчи кучининг бир мунча касбий ҳаракатчан эканлиги ҳамда қисқа босқичда касбий тайёргарликдан ўтиши билан ажралиб туради. Иш берувчиларнинг хоҳиш ва истакларига биноан мулоқат ўтказиш жойи ва вақти белгиланади, номзодларга талаблар олдиндан тушунтирилади, масалан, маълумоти, иш тажрибаси, касбий малакаси, транспорт воситаларига эгалиги ва бошқалар. Шунингдек, иш билан бандлик хизмати органларига мурожаат қилиб келган фуқароларни ишга жойлаштиришга кўмаклашиш бўйича бирдан-бир самарали ахборот шакли бўлиб, аҳолига экспресс-хизматлар марказларини яратилишидир. Самарқанд вилоятида 2009 йилда аҳолини ишга жойлаштириш бўйича ўтказилган мониторинг тадқиқотлари шуни кўрсатдики, иш изловчи фуқароларнинг 75 %и иш билан бандлик хизмати органларига иш сўраб мурожаат қилишга тайёр, агарда иш билан бандлик хизматида ўзларига мос бўш иш ўринлари тўғрисида тўлиқ ахборотга эга бўлиш учун шарт-шароитлар мавжуд бўлса. Жойлардаги бандликка кўмаклашиш марказларининг юқоридаги масалалар бўйича хизматларидан экспресс хизмати марказларининг фарқи шундаки, иш

сўраб мурожаат қилувчи фуқароларга тез хизматлар кўрсатилади, шунингдек фуқароларнинг ўз-ўзига хизмат кўрсатишлари амалга оширилади. Ишга жойлашиш масалалари бўйича барча асосий ахборотлар очиқ, ҳаммабоп кўргазмали тахталар ёки махсус автоматлашган қурилмалар орқали ҳар бир киши бўш иш ўринлари ҳақида барча ахборотларни кетма-кет махсус автоматлар тугмачаларини босиш натижасида маълумотларга эга бўлишлари мумкин. Тажриба шуни кўрсатадики, экспресс-хизмат марказларининг ташкил этилиши фуқароларни ишга жойлашиши ва касбий таълим олиши бўйича мустақил иш излашнинг ривожланишига эришилади. Давлат иш билан бандлик хизмати қошида экспресс - хизмат марказларининг яратилиши ташкилий-иқтисодий жиҳатдан самарали ҳисобланади. Бундай марказларнинг ташкил этилиши давлат иш билан бандлик хизмати органларининг иш сўраб мурожаат қилувчи фуқаролар билан иш билан бандлик масалалари бўйича мулоқат доираси кенгаяди. Бу эса, фуқароларнинг жойлардаги меҳнат бўлимларига кетма-кет равишда, ишсиз сифатида қайд қилдириш учун ташрифлари камаяди. Б) «Ижтимоий ҳимояга муҳтож бўлганларни ижтимоий жиҳатдан қўллаб-қувватлаш» пункти бўйича давлат иш билан бандлик хизматининг ёшлар ва ногиронлар билан иш билан бандлик доирасида олиб бориладиган ишларини кўрсатиб ўтишимиз мумкин. Б.1. Ёшларни иш билан бандлигига кўмаклашиш. Республикамиз меҳнат бўлимларига мурожаат қилган аҳолининг асосий тоифаси ёш фуқаролар - ўқув билим юртлари битирувчилари (38%-40%) ва иш жойини ўзгартираётганлардир (45%-48%). Ҳозирги кунда, вилоятда турли йўналишлардаги ўқув юртларининг иш билан бандлик муаммолари кучаймоқда. Бундай, ҳолат яқин 3-5 йил ичида ҳам сақланиб қолиш эҳтимоли мавжуд. Давлат иш билан бандлик хизмати органлари у ёки бу мутахассисликлар бўйича меҳнат бозоридаги талабни илмий асослаш мақсадида меҳнат бозори мониторингини ўтказиши зарур. Меҳнат бозори мониторинги ўтказилиши ўқув юртларини битирувчиларни ишсиз бўлиб қолишининг олдини

олиш бўйича илмий асосланган хулосалар ишлаб чиқиш имкониятини юзага келтиради. Чунки ўқув юртларини битирувчилар эртага ишсиз бўлиб юрсалар, уларни ўқитиш учун кетган харажатларни молиялаштириш самарасиз бўлиб чиқади. Шу билан бирга, хусусан, олий ўқув юртларининг олий маълумотга эга битирувчиларини ишга жойлаштириш масаласи ҳам долзарбдир. Кўп функцияли тизим сифатида, талабаларга уларнинг касбий шаклланиши ва меҳнат бозорида рақобатбардошлигини ошириш мақсадида олий ўқув юртлари қошида битирувчиларни ишга жойлаштиришга кўмаклашиш бўйича жамғарма ташкил этилиши керак. Бу жамғарманинг битирувчиларни иш билан таъминлашга кўмаклашиш бўйича фаолияти ҳокимият органлари ва иш билан бандлик хизматлари билан мувофиқликда амалга оширилиши ҳамда давлат иш билан бандлик хизмати органлари амалдаги қонунчилик базаси асосида, касбий-таълим хизматларини меҳнат бозорида тартибга солиш бўйича комплекс тадбирлар ишлаб чиқиш зарур. Бизнингча, бу тадбирлар қуйидагилардан иборат: касбий таркибнинг йиллик таҳлили, битирувчи ишсизлар сони ва уларни ишга жойлаштириш мониторингини ўтказиш; ёш мутахассислар учун бўш иш ўринлари тузилмаси ҳақида маълмотлар банкини шакллантириш; битирувчиларни иш билан таъминлаш мақсадида иш берувчилар билан алоқадорликни ташкил этиш; вилоят ҳокимият органлари билан ўқув юртлари раҳбарияти ва битирувчиларни ишга жойлаштириш бўйича ўқув юртлари жамғармалари билан алоқаларини ташкил этиш; олий маълумотли мутахассисларга вилоят иқтисодиёт тармоқларидаги талабни истиқболлаштириш; олий ўқув юртларига қабул қилинаётган талабаларга меҳнат бозоридаги талабни ўрганиш; янги очилган мутахассисликларга хулоса бериш. Б.2. Ногиронларни иш билан бандлигига кўмаклашиш. Вилоят давлат иш билан бандлик хизмати ва унинг жойлардаги меҳнат бўлимлари томонидан ногиронларни иш билан бандлигига кўмаклашиш бўйича комплекс тадбирлар ишлаб чиқилган ва амал қилмоқда.

Ҳозирда вилоятда ногиронларни ишга жойлаштиришга кўмаклашиш мақсадида, давлат иш билан бандлик хизмати хокимият органлари билан биргаликда, корхона ва ташкилотларга ногиронлар учун қўшимча иш ўринларини яратиш учун рағбатлантирувчи омиллар таъсири остида фаол тадбирларни амалга оширмоқдалар. Буни ногиронлар учун яратилаётган квота иш ўринларини йиллар давомида ўсиш тенденциясини аниқлаш орқали кўзатишимиз мумкин. Иш билан банд бўлмаган аҳоли ва ишсизларни касбий ҳаракатчанлиги (мобиллиги) ва рақобатбардошлигини ошириш «Иш билан банд бўлмаган аҳоли ва ишсизларни касбий ҳаракатчанлиги (мобиллиги) ва рақобатбардошлигини ошириш» , пункти бўйича. А). Фуқароларни касбга тайёрлашни ташкил этиш. Ҳозирги кунда ишчи кучи шаклида ва юқори малакали кадрларга талабнинг ўсиб бориши ўртасидаги номутаносиблик муҳим муаммолардан биридир. Шунинг учун муаммони ҳал этишнинг долзарб йўналиши бўлиб, касбга тайёрлаш ва қайта тайёрлаш тизими орқали ишчи кучининг сифат кўрсаткичларини ошириш ҳисобланади. Маълумки, ишсизлар армияси катта қисмини давлат томонидан нафақа билан таъминлаш, уларни касбга тайёрлаш ва қайта тайёрлашни молиялаштиришга нисбатан қимматга тушади. Бундай йўналишдаги фаолият равшанки самаралидир. Масалан, Самарқанд вилоятида 2009 йилда қайта ўқитишга юборилган ишсизларнинг 90% и таълим муддати тугагандан сўнг ишга жойлаштирилди. Ишсизларни касбга тайёрлаш ва қайта тайёрлашда, ўқув жараёнида замонавий ўқув технологиялари ва усулларини таълим дастурига киритиш ва фойдаланиш, келажакда уларнинг меҳнат бозорида рақобатбардошлигини оширади. Ишсизларни касбга тайёрлаш ва қайта тайёрлаш тизимида янги йўналиш бўлиб, иш берувчиларнинг талабларига мувофиқ мақсадли ўқитиш ва конкрет иш ўринлари бўйича алоҳида касбларга ўқитиш ҳисобланади. Бунда корхоналарга

керакли мутахассисларни тайёрлашда касбга ўқитиш хизмати олдида буюртмачи сифатида чиқадилар. Шунингдек, буюртмачи корхоналар ўзларининг ишчи- ходимлари учун ўқув дастурлари тайёрлаш, қайта тайёрлаш курсларини ўтиш, мақсадли ўқитишни ташкил этиш, малака ошириш мақсадларида буюртмалар беришлари мумкин. Иш билан бандлик хизматида қайта ўқитиш тизими ривожланишининг мақсади уч томонлама мувоффақиятли натижаларга эришишни таъминламоғи керак, яъни: - ишсизлар учун - меҳнат бозорида малакасини ошириш, қайта тайёргарликдан ўтиш орқали ўзининг рақобатбардошлигини таъминлаш; - иш берувчилар учун - бир мунча мос келадиган, касбий тайёргарликка эга ишсизлар заҳирасидан мустақил равишда танлаш имкониятининг кенгайиши; - иш билан бандлик хизмати учун - қайта тайёргарликдан ўтган ишсизлар ва уларни ёлловчи иш берувчилар ўртасида меҳнат шартномаларини тузиш бўйича мақбул натижаларга эришиш, бўш иш жойларини малакали кадрлар билан тўлдириш, иш жойига қабул қилинган ишчиларни узоқ муддатга мустаҳкамлигини таъминлаш, ишсизлик даражасининг камайиши, ишсизликни давомийлигининг қисқариши, иш жойларини банд қилиш даражасининг ошишига эришишни таъминлашдан иборат. Кўп йиллик тажриба шуни кўрсатдики, иш билан таъминлашнинг фаол тадбирларига қилинадиган харажатлар натижасида ишсизлар миқдори қисқариши ҳисобига ижтимоий тўловларга қилинадиган харажатларни мутаносиб равишда камайтирди. Шунинг учун ишга жойлаштиришни такомиллаштиришга (ахборот хизматлари, компьютерлаштириш, жиҳозлар ва асбоб-ускуналарга) сарфланиши ишга жойлаштириш жараёнини жадаллаштириш ва ишсизликни қисқартиришни таъминлайди. Касбга ўқитишга қилинган харажатларни қоплаш шуни кўрсатдики, касбий тайёргарликдан ўтгандан кейин ишга жойлашганлар ҳиссаси касбий тайёргарликсиз ишга жойлашганларга нисбатан 1,9 марта ўсган,

мавсумий жамоат ишларига йўналтириш ҳар бир ишсизга қилинадиган харажатларни 3- 5% га қисқартиради. Иш билан бандликнинг фаол тадбирларига қилинадиган харажатлар шуни кўрсатадики, ҳар бир сўм қилинадиган сарфларнинг қайтими 1,1-1,2 сўм самара беради 1 , шундай суммага ишсизларга ижтимоий туловлар учун қилинадиган харажатларни камайишига олиб келади. Б). Иш билан бандлик хизматига мурожаат қилувчиларни касбий йўналишларини аниқлаш ва психологик қўллаб-қувватлаш тизимини ривожлантириш. Аҳолини иш билан бандлигини таъминлашда бу йўналиш бўйича қуйидаги тадбирларни амалга ошириш зарур: давлат иш билан бандлик хизмати таркибида ходимларни касбга йўналтириш ва психологик қўллаб- қувватлаш бўлимларини ташкил этиш; касбга йўналтиришни психологик жиҳатдан қўллаб-қувватлаш бўйича илмий асосланган дастурларни ишлаб чиқиш; бу йўналиш бўйича етук мутахассислар ва психологларни жалб этиш; ишсизларни касбга йўналтириш бўйича психологлар маслаҳатини бериш ва бошқалар. Меҳнат бозори оқилона шаклланишини асосий ва ҳал қилувчи шарти- меҳнат ресурслари билан иш жойлари ўртасидаги ўзаро мутаносибликни таъминлашдир. Мамлакатимизда меҳнатга лаёқатли аҳолини иш билан таъминлаш қанча долзарблигини тўла тасаввур қилиш учун демографик вазиятга бир назар ташлайлик. Бизда аҳолининг табиий ўсиши кейинги йилларда бир оз секинлашганига қарамасдан, ҳамдўстлик мамлакатлари орасида энг юқорилигича сақланиб турибди. Кейинги йилларда, республикамизда аҳолининг ўсиши ўртача 1,5% ни ташкил этмоқда. Бу эса, меҳнат ресурсларини мутаносиб равишда ўсишига олиб келмоқда. Ўзбекистонда яширин ишсизлик мавжуд бўлиб, унинг кўламлари расмий қайд этилаётган ишсизлик даражасини анча сезиларли ортда қолдирмоқда, шунинг учун ишсизликнинг реал даражаси меҳнат бўлимларида қайд этилаётгандан юқори бўлмоқда.

Иш билан бандлик хизматини иш билан бандлик соҳасидаги асосий йўналишлари бўйича фаолияти ҳолатининг натижалари шуни кўрсатадики, меҳнат бозорини тартибга солишда фаол иш билан бандлик сиёсати қуйидаги масалаларни ҳал этишга қаратилмоғи зарур: 1. Бозор иқтисодиёти талабаларига мувофиқ ишчи кучи сифатини оширишда иш билан банд бўлмаган аҳоли ва ишсиз фуқароларни касбга тайёрлаш ва қайта тайёрлаш тизимини ривожлантириш; 2. Ишчи кучини касбга йўналтириш ва психологик қўллаб-қувватлаш тизимини ривожлантириш; 3. Ижтимоий ҳимояга муҳтож бўлган фуқароларни (ногиронларни, болалик аёлларни, бошқа жойдан кучиб келганларни, ёшларни ва бошқалар) ишга жойлаштиришга кўмаклашиш, шунингдек жамоат ишларини ривожлантириш ва ёшларни ишга жойлаштириш бўйича мақсадли дастурларни ишлаб чиқиш; 4. Янги иш ўринларини яратиш, кичик бизнесни қўллаб-қуватлаш ва иш билан банд бўлмаган аҳолини тадбиркорлик фаолиятини рағбатлантириш; 5. Ишдан озод этилган ишчиларни ишга жойлаштириш ва қайта тайёргарликдан ўтиши бўйича дастурларни ишлаб чиқиш; 6. Аҳолини иш билан бандлигига кўмаклашиш бўйича ахборот хизмати кўламини кенгайтириш; 7. Меҳнат бозорида мониторинг тадқиқотларини ўтказиш; 8. Иш берувчиларнинг талабаларига йўналтирилган ҳолда бошланғич, ўрта ва олий таълим тизимларини такомиллаштириш; 9. Иш берувчилар учун маслаҳат хизматлари ташкил этиш; 10. Ишчи кучини таклифини иш берувчилар талабига мувофиқлаштириш; 11. Ишсизликнинг давомийлигини камайтириш; 12. Иш билан бандлик соҳасида ижтимоий ҳамкорлик механизмини ривожлантириш.

Хулоса : Давлат иш билан бандлик сиёсати мамлакат ривожланиши ижтимоий- иқтисодий сиёсатининг таркибий қисми сифатида меҳнат потенциалидан самарали фойдаланиш ва унинг ривожланиши бўйича иш билан бандлик муаммоларини ечишга йўналтирилган иқтисодиётнинг ўтиш даврига мувофиқ, иш билан бандлик сиёсати иш кучини тармоқлар ва иш билан бандлик кўриниши бўйича қайта тақсимлашда ижтимоий жиҳатдан мувофиқ иш билан бандлик даражасини таъминлашга йўналтирилиши зарур. Давлат иш билан бандлик сиёсати доирасида иш билан бандликка кўмаклашиш икки йўналишда, пассив ва фаол иш билан бандлик сиёсати кўринишларида амалга оширилади. Меҳнат бозорида ҳар томонлама самарали ва истиқболли иш билан бандлик Дастурини тузиш мақсадида унинг ҳар бир бўлими учун кўрсатилиши зарур бўлган давлат иш билан бандлик хизмати фаолиятининг асосий йўналишларини ишлаб чиқиш зарур. Иқтисодиётнинг юксалиш даврида иш билан бандлик хизмати нафақат янги турдаги фаолиятларга ишчи кучини жойлаштириш, балки меҳнат ресурсларидан максимал даражада фойдаланиш, ишсизларни қайта ўқитишни турли дастурларини ишлаб чиқиш, зарур малакага эга ишчиларни танлаб олиш усуллари ва ишчи кучига талабни ошириш имкониятлари ҳамда шарт- шароитларига эга бўлади. Иқтисодиётнинг таназзули даврида, иш билан бандлик хизмати органлари меҳнат бозорининг канъюктурасидан келиб чиққан ҳолда аҳолининг иш билан бандлиги муаммоларининг ечими тўғрисида мақбул таклифларни бериши мумкин.

Адабиётлар : 1. Абдураҳмонов Қ.Х. Холмўминов Ш.Р. Меҳнат иқтисодиёти ва социологияси (ўқув қўлланма). -Т.: “Ўзбекистон ёзувчилар уюшмаси Адабиёт жамғармаси нашриёти”, 2004. 2. Абдураҳмонов Қ.Х. Меҳнат иқтисодиёти (дарслик). -Т.: “Меҳнат”, 2009. 3. Абдураҳмонов Қ.Х., Мамарасулов Ф.У Аҳолининг иш билан бандлигини инфраструктураси.Т.: “ТДИУ”, 2000. 4. Абдураҳмонов Қ.Х. ва бошқалар. Мехнат иктисодиёти ва социологияси. - Т.: “Ўқитувчи”, 2001. 5. Абдураҳмонов Қ.Х. ва бошқалар. Ходимларни бошқариш (дарслик). -Т.: Ўзбекистон ёзувчилар уюшмаси Адабиёт жамғармаси нашриёти. 2004. 6. Барр Н. Рынок труда и социальная политика в Центральной и Восточной Европе. -М.: 1997. 7. Варфоломеева О.А. Становление инфраструктурў рўнка труда в переходной экономике. - СПб., Издательство СПбУЭФ. 2001.

O'xshashlar

Нодавлат иш билан бандлик хизмати ривожланишининг асосий йўналишлари

Давлат иш билан бандлик хизмати фаолиятининг самарадорлигини баҳолаш усуллари

Меҳнат бозори, иш билан бандлик, ишсизлик

Иш билан бандликка кўмаклашиш марказлари хизмати

Ўзбекистонда туризм соҳасидаги давлат сиёсатининг асосий йўналишлари