Узини узи бошкариш органларининг ваколатлари. Фукаролар йигинининг раиси (оқсоқоли) - Huquqshunoslik - Referatlar

Узини узи бошкариш органларининг ваколатлари. Фукаролар йигинининг раиси (оқсоқоли)

Yuklangan vaqt:

20.09.2019

Ko'chirishlar soni:

0

Hajmi:

45 KB

Ko'chirib olish

Ўзини ўзи бошқариш органларининг ваколатлари. Фуқаролар йиғинининг раиси (оқсоқоли) Фуқаролар йиғини ўзини ўзи бошқариш органи сифатида қуйидаги ваколатларга эга : 1 − ушбу органнинг фаолияти, дастури, харажатлар сметасини, аҳоли пунктларини ободонлаштириш ва санитария ҳолатини яхшилашга доир тадбирлар режаларини тасдиқлайди; 2 − раис (оқсоқол) ва унинг маслаҳатчилари ишининг асосий йўналишларини белгилайди, ҳар йили уларнинг ҳисоботларини тинглайди; 3 − ўз ҳудудидаги ижтимоий инфраструктурани ривожлантириш учун аҳолининг, мулкчиликнинг барча шаклларидаги корхона, ташкилот ва муассасаларнинг маблағларини ихтиёрийлик асосида бирлаштириш масалалари юзасидан қарорлар қабул қилади; 4 − пул маблағлари сарфланиши устидан назоратни ташкил этади, зарур бўлганда тафтиш комиссияси тузади ва ушбу комиссия тўғрисидаги низомни тасдиқлайди; 1 − қонунларда белгиланган тартибда ўз ҳудудида кичик корхоналар, кооперативлар, устахоналар, халқ ҳунармандчилик цехларини ташкил этиш масалаларини кўриб чиқади; 2 − йиғин маъмурий-ҳудудий тузилмаларнинг чегараларини кўча, майдон ва бошқа жойларнинг номларини ўзгартиришга доир масалаларни кўриб чиқади ҳамда тегишли давлат органларига таклифлар тайёрлайди. Фуқаролар йиғини, республика қонунларига мувофиқ, бошқа ваколатларни ҳам амалга ошириши мумкин. Йиғин давлат ҳокимияти ва бошқаруви органлари билан келишган ҳолда савдо, умумий овқатланиш ва аҳолига маиший хизмат кўрсатиш корхоналарининг аҳоли учун қулай соатларда ишлашини белгилайди. Ўзбекистон Республикаси Маъмурий жавобгарлик тўғрисидаги кодексининг 246-моддасига асосан, туман марказидан олисда ва бориш

қийин бўлган ердаги шаҳарча, қишлоқ ва овуллардаги фуқароларнинг ўзини ўзи бошқариш органлари қошида маъмурий комиссиялар ташкил этилади. Фуқаролар йиғини, республика қонунларига мувофиқ, ер муносабатлари соҳасидаги масалаларни ҳам ҳал этади. Фуқаролар йиғинининг раиси (оқсоқоли): − республика қонунларини, Президентнинг фармонларини, республика ҳукумати ва маҳаллий ҳокимият органларининг қарорларини бажаришга доир ишларни ташкил этади; − фуқароларнинг моддий ва уй-жой, маиший шароитларини яхшилаш тўғрисида ғамхўрлик қилади; − қонунларда кўзда тутилган ҳолларда давлат ҳокимияти ва бошқарув органларида, суд идораларида, корхона, муассаса ва ташкилотлар билан бўладиган муносабатларда фуқаролар манфаатларини ҳимоя қила олади; − фуқароларнинг ҳудудни ободонлаштириш ва кўкаламзорлаштиришда, оммавий-сиёсий тадбирларда қатнашишини ташкил этади; аҳолига савдо ва коммунал-маиший хизмат кўрсатилишини яхшилашга кўмаклашади, бу мақсадларда тегишли ҳудудда жойлашган корхоналар ва ташкилотлар тақдим этадиган моддий ва бошқа маблағлардан фойдаланади ҳамда дўконлар, ошхоналар, чойхоналар, бозорлар иши, савдо қоидаларига риоя этилиши, фуқароларга маданий хизмат кўрсатишнинг таъминланиши устидан жамоатчилик назоратини ташкил этади; 1 − аҳоли пунктлари, сув таъминоти манбалари, уй-жойлар, мактаблар ва бошқа муассасаларнинг санитария ҳолати устидан назорат қилинишига кўмаклашади; 2 − қабристонлар, қардошлик қабрлари ва бошқа мозорларни саранжом сақлаш юзасидан жамоатчилик ишларини ташкил қилади; 3 − алоқа органларига маҳаллий телефон ва почта алоқасини ривожлантиришда, радиолаштириш борасида, маҳаллий алоқа иншоотларини муҳофаза қилишда ёрдам беради;

4 − эгасиз мол-мулкни, шунингдек, давлатга мерос тарзида ўтган молк- мулкни сақлаш ва тасарруф этиш чораларини кўради; 5 − деҳқон хўжаликларининг оилавий мулк тақсимотларини рўйхатга олади, ўз ҳудуди доирасида яшовчиларни ҳисобга олиб боради; 6 − ўз ҳудудидаги ерларнинг ишлатилиши ва муҳофаза этилиши устидан назорат қилади, фуқаролар йиғини муҳокамасига ер муносабатларини тартибга солиш масалаларини киритади; 7 − иморат қуриш қоидаларига риоя этиш, хонадонларга туташ жойларнинг ораста бўлиши, жониворларни сақлашга оид ветеринария қоидаларининг бажарилиши устидан жамоат назоратини ташкил этади; 8 − аҳолидан солиқ, суғурта ва бошқа хилдаги тўловларнинг ўз вақтида тушишга кўмаклашади; 9 − аҳоли пунктларида ёнғинга қарши тадбирлар ўтказилишини ташкил этади, зарур бўлганда эса фуқароларни табиий офатларга қарши курашга ва уларнинг оқибатини тугатишга жалб этади; 10 − тегишли ҳудудда жамоат тартибини таъминлашда ҳуқуқни муҳофаза қилиш органларига кўмаклашади; 11 − ҳарбий хизматга мажбур шахслар ва чақирилувчиларни маҳаллий мудофаа органларига чақирилаётганларидан хабардор қилишни ташкил қилади, аҳолини фуқаро мудофаасига доир тадбирлар ўтказишга жалб этади; 12 − давлат ва жамоат органларига ногиронлар, боқувчисидан маҳрум бўлган оилалар, кўп болали оилалар, ёлғиз оналар, шунингдек, табиий офатлардан жабр кўрган фуқароларнинг моддий ва уй-жой, маиший шароитларини яхшилаш тўғрисида таклифлар киритади; 13 − вояга етмаганлар назоратсиз қолишининг олдини олишга доир жамоатчилик ишларини ташкил этади, ота-онасининг қарамоғидан маҳрум бўлган болаларни тегишли давлат муассасаларига жойлаштиришга, шунингдек, ёшларни ишга жойлаштиришга кўмаклашади; 1 − аҳоли орасида маъруза ва суҳбатлар ташкил этади, фуқароларга мунтазам равишда маданий хизмат кўрсатишга, китоб савдосини

ривожлантиришга, газета ва журналларнинг тарқатилишига ёрдамлашади, меҳнаткашлар оммавий равишда дам оладиган ҳудудларни ташкил этишга, спорт иншоотлари тармоғини ривожлантиришга кўмаклашади; 2 − тегишли ҳудудда байрам кунлари ва шонли саналар муносабати билан оммавий тадбирлар ўтказилишини ташкил қилади; 3 − давлат органларига фуқаролар йиғинининг, кўча ва майдонлар, аҳоли пунктлари таркибий қисмининг номини ўзгартириш, уйларни рақамлаб чиқиш хусусида таклифлар киритади; 4 − фуқароларни қабул қилади, уларнинг ариза ва шикоятларини кўриб чиқади, улар юзасидан зарур чоралар кўради; 5 − фуқароларга уларнинг шахсини, оилавий ва мулкий аҳволини тасдиқловчи маълумотномалар ҳамда республика қонунларида кўзда тутилган бошқа ҳужжатлар беради; 6 − фуқаролик ҳолати далолатномаларини рўйхатга олади, айрим нотариал ҳаракатларни амалга оширади; 7 − республика қонунларига мувофиқ, бошқа ваколатларни ҳам амалга ошириши мумкин. Ўзини ўзи бошқариш органлари ўзларига берилган ваколатлар доирасида қарорлар қабул қиладилар. Бу қарорларни тегишли ҳудудда яшайдиган барча фуқаролар адо этишлари шарт. Ўзини ўзи бошқариш органларининг қонунларга зид ҳужжатларини халқ депутатлари туман, шаҳар кэнгашлари ёки тегишли ҳокимлар бекор қиладилар. Ўзини ўзи бошқариш органларининг қарорлари, шунингдек, раис (оқсоқол)нинг хатти-ҳаракатлари юзасидан суд тартибида шикоят қилиниши мумкин.

O'xshashlar

Узини узи бошкариш органлари ва уларнинг турлари

Хорижий мамлакатларда махаллий бошкарув ва узини-узи бошкариш

Фуқаролар йиғини раиси оқсоқоли ва унинг маслаҳатчилари сайлови

Узбекистон Республикаси Президенти – давлат ва ижроия хокимияти бошлиги

Хукукий давлат ва хокимиятларнинг булиниши тамойиллари. Узбек миллий давлатчилигининг замонавий ривожланиши