Кабелларни ётқизиш - Informatika va AT - Referatlar

Кабелларни ётқизиш

Yuklangan vaqt:

20.09.2019

Ko'chirishlar soni:

0

Hajmi:

330 KB

Ko'chirib olish

Кабелларни ётқизиш Режа: 1. Телефон кабел канализациясига кабел ётқизиш жараёни ва унга тайёргарлик кўриш 2. Эски кабелни кабел канализация қувур ичидан чиқариб олиш. 3. Ер ости каналларини ётқизиш

Телефон кабел канализациясига кабел ётқизиш жараёни ва унга тайёргарлик кўриш. Кабелларни телефон кабел канализациясига ётқизиш учун канал қувурларини тайёргарлик ишларини бажариш жараёнидан бошланади. Каналларни тайёрлаш жараёни қуйидагилардан фойдаланган ҳолда бажарилади: - 4.1 – расмда кўрсатилган винтли таёқлардан фойдаланган ҳолда олиб борилиб у жуда ҳам кўп вақт ва меҳнат талаб этса ҳам ҳар қандай узунликдаги оралиқ ҳамда жуда ҳам ифлосланиб кир бўлган каналлар учун қўллаш мумкин. 4.1 – расм. Винтли таёқ. - Жуда ҳам ингичка шиша толали ўзак кўринишида бўлиб унинг диаметри 6...11 мм ҳамда узунлиги 200 метргача бориб, унинг устига полиэтилен қопланиб у қобиқ васифасини бажаради. Бундай ўзак диаметри 1.2 метрдан ортиқ бўлмаган айланувчи тамбурга ўралган (4.2 - расм), бундан ташқари тамбурда ўз – ўзидан айланиб кетиш олдини олувчи қурилма ўрнатилган. Ҳозирги пайтда тамбурга ўралган шиша пластикли ўзак телефон кабел канализациясининг каналларини тайёрлаш учун энг илғор усуллардан хисобланади.

4.2–расм. Канализация канал қувурини тайёрлаш учун қўлланувчи эгилувчи шишиа толали ўзак: 1- ўзак; 2- тамбир. - кўндаланг кесим юзаси тасмасимон кўринишдаги эгилувчи тасма (4.3 – расм ). Бу усул анча осон ва анча ишлаб чиқарувчи бўлса ҳам бир мунча камроқ ҳолларда қўлланилмоқда, чунки бу усулни фақатгина тоза каналлар учун қўллаш мумкин бўлиб, унинг узунлиги 70 метрдан ошмаган оралиқлар учун фойдаланилади. 4.3–расм. Унчалик катта бўлмаган узунликдаги каналларни тайёрлаш учун қўлланувчи эгилувчан пўлат тасма. - диаметри 5...6 мм бўлган эгилувчи пўлат сим, бундай сим ёрдамида тоза ва жуда ҳам қисқа каналлардан иборат бўлган оралиқларда – 30...35 метр бўлган жойларда каналларни тайёрлаш мумкин; - таҳминий схема 6.4 –расмда келтирилган пневмоканал ўтувчи қурилма, бундай қурилманинг ишлаши учун компрессор станция лозим бўлиб, унинг ёрдамида 590...690 кПа (6...7 кГс/см 2 ) ҳаво босими ҳосил қилиниб 5...7м 3 /мин миқдоридаги ҳаво тақсимланиб, қувур ичига ҳайдалади. Бундай пневмоканал

ўтувчи ускуна унчалик катта узунликда бўлмаган ҳамда кўплаб каналларни назоратлаб текшириш учун анча иқтисодли бўлади. 4.4 – расм. Пневмо канал ўтувчининг таҳминий схемаси.: 1 – диаметри 2...3 мм ва узунлиги 160 метргача борувчи шнур; 2 – умумий ўзакга ўрнатилган иккита резинали шайбалар; 3 – канал қувури; 4 – канал қувурини зич равишда ёпувчи тешикли қопқоқ; 5 – компрессор билан уланган шланг. Телефон кабел канализация қувурларининг бутун бўлган ҳолатини текшириш учун 4.5 – расмда кўрсатилган маҳсус цилиндрик қовурғали шаблон ёки текширувчи цилиндр қўлланади.

4.5 – расм. Текширувчи цилиндр. Кабелларни ер ости қувурларига ётқизиш. Ер ости қувурлари ичига ёки телефон кабел канализация каналлари ичига ҳамма кўринишидаги телекомуникаия кабелларини ётқизиш мумкин бўлиб уларнинг қобиғи устида зирх қатлами ва зирх қатламини ҳимояловчи қоплам бўлмаслиги керак. Бундай кабелларнинг руҳсат этиладиган диаметри 72...75 ммдан ошиқ бўлмаслиги лозим бўлиб, жуфтлик ўрами ҳамда ҳаво – қоғоз изолацияли ТГ туридаги кабелларни ток ўтказгич сим диаметри 0.5 мм бўлган 1200х2 ёки ток ўтказгич сим диаметри 0.7 ммли 600х2 туридаги кабелларни ётқизиш мумкин. Агар ётқизилувчи кабел диаметри кичик бўладиган бўлса, у ҳолда телефон кабел канализациясининг битта канали ичига бир нечта кабелларни ётқизиш мумкин. Каналларнинг максимал равишда кабеллар билан тўдирилиши ва каналлардаги кабеллар сони канал ичига жойланувчи кабелларнинг кўндаланг юзаси умумий қувурдан ташкил топган канал юзасини 25...30% қийматидан ошиқ бўлмаслиги керак. Каналдаги кабеллар сони битта каналга ётқизилувчи МКСГ – 7х4х1.2 русумидаги кабелга нисбатан олиниб, унда кабеллар сони учта-тўрттадан ошиқ бўлмаслиги керак. Оҳирга пайтларда

кабелларнинг диаметри ошиб борган сари канал ичи 100 мм бўлиб ётқизилувчи кабел диаметри 85 ммга қадар етказилган. Ҳозирги пайтда абонент линиянинг магистрал участкасида ток ўтказгич сим диаметри 0.32 мм 2400х2 га қадар бўлган кабеллар ишлаб чиқарилиб улар телефон кабел канализация каналлари ичига ётқизилмоқда. Телефон кабел канализацияси қувурларида ётқизалувчи кабеллар қудуқ формасида ётқизилиб, унда кабел параметрларининг ўлчов ишлари, муфталар монтажи ва кабелни текширув назорат ўтказиш учун кабел учларининг заҳира узунликлари қолдирилади, бундай кабел учлари бир-бири устига жойлашган бўлиши керак. Бундай заҳира узунликлар кабел канализация қудуқлари формасига боғлиқ бўлиб, уларнинг узунликлари 4.1- жадвалда келтирилган. 4.1-жадвал Қудуқ тури Битта қудуқ ичида қолдириладиган заҳира узунлиги, метр Қудуқ тури Битта қудуқ ичида қолдириладиган заҳира узунлиги, метр АКҚ-1, АКҚ-2 тўғри ўтувчи АКҚ-3 АКҚ-4 АКҚ-5 1.0 1.25 1.5 1.75 Бурчакда ўрнатилувчи АКҚ-3 АКҚ-4 АКҚ-5 2.0 2.25 2.5 Бугунги кунда кабел баҳосининг жуда ҳам юқори бўлганлиги учун кабел ётқизилиш жараёнида кабел заҳира узунлигини эътиборга олиш учун қуйидагиларга амал қилиш керак: - қудуқ ичида жойланувчи муфта жойи муфта монтаж жараёнида эмас, балки кабел ётқизилишда эътиборга олинади. - кабелни қудуқ формасига келтириб ётқизиш кабелни монтаж жараёнида эмас, балки кабел ётқизилиш жараёнида эътиборга олиниши керак.

- кабелнинг заҳира узунлиги кабелни текширув назорати ва ўлчов ишларини бажаришда ҳамда муфта монтажи учун кабел учлари бир – бири устига ётқизилиб бу узунлик ўртаси бўлажак муфта ўртасида жойланиши керак. Кабелларни телефон кабел канализация қувурлари ичига ётқизиш учун диаметри 8 ва 11 мм бўлган пўлат тросслардан фодаланилади, 8 ммли тросс чўзилиш кучланганлиги 27.4 кН (3000 кГс) бўлиб, у ёрдамида кабел массаси 0...6000 кг бўлган юкламадаги кабелни 1 км узинликга қадар тортиб ётқизиш мумкин, бундай троссни ТГ туридаги 400 жуфтлик кабелга қўллаш мумкин бўлса, 11мм бўлган пўлат тросс ёрдамида 56 кН (5700кГс) юкламали тортиш кучига эга бўлиб, у ёрдамида массаси 6000 кг бўлган ТГ туридаги 500 жуфтликдаги кабелни тортиш мумкин. Тортилувчи кабелларни тортувчи троссга боғлаш учун пўлатдан тайёрланган кабел пайпоқлардан фойдаланади (4.6 - расм). 4.6 –расм. Пўлатдан тайёрлаган кабел пайпоғи: а) оҳир учларини беркитувчи; б) тўғри ўтиб кетувчи; в) кесма.

Одатда кабел пайпоқлари кабелга карабин ёрдамида уланади. Оҳир учларини беркитувчи пўлат пайпоқлар (4.6 а – расм) фақатгина кабелнинг энг четки нуқталарига кийдирилади ва уни бутун кабел узунлиги бўйича силжитиш мумкин эмас. Бундай пайпоқлар жуда ҳам кам ҳолларда қўлланиб, улар фақат кабелни каналдан қудуқга қадар чиқиш жойларида қўлланилиши мумкин. Тўғри ўтиб кетувчи пўлат пайпоқлар (4.6 б – расм) кабелнинг оҳирги нуқтасига кийдирилади ва кабел бўйлаб силжитиш мумкин. Улар асосан кабелни каналдан – каналга ўтказиш жойларида қўлланилиб, кабел учини каналдан чиқгандан сўнгра қудуқ ичига лозим бўлган заҳира узунлигини қолдириш учун қўлланилади. Кесма кўринишидаги пўлат пайпоқлар кабелни ҳар қандай нуқтасида кийдирилиши мумкин бўлиб бутун кабел бўйлаб ҳаракатланади. Бундай пайпоқни оралиқ (транзит) қудуқлар ичида кабелини тортиш учун қўлланади. Катта сиғимдаги ва каттадан – катта узунликдаги кабелларни тортиб ётқизиш учун кабел учига пайпоқни кийдириб тортиш унча самара бермайди, бундай ҳолларда захват деб аталувчи ускуна қўлланади. Оптик кабелларни тортиб ётқизиш учун 4.7 – расмда кўрсатилган торткичлар қўлланилади. 4.7– расм. Оптик кабелни тортиб ётқизиш учун қўлланувчи тортувчи қурилма: 1- оптик кабел; 2 – кабелнинг кучлантирувчи элементи; 3 – тортувчи захват; 4 – кабел кучлантирувчи элементини сиқиб ушлаб турувчи қисқич; 5 – айланиб кетиш олдини олувчи компенсатор; 6 –сиқиб ушлаб турувчи захват оҳиридаги сиқувчи гайкалар.

4.2 – жадвалда телекоммуникация кабелларини тортиб ётқизиш учун қўлланувчи кабел пайпоқларининг асосий ўлчамлари келтирилган. 4.2-жадвал Кабелнинг ташқи диаметри, мм Кабелнинг сиғими ва ток ўтказгич сим диаметри Пайпоқларн инг пўлат сим диаметри, мм Оҳир учи уланувчи масофа, мм Узилиш кучланганлиги, кН (кГс) 16 50х2х0.5 20х2х0.7 0.3 180 17.6 (2000) 21 100х2х0.5 30х2х0.7 0.4 180 27.4 (3000) 28 150х2х0.5 0.5 200 49 (5000) 38 300х2х0.5 150х2х0.7 0.6 220 66.7 (7000) 50 500х2х0.5 200х2х0.7 0.7 250 96.2 (10000) 63 800х2х0.5 400х2х0.7 0.8 260 125.5 (13000) 73 1200х2х0. 5 600х2х0.7 0.9 280 166.8 (17000) Тортилувчи кабел троссини кабел пайпоғига улаш учун айланиб кетиш олдини олувчи компенсатор қўлланади. (4.8-расм)

4.7-расм. Троссни кабел пайпоғига улаш учун қўлланувчи айланиб кетиш олдини олувчи компенсатор. Тортилувчи кабел қобиғини ва тортилувчи троссни каналга кириш ва каналдан чиқиш жойларида қудуқ люклари билан ишқаланишни камайтириш ҳамда кабел тортиш жараёнида канал учларини ҳимоялаш мақсадида эгилган пўлат ариқчалар қўлланилиб, улар кабел коленоси деб аталади (4.9-расм). 4.9-расм. Кабел коленоси. Кабелларни телефон кабел канализация каналлари ичига тортиб ётқизишда кабел ўралган ғалтаклар кабел транспортёрларига ёки маҳсус домкратларга ўрнатилади. (4.9-расм).

4.10-расм. Маҳсус домкрат кўриниши ва ўлчамлари. Кабел сиғими 100х2 дан ошган ҳолда кабелни тортиб ётқизиш учун маҳсус кабел машиналаридан фойдаланилади. Агар тортувчи меҳанизм бўлмайдиган бўлса, у ҳолда қўл билан ҳаракатлантирувчи маҳсус лебедкаларни қўллаш мумкин. Кабелни кабел қудуғи ичида тортиб олиш жараёни 4.11-расмда келтирилган 4.11-расм. Кабел заҳира узунлигини қудуқ ичидан тортиб олиш: 1-тортилувчи кабел оҳир учи; 2-тўғридан-тўғри ўтиб кетувчи кабел пайпоғи; 3-тортувчи тросс; 4-блок; 5-блокни илгакга маҳкамлаш; 6- кабел коленоси. Заҳира кабелни кабел канализация қудуғи ичидан чиқариб олингандан сўнгра каналнинг тўғри чизиқ йўналиши бўйлаб тортилиб бориши керак.

Колено бўйлаб эгилиш жойлари ва люкдан чиқариладиган жойларни фақатгина тортувчи тросс ёрдамида бажариш мумкин, бундай жараёнда кабел тортилиб чиқарилмайди. Қудуқ ичидан тортувчи троссни тортиб чиқариб олиш жараёнида қўлланувчи турли ускуналар билан ишлаш жараёни 4.12 – расмда келтирилган. 4.12 – расм. Каналдан кабелни қудуқ ичига тортиб чиқариш учун қўлланувчи ускуналар: а) илгакга маҳкамланувчи блок ёрдамида; б) вертикал равишда ўрнатиган блок колонкаси ёрдамида; в) кенгайтирувчи домкратга маҳкамланган ташқарида жойлашган блок ёрдамида; г) бир блокли колонкага тиргаклагич ёрдамида; д) кенгайтирувчи колонкага маҳкамланган ва ташқарига чиқарилган блок ёрдамида; е) икки блокни эгилган ҳолдаги блоклар ёрдамида: 1 – ташқарига чиқарилган блок; 2 – икки блокли колонка; 3 – кенгайувчи домкрат; 4 – бир блокли колонка; 5 – ташқарига чиқарувчи кенгаювчи колонка; 6 – тиргагич; 7 – блок колонкаси. Кўриб чиқилган усуллардан энг оддий усули қудуқлар ичида жойлашган қудуқ кўтаргич қулоқлари бўлиб, уларга блок ускуналарини маҳкамлаш мумкин. Агар қудуқ кўтаргич қулоғи бўлмайдиган бўлса, у ҳолда қўшимча ускуналар қўлланилиб улар маҳсус блок колонкалари кўринишга эга, улар телескопик қувур деб аталувчи домкратлар, қудуқ ташқарисига

чиқарилган кенгайтирувчи ускуналар деб аталади. Домкратлар горизонтал равишда ва вертикал равишда кенгаювчи кўринишга эга. Эски кабелни кабел канализация қувур ичидан чиқариб олиш. Агар канал ичидан чиқариб олинувчи эски бўлиб келажакда ишлатилиб бўлмайдиган бўлса, у ҳолда бу кабеллар утилизация қилиниши керак. У ҳолда эскирган кабелни кабел оҳирига уланувчи кабел пайпоғи ва узундан узун бўлган троссни улаб кабел қудуқ люки орқали чиқариб олиш керак бўлади. 4.13 – расм. Ишлатилиб эскирган кабелни кабел канализация канали ичидан чиқариб олиш: 1 – чиқариб олинувчи кабел; 2 – кабел оҳир учига уланувчи кабел пайпоғи ; 3 – тортувчи тросс; 4 – кабел коленоси. 4.14 – расм. Қайта ишлатилиш учун қўлланувчи кабелни канал ичидан чиқариб олиш: 1 – чиқариб олинувчи кабел; 2 – тортувчи тросс; 3 – тўғри ўтиб келувчи кабел пайпоғи; 4 – ичкарида жойлашган блок; 5 – блок коленоси; 6 – ичкарида ўрнатилувчи блокни маҳкамлаш ускунаси; 7 – қудуқ ичидаги илгаклар.

Ер ости каналларини ётқизиш. Одатда ер остига ётқизилувчи кабеллар кабел ётқизгич колонналари ёрдамида бажарилиб улар комплекс равишда траншея кавлайди, кабелни кабел ўралган ғалтакдан бўшатади ва кабелни ётқизади, траншеяни кўмади ва трассани текислайди ёки олдиндан кавланган траншея ичига маҳсус меҳанизмлар ёрдамида ёки қўл кучи ёрдамида ётқизилди. Кабелларни траншеяларга ётқизиш учун тайёрлаш меҳанизмлар бориб бўлмайдиган жойларда ҳамда кўплаб ер ости иншоатлари бўлган жойларда қўл кучи ёрдамида бажарилади. Линия иншоатларини лойиҳалаштиришда, смета ҳужжатларини тайёрлашда ва ишлаб чиқариш лойиҳаларни тайёрлашда минимал кабел узунликларини кабел ётқизгичлар ёрдамида ётқизишни ва меҳанизмларни базадан кабел ётқизилувчи трассага қадар бўлган жойгача етказиб бориши лозим. Агар бажариладиган иш ҳажми кичик миқдорда бўладиган бўлса, у ҳолда трашея ер кавлагич меҳанизмлардан фойдаланган ҳолда ёки қўл кучи ёрдамида бажарилади. Траншеяни тайёрлаш жараёнида ётқизилувчи жойнинг ёки пиёдалар қатнайдиган йўлакчалар учун очиладиган ер юзасининг тепа қатлами траншея кенглигини иккала томонидан асфальт ёки бетон юзаларини 0.1 метрга қадар тошлик ерлар бўладиган ёки ғиштлик юзалар бўлса, у ҳолда бу кенглик 0.2 метрга қадар кенгайтирилади. Кабеллар ётқизиладиган чуқурлик лойиҳа бўйича аниқланади ва уларнинг қийматлари 4.3–жадвалда келтирилган маълумотлардан ± 10 см бўлиши мумкин. 4.3 – жадвал. Тупроқ гурухи Кабел тури Ётқизилиш чуқурлиги, м I - IV Симметрик ва коаксиал кабеллар. 0.9 1.2

Оптик кабеллар V ва VI Симметрик ва коаксиал кабеллар. Оптик кабеллар. 0.4 траншея кенглиги 0.5м 0.9 траншея кенглиги 0.7м Кавланувчи траншея кенглиги ва траншея ичига ётқизилувчи кабеллар сони бўйича маълумотлар 4.4–жадвалда келтирилган. 4.4 – жадвал. Траншея чуқурлиги, метр 1 2 3 4 дона кабеллар ётқизилганда траншеянинг энг тепа томон кенглиги, метр 0.5 0.35 0.35 0.40 0.40 0.6...0.7 0.35 0.40 0.45 0.45 0.9 0.40 0.40 0.45 0.50 1.0 0.45 0.45 0.5 0.55 1.2 0.5 0.5 0.55 0.60 Илова: Траншеянинг энг пастки қисми юқори томон қисмидан 0.1м узунликда кичик бўлиши керак. Бошқа муҳандислик иншоатлари билан кесиб ўтилишда муҳофазаланиш учун қўлланувчи асбестоцемент қувурлар сони ва қувур узунлиги лойиҳа бўйича аниқланади. Телекоммуникация кабеллари ётқизилувчи асбестоцемент қувурлар юқори вольтли линия кабеллари, сув қувурлари, газ қувурлари ва бошқа тармоқлар орасидаги масофа 1 метрдан кам бўлмаслиги керак. Эгилиш бурчаги 30º дан ортиқ бўлмаган жойлардаги тепага чиқарилувчи ёки тепадан тушувчи траншеялар учун зигзак кўринишдаги траншеялар кавланади. Уларнинг ўрта линиядан эгилиши 1.5 метр ва эгилиш узунлиги 5 метрдан кам бўлмаслиги керак. (4.12 - расм). Агар эгилиш бурчаги 30º дан 45º бўладиган бўлса, у ҳолда нормал зирх қатламли кабеллар қўлланади бу бурчак 45º дан ошиқ бўлмаса ўта зирҳланган кабеллар ётқизилиши мумкин.

4.15 – расм. Зигзак кўринишдаги траншея 30º...45º бурчак эгилишида ётқизилиши. Электрлаштирилган темир йўллар билан кесишув жойларида телекоммуникация кабеллари битум билан қопланган асбестоцемент қувурлар ичига ётқизилади. Ёр ости ётқизилувчи ёки сув тўсиқлари билан кесишувларда ётқизилувчи кабелларни бир – бири билан улаш ва уларни траншея ичига айлантириб ётқизиш учун маълум бир заҳира узунликлар қолдирлади, улар ҳақидаги маълумотлар 4.5 – жадвалда келтирилган. 4.5 – жадвал. Ётқизиш шароити Кабелнинг заҳира меъёри, % Тўғридан – тўғри ер остига: Шу жумладан: траншея ва котлованларга айлантириб улаш учун, монтаж ишлари учун силжийдиган ёки тўкилиб тушадиган ерлар учун сув тусиқлари учун шу жумладан рельеф бўйича ётқизиш учун монтаж ишлари учун 2.0 1.6 0.4 4.0 14.4 14.0 0.4 Ҳамма ер ости кабеллари, муфталар, ҳимояловчи ускуналар, қувурлар доимий ориентирларга ёки ўлчов устунчаларига боғланган бўлиши керак.

Доимий ориентир вазифаси учун автомабил ва темир йўллар, кўприклар, бинолар, ҳаво алоқа линия симёғочлари ва бошқа узоқ вақт мобайнида ўзгармайдиган иншоатларга боғланиши мумкин. Ўлчов устунчасининг умумий кўриниши 4.16 – расмда келтирилган. 4.16 – расм. Ўлчов устунчаси. Трассада бажарилган ҳамма ўлчовлар 1% аниқликга қадар бажарилиши керак. Кабел трассасининг ўзгармас ориетирларга бўлган боғланиш шаҳар участкасида ҳар 20 метрда, шаҳар ташқарисида эса ҳар 100 метрда бажарилиши керак. Бундан ташқари ўзгармас ҳолдаги ориентирларга ҳамма муфталар ва трассани бурилиш бурчакларининг тепа қисмлари боғланган бўлиши керак.

А дабиётлар рўйхати: 1. Убайдуллаев Р.Р. Волоконно–оптические сети-М.: Эко– Трендз, 2000. 2. Волоконно – оп тические системы передачи: учебник для высших учебных заведений / М.М. Бутусов, С.М. Верник, С.Л. Галкин, В.Н. Гомзин, Б.М. Машковцев, К.Н. Щелкунов; Под ред. В.Н. Гомзина.–М.: Радио и связь, 1992. 3. Гальярди Р.М., Карп Ш. Оптическая связь: Перевод с английского С.М. Бабия под ред. А.Т. Шереметьева.–М.: Связь, 1978. 4. Оптические системы передачи: Учебник для вузов/Б.В. Скворцов, В.И. Иванов, В.В. Крухмалев и др.; Под ред. В.И. Иванова.-М.: Радио и связь, 1994. 5. Цифровые и аналоговые системы передачи: Учебник для вузов/ В.И. Иванов, В.Н. Гордиенко, Г.Н. Попов и др.; Под ред. В.И. Иванова.- 2-е изд. – М.: Горячая линия – Телеком, 2003. 6. Фриман Р. Волоконно–оптические системы связи: Перевод с английского под ред. Н.Н. Слепова.–М.: Техносфера, 2003. 7. Власов И.И., Птичников М.М. Измерения в цифровых сетях связи. М.: Постмаркет, 2004.

O'xshashlar

Оптик кабелларни осиш йўли билан ётқизиш

Толали оптик алоқа линиянинг қурилиш ишлари

Алоқа иншоатларининг қурилиш ва монтаж ишлари бўйича асосий қоидалари

Линия кабел алоқа иншоатларининг қурилиш монтаж ишлари

Телефон кабел канализацияси