logo
  1. Bosh sahifa
  2. Referatlar
  3. Huquqshunoslik
  4. Sudlanganlik

Sudlanganlik

Yuklangan vaqt:

20.09.2019

Ko'chirishlar soni:

0

Hajmi:

64.5 KB
Ko'chirib olish
Sudlanganlik Reja: 1.Sudlanganlik tushunchasi va uning huquqiy ahamiyati 2.Sudlanganlik holatining tugallanishi 3. Sudlanganlikni olib tashlash 4. Sudlanganlik holatining tugallanishi yoki sudlanganlikni olib tashlash muddatlarini hisoblash   Sudlanganlik tushunchasi va uning huquqiy ahamiyati.                                             Jinoyat huquqida sudlanganlik deganda, sodir qilgan jinoyati uchun shaxsga sud tomonidan jinoyat qonunida belgilangan biror jazoning tayinlanishi tushuniladi. Sudlanganlik — bu sud tomonidan aybdor deb topilgan va aniq bir jazo chorasi qo`llanilgan shaxsning huquqiy holatidir. 1 [150] Sudlanganlik shaxsni sodir etgan jinoyati uchun hukm qilinganligidan kelib chiqadigan huquqiy holatdir. Shaxsni hukm qilish deganda, shaxsning qilmishida jinoyat tarkibining barcha elementlari mavjud bo`lgan aniq jinoyatni sodir etishda aybdor deb topish, 1 [150] Советское уголовное право. Обшая часть. Под ред. Н.А.Беляева и М.И.Ковалева. Москва . 1997 г Стр-257   SUDLANGANLIK Sudlanganlikning huquqiy ahamiyati (JK 77-moddasi) Sudlanganlik holatining tugallanishi ( JK 78-moddasi ) Sudlanganlikning olib tashlanishi ( JK 79-moddasi ) Sudlanganlik holatining tugallanishi yoki sudlanganlikni olib tashlash muddatini hisoblash (JK Аmnistiya akti yoki avf etish asosida jazodan ozod qilish 80-moddasi) shuniningdek, bu shaxsga nisbatan muayyan turdagi va miqdordagi yoki muddatdagi jazoning tayinlanishi tushuniladi. Jazoning turi va miqdori yoki muddati shaxsni sudlangan deb topish va hisoblash uchun ahamiyatga ega emas, lekin, bu sudlanganlikning tugallanishi yoki olib tashlanishiga ta`sir qiladi. Demak, sud tomonidan ayblov hukmining chiqarilishi sudlanganlik holatini keltirib chiqaruvchi asos hisoblanadi. Ayblov hukmi jinoyat sodir etishda aybli deb topilgan va jinoiy jazoga hukm etilgan shaxsning alohida huquqiy holatini belgilovchi sudlanganlikni vujudga keltiradi va u bekor qilungunga qadar (olib tashlash yoki tugashi) davom etadi. Sudlanganlikning bekor qilinishi bilan sudlanganlikning barcha huquqiy oqibatlari ham bekor bo`ladi. O`zbekiston Respublikasi Jinoyat kodeksining 77-moddasiga ko`ra, sudlanganlik shaxsning sodir etgan jinoyati uchun hukm etilganligidan keyin kelib chiqadigan huquqiy holatdir. Ayblov hukmi qonuniy kuchga kirganidan boshlab shaxs sudlangan deb hisoblanadi. Sud tomonidan jazodan ozod qilingan shaxs sudlanmagan deb hisoblanadi. Shuningdek,, shaxs jazoni o`tagan, ammo qonunni o`zgarishi bilan bunday qilmish jinoyat deb hisoblanmaydigan taqdirda yoki sodir qilingan jinoyat uchun tayinlangan jazoni o`tab bo`linishi bilan sudlanganlik holatining tugallanishi belgilangan bo`lsa, shaxs sudlanmagan deb hisoblanadi. Shaxs ayblov hukmi qonuniy kuchga kirgandan boshlab sudlangan hisoblanadi. U ayblov hukmi bilan biror-bir jinoyatni sodir etganligi bois sud tomonidan hukm qilinadi. Shunday qilib jazoni o`tash davrida va uni o`tab bo`lgandan keyin h am qonunda ani q belgilangan muddat davomida shaxs sudlangan hisoblanadi. Sud hukmi bilan jazodan ozod q ilingan shaxs esa sudlangan hisoblanmaydi. Jinoyat kodesi 77-moddasi 3-qismida sudlanganlik ushbu kodeksda nazarda tutilgan hollarda va shaxs yangi jinoyat sodir etgandagina huquqiy ahamiyatga ega ekanligi ko`rsatilgan. Sudlanganlikning huquqiy ahamiyati sudlanganlikning mazmunini tashkil etadigan huquqiy oqibatlar bilan belgilanadi. Sudlanganlik fuqarolik-huquqiy, ma`muriy-huquqiy va jinoiy huquqiy oqibatlarni keltirib chiqaradi. Sudlanganlik holatining fuqarolik-huquqiy oqibatlari: birinchidan , shaxs rasmiy hujjatlarni to`ldirganida sudlanganligi haqida yozib qo`yishga majbur bo`ladi; ikkinchidan, sudlanganlik holati shaxsning turar joy erkinligini chegaralash uchun asos bo`lib xizmat qilishi mumkin; uchinchidan, shaxsning sudlanganligi uning muayyan faoliyat turi bilan shug`ullanishiga (advokatlik faoliyati) yoki huquqni muhofaza qilish organlarida ayrim mansablarni (prokuratura tergovchilari, prokurorlar, sudya va h. k.) egallashlariga to`skinlik qilishi mumkin; Sudlanganlikning ma`muriy-huquqiy oqibati shundan iboratki, sudlanganlik ayrim toifadagi sudlanganlar ustidan ma`muriy nazorat o`rnatilishiga sabab bo`ladi. Ularning muayyan hududlarda bo`lishi ta`qiqlanadi. Sudlanganlikning jinoyat-huquqiy oqibatlari shaxsning oldindangi jinoyati uchun sudlanganlik muddati o`tmasdan yoki qonunda belgilangan tartibda olib tashlanmasdan yangi jinoyat sodir etganidagina vujudga keladi. Sudlanganlik holati jinoyat-huquqiy bo`lmagan oqibatlarni ham keltirib chi q aradi. Sudlanganlikning umumiy huquqiy oqibatlari kabi jinoyat-huquqiy oqibatlari ham jinoiy jazo samaradorligini oshirish va mahkumni tarbiyalashga qaratilgan choralarni mustahkamlash, shuningdek,, avval sudlangan shaxslar tomonidan yangi jinoyatlar sodir etilishining oldindani olishga qaratilgandir. Shaxs oldindangi jinoyati uchun sudlanganlik muddati o`tmasdan yangi jinoyat sodir etganidagina sudlanganlik uning uchun jinoyat-huquqiy ahamiyatga ega bo`ladi. Bu: 1) 1)       sudlanganlik jazoni og`irlashtiruvchi holat sifatida inobatga olinib, sud tomonidan og`irroq jazo qo`llanishiga sabab bo`lishi mumkin (JK 56-moddasi 1-qismi «n» bandi) ; 2) 2)       sudlanganlik shaxsni xavfli va o`ta xavfli retsidivist deb hisoblashga asos bo`ladi (Jinoyat kodeksi 34-moddasi) ; 3) 3)       sudlanganlik shaxsni jinoiy javobgarlikdan ozod qilishga to`sqinlik qiladi (Jinoyat kodeksi 66-moddasida ko`rsatilgan asoslarga ko`ra); 4) 4)       sudlanganlik ozodlikdan mahrum qilish turidagi jazoni o`tashning muayyan tartibiga ta`sir etadi (Jinoyat kodeksi 50, 85-moddalari) ; 5) 5)       sudlanganlik muayyan jazo turlarini belgilashda to`siq bo`ladi (Jinoyat kodeksi 48-moddasi) ; 6) 6)       alohida tartibda jazo tayinlanishiga sabab bo`ladi; 7) 7)       muayyan jinoyat tarkiblarining og`irlashtiruvchi belgisi hisoblanadi (masalan, Jinoyat kodeksi 166-moddasi 3-qism «a» bandida takroran sodir etilgan talonchilik uchun kuchaytirilgan javobgarlik nazarda tutiladi) ; 8) 8)       muayyan toifadagi (og`ir va o`ta og`ir) jinoyatlar uchun sudlanganlik mahkumning muddatidan oldindan shartli ravishda ozod qilish masalasini hal qilishda u amalda o`tagan muddatni ko`paytiradi (Jinoyat kodeksi 73-moddasi 3- qismining «b» va «v» bandlari) ; 9) 9)       jinoyatning ijtimoiy xavfliligiga qarab ijtimoiy xavfi katta bo`lmagan, uncha og`ir bo`lmagan, og`ir, o`ta og`ir ( Jinoyat kodeksi 15-moddasi) jinoyatlar uchun javobgarlikka tortish muddatlarini hisoblashga ta`sir ko`rsatadi (Jinoyat kodeksi 64-moddasi) ; 10) 10)                 jazodan ozod etishga to`siq bo`lishi mumkin (Jinoyat kodeksi 71, 72, 73, 74-moddalari). 11) 11)                 ozodlikdan mahrum qilish jazosini tayinlashda jazoni ijro etish muassasasi turini aniqlashga ta`sir qiladi. Yuqoridagi holatlardan kelib chiqib sudlanganlikning huquqiy ahamiyatini sudlangan shaxs yangi jinoyat sodir etgandagina ko`rishimiz mumkin. Boshqacha qilib aytganda, shaxsning sudlanganlik holati sud tomonidan faqat keyingi jinoyati uchun shaxs sudlangan deb hisoblangan davr mobaynida, ya`ni sud hukmi qonuniy kuchga kirgan vaqtlar to u olib tashlangungacha yoki tugagungacha bo`lgan davr mobaynida hisobga olinishi mumkin.   Sudlanganlik holatining tugallanishi.   Jinoyat huquqiga oid adabiyotlarda sudlanganlik instituti ogohlantirish ahamiyatiga ega bo`lib, kriminologik ma`lumotlarga asoslananishi haqida fikrlar bildirilgan. 2 [151] Ulardan sudlanganlik ilmiy asoslangan ma ` lumotlarga tayanadi , uning muddati jinoiy javobgarlik maqsadiga erishish uchun yetarli bo ` ladi va belgilangan muddatning o ` tishi bilan shaxs o ` zining ijtimoiy xavfliligini yo ` qotadi , degan xulosaga kelish mumkin. Qonunda belgilangan muddatning o`tishi bilan sudlanganlik tamom bo`ladi. Jinoyat kodeksining78-79-moddalariga muvofik sudlanganlikning tamom bo`lishi 2 shaklda namoyon bo`ladi: Birinchidan , sudlanganlik holatining tugallanishi (avtomatik ravishda); Ikkinchidan : sudlanganlikni olib tashlash(sud tomonidan). Qonunda belgilangan muddatning o`tishi bilan avtomatik ravishda sudlanganlik holati tugallangan deb topiladi. Sudlanganlik holatining tugallanishi avtomatik tarzda ro`y berib, buning uchun hech qanday hujjat talab qilinmaydi. NOTA BENE!   Sudlanganlik holatining tugallanishi deganda , muayyan muddatlarning o`tishi bilan mazkur masalaga oid sudning maxsus qarori q abul qilinmasdan barcha huquqiy oqibatlar va cheklanishlarning tugallanishi tushuniladi. Sudlanganlik holati tugallanganida shaxs sudlanmagan deb hisoblanadi. Sudlanganlik holatining tugallanishi uchun qonunda ikki shart belgilangan: 1) 1)                             shaxs asosiy va qo`shimcha jazoni o`tab bo`lgan va undan ozod qilingan kunidan boshlab qonunda ko`rsatilgan muddatlarni o`tishi talab qilinadi. Bu muddatlar o`talgan jazo turiga boglik bo`ladi. 2) 2)                             sudlanganganlik holatini tugallangan deb topish uchun shu muddatlar ichida shaxsning yangi jinoyatlar sodir etmasligi talab q ilinadi. Shaxs sudlanganlik muddati o`tmasidan yangi jinoyat sodir q ilsa, bu muddatning o`tishi uziladi. Bunday holda sudlanganlik muddati birinchi jinoyati yangi jinoyati uchun tayinlangan jazoni o`tagan kunidan boshlanadi. Masalan, shaxs besh yil ozodlikdan mahrum q ilish jazosini o`tasa va to`rt yillik sudlanganlik 2 [151] Голина В.В Погошение и сняти судимости по советскому уголовному праву. Харьков. 1973 . С . 137 muddati o`tishiga ikki yil q olganida yangi jinoyatni sodir etganligi uchun unga axlo q tuzatish jazosi tayinlansa, ushbu shaxsning sudlanganlik muddati axlo q tuzatish jazosini o`taganidan keyin to`rt yildan so`ng o`tgan hisoblanadi. Agar ikkinchi jinoyati uchun sudlanganlik muddati birinchi jinoyatiga nisbatan uzo q roq bo`lsa, u holda sudlanganlik muddati ikkinchi jinoyati uchun tayinlangan jazoni o`tagandan keyin boshlanadi. JK 78-moddasiga ko`ra sudlanganlik holati quyidagi vaqtlarda tugallanadi: 1) shartli hukm qilinganlarga nisbatan-sinov muddati tugagandan boshlab; 2) xizmat bo`yicha cheklash yoki intizomiy qismga jo`natish tarzidagi jazolarni o`tab chiqqach; 3) jarima jazosi ijro etilgan kundan keyin, shuningdek, muayyan huquqdan mahrum qilish yoki axloq tuzatish ishlari jazolari o`talganidan keyin bir yil o`tgach; 4) qamoq jazosi o`talgandan keyin-ikki yil o`tgach; 5) besh yildan ko`p bo`lmagan muddatga ozodlikdan mahrum qilish jazosi o`talgandan keyin-to`rt yil o`tgach; 6) besh yildan ortiq, lekin o`n yildan ko`p bo`lmagan muddatga ozodlikdan mahrum qilish jazosi o`talgandan keyin-yetti yil o`tgach; 7) o`n yildan ortiq, lekin o`n besh yildan ko`p bo`lmagan muddatga ozodlikdan mahrum qilish jazosi o`talgandan keyin-o`n yil o`tgach; Shartli hukm qilinganda sudlanganlik muddati bir yildan uch yilgacha bo`lgan sinov muddati o`tgandan so`ng tugallangan hisoblanadi. Agar shartli hukm qilingan shaxsga nisbatan qo`shimcha jazo chorasi qo`llanilgan bo`lsa, bu muddat sudlanganlik muddatidan ko`p bo`lsa, sudlanganlik qo`shimcha jazo muddati tugagach tamom bo`lgan hisoblanadi. O`n besh yil va undan ortiq muddatga hukm qilingan shaxs ozodlikdan mahrum qilish jazosini o`tab chiqqanidan so`ng, shuningdek, , o`ta xavfli retsidivist deb topilgan shaxslarga nisbatan sudlanganlik holati tugallanmaydi. Ularga nisbatan sudlanganlik muddati Jinoyat kodeksi 79-moddasi, 2-qismiga ko`ra olib tashlanishi mumkin. Sudlanganlik holatining tugallanishi shaxsning yangi jinoyat sodir etilishi bilan uziladi. Bunday holda sudlanganlikning birinchi jinoyat bo`yicha tugallanish muddati aybdorning oxirgi jinioyat uchun jazoni haqiqiy o`tab bo`lganidan so`ng hisobga olinadi. Shaxs ikki o`ta og`ir jinoyati uchun muddatni o`tab bo`lishiga qadar har ikki jinoyat uchun sudlangan deb topiladi. Sudlanganlik holati tugallanishi bilan uning barcha huquqiy oqibatlari bekor bo`ladi va yangi jinoyat sodir etilgan taqdirda, jinoyatga javobgarlikni og`irlashtiruvchi holat deb hisoblab bo`lmaydi. Sudlanganlik holatini tugallanishi yangi sodir etilgan jinoyat uchun jazo tayinlashda ; jazodan shartli ravishda muddatidan ilgari ozod qilish ; jazoni yengilrog`i bilan almashtirishda e`tiborga olinishi mumkin emas. Sudlanganlik o`zining jinoyat huquqiy ahamiyatini yo`qotgandan keyin ozodlikdan mahrum qilish jazosini o`tash tartibini belgilashda ham e`tiborga olinmaydi. Agar sudlanganlik holati tugallangan yoki olib tashlangan bo`lsa, sudning hukmida avvalgi sudlanganlik e`tiborga olinmasligi lozim.   Sudlanganlikni olib tashlash.   Sudlanganlikning olib tashlanishi sud tomonidan uning ajrimi asosida yoxud O`zbekiston Respublikasi Prezidentining avf etish yoki amnistiya akti asosida amalga oshiriladi. Sudlanganlikning olib tashlanishi vakolatli xokimiyat organining tegishli qarori bilan uning bekor qilinishida ifodalanadi. Sudlanganlik: 1) o`n besh yil va undan ortiq muddatga ozodlikdan mahrum qilish shaklidagi jazoni o`taganlarga; 2) belgilangan tartibda o`ta xavfli retsidivist deb topilganlardan olib tashlanishini nazarda tutadi ( JK 79-moddasi). Ushbu toifa shaxslarga nisbatan sudlanganlikni olib tashlash masalasini muhokama qilish uchun: a) jazoni o`tagandan so`ng o`n besh yillik muddatning o`tishi; b) yangi jinoyat sodir etmaslik asos bo`ladi. Sudlanganlikni olib tashlashning zaruriy sharti mazkur shaxsning tuzalganligi va uning sudlangan deb topishga zarurat qolmaganligi to`g`risidagi sudning ajrimi hisoblanadi . Amaldagi JK 79-moddasida sudlanganlikni olib tashlash mumkinligi nazarda tutilgan. Qonunda sudlanganlikni olib tashlashning ikkita turi nazarda tutilgan bo`lib, bular:o`n besh yildan kam muddatga ozodlikdan mahrum qilish jazosini o`tab chiqqanlarning sudlanganligini muddatdan ilgari olib tashlash va o`n besh yil va undan ortiq muddatga ozodlikdan mahrum qilish jazosini o`tab chiqqanlar hamda o`ta xavfli retsidivistlarning sudlanganligini olib tashlashdir. Jinoyat kodeksi 79- moddasi 1-qismiga ko`ra sudlanganlik muddatidan oldindan olib tashlanishi ham mumkin. Sudlanganlikni muddatidan oldindan olib tashlanishi ozodlikdan mahrum qilish jazosini o`tagan shaxslarga nisbatan ularning namunali xulq-atvori, mehnat va o`qishga halol munosabatlari bilan tuzalganliklarini isbotlaganlarida yo`l qo`yiladi. Bunday tuzalish qonunda belgilangan muddat ichida shaxsning ma`muriy jazoga yoki intizomiy javobgarlikka tortilmaganligi bilan tasdiqlanadi. Sudlanganlikning muddatidan ilgari olib tashlanishiga oid iltimosnoma jamoat birlashmasi, fuqarolarning o`zini o`zi boshqarish organlari yoki shaxsning o`zi tomonidan berilishi mumkin. Bunday iltimosnoma bilan murojaat qilish uchun Jinoyat kodeksi 78- moddasida nazarda tutilgan muddatning kamida yarmining o`tganligi talab qilinadi. Qilmishning jinoiyligini bekor qiladigan, jazoni yengillashtiradigan yoki shaxsning ahvolini boshqacha tarzda yaxshilaydigan qonun orqaga qaytish kuchiga ega bo`lib, ushbu qonun kuchga kirgunga qadar tegishli jinoiy qilmish sodir etgan shaxslarga, shu jumladan , jazoni o`tayotgan yoki o`tab bo`lgan shaxslarning, agar ular hali sudlangan hisoblansalar sudlanganligi olib tashlanishi mumkin (JK 13- moddasi 2-qismi). Avf etish yoki amnistiya akti asosida ham sudlanganlikni muddatdan ilgari olib tashlanishi mumkin (JK 79-moddasi 4-qismi). Amnistiya O`zbekiston Respublikasi Prezidenti qabul qiladigan normativ xususiyatdagi akt bo`lib, u muayyan jinoyatlar uchun javobgarlikni nazarda tutadigan jinoyat qonunini bekor qilmasdan, sud hukmlarini qarorlarining asosli va qonuniyligini shubha ostiga qo`ymasdan , jazodan, jinoiy javobgarlikdan ozod qiladi , jazoni yengilroq turdagi jazo bilan almashtiradi yoxud belgilangan muddatlarni qisqartiradi, shuningdek,, jazoni o`talganlikning oqibati sifatida sudlanganlikni muddatdan ilgari bekor qiladi. Amnistiya akti asosida muayyan toifadagi jinoyatlarni sodir etgan shaxslar jinoiy javobgarlikdan ozod qilinadi va sudlanganlik muddatidan ilgari olib tashlanadi.   Sudlanganlik holatining tugallanishi yoki sudlanganlikni olib tashlash muddatlarini hisoblash.   Sudlanganlik holatining tugallanishi yoki sudlanganlikni olib tashlash muddati asosiy va qo`shimcha jazoning o`talgan yoki ijro etilgan kundan boshlab hisoblanadi. JK 80-moddasi 2-qismida: shaxs tayinlangan jazodan qonunda belgilangan tartibda muddatdan ilgari ozod qilingan yoki jazo yengilrog`i bilan almashtirilgan bo`lsa, sudlanganlik muddati muddatidan ilgari ozod qilingan yoki yengilrog`i bilan almashtirilgan jazoning amalda o`tab bo`lingan qismidan hisoblanishi kerakligi ko`rsatib qo`yilgan. Agar jazo yengilrog`i bilan almashtirilganda , amalda o`talgan muddat hukmga ko`ra belgilangan va o`talgan jazo muddati va sud ajrimi bo`yicha yengilroq almashtirilgan jazo muddatini qo`shish yo`li bilan aniqlanadi. Shu bilan birga yengilroq jazo turi jazolarni qo`shib hisoblash qoidalariga muvofiq og`irroq jazo turiga ko`chirilishi kerak.(JKning 61-moddasi). Agar ozodlikdan mahrum etish JKning 74-moddasidagi asos bo`yicha axloq tuzatish ishlari bilan almashtirilgan bo`lsa, ozodlikdan mahrum qilishning amalda o`talgan muddati va axloq tuzatish ishlarining o`talgan muddati qo`shiladi. Natijada sudlanganlikning tugallanishi jazoning ozodlikdan mahrum etish turidagi jazo muddatidan kelib chiqib, ya`ni turli jazolarning amalda o`talgan muddatlarini qo`shish natijalariga ko`ra hisoblanadi. Jazoga mahkum etilgan shaxs jarima to`lashdan (JK 44-moddasi) yoki axloq tuzatish ishlaridan bo`yin tovlaganda(JK 46-moddasi) mazkur jazo turlari qonunda nazarda tutilgan asoslarga ko`ra boshqa jazolar bilan almashtirilishi lozim. Ayni vaqtda, sudlanganlikning tugallanishi yoki sudlanganlikni olib tashlanishi uchun sud hukmi bilan belgilangan jazoni amalda o`talganligi asos bo`ladi. Agar shaxs amalda ikki turdagi jazoni o`tagan bo`lsa, u holda sudlanganlikning tugallanishi yoki olib tashlanishi uchun sud hukmi bilan tayinlangan jazo hisobga olinadi. Masalan, shaxs axloq tuzatish ishlariga hukm etilgan bo`lib, keyinchalik jazo JK 46-moddasining 4-qismida nazarda tutilgan asoslarga ko`ra ozodlikdan mahrum etish jazosi bilan almashtirilgan bo`lsa, sudlanganlik muddatining tugallanishi yoki sudlanganlikni olib tashlash axloq tuzatish ishlar shaklidagi jazodan kelib chiqib hisoblanadi va ozodlikdan mahrum etishning amalda o`talgan muddati axloq tuzatish ishlariga ko`chiriladi. Jinoyat kodeksi 80-moddasi 4-qismiga ko`ra: NOTA BENE!   “Agar jazoni o`tab chiqqan shaxs sudlanganlik holatining muddati tugamay yana jinoyat sodir etsa, sudlanganlik holatini tugatuvchi muddatning o`tishi to`xtatiladi”. Shunday q ilib, shaxs sudlanganlikning tugashi uchun qonunda belgilangan muddat davomida (JKning 78-moddasiga ko`ra) yangidan jinoyat sodir etmasligi kerak. Agar shaxs sudlanganlik muddati davomida yangidan jinoyat sodir etsa, u holda, bu muddatni oxirgi jinoyati uchun asosiy va q o`shimcha jazoning ani q o`talgan vaqtidan boshlab hisoblash zarur. Shaxsning barcha sodir etgan jinoyatlari uchun uning og`irroq turi bo`yicha sudlanganlik muddati o`tmagunga qadar shaxs sudlangan , deb hisoblanadi .   Mavzu yuzasidan foydalanilgan adabiyotlar ro`yxati: 1. O`zbekiston Respublikasi Konstitutsiyasi 2. O`zbekiston Respublikasi Jinoyat kodeksi 3. O`zbekiston Respublikasi Jinoyat ijroiya kodeksi 4. O`z.R. Jinoyat protsessual kodeksi 5. O`zbekiston Respublikasi Mehnat kodeksi 6. Jinoyat huquqi (Umumiy qism) T:.-Adolat. 1998y. 7. O`zbekiston Respublikasi Jinoyat kodeksiga sharxlar T:.- Adolat. 1997y. 8. 8.                             O Уголовное право.Изд МГУ.1998г. 1. 9.                             Ta ганцев И.С. «Русское уголовное право. Часть общая». // Toм-1, Санкт Петербург. 9. 10.       С.В.Aфиногенов « Уголовное право » // “ Юрист ” M:.2000 г . 10. 11.                   O`zbekiston SSR Jinoyat kodeksiga sharxlar. «O`zbekiston” T:.1973y. 11. 12.                   Koментарие k Уголовное право РСФСР “ Юридическая литература ” M:.1971 г .

O'xshashlar

Tibbiy yusindagi majburlov choralari, asoslari va ularni tayinlashi
Jinoiy javobgarlik va uning asoslari
Jazo tushunchasi, maqsadlari va turlari
Tibbiy yo‘sindagi majburlov choralarining asoslari va ularni tayinlash
Statistik kuzatish materiallarini svodkalash va guruhlashtirish mutlaq va nisbiy ko‘rsatkichlar