Mulkiy xususiyatga ega bo’lmagan nizolar bo’yicha ijro hujjatlarini ijro etish - Huquqshunoslik - Referatlar

Mulkiy xususiyatga ega bo’lmagan nizolar bo’yicha ijro hujjatlarini ijro etish

Yuklangan vaqt:

28.10.2023

Ko'chirishlar soni:

0

Hajmi:

38.4169921875 KB

Ko'chirib olish

Mulkiy xususiyatga ega bo’lmagan nizolar bo’yicha ijro hujjatlarini ijro etish Reja: 1. Qarzdorga muayyan harakatlarni amalga oshirish yoki ularni amalga oshirishdan o’zini tiyish majburiyatini yuklovchi ijro hujjatlarini ijro etishning umumiy shartlari. 2. Ishga tiklash,qarzdorni ko’chirish, imoratni buzib tashlash,yer uchastkasini olib qo’yish va o’tkazish. 3.Undiruvchini ko’chirib kiritish to’g’risidagi ijro hujjatini ijro etish to’g’risida talabalarda tasavvurni hosil qilish va ko’nikmalarni shakllantirish

2.Ma’ruzaning asosiy masalalari: Sud hujjatlari va boshqa organlar hujjatlarini ijro etish to’g’risida”gi Qonunning 71 - moddasi 1 qismiga muvofiq sud ijrochisi qarzdorga muayyan harakatlarni amalga oshirish yoki ularni amalga oshirishdan o’zini tiyish majburiyatini yuklovchi ijro hujjati bo’yicha ijro ishi yuritishni qo’zg’atayotganda ularni ixtiyoriy ravishda ijro etish uchun unga besh kunlik muddat belgilaydi. Bunda ikki holatni nazarda tutish kerak: birinchidan, sud ijrochisi mulkiy xususiyatlarga ega bo’lmagan ijro hujjatlari bo’yicha ijro ishi yuritishni qo’zg’atish to’g’risida qaror chiqarishda ijro hujjatining o’zida uni ijro etish muddatlari ko’rsatilmagan hollardagina uni ixtiyoriy ravishda ijro etish uchun besh kunlik muddat belgilaydi; ikkinchidan, mulkiy xususiyatlarga ega bo’lmagan ijro hujjatlari bo’yicha ijro ishi yuritishni qo’zg’atish to’g’risidagi qarorda qarzdorga ijro hujjati talablari ixtiyoriy ijro etish uchun belgilangan muddatda ijro etilmagan taqdirda qarzdordan ijro yig’imi (jismoniy shaxslardan – eng kam ish haqining besh barobari, yuridik shaxslardan esa – eng kam ish haqining o’n barobari miqdorida) undirilishi tushuntirilishi kerak. Ishga tiklanganda ish beruvchiga xodimga yetkazilgan zararni qoplash majburiyati yuklatiladi. Zararni qoplash: - majburiy progul vaqti uchun haq to’lash shartligidan (Mehnat kodeksining 275-moddasi); - mehnat shartnomasi bekor qilinganligi yoki xodim boshqa ishga o’tkazilganligi ustidan shikoyat qilish bilan bog’liq qo’shimcha xarajatlar (mutaxassislardan maslahatolish, ish yuritish uchun ketgan xarajatlar va boshqalar) uchun kompensatsiya to’lashdan; - ma’naviy zarar uchun kompensatsiya to’lashdan iboratdir. Ma’naviy zarar uchun to’lanadigan kompensatsiyaning miqdori ish beruvchining xatti-harakatiga berilgan bahoni hisobga olib, sud tomonidan belgilanadi, lekin bu miqdor xodimning oylik ish haqidan kam bo’lishi mumkin emas.

Qarzdorni ko’chirish to’g’risidagi ijro hujjatini ijro etish bir qator xususiyatlarga ega. “Sud hujjatlari va boshqa organlar hujjatlarini ijro etish to’g’risida”gi Qonunda belgilangan umumiy qoidalarga ko’ra sud ijrochisi qarzdorni ko’chirish to’g’risidagi ijro hujjati yuzasidan ijro ishi yuritishni qo’zg’atish to’g’risida qaror chiqaradi va qarorda ijro hujjati talablarini ixtiyoriy ravishda bajarish uchun ijro ish yuritish qo’zg’atilgan kundan boshlab ko’pi bilan 5 kun muddat belgilaydi hamda qarzdorni ijro hujjati talablarini ixtiyoriy bajarmaganlik uchun javobgarlik haqida ogohlantiradi. Ko’chirish to’g’risidagi ijro hujjati talablari qarzdor tomonidan sud ijrochisi belgilangan muddatda, ya’ni 5 kun ichida uzrsiz sabablar bilan bajarilmagan taqdirda sud ijrochisi qarzdorga “Sud hujjatlari va boshqa organlar hujjatlarini ijro etish to’g’risida”gi Qonunning 82 - moddasiga muvofiq, O’zbekiston Respublikasining Ma’muriy javobgarlik to’g’risidagi Kodeksining 198-1 – moddasiga asosan jarima soladi. Shundan so’ng sud ijrochisi qarzdorni ko’chirish to’g’risidagi ijro hujjatini majburiy ijro etish kuni va vaqtini belgilaydi hamda bu haqida qarzdorga xabar beradi. Ko’chirish to’g’risidagi ijro hujjatini ijro etishda qarzdorning ishtiroki majburiy bo’lmaganligi tufayli, ko’chirish vaqti haqida xabardor qilingan qarzdorning kelmasligi ijro hujjatini ijro etishlik uchun to’siq bo’la olmaydi. Bunday hollarda qarzdorni ko’chirish to’g’risidagi ijro hujjatini ijro etish undiruvchi tomonidan ijroni ta’minlash uchun kiritilgan bo’nak mablag’lari hisobiga amalga oshiriladi va ijro harajatlari qarzdordan undirib olinadi. Ko’chirish ijro hujjatida ko’rsatilgan xonani ko’chiriluvchidan, uning mol- mulkidan, uy hayvonlaridan bo’shatishdan va ko’chiriluvchining bo’shatilgan xonadan foydalanishini man qilishdan iborat bo’ladi. Agarda sud tomonidan berilgan ijro hujjatida ko’chirilayotgan qarzdorni uy joy bilan ta’minlash majburiyati yuklangan shaxs ko’rsatilgan bo’lsa, ijro hujjati bo’yicha qarzdorni ko’chirish u uy joy bilan ta’minlanganidan so’ng amalga oshiriladi.

Jismoniy shaxslar Yer kodeksi va boshqa qonun hujjatlariga muvofiq meros qilib qoldiriladigan umrbod egalik qilish, doimiy foydalanish, muddatli (vaqtincha) foydalanish, ijaraga olish va mulk huquqi asosida yer uchastkalariga ega bo’lishlari mumkin. Yuridik va jismoniy shaxslarning yer uchastkalariga bo’lgan mulk huquqi savdo va xizmat ko’rsatish sohasi obyektlari ular joylashgan yer uchastkalari bilan birga xususiylashtirilganda qonun hujjatlarida belgilangan tartibda vujudga keladi. O’zbekiston Respublikasi Yer kodeksining 37-moddasiga ko’rayer uchastkasi yoki uning bir qismi davlat va jamoat ehtiyojlari uchun yer egasining roziligi bilan yoki yerdan foydalanuvchi va ijarachi bilan kelishilgan holda tegishincha tuman, shahar, viloyat hokimining qaroriga yoxud O’zbekiston Respublikasi Vazirlar Mahkamasining qaroriga binoan olib qo’yiladi. Yer egasi, yerdan foydalanuvchi va ijarachi yer uchastkasini olib qo’yish haqidagi tegishincha tuman, shahar, viloyat hokimining qaroriga yoki O’zbekiston Respublikasi Vazirlar Mahkamasining qaroriga rozi bo’lmagan taqdirda, bu qarorlar ustidan sudga shikoyat qilinishi mumkin. 3.Seminar savollari: 1. Undiruvni qarzdorning ish haqi va unga tenglashtirilgan to’lovlarga qaratish. 2. Undiruv qaratilishi mumkin bo’lmagan summalar 3. Undiruvni jazoni o’tayotgan qarzdorning ish haqiga qaratish 4. Alimentlar va aliment majburiyatlari bo’yicha qarzlarni undirish tartibi 5. Qarzdorga muayyan harakatlarni amalga oshirish yoki ularni amalga oshirishdan o’zini tiyish majburiyatini yuklovchi ijro hujjatlarini ijro etishning umumiyshartlari 6. Ishga tiklash to’g’risidagi ijro hujjatini ijro etish 7. Qarzdorni ko’chirish to’g’risidagi ijro hujjatini ijro etish 8. Imoratni buzib tashlash to’g’risidagi ijro hujjatini ijro etish 9. Yer uchastkasini olib qo’yish va o’tkazish to’g’risidagi ijro hujjatini ijro etish

10. Undiruvchini ko’chirib kiritish to’g’risidagi ijro hujjatini ijro etish 3.Mustaqil tayyorlanish uchun masalalar: Vazifa №1 Sud ijrochisi Aliyev ijro harakatlarini amalga oshirish vaqtida undiruvni qarzdorning “Neksiya” rusumli avtouloviga nisbatan qaratib, bu mulkka nisbatan band qo’ydi. Garovga oluvchi Hasanov (“Neksiya ” avtoulovini garovga olgan shaxs) sud ijrochisi Aliyev harakatlariga e’tiroz bildirib, qarzdor Boqiyevning boshqa mol-mulkiga nisbatan band qo’yishini iltimos qildi. Qaysi paytda undiruv qarzdorning garovga qo’yilgan mol-mulkiga qaratilishi mumkin? Vazifa №2 “Interagro” OAJ foydasiga Toshkent shahar xo’jalik sudining hal qiluv qarori bilan “Proton” OAJdan 10 million so’m undirish belgilangan. “Interagro” OAJ qarzdor joylashgan hududidagi sud ijrochisiga murojaat qilib, sud qarorini majburiy ijro etib berishini so’radi. Sud ijrochisining keyingi harakatlarini aytib bering.

Vazifa №3 Tadbirkor Inomovning foydasiga xo’jalik sudining hal qiluv qaroriga asosan berilgan ijro hujjati bo’yicha “Sayxun” OAJdan 6000000 so’m undirish uchun Inomov OAJ “Sayxun” ning joylashgan hududidagi sud ijrochisiga murojaat qilib, sud qarorini majburiy ijro etib berishini so’radi. Sud ijrochisi ijroga topshirish muddati o’tganligi uchun ijro ishini qo’zg’atishni rad etdi. Sud ijrochisining faoliyati qonuniymi? Vazifa №4 Uchtepa tuman sud ijrochilari bo’limi sud ijrochisi Valiyev, Toshkent shahar xo’jalik sudining 2011 yil 13 martdagi 12-1001/06-sonli qarzdor “Sayohat” korxonasidan undiruvchi “Testil-orom MCHJ foydasiga 2550000 so’m undirish to’g’risidagi ijro hujjati yuzasidan ijro ishi qo’zg’atdi. Ijroni ta’minlash jarayonida qarzdorning Ipotekabankda hisob raqami mavjudligini aniqlandi. Sud ijrochisining keyingi harakatlarini aytib bering. Vazifa №5 Sud ijrochisi jinoyat ishlari bo’yicha Chilonzor tuman sudining qarzdor Valiyevadan undiruvchi Yuldashev foydasiga 1500000 so’m miqdordagi jarimani undirish haqidagi bergan ijro xujjati bo’yicha ijro ishi ko’zg’atdi. Ijro xujjati talabini bajarish uchun 5 kun muddat berdi, Muddat o’tishi bilan sud ijrochisi majburiy ijroni ta’minlash uchun undiruvni qarzdor Valiyevaning bola tug’ilganlik munosabati bilan oladigan nafaqa summalariga nisbatan qaratdi. Sud ijrochisining harakatlari qonuniymi? Undiruv qanday summalarga qaratilishi mumkin emas ?

Vazifa № 6 Fuqarolikishlari bo’yicha Uchtepa tumanlararo sudining qarzdor Asqarovdan undiruvchi Boltayev foydasiga 450000 so’m miqdordagi qarzni undirish haqidagi bergan ijro xujjati bo’yicha sud ijrochisi ijro ishi ko’zg’atdi. Ixtiyoriy ijro uchun besh kun muddat berdi, muddat o’tishi bilan sud ijrochisi majburiy ijroni ta’minlash uchun undiruvni qarzdor Asqarovning xizmat safariga yuborilganligi munosabati bilan to’lanadigan summalariga nisbatan qaratdi. Sud ijrochisining harakatlari qonuniymi? Vazifa №7 Sud ijrochisi qarzdorAliyevdan undiruvchi Ismailov foydasiga 850000 so’m undirish haqidagi bergan ijro hujjati bo’yicha ijro ishi qo’zg’atdi. Ijro harakatlarini ixtiyoriy amalga oshirish uchun 5 kun muddat berib, o’z vaqtida to’lamaslik oqibatlarini tushuntirdi. Belgilangan muddat o’tishi bilan sud ijrochisi majburiy ijroni ta’minlash uchun undiruvni qarzdorning va uning karamog’idagilarning kiyim–kechak va uyjihoziga nisbatan qaratdi. Sud ijrochisining harakatlari qonuniymi? Vazifa №8 Undiruvchi Botirovning foydasiga fuqarolik ishlari bo’yicha Uchtepa tumanlararo sudining qarzdor Yuldashevdan 12000000 so’m qarzni undirib berish to’g’risidagi ijro xujjati yuzasidan sud ijrochisi ijro ishi qo’zg’atdi. Mazkur ish yuzasidan qarzdor Yuldashevga tegishli 2003 yilda ishlab chiqarilgan Neksiya rusumli sozholatdagi avtomashina xatlanib, 15500000 so’mga baholanib, birja orqali kim oshdi savdosiga qo’yildi, lekin qayta o’tgan kim oshdi savdosida ham mol-mulk realizatsiya qilinmadi. Masalaning yechimini toping.

7.Mustaqil o’qish uchun adabiyotlar 1.Ижро иши юритишга оид норматив-ҳуқуқий ҳужжатлар ва ички буйруқлар тўплами. Т., Адолат, 2010, 464 -бет. 2. М.Қ. Ўразалиев. Ижро иши юритиш. Ўқув қўлланма. Т., ТДЮИ, 2011,369- бет. 3.Д. Ҳабибуллаев. Суд қарорлари ижроси муаммо ва ечим. “Ҳуқуқ ва бурч”. Т., 2009, № 10, 36-38-бет. 4. М.Ҳ. Рустамбоев, У. А. Тухташева. Суд ва ҳуқуқни муҳофаза қилувчи органлар.Дарслик. Т., ILM ZIYO, 2011, 304- бет. 5.Б.Юсупов. Суд ҳужжатини ижро этмаганлик учун жиноий жавобгарлик муаммолари. Юрид.фан.номз.илм.даражасини олиш учун ёзилган дисс.автореф. Т., 2011, 26-бет. 6.Б.Юсупов. Суд ҳужжатини ижро этмаганлик учун жиноий жавобгарлик муаммолари.Монография. Т.,2011,173-бет.

Adabiyotlar 1. Ijro ishi yuritishga oid normativ-huquqiy hujjatlar va ichki buyruqlar to‘plami. T., Adolat. 2010, 464 -bet. 2. M.Q. O‘razaliyev. Ijro ishi yuritish. O‘quv qo‘llanma. T., TDYUI, 2011,369- bet. 3. D. Habibullayev. Sud qarorlari ijrosi muammo va yechim. “Huquqvaburch”. T., 2009, № 10, 36-38-bet. 4. M.H. Rustamboyev , U.A.Tuxtasheva . Sud va huquqni muhofaza qiluvchi organlar.Darslik. T., ILM ZIY, 2011, 304- bet. 5. B.Yusupov. Sud hujjatini ijro etmaganlik uchun jinoiy javobgarlik muammolari. Yurid.fan.nomz.ilm.darajasini olish uchun yozilgan diss.avtoref. T., 2011, 26-bet. 6. B.Yusupov. Sud hujjatini ijro etmaganlik uchun jinoiy javobgarlik muammolari.Monografiya. T.,2011,173-bet.

O'xshashlar

Qarzdorning ish haqi va unga tenglashtirilgan to’lovlarga nisbatan undiruv. Mulkiy xususiyatga ega bo’lmagan nizolar bo’yicha ijro hujjatlarini ijro etish

Jazoni ijro etish muassasalarida rejim

Jazoni ijro etish muassasalarida rejim

Ijro hujjatini ijro etmaganlik uchun javobgarlik

Boshqa jinoiy-huquqiy ta’sir choralarini ijro etish