Узини узи бошкариш органлари ва уларнинг турлари - Huquqshunoslik - Referatlar

Узини узи бошкариш органлари ва уларнинг турлари

Yuklangan vaqt:

20.09.2019

Ko'chirishlar soni:

0

Hajmi:

34.5 KB

Ko'chirib olish

Ўзини ўзи бошқариш органлари ва уларнинг турлари Ўзбекистон Республикасининг « Фуқароларнинг ўзини ўзи бошқариш органлари тўғрисида » ги 1999 йил 14 апрель ( янги таҳрирдаги ) қонунига асосан , фуқароларнинг ўзини ўзи бошқариши – фуқароларнинг Ўзбекистон Республикаси Конституцияси ва қонунлари билан кафолатланадиган , уларнинг ўз манфаатларидан , ривожланишнинг тарихий хусусиятларидан , шунингдек , миллий ва маънавий қадриятларидан , маҳаллий урф - одатлари ва анъаналаридан келиб чиққан ҳолда маҳаллий ахамиятга молик масалаларни ҳал қилиш борасидаги мустақил фаолиятидир . Фуқаролар ўзини ўзи бошқариш органларининг фаолияти демократизм, ошкоралик, ижтимоий адолат, инсонпарварлик, маҳаллий аҳамиятга молик масалаларни ечишда мустақиллик, жамоатчилик асосидаги ўзаро ёрдам каби асосий принципларига бўйсунади. Ўзини ўзи бошқариш органлари қуйидаги турларга бўлинади: шаҳарча, қишлоқ, овул фуқароларининг, шунингдек шаҳар, шаҳарча, қишлоқ ва овулдаги маҳалла фуқароларининг йиғини (вакиллар йиғилиши); фуқаролар йиғинининг кэнгаши; фуқаролар йиғини фаолиятининг асосий йўналишлари бўйича комиссиялар; фуқаролар йиғинининг тафтиш комиссияси; туман марказидан олисда жойлашган ва бориш қийин бўлган шаҳарчалар, қишлоқлар ва овулларда қонун ҳужжатларида назарда тутилган ҳолларда тузиладиган маъмурий комиссия ва бошқа жамоат тузилмалари. Фуқароларнинг ўзини ўзи бошқариш органлари маҳаллий давлат ҳокимияти органлари тизимига кирмайди. Фуқаролар йиғини – фуқаролар ўзини ўзи бошқаришининг юқори органи бўлиб, аҳоли манфаатларини ифодалаш ва унинг номидан тегишли ҳудудда амал қилувчи қарорлар қабул қилиш ҳуқуқига эгадир.

Фуқаролар йиғинида 18 ёшга тўлган ҳамда шаҳарча, қишлоқ, овул ва маҳалла ҳудудида доимий яшаётган шахслар қатнашадилар. Фуқароларнинг ўзини ўзи бошқариш органлари қошида Ўзбекистон Республикаси Вазирлар Маҳкамасининг 1999 йил 19 апрелдаги 180-сонли қарорига асосан ташкил этилган «Маҳалла посбони» жамоат тузилмалари ҳам фаолият кўрсатади. Бундай тузилмаларни тузишдан асосий мақсад – фуқароларнинг фаоллигини ошириш йўли билан ҳуқуқий демократик давлат қуриш жараёнини жадаллаштириш, фуқаролар ўзини ўзи бошқариш органлари давлат бошқарув тизимининг айрим ваколатлари бажарилишига кэнг йўл очиш, осойишталикни таъминлаш, ҳуқуқий тартиботни мустаҳкамлашда давлат билан фуқароларнинг ўзини-ўзи бошқариш органларининг ҳамкорликда иш олиб боришини таъминлаш, аҳолининг ўзаро ҳамжиҳатлигини оширишдан иборатдир. «Маҳалла посбони» жамоат тузилмасига, фуқаролар йиғини кэнгашининг қарорига биноан, онгли равишда Ватан, халқ манфаатлари йўлида садоқат билан беғараз хизмат қилишга тайёр, жисмоний ва маънавий соғлом, пок, иймон-эътиқодли, юксак инсоний ва ахлоқий фазилатларларга эга бўлган, жиноятчиликнинг олдини олиш ва жамоат тартибини сақлашда ҳуқуқ- тартибот органларига кўнгилли равишда ёрдам бериш истагини билдирган, тегишли маҳаллада истиқомат қилувчи 18 ёшга тўлган Ўзбекистон Республикаси фуқаролари қабул қилинадилар. Ушбу тузилмалар билан ишлаш, уларнинг вазифалари ва ҳуқуқлари юқорида келтирилган Низомда белгиланган. Бундан ташқари, фуқароларнинг ўзини ўзи бошқариш органлари ҳузурида фуқароларнинг оилада ва маҳаллада тинч-осойишта ҳамда ҳамжиҳатликда яшашларини таъминлаш, оилавий келишмовчиликларни тинч йўл билан ҳал этиш, соғлом турмуш тарзини тарғиб-ташвиқ қилиш мақсадида тузиладиган яраштириш комиссиялари ҳам фаолият кўрсатади. Яраштириш комиссиялари таркибига хотин-қизлар қўмитасининг раиси, милиция профилактика инспекторлари, ҳудуддаги мактаб директорлари ёки уларнинг тарбиявий

ишлар бўйича ўринбосарлари, шунингдек, маҳаллада истиқомат қилувчи намунали оилаларнинг бошлиқлари, имом-хатиблар, фахрийлар киритилади. Яраштириш комиссияларига фуқаролар йиғинининг оқсоқоллари ёки уларнинг ўринбосарлари раислик қиладилар.

O'xshashlar

Хорижий мамлакатларда махаллий бошкарув ва узини-узи бошкариш

Узини узи бошкариш органларининг ваколатлари. Фукаролар йигинининг раиси (оқсоқоли)

Жамият, давлат, хукук, замонавий ривожланиш тенденциялари ва истикболлари. Фукаролик жамияти тушунчаси ва уни шакллантириш йуллари

Узбекистон Республикасининг миллий - давлат ва маъмурий-худудий тузилиши

Хужалик судининг ҳужжатлари