Harbiy xizmatchilarga nisbatan xizmat bo`yicha cheklash, qamoq va intizomiy qismga jo`natish tariqasidagi jazolarni ijro etish - Huquqshunoslik - Referatlar

Harbiy xizmatchilarga nisbatan xizmat bo`yicha cheklash, qamoq va intizomiy qismga jo`natish tariqasidagi jazolarni ijro etish

Yuklangan vaqt:

20.09.2019

Ko'chirishlar soni:

0

Hajmi:

45 KB

Ko'chirib olish

Harbiy xizmatchilarga nisbatan xizmat bo`yicha cheklash, qamoq va intizomiy qismga jo`natish tariqasidagi jazolarni ijro etish REJA : 1. Xizmat bo`yicha cheklash tariqasidagi jazoni ijro etish tartibi va shartlari. 2. Qamoq jazosini ijro etish tartibi va shartlari 3. Intizomiy qismga jo`natish tartibi va shartlari

Xizmat bo`yicha cheklash tariqasida jazoni ijro etish tushunchasi va tartibi. Xizmat bo`yicha cheklash tariqasidagi jazolarni ijro etish bo`yicha harbiy qism komandiri (boshliq)ning vazifalari. Xizmat bo`yicha cheklash tariqasidagi jazoni o`tash muddatini hisoblash. Xizmat bo`yicha cheklash jazosida mahkumning huquqiy holatlari, bu jazoda mahkumning huquqiy holatlari, bu jazoda pul ta`minotidan chegirib qolish. Xizmat bo`yicha cheklash jazosiga hukm qilingan mahkum bilan olib boriladigan tarbiyaviy ishlar. Mahkumning xizmat vazifasini o`zgartirish tartibi. Xizmat bo`yicha cheklash tariqasidagi jazo ijrosini tugatish. Harbiy xizmatdan bo`shatilganda jazoni almashtirish. qamoq tariqasidagi jazoni ijro etish. qamoq tariqasidagi jazoni ijro etish tushunchasi va tartibi. qamoq tariqasidagi jazoga hukm qilingan mahkumlarning huquqiy holatlari. qamoq tariqasidagi jazoga hukm etilgan mahkumlarni saqlash joylari. Intizomiy qismga jo`natish tariqasidagi jazoni ijro etish tartibi va shartlari. Intizomiy qismda jazoni o`tayotgan mahkumlarning moddiy-maishiy ta`minoti va ularga tibbiy xizmat ko`rsatish tartiblari. Mahkumlarning uchrashuvlari, posilka, yo`qlov, banderol, pul jo`natmalarini olish, jo`natish va xat jo`natmalari tartiblari. Intizomiy qismda jazoni o`tayotgan mahkumlarning mehnati, uni tartibga solish, ish haqi va mahkumlarning ta`tillari. Intizomiy qismdagi mahkumlarning tarbiyasi va ta`limi. Intizomiy qismdagi mahkumlarni rag`batlantirish va jazo choralari turlari hamda ularni qo`llash tartibi. Intizomiy qismda jazo o`tash vaqtini hisobga olish. Xizmat bo`yicha cheklash ofitserlar tarkibiga kiruvchi harbiy xizmatchi, praporshchik, minchman va harbiy xizmatni kontrak bo`yicha o`tayotgan harbiy xizmatchini sud hukmida ko`rsatilgan muddat davomida muayyan huquq va imtiyozlardan mahrum qilib, pul ta`minlovchining 10 foizidan 30 foizigacha bo`lgan miqdorni davlat daromadi hisobiga ushlab qolishdan iboratdir. Xizmat bo`yicha cheklash jazo chorasi 2 oydan 3 yilgacha muddatga qo`llaniladi. Ijtimoiy xavfi katta bo`lmagan jinoyat yoki og`ir oqibatlarni keltirib chiqarmagan ehtiyotsizlik orqasida sodir etilgan jinoyat uchun sud ish holatlari va mahkumning shaxsini inobatga olgan holda 3 yildan ko`p bo`lmagan muddatga ozodlikdan mahrum qilish, qamoq yoki ahloq tuzatish ishlari jazosi o`rniga shu muddatga xizmat bo`yicha cheklash jazosini qo`llashi mumkin.

Xizmat bo`yicha cheklash tariqasidagi jazoni o`tash muddati davomida mahkumning mansabini, harbiy yoki maxsus unvonni oshirish mumkin emas, jazoni o`tagan vaqt esa, uning ko`p yilik ishlaganlik, navbatdagi harbiy yoki maxsus unvon hamda pensiya olish uchun asos bo`ladigan xizmat muddatiga qo`shilmaydi. Xizmat bo`yicha cheklash tariqasidagi jazo ijrosini mahkum harbiy xizmatni o`tayotgan joydagi komandir (boshliq) amalga oshiradi. Komandir sud hukmi nusxasini va farmoyishini olganidan keyin uch kun ichida quyidagilarni ko`rsatgan holda buyriq chiqaradi: 1. Mahkum harbiy xizmatchini lavozim va harbiy unvonda ko`tarishga taqdim etmaslik asosi va muddati; 2. Harbiy xizmatchiga navbatdagi harbiy unvon berish hamda pensiya tayinlash uchun uning xizmat muddatiga qo`shib hisoblanmaydigan vaqt; 3. Mahkumning buyrug`i, mahkum harbiy xizmatchi etiboriga o`tkaziladi va uning shaxsiy hujjatlar yig`majildiga hukm nusxasi bilan birgalikda qo`shib qo`yiladi. 1) Komandir hukm ijro etilganligi haqida hukm chiqargan sudga 3 kunlik muddat ichida xabar beradi. 2) Xizmat bo`yicha cheklash tariqasidagi jazoni o`tash muddati hukmni ijro etish to`g`risida buyruq chiqarilgan kundan boshlab hisoblanadi. 3) Boshqa jinoyat sodir etganligi munosabati bilan mahkum harbiy xizmatchi ishlab turilgan vaqt jazoni o`tash muddatiga qo`shilmaydi. 4) Xizmat bo`yicha cheklash tariqasidagi jazo muddati mobaynida mahkum harbiy xizmatchining lavozimi va harbiy unvoni oshirilishi mumkin emas. 5) Komandir qaroriga binoan mahkum harbiy qism doirasida yoki boshqa qismga ko`chirilgan holda boshqa teng lavozimga o`tkazilishi mumkin. 6) Xizmat bo`yicha cheklash muddati tugashidan kamida uch kun oldin komandir jazo ijrosi tugatiladigan sanani ko`rsatib buyruq chiqaradi. Buyruq nusxasi hukm chiqargan sudga yuboriladi. 7) qamoq jazosiga hukm qilingan harbiy xizmatchilar jazoni garnizon gauptvaxtasida o`taydilar. 8) Ofitserlar, kontrak asosida xizmatni o`tayotgan harbiy xizmatchilar va muddatli xizmat harbiy xizmatchilari bir biridan alohida saqlanadi. 9) Intizomiy qismga jo`natish – muddatli harbiy xizmatchilarni sud tomonidan belgilangan muddant mobaynida ichki tartibi ancha qattiq bo`lgan maxsus harbiy qismga joylashtirish orqali, muayyan huquq va imtiyozlardan mahrum etishdir. Ijtimoiy qismga jo`natish jazosi 3 oydan 1 yilgacha muddatga qo`llaniladi. Sud ish

holatlari va mahkumning shaxsini hisobga olgan holda 3 yildan ko`p bo`lmagan muddatga ozodlikdan mahrum qilish jazosi o`rniga shu muddatga intizomiy qismga jo`natish jazosini qo`llashi mumkin. 10) Intizomiy qismga jo`natish tariqasidagi jazo O`zbekiston Respublikasi Mudofaa Vazirligining shunga maxsus mo`ljallangan harbiy qismlari tomonidan ijro etiladi. Jazoni intizomiy qismida o`tash davrida barcha mahkumlar harbiy unvonlari, lavozimlari va avvalgi xizmatlari xususiyatidan qaotiy nazar soldatlar holatida bo`ladilar, hamda belgilangan ko`rinishdagi kiyimda yuradilar va tafovut belgilarini taqadilar. 11) Mahkumlarni oziq-ovqat,ust-bosh va boshqa narsalar bilan ta`minlash, ularga hizmat ko`rsatish harbiy ustavlar talablariga muvofiq muddatli xizmat harbiy xizmatchilariuchun belgilangan norma asosida amalga oshiriladi. 12) Kasalxona sharoitida tibbiy yordam olishga muhtoj mahkumlar, davolanish uchun soqchi nazorati ostida gospitlga jo`natiladi va maxsus jihozlangan palatalarda saqlanadi. 13) Mahukmlarning qarindoshlari va boshqa shaxslar bilan qisqa muddatli uchrashuvi oyda bir marta 4 soatgacha bo`lgan muddatda beriladi. Bunday uchrashuvlar ishda bo`sh vaqtda, maxsus jihozlangan xonada, intizomiy qism vakili kuzatuvi ostida o`tkaziladi. 14) Mahkumlarning yaqin qarindoshlari bilan uzoq muddatli uchrashuvlari yiliga 3 marta 3 sutkagacha bo`lgan muddatda beriladi. 15) Bunday uchrashuvlar intizomiy qismning maxsus jihozlangan binosida yoki qism komandirining ruxsati bilan intizomiy qism hududidan tashqarida o`tkaziladi. Uzoq muddatli uchrashuv vaqtida mahkumlar ishdan va mashg`ulotlaridan ozod qilinadi. 16) Mahkumning iltimosiga ko`ra uchrashuv telefon orqali so`zlashuv bilan almashtirilishi mumkin. 17) Intizomiy qismda mahkumlar har oyda bitta posilka yoki yo`qlov va cheklanmagan miqdorda bandirol olish huquqiga ega. 18) O`z nomiga kelgan posilka, yo`qlov va bandirollarni mahkumni o`zi intizomiy qism vakili nazorati ostida ochadi. 19) Foydalanish taqiqlangan narsalar va buyumlar belgilangan tartibda olib qo`yiladi. 20) Mahkumlar nomiga kelgan pullar ularni shaxsiy hisob varag`iga o`tkazilib, bu holda ularga xabar qilinadi. Intizomiy qismda mahkumlar cheklanmagan miqdorda xat va telegrammalar olishi hamda jo`natishi mumkin.

21) O`z nomiga kelgan xatlar mahxkumlarni o`zi vakil nazorati ostida ochadi. Mahkumlar jo`natadigan xatlarni ochish taqiqlanadi. 22) Harbiy xizmatchilarga alohida hollar (yaqin qarindoshining vafoti) munosabati bilan borish – kelish uchun ketadigan vaqtni hisobga olmaganda, intizomiy qism doirasidan chetga chiqish huquqini beradigan qisqa muddatli – 7 sutkagacha taotil berilishi mumkin. 23) Intizomiy qismda mahkumlarga quyidagi rag`batlantirish choralari qo`llaniladi. 24) tashakkur eolon qilish; 25) ilgari qo`llanilgan intizomiy jazo chorasini olib tashlash; 26) qo`shimcha ravishda bir marta uchrashuv yoki telefon orqali so`zlashuv huquqini berish. 27) Yaxshi hulq atvori hamda mehnatga va harbiy xizmatga vijdonan munosabati uchun mahkumlar, sud tomonidan tayinlangan jazo muddatining kamida uchdan bir qismini o`taganlaridan so`ng, intizomiy qism komandirining buyrug`i bilan ahloqan tuzalayotganlar qatoriga qo`shiladi. 28) Ahloqa tuzalayotganlar qatoriga qo`shilgan mahkumlar jazo muddatining kamida yarmini o`taganlaridan keyin qonunda belgilangan tartibda jazodan muddatidan oldin shartli ozod qilishga taqdim etiladi. 29) Intizomiy qismda mahkumlarga quyidagi intizomiy jazo choralari qo`llaniladi: 30) xayfsan 31) qattiq xayfsan 32) navbatdan tashqari beshtagacha naryadga tayinlash 33) 15 sutkaga qadar gauptvaxtaga joylashtirish 34) ahloqan tuzalayotganlar qatoridan chiqarish.

ADABIYOTLAR 1. Jinoyat-ijroiya huquqi. Darslik. Mualliflar jamoasi. Mas`ul muharrir- yu.f.n., dots. B.J.Axrorov. –T.: O`qituvchi, 2002. – 208b. 2. Jinoyat-ijroiya kodeksiga sharhlar. Rustamboyev M.H., Axrarov B.J. va boshqalar. Ma`sul muharrir: yu.f.d., prof. M.H.Rustamboyev. – T.: TDYUI, 2007. – 574 b. 3. Kommentariy k Ispravitelno-trudovomu kodeksu Respubliki Uzbekistan. –T.: Uzbekistan, 1997.- 345s. 4. Abduxaliqov M.A., Payzullayev Q., Abduqodirov Sh.Y. Jinoyat -ijroiya huquqi (albom sxemalar). –T.: TDYUI, 2005. – 142 b. 5. Kurs ugolovnogo prava Respubliki Uzbekistan Tom-1 obshaya chast ucheniye o prestuplenii.uchebnik. M.X. Rustamboyev. - T.:TDYUI, 2009.- 526 st. 6. Kurs ugolovnogo prava Respubliki Uzbekistan Tom-2 obshaya chast ucheniye o nakazanii. uchebnik. M.X. Rustamboyev. - T.:TDYUI, 2009.-394 st. 7. Kurs ugolovnogo prava Respubliki Uzbekistan Tom-3 osobennaya chast. uchebnik. M.X. Rustamboyev. - T.:TDYUI, 2009.-423 st. 8. Kurs ugolovnogo prava Respubliki Uzbekistan Tom-4 osobennaya chast. uchebnik. M.X. Rustamboyev. - T.:TDYUI, 2009.-513 st. 9. Kurs ugolovnogo prava Respubliki Uzbekistan Tom-5 osobennaya chast. uchebnik. M.X. Rustamboyev. - T.:TDYUI, 2009.-401 st.

O'xshashlar

Jazo tizimi tushunchasi va turlari

Sud-huquq islohotlarini rivojlantirishda jinoiy jazo tizimining o'rni

Jinoyat-ijroiya huquqiga binoan mahkumlar huquqiy holati

Jarima, muayyan huquqdan mahrum qilish, axloq tuzatish ishlari

Jarima, muayyan huquqdan mahrum qilish va ahloq tuzatish ishlari va qamoq tariqasidagi jazolarni ijro etish