Сайлов тизимини янада эркинлаштириш ва демократлаштириш йўлида - Huquqshunoslik - Referatlar

Сайлов тизимини янада эркинлаштириш ва демократлаштириш йўлида

Yuklangan vaqt:

20.09.2019

Ko'chirishlar soni:

0

Hajmi:

73 KB

Ko'chirib olish

Сайлов тизимини янада эркинлаштириш ва демократлаштириш йўлида Фуқароларнинг сайлов ҳуқуқларини қонунчилик йўли билан мустаҳкамлаб қўйиш, уларнинг эркин амалга оширилишини таъминлаш демократик ҳуқуқий давлатнинг асосий белгиларидан биридир. Сайловлар демократик жамият ижтимоий-сиёсий ҳаётининг ажралмас элементи, аҳоли хоҳиш-иродасини ифода этиш, халқ суверенитетини рўёбга чиқаришнинг асосий шаклидир. У ёки бу давлат сайлов тизимининг хусусияти, очиқлиги ва демократиклигига унинг сиёсий тизими демократизмининг даражаси ҳам, ўтказилаётган ислоҳотларнинг муваффақияти ҳам, ва ниҳоят, мамлакатнинг жаҳон миқёсида тутган обрўси ҳам кўп жиҳатдан боғлиқ бўлади. Ўзбекистон Республикаси Президенти И. А. Каримов алоҳида таъкидлаган эдики, «фуқароларимиз ва сайловчиларимизнинг ўз фикри ва эътиборини, хоҳиш-иродасини билдиришлари учун эркинлик ва яна бир бор эркинлик ҳукм ронлигини, оммавий ахборот воситалари ва кузатувчиларга ўз ҳуқуқ ва бурчларини амалга оширишда зарур имкониятларни таъминлаш, тенг ва яширин овоз бериш шароитини яратиб беришни, мухтасар айтганда, демократик норма ва андозаларга сўзсиз риоя қилишни ҳаётнинг ўзи биздан талаб этмоқда». Бу қоида сайлов тизимининг қонунчилик асосларини шакллантиришга масъулият ва талабчанлик билан ёндашишни, уларни ижти - моий-сиёсий, ижтимоий-иқтисодий муносабатларнинг, фуқаролар ҳуқуқий онги, ҳуқуқий маданиятининг етуклиги даражасини ҳисобга олган ҳолда босқичма-босқич ва изчил ривожлантириб боришни талаб қилади. Шу кунларда ўн олти йиллиги кенг ва тантанали байрам қилинаётган мамлакатимизнинг Асосий Қонуни — Ўзбекистон Республикаси Конституциясида, маълумки, сайлов тизимига алоҳида, мус тақил боб бағишланган. Истиқлол йилларида мамлакатимизда, ўз моҳиятига кўра ноёб, турли даражадаги сайловлар хусусияти инобатга олинган сайлов тўғрисидаги бир қатор қонунлар қабул қилинди. Фуқароларнинг амалдаги қонун ҳужжатларида мустаҳкамлаб қўйилган ҳуқуқлари, сайлов қоидалари ва тартиб-таомиллари сайловларни умумэътироф этилган демократик принциплар ва андозаларга, шу жумладан, яширин овоз бериш орқали умумий, тенг ва тўғридан-тўғри сайлаш ҳуқуқи сингари фундаментал тамойилларга тўла мос ҳолда ўтказиш имкониятини бермоқда. Умуман олганда эса, мамлакатимизнинг сайлов тўғрисидаги қонун ҳужжатлари, аксарият ривожланган демо кратик давлатларда бўлгани сингари сайловлардан сайловларгача бўлган даврларда тобора такомиллаштирилмоқда ва ривожлантирилмоқда. Бу табиий тадрижий жараён бўлиб, у бир томондан, мамлакатимизда рўй бераётган муҳим таркибий демократик ўзгартиришларнинг натижаси бўлса, иккинчи томондан, бу жараённинг ўзи Ўзбекистонда амалга оширилаётган давлат ва жамият қурилиши соҳасидаги демократик ислоҳотларнинг бориши ва мазмунига таъсир кўрсатмоқда.

Ривожланишнинг изчил, бос қичма-босқич ва тадрижий йўли мамлакатимиз Президенти томонидан яратилган ва кучли фуқаролик жамияти қарор топган демократик давлат қурилишининг ўзбек моделига асос бўлган бешта энг муҳим тамойилнинг биридир. Бу тамойилнинг рўёбга чиқарилиши мамлакатимиз мустақилликка эришганидан кейин тарихан қисқа даврда давлат ва жамиятни изчил ислоҳ қилиш стратегиясини ишлаб чиқиш ва амалга ошириш имкониятини берди. Бу стратегия ўзида, бир томондан, демократик қурилишнинг жаҳондаги илғор тажрибасини, иккинчи томондан эса халқимизнинг бой тарихий меросини, миллий қадриятларини, одатлари ва теран маданий, маънавий анъаналарини ўзида мужассам этди. Мазкур стратегиянинг амалга оширилиши мафкуралаштирилган, тоталитар давлатдан ва бошқарувнинг маъмурий-буйруқбозлик услубларидан, режали иқтисодиётдан қатъиян воз кечиб, инсон ҳуқуқларининг устунлиги, қонун устуворлиги, ҳокимиятнинг бўлиниши каби демократик принципларга асосланган мутлақо янги давлат тузумини барпо этиш соҳасида босқичма- босқич кенг миқёсли ютуқларга эришиш имкониятини берди. Мамлакатни ривожлантириш ва модернизация қилишда юқори суръатларни таъминлаш ишида ҳал қилувчи аҳамиятга эга бўлган, шу даврда амалга оширилган ўзгартиришларнинг энг муҳим натижаларидан бири ижтимоий онгдаги чуқур ўзгаришлар, одамларнинг ижтимоий-сиёсий фаоллиги, ҳуқуқий ва сиёсий маданияти даражаси беқиёс ўсганлиги билан белгиланади. Давлатимиз бошлиғининг ташаббуси билан қабул қилинган, жорий йилда кучга кирган «Давлат бошқарувини янгилаш ва янада демократлаштириш ҳамда мамлакатни модернизация қилишда сиёсий партияларнинг ролини кучайтириш тўғрисида»ги Ўзбекис тон Республикаси Конституциявий Қонуни аҳолининг ижтимоий, сиё сий фаоллигини кучайтиришда, чинакам кўп партиявийликни ривожлантиришда, демократик ислоҳотларни чуқурлаштиришда ғоят муҳим роль ўйнади. Ушбу Қонун парламентдаги турли сиёсий йўналишларга амал қилувчи партиялар фракцияларининг ҳуқуқий мақомини аниқ белгилаб берди, уларнинг қонун ижодкорлиги иши самарадорлигини оширишда тутган ўрнини, фракциялараро соғ лом тортишувни сезиларли даражада оширди. Парламентдаги кўпчиликнинг ва парламентдаги мухолифатнинг ҳуқуқлари қонунчилик йўли билан мустаҳкамлаб қўйилди. Бугунги кунда Ўзбекистон Республикаси Олий Мажлисининг Қонунчилик палатасида учта партия — ЎзЛиДеП, «Миллий тикланиш» демократик партияси, «Адолат» социал- демократик партияси фракцияларининг Демократик блоки тузилган ва самарали ишлаб турибди. Ўзбекистон Халқ демократик партияси тимсолида парламент мухолифати фаолият кўрсатмоқда. Қонун сиёсий партияларнинг марказда ва жойларда ижро этувчи ҳокимият органларининг шакллантирилишига, уларнинг фаолияти устидан самарали жамоатчилик назорати йўлга қўйилишига фаол таъсир кўрсатиши учун ташкилий-ҳуқуқий шароитлар яратди. Буларнинг барчаси демократик ислоҳотларнинг бутун жараёнига, кўп партия вийлик тизимининг тадрижий ривожланишига,

мамлакатимизда фуқаролик жамияти инс титутлари мустаҳкамланишига улкан таъсир кўрсатди. Айни чоғда Ўзбекистонда амалга оширилаётган тизимли, изчил ва босқичма-босқич демо кратик ўзгартиришлар жараёни, аҳолининг ҳуқуқий ва сиёсий маданияти, фуқаролик жамияти инс титутларининг етуклик даражаси ўсганлиги ҳокимиятнинг қонун чиқарувчи, вакиллик органлари фаолиятини шакллантириш ва ташкил этишдаги, уларнинг мамлакатни демократик янгилаш ва модернизация қилишдаги тутган ўрнини мустаҳкамлашда сиёсий партияларнинг ролини янада кучайтириш масаласини кун тартибига қўймоқда. Буларнинг барчаси мамлакатимизнинг сайлов тўғрисидаги қонун ҳужжатларини янада эркинлаштириш ва такомиллаштиришни тақозо этди. Давлатимиз раҳбари таклифига биноан Олий Мажлис палаталари томонидан қабул қилинган «Сайлов тўғрисидаги қонун ҳужжатлари такомиллаштирилиши муносабати билан Ўзбекистон Республикасининг айрим қонунларига ўзгартиш ва қўшимчалар киритиш ҳақида»ги Қонун мамлакатимизнинг демократик давлат ва кучли фуқаролик жамиятини барпо этиш йўлида янада ривожланиб боришини таъминлаш борасида улкан аҳамиятга эга бўлган айнан шу вазифаларни ҳал этишга қаратилган. Ўзбекистон Республикасининг 13 та қонуни, шунингдек, Ўзбекистон Республикаси Конституциясининг 77-моддасига ўзгартиш ва қўшимчалар киритган мазкур қонун мамлакатимизнинг сайлов қонунчилигини изчил эркинлаштириш ва демократлаштириш йўлида яна бир муҳим қадам бўлди. Ушбу Қонуннинг асосий қоидалари қуйидагилардан иборат. Биринчи. Қонунга мувофиқ Ўзбекистон Республикаси Конституциясининг 77-моддаси 1-қисмига Олий Мажлиснинг Қонунчилик палатасида депутатлик ўринлари сонини 120 тадан 150 тага кўпайтиришни назарда тутувчи ўзгартишлар киритилмоқда. Бунда 135 депутат ҳудудий сайлов округлари бўйича кўп партиявийлик асосида сайланади. Шу аснода сиёсий партияларнинг парламент қуйи палатасидаги вакиллиги кенгаяди, бу эса сиёсий партияларнинг парламент фаолиятини ташкил этиш, мамлакатимизда рўй бераётган ижтимоий, иқтисодий, ижтимоий-сиёсий ислоҳотларнинг самарали қонунчилик базасини шакллантиришдаги роли ва таъсирини янада ошириш манфаатларига мос тушади. Ўн бешта депутатлик ўрни (бу миқдор мамлакатимизнинг маъмурий- ҳудудий бўлиниши ҳисобга олинган ҳолда белгиланган) ўз сафига кенг жамоатчиликни, мутахассислар, олимлар, шунингдек, шу соҳада фаолият юритаётган нодавлат ташкилотларни бирлаштирган оммавий жамоат ташкилоти — Ўзбекистон экологик ҳаракатига ажратилади. Шу тариқа, сайлов тўғрисидаги қонун ҳужжатларига янги институт — депутатлик ўринларини квоталаш институти киритилмоқда. Бу ҳозирги бос қичда атроф- муҳитни муҳофаза қилиш, экологик вазиятни яхшилаш учун кураш олиб бориш, аҳоли саломатлигини ҳимоя қилиш масалалари Ғ оят долзарб лиги билан бо ғ лиқдир. Маълумки, мустақиллик йилларида мамлакатимизда бу соҳада миқёси жиҳатидан улкан ишлар амалга оширилди. Мамлакатимиз эга бўлган бой табиий ресурсларни асраш ва улардан оқилона фойдаланиш,

ҳозирги ва келгуси авлодлар учун бе ғ убор табиий муҳитни сақлаб қолиш учун барча ишлар қилинди ва қилинмоқда. Ҳ авони мусаффо қилиш, наботот ва ҳайвонот дунёсини сақлаб қолиш муаммолари тизимли, босқичма-бос қич ва изчил ҳал этилмоқда. Шу билан бирга, ҳозирги экологик муаммолар глобал кескинлашган шароитда марказда ва жойларда атроф-муҳитни муҳофаза қилиш ва экологик вазиятни со ғ ломлаштиришга қаратилган қонунларнинг о ғ ишмай бажарилиши, бу ишда кенг жамоатчиликнинг фаол иштирок этиши беқиёс аҳамият касб этмоқда. Атроф-муҳит масалаларига доир ҳозирдаёқ қабул қилинган давлат дастурларини амалга ошириш бўйича изчил иш олиб бориш катта аҳамиятга эга. Айниқса, бу соҳадаги қонун ҳужжатларини янада такомиллаштириш ва ривожлантиришга эътиборни кучайтириш муҳимдир. Шу муносабат билан Ўзбекистон Республикаси Олий Мажлисининг Қонунчилик палатасидаги вакиллик Ўзбекистон экологик ҳаракатига табиатни муҳофаза қилиш тўғрисидаги қонун ҳужжатларини янада такомиллаштириш, уларнинг марказда ва жойларда о ғ ишмай ижро этилишига бевосита, самарали таъсир кўрсатиш имкониятини беради. Шуни таъкидлаш зарурки, бир қ атор ривожланган давлатларда экологик ҳаракатлар «яшиллар партиялари» деб аталувчи сиёсий партиялар шаклида тузилмоқда. Ҳ озирда, ҳеч кимга сир эмаски, бу ташкилотлар ўз олдига сиёсий мақсадларни, ҳокимиятга кириш вазифаларини қўйиб, сайлов кампаниялари натижасида парламентда ўринлар олгач, ўзларининг саъй- ҳаракатларини аввало сиёсий курашларга йўналтириб, экология муаммолари билан, яъни ўзлари тузилаётганда ҳал этишни кўзлаган муаммолар билан амалда шу ғ улланмай қўймоқда. Ўзбекистон экологик ҳаракати сиёсий ташкилот ҳам, сиёсий партия ҳам эмас. Унинг фаолияти сиёсий қарашларидан қатъи назар, аҳолининг деярли барча қатламлари манфаатларига дахлдор бўлган экология ва атроф- муҳитни муҳофаза қилишнинг аниқ муаммоларини ҳал этишга йўналтирилган. Айни мана шунинг учун ҳам қонунчиликка Ўзбекистон экологик ҳаракати учун депутатлар ўринларини махсус квоталаш инс титути жорий этилди. Мазкур янгилик бутун жамият ва давлат учун, ҳар биримиз учун фавқулодда муҳим бўлган атроф-муҳитни муҳофаза қилиш вазифаларини ҳал этишда парламент нинг ролини оширишга ҳам кўмаклашади. Қонунда Ўзбекистон экологик ҳаракатидан Қонунчилик палатасига депутатлар сайлаш тартиби, Экологик ҳаракатдан Қонунчилик палатаси депутатлари этиб сайланадиган шахсларга нисбатан қўйиладиган талаблар ва уларнинг парламентдаги фаолиятини ташкил этиш билан бо ғ лиқ бошқа масалалар белгилаб берилган. Олий Мажлис Қонунчилик палатасига Ўзбекистон экологик ҳаракатидан депутатлар ушбу оммавий ижтимоий ҳаракатнинг республика конференциясида яширин овоз бериш йўли билан сайланади. Экологик ҳаракатдан депутатлар сайлаш муддатлари ва сайловни ўтказиш, шунингдек, сайланган депутатларни рўйхатга олиш тартибини белгилаш Ўзбекистон

Республикаси Марказий сайлов комиссияси зиммасига юклатилади. Бунда сайловга тайёргарлик кўриш ва уни ўтказиш очиқ ҳамда ошкора амалга оширилади. Иккинчидан. Сайлов тўғрисидаги қонун ҳужжатларидан ҳокимият вакиллик органларига фуқароларнинг ташаббускор гуруҳларидан номзодлар кўрсатиш тўғрисидаги қоиданинг чиқариб ташланиши сайловга доир қонунчиликдаги яна бир муҳим янгиликдир. Шу ўринда эслатиб ўтиш жоизки, сайлов тўғрисидаги аввалги қонун ҳужжатларига мувофиқ сиёсий партиялар билан бир қаторда бевосита фуқаролар ҳам ташаббускор гуруҳлар тузиш ва ўз номзодини қўллаб-қувватловчи муайян миқдордаги имзолар тўплаш орқали депутатликка номзод кўрсатишлари мумкин эди. Бунда ташаббускор гуруҳ томонидан кўрсатилган номзод қандайдир ҳаракат дастурига эга бўлиши шарт эмас эди, унинг ўзини номзод қилиб кўрсатган ташаббускор гуруҳ олдида бирор-бир мажбурияти ҳам бўлмаган, чунки номзод кўрсатганидан ва номзоди ҳокимият вакиллик органига сайланганидан кейин ташаббускор гуруҳнинг фаолияти тугайди. Жаҳон тажрибаси шундан далолат берадики, сайлов жараёнларида юқорида тилга олингани каби шаклларда (ўз-ўзининг номзодини кўрсатиш ва бошқалар) иштирок этиш демократик жамият ривожланишининг, уларнинг сайлов тизимлари қарор топишининг дастлабки босқичларига хосдир. Бизнинг мамлакатимизда ҳам ташаббускор гуруҳ томонидан номзод кўрсатиш институти айни сиёсий тизим, сиёсий партиялар эндигина оёққа тураётган, аҳолининг аксарият кўпчилиги сиё сий партияларнинг фаолияти билан қамраб олинмаган бир даврда ривож топди. Ўзбекистонда самарали кўп партиявийлик тизими шакл ланган ва жўшқин ривожланиб бораётган, ижтимоий-сиёсий институтлар юксак етукликка эришган ҳозирги шароитда фуқароларнинг ташаббускор гуруҳи томонидан номзод кўрсатиш институти каби сайловнинг бундай номукаммал шаклидан фойдаланишга зарурат қолмади. Боз устига, шуни ҳам эътибордан четда қолдирмаслик керакки, номзодлар кўрсатишнинг ушбу шаклини, яъни сайловчилар ташаббускор гуруҳлари томонидан номзодлар кўрсатиш институтининг қўлланилиши турли буз ғ унчилар, шу жумладан, уюшган жиноий гуруҳларнинг депутатлик дахлсизлигига эга бўлиш мақсадида ўз вакилини депутатликка номзод қилиб кўрсатиш учун уру ғ -аймоқчилик, корпоратив ва маҳаллийчилик алоқаларидан фойдаланишига ва ҳатто, сайловчиларни о ғ дириб олишига йўл очиб бериши мумкин. Юқорида баён этилган сабабларга кўра, сайловчилар ташаббускор гуруҳлари томонидан депутатликка номзодлар кўрсатиш институти сайлов қонунчилигидан чиқариб ташланди. Бу ҳол ҳокимият вакиллик органларини шакл лантириш ва уларнинг фаолиятини ташкил этишда, давлат бош қарувини янгилаш ва янада демократлаштириш ҳамда мамлакатни модернизация қилишда сиёсий партияларнинг иштироки учун янада кенг имкониятлар яратиб беради. Комил ишонч билан айтиш мумкинки, мамлакатимиздаги депутатликка номзодлар кўрсатишнинг ҳозирги тартиби умум эътироф

этилган халқаро демократик талаблар ва мезонларга, халқимиз манфаатларига тўла-тўкис мос келади. Учинчидан. Сайлов тўғрисидаги қонун ҳужжатларига сайловларни анча сезиларли равишда эркинлаштириш ва демократлаштиришга кўмаклашадиган бир қатор ўзгартишлар киритилди. Хусусан, «Ўзбекистон Республикаси Олий Мажлисига сайлов тўғрисида»ги Қонунга янги «Сиёсий партиянинг ваколатли вакили» инс - титути киритилмоқда (17 1 -модда). Мазкур моддада депутатликка номзодлар кўрсатган сиёсий партия сайлов участкаларида овозларни санаб чиқишда иштирок этиш учун Марказий сайлов комиссияси томонидан белгиланадиган тартибда ўз аъзолари орасидан ваколатли вакил тайинлашга ҳақли эканлиги белгиланмоқда. Худди шунга ўхшаш норма «Халқ депутатлари вилоят, туман ва шаҳар Кенгашларига сайлов тўғрисида»ги Қонунга ҳам киритилмоқда. Сиёсий партияларнинг ваколатли вакиллари имзо варақаларининг тў ғ ри тўлдирилганлигини Марказий сайлов комиссияси томонидан текшириш жараёнида иштирок этиш ҳуқуқига ҳам эга («Ўзбекистон Республикаси Олий Мажлисига сайлов тўғрисида»ги Қонуннинг 23 1 - моддаси). Ушбу норма холисликни янада кўпроқ таъминлаш ва сайловлар очиқ бўлишининг, уларни ўтказиш жараёнида сиёсий партиялар ҳуқуқларини рўёбга чиқаришнинг қўшимча кафолатларини яратиш имконини беради. Сиёсий партияларнинг сайловда фаол иштирок этишлари учун кенг имкониятлар яратиб бериш мақсадида «Ўзбекистон Республикаси Олий Мажлисига сайлов тўғрисида»ги Қонунида сайловда иштирок этиш ниятида бўлган партияни Ўзбекистон Республикаси Адлия вазирлиги томонидан рўйхатга олишнинг аввал белгиланган муддати қисқартирилди. Хусусан, амалдаги қонунчиликда ушбу муддат олти ой қилиб белгиланган бўлса, энди кўпи билан тўрт ойни ташкил этади. Бундан ташқари, муқаддам сиёсий партиялар сайловда иштирок этиш ҳуқуқига эга бўлиш учун 50 минг нафар сайловчининг имзосини тўплаши лозим бўлган бўлса, энди бу миқдор 40 минг нафарга туширилди. «Ўзбекистон Республикаси Олий Мажлисига сайлов тўғрисида»ги Қонун 27-моддасининг ва «Халқ депутатлари вилоят, туман ва шаҳар кенгашларига сайлов тўғрисида»ги Қонун 25-моддасининг «Сайловчиларнинг йи ғ илишлари участка сайлов комиссияси томонидан...» ташкил қилинишини белгиловчи қоидалари «Сайловчиларнинг йи ғилишлари сиёсий партиялар томонидан мустағил равишда...» ўтказилишини, «Сайловчиларнинг йиғилишлари ўтказиладиган жой ва вақт, қоида тариқасида, участка сайлов комиссиялари билан келишиб...» олинишини назарда тутувчи норма билан алмаштирилди. Бундай ўзгариш орқали сиёсий партиялар сайловнинг бутун жараёнига янада фаол таъсир кўрсатишлари учун имконият юзага келади, партиялар ўртасида соғлом рақобатни кучайтириш учун шароит яратилади. Бинобарин, бундай рақобат сайловчиларни сиёсий партияларнинг сайловолди дастурлари билан ҳар томонлама ва кенг таништириш мақсадини кўзлайди.

Янги Қонунда сайлов комиссиялари фаолиятининг очиқ-ойдинлигини таъминлашга қаратилган бир қатор нормалар назарда тутилган. Чунончи, «Ўзбекистон Республикаси Олий Мажлисига сайлов тўғрисида»ги Қонуннинг 42-моддасига ва «Халқ депутатлари вилоят, туман ва шаҳар кенгашларига сайлов тўғрисида»ги Қонуннинг 39-моддасига киритилган янги қоидага мувофиқ участ ка сайлов комиссиясининг раиси ёки унинг ўринбосари овозларни санаб чиқиш натижалари баённомасини ўқиб эшиттириши ҳамда мазкур баённомани участка сайлов комиссияси биносида ҳамма танишиб чиқиши учун 48 соатдан кам бўлмаган муддатга осиб қўйиши керак. «Ўзбекистон Республикаси Олий Мажлисига сайлов тўғрисида»ги Қонуннинг 28-моддасига киритилган ўзгартишларга мувофиқ Ўзбекистон Республикаси Олий Мажлиси Қонунчилик палатаси депутатлигига номзодларнинг ишонч ли вакиллари сони аввалги 5 нафар ўрнига 10 нафаргача кўпайтирилди. Ушбу норма сиёсий партиялардан кўрсатилган номзодларга ўз сайловолди кампанияларини сайловчиларнинг янада кенгроқ дои расини қамраб олган ҳолда фаол ўтказиш имконини беради. Қонун орқали айрим тоифадаги фуқароларнинг сайловда иштирок этишига доир бир қатор чекловлар олиб ташланди. Масалан, аввал амалда бўлган қонунга мувофиқ, жиноятнинг ва тайинланган жазонинг қай даражада оғирлигидан қатъи назар, содир этган ҳар қандай жинояти учун судланганлик ҳолати тугалланмаган ёки судланганлиги олиб ташланмаган фуқаролар депутатликка номзод этиб кўрсатилиши мумкин эмас эди. Амалдаги қонун ҳужжатларига киритилган ўзгартишларга мувофиқ мазкур чекловлар қайта кўриб чиқилди. Эндиликда фақат содир этган оғир ва ўта оғир жинояти учун судланганлик ҳолати тугалланмаган ёки судланганлиги олиб ташланмаган фуқароларгина депутатликка номзод этиб рўйхатга олинмайди. Олий Мажлис Сенатининг шу йил 4 декабрдаги ўн олтинчи ялпи мажлисида маъқулланган «Сайлов тўғрисидаги қонун ҳужжатлари такомиллаштирилиши муносабати билан Ўзбекистон Республикасининг айрим қонунларига ўзгартиш ва қўшимчалар киритиш ҳақида»ги Қонуннинг асосий қоидалари юқорида баён этилганлардан иборат. Давлатимиз раҳбарининг ташаббуси билан киритилган ва Олий Мажлис томонидан қабул қилинган мазкур Қонун сайлов тизимини янада эркинлаштириш ва демократлаштиришда муҳим босқич, мамлакатни янгилаш борасидаги ислоҳотларнинг, унинг кучли давлатдан кучли фуқаролик жамияти сари изчил олға одимлашининг мантиқий давоми бўлиб қолади.

O'xshashlar

Узбекистон Республикасининг конституциявий тараккиёт истикболлари

Сайлов жараёни

Инсон манфаатлари йўлида

Cайлов ҳуқуқи ва сайлов тизими

Сайлов тизими тушунчаси