O`zbekiston Respublikasi fuqarolik huquqi tushunchasi, tamoyillari va tizimi - Huquqshunoslik - Referatlar

O`zbekiston Respublikasi fuqarolik huquqi tushunchasi, tamoyillari va tizimi

Yuklangan vaqt:

20.09.2019

Ko'chirishlar soni:

0

Hajmi:

121 KB

Ko'chirib olish

www.arxiv.uz O `zbekiston R espublikasi fuqarolik huquqi tushunchasi, tamoyillari va tizimi Reja: 1.Fuqarolik huquqi tushunchasi 2. Fuqarolik huquqining asosiy tamoyillari 3. Fuqarolik huquqi tizimi 4. O`zbekistonda fuqarolik huquqining asosiy rivojlanish bosqichlari

www.arxiv.uz Fuqarolik huquqi O`zbekiston Respublikasida amal qiluvchi huquq tizimi sohalaridan biri bo`lib, mamlakatimizda iqtisodiy munosabatlarni takomillashtirish, bosqichma-bosqich bozor iqtisodiyoti munosabatlariga o`tish davrida fuqarolar va boshqa subyektlarning moddiy, ma`naviy ehtiyojlarini tobora to`laroq qondirish maqsadida mulkiy munosabatlarni hamda mulkiy xarakterda bo`lmagan shaxsiy munosabatlarni tartibga solish, mustahkamlashga qaratilgan huquq normalari yig`indisidan iboratdir. Sodda qilib aytganda , fuqarolik huquqi - yuridik jihatdan teng bo`lgan subyektlar o`rtasidagi mulkiy va shaxsiy- nomulkiy munosabatlarni tartibga soladigan hamda mustahkamlaydigan huquqiy normalar yig`indisidir. Fuqarolik huquqining huquq sohalari tizimida tutgan o`rnini anglash uchun, dastavval ushbu huquq sohasi tartibga soladigan ijtimoiy munosabatlarni tahlil etish lozim. Ijtimoiy munosabatlar tizimida fuqarolik huquqi tartibga soladigan munosabatlar keng o`rinni egallaydi. Ayniqsa , bu munosabatlar kishilar o`rtasidagi o`zaro iqtisodiy muomalada, kundalik ehtiyojlarni qondirishga qaratilgan harakatlarda ko`p uchraydi. Fuqarolik huquqi tartibga soladigan munosabatlar doirasi O`zbekiston Respublikasi Fuqarolik kodeksining 2-moddasida belgilab qo`yilgan. Bunga asosan fuqarolik qonun hujjatlari fuqarolik muomalasi ishtirokchilarining huquqiy holatini, mulk huquqi va boshqa ashyoviy huquqlarning, intellektual faoliyat natijalariga bo`lgan huquqlarning vujudga kelish asoslarini hamda ularni amalga oshirish tartibini belgilaydi, shartnoma majburiyatlari va o`zga majburiyatlarni, shuningdek boshqa mulkiy hamda u bilan bog`liq shaxsiy nomulkiy munosabatlarni tartibga soladi. Bu munosabatlar doirasida mulkiy munosabatlar yetakchi o`rinni egallaydi. Mulkiy munosabatlar deganda, iqtisodiy munosabatlar, ya`ni ishlab chiqarish vositalari, iste`mol buyumlari, umuman kishi mehnatining har qanday mahsulotlarni yaratish, egallash, foydalanish va tasarruf etish bilan bog`liq bo`lgan ijtimoiy munosabatlar tushuniladi. Mulkiy munosabatlarning barchasi ham fuqarolik huquqi normalari bilan tartibga solinavermaydi. Ba`zi mulkiy munosabatlar huquqning boshqa sohalari bilan ham tartibga solinadi. Huquqiy munosabatda qatnashuvchi bir tarafning ikkinchi tarafga ma`muriy jihatdan bo`ysunishiga asoslangan mulkiy munosabatlar - ma`muriy huquq normalari bilan, soliq va budjet bilan bog`liq munosabatlar - moliya huquqi normalari bilan, shuningdek yer bilan bog`liq munosabatlar - yer huquqi normalari bilan , mehnat shartnomasi hamda intizomiy bo`ysunuv bilan bog`liq munosabatlar - mehnat huquqi normalari bilan tartibga solinadi.

www.arxiv.uz Fuqarolik huquqi asosan muayyan ekvivalent (tenglik) barobari bilan belgilanadigan, qiymat, baho bilan ifodalanadigan va ishtirokchilari teng darajada ko`riladigan mulkiy munosabatlarni tartibga soladi. Mulkiy xarakterdagi huquqiy munosabatlar, ya`ni fuqarolar va tashkilotlarning moddiy boyliklarni yaratish, ularni egallash, bu boyliklardan foydalanish , ularni tasarruf etish sohasida bo`lgan o`zaro huquqiy munosabatlar ishlab chiqarish munosabatlaridan, ya`ni ijtimoiy munosabatlardan kelib chiqadi hamda ular bilan chambarchas bog`liq holda ko`riladi. Fuqarolik huquqi iqtisodiy munosabatlarni maxsus yuridik shaklda mulkiy- huquqiy munosabatlar shaklida rasmiylashtiradi va mustahkamlaydi. Fuqarolik huquqida mulkiy munosabatlar ishlab chiqarish munosabatlarining huquqiy shakli sifatida ko`riladi. Shu ma`noda mulkiy munosabatlar shaxslar o`rtasidagi, ularning erklari bilan bog`liq bo`lgan ijtimoiy munosabatlarning alohida toifasini - huquqiy munosabatlarni bildiradi. F uqarolik huquqi mulkning barcha shakllari - xususiy va ommaviy mulkni mustahkamlash , tasarruf qilish huquqlarini belgilaydi, ushbu huquqlarni amalga oshirishni rasmiylash-tiradi , qo`riqlaydi hamda kafolatlaydi . Fuqarolik huquqi tomonidan tartibga solinadigan mulkiy munosabatlar doirasi nihoyatda keng. Bular jumlasiga oldi-sotdi, xilma-xil buyurtmalar qabul qilish (ijro etish), turar-joylarni ijaraga qo`yish va ijaraga olish, korxonalar, tashkilotlarning bir-biriga mahsulotlar yetkazib berish, qurilish ishlarini amalga oshirish, transport korxonalari orqali yuk va yo`lovchi tashish, yetkazilgan zararni qopla sh, qonun va vasiyat bo`yicha meros olish, umuman har qanday shakldagi mulkni egallash, undan foydalanish hamda uni tasarruf etish bilan bog`liq bo`lgan munosabatlar kiradi. Fuqarolik huquqi tomonidan tartibga solinadigan mulkiy xarakterda bo`lmagan shaxsiy huquqiy munosabatlar ikki turga: mulkiy munosabatlar bilan bog`liq bo`lgan shaxsiy munosabatlarga va mulkiy munosabatlar bilan bog`liq bo`lmagan shaxsiy munosabatlarga (shaxsiy nomulkiy) bo`linadi. Mulkiy munosabatlar bilan bog`liq bo`lgan munosabatlarga misol qilib, intellektual faoliyat natijalariga bo`lgan va mual-liflik huquqiga doir munosabatlarni ko`rsatish mumkin. Bu munosabatlarda faqat mulkiy munosabatlarnigina emas, balki ularning shaxsiy huquqlarini ham, chunonchi, asarni o`z nomidan, taxallusi ostida yoki nomini ko`rsatmasdan anonim tarzda nashr etish (FKning 1053-moddasi) , asarning daxlsizligi huquqlari, ixtironing muallifi bo`lib tanilish huquqi va boshqa huquqlarni belgilaydi. Mulkiy munosabatlar bilan bog`liq bo`lmagan shaxsiy munosabatlarga FKning 100-moddasida ko`rsatilganidek, fuqaro o`zining sha`ni, qadr-qimmati va ishchanlik obro`siga putur yetkazuvchi ma`lumotlarni tarqatgan shaxs basharti,

www.arxiv.uz ularning haqiqatga to`g`ri kelishini isbotlay olmasa, sud orqali raddiya talab qilish huquqi va shu kabi boshqa huquqlar misol bo`ladi. Mulkiy xarakterda bo`lmagan shaxsiy munosabatlar shaxsning o`zi bilan bevosita bog`liq bo`lgan va undan begonalashtirilmaydigan huquqlardir. Bunday huquqlar jumlasiga fuqaroning ismiga bo`lgan huquqi (FKning 19-moddasi), o`z tasviri (sur`ati)ning daxlsizligiga bo`lgan huquq, mualliflik huquqi (FKning 1046- moddasi), mualliflik nomiga bo`lgan huquq (FKning 1051-moddasi) va hokazolar kiradi. Garchi fuqarolik huquqi shaxsiy munosabatlarning ko`plab turini tartibga solsa-da, lekin har qanday shaxsiy huquqiy munosabatlar ham fuqarolik huquqi bilan tartibga solinavermaydi. O`zbekiston Respublikasi Fuqarolik kodeksining 2- moddasi, 4-bandiga asosan shaxsiy nomulkiy munosabatlar va mulkiy munosabatlar bilan bog`liq bo`lmagan shaxsiy munosabatlar, agar qonunlarda boshqacha tartib nazarda tutilgan bo`lmasa yoki bu munosabatlarning mohiyatidan o`zgacha hol anglashilmasa, fuqarolik qonunlari bilan tartibga solinadi. Ushbu modda qoidasi tegishli yo`sinda yuridik shaxslarga ham tadbiq etiladi. Ijtimoiy munosabatlarni tartibga solishda fuqarolik huquqining o`ziga xos uslubi va xususiyatlari bor, bu bilan u o`ziga yondosh bo`lgan boshqa huquq sohalaridan ajralib turadi. Chunonchi, fuqarolik huquqi oila huquqi, moliya huquqi, ma`muriy huquq, davlat huquqi, mehnat huquqi, yer huquqi bilan bevosita bog`liq bo`lsa ham, mulkiy hamda shaxsiy nomulkiy munosabatlarni tartibga solishda bu huquq sohalaridan ma`lum darajada farq qiladi. Dastlab fuqarolik huquqining oila huquqidan farqi to`g`risida to`xtalib shuni aytish kerakki, oila huquqi nikoh hamda oilaga taalluqli bo`lgan munosabatlarni, er - xotin, ota-onalar bilan bolalar o`rtasidagi, oilaning boshqa a`zolari o`rtasidagi munosabatlarni, farzandlikka olish, shuningdek davlat organlarining oilani mustahkamlash hamda onalar va bolalarga moddiy yordam ko`rsatishga taalluqli munosabatlarni tartibga soladi. Bu huquq fuqarolik huquqining ma`lum bir qismi bo`lib qolmay, huquqning alohida sohasi hisoblanadi. Nikoh va oilaga oid munosabatlar maxsus kodeks O`zbekiston Respublikasining Oila kodeksi 1 bilan tartibga solinadi. Oila huquqida mulkiy munosabatlar emas, balki shaxsiy huquqiy munosabatlar ustunlik qiladi. Bu munosabatlar oila huquqi tomonidan tartibga solinadigan mulkiy munosabatlarning xususiyatlarini belgilaydi. Misol qilib aliment majburiyatlarini olsak, bu majburiyatlar mulkiy xarakterda bo`lgan munosabatlardan emas, balki shaxsiy, oilaviy (er va xotinlik, qarindoshlik) munosabatlaridan kelib chiqadi. Oila huquqining fuqarolik huquqidan farq qiluvchi asosiy xususiyati shundaki, oila huquqi tomonidan tartibga solinadigan mulkiy munosabatlar va shaxsiy nomulkiy munosabatlar faqatgina bitta oila a`zosi o`rtasida vujudga keladi 1 Ўзбекистон Республикасининг Оила кодекси. - Т. : Адолат . 1998.

www.arxiv.uz hamda bu yerda fuqarolik huquqi uchun eng asosiy o`rinni egallaydigan keng ma`nodagi mulkiy muomala kuzatilmaydi. Agar oila a`zolari o`rtasida o`zaro fuqarolik muomalasi (oldi-sotdi, hadya, ayirboshlash) amalga oshirilsa ham, bu holat oila huquqi me`yorlari bilan emas, fuqarolik huquqi me`yori bilan tartibga solinadi. Mulkiy munosabatlarda davlat hokimiyati organlari qatnashib, mazkur munosabatlarda ishtirok etuvchilarga o`z erklarini buyursalar, bunday mulkiy munosabatlar fuqarolik huquqiga emas, balki ma`muriy huquqqa taalluqli bo`ladi. Chunonchi, yuqori davlat organining o`z vakolati doirasida chiqarilgan buyrug`iga muvofiq muayyan binolar, uskunalarni topshirish - qabul qilish bilan bog`liq munosabat ma`muriy-huquqiy munosabatlar hisoblanadi. Agar mulkiy munosabatlarda davlat organlari fuqarolik muomalasining ishtirokchisi sifatida bir- birlariga nisbatan teng huquqli bo`lib va bir-birlariga o`zlarining erklarini buyruqlar tartibida buyura olmaydigan bo`lib qatnashsalar, bunday munosabatlar fuqarolik huquqiga taalluqli bo`ladi. S oliqlar olish, tashkilotlarni pul mablag`lari bilan ta`minlash, fuqarolarga pul ssudalari berishga doir va boshqa bir muncha munosabatlar moliya huquqi tomonidan tartibga solinadi. Shaxsiy huquqlar faqat fuqarolik huquqi bilan qo`riqlanmaydi. Fuqarolarning saylov huquqlari va boshqa siyosiy huquqlari, masalan, O`zbekiston Konstitutsiyasida ko`rsatilgan fuqarolarning shaxsiy huquqlari davlat huquqi tomonidan qo`riqlanadi. Mehnat munosabatlari alohida guruhga kiradigan munosabatlardir. Mehnat muhofazasi, mehnat intizomi, ish haqi, ish vaqti va dam olish vaqti ijtimoiy sug`urta va mehnat bilan bog`liq bo`lgan boshqa xususiy munosabatlar mehnat huquqi normalari bilan tartibga solinadi. Tashkilotlar va fuqarolarning yerdan, suvdan foydalanish sohasidagi munosabatlari ma`muriy-huquqiy xarakterga ega bo`lib, yer va suv qonunchiligi bilan tartibga solinadi. Keyingi paytlarda bozor iqtisodiyoti samarasi o`laroq, O`zbekiston Respublikasi huquq tizimiga kirib kelgan va bozor iqtisodiyotida vujudga kelgan yangi ijtimoiy munosabatlarni tartibga solishga qaratilgan huquq sohalari: tadbirkorlik huquqi, xo`jalik huquqi, xalqaro xususiy huquqdan fuqarolik huquqining farqli jihatlarini ajratib ko`rsatish muhimdir. Dastavval fuqarolik huquqining tarkibiy qismi hisoblangan xo`jalik huquqi, xalqaro xususiy huquq o`tgan asrning o`rtalarida alohida huquq sohasi sifatida talqin etila boshlangan bo`lsa, tadbirkorlik huquqi to`g`risidagi fikrlar respublikamiz mustaqillikka erishgach vujudga kela boshladi. To`g`ri huquqshunos olimlar xalqaro xususiy huquqni alohida huquq sohasi sifatida tan olsa-da, xo`jalik huquqi va tadbirkorlik

www.arxiv.uz huquqini (ba`zi hollarda ikkalasi bitta huquq sohasi tadbirkorlik (xo`jalik) huquqi deya talqin etilmoqda (ta`kid - muallifniki I.B.). Mustaqil huquq sohasi sifatida e`tirof etishga doir bahsli fikr bildiradilar. Shunday bo`lsa-da, ularning fuqarolik huquqidan farqli jihatlarini ko`rsatib o`tamiz. Chunki yuqoridagi muayyan munosabatlarni tartibga soluvchi huquqlarni (alohida huquq sohasi deb atashga bizningcha hali erta) alohida huquq sohasi yoki huquq sohasi emasligi masalasini tadqiq etish, mazkur darslikning predmetini tashkil etmaydi. Xalqaro xususiy huquq fuqarolik huquqidan farq qilib, chet el elementi bilan murakkablashgan mulkiy va shaxsiy nomulkiy munosabatlarni tartibga soladi. O`z o`zidan ravshanki, agar mulkiy va shaxsiy nomulkiy munosabatlarda chet el elementi ishtirok etsa, bunday munosabat xalqaro xususiy huquq predmeti hisoblanadi 2 . Xo`jalik va tadbirkorlik huquqi tomonidan tartibga solinadigan munosabatlar esa, xo`jalik yurituvchi subyektlarning tashkiliy boshqaruv, ularning o`z faoliyatini amalga oshirishi uchun turli xil fuqarolik-huquqiy shartnomalarga kirishi bilan bog`liq bo`ladi (mutaxassislar hozirgacha bu huquq sohasining predmetini aniq talqin etisha olmaydi). Fuqarolik huquqi huquqning boshqa sohalari kabi o`zi tartibga soladigan huquqiy munosabatlarga, ularning ishtirokchilari xatti-harakatlariga ta`sir ko`rsatish maxsus vositalar va usullar yig`indisidan, ya`ni o`z uslubidan foydalanadi. Qo`riqlash funksiyasini bajaruvchi huquq sohalaridan (jinoyat huquqi, ma`muriy huquq va sh.k.) farqli ravishda fuqarolik huquqi, eng avvalo, normal huquqiy munosabatlarga ta`sir ko`rsatadi. Uning tartibga solish uslubidagi o`ziga xos xususiyatlar: -fuqarolik-huquqiy munosabatlarda ishtirok etuvchilarning teng huquqqa ega bo`lishlari, ularga imkon boricha erkinlik, mustaqillik va tashabbuskorlik berilishida; - fuqarolik huquqida imperativ me`yorlardan ko`ra, dispo-zitiv me`yorlarning kengroq qo`llanishida; - fuqarolik-huquqiy munosabatlardan kelib chiqadigan javobgarlikning mulkiy xarakterda bo`lishida; - buzilgan huquqlarning sud orqali da`vo bildirish tartibida himoya qilinilishida; -buzilgan fuqarolik huquqini himoya qilishda uni tan olish, tiklash, huquqni buzadigan harakatlarga chek qo`yish, yetkazilgan zararlarni undirib olish va shu kabi choralar qo`llanilishida namoyon bo`ladi. 2 Раҳмонқулов Ҳ. ва бошқалар. Халқаро хусусий ҳуқуқ. –Т.: Иқтисодиёт ва ҳуқуқ дунёси. 2002. -13 б.

www.arxiv.uz Fuqarolik huquqining asosiy tamoyillari Fuqarolik huquqining asosiy tamoyillari (prinsiplari) - bu barcha fuqarolik qonunlari mazmuniga singdirilgan asosiy, boshlang`ich qoidalardir. H.R.Rahmonqulov fuqarolik huquqi tamoyillari haqida o`z fikrini bildirar ekan, huquqning alohida sohasi sifatida xususiy huquq tarkibida bo`lgan fuqarolik huquqi tamoyillari uning predmetini tashkil qiluvchi ko`p qirrali mulkiy, mulk bilan bog`liq va mulk bilan bog`liq bo`lmagan shaxsiy va tashkiliy-huquqiy munosabatlarning xususiyatlari bilan ifodalanishini ta`kidlaydi 3 . Fuqarolik huquqining asosiy tamoyillari jumlasiga quyidagilar kiradi: 1) Fuqarolik-huquqiy munosabatlarda ishtirok etuvchi taraflarning teng huquqliligi. Bu tamoyil O`zbekiston Respublikasi Konstitutsiyasining 18- moddasida va FKning 1-moddasida o`z ifodasini topgan. Fuqarolik qonunlarida ushbu konstitutsiyaviy tamoyildan kelib chiqib, barcha fuqarolar uchun teng hajmda huquq layoqati, ularning huquq va muomala layoqatlari cheklanishiga yo`l qo`yilmasligi belgilab qo`yilgan. Taraflarning teng huquqliligi nafaqat fuqarolarga, balki boshqa subyektlarga ham taalluqlidir va u yuridik shaxslarning u yoki bu tarini tartibga soluvchi qonunlarda ham o`z aksini topgan; 2) barcha mulk shakllarining tengligi va huquqiy tomondan bab-baravar muhofaza qilinishi. Mazkur tamoyil O`zbekiston Respublikasi Konstitutsiyasining 53-moddasi va O`zbekiston Respublikasi Fuqarolik kodeksining 1 6 6-moddasida bevosita mustahkamlab qo`yilgan; 3) mulkiy munosabatlarning mafkuraviy munosabatlardan ajratilganligi. O`tmishda iqtisodiy, shu jumladan, mulkiy munosabatlarni tartibga solishda har xil mafkuraviy qoliplar va aqidalardan kelib chiqilgan edi. “Iqtisodiy maqbullikdan siyosiy konyunkturaviy manfaatlarning ustun kelishi sobiq Ittifoq xalq xo`jaligi parokandalik yoqasiga, iqtisodiy va ijtimoiy munosabatlarning jiddiy buzilishiga, ishlab chiqarishning texnika jihatdan qoloqligiga olib keldi” 4 . Xuddi shu sababli ham O`zbekiston Respublikasi Konstitutsiyasining 12-moddasida hech qanday mafkura davlat mafkurasi sifatida o`rnatilishi mumkin emas, deb ko`rsatildi; 4) qonunda nimaiki ta`qiqlanmagan bo`lsa, ruxsat beriladi. Bu tamoyil fuqarolik-huquqiy munosabatlar ishtirokchilarining erkinligi, tashabbuskorligini kafolatlaydi . Qonunda nimaiki ta`qiqlanmagan bo`lsa, ruxsat berish tamoyili fuqarolik huquqi subyektlarining nafaqat qonunda ko`rsatilgan harakatlarni amalga oshirish, balki qonunda belgilangan bo`lsa ham, lekin qonun bilan ta`qiqlanmagan 3 Раҳмонқулов Ҳ.Р. Фуқаролик ҳуқуқининг предмети, методи ва тамойиллари. -Т.: ТДЮИ.2003.-35 б. 4 Каримов И.А. Ўзбекистоннинг ўз истиқлол ва тараққиёт йўли. -Т.: Ўзбекистон. 1992. - 48 б.

www.arxiv.uz har qanday harakatni amalga oshirishlari imkonini beradi. Lekin shu o`rinda bunday harakatlarning ahloq me`yorlariga ham zid kelmasligi lozimligini aytib o`tish joiz. Fuqarolik kodeksining 8-moddasiga muvofiq, fuqarolik huquqining subyektlari nafaqat qonunda nazarda tutilgan shartnomalar va boshqa bitimlarni, lekin unga zid bo`lmagan shartnomalar hamda boshqa bitimlarni ham tuzishlari mumkin. Fuqarolik huquqida bunday tamoyil (qonunda nimaiki ta`qiqlanmagan bo`lsa, ruxsat beriladi) ning mavjudligi fuqarolik-huquqiy munosabat ishtirokchilariga erkinlik va tashabbus berish bilan birga, iqtisodiyotning rivojlanishiga xizmat qiladigan yangi huquqiy munosabatlarni, qolaversa, huquqiy institutlarning vujudga kelishini ta`minlaydi; 5) fuqarolik-huquqiy munosabatlar ishtirokchilarning ijtimoiy adolat va qonuniylik tamoyillari asosida amalga oshiriladi. Bu holat O`zbekiston Respublikasi Konstitutsiyasining 14-moddasida mustahkamlangan; 6) fuqarolik-huquqiy munosabatlar ishtirokchilari mulkining daxlsizligi. Bu qoida FKning 1-moddasida o`z ifodasini topgan. Shu bilan birga, FKning 166- moddasiga muvofiq, mulk daxlsizdir va qonun bilan qo`riqlanadi. Mulkning daxlsizligi mulkdorga qarshi turgan barcha subyektlarning mulk huquqini buzishidan o`zlarini saqlashlaridan iborat. Bu yerda “mulkdorga qarshi turgan” iborasini muayyan mulkning sohibi bo`lmagan har qanday boshqa shaxs sifatida tushunish lozim. Bunday subyektlar (shaxslar) o`zganing mulkiga nisbatan qonun hujjatlarida belgilangan “o`zlarini saqlash”ni amalga oshirsalar, mulkning daxlsizligi tamoyiliga amal qilgan bo`ladilar. Fuqarolik huquqining boshqa tamoyillari kabi mulkning daxlsizligi tamoyili ham mutlaqlik xarakteriga ega emasligini nazarda tutib, FKning 166-moddasi 2- qismi, mulkdorning mol-mulkini olib qo`yishga, shuningdek, uning huquqlarini cheklashga faqatgina qonunda nazarda tutilgan hollardagina yo`l qo`yilishi mumkinligini belgilaydi; 7) Qonuniy asoslarga ega bo`lmasdan turib, hech kim fuqarolik-huquqiy munosabatlarda ishtirokchilarining xususiy ishlariga o`zboshimchalik bilan aralishishga haqli emas. Fuqarolik huquqi uchun muhim ahamiyatga ega bo`lgan asosiy tamoyillardan biri hisoblangan xususiy ishlarga o`zboshimchalik bilan aralashishga yo`l qo`yilmasligi tamoyili fuqarolik huquqi subyektlari o`z huquq va majburiyatlarini amalga oshirishlaridagi harakatlar bevositaligi va uzluksizligini ta`minlaydi. Ma`lumki, fuqarolik huquqida fuqarolik muomalasi ishtirokchilarining xususiy manfaatlari asosiy o`rinni egallaydi. Shuning uchun qonun chiqaruvchi ana shu manfaatlar ustunligini kafolatlash maqsadida FKning 1- moddasidayoq, mazkur tamoyilni mustahkamlaydi. Bundan tashqari ushbu tamoyil

www.arxiv.uz boshqa qonun hujjatlarida ham alohida qoida tarzida belgilab qo`yilgan. Masalan, O`zbekiston Respublikasining “Tadbirkorlik faoliyati erkinligining kafolatlari to`g`risida”gi 2000 yil 25 maydagi qonunining 34-moddasiga muvofiq, davlat organlari va ularning mansabdor shaxslari tadbirkorlik faoliyati subyektlarining qonun hujjatlariga muvofiq amalga oshirilayotgan faoliyatiga aralashishga haqli emas. Bunday aralashuv FKning 1-moddasi talablariga zid bo`lib, noqonuniy harakat hisoblanadi. Albatta, qonun hujjatlarida ko`zda tutilgan aralashuv (xususiy ishlarga) bundan mustasnodir; 8) fuqarolik huquqlarining to`sqinliksiz amalga oshirilishi (FKning 1- moddasi). Fuqarolik-huquqiy munosabat ishtirokchilari o`z fuqarolik huquqlarini amalga oshirishda har qanday to`sqinliklarni bartaraf etilishini talab qilishga haqli. Qonun hujjatlaridagi ba`zi cheklashlarning mavjud bo`lishi bu tamoyilning ahamiyatiga putur yetkazmaydi. Chunki huquq subyektiga berilgan, huquq subyektlarining o`z huquqini amalga oshira olish imkoniyatiga ega bo`lishlari, bu huquqlar mavjudligining asosiy mezonidir. Aynan shu xususda to`xtalar ekan, H.R.Rahmonqulov fuqarolik-huquqiy munosabatlar ishtirokchilarining halol, oqilona va adolat bilan harakat qilishi nazarda tutilishini ta`kidlab o`tadi 5 ; 9) fuqarolik-huquqiy munosabat ishtirokchilarining buzilgan huquqlarining tiklanishi (FKning 1-moddasi). Fuqarolik huquqi birinchi navbatda huquqiy munosabat ishtirokchisining buzilgan huquqlarining avvalgi holatiga qaytarilishiga qaratiladi (mulkni natura holida qaytarish, buzilgan shaxsiy huquqni tan olish va h.k.). Buzilgan huquqlarning tiklanishi, amalda mumkin bo`lmagan hollardagina taraflar talabini qanoatlantirishning boshqa usullari qo`llaniladi; 10) fuqarolik-huquqiy munosabat ishtirokchilari huquqlarining sud orqali himoya qilinishini ta`minlash (FKning 1-moddasi). Fuqarolik-huquqiy munosabat ishtirokchilari o`z huquqlarini himoya qilish uchun o`z talabini maxsus organ - sud orqali bildirishga haqli va bu huquq qonun bilan kafolatlanadi; 1 1 ) shartnoma tuzish erkinligi (FK 1-354-moddalar). Fuqaro-lar (jismoniy shaxslar) va yuridik shaxslar o`z fuqarolik huquqlari hamda burchlariga o`z erklariga muvofiq ega bo`ladilar , o`z manfaatlarini ko`zlab amalga oshiradilar. FKning 354-moddasida esa, ushbu tamoyilning mazmuni ochib berilgan. Shartnomalar erkinligi tamoyilini quyidagi uchta holatni ajratib ko`rsatish orqali tushunish mumkin: 1) subyektning shartnoma bo`yicha o`z kontragenti, ya`ni shart-noma bo`yicha sherigini tanlash erkinligi; 5 Раҳмонқулов Ҳ.Р. Фуқаролик ҳуқуқининг предмети, методи ва тамойиллари. -Т.: ТДЮИ. 2003 -42 б.

www.arxiv.uz 2) shartnoma predmetini, ya`ni aynan qanday holat yuzasidan shartnoma tuzishni tanlash erkinligi; 3) shartnoma shartlarini tanlash erkinligi. Ushbu uchala holatni amalga oshirishda subyektga hech qanday noqonuniy ta`sir o`tkazmaslik lozim bo`ladi. Ba`zi hollarda yuqoridagi holatlar subyektga qonuniy ta`sir o`tkazish orqali uning xohish-irodasini boshqa tomonga o`zgartirish orqali amalga oshiriladi. Shartnomalar erkinligi tamoyiliga nisbatan bunday cheklov faqatgina qonun hujjatlarida ko`zda tutilgan hollarda tadbiq etiladi (FKning 377-moddasi). Ular shartnoma asosida o`z huquqlari va majburiyatlarini belgilashda hamda qonunga zid bo`lmagan har qanday shartnoma shartlarini belgilashda erkindirlar; 12) bozor munosabatlari sharoitidagi muhim ahamiyatga ega bo`lgan fuqarolik huquqi tamoyillaridan yana biri - O`zbekiston Respublikasining butun hududida tovarlar, xizmatlar va moliyaviy mablag`larning erkin harakatda bo`lishidir (FK 1-moddasi). Bu tamoyil bozor iqtisodiyoti uchun muhim bo`lgan moddiy ne`matlarning erkin harakatlanishi hisobiga tovar-pul munosabatlari tezlashishini amalga oshirishga xizmat qiladi. Ma`lumki, iqtisodiy rivojlanish va ma`muriy-hududiy tuzilmalarning geografik joylashishi muayyan turdagi tovarlar taqsimotining nomutanosibligiga sabab bo`ladi. Mazkur tamoyil ana shu nomutanosiblikni bartaraf etishda yetakchi o`rinni egallaydi. Shuning uchun ham faqatgina xavfsizlikni ta`minlash, insonlarning hayoti va sog`lig`ini himoya qilish, tabiatni va madaniy boyliklarni muhofaza qilish uchun zarur bo`lganda, tovarlar va xizmatlar harakatda bo`lishini cheklash qonun hujjatlariga muvofiq joriy etilishi mumkin. Fuqarolik huquqida xo`jalik hisobi tamoyili fuqarolik-huquqiy munosabatlarida, masalan, yetkazilgan mahsulotlar yoki bajarilgan ishlar uchun kelishilgan narxlar bo`yicha haq to`lashda, shartnomalarni bajarmaganlik yoki kechiktirib bajarganlik yoxud sifatsiz bajarganlik uchun sanksiyalar belgilashda ifodalanadi. Bulardan tashqari ayrim huquqiy institutlar, jumladan, majburiyat huquqi, mulk huquqi, mualliflik huquqi, vorislik huquqi instituti ham o`z tamoyillariga ega. Fuqarolik huquqi tizimi Fuqarolik huquqi ham o`z navbatida muayyan tizimlashtiriladi, ayni vaqtda uning o`zi ham xususiy huquq tizimiga kiradi. Bunday tizimlashtirish, tarkibiy qismlarga ajratish uchun asos bo`lib, butun tarmoq uchun xos bo`lgan asosiy, umumiy qoidalar - umumiy qismni ajratish hisoblanadi. Fuqarolik huquqining Umumiy (birinchi) qismi fuqarolik huquqlari

www.arxiv.uz tushunchasi, ularning vujudga kelishi, amalga oshirilishi va himoya qilinishi, fuqarolik muomalasi subyektlari, obyektlari, shuningdek muddatlar to`g`risidagi asosiy qoidalarni hamda barcha fuqarolik-huquqiy munosabatlarga qo`llaniladigan umumiy tartibdagi boshqa ba`zi normalarni o`z ichiga oladi. Ushbu holatlar tizimi fuqarolik huquqi tizimini shakllantirishi, o`quv-nazariy va ayni vaqtda huquqni qo`llash bo`yicha muhim ahamiyatga ega, chunki uni umumiy (birinchi) qism tarkibiga kiruvchi qoidalar boshqa barcha fuqarolik-huquqiy normalarni qo`llashda u yoki bu darajada hisobga olinadi. Shu nuqtai-nazardan qaraganda fuqarolik huquqining Umumiy (birinchi) qismga kirmagan barcha normalar fuqarolik huquqining Maxsus (ikkinchi) qismiga mansubdir deb aytish mumkinmi? - degan savol tug`ilishi tabiiy. Biroq, bir qarashda mantiqiy jihatdan to`g`ri bo`lgan bu qoida fuqarolik huquqiga nisbatan to`la qo`llanmaydi. Shu sababli ham garchi, FK ikki qismga bo`linsa ham, ikkinchi qismi Maxsus qism deb nomlanmagan. FKning umumiy qoidalaridan tashqarida bo`lgan normalar mazmunan rang-barang va hajmi jihatdan nihoyatda ulkan hisoblanadi. Bu esa, ularni yanada kengaytirilgan holda tizimlashtirilishini talab etadi. Shu sababli ham agarda, oldin huquq tarmog`i qismlarga va institutlarga bo`linadigan bo`lsa, endilikda tabaqalanish tizimi hamda pog`onalari kengaydi va ko`paydi. Endilikda fuqarolik huquqini kichik tarmoqlarga tizimlashtirish qo`llanmoqda. Kichik tarmoq - bu bir turdagi guruhlarga kiruvchi munosabatlarni tartibga soluvchi va o`zining umumiy qoidalariga ega bo`lgan normalarni yirik- yirik guruhlari bo`lib hisoblanadi. Bugungi kunda fuqarolik-huquqiy normalarni beshta kichik tarmoqlarga bo`lish qabul qilingan. Bular jumlasiga: a) mulk huquqi va boshqa ashyoviy huquqlar (ba`zi adabiyotlarda uni ashyoviy huquq deb ham ataydilar). Ushbu kichik tarmoq mulkiy munosabatlar ishtirokchilariga ashyolar (mol-mulklar) tegishliligini, mansubligini rasmiylashtiradi, bu tegishlilik esa mulkiy muomalaning sharti yoxud natijasi (oqibati) sifatida namoyon bo`ladi; b) mulkiy muomalaning o`zini rasmiylashtiruvchi majburiyat huquqi. Majburiyat huquqi ham o`z navbatida shartnomalar huquqi va delikt huquqi kabi kichik tarmoqlarga bo`linadi. Ularning har ikkalasi uchun ham yagona, umumiy bo`lgan Umumiy qism mavjud. Shartnoma majburiyatlari ham o`z navbatida mol- mulkni ashyoviy huquq asosida topshirish, foydalanish uchun berish, ishlarni bajarish, xizmatlar ko`rsatish, birgalikdagi faoliyat bo`yicha majburiyatlarga bo`linadi. Majburiyatlar ichida bir tomonlama harakatlar (bitimlar)dan kelib chiqadigan majburiyatlar ham alohida ajralib turadi. Buzilgan huquqni muhofaza qilishga qaratilgan majburiyatlar delikt (zarar yetkazishdan kelib chiqadigan)

www.arxiv.uz majburiyatlarga va asossiz boyishdan kelib chiqadigan majburiyatlarga bo`linadi. Umuman olganda, majburiyat huquqi fuqarolik huquqining eng puxta tizimlashtirilgan qismi hisoblanadi. Ushbu qism o`z hajmi bo`yicha ham beqiyosdir. U FKning 20-bobidan to 58-bobiga qadar bo`lgan normalarni (234- 1030-moddalar) qamrab olgan; v) mutlaq huquqlar deb atalmish kichik tarmoq intellektual mulk bo`yicha normalar majmuini tashkil etadi. Uning tarkibiga ijodiy faoliyat mahsullari (ixtirolar, foydali modellar, sanoat namunalari, seleksiya yutuqlari, integral mikrosxemalar topologiyasi, kompyuter dasturlari, mualliflik va turdosh huquqlar obyektlari - fan, adabiyot, san`at asarlari va ularning ijrolari, tijorat sirlari, shu jumladan nou-xou)ga nisbatan huquqlarni rasmiylashtirish, fuqarolik muomalasida ularni amal qilishi, ushbu nomoddiy obyektlardan foydalanish huquqiy rejimini belgilovchi fuqarolik-huquqiy normalar kiradi. Ayni vaqtda fuqarolik muomalasi ishtirokchilarini, tovarlar, ishlar va xizmatlarni shaxsiylashtirish (individuallashtirish) vositalariga nisbatan huquqlarni vujudga kelishi, amal qilishi bekor bo`lishi va huquqiy himoya qilish bo`yicha munosabatlarni tartibga soluvchi fuqarolik-huquqiy me`yorlar ham ushbu kichik tarmoq tarkibiga kiradi. Bunday individuallashtirish vositalari bo`lib firma nomi, tovar belgisi, tovar chiqarilgan joy nomiga bo`lgan huquqlar hisoblanadi; g) fuqaro vafot etgan taqdirda uning mol-mulki va mulkiy huquqlari boshqa shaxslarga (ya`ni vasiyat bo`yicha yoki qonun bo`yicha uning merosxo`rlariga) o`tishini tartibga soluvchi normalar majmuidan iborat bo`lgan vorislik huquqi; d) so`nggi vaqtlarda nomoddiy ne`matlarni (shaxsiy nomulkiy huquqlarni) himoya qilishni tartibga soluvchi normalar majmui ham fuqarolik huquqining kichik tarmog`i sifatida qaralishi to`g`risida nuqtai-nazarlar ham ilgari surilmoqda 6 . Ushbu kichik tarmoq jismoniy va yuridik shaxslarni sha`ni, qadr- qimmati va ishbilarmonlik obro`si, fuqarolarning hayoti, sog`ligi, shaxsiy daxlsizligi, ularning xususiy hayoti, erk-muxtoriyatini ta`minlovchi huquqlar va shu kabilarni vujudga kelishi, ularni amalga oshirish, huquqiy muhofaza qilish bo`yicha fuqarolik-huquqiy munosabatlarni tartibga soladi. Shartli ravishda bu turkumga kiruvchi huquqlarni shaxsiy huquqlar deb nomlash o`rinli bo`lur edi. Fuqarolik huquqi tizimida kichik tarmoqlar o`z navbatida institutlarga bo`linadi. Huquq instituti deganda, unchalik yirik bo`lmagan bir turdagi ijtimoiy munosabatlarni tartibga soluvchi normalar yig`indisi majmui tushuniladi. Har bir kichik tarmoq o`z navbatida huquq institutlariga bo`linadi. Masalan, majburiyat huquqi kichik tarmog`i alohida shartnomalar majburiyatlari institutlariga – oldi- sotdi, ijara, pudrat va shu kabilarga bo`linadi. Mulk huquqi va boshqa ashyoviy huquqlar kichik tarmog`i ham o`z navbatida mulk huquqi, cheklangan ashyoviy 6 Гражданское право. Т.1. //Под ред. А.Е.Суханова. –М.: Бек. 1998. –12 б .

www.arxiv.uz huquqlar, ularni himoya qilishning ashyoviy-huquqiy usullari institutlariga bo`linadi. Fuqarolik-huquqiy institutlar ham o`z navbatida yanada bo`laklarga bo`lingan holda muayyan qismlarga tizimlashadi. Ushbu qismlar subinstitutlar deb ataladi. Ayni vaqtda subinstitutlar ham tartibga soluvchi munosabatlari bir xilligi va yagonaligi bilan ajralib turadi. Masalan, shartnomaviy majburiyatlar institutlari ularning alohida ayrim turlari to`g`risidagi qoidalarni qamrab oladi (masalan, oldi- sotdi shartnomasi instituti quyidagi subinstitutlarga bo`linadi – chakana oldi-sotdi, mahsulot yetkazib berish, kontraktatsiya, ulgurji oldi-sotdi; ijara shartnomasi quyidagi institutlarga bo`linadi – prokat, transport vositalari ijarasi, korxonalar ijarasi, lizing (moliya ijarasi) va h.k.). Fuqarolik-huquqiy institutlar va subinstitutlari ham o`zlarining umumiy qoidalariga ega. Bu esa ularni tashkil etuvchi normalarni yuridik jihatdan bir xilligidan dalolat beradi. Bu o`rinda shuni ham unutmaslik lozimki, kichik tarmoqning umumiy qoidalari ushbu kichik tarmoq tarkibiga kiruvchi tegishli institutlar qoidalariga ham taalluqlidir, ushbu institut umumiy qoidalari esa uning tarkibiga kiruvchi subinstitutlar ham tegishlidir. Masalan, majburiyatlar hamda shartnomalarning umumiy qoidalari oldi-sotdi va ijara institutlariga ham taalluqli bo`lib, ular ham o`z navbatida mahsulot yetkazib berish va prokat subinstitutlariga nisbatan ham oid hisoblanadi. O`z navbatida oldi-sotdining umumiy qoidalari mahsulot yetkazib berish va kontraktatsiyaga ham tegishli bo`lib, ijaraning umumiy qoidalari transport vositalari ijarasi, prokat shartnomasi va moliyaviy ijara shartnomalariga ham taalluqlidir. Fuqarolik huquqi – bu har qanday rivojlangan huquq tizimining eng muhim tarkibiy qismidir. Ayni vaqtda fuqarolik huquqi iborasini fuqaroviylik bilan chalkashtirmaslik lozim. Shaxsning fuqaroligi – bu uning jismoniy shaxs sifatida muayyan davlatga mansubligi, davlat bilan shaxs o`rtasidagi doimiy, barqaror huquqiy bog`lanishidir. Fuqarolik huquqi esa mutlaqo boshqa va keng ma`nodagi tushunchadir. Fuqarolik huquqi iborasining kelib chiqishi tarixiy ildizi rim “sivil huquqi” (jus civil)ga borib taqaladi. Qadimgi Rimda bu huquq tushunchasi Rimning tubjoy fuqarolari-kviritlar (cives) huquqini, davlat-shaharlar (civitas) huquqini anglatgan. Keyinchalik, Yevropa mamlakatlari huquq tizimlari tomonidan Rim xususiy huquqini o`zlashtirib olish (retsensiya) jarayonida bu tushuncha hozirgi zamon yuridik atamashunosligiga ko`chirildi. Shu sababli ham fuqarolik huquqini ba`zan sivilistika deb ham ataydilar. Mamlakatimiz mustaqilligining ilk davrlarida fuqarolik huquqi bilan fuqaroviylikni farqlash maqsadlarida fuqarolik huquqini muomala huquqi (muomala) deb atash haqida takliflar ham bo`ldi. Biroq bu takliflar ilmiy jamoatchilik tomonidan keng qo`llab- quvvatlanmadi va natijada fuqarolik huquqi iborasi o`z kuchida qoldi.

www.arxiv.uz Fuqarolik huquqini xarakterlashda xususiy huquq iborasi ham keng qo`llaniladi. Fuqarolik-huquqiy munosabatlar doirasi – bu eng avvalo, kishilarning xususiy manfaatlari doirasidir. Boshqacha aytganda xususiy manfaat kishilarni fuqarolik-huquqiy munosabatda harakatlantiruvchi kuchdir. Fuqarolik-huquqiy munosabatlarning muayyan qismi kishilarning o`zlari tomonidan tartibga solinadi, chunki hech qanday normativ hujjat hayotdagi barcha holatlarni, masalan, o`zini tutishning eng maqbul variantlarini belgilab bera olmaydi. Albatta, normativ hujjatlar kishilarning noinsof shaxslarni suiiste`molliklaridan, tajovuzlaridan muhofaza etish, zaif, ojizlarni himoya qilishni amalga oshiradi. Biroq, davlatning xususiy manfaatlar sohasiga aralashuvi yalpi, chegarasiz va o`zbilarmonlik bilan amalga oshirilmaydi. Ommaviy hokimiyat fuqarolarning har qanday manfaatlarini yagona haqiqiy ifodachisi va himoyachisi bo`lishga da`vo qilmasligi lozim. Xususiy manfaat egasi o`z manfaati uchun o`zi harakat qilmog`i kerak. Aks holda, yaqin o`tmishdagi tarixiy tajribamiz dalolat berganiday, davlatdan turli ne`matlarni kutuvchilarga (olma pish, og`zimga tush qabilida fikr yurituvchi shaxslarga) aylanib qoladilar, mustaqil va tashabbuskor faoliyat yuritishga bo`lgan qiziqishlarini yo`qotadilar, bu esa oxir-oqibatda davlat uchun ham, jamiyat uchun ham salbiy oqibatlarni vujudga keltirishi mumkin. Shu sababli xususiy manfaat xususiy huquq timsolida o`z huquqiy negiziga ega bo`lishi shart. Butun dunyo bo`yicha huquqiy munosabatlar normal xususiy-huquqiy va ommaviy-huquqiy tartibga solishning mavjudligi va ularning farqlanishiga asoslanishi lozim. Fuqarolik huquqi yoxud xususiy huquq Qadimgi Rimdan boshlab (jus privatum) xususiy huquq sohasini anglatadi, unga ishtirokchilarning yuridik tengligi va mustaqilligi, ularning xususiy mulklari daxlsizligi, shartnomalar erkinligi, buzilgan huquq hamda manfaatlarning mustaqil sud orqali himoya qilinishi kabi xususiyatlardir. Albatta, insoniyat sivilizatsiyasi qadimgi davrdan buyon o`z rivojida beqiyos murakkab ijtimoiy jarayonlarni bosib o`tdi, avval texnik va ijtimoiy inqiloblar, keyin ilmiy va axborot taraqqiyoti tufayli tubdan yangi ijtimoiy fenomenlar vujudga keldi. Bularning barchasi fuqarolik (xususiy) va ommaviy huquqlar tafovutlariga asoslangan huquq tizimlari negizini bartaraf eta olmadi, ularning ko`rinishlari o`zgardi, xolos. Huquqni xususiy va ommaviy huquqlariga farqlanishi umumiy saqlanib qolmoqda. Ulardagi prinsipial farqlar ilk bora Yustinian Digestlarida o`z ifodasini topgan edi. Qadimgi Rim yuristi Ulpian ommaviy huquq Rim davlat maqomini belgilaydi, xususiy huquq esa alohida shaxslar foydasini ko`zlaydi, deb ko`rsatgan edi. Ommaviy huquq va xususiy huquq nisbatini aniqlash va farqlash bir qarashda oson tuyulsa ham, aslida murakkab masala hisoblanadi. Gap shundaki,

www.arxiv.uz xususiy huquq sohasida ham qonun chiqaruvchi ba`zan umummajburiy imperativ normalardan foydalanadi, bu tartibga solinayotgan huquqiy munosabatlar qatnashchilari tashabbuskorligi va mustaqilligini cheklaydi. Masalan, fuqarolik qonunchiligi barcha yuridik shaxslarni ro`yxatdan o`tkazishni, ko`chmas mulk bilan bog`liq barcha bitimlarni ham davlat ro`yxatida qayd etilishini shart qilib qo`yadi. Ushbu talabga rioya qilmaslik subyekt harakatlarini yuridik jihatdan beoqibat bo`lishiga olib keladi (masalan, yuridik shaxs vujudga kelmaydi, ko`chmas mulkka nisbatan huquq mavjud bo`lmaydi va h.k.). Boshqa jihatdan olganda ham, ommaviy huquq sohasida ba`zan sud tartibida himoya qilish qo`llaniladi, masalan, mansabdor shaxslarni davlat boshqaruvi harakatlari va qarorlari ustidan sudga shikoyat berish tartibi mavjud. Manfaatlarni sud orqali muhofaza qilish esa xususiy huquqqa ko`proq xosdir. Biroq, bunday umumiylik ommaviy huquq va xususiy huquq o`rtasidagi tafovutlarni bartaraf etmaydi, chunki har ikkala huquqiy “majmualar” sohasidagi huquqiy munosabatlar turlicha huquqiy rejimga egadir. Bir necha asrlar davomida huquqshunos olimlar har ikkala huquqiy “majmualar” o`rtasidagi farqlarni belgilovchi mezonlarni aniqlashga uringanlar. Oxir-oqibatda ma`lum bo`ldiki, asosiy farqlar huquqiy munosabatlar tabiatidan kelib chiqqan holda huquqni bu munosabatlarga ta`sir qilish xarakteri va usullari bilan bog`liq ekan. Odatda, xususiy huquqda ishtirokchilar erki-irodasi avtonom (muxtor) va ular mulkiy jihatdan mustaqildirlar yoki alohida mol-mulkka egadirlar. Ba`zan, mulkiy munosabatlarda bunday belgilar bo`lmasligi ham mumkin. Masalan, soliqlar yig`imi va huquqbuzarlik uchun jarimalar solish orqali davlat budjetini shakllantirish bo`yicha munosabatlar. Bunday hollarda taraflar o`rtasidagi munosabatda tenglik bo`lmay, aksincha, bu munosabatlar hokimiyat va bo`ysunishga asoslanadi, bu esa o`z navbatida taraflarning erk muxtoriyatini (o`z xohishiga ko`ra ish ko`rishni) istisno etadi. Bir tomonni ikkinchi tomondan hokimiyat bo`yicha bo`ysunuviga asoslangan bunday munosabatlar (masalan, soliq munosabatlari, moliya munosabatlari) ma`muriy huquq, moliya huquqi, soliq huquqini yoki boshqacha aytganda ommaviy huquq majmuasining tartibga solish predmetini tashkil etadi. Masalan, oldi-sotdi shartnomasi bo`yicha sotuvchi xaridordan tovar qiymatini to`lashni talab etsa, bu talab shartnoma tuzil-ganda xaridor o`zi ushbu shartga rozi ekanligiga asoslanadi. Agarda taraflardan biri tuzilgan shartnomani buzsa, vujudga kelgan nizo taraflarning o`zaro kelishuvi asosida hal etiladi yoxud nizo yechimidan manfaatdor bo`lmagan uchinchi tomon – sud tomonidan hal etiladi. Agarda shaxsga tegishli pul mablag`lari soliq sifatida ushlab qolinayotgan bo`lsa, bunda shaxsning roziligi umuman talab etilmaydi, pulni olib qo`yishni uchinchi tarafning o`zi, sudga muro-jaat qilmagan holda amalga oshirishga haqli.

www.arxiv.uz Yuqorida fuqarolik (xususiy) huquqiy munosabatlarda taraflarning erk muxtoriyati mavjud ekanligi ta`kidlangan edi. Xususiy-huquqiy munosabatlar ishtirokchilarining erk muxtoriyati (erk-irodasining avtonomligi) deganda, ularning mulkiy muomalaga kirishishga nisbatan, aynan qaysi kontragent bilan, qanday shartlar asosida kelishishga nisbatan erkin inon-ixtiyorining mavjudligini anglatadi, bunday masalalar bo`yicha yechimlar, qarorlar ishtirokchilar tomonidan o`z tashabbuslariga ko`ra, tavakkal qilish asosida o`z mulkiy mas`uliyatini his qilgan holda qabul qilinadi. Ular o`z huquqlarini amalga oshirish yoki oshirmaslik, shu jumladan, sud orqali u yoki bu mulkiy talab qo`yish masalasini ham o`zlari hal etadilar. Nihoyat, xususiy huquqiy munosabatlar ishtirokchilari mulkiy jihatdan mustaqildirlar. Umumiy qoidaga ko`ra, ular o`z mol-mulklariga nisbatan mulkdordirlar va xuddi shu sababli olingan hosil-daromadlarni o`zlashtiradi va ayni vaqtda kelib chiqadigan zararlar ham ularning zimmasiga tushadi. Ular o`z mol-mulklari bilan o`z majburiyatlari bo`yicha mulkiy muomalaning boshqa ishtirokchilari oldida javob beradilar. Bu esa, haqiqiy jonkuyar va hisob-kitobga puxta tadbirkor bo`lishga undaydi hamda amalda shunga majbur qiladi. Fuqarolik (xususiy) huquq sohasiga, shuningdek ba`zi nomulkiy munosabatlar ham kiradi, ularning ishtirokchilari (ushbu munosabatlar doirasida) ushbu nomulkiy munosabatlarni amalga oshirish, rasmiylashtirishda mustaqildirlar. Xususiy huquq to`g`risidagi ta`limot nuqtai-nazaridan fuqarolik huquqini fuqarolarning, shuningdek ular tomonidan tashkil etilgan yuridik shaxslarning xususiy (mulkiy va nomulkiy) munosabatlarini tartibga soluvchi asosiy huquq tarmog`i sifatida ta`riflash lozim bo`lib, bu huquqiy munosabatlar ishtirokchilar tashabbusi bilan shakllanadi va ularning (xususiy) manfaatlarini qanoatlantirishga qaratiladi. Ushbu ta`rifdan xususiy huquqiy va ommaviy huquqiy yondashuvlar o`rtasidagi tub, prinsipial tafovutlar yaqqol ko`rinib turibdi. Ommaviy huquqiy yondashuvda davlat va jamoat (ommaviy) manfaatlarini amalga oshirish bilan bog`liq bo`lgan hokimiyat – tashkilotchilar, majburiy asoslar ustunlik qiladi. Xususiy-huquqiy yondashuv esa, xo`jalik faoliyatida o`zlarining (xususiy) manfaatlarini amalga oshiruvchi ishtirokchilar tashabbuskorligi va mustaqilligi bilan bog`liq. Albatta, iqtisodiyotni, mulkiy munosabatlarni tartibga so-lishda ushbu har bir yondashuv o`zining afzalliklariga va nuqson-lariga ega, shu sababli ham ularning hech biri hech qachon “sof holatda” qo`llanilmaydi. Masalan, favqulodda vaziyatlarda, ya`ni urush hollarida, tabiiy ofatlarda, ommaviy huquqiy asoslarni kuchaytirmasdan va keng qo`llamasdan aslo iloji yo`q. Boshqa tomondan olganda, tovarlar bozorida yakkahokimlikka (monopoliyaga) va g`irrom raqobatga qarshi

www.arxiv.uz kurash, iste`molchilar huquqlarini himoya qilish va shunga o`xshash boshqa vaziyatlarda xususiy-huquqiy asoslarni cheklashga to`g`ri kelishi tabiiy. Demak, muammo davlatning mulkiy muomalaga aralashuviga yo`l qo`yish yoki uni istisno etishda, ta`qiqlashda emas, balki bunday aralashuvni cheklash uchun qonunda uning doiralarini va shakllarini aniq-ravshan belgilab qo`yishda namoyon bo`ladi. O`zbekistonda xususiy huquqni vujudga kelishi va rivojlanish tarixi fuqarolik huquqini vujudga kelishi va rivojlanish tarixi bilan uzviy bog`liqdir. Ayni vaqtda xususiy huquq nisbatan kengroq tushunchadir. Shu sababli ham xususiy huquq o`z tarkibiga fuqarolik huquqidan tashqari xalqaro xususiy huquq, oila huquqi, mehnat huquqini ham qamrab oladi. Ushbu huquqiy tuzilmalar yig`indisi xususiy-huquqiy oilani tashkil etadi, degan qarashlar mavjud 7 . O`z o`zidan ravshanki, masalan, davlat boshqaruvidagi munosa-batlar uning ishtirokchilarining erkinligi va mustaqilligi tamo-yillari asosida tashkil etilishi mumkin emas, chunki bu munosa-batlarning xarakteri uning qatnashchilariga markazlashtirgan ta`sir bo`lishini va ular muayyan pog`onalar bo`yicha bo`ysunish tartibida joylashuvini nazarda tutadi. Iqtisodiyotda, ayniqsa, tovarlar ayirboshlash sohasidagi munosabatlarda (ya`ni, bozorda) esa aksincha, uning ishtirokchilariga tashabbus va tadbirkorlik berish uchun eng maksimal darajada erkinlik yaratish zarur. Xususiy huquq va ommaviy huquq o`zaro bir-biri bilan bog`liq hamda bir- biriga ta`sir ko`rsatib turadi. Biroq, shuni ta`kidlash o`rinliki, bu ularning bir- birlari bilan qo`shilib ketishiga olib kelmaydi, chunki yuqorida ta`kidlanganidek, ularning huquqiy tartibga solishda yondashuvlarida tub, o`tib bo`lmas farqlar mavjud. Biroq, ular o`rtasidagi aloqadorlik, bog`lanish ham doimiy, barqaror xarakterga ega. Masalan, fuqarolik protsessual huquqi ommaviy-huquqiy sohaga taalluqli bo`lsa ham, xususiy huquqiy ta`sirlar ostida tadbirkorlar o`rtasidagi nizolarni ko`rish jarayonida tortishuvchilik xarakterini kuchaytirib yubordi, nizolarni hal etishda hakamlik (nodavlat) shakllarini keng qo`llashga yo`l qo`yila boshlandi. Biroq, shunga qaramay protsessual tartib o`ziga xos bo`lgan ommaviy- huquqiy xarakterni saqlab qolmoqda. Barcha rivojlangan davlatlar huquq- tartibotlarida xususiy huquq va ommaviy huquq ijtimoiy munosabatlarga huquqiy ta`sir etishning ikki turi sifatida, huquqiy tartibga solishning ikki mustaqil, alohida tarmoqlari sifatida mavjud. Xususiy (fuqarolik) huquqni chuqurroq anglab yetish uchun uning tushunchasiga, xususiyatlariga e`tibor berishimiz lozim. Xususiy huquq xo`jalikni bozor bo`yicha tashkil etishga asoslangan huquqiy tartibning o`zagi, negizidir. Tarixiy taraqqiyotni tahlil etish shuni ko`rsatadiki, xususiy-huquqiy tamoyillar, masalan, mulk daxlsizligi, shartnomalar, zarurat taqozosiga ko`ra, u yoki bu 7 Гражданское право. Т.1. //Под ред. А.Е.Суханова. –М.: Бек. 1998. – 8 б.

www.arxiv.uz cheklovlarga duchor bo`lib turgan. Bunday cheklovlarning darajasi xarakteriga qarab huquqiy tizimlar turlari va tiplari farqlanadi. Shunisi diqqatga sazovorki, eng qattiqqo`l va johil tuzumlarda ham eng og`ir va shafqatsiz cheklov sharoitlarida ham xususiy huquq (fuqarolik huquqi) sohasi hech qachon yo`q bo`lib ketmagan, chunki bizga ma`lum bo`lgan barcha sivilizatsiyalar tovar xo`jaligi hamda tovarlar ayirboshlashsiz mavjud bo`lishi mumkin emas, bu istisno etiladi. Aslini olganda, xususiy huquq qadimgi Rim davrlaridan buyon shaxsning «qo`lini va yo`lini bog`lovchi» har qanday mahrumliklardan ozod bo`lish, erkin mulkdorlik, shartnomalarda erkinlik, vasiyat qilishda erkinlik va shu kabilarni muqarrar ravishda talab qiluvchi erkin iqtisodiy rivojlanish mahsulidir. Bozor iqtisodiyoti shakllanishi jarayonida ilgari ommaviy-huquqiy sohaga kirgan munosabatlarni muayyan darajada tijoratlashuvi ro`y beradi. Masalan, yerga nisbatan mutlaq davlat mulkchiligidan voz kechilgan muayyan hollarda yerga nisbatan xususiy mulkchilik joriy etish mumkin bo`ldi, yerga nisbatan ijara huquqini garovga qo`yishga yo`l qo`yildi. Lekin shunday bo`lsa ham aksariyat xorijiy mamlakatlardan farqli ravishda O`zbekiston Respublikasida yer huquqi, tabiiy resurslarga nisbatan huquqlarni ommaviy huquq sohasidan to`la chiqib xususiy huquq sohasiga o`tishi ro`y bergani yo`q. Biroq shunga qaramay, konsessiya shartnomalari, mahsulot taqsimotiga oid bilimlarni qonuniy asoslarga ega bo`lgani ushbu sohada ham xususiy huquq o`z ta`sirini o`tkaza boshlaganidan darak beradi, deb aytish mumkin. O`zbekiston Respublikasi Oila kodeksida nikoh shartnoma-larining mustahkamlab qo`yilganligi er-xotinga o`z mol-mulklarini huquqiy rejimlarini o`zlari belgilashlariga imkon beradi, bu esa oilaviy munosabatda xususiy huquqiy asoslari o`sib borishni ko`rsatadi. Oila huquqida nomulkiy elementlar mulkiy munosabatlarga nisbatan ustuvor ahamiyatga ega, shuningdek nikoh-oila aloqalari ixtiyoriy va teng huquqlilik asosiga quriladi, davlatning oilaviy ishlarga eng kam darajada aralashuvi tamoyili amal qiladi (asosan, voyaga yetmagan bolalar, mehnatga layoqatsiz er-xotin manfaatlarini himoya qilish maqsadlaridagina davlat hokimiyat vakolatlaridan foydalanadi). Fuqarolik huquqi predmetida keng doiradagi nomulkiy munosabatlar (sha`n, qadr-qimmat, ishchanlik obro`sini qo`riqlash, ma`naviy ziyonni undirish, xususiy hayot sirlarini, xususiy daxlsizlikni huquqiy muhofaza qilish va h.k.) an`anaviy ravishda mavjudligini hisobga olgan holda oila huquqining xususiy huquqiy tabiati to`g`risida gapirish mumkin (ushbu hol barcha ilg`or huquq tartibotiga asoslangan mamlakatlarda istisnosiz amal qiladi). Ba`zi mualliflar har holda uzil-kesil bo`lmasa ham mehnat huquqini xususiy

www.arxiv.uz huquqiy tabiatga ega deb hisoblaydilar 8 . Mehnat qonunchiligida mustahkamlab qo`yilgan mehnat shartnomasi to`g`risidagi qoidalar mehnat huquqi asosida yotadi va hozirgi bosqichda bu qoidalar yanada rivojlantirildi. Mehnat shartnomasi va fuqarolik shartnomasi o`rtasidagi umumiylikni ham yodda tutish lozim. Ayni vaqtda mehnat-huquqiy munosabatlarini tartibga solishning asosiy yo`nalishini hali ham mehnat-huquqiy munosabatlar ishtirokchilari uchun keng doiradagi maxsus sotsial kafolatlarni belgilash hisoblanadi. Bu kafolatlar tabiiyki, ijtimoiy ommaviy-huquqiy manfaatlarni ko`zlab belgilanadi va ommaviy-huquqiy usullar orqali ta`minlanadi. Demak, mehnat huquqida ommaviy-huquqiy asoslar hali ham kuchli ekanligini e`tirof etmoq lozim. Ayniqsa, mehnat huquqidan ajralib chiqqan ijtimoiy ta`minot huquqida bu hol yaqqol namoyon bo`ladi. Bu o`rinda shuni ham unutmaslik lozimki, qit`a, Yevropa huquq tizimida, eng avvalo, german shaxobchasida mehnat huquqi xususiy-huquqiy tuzilma sifatida qaraladi. Xalqaro xususiy huquq o`zining asosiy yuridik belgisi (predmeti va tartibga solish uslubi) bo`yicha hech qachon o`zining xususiy-huquqiy tabiatini yo`qotmagan (rivojlangan mamlakatlar huquqiy tartiboti taraqqiyoti nuqtai- nazaridan olganda, albatta). Buning ustiga nazariy jihatdan olganda, u deyarli doimo fuqarolik huquqining tarkibiy qismi bo`lgan kichik tarmog`i sifatida qarab kelingan. Agar xalqaro xususiy huquqiy normalar an`anaviy ravishda amaldagi Fuqarolik kodeksining 6-bo`limida mustahkam o`rin olganligini e`tiborga olsak, u holda xalqaro xususiy huquqning xususiy huquq oilasining a`zosi sifatidagi o`rni bo`yicha hech qanday bahs-munozara bo`lishiga aslo o`rin yo`q. Rivojlangan mamlakatlar huquq-tartibotida yuridik shaxslar to`g`risidagi fuqarolik-huquqiy normalar negizida odatda tijorat yuridik shaxslari huquqiy maqomini (ya`ni, ularning vujudga kelishi, ro`yxatdan o`tkazish tartibi, faoliyatini tashkil etish, boshqarish, qayta tashkil etish, tugatish tartibini) belgilovchi normalar korporativ huquq yoki «kompaniyalar huquqi» tushunchasida mujassamlanadigan o`ziga xos kichik tarmoqni ifodalaydi. Bugungi kunda O`zbekiston Respublikasida ham korporativ huquq faol shakllanish bosqichida turibdi. Aksiyadorlik jamiyatlari, to`liq va kommandit shirkatlar, mas`uliyati cheklangan va qo`shimcha mas`uliyatli jamiyatlar, xususiy korxonalar, ishlab chiqarish kooperativlari, xoldinglar – ushbu tijorat tuzilmalarining har biri haqida maxsus qonun hujjatlari qabul qilingan. Ayni vaqtda korporativ huquq mustaqil tarmoq bo`lmay, u xususiy huquq doirasida (savdo huquqi alohida ajralib chiqqan mamlakatlarda esa uning doirasida) mavjud bo`lishini unutmaslik lozim 9 . 8 Grajdanskoye pravo. YE.A.Suxanov. –M.: Bek . 1998 . - 9 b. 9 Respublikamizda ham ayrim mualliflar yuridik shaxsning ayrim turlari bilan bog`liq mustaqil huquq tarmoqlarini joriy etishni taklif etmoqdalar. Masalan, J.I.Yuldashev yagona “aksiyadorlik huquqi”ni joriy etishni maqsadga muvofiq deb hisoblaydi. Юлдашев Ж.И. Акциядорлик жамиятлари фуқаролик ҳуқуқининг субъекти сифатида. –Т.: ТДЮИ. 2004. -6 б.

www.arxiv.uz Xulosa sifatida shuni ta`kidlash o`rinliki, fuqarolik huquqi xususiy huquqning o`zagini tashkil etadi. O`zbekiston Respublikasi huquq-tartibotidagi xususiy huquq tartibotdagi xususiy huquq tizimiga bugungi kunda fuqarolik huquqidan tashqari oila huquqi, xalqaro xususiy huquq ham kiradi, deb aytish mumkin. O`zbekistonda fuqarolik huquqining asosiy rivojlanish bosqichlari Fuqarolik huquqi kishilar o`rtasidagi kundalik hayotiy ehtiyojlar bilan bog`liq bo`lgan odatdagi, doimiy, normal mulkiy munosabatlarni, shaxsiy- nomulkiy munosabatlarni tartibga solganligi sababli ham u boshqa huquq tarmoqlariga nisbatan qadimiyroq ildizlarga ega, deb aytish mumkin. Insoniyat mavjudligining eng qadimgi davrlarida fuqarolik huquqi ko`proq odat huquqi me`yorlari ko`rinishida bo`lganligini tasavvur etish qiyin emas. O`zbekiston hududida qadimdan istiqomat qilgan ajdodlarimiz o`rtasidagi fuqarolik-huquqiy munosabatlarning ilk bosqichlarini musulmon huquqiga qadar bo`lgan davrdan boshlash mumkin. O`sha davrlarda amal qilgan huquq manbalari haqida biz juda ham kam ma`lumotlarga egamiz. Biroq bizgacha yetib kelgan tarixiy manbalarga, masalan, “Avesto” kitobiga asosan aytish mumkinki, mol-mulk, majburiyat huquqi, meros masalalarini tartibga solishga qaratilgan muayyan manbalar mavjud bo`lgan 10 . O`zbekiston hududida VI asrlardan to XX asr boshlariga qadar fuqarolik- huquqiy munosabatlar musulmon huquqi me`yorlari asosida tartibga solingan. Albatta, bunda musulmon huquqining sunniylik oqimi, xanafiya mazhabi asosiy o`rin egallagan. Musulmon huquqi amal qilgan davrlarda huquqning asosiy manbai Qur`oni Karim hisoblangan. Qur`oni Karimda mol-mulk, meros, vasiylik va homiylik, hadya, xayr-ehson, majburiyat munosabatlarida ahdga sodiqlik va shu kabi masalalarni tartibga soluvchi ko`rsatmalar mavjud. Qur`oni Karimda tartibga solinmagan fuqarolik-huquqiy munosabatlar sunna, ijmo, qiyos orqali tartibga solingan 11 . Sunna – Muhammad payg`ambar (s.a.v.)ning so`zlari, ko`rsatmala-ri, xatti- harakatlaridir. Ular Hadislar ham deyiladi. Hadislar Qur`ondan keyingi ikkinchi muqaddas manba hisoblanadi. 10 Бобоев Ҳ. , Хасанов С. Авесто-маънавиятимиз сарчашмаси. -Т.: Адолат . 2001 . - 52 б. 11 Мусулмон ҳуқуқи манбалари ҳақида қаранг: Бурхониддин Ал-Марғиноний. Ҳидоя. 1 жилд. -Т.: Адолат. 2000.; Мухтасар. -Т.: Чўлпон. 1994. Ҳадислар . 1, 2, 3, 4 томлар. -Т.: Қомуслар нашриёти 1991-1994.; Ра ҳ монқулов Ҳ .Р. Ўзбекистон Республикаси Фуқаролик кодексининг биринчи қисмига умумий тавсиф ва шарҳлар. –Т.: Иқтисодиёт ва ҳуқуқ дунёси нашриёт уйи. 1997. - 20-36 б.

www.arxiv.uz Ijmo – Qur`on va Hadisda aniq ko`rsatma berilmagan huquqiy masalalarni hal etishda faqihlar va mujtahidlarning to`planib, yagona fikrga kelgan holda hukm chiqarish, ya`ni fatvo berishidir. Qiyos – islomda shariat manbalaridan biri bo`lib, Qur`on, Sunna, Ijmoda biror huquqiy masalaga aniq javob topilmaganida, uni shunga o`xshash masalaga taqqoslash yo`li bilan hukm chiqarishdir. Shuni faxr bilan aytishimiz mumkinki, musulmon huquqini shakllantirishda va rivojlanishida buyuk ajdodlarimiz Burhoniddin Marg`inoniy, Imom al-Buxoriy, Ubu Iso Muhammad bin Iso Termiziylar muhim rol o`ynadilar. Ular tomonidan musulmon huquqining muhim manbai Hadislar to`planib, tizimga solindi, sharhlar tayyorlandi. Ayniqsa, Marg`inoniyning “Hidoya” nomli ko`p tomli asari asrlar davomida musulmon huquqida asosiy qo`llanma sifatida xizmat qilmoqda. Ma`lumki, XIX asrning ikkinchi yarmidan boshlab Markaziy Osiyo, shu jumladan, O`zbekiston hududining katta qismi (Buxoro amirligi, Qo`qon va Xiva xonligi) Rossiya imperiyasi tomonidan bosib olindi. Shu sababli ham O`zbekiston hududida yerli aholi uchun musulmon huquqi me`yorlari bilan birga, XIX asr oxirlari – XX asr boshlaridan Rossiya imperiyasining fuqarolik qonunlari qo`llana boshlandi. Bu qonunlar faqat yerli, tub joyli bo`lmagan kishilargagina qo`llangan, deb o`ylash noto`g`ri bo`lur edi. O`sha vaqtlarda tub joy aholisi ham kompaniyalar, shirkatlar, zavodlar, korxonalar, banklar tashkil eta boshlagan, Rossiya va boshqa xorijiy tijoratchilar bilan faol munosabatga kirishgan 12 . Ularning qimmatbaho qog`ozlar, tijorat amallari bilan bog`liq munosabatlarini tartibga solish bevosita Rossiya fuqarolik qonunlari bilan tartibga solina borgan. Demak, bu davrlarda fuqarolik munosabatlari o`ziga xos dualistik asoslar – musulmon huquqi va Rossiya imperiyasi qonunlari bilan tartibga solingan, desak bo`ladi. Bunday dualistik asoslar Buxoro va Xorazm Xalq Respublika-lari fuqarolik qonunlariga ham xos bo`lgan. To`g`ri ushbu respublikalarda yagona kodifikatsiyalashgan fuqarolik qonuni bo`lmagan (Xorazm Respublikasi bundan mustasno. Chunki u yerda 1924 yilning 7 noyabrida Grajdanlik kodeksi qabul qilingan). Shariat, odat bilan birga, RSFSR qonunchiligi asosida ishlab chiqilgan me`yorlar ham amal qilgan. Mulkchilik munosabatlarida xususiy mulk bilan bir qatorda davlat mulki, vaqf mulki, turli kooperativlar mulki mavjud bo`lgan. Shartnomalar ko`pincha og`zaki, katta summalarda bo`lsa guvohlar ishtirokida, ko`chmas mulk bilan bog`liq bo`lsa yozma ravishda tuzilgan 13 . 12 Батафсил қаранг: И.Б.Закиров. Становление и развитие советского гражданского права в БНСР и ХНСР. -Т.: Фан. 1988. -60-65 б. Юлдашев Ж.И. Акциядорлик жамиятлари фуқаролик ҳуқуқининг субъекти сифатида. –Т.: ТДЮИ 2004. -10-15 б. 13 Рахманқулов Х.А. Возникновение и развитие гражданского законадательства Узбекской ССР .// Правоведение . 1975. №6. - 66-72; И.Б.Закиров. Становление и развитие советского гражданского права в БНСР и ХНСР. -Т.: Фан. 1988. - 60-64-б.

www.arxiv.uz O`zbekistonda fuqarolik-huquqiy munosabatlarni tartibga solishda sovet davri bir tekis kechmaganligi, ziddiyatli bo`lgan-ligini qayd etmoq kerak. 1917 yilgi Oktabr to`ntarishidan keyingi dastlabki “harbiy kommunizm” davrlarida amalda korxonalar o`rtasida pulsiz muomala – naryadlar asosida mahsulotlar ayirboshlash, kartochkalar orqali iste`mol mollari taqsimoti amalga oshirilgan, erkin savdo ta`qiqlangan 14 . Bu davr shu bilan yakunlandiki, xususiy mulkchilik va tovar-pul munosabatlariga nafrat bilan qaragan marksistik hokimiyat yangi iqtisodiy siyosat davriga o`tishga, an`anaviy fuqarolik-huquqiy institutlaridan foydalanishga majbur bo`ldi. 1922 yil 31 oktabrda VSIK RSFSR Grajdanlik kodeksini qabul qildi va u 1923 yil 1-yanvardan boshlab amalga kirdi. Bu kodeks keyinchalik boshqa ittifoqdosh respublikalarning jumladan O`zbekiston SSRning ham grajdanlik kodeksiga namuna bo`ldi 15 . Turkiston ASSR 1924 yil dekabr oyigacha avtonom respublika sifatida RSFSR tarkibida bo`lganligi sababli, RSFSR qonunlari, jumladan yuqorida aytilgan Grajdanlik kodeksi ham Turkiston hududida bevosita amalda bo`ldi. O`zbekiston Sovet Sotsialistik Respublikasi tashkil topgandan so`ng O`zSSR Revolyutsion komiteti 1924 yil 27 noyabrda qaror qabul qilib, unda hokimiyatning tegishli organlari tomonidan O`zbekiston SSR uchun umumiy qonunlar tasdiqlanguncha uning tarkibiga kiradigan xududlarda SSSR Hukumati tomonidan qabul qilingan qonunlar va O`zbekiston SSRning tegishli xududlarida qo`llanib kelingan mahalliy qonunlar amalda bo`lib hisoblanishi 16 belgilandi. O`zSSR tarkibiga kirgan sobiq Turkiston ASSR hududida, so`ngra Markaziy Osiyo respublikalarining milliy davlat chegaralanishi o`tkazilishi munosabati bilan O`zSSR tarkibiga o`tgan sobiq Buxoro va Xorazm Halq respublikalari hududlarida O`zbekiston SSR Markaziy Ijroya Komitetining 1928 yil 28 yanvar tarixiy qaroriga ko`ra RSFSRning 1922 yilgi Grajdanlik kodeksi amalda bo`lishi belgilandi 17 . Ushbu kodeksga «O`zSSR chegarasida amalda bo`lgan Grajdanlik kodeksi» yoki “O`zSSRda amalda bo`lgan Grajdanlik kodeksi” degan nom berildi. O`zSSR Markaziy Ijroiya Qo`mitasi va Xalq Komissarlari Kengashining 1929 yil 13 aprel qaroriga muvofiq esa O`zSSR chegarasida bo`lgan Grajdanlik kodeksiga “O`zbekiston Sovet Sotsialistik Respublikasining Grajdanlik kodeksi” nomi berildi 18 . O`zbekiston hududida ham amal qila boshlagan GKning matniga 14 Grajdanskoye pravo. ch.1. -M.: Yur. izdat. 1998. - 31 b. 15 Зокиров И.Б. Ўзбекистон ССРнинг гражданлик ҳуқуқи. (Юридик фак. Студентлари учун дарслик). 1-қисм. (А.А.Аъзамхўжаев ва Ф.Х.Сайфуллаевлар таҳрири остида). 2- нашр. –Т.: Ўқитувчи. 1988. -18 б. 16 Ўзбекистон ССР Қонунлари тўплами. –Т.: 1925. 1-сон. 2-модда. 17 Зокиров И.Б. Ўзбекистон ССРнинг гражданлик ҳуқуқи. (Юридик фак. Студентлари учун дарслик). 1-қисм. (А.А.Аъзамхўжаев ва Ф.Х.Сайфуллаевлар таҳрири остида). 2- нашр. –Т.: Ўқитувчи. 1988. -18 б., Зокиров И.Б. Становление и развитие советского граждансконо права в БНСР и ХНСР. –Т.: Фан. 1988. 18 Зокиров И.Б. Ўзбекистон ССРнинг Гражданлик ҳуқуқи. 2-нашр. –Т.: Ўқитувчи. 1988. - 280 б.

www.arxiv.uz O`zbekiston mustaqil o`zgarishlar kiritishga haqli ekanligi belgilab qo`yildi 19 . O`zbekiston Respublikasida to XX asrning 60-yillar boshlarigacha amal qilgan fuqarolik qonunchiligi o`z davri ziddiyatlari mazmunida aks ettiradi. Amalda fuqarolarning o`z fuqarolik huquqlarini amalga oshirish imkoniyatlari chegaralangan, xususiy mulk, tadbirkorlik ta`qiqlangan, huquq me`yorlarida mafkuraviy aqidalar ustuvor o`rinni egallagan edi. Deyarli barcha mol-mulk davlat qo`lida to`plangan, kuchli ma`muriy-buyruqbozlik tizimi, harbiylashtirilgan tartib- intizom fuqarolik qonunlari ta`sirini amalda zaiflashtirgan edi. 50-yilning o`rtalarida SSSR Grajdanlik kodeksi loyihasi ishlab chiqildi. Bu holat Ittifoqdagi respublikalarning nomiga bo`lsa ham, davlat suvereniteti mavjudligini amalda yo`qqa chiqarib, yagona qonunni joriy etishga olib kelishi mumkin edi. Biroq 1957 yilda SSSR Konstitutsiyasiga kiritilgan o`zgarishlar, ya`ni “iliqlik” (ottepel) davri bu g`oyani amalga oshirishga to`siq bo`ldi. 1956-1964 yillarda fuqarolik qonunchiligini kodifikatsiyalash bo`yicha sivilist olimlar o`rtasida juda katta bahs-munozaralar bo`lib o`tdi. 1961 yilda SSR Ittifoqi va ittifoqdosh respublikalar Grajdanlik qonunchiligi asoslarining qabul qilinishi bu bahslarga chek qo`ymadi. Bu bahslar ostida davlatga tegishli korxonalargina iqtisodiyotda yakka hukmronlik qilgan shart-sharoitlarda ular o`rtasidagi munosabatlarni fuqarolik qonunchiligi bilan emas, balki xo`jalik huquqi bilan tartibga solish, ishlab chiqarish va ayirboshlashdagi bo`ysunish (vertikal) va shartnomali (gorizontal) munosabatlarni muayyan ma`muriy-buyruqbozlik usuli bilan tartibga solish yoki fuqarolik qonunchiligini bu munosabatlarni tartibga soluvchi huquq sohasidagi mavqeini saqlab qolish haqidagi qarashlar yotar edi. SSR Ittifoqi va ittifoqdosh respublikalar Grajdanlik qonunchiligi Asoslari asosida ishlab chiqilgan va 1963 yil 23 martda qabul qilingan O`zbekiston SSRning Grajdanlik kodeksi 8 bo`lim, 622 moddadan iborat bo`lgan. Uning mazmunida kommunistik mafkura aqidalari singdirilgan bo`lib, bu uning davlat mulkining imtiyozli huquqiy holatidan, fuqarolarning mulk huquqi cheklanganligi, jismoniy shaxslarning tadbirkorlik faoliyatini amalga oshirish imkoniyatlari nazarda tutilmaganligi, juda ko`p masalalarni tartibga solish mahkamaviy hujjatlar ixtiyoriga berib qo`yilganligi va shu kabi holatlarda o`z aksini topgan. O`zbekiston Respublikasi Davlat mustaqilligiga erishgan, mamlakatimizda bozor munosabatlarini qaror toptirish, huquqiy demokratik davlatni shakllantirish bosh maqsad sifatida belgilab olindi. Amaldagi GK esa bu vazifalarni bajara olmas edi. Shu sababli ham o`sha davrdan boshlab fuqarolik qonunchiligi rivojida yangi bosqich boshlandi. Bu bosqichning xarakterli xususiyati shundaki, bunda GKning iqtisodiyot sohasini tartibga soluvchi me`yorlari amalda qo`llanmay 19 Гражданское право. ч.1. -М.: Юр. издат. 1998. - 49 б.

www.arxiv.uz qo`yildi. Ularning o`rniga Mulkchilik to`g`risidagi, Tadbirkorlik to`g`risidagi, Xo`jalik jamiyatlari va shirkatlari to`g`risidagi, Kooperatsiya to`g`risidagi, Davlat tasarrufidan chiqarish va xususiylashtirish to`g`risidagi yangi qabul qilingan qonunlar ishlay boshladi. Ushbu qonunlarda xususiy mulk, tadbirkorlik o`zining huquqiy asoslariga ega bo`ldi, jamoat birlashmalari, turli tadbirkorlik tuzilmalari tashkil etishga va faoliyat yuritishiga keng yo`l ochildi hamda ularni amalga oshirish kafolatlari belgilab qo`yildi. Plan-rejaning iqtisodiyotda shartnomalarga nisbatan ustunligi bekor qilindi. Yuqorida sanab o`tilgan qonunlar o`tish davrida fuqarolik qonunchiligining o`zagini tashkil etdi, deb aytish mumkin. Ayni vaqtda eski GKning ayrim me`yorlari bozor munosabatlari tizimini shakllantirishga to`sqinlik qilishi mumkin edi. Bu salbiy ta`sirni bartaraf etish talab etildi. 1992 yilda O`zbekiston Respublikasining Konstitutsiyasi qabul qilingandan keyin O`zbekiston Respublikasining Konstitutsiyaviy nazorat qo`mitasi GK 96-moddasi 2-qismini, ya`ni davlat mulkini qonunsiz egallashlaridan qaytarib olish bo`yicha talablarga nisbatan da`vo muddatini qo`llamaslik haqidagi me`yorni, Respublikamizda barcha mulk shakllarining tengligi va teng huquqiy himoya qilinishi xususidagi Konstitutsiyaning 53-moddasiga zid deb topdi, shu sababli ham u yuridik kuchga ega emas, deb belgilandi. Ayni vaqtda GKning bittadan ortiq uy-joyga shaxsiy egalik huquqining bekor bo`lishi haqidagi normasi (GKning 121- moddasi), yuridik shaxslar o`rtasidagi, o`zaro talablarga nisbatan qisqartirilgan da`vo muddati belgilash haqidagi norma (84-modda)lar ham bekor bo`ldi. Mamlakatimiz mustaqillikka erishgandan keyin fuqarolik qonunlarini tubdan qayta qurish, bozor tizimi, huquqiy demokratik davlat talablari, rivojlangan mamlakatlar tajribasi asosida yangilash vazifasi ko`ndalang qo`yildi. Fuqarolik- huquqiy munosabatlarni tartibga solishda eski GK o`rniga og`irlik markazini o`z zimmasiga olgan joriy qonunlarni uzviy bog`laydigan, yaxlit tizimga soladigan, ular o`rtasidagi mutanosiblikni ta`minlaydigan yangi FK ishlab chiqish lozim edi. Mamlakatimizda bu boradagi sa`y-harakatlar 1992 yil o`rtalaridan boshlandi. Avvaliga bu jarayon respublikamiz sivilist olimlari guruhi faoliyati doirasida kechgan bo`lsa, keyinchalik keng miqyoslarga ko`chdi. MDH davlatlari, shu jumladan, Rossiya, Qozog`iston, Ukraina, Yevropa mamlakatlari olimlari bilan respublikamiz olimlari ham MDH mamlakatlari uchun FK modelini yaratishda hamkorlik qilishdi. Bunday hamkorlikning zarurati quyidagilar bilan izohlanadi: –birinchidan, MDH mamlakatlari, shu jumladan, O`zbekiston bozor munosabatlari tizimini qaror toptirishni o`z pirovard maqsadlari qilib belgilashdi. Bozor munosabatlari tizimi huquqiy asoslari barcha uchun umumiy jihatlarga ega. Demak, ushbu umumiy jihatlarni har qaysi MDH davlati yakka-yakka ishlab chiqqanidan ko`ra, birgalikda, hamkorlikda ishlab chiqishi maqsadga muvofiq edi;

www.arxiv.uz –ikkinchidan, bunday hamkorlikda, Yevropa mamlakatlari sivilist olimlari ishtirokida FK modelini yaratish rivojlangan mamlakatlar fuqarolik qonunlarining eng ilg`or tajribasidan foydalanishga imkon berardi; –uchinchidan, FKning yagona modeli (namunaviy andozasi) asosida MDH mamlakatlari o`z fikrlarini ishlab chiqarishlari bu mamlakatlar va rivojlangan mamlakatlar fuqarolik qonunlarining bir-birlariga yaqinlashuviga, ular o`rtasida ziddiyatlar yoxud nomuvofiqliklarni kamaytirishiga, oxir-oqibatda o`ziga xos yagona huquqiy maydon vujudga kelishiga ko`maklashdi. Bu esa mamlakatlar o`rtasidagi iqtisodiy, ilmiy, madaniy aloqalarni mustahkamlashga xizmat qildi. O`zbekistonda yangi FKni ishlab chiqishda, eng avvalo, fuqarolik qonunchiligining tarkibi to`g`risida bahs-munozaralar bo`lib o`tdi. Bunda asosan Yevropa mamlakatlarining ba`zi olimlari O`zbekistonda FKdan Savdo kodeksini alohida ajratib chiqarishni taklif etdilar. Xususiy huquq tizimini ikkiga ajratadigan dualistik tizimda fuqarolik huquqi va savdo huquqi alohida-alohida huquq sifatida mavjud bo`ladi va bu qator rivojlangan mamlakatlarda amal qiladi (masalan, Fransiya Savdo kodeksi (1807y.), Germaniya Savdo tuzuklari (1896y.), AQSH Namunaviy savdo kodeksi (1958y.). Biroq bu nuqtai-nazar O`zbekiston Respublikasining fuqarolik qonunchiligini kodifikatsiyalashtirish jarayonida sezilarli ta`sir ko`rsata olmadi va rad etildi. Buning o`ziga yarasha sabablari bor edi. Birinchidan, mamlakatimizda ma`muriy-buyruqbozlik tizimi oqibatlarini bartaraf etish, bozor munosabatlari tizimiga o`tish bosqichida birdaniga fuqarolik qonunchiligini ikkiga bo`lish, uni qo`llash amaliyotda jiddiy qiyinchiliklar, anglashilmovchiliklarni keltirib chiqarishi, sivilist olimlar guruhida ixtisoslashuv, bo`linishga olib kelishi va bu esa fuqarolik huquqi fani rivojiga salbiy ta`sir ko`rsatishi mumkin edi. Ikkinchidan esa, hozir butun dunyoda fuqarolik va savdo huquqi normalarining yaqinlashuvi, unifikatsiyalash jarayoni ketayotgan bir vaqtda mamlakatimizda fuqarolik huquqini ikkiga ajratish dunyo mamlakatlaridagi fuqarolik qonunlari umumiy rivojlanish yo`nalishiga nomuvofiq bo`lgan bo`lur edi. Shuni ta`kidlash o`rinliki, yangi FKni ishlab chiqish va amalga kiritish bilan fuqarolik huquqining rivojlanish jarayoni to`xtab qolgani yo`q. Aksincha, bugun o`z rivojining yangi bosqichiga qadam qo`ymoqda. Bundagi asosiy strategik yo`nalish bozor munosabatlari tizimini mustahkamlash, fuqarolik-huquqiy munosabatlarini amalga oshirish jarayonini erkinlashtirish, shaxsiy huquqlarni fuqarolik-huquqiy tartibga solish va muhofaza qilish darajasini yuqoriga ko`tarish hisoblanadi. Xulosa qilib aytganda, O`zbekistonda fuqarolik huquqining rivojini quyidagi davrlar va bosqichlarga bo`lish mumkin: 1.Musulmon huquqi davri. Bu XIX asrning 2-yarmigacha davom etgan.

www.arxiv.uz 2.Dualistik davr. Bu davr XIX asr oxiri va XX asr boshlarini o`z ichiga oladi. Bu davrda fuqarolik munosabatlari musulmon huquqi normalari bilan birga ayrim sohalarda Rossiya imperiyasi qonunlari bilan ham tartibga solingan. 3.Sovet davri. Bu davr bir necha bosqichlarga bo`linadi. Birinchi bosqich 1917-1924 yillarni o`z ichiga oladi. Bu davrda Turkiston, shartli ravishda Buxoro va Xorazm Respublikalarida amal qilgan fuqarolik normalarining o`ziga xosligini ko`rsatish mumkin. Ikkinchi bosqich 1925 yildan to 60-yillar boshlarigacha bo`lgan vaqtni o`z ichiga oladi. Bunda fuqarolik qonunlarining ahamiyati, ayniqsa, iqtisodiyot sohasida juda kam bo`lgan. Uchinchi bosqich o`tgan asrning 60-yillar boshlaridan to 80-yillar oxiriga qadar davom etgan. Bu davrda ma`muriy tizim ustuvorligi sharoitida fuqarolik normalari amal qilgan. 4.O`zbekiston Respublikasi mustaqilligi bilan fuqarolik qonunchiligi rivojida sifat jihatdan yangi davr boshlandi. Bu davrni ham ikki bosqichga bo`lish mumkin. Birinchi bosqichda – 1991 yildan 1997 yilgacha fuqarolik-huquqiy munosabatlarni tartibga solishda asosiy og`irlik markazi eski GKga emas, yosh, mustaqil davlatning joriy qonunlari zimmasiga tushgan. Yangi FK amalga kiritilgandan boshlab esa fuqarolik qonunchiligi rivojining yangi bosqichi boshlandi.

O'xshashlar

Fuqarolik huquqi tushunchasi, tamoyillari va tizimi

O`zbekiston Respublikasi fuqarolik huquqining manbalari

O`rmon huquqi tushunchasi va tizimi

O`zbekiston Respublikasi prokuratura organlarining tizimi

«O`zbekiston respublikasi huquqni muhofaza qilish organlari» tushunchasi, tizimi, predmeti