Хукукий тарбия тушунчаси - Huquqshunoslik - Referatlar

Хукукий тарбия тушунчаси

Yuklangan vaqt:

20.09.2019

Ko'chirishlar soni:

0

Hajmi:

48 KB

Ko'chirib olish

Хукукий тарбия тушунчаси Режа: 1. Хуқуқий тарбия методика курсининг аҳамияти. 2. Хуқуқий тарбия- умумий тарбиянинг ажралмас қисми. 3. Хуқуқий тарбия тушунчаси.

Ўзбекистон Республикаси Конституциясининг Муқаддимасида халқимизнинг асосий мақсадларидан бири инсонпарвар, демократик, ҳуқуқий давлат барпо қилиш деб кўрсатилган. Хуқуқий давлат қуриш учун эса шу давлат пойдеворини яратувчилар ҳуқуқий жиҳатдан билимли, тарбияли, онгли бўлишлари керак. конун-қоидаларни биладиган, уларга риоя қиладиган, жамият ишларини бажаришда маданий савияси юқори бўлган шахсларни шакллантириш борасида ҳуқуқий тарбия алоҳида ўрин эгаллайди. Хуқуқий тарбия эса умумий тарбиянинг ажралмас қисми бўлиб, инсонни жамиятда ўрнатилган қонун-қоидаларга риоя этиш, уларни ҳурмат қилишга чорлайди. Хуқуқий тарбияга алоҳида эътибор бериб, юртбошимиз И.А.Каримов, Иқтисодий, сиёсий ва энг аввало ҳуқуқий маконга тегишлича босқичма-босқич таъминланиб борилмас экан, инсоннинг барча ҳуқуқлари- давлат ишларини юритишда қатнашиши, эътиқод эркинлиги, йиғилишлар, уюшмалар эркинлиги ва шу каби ҳуқуқлар ҳавода муаллақ бўлиб қолаверади, деб таъкидлаши бежиз эмас. Хуқуқий давлатни барпо этишда қатнашувчи шахс: ҳуқуқ ва эркинликларинигина билиб қолмасдан, демократиянинг туб маъносини англаши лозим. Чунки демократия ҳуқуқий давлатнинг таркибий қисмидир. Хуқуқий давлат инсон шахсини энг олий қадрият сифатида эътироф этишга ва тўла-тўкис қабул қилишга асосланган яхлит амал қилувчи тизимидир. Бу тизимни билиш, унинг асосларига риоя этишда, ҳар бир шахснинг ҳуқуқий саводхонлигини ошириш - давр талабидир.

Хуқуқий тарбиянинг дастлабки босқичи аслида боғчада, мактабда бошланади. Лекин тарбия берувчи шахс унинг методини, йўлларини билмаса, тўғри тарбия бера олмайди. Хуқуқий тарбия методикасини тизимлаштириш ва янада такомиллаштириш ҳозирда педагоглар олдида турган муҳим вазифалардан биридир. Хуқуқий тарбияни кенг ва тор маънода кўриш мумкин. Кенг маънода бутун жамоанинг, кўрчиликнинг онгига таъсир кўрсатишга қаратилган тарбия, тор маънода эса алоҳида шахсга, унинг онгига таъсир этиш йўллари тушунилади. Хуқуқий тарбия натижасида кенг омма ёки айрим шахс ўз хатти-ҳаракатининг қонуний эканлигини тушунса, ҳуқуқий тартиботни бузмасликка ҳаракат қилса, ўзини онгли равишда, ҳуқуқ нормаларига риоя этган ҳолда бошқара олса, мақсадга эришилган бўлиб ҳисобланади. Демак, ҳуқуқий тарбия бу - ташкилий равишда мунтазам олиб бориладиган, аниқ мақсадни кўзлаган ва шахсга (гуруҳ, шахсларга) таъсир қиладиган, уларга ҳуқуқий онг, ҳуқуқий билим, қонунларга риоя этиш хислатларини вужудга келтирадиган ҳаракатдир. Маълумки, қонунга риоя қилиш учун, энг аввало уни билиш керак. Хуқуқий тарбия орқали ҳар бир шахснинг онгига, нима қилмоқ мумкин, нима қилмоқ мумкин эмаслигини, жамият, давлат ундан нимани талаб қилади, қонунга риоя этиш йўллари нимадан иборат эканлиги етказмоқ лозим. Тартиб бузувчилар орасида ўз хатти-ҳаракатини ноқонунийлигини англамаслик, ноқонуний экан деб ҳам ўйламаслик ва бундай ҳаракатни жазога лойиқ эмас деб тушуниш

кўп учрайди. Шундай тушунча ҳосил бўлмаслиги учун тарбия жараёнида ҳар бир жамоада ўрнатилган тартибни бузиш, қонун нормаларига риоя этмаслик натижасида интизомий, маъмурий, моддий ёки жиноий жазо келиб чиқишини тушунтириш, уқтириш зарур. Шахс ва жамият ўртасида вужудга келадиган муносабатларнинг жамият ривожланиш принципларига мос бўлиши шахс фаолиятининг йўналтириб турувчи ҳаётий позицияга боғлиқ. Хаётий позиция эса тарбия жараёнида шаклланади. Шу сабабдан ибтидоий жамоа тузуми давридаёқ шахс тарбиясини жамият ўз назоратига олган ва бу вазифани бажаришни энг доно кишиларга топширган.

АДАБИЁТЛАР 1. Ўзбекистон Республикаси Конституцияси. Т.,2001. 2. И.А.КАримов. “Ўзбекистон: миллий истиқлол, иқтисод, сиёсат, мафкура”. Т.1 – Т.: “Ўзбекистон” 1996 3. И.А.Каримов. “Жамиятимиз мафкураси халқни – халқ, миллатни – миллат қилишга хизмат этсин”. Т.: “Ўзбекистон”, 1998 4. Ўзбекистон XXI асрга интилмоқда. Т.: “Ўзбекистон”, 2000 5. www.ziyonet.uz

O'xshashlar

Фукаролик хукуки-тушунчаси. Фукаролик-хукукий муносабатлар

Таълим турларида боскичли хукукий таълим-тарбия

Тадбиркорлик фаолияти тушунчаси, тамойиллари, иктисодий ва хукукий манбалари

Молиявий-хукукий меёрлар ва молиявий хукукий муносабатлар

Ер хукукий муносабатлар