Линия кабел алоқа иншоатларининг қурилиш монтаж ишлари - Informatika va AT - Referatlar

Линия кабел алоқа иншоатларининг қурилиш монтаж ишлари

Yuklangan vaqt:

20.09.2019

Ko'chirishlar soni:

0

Hajmi:

58 KB

Ko'chirib olish

Линия кабел ало қ а иншоатларининг қ урилиш мо нтаж ишлари Режа: 1. Тайёргарлик ва назоратловчи ишлар 2. Линия-кабел иншоатларини қурилиш ишларида механизациянинг қўлланилиши 3. Қурилиш жараёнида бажариладиган элеатр ўлчов ишлари

Тайёргарлик ва назоратловчи ишлар. Линия иншоатларининг қурилиш ишларига таёргарлик-қидирув ишлари асосидаги лойиҳа корхонаси томонидан олиб борилган ҳужжатларни ўрганишдан бошланади, бундай хужжатлар қидирув ишлари асосидаги ҳужжатлардан иборат. Техник – ишчи лойиха таркибига қуйидагилар киради: - трасса танлови, ётқизилувчи кабел тури, автомобил темир йўл ва дарёлардан кесишув усуллари, кабелларнинг монтажи бўйича бино ёки иншооат ичига киритилувчи ускуналар, кабелларни коррозиядан, яшин уришидан, электромагнит таъсирлардан ҳимоялаш усуллари кабелларни ўзгармас ҳаво босим остига қўйиш каби ишларни ташкил этиш ва уларни олиб бориш ҳамда механизация ишларининг хажми каби масалалар билан боғлиқ бўлган техник ечимлар хақида ёзма маълумотлар келтирилган бўлиши керак: - иш ҳажми қурилиши учун ва керак бўладиган материаллар қайдномаси; - сметалар; - маълум бир масштабда ва кўринишда бажарилган ишчи чизмалар. Ишчи чизмаларда ёки унга таълуқли бўлган иловалар иш таркиби билан қизиқтирувчи ташкилотлар билан келишилган ва ишлаб чиқарилган техник лойиха ечимлари кўринишда бўлиши керак. Лойиха хужжатларини қурилиш ишлари бошлангунга қадар бу ишларни ўрганаётган административ-техник шахслар қурилиш ишлари олиб борилувчи жойнинг ўзини мукаммал равишда ўрганиб чиқадилар. Бундай ўзгариш жараёнида асосий эътибор участканинг мураккаб жойларига қаратилади,булар: темир йўл, трамвай йўллари ва автомобил йўллари билан ва бошқа иншоат қувурлар билан кесишган жойга, кабелларни кўприклар бўйлаб, метро тонелларида ётқизиш жараёнига қаратилиш лозим. Қурилиш райони билан танишувда иш олиб борувчи ва иш юритувчиларни жойлаштириш учун керак бўладиган участкалар, идоралар, омборхоналар,

транспорт сақлаш жойларини танлаш билан бирга ишчи ҳамда инженер- техник ходимларни истиқомат қилиш учун жойлар танланади. Олиб борилган текширув ва танишув ишларидан сўнгра лозим бўлган техник- ташкилий тадбирлар асосида қурилиш қатнашчиларини нормал ҳолатда ишлаши комплекс чоралар аниқланади. Ўрганиб чиқилган лойиҳа хужжатлари ва қуриш районини ўрганиб чиқиш асосида қурилиш ишларини олиб бориш лойиҳаси яратилди. Бу хужжат учун бутун қурилиш-монтаж ишлари даврида линия ишчилари учун асосий ва рахбарий хужжат бўлиб ҳисобланади. Қурилиш ишларини олиб бориш лойиҳаси ўз таркибига қуйидагиларни олади: - ёзма кўринишда тармоқ ёки календар график; - материал-техника билан таъминлаш режа-графиги; - қурилиш учун машина ва механизацияларни лозимлиги ҳақидаги ва уларнинг қўлланилиш графиги; - лозим бўлган ишчи кадрлар ҳақидаги график маълумоти; - бажариладиган иш сифатини назоратлаш бўйича ечимлар; - янги усуллар билан бажарилувчи мураккаб ишлар ва бу ишларни бажариш учун технологик карталар; - техника хавфсизлиги ва мехнатни муҳофаза қилиш ҳамда ёнғин хавфсизлиги бўйича чора тадбирлар режаси; Бажариладиган ишни ўз вақтида ва сифатли бажариш учун асосий шартлардан бири материал техник томонидан таъминлаш бўлиб, асосий эътибор қурилиш-монтаж ишларини бажаришда ўз вақтида лозим бўлган материалларни таъминлашдан иборатдир. Қурилиш-монтаж ишларини бажариш учун лозим бўлган материаллар ишчи чизмалар ва сметалар бўйича аниқланса, етказиб бериш муддати эса бажариладиган иш ҳажми бўйича, ишлаб чиқариш режаси ва тармоқ графиклари бўйича аниқланади. Бу хужжатлар таркибига шунингдек лойиҳада кўрсатилмаган материаллар, мисол учун ёқилғи ва мойловчи материаллар, ўлчов приборлари учун ток

манбалари, машина ва механизмлар учун захира –таъмирлаш қисмлар кўрсатилиши керак. Келтирилган буюртмалар учун материалларни етказиб бериш режалари ва етказиб бериш шартномалари тузилади, таъминот фирмаси ёки компания танланади, фондлар тақсимотлари тадбиқ этилади ва улар ўрнатилган тартибда иш юритувчи участкаларига етказилиб берилади. Қурилиш ишларини бажаришда ишлаб чиқариш жараёнини ошириш учун кенг равишда механизациядан фойдаланиш имкони бўлиб улардан асосийси ер билан боғлиқ бўлган ишларда механизациялардан кенг равишда фойдаланиш зарур. Автотранспортга бўладиган талаблар асосан кабел ўралган ғалтакларни элтиш хажмидан келиб чиққан ҳолда, ҳамда кабел арматуралари, материаллари, ишчи кучлари ва бошқа элтиб берувчилар билан аниқланади. Бунда асосий эътибор йўллар, жой рельефи ҳамда автотранспортнинг асосий ишчи кўрсаткичлари эътиборга олинади. Манзилгоҳларда автотранспортларнинг тўхташ жойи ва ёқилғи-мойлаш материалларини таъминлаб бериш ҳолатига ва жойларига қаратилади. Шу вақт мобайнида ўлчов аппаратураларини тайёргарлик ҳолати ҳамда ётқизилувчи кабел тури ва алоқа узатиш воситаси танланади. Кабелли магистрал қурилишида кабелларни, қурилмаларни ва кабел арматураларини жойлаштириш майдончалари танланади. Одатда кабел майдончалари кабел ётқизилувчи трассага яқин бўлган жойлар танланади. Кабел ўралган ғалтаклар, асбоб-ускуналар ва кабел арматуралари жойлашадиган майдонча шундай бўлиши керакки, унда улар орасидаги масофа бўш бўлиб, улар орасида автотранспорт бемалол юриши мумкин бўлиб ҳамда материалларни ортиб тушириш ишлари осон бўлиши, уларни электр ўлчов ишлари ва тадқиқот олиб бориш ишлари осон бўлиши, кабеллар ичидаги хаво босимини текширишда кабел ғалтакларини бир жойдан иккинчи жойга думалатиш ишларисиз бўлмоғи керак (4.1.-расм.).

4.1-расм. Кабел ғалтакларини кабел майдончасида жойлаштириш схемаси. Турли русумлардаги кабел ғалтаклари бошқа қаторга жойлаштирилади. Кабел ғалтакларини ортиб-тушириш ишлари ва оғир юкли ускуналар учун кўтаргич кранлар қўлланса, баъзи бир ҳолларда эса эстакадалар ва аппареллар қўлланади. Кабел ғалтакларини тушириб-ортиш ишлари жараёнида ғалтакларни айлантириб юриш ва уларни ерга итариб тушириш қатъиян таъқиқланади. Кабел ўралган ғалтаклар махсус ускуналаштирилган автомашиналарда ташилади. Кабелларни трассага етказиб бериш тасдиқланган йиғма қайдномалар асосида бажарилади. Кабел ўралган ғалтакларни сони ётқизилувчи кабеллар учун тайёрланган ишлаб чиқариш графиги бўйича бажарилади. Кабел майдончасида қурилиш узунлигидаги ҳамма кабеллар текширилиб кириш назоратдан ўтказилади ва гуруҳлаштирилади. Текширув кириш назорати қуйидагилардан ташкил топади: - кабел ўралган ғалтакни ташқи томонидан кўздан кечириш назоратидан ўтказилади; - электр тадқиқот ишлари ўтказилади; - кабел ташқи қобиқ герметиклиги текширилади.

Кабел майдончасида бажарилган ҳамма тадқиқотлар баённомалар билан хужжатлаштирилади. Кабелларни кабел майдончасидан трассага олиб чиқиб кетгунга қадар битта кучайтиргич участкаси учун кабелнинг конструктив тузилиши бўйича ҳамда қурилиш узунликлар ўлчамлари бўйича, ишчи сиғим қийматининг миқдорлари бўйича, яқин охир томондаги ўзаро ўтиш сўниш қийматлари бўйича, коаксиал жуфтликларнинг тўлқин қаршилиги бўйича гуруҳлантирилса, шаҳар телефон тармоқларида қўлланувчи алоқа кабелларининг гуруҳлантирилиши асосан конструктив маълумотлар ва телефон канализация қудуқлари орасидаги масофага боғлиқликлиги ва қурилиш узунлик ўлчамлари бўйича олиб борилади. Бунда бир хил қобиқли кабеллар танланади. Кабелни ёки қувурларни ётқизишдан аввал кабел ётқизилувчи трасса ишчи чизмаларга тўлиқ равишда тўғри келишлик ҳолати бўйича трасса бўлиб чиқилади. Бунда асосий эътибор кесишув жойларига ва бошқа ер ости иншоатлари билан кесишувларига эътибор берилиб, бу кесишувлар иш чизмаларида белгиланади. Ер ости иншоатлари билан кесишув жойларига қозиқ қоқилиб унга “Эҳтиёт бўлинг юқори вольтли линия кабели” деган ёзувлар бўлиши керак. Агар ер ости иншоати жойлашган жой маълум бўлмайдиган бўлса, у ҳолда ҳар 20 метр масофада ер ости шурфлаш усули ёрдамида ер ости иншоати ўрганиб чиқилади. Шаҳар ичида ётқизилувчи трассани бўлиб чиқишда асосий эътибор йўл иншоатлар ва рельс йўллари 90° бурчак остида кесиб ўтилиши керак. Шаҳар ичида бажарилувчи ишлар доимо йўл белгилари ва лозим бўлса кесишув жойлар вақтинчалик кўприклар билан жиҳозланиши керак. Линия-кабел иншоатларини қурилиш ишларида механизациянинг қўлланилиши. Линия кабел иншоатларининг қурилиш ишларида машина ва механизмларнинг қўлланилиши ўз навбатида иншоат қурилиш ишларини тезлаштиради ва қурилиш ишларини арзонлаштиради. Қўл куч меҳнати асосан механизацияларни қўллаб бўлмайдиган жойларда қўлланилади.

Трассани текислашда ва трассадаги турли хил дарахт илдизларини олиб ташлаш учун Т-100 ёки Т-130 туридаги булдозер тракторлари қўлланади. Ортиш-тушириш ишларини бажариш учун автомобилга ўрнатилган кўтарма кранлар қўлланади. Кабелларни механизация усули бўйича ётқизишда ЛПК-2, КНВ-1, КНВ-2Г туридаги кабел ётқизгичлардан фойдаланилади. Ғилдиракли тракторлар асосан линия-кабел иншоатларини қурилишда қурилиш материалларини бир жойдан иккинчи жойга элтиш учун транспорт воситаси вазифасини бажаради. Алоқа кабелларини телефон кабел канализациясига ётқизиш учун ҳамда қудуқ ичидан оқава сувларини тортиб чиқариш ва канализацияни шамоллатиш учун КМ-2А ва МК туридаги кабел машиналари қўлланилади. Бундай кабел машиналари ГАЗ-66 ва ГАЗ-53 автомабилларига ўрнатилган. Ер ости канализацияларини траншеясиз усул ёрдамида темир йўл ва автомабил йўлларини кесиб ўтишда ҳамда олдиндан тайёрланган тешикларга қувурларни ётқизиш учун гидравлик пресслар ва ер ости пневмотешгичлардан фойдаланилади. Алоқа кабел иншоатларини қурилишида ер билан боғлиқ бўлган ишларни бажариш учун бир ковшли экскаваторлар ва траншея кавлагичлар қўлланилади. Қурилиш жараёнида бажариладиган элеатр ўлчов ишлари. Қурилиш жараёнида кабелли алоқа линияларининг электр ўлчов ишлари кабелни ётқизишга қадар унинг электр параметрларини текшириб назоратдан ўтказиш, кабелнинг электр параметрлари ҳолатини назоратлаш ва уларни ўрнатилган нормаларга келтириш, кабелли линияларнинг электр паспортларини тайёрлаш, шикастланган жойни ва характерини аниқлаш учун, қурилган линия-кабел иншоатларини яратишда уларнинг электр ҳолатини баҳолаш учун бажарилади. Ўлчов ишлари ўзгармас ва ўзгарувчан ток ёрдамида бажарилади. Биринчи навбатда ўлчов ишлари ўзгармас ток ёрдамида бажарилади, агар ҳамма

ўлчанган параметрлар нормада бўлса, у ҳолда ўзгарувчан ток ёрдамида ўлчов ишлари бажарилади. Ўзгармас ток ёрдамида қуйидаги параметрлар ўлчанади: - симметрик кабелларнинг ток ўтказгич сим занжирининг электр шлейф қаршилиги; - коаксиал жуфтликларнинг ток ўтказгич симларининг электр қаршилиги; - ток ўтказгич симлар изоляциясини электр қаршилиги; - ташқи мухофазаловчи қобиқ изоляциясини электр қаршилиги; - симметрик жуфтликлардаги ток ўтказгич симлардаги электр қаршиликлар фарқи; Ўзгарувчан ток ёрдамида қуйидаги параметрлар ўлчанади: - сиғимли симметрия ва сиғимли алоқа; - занжирнинг яқин оҳир томонидаги ўзаро ўтиш сўниши ва ҳимояланиш параметри; - ишчи занжирнинг сўниш коэффициенти; - занжирнинг тавсифловчи параметри; - занжирнинг ерга нисбатан ассиметрияси; - тўлқин қаршилигининг бир жинсли бўлмаганлиги. Изоляциянинг электр қаршилиги ток ўтказгич симларнинг изоляция материалининг ҳолатини назоратлаш ва кабелнинг намликдан ҳимояловчи қобиғини назоратлаш учун ўлчанади. Ўлчов натижаларининг норматив қийматлари 20°С харорат учун олиб борилади, шунинг учун ўлчанган қийматларни шу ҳароратга ўтказиш учун хисоблаб аниқлаш керак. Занжирнинг электр шлейф қаршилиги одатда монтаж қилинган кучайтиргич участкаси учун ўлчанади ва 20°С хароратда қайта ҳисобланади. Худди шундай усулда жуфтлик ток ўтказгич симларнинг омик асимметрияси ўлчанади. Ҳамма ўлчанган қийматлар норматив қийматлар билан таққосланади. Ўзгармас токда ўлчанган ҳамма қийматлар ПКП ўлчов асбоби ёрдамида бажарилади. Сиғимли алоқа ва сиғимли асимметрия қийматларини ўлчаш учун ИЕА ўлчов асбоби ёрдамида бажарилади. Занжирлар орасидаги

ўзаро ўтиш сўниш қийматлари ва занжирнинг химояланиш қийматларини ўлчаш учун ВИЗ ўлчов асбоби ёрдамида бажарилади. Коаксиал занжирнинг тўлқин қаршилигини бир жинсли бўлмаслиги УИП-5 ўлчов асбоби ёрдамида бажарилади. Ўлчанган ҳамма қийматлар натижалари баённомага киритилади ва улар асосида кабелли линиянинг электр паспорти тузилади. Қабул қилиш- топшириш жараёнида электр ўлчов ишлари қурилиш ишларини бажарувчи ташкилот вакили ва эксплуатация қилувчи ташкилот вакил билан бажарилади.

Адабиётлар рўйхати: 1. Убайдуллаев Р.Р. Волоконно–оптические сети-М.: Эко– Трендз, 2000. 2. Волоконно – оп тические системы передачи: учебник для высших учебных заведений / М.М. Бутусов, С.М. Верник, С.Л. Галкин, В.Н. Гомзин, Б.М. Машковцев, К.Н. Щелкунов; Под ред. В.Н. Гомзина.–М.: Радио и связь, 1992. 3. Гальярди Р.М., Карп Ш. Оптическая связь: Перевод с английского С.М. Бабия под ред. А.Т. Шереметьева.–М.: Связь, 1978. 4. Оптические системы передачи: Учебник для вузов/Б.В. Скворцов, В.И. Иванов, В.В. Крухмалев и др.; Под ред. В.И. Иванова.-М.: Радио и связь, 1994. 5. Цифровые и аналоговые системы передачи: Учебник для вузов/ В.И. Иванов, В.Н. Гордиенко, Г.Н. Попов и др.; Под ред. В.И. Иванова.- 2-е изд. – М.: Горячая линия – Телеком, 2003.

O'xshashlar

Алоқа иншоатларининг қурилиш ва монтаж ишлари бўйича асосий қоидалари

Толали оптик алоқа линиянинг қурилиш ишлари

Оптик кабелларни осиш йўли билан ётқизиш

Телефон кабел канализацияси

Кабелларни ётқизиш