Umumiy yurisdiksiya sudlarining - Huquqshunoslik - Referatlar

Umumiy yurisdiksiya sudlarining

Yuklangan vaqt:

20.09.2019

Ko'chirishlar soni:

0

Hajmi:

58.5 KB

Ko'chirib olish

www.arxiv.uz Reja: 1. O`rta bo`g`in sudyalarining vakolatlari 2. O`rta bo`g`in sudlarining tarkibi va tuzilishi 3. Qoraqalpog`iston Respublikasi Oliy sudi, viloyat sudi, Toshkent shahar sudi raisi vakolatlari va bu sudlarda ishlarni tashkil qilish

www.arxiv.uz O`rta bo`g`in sudyalarining vakolatlari Jinoyat ishlari va fuqarolik ishlari bo`yicha Qoraqal-pog`iston Respublikasi Oliy sudi, jinoyat ishlari va fuqa-rolik ishlari bo`yicha viloyat, Toshkent shahar sudlari umumiy sudlar tizimida o`rta bo`g`inni tashkil etadilar. Sud tizimida o`rta bo`g`in sudyalari bir xil vakolat va mavqega egalar. Ular fuqarolik ishlari va jinoyat ishlarini ko`rib chiqishda keng huquqlarga egalar, xususan ular ishlarni birinchi instansiya sudi sifatida, apellatsiya, kassatsiya va nazorat tartibida ko`rib chiqadilar. Qoraqalpog`iston Respublikasi Oliy sudi, viloyat sudi, Toshkent shahar sudi: o`z vakolatlari doirasida ishlarni birinchi instansiya sudi sifatida, apellyatsiya, kassatsiya tartibida va nazorat tartibida ko`radi; tumanlararo, tuman (shahar) sudlarining faoliyati us-tidan nazorat olib boradi, sud amaliyotini umumlashtiradi; qonunga muvofiq boshqa vakolatlarni amalga oshiradi. Ushbu bo`g`in sudlari birinchi instansiya sudi sifatida JPK 389-moddasida ko`zda tutilgan jinoyat ishlarini ko`rib chiqadilar. Masalan, jinoyat ishlari bo`yicha Qoraqalpog`is-ton Respublikasining Oliy sudi Jinoyat kodeksining 97-moddasi ikkinchi qismida, 118-moddasining to`rtinchi qismi-da, 150,153, 155,157,158- moddalarini uchinchi qismida, 159-moddasi to`rtinchi qismida, 160,161 moddalarida, 210-mod-dasi uchinchi qismida, 230,231,242,244-moddalarida, 273- mod-dasi beshinchi qismida ko`zda tutilgan jinoyatlarning (javobgarlikni og`irlashtiradigan holatlarda qasddan odam o`ldirish, javobgarlikni og`irlashtiradigan holatlarda nomusga tegish, tinchlik va xavfsizlikka qarshi jinoyatlar, davlat boshqaruvi tartibiga, odil sudlovga qarshi va boshqa og`ir va o`ta og`ir jinoyatlar to`g`risida) sud ishini ko`rib chiqadi. Qoraqalpog`iston Respublikasi fuqarolik ishlari bo`yicha Oliy sudi, fuqarolik ishlari bo`yicha viloyatlar va Toshkent shahar sudlari qonunda o`z

www.arxiv.uz vakolatlariga berilgan fuqarolik ishlarini, shuningdek, alohida holatlarni hisobga olib har qanday fuqarolik ishini Qoraqalpog`iston Respublikasi, viloyatlar, Toshkent shahri hududidagi fuqa-rolik ishlari bo`yicha tumanlararo, tuman (shahar) sudidan olib, birinchi instansiya sudi sifatida o`zining ish yuriti-shiga qabul qilib olishga yoki bir suddan boshqa tegishli sudga o`tkazishga haqli (FPK 142, 143-moddalari). Viloyat yoki unga tenglashtirilgan sud barcha protsessual qoidalarga amal qilgan holda ishni ko`rib chiqadi va tegishli qaror qabul qiladi. O`rta bo`g`in sudlari tumanlararo va tuman sudlariga nisbatan yuqori turuvchi sud hisoblanadilar va ushbu sudlar tomonidan chiqarilgan qarorlarning asosli va qonuniyligi-ni tekshirish ishlarida faol ishtirok etadilar. O`zbekiston Respublikasi Oliy Majlisining 2000 yil 14 dekabrdagi ikkinchi chaqiriq IV-sessiyasida qabul qilin-gan yangi tahrirdagi «Sudlar to`g`risida»gi qonunning asosiy yangiliklaridan biri umumiy yurisdiksiya sudlarida protses-sual qonunchilikning muhim tartibi (instituti) hisoblana-digan ishlarni apellyatsiya tartibida ko`rib chiqishning jo-riy etilishi bo`ldi. Bu institut xalqaro amaliyotda e`tirof etilgan bo`lib, respublika xo`jalik sudlari tizimida qo`l-laniladi. Ishlarni apellyatsiya tartibida ko`rib chiqish yuqo-ri turuvchi sud instansiyasiga dalillarni bevosita tekshi-rib chiqish va tegishli qaror chiqarishga imkon beradi. Bu o`z navbatida fuqarolarning huquqlari himoyasi va qonuniy manfaatlarining kafolatlarini ancha ko`chaytiradi, sud ishining samaradorligi va tezkorligini ta`minlaydi, sezi-larli darajada davlat mablag`larining tejalishiga olib keladi. Apellyatsiya tartibida ishlarni sifatli ko`rib chiqish muhim ahamiyatga ega bo`lib, unda noqonuniy va asoslanmagan qarorlar, hukmlar, ajrimlar va farmoyishlarni kuchga ki-rishining oldi olinadi va bu o`z navbatida odil sudlovning maqsad va vazifalarini amalga oshirilishini ta`minlab beradi. O`rta bo`g`in sudlari tuman sudlarining qonuniy kuchga kirmagan hukmlari, qarorlari va ajrimlari ustidan kelib tushgan shikoyat va protestlarini ko`rib chiqishda, sudlarning mustaqillik tamoyilini buzmagan holda, muayyan ishlar bo`yicha tegishli ko`rsatmalar berish orqali odil sudlovning sifati va samaradorligini oshirishning muhim vositasini ishlatadilar.

www.arxiv.uz Muayyan jinoyat yoki fuqarolik ishi bo`yicha chiqarilgan apellyatsiya ajrimi nafaqat ushbu ish uchun muhim ahamiyatga ega. U ushbu ishda yo`l qo`yilgan xatolarning boshqa ishlarda takrorlanmasligi uchun tuman sudining keyingi amaliyotiga ta`sir qiladi. Bu o`z navbatida sud amaliyotini shakllani-shiga xizmat qiladi, tuman sudi va boshqa quyi turuvchi sudlarning ishlarini yaxshilashlarga ijobiy ta`sir qiladi. O`zbekiston Respublikasi JPK 497-moddasiga muvofiq ji-noyat ishlari bo`yicha tuman (shahar) sudlarining qonuniy kuchga kirmagan hukmlari ustidan - Qoraqalpog`iston Respub-likasi jinoyat ishlari bo`yicha Oliy sudiga, jinoyat ishlari bo`yicha viloyatlar va Toshkent shahar sudlariga apellyatsiya tartibida shikoyat berish va protest bildirish mumkin. Jinoyat ishlari bo`yicha tuman (shahar) sudlarining qonuniy kuchga kirgan hukmlari ustidan - Qoraqalpog`iston Respublikasi jinoyat ishlari bo`yicha Oliy sudiga, jinoyat ishlari bo`yicha viloyatlar va Toshkent shahar sudlariga; Qoraqalpog`iston Respublikasi jinoyat ishlari bo`yicha Oliy sudining, jinoyat ishlari bo`yicha viloyatlar va Toshkent shahar sudlarining qonuniy kuchga kirgan hukmlari ustidan - shu sudlarning sudlov hay`atlariga kassatsiya tartibida shikoyat berish va protest bildirish mumkin. Kassatsiya tartibida ishlarni ko`rib chiqish muhim aha-miyatga ega bo`lib, u noqonuniy va asossiz qarorlar, hukmlar, ajrimlar va farmoyishlarning ijro etilishining oldini olish, sud va tergovning xatolarini to`g`irlashga zamin yara-tadi va odil sudlovning maqsad va vazifalarini amalga oshirilishini ta`minlab beradi. Qoraqalpog`iston Respublikasining Oliy sudi, viloyat sudi, Toshkent shahar sudi nazorat instansiyasi sifatida apellyatsiya yoki kassatsiya tartibida ko`rib chiqilgan ishlarda chiqarilgan hukm va ajrim (qaror)larning qonuniyligi va asoslanganligini tekshirish vakolatiga ega. Bu funksiya nafaqat muayyan ishlar bo`yicha yo`l qo`yilgan xatolarni to`g`irlashga, shu bilan birga Qoraqalpog`iston Respublikasi, viloyat va boshqalar hududida sud amaliyotini tegishli yo`nalishga yo`naltirishga xizmat qiladi.

www.arxiv.uz O`rta bo`g`in sudlarining tarkibi va tuzilishi «Sudlar to`g`risida» qonunning 29-moddasida shunday de-yilgan: Qoraqalpog`iston Respublikasi jinoyat ishlari bo`yi-cha Oliy sudi, jinoyat ishlari bo`yicha viloyat, Toshkent sha-har sudlari rais, rais o`rinbosari, sudyalar, xalq masla-hatchilaridan iborat bo`ladi va sud Rayosati hamda sudlov hay`atlari tarkibida ish olib boradi. Qoraqalpog`iston Respublikasi fuqarolik ishlari bo`yi-cha Oliy sudi, fuqarolik ishlari bo`yicha viloyat, Toshkent shahar sudlari rais, rais o`rinbosari, sudyalardan iborat bo`ladi va sud Rayosati hamda sudlov hay`atlari tarkibida ish olib boradi. Qoraqalpog`iston Respublikasi Oliy sudi, viloyat sudi, Toshkent shahar sudi Rayosati shu sudning sudyalaridan iborat tarkibda ish olib boradi. Qoraqalpog`iston Respublikasi Oliy sudi, viloyat sudi, Toshkent shahar sudi Rayosati majlislari har oyda kamida ikki marta o`tkaziladi va Qoraqalpog`iston Respublikasi Oliy sudi, viloyat sudi, Toshkent shahar sudi Rayosati a`zo-larining ko`pchiligi hozir bo`lgan taqdirda vakolatli hisob-lanadi. Muayyan ishlar yuzasidan Qoraqalpog`iston Respublikasi Oliy sudi, viloyat sudi, Toshkent shahar sudi Rayosati qaror-lari ovoz berishda qatnashgan Qoraqalpog`iston Respublikasi Oliy sudi, viloyat sudi, Toshkent shahar sudi Rayosati a`zo-larining ko`pchilik ovozi bilan qabul qilinadi va tegishli sud raisi tomonidan imzolanadi. Endi umumiy yurisdiksiya o`rta bo`g`in sudlarining vako-latlari to`g`risida to`xtalib o`tamiz. Qoraqalpog`iston Respublikasi Oliy sudi, viloyat sudi, Toshkent shahar sudi Rayosati: o`z vakolatlari doirasida ishlarni nazorat tartibida ko`rib chiqadi; sud amaliyotini umumlashtirish natijalarini ko`rib chiqadi;

www.arxiv.uz hay`atlar faoliyati to`g`risidagi ma`ruzalarni, tuman-lararo, tuman (shahar) sudlari raislarining shu sudlar fao-liyati to`g`risidagi va qonun hujjatlarini qo`llash amaliyoti to`g`risidagi ma`ruzalarini tinglaydi; qonunga muvofiq boshqa vakolatlarni amalga oshiradi. Hukm va ajrim (qaror) ishlarini nazorat tartibida ko`rib chiqish bu ishlar apellyatsiya yoki kassatsiya tartibida ko`rib chiqilgandan so`nggina va shu sud raisi, prokuror yoki ularning o`rinbosarlarining protestlari asosidagina yo`l qo`yiladi. Protestda o`ta og`ir jinoyat to`g`risidagi qonunni qo`llash, jazoni ko`chaytirish yoki mahkumning ahvolini yomonlashtiruvchi boshqa o`zgartirishlarni kiritish, oqlov hukmini yoki sudning ishni tugatilganligi to`g`risidagi aj-rimi (qarori)ni qayta ko`rib chiqish kabi masalalar qo`yili-shi mumkin. Sudning ayblov hukmi yoki ajrimi (qarori) qonuniy kuchga kirganigandan so`ng bir yil davomidagina bunday protestni qayta ko`rib chiqish uchun yo`l qo`yiladi. Nazorat instansiya sudi jinoyat ishini nazorat tarti-bida ko`rib chiqib apellyatsiya yoki kassatsiya ajrimi, hamda, agar chiqarilgan bo`lsa, sudning keyingi ajrimi, qarorlari-ni bekor qiladi va ishni apellyatsiya yoki kassatsiya tartibida yangidan ko`rib chiqishga beradi. Rayosat tashkiliy xarakterdagi masalalarni hal qiladi. U sud amaliyotini umumlashtirish natijalari, tuman sud-lariga qonunchilikni to`g`ri qo`llashda ko`mak berish chora-tadbirlari, jinoyatchilik va sudlovning ahvoli, fuqarolar-ning shikoyat va arizalarini hal qilish ishlarining ahvoli, sud faoliyatining joriy va kelajakdagi (istiqboldagi) rejalari bo`yicha ma`lumotlarni tinglaydi va muhokama qiladi. Qoraqalpog`iston Respublikasi Oliy sudi, viloyat sudi, Toshkent shahar sudining sudlov hay`atlari: - o`z vakolatlari doirasida ishlarni birinchi instan-siyada ko`rib chiqadi; - apellyatsiya yoki kassatsiya tartibida shikoyat berish (pro-test bildirish) huquqiga ega bo`lgan shaxslarning xohishiga ko`ra, ishlarni apellyatsiya yoki

www.arxiv.uz kassatsiya tartibida ko`rib chiqadi. Apellyatsiya tartibida ko`rilgan ish kassatsiya tarti-bida ko`rilmaydi; - sud amaliyotini umumlashtiradi; - qonunga muvofiq boshqa vakolatlarni amalga oshiradi. Sudlov hay`atiga uning raisi rahbarlik qiladi. Odat-da sudlov hay`atining raisi sud raisining o`rinbosari bo`-ladi. Qoraqalpog`iston Respublikasi Oliy sudi, viloyat sudi, Toshkent shahar sudi raisining o`rinbosari sudlov hay`ati ishini tashkil qiladi; sudlov hay`ati majlislarida rais-lik qilishi mumkin («Sudlar to`g`risida» qonunning 35-moddasi). Ishni birinchi instansiyada ko`rib chiqishda sudlov hay`ati odatda raislik qiluvchi va ikki xalq maslahatchi-sidan iborat tarkibda harakat qiladi. Ishlarni tegishli sudlarning hay`atlarida apellyatsiya va kassatsiya tartibida ko`rib chiqish uch sudyadan iborat tarkibda amalga oshiri-ladi. Qoraqalpog`iston Respublikasi Oliy sudi, viloyat sudi, Toshkent shahar sudi raisi vakolatlari va bu sudlarda ishlarni tashkil qilish Fuqarolik va jinoyat ishlari bo`yicha Qoraqalpog`iston Respublikasi Oliy sudi, fuqarolik va jinoyat ishlari bo`yicha viloyat, Toshkent shahar sudlarining ishini sud raisi va uning o`rinbosari sud xodimlari yordamida amalga oshiradi. Ushbu sudning ishlarini tashkil etishga sud raisi mas`ul bo`ladi. U sud faoliyatiga tashkiliy jihatdan rahbarlik qiladi; sud ishlari bo`yicha chiqarilgan hal qiluv qarorlari, hukmlar, ajrimlar va qarorlar ustidan qonunda belgilan-gan doirada va tartibda protest kiritadi; sud ishlarini nazorat tartibida tekshirish uchun talab qilib oladi; sud Rayosatini chaqiradi va uning majlislarida raislik qiladi; sud Rayosatining qarorlari bajarilishi ustidan nazo-ratni amalga oshirish ishini tashkil etadi; Qoraqalpog`iston Respublikasi, viloyat, Toshkent shahar sudlari sudyalarining intizomiy javobgarligi haqida ish qo`zg`atadi;

www.arxiv.uz sudyalar, sudning boshqa xodimlari hamda xalq masla-hatchilari malakasini oshirish ishini tashkil etadi; sud amaliyotini umumlashtirish va sud statistikasini yuritish ishini tashkil etadi; fuqarolarni shaxsan qabul qiladi, ularni qabul qilish, ariza va shikoyatlarni ko`rib chiqish ishini tashkil etadi; sudyalarning malaka hay`ati qarorlari ustidan Umu-miy yurisdiksiya sudlari sudyalarining Oliy malaka komissiyasiga taqdimnomalar kiritadi; sud devoni ishlariga rahbarlik qiladi, sud xodimlari bilan mehnat shartnomalarini tuzadi va bekor qiladi; qonun hujjatlariga muvofiq boshqa vakolatlarni amalga oshiradi. Bundan tashqari, sud raisi sud ishiga umumiy rahbar-lik qilish mas`uliyati yuklangan shaxs sifatida, joriy va kelajak (istiqbol) ishlari bo`yicha rejalarni tasdiqlaydi, sud tomonidan qabul qilingan qarorlar ijrosi nazoratini tashkil qiladi. U maslahatchilar, kotiblar va boshqa texnik kadrlarga rahbarlik qiladi, sud devoni xodimlarining malakasi va professional mahoratini oshirish ishlarini tashkil qila-di, sudning moliyaviy va hisobot ishlarini nazorat qiladi, aholini qabul qilish va fuqarolarning ariza va shikoyat-larini ko`rib chiqish bo`yicha ishlarni tashkil qiladi, sud-ning ish yuritish ishlariga rahbarlik qiladi. O`rta bo`g`in sudi raisi o`rinbosarga ega. Sud raisi o`rin-bosarininng vakolatlari «Sudlar to`g`risida» qonunning 35-moddasida belgilab berilgan. Qoraqalpog`iston Respublikasi Oliy sudi, viloyat sudi, Toshkent shahar sudi raisining o`rinbosari: sudlov hay`atlarining ishini tashkil etadi; sudlov hay`ati majlislarida raislik qilishi mumkin; sud rayosatiga sudlov hay`atlarining faoliyati to`g`risida ma`-ruzalar taqdim etadi; fuqarolarni shaxsan qabul qiladi; sud raisi yo`qligida uning vakolatlarini amalga oshiradi; qonun hujjatlariga muvofiq boshqa vakolatlarni amalga oshiradi. O`rta bo`g`in sudlarining xodimlari tarkibiga maslahat-chilar, devonxona boshqaruvchisi, sud majlisi kotiblari, ish yurituvchilar, mashinistkalar va arxivariuslari kiradi.

www.arxiv.uz Maslahatchilar sudga kelib tushgan shikoyat va ishlarni o`rganib chiqadilar va ular to`g`risida sud raisiga axborot beradilar, boshqa ishlarni bajaradilar. Devonxona mudiri sud hay`atlari kotiblariga rahbar-lik qiladi, tashrif buyuruvchilarni qabul qilishni tashkil etadi, sudga kelib tushgan xatlar bo`yicha sud raisi yoki uning o`rinbosarlariga axborot beradi, xalq maslahatchila-rini sudga chaqirish ishlarini tashkil qiladi, sud raisi yoki uning o`rinbosarlarining ruxsatiga muvofiq fuqarolarga turli sud hujjatlarini beradi va yuboradi. Sud majlisining kotiblari birinchi instansiyada ko`-rib chiqiladigan ishlar bo`yicha bayonnomalarni yuritadi, sud ishtirokchilariga chaqiruv qog`ozlarini yuboradi, prokuror va advokatlarni ishni tinglash vaqtidan xabardor qiladi, qamoqda bo`lgan sudlanuvchilarni ma`lum bir kun va soatda sudga olib kelish ishlarini tashkil qiladi va boshqalarni amalga oshiradi. Rayosat kotibi rayosatning ish yuritish ishlarini amal-ga oshiradi, rayosat a`zolari va prokurorni kengash muddati va ko`rib chiqiladigan masalalarning xarakteridan xabardor qiladi, rayosat ishining natijalarini rasmiylashtiradi. Sudning boshqa xodimlari – ish yurituvchilar, kuryer-lar (xat tashuvchilar), mashinistkalar, arxivariuslari o`z lavozimlariga muvofiq belgilangan ishlarni amalga oshira-dilar. Ularning hammasi sud ishini tashkil qilishga u yoki bu darajada hissa qo`shadi. Viloyat sudi ishini ta`minlashning muhim vositasi jo-riy va kelajak rejasini tuzish. Kelajak ishini rejalash-tirish viloyat sudining diqqatini sudning asosiy yo`nalish ishlariga qaratishga imkon beradi. U uzoq muddatli sud faoliyatini ta`minlab beruvchi chora-tadbirlarni amalga oshirishga xizmat qiladi. Joriy rejalashtirish kundalik ishlarni tashkil qilishga yo`naltirilgan, masalan, protest-larni ko`rib chiqish, jinoyat va fuqarolik ishlarini hal qilish. Yuqorida ko`rsatilgan rejalarda xalq maslahatchi-larini huquqiy jihatdan o`qitish, sudyalar va sud devoni xodimlari majlislarini tashkil qilish ham ko`zda tuti-ladi. Aholini qabul qilishni sud raisi va uning o`rinbosari tashkil qiladi. Qabul qat`iy belgilangan vaqtda amalga oshiriladi. Fuqarolarni qabul qilish jarayonida fuqaro-larga kerakli huquqiy masalalar tushuntiriladi, ariza va shikoyatlar qabul

www.arxiv.uz qilinadi, so`rov xatlari, ma`lumotnoma-lar, sud qarorlaridan ko`chirmalar, hukmlarning nusxalari beriladi. Kadrlar bilan ishlash sud raisi, uning o`rinbosari, de-vonxona mudiri tomonidan amalga oshiriladi. Bu ishlar butun sud, sud hay`atlari va texnik xodimlarga taalluqli-dir. Xodimlarni tanlash, joylashtirish va boshqa lavozim-larga o`tkazish viloyat sudining sudyalari va boshqa xodim-larining professional- ishbilarmonlik va ma`naviy fazi-latlarini (sifatlarini) o`rganish asosida amalga oshiri-ladi. Xalq maslahatchilari bilan ishlash ularni huquq va sud faoliyatining asoslari bilan tanishtirish, ko`rib chiqilishi lozim bo`lgan ishlar bilan o`z vaqtida tanishib chiqishga sha-roit yaratish, materiallarni dastlabki o`rganib chiqishda yuzaga kelishi mumkin bo`lgan huquqiy masalalarni tushun-tirish va boshqa ishlardan iborat bo`lishi kerak. O`rta bo`g`in sudlari faoliyatning muhim yo`nalishlari-dan biri sud amaliyotini o`rganish va umumlashtirish hisob-lanadi. Sud hay`atlarining kassatsiya va apellyatsiya amaliyot-larini, Rayosatning nazorat amaliyotini umumlashtish va muayyan ishlarni o`rganib chiqish asosida ushbu bo`g`in sudlari ishlarda yo`l qo`yilgan xatolar va kamchiliklar bo`yicha ama-liy materiallarni oladi. Bu o`z navbatida yo`l qo`yilgan xatolarni sabablarini aniqlash, sud ishining sifati to`g`-risida axborotga ega bo`lish va sud faoliyatini takomillash-tirish chora- tadbirlarini belgilab olishga imkon beradi. Qo`yilgan maqsaddan kelib chiqqan holda apellyatsiya, kassatsiya va nazorat amaliyoti turli masalalar bo`yicha umumlashtiriladi va o`rganib chiqiladi: ma`lum turdagi jinoyat va fuqarolik ishlari bo`yicha, mulkiy va protsessual qonunlarni qo`llash masalalari va boshqalar bo`yicha. Bu mansabdor shaxslar tomonidan keltirilgan protestlarning asoslanganligi va qonuniyligini, hukm va qarorlarni tek-shirishning samaradorligini aniqlashga imkon beradi. Bun-dan tashqari shikoyat va protestlarda keltirilgan dalil-is-botlarni o`rganishda yo`l qo`yilgan kamchiliklar aniqlanadi. Umumlashtirish ma`lum bir tuman yoki bir

www.arxiv.uz necha tuman sudlarining faoliyati bilan bog`liq bo`lgan materiallarni o`rganish yo`li bilan ham amalga oshiriladi. Qonunchilikni tizimlashtirish ishlari bu yerda, tuman sudlaridagi kabi, kodekslar va boshqa qonunlar, O`zbekiston Respublikasi Prezidentining farmonlari, O`zbekiston Res-publikasi Hukumatining Qarorlari, O`zbekiston Respubli-kasi Oliy sudi Plenumining Qarorlari, Nizomlar va bosh-qalarni rasmiy nashrlarining nazorat nusxalarini olib borish, ro`yxatga olish va saqlashdan iborat. Jinoyat va fu-qarolik ishlari bo`yicha statistik hisobdorlik belgilangan shakl va muddatda sud raislarining rahbarligi ostida amal-ga oshiriladi. Statistik hisobdorlik quyi turuvchi sudlar-ning faoliyatlari to`g`risida ma`lumotlarni to`plash va qay-ta ishlash ishlarini ham o`z ichiga oladi. Ish yuritish sud natijalari va qabul qilingan qaror-lar ijrosini sifatli rasmiylashtirish ishlarini ta`min-lash maqsadida amalga oshiriladi. Bu ishga mas`ul bo`lgan shaxslar sud hujjatlarining tegishli darajada saqlash, ishlarining sudda harakati ustidan kuzatuv olib borish, belgilagan shakldagi ro`yxatga olish jurnallari, hisob-kar-tochkalari va naryadlarni yuritish ishlarini amalga oshira-dilar. O`rta bo`g`in sudlari sudyalarning malakasini oshi-rish ishlarini tashkil qilish bilan ham shug`ullanadilar. Xususan, ular sudlar faoliyatining dolzarb masalalari ko`-rib chiqiladigan majlislarni (barcha sudyalar ishtirokida-gi) o`tkazadilar. Bundan tashqari, yangi qonunchilik, yuqori sud instansiyalarining qarorlari va sud faoliyati uchun ahamiyatga ega bo`lgan boshqa hujjatlar bilan tanishtirish bo`yicha seminar va mashg`ulotlarni tashkil etadilar.

www.arxiv.uz Adabiyotlar: 1. O`zbekiston Respublikasi Konstitutsiyasiga sharhlar, -T.: «Adolat»; O`zbekiston Respublikasi IIV Akademiyasi, 1997. 2. Pravooxranitelniye organi. Uchebnik dlya vuzov. / Pod redaksiyey professora K.F. Gutsenko 3-ye izdaniye dopolnennoye i pererabotannoye. –M.: Zersalo, 1997. 3. O`zbekiston Respublikasida Sud islohotlarini yanada rivojlantirish Dasturi. O`zbekiston Respublikasi Oliy sudi Byulleteni, 1996 yil, №3-4 soni. 4. Savitskiy V.M. Organizatsiya sudebnoy vlasti v Rossiy-skoy Federatsii. Uchebnoye posobiye dlya vuzov. –M.: BEK, 1996. 5. O`zbekistonda sud hokimiyati: islohotlar davri.-T., “Adolat”, 2002. 6. Tixomirova L.V., Tixomirov M.Y. Yuridicheskaya ensik-lopediya (pod redaksiyey M.Y. Tixomirova). – М .: 1997 .

O'xshashlar

Fuqarolik ishlari bo`yicha tumanlararo, tuman (shahar) sudi

O’zbekiston respublikasi sud hokimiyatining konstitutsiyaviy asoslari

O'zbekiston Respublikasida sud hokimiyatining konstitutsiyaviy asoslari

O`zbekiston Respublikasida sud hokimiyatining tashkil etilishi

Fuqarolik, jinoiy va ma’muriy sud ishlari sohasidagi sud hokimiyati organlari