Никохнинг бекор бўлиши - Huquqshunoslik - Referatlar

Никохнинг бекор бўлиши

Yuklangan vaqt:

19.09.2022

Ko'chirishlar soni:

0

Hajmi:

82.5 KB

Ko'chirib olish

Н икохнинг бекор бўлиши Режа: 1. Никохнинг тугатилиш асослари. 2. Никохдан ажратиш тартиби ва асослари. 3. Никохдан ажратиш тўғрисида хал килув карорини чикариш вактида суд томонидан хал этиладиган масалалар.

Таянч тушунчалар: Никоҳнинг тугатилиши, никоҳдан ажратиш, никоҳдан ажратиш тўғрисида ҳал қилув қарори, никоҳнинг тугатилиш вақти, суд тартибида ажралиш, фуқаролик ҳолати далолатномаларини қайд этиш органларида никоҳдан ажратиш, никоҳдан ажратиш тўғрисида ҳал қилув қарори чиқаришда давлат божи тўлаш. Никоҳнинг тугатилиш асослари Эр – хотиндан бирининг вафоти ёки суд улардан бирини вафот этган деб эълон қилиши оқибатида никоҳ тугайди Никоҳ эр – хотиндан бири ёки ҳар иккаласининг аризасига мувофиқ никоҳдан ажратиш йўли билан, шунингдек суд томонидан муомалага лаёқатсиз деб топилган эр ёки хотиннинг васийси берган аризага мувофиқ тугатилиши мумкин. Никохнинг тугатилиши дейилганда, аник шароитдаги ходиса ва бошка юридик фактлар: вафот этиши, суд улардан бирини вафот этган деб эълон килиши никохдан ажратиш туфайли эр-хотин уртасидаги муносабатларнинг тугатилиши тушинилади. Узбекистон Республикаси Оила кодексининг 37- моддаси 1- кисмида никох тугатилишининг икки асоси: 1 эр-хотиндан бирининг вафот этиши ва улардан бирининг вафот этган деб эълон килиниши келтирилади. Вафот этиш юридик факт булиб эр-хотиннинг уртасидаги муносабатини тугаллайди. Шунинг учун никохнинг тугалланишини махсус равишда расмийлаштириш талаб килинмайди, эр-хотиндан биттасининг вафоти тугрисидаги тиббий муассасанинг ёки улганлик фактини исботлайдиган бошка маълумотлар фукаролик холати далолатномаларини ёзиш органига вафот этганлик тугрисида гувохнома бериш учун асос булади.

Эр-хотиндан бирини суднинг хал килув қарорига асосан вафот этган деб эълон қилиш, уз хукукий окибати буйича, улимга тенглаштиради. Шунинг учун, вафот этган деб эълон килиш билан унинг эр ёки хотини уртасидаги никох хам тугалланади. Бундай холда тирик булган тамон янги янги никохга утиш хукикига эга булади. Оила кодексининг 37-моддаси 2 бандига мувофик эр-хотиндан бирининг ёки хар иккисининг аризасига кура никохдан ажратиш йули билан, шунингдек суд тамонидан муомалага лаёкатсиз деб топилган эр ёки хотиннинг васийси берган аризага мувофик тугатилиши лозим. Демак,: 1. эр-хотиндан бирининг аризасига кура; 2. эр-хотиннинг хар иккисининг биргаликдаги аризасига кура; 3. суд тамонидан муомалага лаёқатсиз деб топилган эр ёки хотиннинг васийси аризасига кура никохдан ажралиш холати юз беради. Никохдан ажралиш эр-хотин уртасидаги хукукий муносабатларни келажак вакт учун тугатишга асос булади. Никохдан ажралиш ва никохни хакикий эмас деб топиш бир-биридан фарк килади. Амалдаги Оила Кодекси никохдан ажратишнинг икки тартибини белгилайди: Узбекистон Республикаси Оила кодекси. Тошкент-1998 й. Адолат. - суд тартиби буйича; - конун хужжатларида курсатилган асосларда фукаролик холати далолатномаларини ёзиш идораларида. Никохдан ажратиш тугрисидаги ишлар суд тамонидан Узбекистон Республикаси Оила ва Фукаролик-процессуал кодексларида даъво ишларини хал килиш учун белгиланган тартибда курилади. Никохдан ажралиш тугрисидаги даъво эр-хотин яшаб турган жойдаги туман (шахар) судида кузгатилади. Агар эр – хотин бошқа – бошқа жойда яшаса, даъво жавобгар эр ёки хотин турган жойдаги халқ судида қўзғатилади,

агар уларнинг турар жойи номаълум бўлса, никоҳдан ажралиш тўғрисидаги ариза жавобгарнинг охирги яшаб турган жойидаги судга топширилади. Никохдан ажралиш тугрисидаги аризада никохдан ажралиш учун асос курсатилиши лозим. Ажралишни келтириб чикарган сабаблар батафсил курсатилади. Ариза бериш билан бир вактда давлат божи туланиши керак. Никохдан ажралиш ишлари очик суд мажлисида курилади. Ажралиш тугрисидаги иш эр-хотиннинг аризасига мувофик, зарур хилларда суднинг ажримига асосан ёпик суд мажлисида курилиши мумкин. Хотиннинг ҳомиладорлик вақтида ва бола туғилганидан кейин бир йил мобайнида эр хотиннинг розилигисиз никоҳдан ажратиш тўғрисида иш қўзғатишга ҳақли эмас. Никохдан ажратиш тартиби ва асослари Никоҳдан ажратиш тўғрисидаги ишлар суд томонидан Ўзбекистон Республикаси Фуқаролик – процессуал кодексида даъво ишларини ҳал қилиш учун белгиланган тартибда кўриб чиқилади. Суд ишнинг кўрилишини кейинга қолдириб, эр – хотинга ярашиш учун олти ойгача муҳлат тайинлашга ҳақли. Никохдан ажралиш ишларини куришда суд уз фаолиятини эр-хотинни яраштиришга ва оилавий вазиатни соғломлаштириш чораларини куришга каратади. Суд яраштириш учун берилган муддатда, эр-хотинни яраштитиш максадида улар яшаб турган жойдаги уз-узини бошкариш органларига, махалла оксоколлари кенгашига, хотин-кизлар кумиталарига уларни яраштириш чораларини куришни тавсия этиб, ажрим нусхаларини юбориши мумкин. Ишни куриш бошка вактга колдираётганда, бериладиган мухлат эр- хотиннинг узаро муносабатларини ва уларнинг яшаб кетиш имкониятларини хисобга олган холда белгиланиши лозим.

Оилани саклаб колиш манфаати юзасидан, суд ишни куришни иккинчи марта колдиришга ва эр-хотиннинг ярашиши учун конунда курсатилган олти ойлик мухлатни яна кайта белгилаши мумкин. Ярашиш учун мухлат бериш хакидаги ажрим, иш холатлари текширилгандан кейин ва судга мурожаат килишга олиб келган хакикий асослар аникланганидан кейин чикарилади. Суд эр-хотиннинг ажрими тугрисидаги ишларини курганида ажралишнинг хакикий сабабларини аниклаш, узининг бутун фаолиятини, оилани саклаб колишга ва уни мустахкамлашга, оналик ва болалик манфаатларини химоя килишга каратилган чора ва тадбирларни куриши лозим. Суд амалиётини урганиш натижасида шу нарса маълум булдики, эр ва хотин никохдан ажралиши учун куйидаги асосларни курсатади: - эр-хотиндан бирининг доимий спиртли ичимликлар истеъмол килиши; - оиладаги жанжаллар; - эр-хотинлик муносабатига хиёнат килиш; - фарзандсизлик; - оилавий ишларга кариндошларнинг аралашуви; - узок муддат бирга яшамаслик; - эр-хотиндан бирининг касаллиги; Агар эр ёки хотин тамонидан келтирилган асослар етарли булмаса, у холда судлар никохдан ажралиш даъвосини рад этиш тугрисида хал килув карорини чикаради. Куйидаги холларда суд никохдан ажратиш ишларини суд тартибида куради. - эр-хотиндан бири никохдан ажралишга рози булмаса; - улар уртасида вояга етмаган, умумий болалари булиб, уларни кимда колдириш ва таъминоти учун алимент ундириш тугрисида низо булса;

- эр-хотин уртасида мкехнатга лаёкатсиз, мухтож эр ёки хотинга алимент ундириш ва унинг микдори хакида масала булса; - биргаликда топилган умумий мулкни булиш буйича низо вужудга келган булса; Вояга етмаган болалари булмаган эр-хотин никохдан ажралишга узаро рози булсалар, улар никохдан фукаролик холати далолатномаларини кайд этиш органларида ажратилади. Демак, куйидаги асосларга кура никохдан фукаролик холати далолатномаларини кайд этиш идораларида ажратилади: 1. эр-хотиннинг хар иккаласининг розилиги; 2. эр-хотиннинг фарзандлари йуклиги; 3. вояга етмаган, умумий болаларнинг йуклиги; 4. мулкий низо булмаганида: Эр-хотиндан бирининг аризасига кура фукаролик холати далолатномаларини кайд этиш органларида никохдан ажратиш асослари куйидагилар булиши мумкин: 1. эр-хотиндан бирининг бедарак йуколган деб топилиши; 2. эр-хотиндан бири суд томонидан муомалага лаёкатсиз деб топилганида; 3. содир килган жинояти учун уч йилдан кам булмаган муддатга озодликдан махрум килинган булса: Уч йилдан кам муддатга озодликдан махрум килишга хукм килинган шахслар билан никохдан ажралиш хакидаги ишлар, судловга тегишлилиги буйича, умумий коидаларга риоя килинган холда курилишини судлар алохида назарда тутади. Агар суд эр ва хотиннинг бундан буён биргаликдаги яшашига ва оилани сақлаб қолишга имконият йўқ деб топса, уларни никоҳдан ажратади. Амалдаги конунчилик она хамда болаларнинг соглигини химоя килиш максадида эрга хотиннинг хомиладорлик вактида ва бола тугилганидан кейин бир йил мобайнида никохдан ажралиш тугрисида хотиннинг розилигисиз иш кузгатишни таъкиклайди.

Узбекистон Республикаси Олий Пленумининг 1998 йил 11 сентябрдаги «Судлар томонидан никохдан ажратиш хакидаги ишларни куришда конунларни куллаш амалиёти тугрисида» ги карорида курсатилишича «Боланинг отаси кайд этилмаган холларда хам эр бола тугилганидан кейин бир йил мобайнида хотинининг розилигисиз никохдан ажралиш тугрисида даъво кузгатишга хакли эмас, …» Никохдан ажралиш тугрисидаги ишни кузгатиш учун хотиннинг розилиги булмаса, суд даъво аризасини кабул килишни рад этади, агар ариза кабул килинган булса, иш юргизишни тугатади. Чунки асосий максад она ва боланинг соломатлигини мухофаза килиш. Хотин хомиладорлик вактида ёки бола бир ёшга тулгунча никохдан ажралиш учун куйидагилар асос булади: 1. эр ва хотиннинг биргаликда ёзган аризаси; 2. хотин эрнинг даъво аризасига рози булиши; 3. аризанинг хотин томонидан берилиши. Никохдан ажратиш тўғрисида хал килув карорини чикариш вактида суд томонидан хал этиладиган масалалар Никохдан ажратиш тугрисида хал килув карори чикариш вактида суд томонидан хал этиладиган масалалар Узбекистон Республикасининг Оила кодексининг 44 - моддасида ва Узбекистон Республикаси Оила кодексига шархларда шу моддага берилган шархларда куйидагича белгиланади 1. Никохдан суд тартибида ажратилаётганда эр ва хотин вояга етмаган болалари ким билан яшаши, болаларга ва мехнатга лаёкатсиз, ёрдамга мухтож эр 1. Узбекистон Республикаси Оила кодексига шархлар. Тошкент 2000 й. Адолат 91-92 бет.

ёки хотинга таъминот бериш учун маблаг тулаш тартиби, бу маблагнинг микдори ёхуд эр-хотиннинг умумий мол-мулкини булишга доир келишувни куриб чикиш учун судга такдим килишлари мумкин. Юкорида келтирилган масалалар буйича эр ва хотин уртасида келишув булмаган такдирда, шунингдек ушбу келишув болалар ёки эр-хотиндан бирининг манфаатларига зид эканлиги аникланган такдирда суд: - никохдан ажратилгандан кейин вояга етмаган болалар ота-онасининг кайси бири билан яшашини аниклаши; - вояга етмаган болаларга таъминот бериш учун ота-онанинг кайси биридан ва канча микдорда алимент ундирилишини аниклаш; - эр ва хотиннинг талабига кура уларнинг биргаликдаги мулки булган мол-мулкни аниклаш; - эр (хотин) дан таъминот олишга хакли булган хотин (эр) нинг талабига кура,анна шу таъминот микдорини белгилаш шарт. Мол-мулкни булиш учун учинчи шахсларнинг манфаатига дахлдор булган холларда суд мол-мулкни булиш талабини алохида иш юритиш учун ажратади. Никоҳдан ажратиш тўғрисидаги иш кўриб чиқилаётганида тўйни ўтказишга кетган сарф – харажатларни ундириш ҳақидаги талаблар қаноатлантирилмайди. Вояга етмаган болалар ота – онасининг қайси бири билан яшаши, уларнинг қайси биридан ва қанча миқдорда алимент ундириш масалаларини ҳал қилишда суд биринчи навбатда болалар манфаатини ҳисобга олиши керак. Вояга етмаган болалар учун ундириладиган алимент миқдори суд томонидан қонунда белгиланган ҳажмда ота – онанинг ҳар ойдаги иш ҳақи ва (ёки) бошқа даромадларидан ҳисса баробарида ундирилади. Эр – хотиннинг умумий мол – мулкини бўлишда суд эр ва хотиннинг ҳар бирига мулкнинг қайси қисми берилиши лозимлигини аниқлайди.

Ёрдамга муҳтож, меҳнатга лаёқатсиз эр ёки хотинга алимент тўлаш ҳажми ва шартлари суд томонидан белгиланади. Бу масалани суд фақат меҳнатга лаёқатсиз эр ёки хотиннинг талаби бўйича кўради. Суд никохдан ажратиш хакида хал килув карорини чикариш пайтида никохдан ажратиш тугрисидаги хал килув кароридан нусха берилаётганда эр- хотиннинг хар иккаласидан ундиришни лозим деб топса, улардан хар бири тулайдиган бож микдорини белгилайди. Агар суд бу божни эр – хотиннинг ҳар иккаласидан ундришни лозим деб топса, уларнинг ҳар бири тўлайдиган бож миқдорини белгилайди. Бундай пайтда, суд уларнинг ҳар бирининг моддий аҳволини, оиланинг барбод бўлишидаги айби даражасини ва бошқа муайян ҳолатларни инобатга олади. Никохга кириш вактида уз фамилиясини узгартирган эр (хотин) никохдан ажратилгандан кейин хам шу фамилияда колишга хакли, ёки унинг хохишига кура суд томонидан никохдан ажратиш тугрисидаги карор чикарилаётганда унга никохгача булган фамилияси кайтарилиши мумкин. Фамилияга бўлган ҳуқуқ эр ва хотиннинг шахсий ҳуқуқи бўлиб, уни ўзгартириш фақат фамилия эгасининг ихтиёри билан амалга оширилади. Агар никоҳдан ажратиш, масаласи ФХДЁ органи томонидан ҳал қилинаётган бўлса, эр – хотиннинг аризасига мувофиқ, фамилияни ўзгартириш масаласи ҳам ФХДЁ органи томонидан ҳал қилинади. Никохдан ажратилганда никохнинг тугатилиш вакти Оила кодексининг 47- моддаси билан белгиланади. Никохдан фукаролик холати далолатномаларини кайд этиш органларида ажратилганда фукаролик холати далолатномаларини кайд этиш органида никохдан суда ажратилганда эса, суднинг хал килув карори конуний кучга кирган кундан бошлаб никох тугатилади. Никохдан ажратиш тугрисидаги суднинг конуний кучга кирган хал килув карори нусхаси никохдан ажратилганлик тугрисидаги гувохномага тенглаштирилади.

Хал килув кароридан нусха беришда давлат божи ундирилади, паспортга ёки шахсни тасдикловчи бошка хужжатга никохдан ажратилганлик тугрисидаги белги куйилади, яъни штамп куйилади. Бунда никохдан ажралиш кайси ФХДЁ органи томонидан качон амалга оширилганлиги курсатилади. Никохдан ажратиш тугрисидаги суднинг хал килув карори конуний кучга кирган кундан бошлаб 10 кун ичда суд никох тузилганлиги руйхатга олинган жойдаги фукаролик холати далолатномаларини кайд этиш органига ушбу карордан кучирма юборилиши шарт. Қонунда, никоҳдан ажратилганда никоҳнинг тугатилиш вақтини аниқ белгилаш муҳим юридик аҳамиятга эга, чунки бу билан эр – хотин ўртасидаги ҳар хил муносабатларнинг тугалланганлиги ёки бундай муносабатларнинг жиддий ўзгарганлиги ёхуд янги муносабатлар вужудга келганлиги, масалан, никоҳдан ажратиш факти туфайли собиқ эр (хотин)нинг қонуний манфаатлари билан боғлиқ ҳуқуқларни ҳимоя қилиш ва бошқалар вужудга келганлигини билдиради. Суд томонидан вафот этган деб эълон қилинган ёки бедарак йўыолган деб топилган эр (хотин) қайтиб келган ва тегишли суд қарорлари бекор қилинган ҳолларда никоҳ эр – хотиннинг биргаликдаги аризасига кўра фуқаролик ҳолати далолатномаларини қайд этиш органи томонидан тикланиши мумкин. Агар эр (хотин) янги никохга кирган бўлса никоҳга кирган бўлса никоҳни тиклаш мумкин эмас. Ушбу кодекснинг 37 – моддасига биноан, эр – хотин икковидан бирин вафот этган деб эълон қилиш оқибатида никоҳ тугайди. Вафот этган ёки бедарак йўқолган деб топилган шахсни қайтиб келишлиги туфайли келиб чиқадиган ҳуқуыий оқибатларни тартибга солишга бағишланади. Вафот этган ёки бедарак йўқолган шахс келиб қолганида ёки унинг яшаб турган жойи аниқланганида суд вафот этган ёки бедарак йўқолган деб топиш тўғрисидаги ҳал қилув қарорини бекор қилади. Суднинг бу янги

қарорига асосан, никоҳ эр–хотиннинг биргаликдаги аризасига кўра фуқаролик ҳолати далолатномаларини қайд этиш органи томонидан тикланиши мумкин. Фуқаронинг суд томонидан вафот этган ёки бедарак йўқолган деб топиш тартиби фуқаролик қонунлари билан белгиланади. (ФКнинг 33-36 моддалари) . Никоҳ эр – хотиннинг фақат биргаликда берган аризасига кўра тикланиши мумкин. Бунинг учун эр (хотин) қайтиб келган ёки унинг яшаб турган жойи аниқланган бўлиши керак. Бундай ҳолда суднинг аввалги қарорини бекор қилувчи янги суд қарори қабул қилиниши талаб этилади. Ушбу қоиданинг киритилишига сабаб, аввалги қоидаги мувофиқ кўп вақт юандан сўнг никоҳнинг бехосдан тикланиши, иккинчи тараф эр ёки хотинни мушкул аҳволга солиб қўярди. Янги қонунга биноан никоҳни тиклаш учун иккинчи тарафнинг розилиги бўлиши талаб қилинади. Агар эр (хотин) янги никоҳга кирган бўлса, аввалги никоҳни тиклаш мумкин эмас. Агар эр (хотин) янги никоҳга кирган бўлмаса никоҳ эр – хотиннинг биргаликдаги аризасига асосан ФХДЁ органи томонидан тикланади.

Адабиётлар: 1. Узбекистон Республикаси Конституциясига шархлар. 2. Саидов А, Таджиханов У, Одилкориев Х. «Давлат ва хукук» Т.,"Узбекистон", 2000 йил. 5. Ниёзов. Т. Оила тарихи ва ҳуқуқи. Тошкент – 2006. “Адолат” 6. Узбекистон Республикаси оила кодексига шархлар. Т., 2000 йил.

O'xshashlar

Мажбуриятларнинг бажарилишини таъминлаш. Мажбуриятларнт бузганлик учун жавобгарлик. Мажбуриятларнинг бекор бўлиши

Меҳнат шартномасини бекор қилиш ( Мехнат шартномасини бекор килиш

Меҳнат шартномасини бекор қилиш

Ўлим жазосини бекор қилиш босқичлари

Ўлим жазосини бекор қилиш – суд-ҳуқуқ ( Улим жазосини бекор килиш суд хукук ислохатлари натижаси